காத்திருக்கவும்
காத்திருக்கவும்

கருத்துக்கணிப்பு

பிறந்தநாள்

add your birhtday

கடைசி 15 கருத்துரைகள்

3 நூர் முஹம்மத் :
ஆயுளை கூறும் ரத்த பரிசோதனை.
1 த.தனகோபால்:
60வது பிறந்தநாள் விழா அழைப்பிதழ் சிவானந்தம்.
2 அன்டன் மனோகரன் :
நினைவு நன்கொடை அமரர் தம்பித்துரை தவராஜசிங்கம்.
21 mabel hernandez:
புதிய ஜனாதிபதி மைத்திரிபால இன்று பதவியேற்பு.
1 பலெர்மோ / தமிழ் கிறுக்கன் :
பிறந்தநாள் விழா அழைப்பிதழ்: அக்ஷனா & அக்ஷஜென் மதிவண்ணன்.
8 செங்கோட்டுவேல்:
பத்ம பூஷன் விருதை ஏற்க மறுக்கும் ஜானகி.
10 தீபம் :
கண்களினோரம் கண்ணீர் வருகுதே - சுதாகரன்.
4 மனோகரன் man:
மரண அறிவித்தல்: அம்பலவாணர் மீனாம்பாள்.
1 karn:
பாகுபலி சண்டைப்பயிற்ச்சியாளர் தெறியில் பணியாற்றல்.
4 நா.சிவாஸ்:
கந்தஷஷ்டி இறுதிநாள் இன்று.
5 சச்சி:
மரண அறிவித்தல்: திருமதி சிதம்பரேஸ்வரி.
16 அன்டன் மன்றன் :
கைத்தொழில் ஒன்றை கற்றிடுவோம் - நற்குனேஷ்வரன்.
2 ஐரோப்பா அயப்பன்:
பரிஸ் தாக்குதல் விவகாரத்தில் 24 சந்தேக நபர்கள் கைது.
4 அன்டன் manoharan:
தீபாவளி கொண்டாடும் காரணம்.
1 பவுல் :
கடைசியில் ஜெயிக்கும் நல்லவன்.

சகோதர இணையங்கள்


Facebook

விளம்பரங்கள்

செய்திகள்

சிம்பு கார்த்தி மோதல்.

சிம்பு நயன்தாரா நடிப்பில் தயாராகியிருக்கும் இதுநம்மஆளு படத்தின் பாடல்கள் பிப்ரவரி 3ஆம் நாள் வெளியானது. படத்தை பிப்ரவரி 14 காதலர்தினத்தன்று வெளியிட முதலில் திட்டமிட்டதாகச் சொல்லப்பட்டது. தற்போது படத்தை மார்ச் 25 ஆம் தேதி வெளியிடத் திட்டமிட்டுக் கொண்டிருப்பதாகச் சொல்லப்படுகிறது. படத்தில் இன்னும் இரண்டுபாடல்களைப் படமாக்கவேண்டும் என்பதற்காக டி.ராஜேந்தர் முயன்று கொண்டிருப்பதாகச் சொல்கிறார்கள். அது தொடர்பான வேலைகள் நடந்துகொண்டிருக்கின்றன. எப்படியும் பாடல்களைப் படமாக்கி மார்ச் 25 இல் படத்தை வெளியிட்டுவிடுவார்கள் என்று சொல்லப்படுகிறது. அதேதேதியில் கார்த்தி, நாகார்ஜூனா, தமன்னா உட்பட பலர் நடித்திருக்கும் தோழா படத்தையும் வெளியிட முடிவுசெய்திருக்கிறார்கள். தமிழ் மற்றும் தெலுங்கு ஆகிய இரண்டு மொழிகளில் வெளியாகவிருப்பதால் சொன்ன தேதியில் அந்தப்படம் வெளியாகிவிடும் என்கிறார்கள். தமிழகத்தைப் பொறுத்தவரை சிம்பு படம் வருகிற அதேநாளில் கார்த்தி படமும் வெளிவருவதால் நடிகர்சங்கத்தேர்தலுக்குப் பிறகு மீண்டும் சிம்புவும் கார்த்தியும் மோதும் வாய்ப்பு உருவாகியிருக்கிறதென்று பேசிக்கொண்டிருக்கிறார்கள்.

மேலும் படிக்கவும் மறுமொழி இல்லை சுதர்சன் 13-02-2016

சுதந்திரக்கட்சியில் ராஜபக்ச தொடரும் எண்ணம்?

ஸ்ரீலங்கா சுதந்திரக்கட்சிக்குள் குழப்பத்தை ஏற்படுத்தும் அக்கட்சியின் நாடாளுமன்ற உறுப்பினர்கள் தொடர்பில் தீர்மானம் ஒன்றறை எட்டுவதற்கான கட்சியின் மத்தியக் குழுக் கூட்டம் கொழும்பில் இன்று கூடுகிறது. சுதந்திரக்கட்சியின் தலைவரான ஜனாதிபதி மைத்திரிபால சிறிசேன தலைமையில் நடக்கவுள்ள இந்த கூட்டத்தில், கட்சிக்குள் குழப்பத்தை ஏற்படுத்துபவர்கள் தொடர்பிலும், மறுசீரமைப்பு பற்றியும் ஆராயப்படவுள்ளதாக தெரிவருகிறது. இதனிடையே முன்னாள் ஜனாதிபதி மஹிந்த ராஜபக்ச தனது அரசியல்சார்ந்த நடவடிக்கைகளுக்கான அலுவலகம் ஒன்றை இன்று பத்தரமுல்லையில் திறந்து வைத்தார். இந்த அரசியல் அலுவலக திறப்பு வைபவத்தில் மஹிந்த ஆதரவாளர்களான நாடாளுமன்ற உறுப்பினர்கள் உட்பட பலர் கலந்துக்கொண்டனர். ஸ்ரீலங்கா சுதந்திரக்கட்சிக்குள் பிளவு ஏற்படலாம் என தகவல்கள் வெளியாகியுள்ள பின்னணியில் கட்சியின் மத்தியக்குழு கூட்டம் நடக்கின்றமை குறிப்பிடத்தக்கதாகும்.

மேலும் படிக்கவும் மறுமொழி இல்லை சுதர்சன் 13-02-2016

கனடிய இளையர்களிடையே அதிகரிக்கும் போதைப்பொருள் பாவனை.

கனடிய இளைஞர்களிடைய போதைப்பொருள் பாவனை அதிகரித்துள்ளதாக மனித உரிமைகள் அமைப்பொன்று கவலை வெளியிட்டுள்ளது.தமது பெயரினை வெளியிட விரும்பாத அமைப்பு ஒன்று அண்மையில் வெளியிட்டுள்ள அறிக்கை ஒன்றிலேயே இவ்வாறு கவலை வெளியிட்டுள்ளது.   இதன்போது வெளியிடப்பட்டுள்ள அந்த அறிக்கையில், கனடாவில் தற்போது இளம் வயதினரிடையே போதைப்பொருள் பாவiனை அதிகரித்துள்ளதாக தெரிவிக்கப்படுகின்றது.குறிப்பாக பாடசாலை செல்லும் மாணவர்களிடையே போதைப்பொருள் பாவனை அதிகரித்துள்ளதாகவும் இதன் மூலம் அவர்களின் எதிர்காலம் கேள்விக்குறியாகியுள்ளதாகவும் குறிப்பிடப்படுகின்றது.   மேலும், போதைப்பொருட்கள் மாணவர்களுக்கு இலகுவில் கிடைக்கும் வகையில் பூங்காக்களிலும், பாடசாலைக்கு அருகாமையில் விற்பனை செய்யப்பட்டு வருவதாகவும் தெரிவிக்கப்பட்டுள்ளது.   இவ்வாறான செயற்பாடுகள் தொடர்ந்தும் முன்னெடுக்கப்படும் பட்சத்தில் கனடாவில் எதிர்கால சந்ததியினரின் எதிர்காலம் கேள்விக்குறியாக உள்ளதாகவும் குறிப்பிடப்படுகின்றது.  

மேலும் படிக்கவும் மறுமொழி இல்லை சுதர்சன் 13-02-2016

விநோதமான செய்திகள்

எம்மவர் ஆக்கங்கள்

பிள்ளைகள் வளர்ச்சியில் பெற்றோர் - மனுவேந்தன்.

பிள்ளைகளின் வளர்ச்சியில் பெற்றோரின் பங்களிப்பு தொடர்பாக எமது சமுதாயத்தைப் பற்றி அதிகம் அலட்டிக்கொள்ளத் தேவையில்லை என்றே நான் நான் என் இளமைக்காலம்,அதுவும் ஊரில் வாழ்ந்த காலம்  வரையில் எண்ணிக்கொண்டிருந்தேன்.ஏனெனில் எமது தமிழ்ப் பெற்றோர்கள் என்றும் தம் பிள்ளைகளின் உடல்,கல்வி சம்பந்தமான விடயங்களில் ஏனைய சமுதாயங்களை விட, மிகவும் என்பதனைவிட அதிகம் கவனம் செலுத்துபவர்களாக வாழும் பழக்கம் உடையவர்களாக காணப்படுகிறார்கள் என்பது பெருமைக்குரிய விடயம்தான்.   இருந்தாலும்,  அன்றும், இன்றும் [புலம்பெயர்ந்து வளர்ந்த நாடுகளில் வாழ்வோர்கூட]பிள்ளைகளின் சில விடயங்களில் பெற்றோரின் அளவுக்கு அதிக கவனங்கள், பிள்ளைகளின் வளர்ச்சிக்கு  தடங்கலாக நடந்து கொள்வது அவதானிக்கக் கூடிய ஒன்றாகவே இருக்கிறது.அவையாவன:   1.குழந்தைகள் பேச ஆரம்பித்தும்,அவர்கள் காணும் காட்சிகளினை  வைத்து கேட்கும் கேள்விகள் கொஞ்சம் துடுக்குத்தனமாகவே இருக்கும்.அதற்கு உங்கள் பதில் புத்திசாலித்தனமாகவும்,பிள்ளையின் அறிவினை வளர்க்கக் கூடியதாகவும் இருக்கவேண்டும்.   -ஆனால் எமது பெற்றோர்கள் என்ன கேள்வியிது என பிள்ளையின் வாயை மூடும் அளவிற்கு அதட்டி,உரப்பி அப்பிள்ளையின் வாய்க்கு  மட்டுமல்ல அப்பிள்ளையின் சுயசிந்தனை  வளர்ச்சிக்கும் சேர்த்துப்பூட்டுப் போட்டுவிடுகிறார்கள்.   2.வளர்ந்துவிட்ட தொழில்நுட்ப உலகில் பிள்ளைகளுக்கு தேவையான சாதனங்களைமட்டும் குறிப்பிட்ட காலத்திற் கொருதடவை வாங்கிக் கொடுங்கள்.   -ஆனால் எமது பெற்றோர் ஒரு ”game’புதிதாக வருகிறது எனில் பிள்ளை கேட்கமுதலே அதனை வாங்கிவந்து அதன் பொறுமையினை பூச்சியமாக்கிக் கொள்வர்.   3.பிள்ளைகளின் சுட்டித்தனங்களின்போது அவற்றினை பொறுத்துக்கொள்ள ப்பழகுங்கள்.   ஆனால் எமது பெற்றோர்கள் பிள்ளைகள் ஏறினாலும் ,குற்றம், இறங்கினாலும் குற்றம் கூறி பய உணர்வுகளையும்,கூச்ச உணர்வுகளையும் பிள்ளையிடம் வளர்த்துவிடுகிரார்கள்.   4.ஆரம்பக் கல்விக்காக ஆரம்பிக்கும் பிள்ளைகளுக்கான [அநேகமாக அருகில் அமைந்திருக்கும்]  பாடசாலைக்கு பிள்ளைகளை அழைத்துச் செல்லும்போது, பிள்ளைகளை சுதந்திரமாக நடந்துசெல்ல அனுமதியுங்கள். இங்கே பிள்ளைகள் நடந்து செல்கின்றபோழுது  பாதையில் சுய கவனத்தினை கற்றுக் கொள்ள முடிகிறது.   -ஆனால் எமது பெற்றோர்கள் பிள்ளைகளை ஒருகையில் கெட்டியாகப் பிடித்துக் கொண்டு குடுகுடு வென்று இழுத்துக்கொண்டு பாடசாலை செல்வதன் மூலம் பிள்ளைகளின் கவனக்குறைவுக்கு காரணமாகிறார்கள். 5.கல்விக்கான வீட்டு வேலைகளோ,அல்லது அவர்களுடைய அன்றாட கடமைகளிலும் தேவைக்கு அதிகமாகத் தலையிடுவதனை தவிர்ப்பதன் மூலம்  பிள்ளைகளினது பிரச்சைனகளுக்கான தீர்வை தானாக கண்டுபிடிக்கும்  அல்லது துணிந்து முடிவெடுக்கும் திறமையினை பிள்ளைகள் பெற்றுவிடுகிறார்கள்.   -ஆனால் எமது பெற்றோர்கள் பிள்ளைகளின் மேற்படி விடயங்களில் அதிக தலையீடுகளையே கொண்டுள்ளார்கள்.   6.ஆரம்பக் கல்விக் காலத்திலேயே அவர்களின் புத்தகப் பையையும் அவர்களே சுமந்துகொண்டு செல்லப் பழக விடுங்கள்.இதன்மூலம் பிள்ளைகளிடம் அவர்களுக்கென்றும் சில சொந்த சுமைகள் என்ற பொறுப்புணர்வு சிறுவயதினிலேயே உருவாக வழி கொடுங்கள்.   -ஆனால் எமது பெற்றோர்கள் மறுகையில் பிள்ளையின் புத்தகப்பையினை தாங்கிச் செல்வதன்மூலம்,பிள்ளைக்கு எல்லாக் காலத்திலும், எல்லாத்தேவைகளுக்கும் ஒரு எடுபிடி தேவை என்பதினை நெஞ்சில் விதைத்து விடுகிறார்கள்.இப்பழக்கம் பெற்றோரின் வயதுபோன காலத்திலும் பிள்ளையினால்  பேணப்படும்போது பெற்றோர் மனம்நோக வேண்டிவரும்.   7.பிள்ளைகள் பரீட்சையில் எடுக்கும் புள்ளிகள் குறித்து அவர்களைப் பாராட்டி இன்னும் முயற்சிபன்ணினால் அடுத்தமுறை இன்னும் கூடப் புள்ளிகள் எடுக்கலாம் எண்டு  ஊக்குவியுங்கள்.   -ஆனால் எமது பெற்றோர்கள் பரீட்சையில் பிள்ளை 99 எடுத்தாலும் ஏன் 100 எடுக்கவில்லை என்று கடிந்து பிள்ளைக்கு ஏமாற்றத்தினை வழங்குகிறார்கள்.   8 பல்கலைக்கழகம் நுழைவதற்கான கல்வி தெரிவு செய்யும் விடயத்தை பிள்ளையின் கையிலே விட்டுவிடுங்கள்.வளர்ந்த நாடுகளில் அதனைத் தெரிவுசெய்ய அவர்களுக்குதவியாக அவர்கள் கற்கும் பாடசாலையிலேயே இதற்கென வழிகாட்டி ஆசிரியர்கள் சேவைசெய்ய முழுமனதுடன் காத்திருக்கிறார்கள்.   -ஆனால்பிள்ளையின் கல்வி தெரிவுசெய்யும் களத்திலேயே  எமது பெற்றோர்கள் குதித்துடுவர்.அம்மா ‘டொக்டர்’ என அப்பா ‘என்ஜினியர் ‘என வீடே போர்க்களமாக, இனியும் படிக்கவேணுமோ என்றே  சிந்திக்குமளவுக்கு பிள்ளை நிலை வந்துவிடும்.   மேலும்,இங்கே நான் அவதானித்துள்ளேன்.பிள்ளைகள் தமிழ் வகுப்புக்களுக்கு காரில் அழைத்து வரும் பெற்றோர்கள் காரை அங்கு நிறுத்தியதும் இறங்கி ஓடிவந்து கதவைத்திறந்து ஒருகையினால்  பிள்ளையின் கையினைப்  பிடித்து இறக்கிக்கொண்டு,மறுகையினால் பிள்ளையின் புத்தகப் பையினை எடுத்துக் காவிக்கொண்டும் செல்வர்.   இச்செயலெல்லாம் ஏன்?   அத்துடன்,கடன்காரர்களாக புலம்பெயர்ந்து கால்பதித்த நாங்கள் வந்த காலத்திலிருந்து அடிப்படைவேதனத்தில் வேலைபார்த்து அக்கடனையும் கடந்து பிள்ளைகளின் கல்வியினையும் கடந்து வசதியுடன் வாழ்கிறோ மெனில்,இங்கேயே கல்விமுடித்து,எம்மைவிட அதிக வேதனத்தில் தொழில் செய்து வாழப்போகும் இப்பிள்ளைகள் எப்படிவாழமுடியும் என்பதனை நாம் குறிப்பிட்டுச் சொல்லத்தேவையில்லை.ஆனால் அன்றுபோல் இன்றும்  பல பெற்றோர்கள் பிள்ளைகளுக்கு சொத்துக்கள் சேர்ப்பதற்காக மிகவும் சிரமப்பட்டுஅடிப்படைவேதனத்தில் பல தொழில்கொண்டு வாங்கின வீட்டிலும் வாழாது அலைவது, பிள்ளைகள் மத்தியில் விசனத்தினையே ஏற்படுத்தி வருகிறது.இவ்விடத்திலும் பிள்ளைகளை சோம்பேறிகளாக்கவும்,அவர்களுக்கும் தமக்கும் இடையில் ஒரு இடைவெளியினை உருவாக்கவே  பெற்றோர்கள் சிரமப்பட்டுகொண்டு இருக்கிறார்கள் என்பதே உண்மை.   பிள்ளைகளின் அனைத்து திறமைகளும் ஒருங்கிணைந்த வளர்ச்சிக்கு பெற்றோர்கள் செய்யவேண்டியவை.   1.உற்சாகப்படுத்தல்.   2.தன்னம்பிக்கை ஊட்டுதல்.   3.பொறுமையை வளர்த்தல்.   4.பலவகை சூழல்களில் அவர்களை ஈடுபடச் செய்து தீர்வு காணல்.   5.அவர்களுடைய சுயமரியாதைக்கு.. மதிப்பளித்தல்.   6.அவர்களுடன் கலந்துரையாடல்.   7.நல்ல நண்பர்கள் தொடர்பாக பாராட்டுதல்.   8.திறமைகளுக்குப் பரிசளித்தல்.   9.அவர்களுக்குரிய செயல்களில் சுதந்திரமாகச் செயல்பட அனுமதித்தல்.என்பனவாம்.   பெற்றோரிடம் என்றும் பிள்ளைகளின்மேல்  உள்ள அன்பு அளவிடமுடியாததுதான்.அதற்காக தம் திறமைகளிலும் முயற்சியிலும் பிள்ளைகள் நொண்டியாக அந்த அன்பு காரணமாகிவிடக் கூடாது என்பதே இக்கட்டுரையின் நோக்கம். எண்ணம்:செல்லத்துரை,மனுவேந்தன்.     மனுவேந்தன் செல்லத்துரை - கனடா.  

மேலும் படிக்கவும் மறுமொழி இல்லை சுதர்சன் 11-11-2015

சமூகம்

உடலுறவுக்கு உதவும் யோகாசனங்கள்.

சிலவகை யோகாவை தொடர்ந்து செய்து வந்தால், மன அழுத்தம் குறைந்து, உடலில் ரத்த ஓட்டம் சீர் பெற்று உடல் வலிமையுடன் மனதில் உற்சாகம் ஏற்படும் என்றும் அது உடலுறவு சிறப்பாக அமைய துணைபுரியும் என்றும் கூறப்படுகிறது.   இதன் மூலம் உடலுறவில் ஈடுபடும் போதும் நல்ல பலனைத் தரும் என்று கூறப்படுகிறது. அதன்படி, சவாசனம் மற்றும் வஜ்ராசனம் ஆகியவை பெரிதும் துணைபுரியும் என்று கூறப்படுகிறது.   சாவாசனம் என்பது, உயிரற்ற உடல் எவ்வாறு சலனமின்றி இருக்குமோ அதைப் போல படுத்து, பார்வைகளை மேல் நோக்கி இருக்கமாறு அமைத்தலாகும்.   இந்த நிலையில், மூன்று நிமிடங்கள் வரை இருந்த பின்னர் பாதங்களை வலது இடதாக அசைத்து பின்னர் எழ வேண்டும். இந்த ஆசனம் செய்வதால் மன அழுத்தம நீங்கும்.   வஜ்ரம் என்றால் உறுதி என்று பொருள் எனவே வஜ்ராசனம் செய்தால் உடல் பலம் பெரும். அதன்படி, முதலில் இரண்டு கால்களையும் பின்புறமாக மடக்கி உட்காரவேண்டும்.   நமது பின்புறங்கள் இரண்டு கால்களின் மேல் இருக்குமாறு அமர வேண்டும். இடது காலின் கட்ட விரலில் வலது காலின் கட்ட விரலை வைத்து அமர வேண்டும். இதே நிலையில் 10 நிமிடம் முதல் 15 நிமிடங்கள் இருக்க வேண்டும்.   இவ்வாறு இரண்டு யோகாசனங்களை செய்வதால், மனஅழுத்தம் குறைந்து உடல் உறுதி பெறும்.    இதன் மூலம் உடலுறவில் ஈடுபடுபவர்களுக்கு பெரும் சவாலாக இருப்பதாக கூறப்படும் மனஅழுத்தம் குறைந்து உடலுறவு சிறப்பாக அமையும் என்று கூறப்படுகிறது.

மேலும் படிக்கவும் மறுமொழி இல்லை சுதர்சன் 03-02-2016

சிறுவர்கள்

ஆன்மீகம்

மார்கழியில் பிறந்தோர் குணாதிசயங்கள்.

நீங்கள் பிறந்த மாதத்தை வைத்து பொதுவான தங்கள் குணாதிசயங்களை கீழே படித்து தெரிந்துகொள்ளவும். தமிழ் மாதம் என்பது ஆங்கில மாதத்தின் நடுப்பகுதியில் ஆரம்பமாகும். உதாரணமாக தமிழ் தை மாதம் என்பது ஆங்கிலத்தில் ஜனவரி 15க்கும் பெப்பிரவரி 15க்கும் இடைப்பட்ட காலப்பகுதியாகும்.   தை – (ஜனவரி 15 – பெப்பிரவரி 15) | மாசி – (பெப்பிரவரி 15 – மார்ச் 15) | பங்குனி – (மார்ச் 15 – ஏப்ரல் 15) | சித்திரை -(ஏப்ரல் 15 – மே 15) | வைகாசி – (மே 15 – யூன் 15)| ஆனி – (யூன் 15 – யூலை 15) | ஆடி – (யூலை 15 – ஆகஸ்ட் 15) | ஆவணி – (ஆகஸ்ட் 15 – செப்டெம்பர் 15) | புரட்டாசி – (செப்டெம்பர் 15 – அக்டோபர் 15)| ஐப்பசி – (அக்டோபர் 15 – நவம்பர் 15) | கார்த்திகை – (நவம்பர் 15 – டிசம்பர் 15) | மார்களி – (டிசம்பர் 15 – ஜனவரி 15)   குளிர்ந்த மாதமான மார்கழியில் பிறந்தவர்கள் எந்த விஷயத்திலும் தனித்தன்மையுடன் இருக்க வேண்டும் என விரும்புபவர்கள். ஒரு காரியத்தை துவங்கினால் அதை முடிக்காமல் தூங்க மாட்டார்கள். இவர்களுக்கு அரசியல், ஆன்மிகம், தத்துவம், அரசு பணிகளில் நிர்வாகம் போன்ற உயர்பணிகள் ஏற்றவை. இதில் ஈடுபட்டால் இவர்களால் செல்வத்தை குவிக்கமுடியும். ஆடம்பரத்தில் இவர்கள் விருப்பம் கொண்டவர்கள். சம்பாத்தியம் குறைவாக இருந்தாலும் அதிகமாக செலவழிக்க வேண்டும் என விரும்புவார்கள். இதன் காரணமாக இவர்கள் வாழ்க்கையின் பின்பகுதியில் சிரமப்படுவார்கள். எனவே இவர்கள் இந்த குணத்தை மாற்றிக்கொண்டு எதிர்காலத்தைப் பற்றி யோசித்து நடந்து கொள்ள வேண்டும். இவர்கள் ஒரு சைக்கிளில் சென்றால்கூட வேகமாக செல்லவேண்டும் என்ற எண்ணம் கொண்டவர்கள். அதே நேரம் பெரிய பிரச்னைகளை சந்திக்க நேர்ந்தால் அப்படியே இடிந்து போவார்கள். இந்த நேரத்தில் இறைவனை வணங்கி அமைதியாக இருக்க கற்றுக்கொள்ள வேண்டும். சிறந்த எழுத்தாளர்களாகவும் இவர்கள் இருக்க வாய்ப்பு இருக்கிறது. இவர்கள் முக்கியமான எதைப்பற்றியாவது எழுதினால் அது உலகின் தலைவிதியையே மாற்றும் தன்மை கொண்டதாக இருக்கும். இந்த மாதத்தில் பிறந்த பெண்கள் மிகவும் கவனமாக இருக்க வேண்டும். இவர்களுக்கு கெட்ட சிநேகிதங்கள் ஏற்பட வாய்ப்புகள் அதிகம். கெட்டவர்களுடன் சேர்ந்து மோசமான உணர்ச்சிகளுக்கு அடிமைப்படும் வாய்ப்பு அதிகம். இதற்காக பின்னால் மிகவும் வருத்தப்படுவார்கள். அதே நேரம் படிப்பில் மிகுந்த கவனத்துடன் இருப்பார்கள். இவர்களுக்கு திருமணத்தில் அதிக விருப்பம் இருக்காது. அதேநேரம் ஆண்கள் பெண் நண்பர்களுடனும், பெண்கள் ஆண் நண்பர்களுடனும் வாழ்வதற்கு பிரியப்படுவார்கள். மொத்தத்தில் சுதந்திரமான வாழ்க்கையை இந்த மாதத்தில் பிறந்த பெண்கள் விரும்புவர். எனவே பொருத்தமான வாழ்க்கை துணையை தேடிக்கொண்டால் வாழ்க்கை இனிமையாக அமையும்.

மேலும் படிக்கவும் மறுமொழி இல்லை சுதர்சன் 12-02-2016

எம்மவர் அமைப்புகள்

மங்கள நிகழ்வுகள்

60வது பிறந்தநாள் விழா அழைப்பிதழ் சிவானந்தம்.

  நெதர்லாந்தில் வசிக்கும்  திரு.திருமதி. சிவானந்தன் – சாவித்திரி ஆகியோருக்கு 60 வது பிறந்தநாள் விழாவை எதிர்வரும் 20-02-2016   சனிக்கிழமை, மாலை 5.30 மணியளவில் வெகு சிறப்பாக கொண்டாடுகின்றோம்.  இவ்விழாவிற்கு அனைவரும் வருகைதந்து விழாவை சிறப்பிக்குமாறு கேட்டுக்கொள்கின்றோம்.   இடம் :  Party Centrum “Arena” Fultonsrtaat 98-100,  3133KH, Vlaardingen.  (Vlaardingen West புகையிரத நிலையம் மற்றும் பஸ் நிலையத்தில் இருந்து (56 இலக்க பஸ்) 200 மீற்றர் தொலைவில் அமைந்துள்ளது) நன்றி.   உங்கள் நல்வரவை நாடும், பிள்ளைகள். சி.பாலன் சி.ரஞ்சன், சி.யதீஸ், சி.ரதினி.

மேலும் படிக்கவும் 1 மறுமொழி சுதர்சன் 25-01-2016

பிறந்தநாள் விழா அழைப்பிதழ்: அக்ஷனா & அக்ஷஜென் மதிவண்ணன்.

நெதர்லாந்தில் வசிக்கும் மதிவண்ணன்-கஜீபா தம்பதியினரின் செல்வப்புதல்வி அக்ஷனா தனது  7வது பிறந்தநாளையும், செல்வப்புதல்வன் அக்ஷஜென் தனது 4வது பிறந்தநாளையும் 09.01.2016 அன்று   Hoogstraat- 310  5654NH eindhoven  The Netherlands    என்ற விலாசத்தில் அமைந்திருக்கும் மண்டபத்தில் 16:00 மணியளவில் வெகுவிமர்சையாக கொண்டாடுகின்றார்.   தொடர்புகளுக்கு:- மதி         : +31  - 61 64 63 773 ஜாரிசன்:  +31 - 68 72 25 227      

மேலும் படிக்கவும் 1 மறுமொழி சுதர்சன் 20-12-2015

சமையல்

மரண அறிவித்தல்

முதலாம் ஆண்டு நினைவஞ்சலி: குணதீஸ்வரன் நவரத்தினம்.

கடந்த 29.01.2015 அன்று சிவபதம் எய்திய எமது குடும்ப குலவிளக்கு அமரர். நவரத்தினம் குணதீஸ்வரன் அவர்களின் முதலாம் ஆண்டு நினைவஞ்சலியும், ஆத்ம சாந்திப் பிரார்த்தனையும் எதிர்வரும் 19.01.2016 செவாய்க்கிழமை காலை 11:00 மணியளவில் கலட்டியில் அமைந்துள்ள அன்னாரது இல்லத்தில் இடபெறும் என்பதனை அறியத்தருவதுடன், இவ் ஆத்ம சாந்தி கிரியைகளில் பங்குபற்றி பிரார்த்தனை செய்யவும், தொடர்ந்து இடம்பெறும் மதிய போசனத்திலும் பங்கு பற்றி சிறப்பிக்கவும் வருகை தருமாறு உற்றார், உறவினர், ஊர் மக்கள், நண்பர்கள் அனைவரையும் இருகரம் கூப்பி அழைக்கின்றோம். Panippulam.com

மேலும் படிக்கவும் மறுமொழி இல்லை சுதர்சன் 11-01-2016