காத்திருக்கவும்
காத்திருக்கவும்

கருத்துக்கணிப்பு

பிறந்தநாள்

add your birhtday

கடைசி 15 கருத்துரைகள்

2 குறும்பன்:
வீட்டினுள் நுழையக்கூடாத ஆமை.
1 அற்புதன் :
45ம் நாள் நினைவு: கனகம்மா தம்பையா.
7 பண் ஊரான் ஜேர்மனி:
மரண அறிவித்தல்: தங்கராசா பொன்னுத்துரை.
1 விசு க மனோகரன்:
மனைவி உட்பட 7 பேரைக்கொன்ற முதியவரை மணக்கப்போகும் பெண்.
2 விசு க மனோகரன்:
மனதை அழுக்கடையச்செய்வது.
1 மலர் :
சாத்திரம் பார்த்து கணவனை வெட்டிக்கொன்ற பெண்.
1 விசு க மனோகரன் :
தமிழ் நடிகை எயிட்ஸ் நோயால் மரணப்படுக்கை.
1 மலர் TORONTO:
Ice Dancing போட்டியில் தமிழ் சிறுமி.
1 விசு க மனோகரன்:
மனித வாழ்க்கையின் கட்டங்கள் - தமிழ்கிறுக்கன்.
12 விசு க மனோகரன்:
யதார்த்தங்கள் - பம்பல்Kமனோ.
1 பண்பலை பண்பாட்டுக் கழகம்:
கண்ணீர் அஞ்சலி: மீனாம்பிகை அப்பையா.
3 சுரேஷ்(நோர்வே:
மரண அறிவித்தல்: மீனாம்பிகை அப்பையா.
14 விசு க மனோகரன் :
காரியத்திற்கு உதவாத திறமைசாலிகள்.
4 விசு க மனோகரன் :
யார் சாவார்?
1 விசு க மனோகரன் :
அப்புவின் கால்ப்பந்து விளையாட்டு.

சகோதர இணையங்கள்


Facebook

விளம்பரங்கள்

செய்திகள்

பக்கம் தேர்ந்தெடுக்கவும்:

அஜீத்தை திருமணம் செய்ய விரும்பும் நடிகை ப்ரீத்தி தாஸ்

அஜீத்தை திருமணம் செய்ய விரும்பும் நடிகை ப்ரீத்தி தாஸ்   பஞ்சாப் மாநிலத்தை சேர்ந்தவர் ப்ரீத்தி தாஸ். தற்போது மறுமுகம், உயிருக்கு உயிராக படத்தில் நடித்து வருகிறார். சமீபத்தில் பத்திரிகையாளர்களை அழைத்து பேசிய ப்ரீத்தி, அஜீத்தை திருமணம் செய்வேன் என்ற அதிர்ச்சி ஆசையை வெளியிட்டார். அவர் கூறியதாவது: மும்பையில் மாடலிங் செய்து கொண்டிருந்தபோது ஆடிசன் மூலமாக செலக்ட் ஆகி இப்போது இரண்டு படங்களில் நடித்து வருகிறேன். அடுத்து தெலுங்கு, மலையாளப் படங்களில் நடிக்க இருக்கிறேன். நான் மேற்கத்திய கலாச்சாரத்துடன் வளர்ந்த பொண்ணு அதனால் கவர்ச்சி காட்டுவதிலோ, லிப் லாக் முத்தம் கொடுப்பதிலோ தயக்கம் இல்லை. உயிருக்கு உயிராக படத்தில் லிப் லாக் முத்தம் கொடுத்திருக்கிறேன். விதவிதமான கேரக்டர்களில் வித்தியாசமாக நடிக்க ஆசை. அஜீத் சாருடன் நடிக்க ஆசையாக இருக்கிறேன். அவரை கல்யாணம் பண்ணிக்கொள்ளும் ஆசைகூட இருக்கிறது. ஆனால் அவருக்குத்தான் கல்யாணமாகி விட்டதே. தமிழ்ல எல்லா ஹீரோக்களோடும் நடிக்க ஆவலாக இருக்கிறேன். அழகா இருக்கேன். நன்றாக நடிப்பேன், தமிழ், இந்தி, மராத்தி, பஞ்சாபி, ஆங்கிலம் என 5 மொழிகள் பேசத் தெரியும் என்றார் ப்ரீத்தி தாஸ்.  

மேலும் படிக்கவும் மறுமொழி இல்லை பண் த பாலா 22-11-2013

பூங்காக்களைச்சுற்றம் செய்வோருக்கு பியர் சன்மானம்.

அம்ஸ்டர்டாமில் உள்ள பூங்காக்களில் மது அருந்திவிட்டு, அங்கு வருபவர்களுக்கு தொந்தரவு அளித்துக்கொண்டிருந்தவர்களுக்கு புதிய திட்டமொன்று நடைமுறைப்படுத்தப்பட்டுள்ளது.  அதன்படி, பூங்காக்களில் அமர்ந்து நாள் முழுவதும் மது அருந்திக்கொண்டும், சிகரெட் பிடித்துக்கொண்டும், வருபவர்களை கேலி செய்துக்கொண்டும் பொழுது போக்கும் கும்பல்களின் தொல்லைகளுக்கு முற்றுப்புள்ளி வைக்கும் விதமாக ஒரு புதிய முறை நடைமுறைப்படுத்தபடுகிறது. அரசு மற்றும் தனியார் நன்கொடைகள் மூலம் இயங்கும் ரெயின்போ அறக்கட்டளை திட்டத்தின் தலைவரான ஜெர்ரி ஆல்டர்மேன், பூங்காவில் அமர்ந்து சத்தமிட்டு பிறரை தொந்தரவு செய்யும் குடிகாரர்களை குழுக்களாகப் பிரித்து, பூங்காக்களைச் சுற்றியுள்ள தெருக்களை சுத்தம் செய்யும் வேலையில் ஈடுபடுத்தியுள்ளார்.  இந்தத் துப்புரவுப் பணியினை மேற்கொள்பவர்களுக்கு சம்பளமாக அவர்களுக்கு தினமும் 10 யூரோ பணமும், அரை பாக்கெட் சிகரெட்டும், ஐந்து பீர் கேன்களும் கொடுக்கப்படுகின்றன.  அவர்களுக்கு காலையில் இரண்டு பீர் கேன்களும், மதியம் இரண்டு கேன்களும் மாலை வேலை முடிந்து செல்லும்போது ஒரு கேனும் வழங்கப்படுகின்றது.  சமூக விரோத நடத்தை கொண்ட மக்களை பயன்படுத்தி துப்புரவு பணிகள் முடிக்கபடுகின்றன என்பதும், அவர்கள் மது அருந்தும் அளவும் கண்காணிக்கப்படுகிறது என்பதும் குறிப்பிடத்தக்கது.   

மேலும் படிக்கவும் மறுமொழி இல்லை சுதர்சன் 22-11-2013

பிணமாக புதைக்க முன் அழுது எழும்பிய குழந்தை.

சீனாவில் இறந்ததாக கருதப்பட்ட ஒரு மாத பச்சிளங்குழந்தை புதைக்கபடுவதற்கு சிறிது நேரத்திற்கு முன் அழுதது பெற்றோரை அதிர்ச்சி அடைய செய்தது. உடனடியாக அக்குழந்தைக்கு மருத்துவ உதவி அளிக்க மருத்துவமனைக்கு அழைத்து சென்றுள்ளனர்.   கிழக்கு சீனாவின் அன்ஹுய் மாகாணத்தை சேர்ந்த ஒரு இளம்பெண்ணுக்கு கடந்த மாதம் ஆண் குழந்தை பிறந்தது.   பிறக்கும் போதே சுவாசக் கோளாறுடன் இருந்ததால் மருத்துவர்கள் அக்குழந்தைக்கு தீவிர சிகிச்சை அளித்தனர். பிறந்ததிலிருந்து தீவிர சிக்ச்சை பிரிவில் இருந்த அக்குழந்தையை கண்காணித்து வந்த மருத்துவர்கள் கடந்த 12 ஆம் தேதி குழந்தையின் நிலைமை மோசமடைந்ததாக தெரிவித்தனர்.   பின்னர் அக்குழந்தையை காப்பாற்ற அவர்கள் போராடியப்போதும், குழந்தைக்கு மூச்சு திணறல் ஏற்பட்டு, இதய துடிப்பு நின்றது. உடனே குழந்தை இறந்துவிட்டதாக தெரிவித்த மருத்துவர்கள் அதற்கு இறப்பு சான்றிதழும் வழங்கி அனுப்பிவைத்தனர்.   சோகத்தில் மூழ்கிப்போன பெற்றோர் அதை புதைப்பதற்கான ஏற்பாடுகளை செய்தபோது அக்குழந்தை திடீரென அழுதது.  இதனையடுத்து, அவசர அவசரமாக அன்ஹுய் மாகாண அரசு குழந்தைகள் மருத்துவமனைக்கு பெற்றோர் குழந்தையை அழைத்துசென்றனர்.    உடனடியாக, உயிர் காக்கும் கருவிகளின் துணையுடன் அந்த குழந்தை காப்பாற்றப்பட்டது. உயிருடன் உள்ள குழந்தை இறந்து விட்டதாக சான்றிதழ் தந்த மருத்துவர் மற்றும் செவிலியர் மீது நடவடிக்கை எடுக்கப்பட்டுள்ளது. 

மேலும் படிக்கவும் 1 மறுமொழி சுதர்சன் 22-11-2013

ஜீன்ஸ்-2 ஐ இயக்கும் தியாகராஜன்.

மணிரத்னம், பாலுமகேந்திரா, ஷங்கர் என்று முன்னணி இயக்குனர்கள் அனைவ‌ரின் படங்களிலும் நடித்தவர் பிரசாந்த். ஆனால் பெ‌ரிய ஹிட்டாக அமைந்தது ஷங்க‌ரின் ஜீன்ஸ்.    1998ல் வெளியான இந்தப் படத்தில் ஐஸ்வர்யா ராய், பிரசாந்த் இருவ‌ரின் இரட்டை வேடங்களும், ஏழு உலக அதிசயங்களின் பின்னணியில் எடுக்கப்பட்ட பாடலும் ஹைலைட்டாக அமைந்தன. அதே ‌ஜீன்ஸை மறுபடியும் ட்ரை க்ளீன் செய்து பார்ட் 2 எடுக்கும் திட்டத்திலிருக்கிறார் தியாகராஜன். பிரசாந்த் என்ற நடிகரை தமிழகம் ஏறக்குறைய மறந்துவிட்டது. பிரசாந்த் இப்போது இரண்டு தெலுங்குப் படங்களில் நடித்து வருவதாகக் கேள்வி. இந்நிலையில் சேம்ப‌ரில் ஜீன்ஸ் 2 டைட்டிலை தியாகராஜன் பதிவு செய்திருப்பதாக செய்தி கசிந்துள்ளது.    மகனின் திரும்பி வரவு அமர்க்களமாக இருக்க வேண்டும் என்பதற்காக ஜீன்ஸ் 2-வை அவர் கையிலெடுத்திருப்பதாகவும் கூறப்படுகிறது.   ஹீரோயின் யார்... ஐஸ்வர்யா ராயா?

மேலும் படிக்கவும் மறுமொழி இல்லை சுதர்சன் 21-11-2013

நகைச்சுவையுணர்வுள்ளவர்களுக்கு வேலை வாய்ப்பு அதிகம்.

நகைச்சுவை உணர்வு உள்ளவர்களுக்கு வேலை கிடைப்பதில் எந்தவிதமான சிக்கலும் இல்லை என சமீபத்தில் அமெரிக்காவில் மேற்கொள்ளப்பட்ட ஆய்வு ஒன்றில் தெரிவிக்கப்பட்டுள்ளது.   வேலை கிடைப்பதற்கு உள்ள தகுதிகள் குறித்த ஆய்வு ஒன்றை, அமெரிக்காவின் மனித வள மேம்பாட்டு நிறுவனம் நடத்தியது. இதற்காக 2,000த்துக்கும் மேற்பட்ட மேலாளர்கள் மற்றும் மனித வள அலுவலர்களிடம் ஆய்வு மேற்கொள்ளப்பட்டது.   ஒரே விதமான கல்வித் தகுதி படைத்த இருவரில் சமுதாயம் மீது அக்கறை உள்ளவர்களுக்கும் நன்றாக உடை அணிந்தவர்களுக்கும் வேலை கிடைப்பதில் எந்த சிக்கலும் ஏற்படவில்லை. பொதுவாக உள்ள அம்சங்களில் இருந்து சற்று மாறுபட்டு சிந்திப்பவர்களையே நிறுவன மேலாளர்கள் தேர்வு செய்கின்றனர். உடல் ரீதியாக நல்ல தகுதி படைத்தவர்கள் தற்போதைய நடைமுறை சூழலை நன்கு அறிந்தவர்கள் சமூக ஊடகங்களில் பங்கேற்பவர்கள், விளையாட்டுத் துறையில் ஆர்வம் போன்ற தகுதியை பெற்றுள்ளவர்களுக்கே வேலை கொடுப்பதில், முன்னுரிமை அளிக்கப்பட்டு வருகிறது. வேலை கொடுப்பவர்கள், தொழில் ரீதியாக மட்டும் திறமை படைத்தவர்களை தேர்ந்தெடுப்பதில்லை மாறாக சம்பந்தப்பட்ட அலுவலகத்திற்கு எல்லா விதத்திலும் தகுதி படைத்தவர்களைத் தான் தேர்ந்தெடுக்கின்றனர்.   நகைச்சுவை உணர்வு உள்ளவர்களுக்கும் முக்கியத்துவம் அளிக்கப்படுகிறது. பதவி உயர்வு குறித்து கேட்பவர்களுக்கே அது தொடர்பான முன்னுரிமை வழங்கப்படுகிறது. இதில் சில வகையினருக்கு பதவி உயர்வுகள் மறுக்கப்படுகின்றன. அதாவது இது என்னுடைய வேலை இல்லை என மறுப்பவர்களுக்கு பதவி உயர்வு கிடைப்பதில் தாமதம் ஏற்படுகிறது. பணிக்கு தாமதமாக வருவது மற்றவர்களது வேலையை பார்த்துவிட்டு அதில் இருந்து ஆதாயம் அடைய முயலுவது வேலை நேரம் முடிவதற்கு முன்னதாகவே வீட்டுக்கு சென்றுவிடுவது போன்ற காரணங்களாலும், பதவி உயர்வு கிடைப்பது தாமதமாகலாம் அல்லது கிடைக்காமல் போகலாம்.   ஓயாமல் வம்பு பேசுபவர்கள், மற்றவர்கள் குறித்து புகார் அளிப்பவர்கள், அலுவலக பணத்தை செலவு செய்வதில் அதிக உரிமை எடுத்துக் கொள்பவர்கள், பணிக்கு ஏற்றபடி உடை அணியாதவர்கள் ஆகியோருக்கும் பதவி உயர்வுகள் என்பது வெறும் கானல் நீராகவே உள்ளது.   நீங்கள் வேலைக்கு செல்ல தயார் என்றால், உங்களது தனிப்பட்ட திறமைகள் தான் அதன் திறவுகோல் என்கிறார் இந்த ஆய்வு நிறுவனத்தின் தலைவர் ரோஸ் மேரி ஹப்னர்.

மேலும் படிக்கவும் மறுமொழி இல்லை சுதர்சன் 21-11-2013

கனடாவில் உள்ளித்தூள் மீளழைப்பு.

கனடாவின் சகல பகுதிகளிலிருந்தும் Suraj என அழைக்கப்படுகின்ற உள்ளிப்பவுடர் திரும்ப அழைக்கப்படுகின்றன எனத் தகவல்கள் கிடைத்திருக்கின்றன. இது திருப்பி அழைக்கப்படுவதன் நோக்கம் இவற்றில் சமோனிலா என அழைக்கப்படுகின்ற பக்டீரியா இருக்கலாம் என நம்படுகின்றது எனவும் தெரிவிக்கப்படுகின்றது.   ஆனால் இதுவரையில் குறிப்பிட்ட வகை உள்ளிப்பவுடர் பாவித்ததனால் நோய்கள் ஏற்பட்டதாக அறிவிக்கப்படவில்லை. கனடிய உணவுப் பரிசோதனை அமைப்பு விடுத்க அறிவிப்பினைத் தொடர்ந்து லோபிளாஸ் விற்றபனை நிறுவனம் செவ்வாய்க்கிழமை திரும்ப அழைக்கும் நடவடிக்கையை மேற்கொண்டுள்ளது எனத் தெரிவிக்கப்பட்டுள்ளது.   குறிப்பிட்ட பொருளை பொதுமக்கள் பாவனைக்கு உட்படுத்த வேண்டாம் எனக் கேட்டுக்கொள்ளப்படுகிறார்கள். சமோலினா பொருட்களில் இருக்குமாயின் அது மணம் மூலமாக வெளிப்படுவது இல்லை. அதனை உட்கொண்டபின்பு அது பாரதூரமான உடல் நலக் கேட்டினை விழைவிக்கும் தன்மை வாய்ந்தது எனக் கூறப்படுகின்றது. குறிப்பாக மரணம் விழைவிக்கக் கூடியளவான கெடுதலையும் தரவல்லது எனத் தெரிவிக்கப்பட்டுள்ளது. அதிகளவு காய்ச்சல், மோசமான தலையிடி, வாந்திபேதி, மயக்கம், அடிவயிற்றில் நோ, வாந்திபேதி போன்ற தன்மைகளை அதன் ஆரம்ப அறிகுறிகள் என மருத்துவர்கள் தெரிவித்திருக்கின்றார்கள். Consumers should not consume the garlic powder described below. Brand name: Suraj Common name: Garlic powder Size: 400g UPC: 0 57197 37238 0 Additional information: Best Before 2015 AL 22

மேலும் படிக்கவும் மறுமொழி இல்லை சுதர்சன் 21-11-2013

குடும்பத்தோடு பார்க்க முடியவில்லை இன்றைய காமெடி– வடிவேலு

    இன்றைய காமெடியை குடும்பத்தோடு பார்க்க முடியவில்லை இன்றைய காமெடி– வடிவேலு   சினிமாவில் தற்போது வரும் காமெடிகளை மனைவி மற்றும் குழந்தைகளோடு சேர்ந்து உட்கார்ந்து பார்க்க முடியவில்லை, அந்தளவுக்கு காமெடி என்ற பெயரில் கெட்ட விஷயங்களை சொல்கிறார்கள் என வடிவேலு கூறியுள்ளார். தமிழ் சினிமாவில் நம்பர்-1 காமெடி நடிகராக திகழ்ந்தவர் வடிவேலு. அரசியல் ரீதியாக சென்றதால் இரண்டு ஆண்டுகள் சினிமாவில் வாய்ப்பு இன்றி இருந்தார். தற்போது மீண்டும் ஒரு புது உத்வேகத்துடன் நடிக்க தொடங்கியுள்ளார் வடிவேலு. விரைவில் இவர் இரண்டு வேடத்தில் ஹீரோவாக நடித்துள்ள ஜகஜ்ஜால புஜபல தொனாலிராமன் படம் வெளியாக இருக்கிறது. இந்நிலையில் தற்போது வரும் காமெடி சீன்களை பற்றி கடுமையாக சாடியுள்ளார் வடிவேலு. அவர் கூறியுள்ளதாவது, நான் சினிமாவில் இல்லாத காலகட்டத்தில் நிறைய காமெடி நடிகர்கள் வந்துவிட்டார்கள். காமெடி யார் செய்தாலும் அதை ரசிக்கலாம். நானும் சில படங்களை பார்த்தேன். ஆனால் அதில் காமெடியே இல்லை, எனக்கு சிரிப்பும் வரவில்லை. மாறாக இப்போது வரும் காமெடிகளில் கெட்ட விஷயங்களை நிறைய காட்டுகிறார்கள். மனைவி, குழந்தை என குடும்பத்தோடு சேர்ந்து காமெடி சீன்களை பார்க்க முடியவில்லை. இதுபோன்ற காட்சிகளை பார்க்கும்போது மன அழுத்தம் தான் வருகிறது. அதனால் இதுபோன்ற காமெடி காட்சிகளை பார்த்து கண்ணையும், மனதையும் கெடுத்து கொள்ளாதீர்கள் என்று கூறியுள்ளார்.  

மேலும் படிக்கவும் மறுமொழி இல்லை பண் த பாலா 20-11-2013

மாற்று அரசியல் கேந்திரமாக மாறியுள்ள யாழ்ப்பாணம்!

மாற்று அரசியல் கேந்திரமாக மாறியுள்ள யாழ்ப்பாணம்!   கொமன்வெல்த் மாநாடு, வடக்கின் மீதான உலகத்தின் கவனத்தை மீண்டும் ஒருமுறை திருப்பி விட்டுள்ளது. கொமன்வெல்த் மாநாட்டுக்கு வருகை தந்த சில வெளிநாட்டுத் தலைவர்களும், பிரதிநிதிகளும், வடக்கிற்குப் பயணம் மேற்கொண்டது முக்கியமானதொரு திருப்பம். இந்தியப் பிரதமர் மன்மோகன் சிங்கும், வடக்கு மாகாண முதல்வர் விக்னேஸ்வரனின் அழைப்பை ஏற்றும் தமிழ்நாட்டின் அரசியல் நிர்ப்பந்தங்களில் இருந்து தப்பிக்கவும், யாழ்ப்பாணம் செல்லும் ஒரு திட்டத்தையும் கொண்டிருந்தார். ஆனால், கொமன்வெல்த் மாநாட்டில் பங்கேற்பதில்லை என்று அவர் எடுத்த முடிவினால், இந்தியப் பிரதமரின் யாழ்ப்பாணப் பயணம் கிட்டத்தட்ட சாத்தியமற்றதாகியுள்ளது. இந்தியப் பிரதமர் மன்மோகன்சிங், யாழ்ப்பாணத்துக்குச் சென்று, வட மாகாண முதல்வரைச் சந்தித்திருந்தால், அது ஒரு அரசியல் திருப்பமாகவே அமைந்திருக்கும். ஏற்கனவே, இலங்கையின் மாற்று அரசியல் கேந்திர மையமாக மாறத் தொடங்கியுள்ள யாழ்ப்பாணத்துக்கு, இது இன்னும் பெறுமதியைக் கூட்டியிருக்கும். இலங்கையில் கொழும்புக்கு மாற்றான, அரசியல் கேந்திர மையமாக, ஒரு காலத்தில் யாழ்ப்பாணமும், பின்னர், கிளிநொச்சியும் விளங்கின.  விடுதலைப் புலிகளின் பலம் தான், அத்தகைய நிலையை இந்த நகரங்களுக்குப் பெற்றுக் கொடுத்திருந்தது. அதுபோலவே, இப்போது மீண்டும் யாழ்ப்பாணம், இலங்கையின் மாற்று அரசியல் கேந்திர மையமாக மாற்றம் பெறத் தொடங்கியுள்ளது.  இதற்குக் காரணம், வட மாகாணசபைத் தேர்தல் தான். வடக்கு மாகாண சபைக்கு நடத்தப்பட்ட தேர்தலில், அரசாங்கத் தரப்பு வெற்றி பெற்றிருந்தால், இத்தகைய நிலை ஒருபோதும், யாழ்ப்பாணத்துக்குக் கிடைத்திருக்க மாட்டாது.  ஏனென்றால், கொழும்பின் குரலாகவே யாழ்ப்பாணமும் எதிரொலிக்கும் என்பதால், அதனை அத்தகையதொரு மாற்று அரசியல் கேந்திரமாக எந்தவொரு வெளிச் சக்தியும் ஏற்றுக்கொண்டிருக்காது. ஆனால், வட மாகாண சபைத் தேர்தலில், தமிழ்த் தேசியக் கூட்டமைப்பு பெற்ற வெற்றி, யாழ்ப்பாணத்துக்கான அந்தக் கதவை மீளவும் திறந்து விடக் காரணமாகியுள்ளது. அதுவும், ஆறில் ஐந்து பெரும்பான்மை பலத்துடன் வடக்கில் தமிழ்த் தேசியக் கூட்டமைப்பு ஆட்சியைப் பிடித்ததும், தமிழ் மக்களின் எதிர்பார்ப்பும், இலங்கை அரசின் போக்கும் ஒரே கோட்டில் பயணிக்கவில்லை என்பது சர்வதேச சமூகத்துக்கு, வெளிச்சமாகி விட்டது. இந்த நிலையில் தான், வடக்கின் மீதான, குறிப்பாக வடக்கு மாகாணத்தின் புதிய அரசுடனான உறவுகளில் வெளிநாடுகள் கவனம் செலுத்தத் தொடங்கியுள்ளன. வட மாகாண முதல்வராக சி.வி.விக்னேஸ்வரன் பதவியேற்ற பின்னர், முதலாவதாக அவரைச் சென்று சந்தித்திருந்தார் இந்திய வெளிவிவகார அமைச்சர் சல்மான் குர்ஷித். அதற்குப் பிறகு, கிட்டத்தட்ட கடந்த ஒரு மாத காலத்தில், அமெரிக்கத் தூதுவர் மிச்சேல் ஜே சிசன், தென் கொரியத் தூதுவர், ஐரோப்பிய ஒன்றியப் பிரதிநிதி என்று வெளிநாட்டு இராஜதந்திரிகள் அடுத்தடுத்து வட மாகாண முதல்வரைச் சந்தித்துப் பேசினர். கொமன்வெல்த் மாநாட்டில் பங்கேற்க வந்த கனேடிய வெளிவிவகார மற்றும் மனித உரிமைகளுக்கான நாடாளுமன்றச் செயலர் தீபக் ஒப்ராய், பிரித்தானியப் பிரதமர் டேவிட் கமரொன், நியூஸிலாந்து வெளிவிவகார அமைச்சர் உள்ளிட்டோரும், வடக்கு மாகாணத்துக்குச் சென்று முதல்வர் விக்னேஸ்வரனை சந்தித்துள்ளனர். இன்னும் பலர் அங்கு செல்லும் வாய்ப்புக்களும் உள்ளன. இப்படியொரு முக்கியத்துவம் யாழ்ப்பாணத்துக்கு வரும் என்று அரசாங்கம் கருதியிருக்காது. வடக்கு மாகாண சபைத் தேர்தல் இந்த நிலையை ஏற்படுத்தியிருந்தாலும், சர்வதேச தலைவர்களின் கவனிப்புக்குரிய  அக்கறைக்குரிய மையமாக யாழ்ப்பாணத்தை திரும்பிப் பார்க்கச் செய்துள்ளது கொமன் வெல்த் மாநாடு தான். கொமன்வெல்த் மாநாட்டுக்குப் பின்னர், வடக்கின் மீதான சர்வதேச கவனிப்பும், வடக்குடனான சர்வதேசத்தின் தொடர்பாடலும் இன்னும் அதிகரிக்க வாய்ப்புகள் உள்ளன.  இது தமிழர் தரப்பின் பிரச்சினைகள் மேலும் சர்வதேச மயப்படுவதற்கான இன்னொரு பரிணாமத்தை அளிக்கும். இது, “ஒரே இலங்கை, ஒரே அரசு, ஒரே கொள்கை” என்ற – எல்லாமே “ஒரே குடையின் கீழ், ஒரே குடும்பத்தின் கீழ்” இருக்க வேண்டும் என்ற அரசாங்கத்தின் நிகழ்ச்சி நிரலுக்கு சவாலாகியுள்ள ஒரு விவகாரமாகும். 2009இல் விடுதலைப் புலிகள் அழிக்கப்பட்டதுடன், தமிழர்களின் தனியான அரசியல் களத்தையும் மூடிவிட்டதாகவே அரசாங்கம் கருதியிருந்தது. ஆனால், கொழும்புக்கு மாற்றான, தமிழரின் அரசியல் கேந்திர நிலையம் ஒன்று மீளப் பிறப்பெடுப்பதை, அரசாங்கத்தினால் தடுக்கவோ தவிர்க்கவோ முடியவில்லை. வட மாகாணசபை தெரிவு செய்யப்பட்டதும், வடக்கை நோக்கி படையெடுக்கும் வெளிநாட்டுத் தூதுவர்கள், இராஜதந்திரிகளையும், தலைவர்களையும் அரசாங்கத்தினால், தடுக்க முடியவில்லை. போருக்குப் பின்னர், வடக்கை அபிவிருத்தி செய்து சாதனை செய்து விட்டோம் என்று பிரகடனப்படுத்திய அரசாங்கமே, இவையனைத்தையும் வந்து பார்க்கும்படி வெளிநாடுகளுக்கு அழைப்பு விடுத்திருந்தது.  இத்தகைய நிலையில், வடக்கின் மீதான வெளிநாடுகளின் கரிசனையையும், வடக்கு மாகாண சபையுடனான வெளிநாடுகளின் அதிகாரபூர்வமான தொடர்புகளையும் அறுத்தெறிய முடியாத நிலை ஒன்று உருவாகியுள்ளது. அதுவும், இதற்கு முன்னர் ஒரு எதிர்க்கட்சியாக தமிழ்த் தேசியக் கூட்டமைப்பு வெளிநாடுகளுக்கு கூறும் கருத்துக்களுக்கும், வடக்கு மாகாணத்தில் அதிகாரத்தில் உள்ள அரசு ஒன்று கூறும் அதிகாரபூர்வமான கருத்துக்கும் இடையில் வேறுபாடுகள் இருக்கும். தமிழ் மக்களின் பிரச்சினைகளை ஜனநாயக ரீதியாக தெரிவு செய்யப்பட்ட ஒரு அரசின் மூலம் வெளிப்படுத்தப்படும் வாய்ப்பு முதல் முறையாக தமிழர்களுக்கு கிடைத்துள்ளது.  அதைப் பயன்படுத்திக் கொள்ள பல்வேறு நாடுகளும் முனைகின்றன. அதேவேளை, இந்த வாய்ப்பைத் தமிழர் தரப்பும் சாதகமாகப் பயன்படுத்திக் கொள்ள வேண்டியதும் முக்கியமானது. இதனை இரண்டு விதமாக மேற்கொள்ளலாம். முதலாவது, வெளிநாட்டுத் தொடர்புகள் மூலம் வடக்கு மாகாணத்தை அபிவிருத்தி செய்வதற்கான வாய்ப்புகளை உருவாக்கிக் கொள்வது.  இரண்டாவது, தமிழர் பிரச்சினைக்கு நிரந்தரத் தீர்வைப் பெறுவதற்கான தளமாகப் பயன்படுத்திக் கொள்வது. வெளிநாட்டு தொடர்புகள் மூலம் வடக்கு மாகாணத்தை அபிவிருத்தி செய்வதில் வரையறுக்கப்பட்டளவுக்கே மாகாண சபையால் பங்காற்ற முடியும்.  ஏனென்றால், மாகாண சபைக்கு நிதி அதிகாரம் கிடையாது.  மாகாண சபைக்குத் தேவையான நிதியை திரட்டும் அதிகாரமில்லாததால், மத்திய அரசின் கையை ஏந்த வேண்டிய நிலை உள்ளது. வெளிநாடுகளிடம் இருந்து நிதி உதவிகளைப் பெறுவதானாலும், மத்திய அரசின் ஊடாகவே அதைப் பெற வேண்டியுள்ளது.  இத்தகைய நிலையில், வடக்கை அபிவிருத்தி செய்வதற்கும், வெளிநாட்டு உதவிகளைப் பெறுவதற்கும் வடக்கு மாகாண சபை பெரும் போராட்டம் நடத்த வேண்டிய நிலையே ஏற்படும்.  ஆனால், வெளிநாடுகளுடனான தொடர்புகள் மூலம் தமிழர் பிரச்சினையை சர்வதேச மயப்படுத்துவதற்கு இது முக்கிய தளமாக விளங்க முடியும். குறிப்பாக, தமிழர் தரப்பின் தற்போதைய அரசியல் இராஜதந்திரப் போருக்கான அடிஊற்றாக வடக்கு மாகாண சபை மாறத் தொடங்கியுள்ளது.  வடக்கிற்கான நிதியை கட்டுப்படுத்துவது போன்று இதனை அரசாங்கத்தினால் கட்டுப்படுத்த முடியாது. அரசாங்கத்தினால் இதனை ஜீரணித்துக் கொள்ள முடியாத போதிலும், வடக்கு மாகாண சபைக்கும், வெளியுலகிற்குமான நெருக்கம் அதிகரிப்பதை அரசாங்கத்தினால் வேடிக்கை பார்ப்பதை விட வேறேதும் செய்ய முடியாது. போருக்குப் பிந்திய நான்கு ஆண்டுகளையும் அரசாங்கம், அரசியல்தீர்வு, அதிகாரப் பகிர்வு, பொறுப்புக்கூறல், புனர்வாழ்வு, புனரமைப்பு, ஜனநாயகம், பாதுகாப்பு, சுதந்திரம் என்று வடக்கிலுள்ள மக்களின் எல்லாப் பிரச்சினைகளையும் சாதகமான முறையில் தீர்க்கும் முயற்சியில் கணிசமான முன்னேற்றத்தை எட்டியிருந்தால், கொழும்பிலும், யாழ்ப்பாணத்திலும், இருவேறு அதிகார மையங்கள் உருவாகியிருக்க முடியாது.  ஒற்றையாட்சி என்று அரசாங்கம் கூவிக் கூவி, நடத்திய இனவாத அரசியல் வியாபாரம் தான், மீண்டும் யாழ்ப்பாணத்தை இலங்கையின் இரண்டாவது அரசியல் கேந்திர மையமாக உருவாக்கியுள்ளது. இந்த இரண்டாவது அரசியல் கேந்திர மையத்தின் மீள் எழுச்சியின் விளைவு, இலங்கை அரசுக்கு சாதகமானதொன்றாக இருப்பதற்கு வாய்ப்பில்லை.   

மேலும் படிக்கவும் 4 மறுமொழிகள் பண் த பாலா 20-11-2013

இந்திய நாட்டின் மிக உயரிய விருதுகள்

இந்தியாவின் மிக உயர்ந்த விருது எது என்று கேட்டால் உடனே "பாரத ரத்னா' என்று சொல்லி விடுவீர்கள். மற்ற விருதுகள் பற்றி இங்கே... • மிக உயர்ந்த (1 கோடி) பரிசுத்தொகை கொண்ட விருது - காந்தி அமைதி விருது • அமைதிக்கான மிக உயர்ந்த விருது - அசோக் சக்ரா விருது • மிக உயர்ந்த இலக்கிய விருது - பாரதீய ஞானபீட விருது • மிக உயர்ந்த சர்வதேச நட்புறவு விருது - நேரு சமாதான விருது • மிக உயர்ந்த பத்திரிகையாளர் விருது - பி.டி.கோயங்கா விருது • மிக உயர்ந்த பால்வள விருது - கோபால் ரத்னா விருது • மிக உயர்ந்த கெüரவ ராணுவ விருது - ஃபீல்ட் மார்ஷல் விருது • மிக உயர்ந்த விளையாட்டு வீரர் விருது - அர்ஜுனா விருது • மிக உயர்ந்த விளையாட்டுப் பயிற்சியாளர் விருது - துரோணாச்சார்யர் விருது • மிக உயர்ந்த வீரதீர விருது - மஹாவீர் சக்ரா • மிக உயர்ந்த மிகச் சிறந்த விளையாட்டு வீரர் விருது - ராஜீவ்காந்தி கேல்ரத்னா விருது • மிக உயர்ந்த வேளாண்மை விருது - க்ருஷி பண்டிட் விருது • மிக உயர்ந்த சினிமா விருது - தாதா சாகிப் பால்கே விருது • மிக உயர்ந்த மிகச் சிறந்த திரைப்பட விருது - தங்கத் தாமரை விருது • மிக உயர்ந்த மிகச் சிறந்த திரைப்பட நடிகர் விருது - பாரத் • மிக உயர்ந்த மிகச் சிறந்த திரைப்பட நடிகை விருது - ஊர்வசி • மிக உயர்ந்த மிகச் சிறந்த திரைப்பட இயக்குநர் விருது - இந்திரா காந்தி விருது

மேலும் படிக்கவும் மறுமொழி இல்லை பண் த பாலா 19-11-2013

பரோட்டா சூரிக்கு சிபாரிசு செய்த விஜய்!

பரோட்டா சூரிக்கு சிபாரிசு செய்த விஜய்! வெண்ணிலா கபடி குழு படத்தில் இடம்பெற்ற பரோட்டா காமெடி மூலம் பிரபலமானவர் சூரி. அதையடுத்து, களவாணி, வேலாயுதம், சுந்தரபாண்டியன், வருத்தப்படாத வாலிபர் சங்கம், நய்யாண்டி உள்பட பல படங்களில் சிறப்பாக காமெடி செய்திருந்தார். இதனால் சந்தானத்தின் கால்சீட் கிடைக்காத கம்பெனிகளெல்லாம் சூரியை நோக்கி படையெடுக்கத் தொடங்கின. அதனால் தற்போது கைநிறைய படங்கள் வைத்திருக்கும் காமெடியனாகி விட்டார் சூரி. அதிலும் வேலாயுதம் படத்தை அடுத்து மீண்டும் விஜய் நடித்து வரும் ஜில்லா படத்திலும் முக்கிய காமெடியனாகியிருக்கிறார். வேலாயுதம் படத்தில், முதல் நாள் சூரியுடன் நடித்தபோது அவரது நடிப்பைப்பார்த்து வியந்த விஜய், யார் அந்த புதுக்காமெடியன்? என்று அவரைப்பற்றி விசாரித்தாராம். அதுவரை விஜய்யை விட்டு விலகியே நின்ற சூரி, அதன்பிறகு விஜய்யிடம் தன்னைப்பற்றி சொன்னதோடு, நெருக்கமாகி விட்டாராம். அதையடுத்து தன்னுடன் வருவது போன்று சூரிக்கு அதிக காட்சிகள் வைக்குமாறு சொன்ன விஜய், இப்போது ஜில்லா படத்திலும் சூரிக்கு அதிகப்படியான காட்சிகள் கொடுக்குமாறு கேட்டுக்கொண்டுள்ளாராம். இதனால் இந்த படத்திற்கு பிறகு சூரியும் சந்தானத்துக்கு இணையான இன்னொரு காமெடியனாகி விடுவார் என்கிறார்கள். இப்படி விஜய்யே தனக்கு நேரடியாக சிபாரிசு செய்வதால், ஜில்லாவில் மிகுந்த உற்சாகத்துடன் நடித்துக்கொண்டிருக்கிறாராம் சூரி.  

மேலும் படிக்கவும் மறுமொழி இல்லை பண் த பாலா 19-11-2013

பிரித்தானிய பொதுத் தேர்தலில் போட்டியிடும் தமிழ் பெண்

பிரித்தானிய பொதுத் தேர்தலில் போட்டியிடும் தமிழ் பெண்  செவ்வாய்க்கிழமை, 19 நவம்பர் 2013 2015 ஆம் ஆண்டு பிரித்தானியாவில் நடைபெறும் பொதுத் தேர்தலில் இலங்கையை பூர்வீகமாக கொண்ட தமிழ் பெண் போட்டியிட உள்ளார். ஹாரோவில் பிறந்து வளர்ந்த தன்னார்வ வானொலி ஊழியரான தமிழ்ப் பெண்ணொருவரை தொழிற்கட்சி தேர்தலில் போட்டியிட தெரிவு செய்துள்ளது. உமா குமரன் என்ற இந்த பெண்ணை ஹாரே கிழக்கு தொகுதியின் வேட்பாராக தொழிற்கட்சி தெரிவு செய்துள்ளது. இவர் பொப் பிளக்மேன் எம்.பி.யை எதிர்த்து போட்டியிட உள்ளார். உமா குமரன் ஹாரோ மேற்கு தொகுதியின் நாடாளுமன்ற உறுப்பினரான கரேத் தோமஸ்க்கு ஆதரவான பிரசாரத்தில் ஈடுபட்டு வருவதுடன் நோர்த் விக் பார்க் ஹொஸ்பிடல் வானொலியில் அறிவிப்பாளராகவும் தயாரிப்பாளராகவும் பணியாற்றி வருகிறார். 27 வயதான உமா தெரிவிக்கையில், எனது பெற்றோர் 30 வருடங்களுக்கு முன்னர் பிரித்தானியாவுக்கு வந்தனர். இலங்கையில் நடைபெற்ற போர் காரணமாக இடம்பெயர்ந்து வந்த அவர்கள் மிகவும் கஷ்டப்பட்டு தமது வாழ்க்கையை கட்டியெழுப்பியதாக குறிப்பிட்டார்.  

மேலும் படிக்கவும் மறுமொழி இல்லை பண் த பாலா 19-11-2013

தமது மருமகளின் மரணம் குறித்து விசாரனை செய்யுமாறு அவரின் குடும்பத்தினர் கேட்டுள்ளனர்.

மரணமடைந்த தமது மருமகளின் மரணம் குறித்து போர் குற்ற புலன் விசாரனை செய்யுமாறு ரொறொன்ரோவைச் சேர்ந்த அவரின் குடும்பத்தினர் கேட்டுள்ளனர்.   இலங்கையில் நடந்து முடிந்த உள்நாட்டு போரரின் இறுதி நாளன்று பெண் ஒருவர் இலங்கைப் படையினரால் கொல்லப்பட்டுள்ளார். வீடியோ ஒன்றின் வெளிப்பாட்டில் இருந்து இவர் படையினரால் கொல்லப்பட்டுள்ளார் என்பது அறிவுறுத்தப் படுவதாக இருப்பதால் போர்க் குற்ற புலன்விசாரனை நடாத்தும் படி ரொறொன்ரோவில் வசிக்கும் அவரது உறவினர் கேட்டுள்ளனர். காட்சி ஒன்றில் கொல்லப்பட்டவரான சோபனா சோபா உயிருடன் மே மாதம் 18ந் திகதி கைது செய்யப்பட்டுள்ளதாக தெரியவந்துள்ளதாகவும், அதே நாள் சிறிது நேரத்தின் பின்னர் எடுக்கப் பட்ட படத்தில் கைகள் பின்புறமாக கட்டப்பட்ட நிலையில் நிர்வாணமாக நிலத்தில் கிடத்தப்பட்டிருந்ததாகவும் தெரியவந்துள்ளது. பிரித்தானியாவின் சனல் 4 மூலம் ஒலிபரப்பப் பட்டதை பார்த்த சோபனாவின் அன்ரியான ரொறொன்ரோவைச் சேர்ந்த தாதி றஞ்சனி ரவி, சோபனா கொலைசெய்யப்பட்டுள்ளார் என்பது 100 சதவிகிதம் உண்மை என கூறியுள்ளார். அத்துடன் இது சம்பந்தமாக சர்வதேச புலன் விசாரனை தேவை எனவும் கேட்டுக் கொண்டுள்ளார். பிரதம மந்திரி Stephan Harper பொதுநலவாய நாடுகளின் மகாநாட்டை புறக்கணித்தமைக்கு இத்தகைய நீதிக்குப் புறம்பான கொலை குற்றச்சாட்டுக்களும் ஒரு காரணமென கூறப்பட்டுள்ளது. வெளிநாட்டு விவகார மற்றும் சர்வதேச மனித உரிமைகள் அமைச்சின் பாராளுமன்ற செயலாளர் திரு. ஓப்ராய் இலங்கையின் வடபகுதிக்கு விஜயம் செய்தபோது மக்களிடம் போர் நிறுத்தத்தின் பின்னர் சமரசப்படுத்துதல் இடம்பெற்றதா என கேட்டபோது இல்லை என்பதே ஒரே பதிலாக கிடைத்ததாக அவர் கூறியுள்ளார். சோபனா சோபா [இசைப்பிரியா] போரில் மரணமடைந்ததாக இலங்கை இராணுவம் கூறுகின்ற போதிலும் வீடியோ பிரகாரம் சோபனா சரணடைந்த பின்னர் கொல்லப்பட்டுள்ளார் என்பது தெரியவந்துள்ளது. இலங்கை பாதுகாப்பு படையினரின் காவலில் இருந்த போது தான் கொலை செய்யப்பட்டிருக்கின்றார் என்பது வீடியோ காட்சி மூலம் தெரிகின்றதென சர்வதேச பொதுமன்னிப்பு உத்தியோகத்தர் யொலான்டா வோஸ்ரர் தெரிவித்துள்ளார். இந்த சம்பவம் மட்டும் ஒரு தனி சம்பவம் இல்லை என்றும் இவர் தெரிவித்துள்ளார். போர் இறுதிக்கால கட்டங்களில் நீதிக்குப் புறம்பான கொலை, கற்பழிப்பு, பாலியல் துன்புறுத்தல் போன்ற வன்முறைச் சம்பவங்களினால் பலர் பாதிக்கப்பட்டிருப்பது தெரியவந்துள்ளதாகவும் இவர் தெரிவித்துள்ளார். மேலும் தமிழ் போராளிகளால் பலர் துன்புறுத்தப் பட்டிருப்பதற்கான சான்றுகளும் இருப்பதாக யோலான்டா கூறியுள்ளதாக தெரியவருகின்றது. ஆனால் பொதுவான சர்வதேச புலன்விசாரனை இல்லாமல் எதையும் உறுதிசெய்ய முடியாதெனவும் அவர் கூறியுள்ளார். திருமதி. சோபா இறந்த அடுத்த நாள் போர் முடிவடைந்தது. தலைவர் பிரபாகரன் கொல்லப்பட்டார். திருமதி சோபாவின் கைது பற்றிய வீடியோ அரசாங்கத்தை அவமானப் படுத்துவதற்காக போலியாக தயாரிக்கப் பட்டதென இலங்கை மிலிற்றறி பேச்சாளர் ஒருவர் பிபிசி ற்கு கூறியுள்ளார். இது நடிப்பல்ல என திருமதி.ரவி எதிர்த்துள்ளார்.திருமதி சோபாவின் பேத்தியார், இரண்டு அன்ரிமார்கள், கனடாவில் வசிக்கின்றார்கள் என திருமதி. ரவி கூறியுள்ளார். சோபாவிற்கு 5 சகோதரிகள் உள்ளனர்.    

மேலும் படிக்கவும் மறுமொழி இல்லை பண் த பாலா 19-11-2013

தமிழர் மனதை களவாடிய டேவிட் கமரூன்.

இந்தியா இதுவரை இலங்கை விடயத்தில் வகித்து வந்த பங்காற்றலை, பிரித்தானிய பிரதமர் டேவிட் கமரோன் களவாடிவிட்டதாக இந்திய இணையத்தளம் ஒன்று தெரிவித்துள்ளது. தெ ஏசியன் ஏஜ் என்ற இணையத்தளம் இந்த கருத்தை வெளியிட்டுள்ளது. இதுவரைக்காலமும் இந்தியா இலங்கையின் விடயத்தில் முக்கிய பங்கை வகித்து வந்தது. எனினும் கொழும்பில் இடம்பெற்ற பொதுநலவாய நாடுகளின் மாநாட்டில் பங்கேற்ற பிரித்தானிய பிரதமர் கெமரோன், இலங்கை அரசாங்கத்தின் மீதான போர்குற்றச்சாட்டு தொடர்பில் சர்வதேச விசாரணை வேண்டும் என்று கோரினார். இந்த கோரிக்கை பிரித்தானியாவிலுள்ள ஒரு லட்சத்து 50 ஆயிரம் இலங்கை தமிழர்கள் மத்தியில் கெமரோனின் செல்வாக்கை அதிகரித்துள்ளது. அதேநேரம் இலங்கை தமிழர்களுக்கு இந்தியா மட்டுமே பாதுகாப்பு என்ற நிலை மாற்றி கெமரோனை முழுமையாக நம்பும் அளவுக்கு இலங்கை தமிழர்களும் புலம்பெயர்ந்த தமிழர்களும் வந்துள்ளதாக தெ ஏசியன் ஏஜ் குறிப்பிட்டுள்ளது. எனவே இலங்கை தமிழர்கள் விடயத்தில் இந்தியாவிடம் இருந்து கெமரோன் களவாடிவிட்டதாக ஏசியன் ஏஜ் தெரிவித்துள்ளது.

மேலும் படிக்கவும் மறுமொழி இல்லை சுதர்சன் 19-11-2013

எதிர்பாராத விதமாக வெடித்து சிதறும் விமானம்.....

எதிர்பாராத விதமாக வெடித்து சிதறும் விமானம்.....   ரஷிய தலைநகர் மாஸ்கோவில் இருந்து போயிங் 737 ரக விமானம் ஒன்று புறப்பட்டது. அந்த விமானம், ரஷியாவின் கசான் நகரில் தரை இறங்க முயன்றது. முதல் தடவை முடியாமல் போகவே, இரண்டாவது தடவை தரை இறங்க முயன்றது. இந்நிலையில் திடீரென விமானம் வெடித்துச் சிதறியது. இதில், விமானத்தில் இருந்த 44 பயணிகள், 6 சிப்பந்திகள் என அனைவருமே பலியாகியுள்ளனர்.

மேலும் படிக்கவும் மறுமொழி இல்லை பண் த பாலா 18-11-2013

ஐஸ்கிறீம் கோன்களில் வலிமருந்து உள்ளடக்கல்.

இங்கிலாந்து நாட்டிலுள்ள பிரபல நிறுவனம் சாக்லெட் உள்பட பல சுவைகளில் ஐஸ்கிரீம் தயாரித்து விற்பனை செய்கிறது.    இந்நிலையில் சாக்லெட் மற்றும் நட்ஸ் ஐஸ்கிரீம் உள்ள 2 கோன்களில் வலி நிவாரண மாத்திரை கிடப்பது கண்டுபிடிக்கப்பட்டது. இது வாடிக்கையாளர்கள் மத்தியில் பரபரப்பை ஏற்படுத்தியது.  இதனால் அந்த நிறுவனம் வருத்தம் தெரிவித்ததுடன், சம்பந்தப்பட்ட 2 வகை ஐஸ்கிரீமை திரும்ப பெற முடிவு செய்து ஒரு அவசர அறிவிப்பை வெளியிட்டது.    வாடிக்கையாளர்கள் தங்கள் கைவசம் இருக்கும் ஐஸ்கிரீமை சாப்பிட வேண்டாம். அதனை அருகில் உள்ள கடைகளில் கொடுத்து அதற்குரிய பணத்தை மீளப் பெற்றுக்கொள்ளலாம் என வேண்டுகோள் விடுத்திருக்கிறது.  இதுகுறித்து தெரிவித்த அந்நிறுவனத்தின் செய்தி தொடர்பாளர், இச்சம்பவம் தொடர்பாக விசாரணை மேற்கொள்ளப்பட்டுள்ளதாகவும், இதுவரை இதனால் யாருக்கும் ஏதும் உடல் நலக்குறைவு ஏற்படவில்லை என்றும் இதுகுறித்து ஏற்கனவே அதனை விநியோகித்தவர்களிடம் விசாரணை நடைபெறுவதாகவும் கூறியுள்ளார்.

மேலும் படிக்கவும் மறுமொழி இல்லை சுதர்சன் 18-11-2013

ஒரு குழந்தைத்திட்டம் சீனாவில் நிறுத்தம்.

சீனாவில் நடைமுறைப்படுத்தபட்டிருந்த ஒரு குழந்தைத் திட்டத்தைத் தளர்த்துவதாக அறிவிக்கப்பட்டுள்ளது. சீனாவில் அமல்படுத்தப்பட்டிருந்த ஒரு குழந்தைத் திட்டத்தைத் தளர்த்துவதாகவும், அந்நாட்டில் மனித உரிமை முயற்சியை மேம்படுத்தும் விதமாக நடைபெற்று வரும் தொழிலாளர் முகாம்களும் ஒழிக்கப்படுவதாக அந்நாட்டின் அரசு செய்தி நிறுவனம் குறிப்பிட்டுள்ளது. குடும்பத் திட்ட விதிகளில் ஏற்படுத்தப்பட்டுள்ள மாற்றத்தின் மூலம், பெற்றோரில் ஒருவர் ஒரு குழந்தையாக இருக்கும்பட்சத்தில் அவர்கள் இரண்டாவது குழந்தையைப் பெற்றுக்கொள்ளலாம் எனவும், சில நகரங்களில் பெற்றோர் இருவரும் ஒரு குழந்தையாக இருக்கும்பட்சத்தில் அவர்கள் இரண்டாவது குழந்தையைப் பெற்றுக்கொள்ளலாம் எனவும், சில இடங்களில் முதல் குழந்தை பெண்ணாக இருந்தால் அந்த தம்பதி இரண்டாவது குழந்தை பெற்றுக்கொள்ளலாம் எனவும் தெரிவிக்கப்பட்டுள்ளது. சீனாவில் இந்த சட்டம் அமலில் இருந்ததால், ஆண் - பெண் பிறப்பு விகிதம் மாறிவந்ததாகவும், இன்னும் 10 ஆண்டுகளில் சீனாவில் 24 மில்லியன் ஆண்கள் மணந்துகொள்ள பெண்கள் இல்லாமல் இருப்பார்கள் எனவும் தெரிவிக்கப்பட்டுள்ளது. மேலும், இந்த சட்டம் தளர்த்தப்படாமல் இருந்தால் 2050 ஆம் ஆண்டில் சீனாவில் நான்கில் ஒரு பங்கு மக்கள் தொகை 65 வயதிற்கு மேற்பட்டவர்களாக இருப்பார்கள் எனவும் தெரிவிக்கப்பட்டுள்ளது. 

மேலும் படிக்கவும் மறுமொழி இல்லை சுதர்சன் 18-11-2013

மலையாள தயாரிப்பாளர் வழக்கு!!

 மலையாள தயாரிப்பாளர் வழக்கு!! நய்யாண்டி படம் என்னுடையது . தொப்புள் பிரச்னை தீர்ந்து ‘நய்யாண்டி’ படம் ரிலீஸாகியுள்ள நிலையில், ‘நய்யாண்டி’ படத்தின் கதை என்னுடையது என மலையாள தயாரிப்பாளர் ஒருவர் வழக்கு தொடர்ந்துள்ளார். வழக்கை விசாரித்த நீதிபதி, ‘நய்யாண்டி’ படத்திற்கு இடைக்கால தடை விதித்துள்ளார். சற்குணம் இயக்கத்தில், தனுஷ்-நஸ்ரியா நடிப்பில் சமீபத்தில் வெளிவந்துள்ள படம் ‘நய்யாண்டி’. இப்படம் வெளிவர சில நாட்கள் இருந்த நிலையில், படத்தில் நான் நடிக்காத தொப்புள் காட்சியை மார்பிங் செய்து படத்தில் வெளியிட்டுவிட்டனர் என பிரச்னை செய்தார் இப்படத்தின் நாயகி நஸ்ரியா. பின்னர் ஒருவழியாக அந்தக்காட்சியை நீக்கிவிட்டு படத்தை ரிலீஸ் செய்தனர். படம் எதிர்பார்த்த அளவு வெற்றி பெறவில்லை. இந்நிலையில் மலையாள தயாரிப்பாளர் மணி.சி.கப்பன் என்பவர் நய்யாண்டி படத்தின் கதை என்னுடையது என்று புது பிரச்னையை கிளப்பியுள்ளார். இதுதொடர்பாக அவர் வழக்கும் தொடர்ந்துள்ளார். தமது மனுவில் மணி.சி.கப்பன் கூறியிருப்பதாவது, மலையாளத்தில் 1993ம் ஆண்டு, ஜெயராம்-ஷோபனா நடிப்பில் நான் தயாரித்த படம் ‘மெலி பரம்பில் ஆண் வீடு’. இப்படத்தின் கதையை இப்போது நய்யாண்டி என்ற பெயரில் தமிழில் எடுத்துள்ளனர். இதற்கு என்னிடம் அனுமதி பெறவில்லை. படத்தை பார்த்த பலரும் இது என்னுடைய படம் போன்று இருப்பதாக கூறினர். மேலும் படத்தில் 12க்கும் மேற்பட்ட காட்சிகள் எனது படத்தில் இருப்பது போன்றும், அதில் வரும் வசனங்கள் கூட என் படத்தில் இடம்பெற்ற வசனம் போன்றே படமாக்கப்பட்டு இருப்பதாகவும், இப்படத்தை இந்தியில் ரீ-மேக் செய்ய நான் முயற்சி எடுத்து வந்த வேளையில், என்னிடம் அனுமதி பெறாமல் நய்யாண்டி படத்தை எடுத்துள்ளனர். ஆகவே இப்படத்தை உடனடியாக தடை செய்ய வேண்டும் என்று கூறியிருந்தார். இவ்வழக்கினை விசாரித்த நீதிபதி நய்யாண்டி படத்திற்கு இடைக்கால தடை விதித்தார்.  

மேலும் படிக்கவும் மறுமொழி இல்லை பண் த பாலா 17-11-2013

Carlsberg, Maersk டென்மார்க் நிறுவனங்கள் முன்நிலையில்.

உலகத்தின் நாலாவது பெரிய பியர் உற்பத்தி நிறுவனமும், டென்மார்க்கின் முன்னணி பியர் உற்பத்தி நிறுவனமுமான காள்ஸ்பியா நிறுவனமும், டென்மார்க்கின் பாரிய கப்பல் நிறுவனமான மாஸ்க்கும் வர்த்தகத்தில் எதிர்பார்த்ததைவிட சிறிய முன்னேற்றமடைந்துள்ளன. காள்ஸ்பியா நிறுவனம் இந்த ஆண்டின் மூன்றாவது காலாண்டுப் பகுதியில் எதிர்பார்த்ததைவிட அதிக இலாபத்தை உழைத்துள்ளது. சென்ற ஆண்டு இதே காலப்பகுதியில் 2.1 பில்லியன் குறோணர்களை வரிக்குப் பிந்திய இலாபமாக உழைத்த நிறுவனம் இந்த ஆண்டு 2.3 பில்லியன் குறோணர்களை உழைத்து முன்னேறியுள்ளது. அதேவேளை காள்ஸ்பியா நிறுவனத்திற்கு கடும் போட்டி நிலவும் இடமாக கிழக்கு ஐரோப்பிய நாடுகளின் சந்தை இருக்கிறது. இவை பழைய கம்யூனிச நாடுகளாக இருப்பதால் இங்கு வந்து குவியும் ரஸ்யாவின் பியர் காள்ஸ்பியாவுக்குக் கடும் போட்டியாக இருக்கிறது. இந்த ஆண்டு காலநிலை சீரற்று இருந்த காரணத்தினாலும், பொருளாதார சுழர்ச்சி மந்தமாக இருந்த காரணத்தினாலும் கிழக்கு ஐரோப்பிய பியர் விற்பனை சிறப்பாக அமையவில்லை, இருப்பினும் காள்ஸ்பியா முன்னேறியிருக்கிறது. அதேவேளை கிழக்கு ஐரோப்பிய பியர் விற்பனையில் ரஸ்யாவும் 9 வீத விழுக்காட்டை சந்தித்துள்ளது. இதுபோல டென்மார்க் மாஸ்க் நிறுவனத்தின் பொருளாதார அறிக்கையும் வெளியாகியிருக்கிறது, எதிர்பார்த்ததைவிட ஒரு பில்லியன் குறோணர் அதிக இலாபம் உழைத்துள்ளார்கள். சென்ற ஆண்டு இதே காலப்பகுதியில் 18.3 பில்லியன் குறோணர் இலாபம் உழைத்து மாஸ்க் நிறுவனம் இந்த ஆண்டு 19.4 பில்லியன் குறோணரை உழைத்துள்ளது. மாஸ்க் நிறுவனத்தின் ஓயில் ஏற்றுமதி எதிர்பார்த்ததைப் போல ஆதாயம் தரவில்லை, ஈரானின் ஓயில் வர்த்தகத்திற்கு தடை விதித்தாலும் அந்த இடைவெளியை கைப்பற்ற முடியவில்லை. மறுபுறம் இரண்டு பாரிய நிறுவனங்களும் அடைந்துள்ள முன்னேற்றம் டென்மார்க்கின் சமூக நலத்திட்டங்களை சீராகக் கொண்டு செல்ல உதவும் என்பதை அவதானிக்க வேண்டும்.    

மேலும் படிக்கவும் மறுமொழி இல்லை சுதர்சன் 17-11-2013

பொதுநலவாய மாநாட்டுக்கு நிதியுதவி புரிந்த லைக்கா நிறுவனம்.

இலங்கைத்தீவில் பாரிய மனித உரிமை மீறல்கள் இடம்பெற்றுள்ளதால், அங்கு நடைபெறும் பொதுநலவாய மாநாட்டையும், அதனையொட்டிய முதலீடு தொடர்பான வர்த்தக மாநாட்டையும் (pre-summit Commonwealth Business Forum) புறக்கணிக்க வேண்டும் என்ற கோரிக்கை மனித உரிமை அமைப்புக்களாலும், தமிழ் தலைவர்களாலும் முன்வைக்கப்பட்டு வருகின்றது. இவ்வாறான நிலையில், தமிழ் மக்களின் நிதிப்பங்களிப்பில் பாரிய நிறுவனமாக வளர்ந்துள்ள பிரித்தானியாவைத் தளமாகக்கொண்டியங்கும் லைக்கா மொபைல் நிறுவனம், போர்க்குற்றம் புரிந்த சிறீலங்கா அரசாங்கத்திற்கு அங்கீகாரம் வழங்கும் பொதுநலவாய மாநாட்டிற்கு பாரிய நிதியுதவி வழங்கியுள்ளமை அம்பலத்திற்கு வந்துள்ளது. உலகத் தலைவர்கள் இந்த மாநாட்டைப் புறக்கணிக்க வேண்டும் என, பழ.நெடுமாறன், வைகோ உட்பட தமிழக தலைவர்களும், பிரித்தானிய தமிழர் பேரவை, உலகத் தமிழர் பேரவை போன்ற பல புலம்பெயர்ந்த அமைப்புக்களும் தொடர்ச்சியாகக் கோரிக்கை விடுத்து வரும் நிலையில், இந்த மாநாட்டின் முன்னணி (Gold Sponsor) நிதியுதவி நிறுவனமாக லைக்கா குழுமம் திகழ்கின்றது. இலங்கைத்தீவில் பாரிய மனித உரிமை மீறல்கள் இடம்பெற்றுள்ளதால், அங்கு நடைபெறும் பொதுநலவாய மாநாட்டையும், அதனையொட்டிய முதலீடு தொடர்பான வர்த்தக மாநாட்டையும் (pre-summit Commonwealth Business Forum) புறக்கணிக்க வேண்டும் என்ற கோரிக்கை மனித உரிமை அமைப்புக்களால் முன்வைக்கப்பட்டு வருகின்றது.   பிரித்தானியாவைச் சேர்ந்த நூறிற்கும் மேற்பட்ட நிறுவனங்கள் கொழும்பில் தற்பொழுது நடைபெற்றுக் கொண்டிருக்கும் ‘இலங்கையில் வர்த்தக முதலீடு’ செய்வது பற்றிய மாநாட்டில் கலந்து கொண்டுள்ளன. கொழும்பு சென்றுள்ள நிறுவனங்களில் தமிழ் மக்களின் நிதிப்பங்களிப்பில் ஐரோப்பிய நாடுகள் மற்றும் அவுஸ்திரேலியாவில் பெரும் இலாபம் ஈட்டிவரும் லைக்கா மொபைல் (Lyca Mobile), லைக்கா ரெல் (Lyca Tel) மற்றும் லைக்கா ஃபிளை (Lyca Fly) போன்ற நிறுவனங்களைக் கொண்ட லைக்கா குழுமமும் (Lyca Group) ஒரு முக்கிய நிதியுதவியாளராக அடங்கியுள்ளமை பலரையும் அதிர்ச்சியில் ஆழ்த்தியுள்ளது. அத்துடன், பொதுநலவாய மாநாட்டிற்கும் லைக்கா குழுமம் நிதியுதவி வழங்கியிருக்கின்றது. கனடா, இந்தியா, மற்றும் மொறீசியஸ் போன்ற நாடுகளின் பிரதமர்கள் கொழும்பு மாநாட்டைப் புறக்கணித்துள்ள நிலையில், பிரித்தானியப் பிரதமர் டேவிட் கமறூன் தமிழ் மக்களின் எதிர்ப்பின் மத்தியில் இன்று (15-11-2013) கொழும்பு செல்லுகின்றார். இதனையொட்டி பிரித்தானிய ஆளும் கட்சிக்கு நிதியுதவி செய்யும் நிறுவனங்கள் கடந்த 12ஆம் திகதி முதல் இன்றுவரை நடைபெறும் வர்த்தக முதலீட்டு மாநாட்டில் கலந்து கொண்டுள்ளன. இதற்கென கொழும்பு சென்ற லைக்கா மொபைல் உட்பட வர்த்தக நிறுவனங்களின் பிரதிநிதிகளுக்கு மிகச்சிறந்த வரவேற்பளித்த சிறீலங்கா அரசாங்கம், அவர்களை கட்டுநாயக்க விமான நிலையத்தில் இருந்து உலங்கு வானூர்திகளில் அழைத்துச் சென்று மிகவும் இராஜ மரியாதை வழங்கியுள்ளது. இதில் லைக்கா மொபைல் நிறுவனத்தின் தலைவர்  சுபாஸ்கரன் அல்லிராஜாவும் அடங்குவதாகத் தெரிவிக்கப்பட்டுள்ளது. இந்த நிதியுதவி மாநாடு பற்றிக் கருத்துரைத்த சர்வதேச மன்னிப்புச் சபையின் இயக்குனர் கேட் அலென் (Kate Allen), பாரிய மனித உரிமை மீறல்களில் ஈடுபட்ட ராஜபக்சவிற்கும், அவரது அரசாங்கத்திற்கும் இந்த வர்த்தக மாநாடு, முதலீட்டிற்கான வாய்ப்பாக அமைந்துவிடக்கூடாது என எச்சரிக்கை செய்துள்ளார். ஆனால் இரண்டு பில்லியன் அமெரிக்க டொலருக்கு மேற்பட்ட முதலீடு ஏற்கனவே உறுதி செய்யப்பட்டுள்ளது.   கொழும்பு வர்த்தக மாநாட்டில் கலந்து கொண்டுள்ள நிறுவனங்கள் பற்றிய தகவல்களை பிரித்தானியாவின் ஆய்வு ஊடகமான கோர்பறேட் வொச் (Corporate Watch) வெளியிட்டுள்ளது. இதில் லைக்கா மொபைல் முக்கிய இடத்தில் (Gold Sponsor) இருப்பதை மேலுள்ள இணையத்தின் இணைப்பில் பார்வையிடலாம். லைக்கா மொபைல் நிறுவனத்தின் கணக்காய்வு நிறுவனமான ஏன்ஸ் அன்ட் யங் (Ernst& Young) நிறுவனமும் கொழும்பு சென்றுள்ளது. அத்துடன், பிரித்தானியாவில் தமிழ் மக்கள் பெருமளவில் பாவிக்கும் வீட்டுத் தொலைபேசிச் சேவை நிறுவனமான பி.ரியும் (BT) இதில் அடங்கியுள்ளது. தமிழரின் நிறுவனமான லைக்கா மொபைல் நிறுவனம் பிரித்தானிய ஆளும் கட்சிக்கு இதுவரை 426,293.00 பவுண்ஸ்களை நிதிப்பங்களிப்பாக வழங்கி, அந்தக் கட்சிக்கு நிதி வழங்கும் நிறுவனங்களில் மூன்றாவது இடத்தில் உள்ளது. ஆனால் 2005ஆம் ஆண்டு முதல் இதுவரை பிரித்தானியாவில் வரி செலுத்தவில்லை என கடந்த சில மாதங்களுக்கு முன்னர் லண்டனின் முன்னணி ஊடகங்கள் செய்தி வெளியிட்டிருந்தமை தமிழ் மக்களிற்கு பெரும் ஏமாற்றத்தையும், சங்கடத்தையும் ஏற்படுத்தி இருந்தது. இதேவேளை, புலம்பெயர்ந்த தமிழ் மக்களின் பெரும் நிதிப்பங்களிப்பில் வளர்ந்த லைக்கா குழுமம், போர்த்துக்கல்லில் உள்ள தனது இணை நிறுவனமான  Hastings Trading e Serviços Lda ஊடாக மகிந்த ராஜபக்சவின் மருமகனான ஹிமால் லலிந்த ஹெட்டியாராச்சியின் (Himal Lalindra Hettiarachchi) பெயரிலுள்ள சிறீலங்காவின் வயர்லெஸ் சேவை வழங்கும் நிறுவனத்தின் 95 வீதமான பங்கை 2007ஆம் ஆண்டு கொள்வனவு செய்துள்ளமையும் இப்பொழுது தெரிய வந்துள்ளது.   மகிந்தவின் மருமகனின் இந்த நிறுவனத்துடன் 100 மில்லியன் அமெரிக்க டொலர் நட்டத்தில் இணைந்து செயற்பட வேண்டிய நிர்பந்தத்திற்கு சிறீலங்கா ரெலிகொம் தள்ளப்பட்டுள்ளது. இதேவேளை, லைக்கா குழுமத்தின் லைக்கா ஃபிளை (Lyca Fly) நிறுவனமும், பாரிய மனித உரிமை மீறல்களில் ஈடுபட்ட சிறீலங்கா அரசாங்கத்திற்கு பெரும் வருவாயை ஈட்டிக்கொடுக்கும், மகிந்தவின் மைத்துனரின் பெயரிலுள்ள சிறீலங்கன் எயார்லைன்ஸ் நிறுவனத்துடன் இணைந்து இயங்கி வருகின்றது.   அத்துடன், சிறீலங்காவிற்கு செல்லுவதற்காக சுற்றுலாச் சலுகைகளையும் லைக்கா ஃபிளை (Lyca Fly) போருக்குப் பின்னர்  வழங்கி வருவதால், சிறீலங்கா அரசாங்கம் அதனூடாகவும் அந்நியச் செலாவணியைப் பெற்று வருகின்றது. இந்தக் குற்றச்சாட்டுக்கள் தொடர்பாக பதிலளிக்க லைக்கா குழுமம் மறுப்புத் தெரிவித்து வருகின்றது.   எந்தவித பிரதிபலனையும் எதிர்பார்க்காது சனல்-4 போன்ற ஊடகங்கள் தமிழ் மக்களிற்காகவும், மனித உரிமைகளுக்காவும் குரல் கொடுத்து வரும் நிலையில், தமிழ் மக்களின் பணத்தில் வளர்ந்த லைக்கா குழுமம், அந்த மக்களைக் கொன்றொழித்து, போர்க்குற்றம் புரிந்த அரசாங்கத்திற்கு நிதியுதவி வழங்கி வருகின்றமை ஏற்க முடியாத ஒரு விடயம். போரில் பாதிக்கப்பட்ட தமிழ் மக்கள் தற்பொழுதும் அடிப்படை வசதிகள் அற்ற நிலையில் அவலப்பட்டு வருகின்றனர். வெளிநாட்டு அரசாங்கங்களும், தொண்டு நிறுவனங்களும் பிலிப்பைன்ஸ் போன்ற நாடுகளிற்கான அவசர உதவிகளில் மூழ்கியுள்ளன. இந்த நிலையில் தமிழ் மக்களின் பணத்தில் புலம்பெயர் நாடுகளில் வளர்ந்த லைக்கா மொபைல் போன்ற நிறுவனங்கள், தாயகத்தில் அவலப்படும் மக்களை கவனிக்க வேண்டிய பொறுப்பில் இருந்து விலக முடியாது. தவறினால் இவ்வாறான அமைப்புக்களிற்கு பதிலடி கொடுக்க புலம்பெயர்ந்த மக்கள் பின்னிற்க மாட்டார்கள் என்பது உறுதி.

மேலும் படிக்கவும் 6 மறுமொழிகள் சுதர்சன் 17-11-2013

சிவகார்த்திகேயன் ஆடி கார் வாங்கினார்.

ஆடி கார் வாங்கினார் சிவகார்த்திகேயன் ஆறே படத்தில் சின்னத்திரை நிகழ்ச்சி தொகுப்பாளராக இருந்த சிவகார்த்திகேயன் மெரீனா படத்தின் மூலம் சினிமா நடிகர் ஆனார். அதன் பிறகு 3 படத்தில் சிறிய காமெடி கேரக்டரில் நடித்தார். மனம் கொத்தி பறவை, கேடி பில்லா கில்லாடி ரங்கா, எதிர்நீச்சல், வருத்தப்படாத வாலிபர் சங்கம் என இவர் படங்கள் அனைத்தும் ஹிட் அடிக்க மெரீனாவில் 2 லட்சம் சம்பளம் வாங்கியவர் இப்போது 5 கோடி சம்பளம் வாங்குகிறார். தனது உயரத்தின் அடையாளமாக இப்போது 6 படங்களில் மட்டுமே நடித்துள்ள சிவகார்த்திகேயன் ஆடி கார் வாங்கி உள்ளார். அதில் உட்கார்ந்து போஸ் கொடுத்து அந்தப் படத்தை தனது பேஸ்புக்கிலும் வெளியிட்டுள்ளார். சினிமாவின் சிகரங்களை தொட்ட சூப்பர் ஸ்டார் ரஜினிகாந்த் இப்போதும் தனது பழைய அம்பாசிடர் காரைத்தான் பயன்படுத்துகிறார். 6 படங்களில் நடித்த சிவா ஆடி காரில் பவனி வரப்போகிறார். சினிமா காட்டும் மாயாஜாலங்களில் இதுவும் ஒன்று.  

மேலும் படிக்கவும் மறுமொழி இல்லை பண் த பாலா 16-11-2013

MD நிறுவனம் Tesco நிறுவனத்துடன் வலையமைப்பு மேம்படுத்தலில் ஒப்பந்தம்.

MD வர்த்தகநாமத்தின் கீழ் இயற்கை பழச்சாறுகள், ஜாம், சோஸ், கோர்டியல்கள் மற்றும் பிற தயாரிப்புகளை விநியோகித்து வரும் இலங்கையின் முதற்தர விநியோகஸ்தரும், ஏற்றுமதியாளரும் மற்றும் உற்பத்தியாளருமான லங்கா கெனரிஸ் நிறுவனமானது தமது உலகளாவிய பிரசன்னத்தை மேலும் விஸ்தரிக்கும் நோக்கில், பிரிட்டனைச் சேர்ந்த டெஸ்கோ சூப்பர் மார்கெட்டுகளில் தமது தயாரிப்புக்களை விற்பனை செய்யும் வகையில் உலகப் புகழ்பெற்ற சில்லறை வர்த்தக வலையமைப்பைக் கொண்ட டெஸ்கோUK (Tesco PLC UK) நிறுவனத்துடன் ஒப்பந்தத்தில் கைச்சாத்திட்டுள்ளது.    உலகின் மிகப்பெரிய சில்லறை வர்த்தக நிறுவனங்களுள் ஒன்றாக விளங்கும் டெஸ்கோ நிறுவனமானது 12 நாடுகளில் ஐந்து இலட்சத்துக்கும் அதிகமான பணியாளர்களை கொண்டுள்ளதுடன், ஆண்டுதோறும் ஒரு மில்லியனுக்கும் அதிகமான வாடிக்கையாளர்களுக்கு தமது சேவைகளை வழங்கி வருகின்றது.  1919ஆம் ஆண்டு நிறுவப்பட்ட டெஸ்கோ நிறுவனமானது தரமான மற்றும் பல்வேறு வகையான தயாரிப்புக்கள் ஊடாக வாடிக்கையாளர்களுக்கு சிறந்த ஷொப்பிங் அனுபவத்தை வழங்கி உலகளவில் முன்னணியில் திகழ்கிறது.    டெஸ்கோ சூப்பர் மார்கெட்டுகளில் பிரசித்தி பெற்ற பழக்கலவை, அன்னாசி மற்றும் விளாம்பழச் சுவை கொண்ட MD ஜாம் வகைகளும், MD இன் புகழ்பெற்ற தயாரிப்புகளான extra hot chillie sauce மற்றும் green chillie sauce போன்ற தயாரிப்புகளும் விற்பனை செய்யப்படுகின்றன. டெஸ்கோ சூப்பர் மார்கெட்டுகளில் தற்போது MD கட்டச் சம்பல், மாழ்பழ சட்னி மற்றும் விளாம்பழ நெக்டா பழச்சாறுகள் போன்றனவும் விற்பனை செய்யப்படுகின்றன.    மேலும் எதிர்காலத்தில் ஷர்பட் சிரப் மற்றும் நெல்லி கோர்டியல் போன்ற MDகோர்டியல் வகைகளும் தேங்காய் வினாகிரி மற்றும் கித்துல் பாகு போன்ற தயாரிப்புகளும் விற்பனை செய்யப்படவுள்ளன.            இந்த அபிவிருத்தி குறித்து லங்கா கெனரிஸ் நிறுவனத்தின் தலைவர் எம்.எஃப்.தோஸா கருத்து தெரிவிக்கையில், ´உலகளாவிய சில்லறை வலையமைப்பினை கொண்ட டெஸ்கோ பிஎல்சி போன்ற நிறுவனத்தில் எமது தயாரிப்புகள் விற்பனை செய்யப்படுகின்றமை குறித்து நாம் மிகவும் மகிழ்ச்சியடைகிறோம். உயர்தரத்துடன் நாம் உற்பத்தி செய்யும் தயாரிப்புக்களின் சுவையை தற்போது ஐக்கிய இராச்சியத்தில் உள்ள பாவனையாளர்களும் அனுபவிக்க முடியும் இது எம்மை இலங்கையின் முன்னணி உணவு மற்றும் குளிர்பானங்கள் உற்பத்தியாளராக எம்மை முன்னேற்ற வழிவகுக்கும்´ என்றார்.  லங்கா கெனரிஸ் நிறுவனத்தின MD வர்த்தகநாமமானது பழங்கள் மற்றும் காய்கறி பதப்படுத்தல் துறையில் 80 வருட அனுபவத்தை கொண்டுள்ளது. இலங்கை சந்தையில் MD ஜாம், கோர்டியல் மற்றும் சோஸ் வகைகளுக்கு என தனித்துவமான இடத்தை கொண்டுள்ளது. MD தயாரிப்புக்கள் தற்போது USA, UK, அவுஸ்திரேலியா, ஜப்பான், இந்தியா, மாலைதீவு மற்றும் கனடா உள்ளிட்ட 35 நாடுகளுக்கும் மேலாக விற்பனை செய்யப்பட்டு வருகிறது. MD ஆனது SLS சான்றிதழ், ISO 22,000 மற்றும்HACCP சான்றிதழ்களை பெற்றுள்ளது. 

மேலும் படிக்கவும் மறுமொழி இல்லை சுதர்சன் 16-11-2013

மரத்தை திருமணம் செய்த ஆண்.

ஆர்ஜென்டீனாவைச்சேர்ந்த நபரொருவர் விநோதகரமாக மரமொன்றினை திருணம் செய்துகொண்ட சம்பவமொன்று கடந்த ஞாயிற்றுக்கிழமை இடம்பெற்றுள்ளது.   பெரு நாட்டின் நடிகரும் சுற்றுச்சூழல் ஆர்வலருமான ரிச்சர்ட் டொரெஸ் என்பவரே மரத்தை திருமணம் செய்தவர். ஆர்ஜென்டீனாவின் தலைநகர் பியுனோஸைரஸிலுள்ள பிரதான பூங்காவிலுள்ள மரமொன்றையே இவர் திருமணம் செய்துள்ளார்.  தோற்றத்தில் நடிகர் ஜோனி டெப் போலவுள்ள டொரெஸ், சூழல் பிரச்சினைகள் தொடர்பில் விழிப்புணர்வை ஏற்படுத்தவே இவ்வாறானதொரு திருமணத்தை முடித்துள்ளதாக தெரிவித்துள்ளார். இத்திருமணத்துக்கு பலரை விருந்தினராக அழைத்த டொரெஸ், மரத்தினை பல தடவைகள் முத்தமிட்டு திருமண ஒப்பந்தத்தை சத்தமாக வாசித்து இத்திருமணத்தை அதிகாரபூர்வமாக முடித்துள்ளார். இதேபோன்று இலத்தின் அமெரிக்க நாடுகளில் தனது பாணியில் விழிப்புணர்வை ஏற்படுத்த வுள்ளதாக குறிப்பிட்டுள்ளார் டொரெஸ். -

மேலும் படிக்கவும் 3 மறுமொழிகள் சுதர்சன் 16-11-2013

டேவிட் கமரூன் யாழ்ப்பாணம் சென்றார் !

1948 இல் இலங்கை சுதந்திரமடைந்தபின் யாழ்ப்பாணத்துக்கு சென்ற முதல் வெளிநாட்டு பிரதமராகும்.இவரது வரவு என்பது யாழ் மக்களுக்கு தங்களது கஸ்டங்களை விபரமாக சொல்ல கிடைத்த சந்தர்ப்பமாகும். வாசித்தல்,கேட்டல் என்பதைவிட நேரடி அனுபவம் கமரூன் பெறுவதால் ஈழ தமிழர்களுக்கு விடிவுண்டா.. பிரிட்டன் பிரதமர் டேவிட் கமரூன் வரவு உறுதியானது!! பிரிட்டன் பிரதமர் டேவிட் கமரூன் இன்று வெள்ளிக்கிழமை யாழ்ப்பாணம் வருகை தருவதை முன்னிட்டு பாதுகாப்பு கெடுபிடிகள் உச்சம் பெற்றுள்ளது. இவரது வருகைக்காக யாழ். மாவட்டத்தில் பொலிஸ் பாதுகாப்பு பன்மடங்கு அதிகரிக்கப்பட்டுள்ளது. அவர் பயணிக்கும் பலாலி வீதி காங்கேசன்துறை வீதி மற்றும் நகரப்பகுதிகளெங்கும் பொலிஸார் குவிக்கப்பட்டுள்ளனர். பிரிட்டன் பிரதமர் ஒருவர் யாழ்ப்பாணத்துக்குப் பயணம் மேற்கொள்வது இதுவே முதல் தடவையாகும்.   கொழும்பில் நடைபெறும் பொதுநலவாய மாநாட்டில் பங்கெடுப்பதற்காக பிரிட்டன் பிரதமர் டேவிட் கமரூன் நேற்று வியாழக்கிழமை இரவு கொழும்பை வந்தடைந்தார். இந்தியாவிலிருந்து விசேட விமானம் மூலம் இலங்கைக்கு அவர் வருகை தந்தார்.   கொழும்பில் இன்று வெள்ளிக்கிழமை இடம்பெறும் பொதுநலவாய அரச தலைவர்கள்  மாநாட்டில் பங்கேற்கும் கமரூன், இன்று நண்பகல் கொழும்பிலிருந்து இரண்டு "அன்ரனோவ்' ரக விமானம் மூலம் பலாலியைப் பிற்பகல் 2 மணியளவில் வந்தடைவார். அவருடன் பிரிட்டன் ஊடகவியலாளர்கள் 30 பேர் வரை வருகை தருகின்றனர். பலாலியிருந்து விசேட உலங்கு வானூர்தி மூலம் புறப்பட்டு யாழ். துரையப்பா விளையாட்டரங்கை பிற்பகல் 3 மணிக்கு வந்தடையும் கமரூன், உடனடியாக யாழ். பொதுநூலகத்துக்குச் சென்று தமிழ்த் தேசியக் கூட்டமைப்பின் தலைவர் இரா. சம்பந்தன், வடக்கு மாகாண சபை முதலமைச்சர் க.வி.விக்னேஸ்வரன் ஆகியோருடன் கலந்துரையாடவுள்ளார்.   இதன் பின்னர் வலி. வடக்கு மக்கள் இடம்பெயர்ந்து தங்கியுள்ள சபாபதிப்பிள்ளை நலன்புரி நிலையத்துக்கும் அவர் பயணம் மேற்கொள்வார என அறிவிக்கப்பட்டுள்ளது.யாழில் டேவிட் கமரூன் பயணித்த வாகனத்தொடரணியை சில ஆர்பாட்டக்காரர்கள் மறித்து முற்றுகையிட்டுள்ளார்கள் என அங்கிருந்து கிடைக்கும் செய்திகள் தெரிவிக்கின்றன. பிரித்தானியப் பிரதமர் டேவிட் கமரூன் காணமல் போன நபர்களின் பெற்றோரையும் உறவினர்களையும் சந்தித்துள்ளார். பின்னர் அவர் புறப்பட்டவேளை தமிழர்கள் ஓடிச் சென்று வாகனத்தை மறித்து தமது குறைகளை கூறியுள்ளார்கள். அதன் பின்னதாக அவரது வாகனத் தொடரணி சென்றவேளை இலங்கை புலனாய்வுப் பிரிவினரால் ஏற்பாடு செய்யப்பட்ட சிலர், அவரது வாகனத்தை நகரவிடாது தடுத்துள்ளார்கள். இதனால் பெரும் பதற்றம் தோன்றுயுள்ளது. கலகம் அடக்கும் பொலிசார் ஏற்கனவே அவ்விடத்திற்கு அருகாமையில் நிலைகொண்டுள்ளார்கள் என்ற தகவலை சனல் 4 தொலைக்காட்சியின் ஊடகவியலாளர் ஜோன் சினோ தெரிவித்திருந்தார். ஏன் கலகம் அடக்கும் பொலிசார் சம்பவ இடத்திற்கு அருகாமையில் முன்னரே வந்து நின்றார்கள் என்ற சந்தேகமும் வலுப்பெற்றுள்ளது. இன் நிலையில் பொலிசார் அவ்விடத்திற்குச் சென்று பிரதமர் கமரூனை அவ்விடத்தில் இருந்து பாதுகாப்பாக வெளியேற உதவியுள்ளார்கள் என்று மேலும் வன்னி மீடியா இணையம் அறிகிறது. மேலதி தகவல்கள் பல யாழில் இருந்து வெளியாக உள்ளதால் வன்னி மீடியாவின் செய்திகளோடு இணைந்திருங்கள்.    டேவிட் கமரூன் யாழ்ப்பாணம் சென்றார் !(4ம் இணைப்பு)   கொழும்பில் காமன்வெலத் மாநாடு ஆரம்பிக்கப்பட்டவேளை, பிரித்தானியப் பிரதமர் டேவிட் கமரூன் யாழ்பாணம் சென்றுள்ளார் என வன்னி மீடியா இணையம் அறிகிறது. இன்று காலை அவர் யாழ் நூல் நிலையத்திற்குச் சென்றுள்ளார். அங்கே கவனயீர்பு போராட்டம் ஒன்றில் ஈடுபட்டிருந்த தமிழ் மக்கள் அவரை வாழ்த்தியுள்ளார்கள். 1948ம் ஆண்டிற்குப் பின்னர் பிரித்தானியப் பிரதமர் ஒருவர் யாழ் செல்வது இதுவே முதல்தடவையாகும். "நடைபெறவுள்ள நிகழ்வில் நான் ஒரு வெளிச்சத்தை ஏற்படுத்த விரும்புகிறேன்" என்று அவர் யாழ் மக்களிடம் தெரிவித்துள்ளார்.  இதேவேளை நேற்றைய தினம் அவர் கொழும்பு சென்றவேளை அவருக்கு பாரிய வரவேற்பு கொடுக்கப்பட்டது. கண்டிய நடனம் ஆடும் ஆடவர்கள் அவரை சூழ்ந்து நடனமாடினார்கள். அவருக்கு வெளிநாட்டில் இருந்து தருவிக்கப்பட்ட பிரத்தியேக வாகனம் ஒன்றும் கொடுக்கப்பட்டது. இருப்பினும் அவர் தூதரக வாகனத்தையே பாவித்துள்ளார் என்று மேலும் அறியப்படுகிறது. கொழும்பு வந்தவேளை அவருக்கு கொடுக்கப்பட்ட அதிகூடிய கோலாகல வரவேற்ப்பின் வீடியோ இங்கே இணைக்கப்பட்டுள்ளது. (4ம் இணைப்பு) யாழில் டேவிட் கமரூன் உதயன் பத்திரிகை காரியாலயம் சென்றுள்ளார். மற்றும் தமிழர்களை சந்தித்து உரையாடியுள்ளார். சில தமிழர்கள் தம்மை உருமறைப்புச் செய்ய தலையில் போர்வையை போர்த்தி இருந்தார்கள். அவர்கள் முஸ்லீம்கள் அல்ல என்ற விடையத்தையும் அவரது காரியதரிசி எடுத்துரைத்துள்ளார்.  (4ம் இணைப்பு)    

மேலும் படிக்கவும் மறுமொழி இல்லை பண் த பாலா 15-11-2013

முள்ளிவாய்க்காலால் முதலமைச்சர், காங்கிரஸ் MLAயையும் ஆபாச வார்த்தையில் திட்டியதால் பரபரப்பு

        முள்ளிவாய்க்காலால் முதலமைச்சர், காங்கிரஸ் MLAயையும் ஆபாச வார்த்தையில் திட்டியதால் பரபரப்பு முள்ளிவாய்க்காலால் முதலமைச்சர் ஜெயாவையும் காங்கிரஸ் விஜய தாரணியையும் ஆபாச வார்த்தையில் திட்டியதால் பரபரப்பு  

மேலும் படிக்கவும் மறுமொழி இல்லை பண் த பாலா 15-11-2013

நல்லவராக மாறிய அஜீத்…!ஷாலினி அட்வைஸ்

 நல்லவராக மாறிய அஜீத்…!ஷாலினி அட்வைஸ்  சமீபகாலமாக தொடர்ந்து கெட்டவனாகவே நடித்து வந்த அஜீத், தனது மனைவி ஷாலினியின் அட்வைஸை ஏற்று வீரம் படத்தில் நல்லவராக நடித்துள்ளாராம். பில்லா, பில்லா-2, மங்காத்தா, ஆரம்பம் என அஜீத் தொடர்ச்சியாக வில்லத்தனம் கலந்த கேரக்டரில் நடித்து வருகிறார். மங்காத்தா படத்தில் கூட நானும் எவ்வளவு நாளைக்குத்தான் நல்லவனாகவே நடிக்கிறது என்று ஒரு டயலாக்கே சொன்னார் அஜீத். அஜீத்தின், ரசிகர்களும் அவரது நெகட்டிவ் நடிப்பை ரசிக்கின்றனர். இருந்தும் சிலர் தொடர்ந்து அதுபோன்று நடிப்பதை ஏற்க மறுக்கின்றனர். அஜீத்தின் மனைவி ஷாலினிக்கு கூட இது சுத்தமாக பிடிக்கவில்லையாம். அவர் தான் அடுத்தபடத்தில் இப்படி நடிக்காதீர்கள் என்று அட்வைஸ் பண்ணினாராம். அதனையடுத்து தான் தற்போது சிறுத்தை சிவா இயக்கி வரும் வீரம் படத்தில் நல்லவனாக நடிக்க சம்மதித்தாராம். அண்ணன்-தம்பி பாசத்தை மையப்படுத்தி வீரம் படத்தை இயக்கி வருகிறார் சிவா. லவ், காமெடி, ஆக்ஷ்ன், சென்டிமென்ட் என அனைத்தும் கலந்த கமர்ஷியல் படமாக இப்படம் உருவாகி வருகிறது. ஆக ஷாலினியின் அட்வைஸால் தான் அஜீத் நல்லவராக மாறியிருக்கிறாராம். மனைவி சொல்லே மந்திரம் என்பது சரியாகத்தான் இருக்கிறது…!!  

மேலும் படிக்கவும் மறுமொழி இல்லை பண் த பாலா 15-11-2013

தொலைக்காட்சியில் கொச்சை படுத்தப்பட்ட பெண் MLA.

இலங்கை தமிழர் விவகாரம் தொடர்பாக ஒரு தனியார் டிவி நேரடி ஒளிபரப்பு நிகழ்ச்சியில் காங்கிரஸ் பெண் எம்.எல்.ஏ. விஜயதாரணியை தொலைபேசி மூலம் ஒருவர் கொச்சையாக பேசியுள்ளார்.   இலங்கை தமிழர் விவகாரம் தொடர்பாக ஒரு தனியார் டிவியில் நேரடி ஒளிபரப்பு நிகழ்ச்சி ஒளிபரப்பானது. இதில் காங்கிரஸ் எம்.எல்.ஏ. விஜயதாரணி மற்றும் அரசியல் கட்சி தலைவர்கள் பங்கேற்று பேசினார்கள். இந்த நிகழ்ச்சியில் நேயர்கள் டெலிபோன் மூலம் அரசியல் தலைவர்களுடன் கலந்துரையாடுவது வழக்கம்.   நேரடி ஒளிபரப்பின் போது எம்.எல்.ஏ. விஜய தாரணியிடம் பேசிய வாலிபர் ஒருவர் அவரை தரக்குறைவான ஆபாசமான வார்த்தையால் திட்டினார். அந்த வார்த்தை நேரடியாக டிவியில் ஒளிபரப்பானது.   இதையடுத்து விஜயதாரணி எம்.எல்.ஏ. நேற்று இரவு 11.30 மணிக்கு வேப்பேரி போலீஸ் கமிஷனர் அலுவலகத்துக்கு வந்து புகார் செய்தார்.   கமிஷனர் சார்பில் கீழ்ப்பாக்கம் துணை கமிஷனர் நரேந்திரநாயர் கமிஷனர் அலுவலகத்துக்கு வந்து புகார் மனுவை பெற்றுக் கொண்டார். இது தொடர்பாக விசாரணை நடத்த உத்தரவிடப்பட்டுள்ளது.   நேரடி நிகழ்ச்சி ஒளிபரப்பிய தொலைக் காட்சி நிறுவன அலுவலகம் ராயபுரத்தில் உள்ளது. இதையடுத்து ராயபுரம் போலீசார் புகார் மனு தொடர்பாக விசாரணை நடத்தினார்கள். சம்பந்தப்பட்ட தொலை பேசி எண்ணை வைத்து பேசி மிரட்டல் விடுத்தது யார் என்று போலீசார் துப்பு துலக்கியுள்ளனர். பேசியவர் யார் என்று அடையாளம் தெரிந்து விட்டது. அவரை கைது செய்ய போலீசார் நடவடிக்கை எடுத்து வருகிறார்கள்.   இது தொடர்பாக விஜயதாரணி எம்.எல்.ஏ. கூறியதாவது, நான் டி.வி. நேரடி ஒளிபரப்பு நிகழ்ச்சியில் பங்கேற்ற போது வாலிபர் ஒருவர் என்னை கொச்சைப்படுத்தும் வகையில் அவதூறாக பேசினார். அவர் பேசிய பேச்சு பெண்களை இழிவுபடுத்தும் வகையில் உள்ளது. இந்த சம்பவம் தொடர்பாக போலீசார் உரிய நடவடிக்கை எடுக்க வேண்டும். அந்த வாலிபர் மிரட்டும் வகையில் பேசிய ஆவணங்களை வாங்கி அதன் மூலம் வாலிபர் மீது சரியான நடவடிக்கை எடுக்க வேண்டும் என்று அவர் கூறினார்.

மேலும் படிக்கவும் மறுமொழி இல்லை சுதர்சன் 15-11-2013

கொமன்வெல்த் மாநாட்டை புறக்கணிக்கும் மொரிசியஸ் பிரதமர்.

எல்லா பிரச்சனைகளையும் விட மனித உரிமைகளே முக்கியம் என்று கூறி மொரீசியஸ் பிரதமர் நவீன் சந்திர ராம்கூலம், இலங்கையில் நடைபெறும் காமன்வெல்த் மாநாட்டைப் புறக்கணித்துள்ளார்.   மொரீசியஸ் பிரதமர் நவீன் அந்நாட்டு பாராளுமன்றத்தில் பேசும் போது, 2015 ஆம் ஆண்டு நடைபெறும் அடுத்த காமன்வெல்த் மாநாடு மொரீசியஸில் நடைபெற உள்ளது. எல்லா பிரச்சனைகளையும் விட மனித உரிமை என்பது மிக முக்கியமானது என்று அவர் தெரிவித்தார். மேலும் ஊடகங்களிடம் பேசிய அவர், இலங்கை மனித உரிமை சிக்கல்களை தொடர்ந்து கவனித்து வந்ததாகத் தெரிவித்தார். இதனால் காமன்வெல்த் மாநாட்டை அவர் புறக்கணித்தார் மொரீசியஸ் விடுதலை பெற்ற 1968 ஆம் ஆண்டிலிருந்து காமன்வெல்த் மாநாட்டை மொரீசியஸ் பிரதமர் புறக்கணிப்பது இதுவே முதல்முறை. ஆனால் மொரீசியஸ் வெளியுறவுத் துறை அமைச்சர் அர்வின் போலெல் கலந்து கொள்கிறார்.   மொரீசியஸ் மக்கள்தொகையில் 10 சதவீதம் தமிழர்கள் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 14-11-2013

கெலும் மக்ரே கவலை.

கெலும் மக்ரே கவலை புலனாய்வாளர்கள் மூலம் எனது நடவடிக்கைகள் கண்காணிக்கப்படுகின்றன   இலங்கை தொடர்பில் தான் ஒரு நிகழ்ச்சி நிரலின் அடிப்படையில் செயற்படவில்லையென சனல் 4 தொலைக்காட்சியின் சுயாதீன ஊடகவியாளரும் போர் தவிர்ப்பு வலயம் ஆவணப்படத்தின் இயக்குனருமான கெலும் மக்ரே தெரிவித்தார். ஒரு ஊடகவியலாளன் தனது கடமையை செய்ய வேண்டும். இலங்கை பிரச்சினையில் நான் செய்து வருவது சரியானதே என்றார். இலங்கையின் இறுதிக்கட்ட போரில் இலங்கை இராணுவத்தினரால் மேற்கொள்ளப்பட்டதாக கூறப்படும் போர்க்குற்றங்கள் தொடர்பில் அவர் இயக்கிய போர் தவிர்ப்பு வலயம் ஆவணப்படம் இலங்கை உட்பட உலகம் முழுவதும் பெரும் தாக்கங்களை ஏற்படுத்தியது. பொதுநலவாய நாடுகளின் உச்சி மாநாடு தொடர்பான செய்தி சேகரிப்புக்காக இலங்கை வந்த மக்ரே, விமான நிலையத்தில் அவருக்கு எதிரான ஆர்ப்பாட்டத்தை எதிர்கொண்டதுடன் வடபகுதிக்கு செல்ல அவர் மேற்கொண்ட முயற்சியின் போதும் இவ்வாறான எதிர்ப்பை எதிர் கொண்டார். கெலும் மக்ரே விடுதலைப்புலிகளிடம் சம்பளத்தை பெற்று வருவதாக சில ஆர்ப்பாட்டகாரர்கள் குற்றம் சுமத்தினர். இதற்கு பதிலளித்த மக்ரே இது ஆதாரமற்றதும் அடிப்படையற்றதுமான குற்றச்சாட்டு எனக் குறிப்பிட்டார். நான் முதலாவது காணொளி ஆவணப்படத்தை இலங்கையில் தயாரித்தேன். அதன் பின்னர் சில தகவல்களையும் காணொளி காட்சிகளையும் பெற்றேன் என்றார். இந்த காணொளிகள் உண்மையானது என்பதற்கு என்ன உத்தரவாதம் என எழுப்பட்ட கேள்விக்கு ஒன்றுக்கு பதிலளித்துள்ள மக்ரே, அது ஒளிப்பரப்படும் முன்னர் அதன் நம்பகத்தன்மை சரிபார்க்கப்பட்ட பின்னரே ஒளிப்பரப்பட்டது எனக் கூறினார். எனது இறுதி காணொளி ஆவணப்படம் பொதுநலவாய மாநாட்டுக்கு முன்னர் தயாராகியது. எனினும், சோதனைகளுக்காக அனுப்பி வைக்கப்பட்டுள்ளதால் இது வெளியிடப்படவில்லை. ஒரு ஊடகவியலாளன் என்ற முறையில் எனது கடமைகளை முன்னெடுக்க இலங்கை வருவதற்கான வீசா வழங்கப்பட்டது. எனினும் வருகை தந்த நாள் முதல் புலனாய்வுதுறை மூலம் எனது நடவடிக்கைகள் கண்காணிக்கப்படுகின்றன. இது ஏமாற்றத்தை அளிக்கின்றது எனவும் கெலும் மக்ரே குறிப்பிட்டார். இலங்கை அரசாங்கத்தின் சூழ்ச்சி வெற்றி: கொழும்பு திரும்பினார் கெலும் மக்ரே – கெலும் மக்ரேவின் டுவிட்டர் பதிவுகள் சனல் 4 தொலைக்காட்சியின் ஊடகவியலாளர்களுக்கு எதிராக அநுராதபுரம் புகையிரத நிலையத்தில் இடம்பெற்ற ஆர்ப்பாட்டத்தினைத் தொடர்ந்து அவர்களின் வவுனியா பயணம் ரத்து செய்யப்பட்டுள்ளதாக தெரிவிக்கப்படுகிறது. விசேட வாகனத்தில் சனல் 4 ஊடகவியலாளர்களின் கொழும்புக்கு திரும்பியுள்ளதாக பொலிஸ் ஊடகப் பேச்சாளர் அஜித் ரோஹன தெரிவித்தார். சனல் 4 ஊடகவியலாளர்கள் பயணித்த ரயிலை அநுராதபுரத்தில் வழிமறித்த சிலர் ரயில் போக்குவரத்துக்கு இடையூறு ஏற்படுத்தினர். அவர்கள் வவுனியா செல்வதற்கு எதிர்ப்புத் தெரிவித்து ஆர்ப்பாட்டம் செய்தனர். இதனால் அதிக நேரம் ரயிலின் உள்ளேயே இருந்த சனல் 4 ஊடகவியலாளர்கள் பாதுகாப்புக் காரணமாக பின்னர் கொழும்புக்கு திருப்பி அனுப்பப்பட்டனர் என பொலிஸ் ஊடகப் பேச்சாளர் குறிப்பிட்டார். மக்ரேவுக்கு எதிராக பாரிய ஆர்ப்பாட்டம் மேற்கொள்ளப்பட்டிருக்கும்- அமைச்சர் கெஹெலிய சனல் 4 ஊடகவியலாளர்கள் இலங்கைக்கு வந்திறக்கும்போது நாட்டில் பாரிய ஆர்ப்பாட்டம் நடத்தப்படும் என்று தாம் எதிர்பார்த்திருந்ததாக கொழும்பில் செய்தியாளர்கள் மத்தியில் உரையாற்றிய ஊடகத்துறை அமைச்சர் கெஹெலிய ரம்புக்வெல்ல தெரிவித்துள்ளார். பொதுமக்களால் நடத்தப்படும் ஆர்ப்பாட்டங்கள் சமாதானத்திற்கு பாதிப்பை ஏற்படுத்துமாக இருந்தால் அரசாங்கம் என்ற வகையில் சனல் 4 ஊடகவியலாளர்களை வடக்கிற்கு செல்ல விடாமல், அவர்களை பாதுகாப்பாக கொழும்புக்கு அழைத்து வருவதே சிறந்த விடயம் என்றும் கெஹெலிய ரம்புக்வெல்ல குறிப்பிட்டார். இதேவேளை, கொழும்பில் இன்று இடம்பெற்ற இன்னொரு ஊடகவியலாளர் மாநாட்டில் உரையாற்றிய பொதுபலசேனாவின் பொதுசெயலாளர் கலகொட அத்தே ஞானசார தேரர், பொதுநலவாய மாநாட்டின் போது இந்தியா காட்டிய இராஜதந்திர நடவடிக்கையை இலங்கையால் ஏன் வெளிக்காட்டமுடியவில்லை என்று கேட்டார். பொதுபல சேனாவின் அரசாங்கமாக இருந்திருந்தால் சனல் 4 வின் மெக்ரே போன்றவர்களை கட்டுநாயக்கவில் அல்லது ஹம்பாந்தோட்டை விமான நிலையங்களில் தரையிறங்க விட்டிருக்க மாட்டோம் என்று தெரிவித்தார். எனவே, அவர்களை நாட்டில் இருந்து வெளியேற்றுமாறு ஞானசார தேரர் வலியுறுத்தியுள்ளார். கெலும் மக்ரேவின் டுவிட்டர் பதிவுகள் 11.04 AM – ஆர்ப்பாட்டக்காரர்கள் ரயிலை இடைமறித்திருக்கிறார்கள்…. 11.12 AM- நாம் இந்த ரயிலில் பயணிக்கும் செய்தியை ஆர்ப்பாட்டக்காரர்களுக்கு யார் கூறினார்கள்? 11.42 AM- ரயில் முன்னோக்கிச் செல்ல முடியாதபடி ஆர்ப்பாட்டக்காரர்கள் ரயில் பாதையை முழுமையாக ஆக்கிரமித்திருக்கிறார்கள். 12.11 PM- நூற்றுக்கணக்கானோர் தடையாக இருக்கிறார்கள். 12.34 PM- சிரேஷ்ட பொலிஸ் அதிகாரியொருவர் வருகை தந்தார். நாம் செல்வதற்கு ஆர்ப்பாட்டக்காரர்கள் தடையாக இருப்பதால் மீண்டும் கொழும்புக்குத் திரும்புமாறு கூறினார். 12.36 PM- அடுத்துள்ள அனைத்து ரயில் நிலையங்களையும் ஆர்ப்பாட்டக்காரர்கள் முற்றுகையிட்டுள்ளதாக பொலிஸார் கூறினர். 1.24 PM- நாம் ரயிலிலிருந்து இறங்கிவிட்டோம். கருத்து சுதந்திரத்துக்கும் பொதுநலவாயத்தின் பெறுமதிக்கும் என்னவாயிற்று? 2.40 PM- தற்போது பொலிஸ் பாதுகாப்பின் கீழ் இருக்கிறோம்.(விருப்பத்தின்பேரில் அல்ல)  

மேலும் படிக்கவும் 8 மறுமொழிகள் பண் த பாலா 14-11-2013

மீண்டும் ஸ்ரீபிரியா பெரிய திரையில் .

ஒரு நடிகன்னா ஸ்ரீபிரியா மாதிரிதான் இருக்கனும்: சுஹாசினி பேச்சு ஒரு நடிகன்னா அது ஸ்ரீபிரியா மாதிரிதான் இருக்க வேண்டும் என்று நடிகை சுஹாசினி தெரிவித்துள்ளார்.   நடிகையும், இயக்குனருமான ஸ்ரீப்ரியா நீண்ட இடைவெளிக்குப் பிறகு இயக்கியுள்ள படம் ‘மாலினி 22 பாளையம்கோட்டை’ .  இப்படம், மலையாளத்தில் வெளியாகி மாபெரும் வெற்றி பெற்ற ’22 ஃபீமேல் கோட்டயம்’ என்கிற படத்தின் ரீமேக்காகும். இதன் மூலம் நடிகை ஜெயபாரதியின் மகன் கிரிஷ் சத்தார் நாயகனாக அறிமுகமாகிறார். அவருக்கு ஜோடியாக நித்யா மேனன் நடிக்கிறார். அரவிந்த் -சங்கர் இசையமைத்துள்ளனர்.   விரைவில் வெளியாக இருக்கும் இப்படத்தின் ஆடியோ மற்றும் டிரைலர் வெளியீட்டு விழா சென்னை சத்யம் தியேட்டரில் நடந்தது. படத்தின் டிரைலரை இயக்குனர் பாலசந்தர் வெளியிட, விஜய்சேதுபதி பெற்றுக்கொண்டார். ஆடியோவை கமல்ஹாசன் வெளியிட சூர்யா பெற்றுக்கொண்டார்.   விழாவில் பேசிய சுஹாசினி, “என்னோட சின்ன வயசில ஸ்ரீபிரியா படங்களை தான் நான் அதிகம் பார்ப்பேன். அவங்களோட டான்ஸ், ஸ்டைலா அவங்க போடும் ட்ரெஸ் இது எல்லாம் எனக்கு ரொம்ப பிடிக்கும். அதை விட என் கணவர் மணிரத்னம் ஸ்ரீபிரியாவை பற்றி அடிக்கடி பேசுவார். ஒரு நடிகன்னா ஸ்ரீபிரியா மாதிரிதான் இருக்கனும். அவங்கள மாதிரி தான் ட்ரெஸ் பண்ணனும்னு சொல்லிகிட்டே இருப்பார். இன்னிக்கி அவங்க இந்த படத்தை டைரக்ட் பண்ணியிருப்பது எங்களுக்கு ரொம்ப சந்தோஷமா இருக்கு.   தற்போது பெண்களை மையப்படுத்திய படங்களே வருவதில்லை. 80களில் நான், ராதிகா, ஸ்ரீபிரியா உட்பல பலரும் பெண்களை மையப்படுத்திய கதை கொண்ட பல படங்களில் நடித்திருக்கிறோம். ஆனால், இப்போதெல்லாம் அப்படிப்பட்ட படங்களே வருவதில்லை. காதல்,  நகைச்சுவை என்ற விதத்திலேயே படங்கள் வந்து கொண்டிருக்கின்றன. இது சமநிலை இல்லாத விதத்திலேயே உள்ளது” என்றார்.   இந்த விழாவில் ‘வியாட்நாம் வீடு’ சுந்தரம், மோகன்ராம், நடிகைகள் லதா, சுஹாசினி, லிசி ப்ரியதர்ஷன், ராதிகா உட்பட படத்தில் நடித்த நித்யாமேனன், கிரிஷ் சத்தார், நரேஷ் ஆகியோர் கலந்து கொண்டனர். 

மேலும் படிக்கவும் மறுமொழி இல்லை பண் த பாலா 14-11-2013

முள்ளிவாய்க்கால் நினைவு முற்றம் இடிப்பு.

தஞ்சை விளார் சாலையில் நெடுஞ்சாலைத்துறைக்கு சொந்தமான இடத்தில் கட்டப்பட்டிருந்த முள்ளிவாய்க்கால் நினைவு முற்றத்தின் சுற்றுச் சுவரை இன்று காலை நெடுஞ்சாலைத்துறை இடித்து நடவடிக்கை எடுத்துள்ளது.   இலங்கையில் நடந்த போரில் உயிரிழந்த தமிழர்களின் நினைவாக முள்ளிவாய்க்கால் முற்றம் கட்டப்பட்டது. உலக தமிழ் பேரமைப்பு சார்பில் கடந்த 8 ஆம் தேதி முள்ளிவாய்க்கால் நினைவு முற்றம் திறக்கப்பட்டது. தஞ்சை விளார் சாலையில் 2 ஏக்கர் பரப்பளவில் முள்ளி வாய்க்கால் நினைவு முற்றம் அமைக்கப்பட்டுள்ளது. இதன் திறப்பு விழா கடந்த 8 ஆம் தேதி நடைபெறும் என அறிவிக்கப்பட்டு இருந்தது.   ஆனால் அதற்கு முன்பே 6 ஆம் தேதி முள்ளி வாய்க்கால் நினைவு முற்றத்தை உலக தமிழர் பேரமைப்பு தலைவர் பழ. நெடுமாறன் திறந்து வைத்தார். ஆனாலும் திட்டமிட்டபடி திறப்பு விழா நிகழ்ச்சி 8 ஆம் தேதி தொடங்கி 10 ஆம் தேதி வரை 3 நாட்கள் நடைபெற்றது. இதில் பல்வேறு அரசியல் கட்சி தலைவர்கள், திரைப்படைத்துறையினர், தமிழ் அறிஞர்கள் கலந்து கொண்டனர்.   இந்த முள்ளி வாய்க்கால் நினைவு முற்றத்தில் இலங்கையில் நடைபெற்ற இறுதி கட்ட போரின் போது தமிழர்கள் கொல்லப்பட்ட காட்சி சித்தரிக்கப்பட்டுள்ளது. மேலும் ஈழத் தமிழர்களுக்காக தீக்குளித்து தனது உயிரை மாய்த்த முத்துக்குமார் உள்ளிட்ட 20 பேரின் சிலைகளும் அமைக்கப்பட்டுள்ளது. இந்த முள்ளி வாய்க்கால் நினைவு முற்றத்தை பொதுமக்கள் பார்த்து வருகின்றனர்.   இந்த முற்றத்தின் காம்பவுண்டு சுவர் நெடுஞ்சாலைத்துறைக்கு சொந்தமான இடத்தில் கட்டப்பட்டிருந்தது. எனவே காம்பவுண்டு சுவற்றை அப்புறப்படுத்த நெடுஞ்சாலை துறை அதிகாரிகள் முடிவு செய்தனர். அதன்படி இன்று அதிகாலை நெடுஞ்சாலைத்துறை அதிகாரிகள் முள்ளி வாய்க்கால் நினைவு முற்றத்திற்கு சென்றனர். அங்கு ஆக்கிரமித்து கட்டப்பட்டிருந்த காம்பவுண்டு சுவற்றை பொக்லின் மூலம் அகற்றினார்கள்.   4 பொக்லின் எந்திரம் கொண்டு இந்த சுவர் அகற்றப்பட்டது. சுமார் 50 அடி தூரம் காம்பவுண்டு சுவர் இடிக்கப்பட்டது. அங்கிருந்த பூங்காவின் பாதி பகுதியும், அங்கு வைக்கப்பட்டிருந்த போர்டும் அகற்றப்பட்டது. பூங்காவில் வைக்கப்பட்டிருந்த ஈச்சர மரமும் அகற்றப்பட்டது. நீருற்றும் அப்புறப்படுத்தப்பட்டது. முள்ளி வாய்க்கால் நினைவு முற்றத்தின் காம்பவுண்டு சுவரை இடித்ததை கண்டித்து சிலர் சாலை மறியலில் ஈடுபட்டனர். தஞ்சை - திருச்சி பைபாஸ் சாலையில் இந்த மறியல் நடைபெற்றது.   மாவட்ட காவல் கண்காணிப்பாளர் தர்மராஜன் தலைமையில் காவல்துறையினர் அங்கு வந்தனர். அவர்கள் மறியலில் ஈடுபட்டவர்களை கைது செய்தனர். முள்ளி வாய்க்கால் நினைவு முற்றம் காம்பவுண்டு சுவர் அகற்றப்பட்டதை தொடர்ந்து அங்கு ஏராளமான காவல்துறையினர் பாதுகாப்புக்கு நிறுத்தப்பட்டு இருந்தனர். இதனால் பரபரப்பு எற்பட்டது.

மேலும் படிக்கவும் 3 மறுமொழிகள் சுதர்சன் 14-11-2013

ஜில்லா இறுதி கட்டத்தில்!

ஜில்லா இறுதி கட்டத்தில்!   விஜய், காஜல் அகர்வால், மோகன்லால் நடிக்கும் ஜில்லா படத்தை சூப்பர்குட் பிலிம்ஸ் ஆர்.பி.சவுத்ரி தயாரிக்கிறார். எஸ்.டி.நேசன் டைரக்ட் செய்கிறார். மதுரையை கதைக் களமாக கொண்டு தயாராகிறது. சமீபத்தில் பாடல்காட்சிகளுக்காக ஜப்பான் சென்று விட்டு வந்தது ஜில்லா டீம். இதுபற்றி இயக்குனர் எஸ்.டி.நேசன் கூறியதாவது: பாடல் காட்சிகளுக்காக ஜப்பான் சென்றோம். அங்கு க்யோட்டா என்ற மலை நகரில் உள்ள புஷிமி இனாரி என்ற புத்த கோவிலில் ஷூட்டிங் நடத்தினோம். இது மலை உச்சியில் உள்ள கோவில். இதுவரை ஒரு ஹாலிவுட் படம் மட்டுமே இங்கு ஷூட்டிங் நடத்தி உள்ளது. ரசிகர்களுக்கு நல்ல விஷூவல் டின்னர் காத்திட்டிருக்கு. இரண்டு பெரிய ஹீரோக்களை இயக்கினாலும் இரண்டு புதுமுகங்களை இயக்குறமாதிரி தான் இருக்கு. பெரும்பாலான ஷூட்டிங் முடிந்து விட்டது. இறுதி கட்ட படப்பிடிப்பு ஐதராபாத்தில் நடக்கிறது. இதற்காக அங்கு அரங்கம் அமைக்கும் பணிகள் நடந்து வருகிறது என்றார். ஜில்லா பொங்கலுக்கு ரிலீஸாகிறது!  

மேலும் படிக்கவும் மறுமொழி இல்லை பண் த பாலா 13-11-2013

நடந்துகொண்டு கைத்தொலைபேசி உபயோகிப்பது ஆபத்து.

நடக்கும் போது மொபைல் போனைப்பயன்படுத்தி மற்றவர்களிடம் பேசுவதையும், எஸ்.எம்.எஸ். அனுப்புவதையும் வழக்கமாகக் கொண்டுள்ளனர். இது எவ்வளவு ஆபத்தானது என்று நியூயார்க் நகரில் இயங்கும் ஸ்டோனி புரூக் என்னும் அமெரிக்க பல்கலைக் கழகம் ஆய்வு நடத்தியது.   20 வயது இளைஞர்களாக 33 பேரைத் தேர்ந்தெடுத்து இந்த ஆய்விற்கு உட்படுத்தியது. மொபைல் போன்களைப் பயன்படுத்துவதில் திறமைசாலிகளாய் இருக்கும் ஆண், பெண்கள் தேர்ந்தெடுக்கப்பட்டனர். 30 அடி தூரத்தில் உள்ள ஓர் இடத்தை இலக்காகக் கொண்டு முதலில் இவர்களை நடக்கவிட்டனர். பின்னர், பார்வையை பாதியாக மறைத்துக் கொண்டு இவர்களை அதே இலக்கை நோக்கி நடக்க விட்டனர். அவர்களின் நடக்கும் தன்மை, வேகம் முதலியன கண்காணித்து அளவெடுக்கப்பட்டன. பின்னர், மொபைல் போனில் பேசியபடியும், மெசேஜ் அனுப்பியபடியும் நடக்க விடப்பட்டனர். ஆய்வுகளில் தெரிந்த முடிவுகள் மிகவும் பயமுறுத்தும் வகையில் இருந்தன.   மொபைல் போனில் பேசியபடி நடக்கையில் 16% வேகமும், டெக்ஸ்ட் டைப் செய்கையில் 33% வேகமும் குறைந்தது. நேராக நடக்காமல் 61% திசை மாறி நடந்து பின்னர் இலக்கினை அடைய முடிந்தது. குறிப்பாக டெக்ஸ்ட் டைப் செய்கையில், இலக்கை விட்டுவிட்டு எங்கோ சென்றது தெரியவந்தது. இதனால் இவர்களின் உணர்திறன் குறைந்தது. செயல் திறன் நினைவு தப்பியது.   எந்த இடத்தில், எப்படி செயல்படுகிறோம் என்பதையும் சூழ்நிலையை உணர்ந்து செயல்படும் நிலையையும் இந்த பழக்கங்கள் மறக்கடிக்கச் செய்கின்றன. இவையே பல ஆபத்துக்களை தானாக வலிய வரவேற்கும் வழிகளைத் திறக்கின்றன என இந்த ஆய்வின் முடிவுகள் தெரியப்படுத்தி உள்ளன.   ஓடும் கார்களின் பாதையில் செல்வது, திறந்திருக்கும் கழிவுநீர் குழிகளில் விழுவது, மேடு பள்ளங்களில் தடுமாறி மற்றவர்களுக்கு ஆபத்து விளைவிக்கும் வகையில் விழுவது போன்ற விளைவுகளைச் சுட்டிக் காட்டி இந்த ஆய்வு எச்சரித்துள்ளது. உயிர் வாழ்ந்தால் தானே, உடம்பில் கை, கால்கள், கண்கள் சரியாக இருந்தால் தானே நண்பர்களுடன் தொடர்ந்து தொடர்பு கொள்ள முடியும். எனவே நடக்கும்போது மொபைல் பயன்படுத்துவதைத் தவிர்ப்போம்.

மேலும் படிக்கவும் மறுமொழி இல்லை சுதர்சன் 13-11-2013

உலகின் 8 அழகிய பெண் அரசியல்வாதிகள் - சிரித்திரன்.

கனடாவிலிருந்து றூபி (Ruby Dhalla)  எனும் பெயரையுடைய இந்திய வம்சாவழியையுடைய இவர் கனடிய அரசியல் வாதியாகவும் உள்ளார். இவர் கனடாவிலுள்ள 50 அழகான பெண்களுள்; முன்னிலையில் இருப்பதாகப் பட்டியலிடப்பட்டுள்ளார். இவருக்கு பொலிவூட் படங்களில் பணியாற்றியது சம்பந்தமாக சுருக்கான வரலாறும் இருக்கின்றது. சீக் மதத்தைச் சேர்ந்த இவர் கனடிய அரசியல் மூலமாகப் பெண்களிடைபே பணியாற்ற விழைகின்றார். Sarah-Palin   சாறா பாலின்(Sara Palin)) ஏனும் நாமத்தையுடைய அமெரிக்கப் பெண், அலாஸ்கா மாகாணத்தின் 9தாவது கவர்னராக இருந்தவர். கிட்டத்தட்ட 2006 – 2009 காலங்களில் பணியாற்றியிருக்கின்றார். அத்துடன் இவர் முன்னைநாள் துணை ஜனாதிபதி வேட்பாளராக நின்றவர். மேலும் இவர் எழுத்தாளராகவும், வர்ணனையாளராகவும் உள்ள தகமைகளைக் கொண்டவர். ஜனாதிபதிக்கான தேர்தல் பிரச்சாரங்களின்போது இவரது ஆடைகள் பெரும் சர்ச்சையை உருவாக்கி விட்டன. இவரும் மிகவும் அழகான பெண்கள் வரிசையில் இடம் பிடித்துள்ளார்.   Ukraine யூலியா ரைமொஸ்ஹென்கொ Yulia Tymoshenko எனும் பெயரையுடைய இவர் உக்கிரையின் நாட்டைச் சேர்ந்தவர். இவர் மிகவும் பிரபல்யமான அரசியல்வாதியும் அழகான பெண்ணும் கூட. அத்துடன் அவரது தலைமுடியால் இவர் எல்லோராலும் அறியப்பட்டவராக விழங்குகின்றார். இவர் முன்னைநாள் உக்கிரைன் நாட்டின் மந்திரியாக விழங்கியிருக்கின்றார். Rania Jodan றாணியா Rania  எனும் பெயரையுடைய இந்தப் பெண் ஜோடான் நாட்டைச் சேர்ந்தவர். இவர் ஜோடான் நாட்டின் மன்னனான அப்துல்லா 2வதினுடைய மனைவியாவார். அத்துடன் இவர் அழகான பெண் அரசியல்வாதியாகவும் பிரபல்லயமடைந்து விழங்குகின்றார். அதுமட்டுமல்ல இவர் நாட்டின் கல்வியின் தரத்தை உயர்த்துவதற்காக அத்துறையில் பணியாற்றுகின்றார். இவர் மிகவும் நாகரீகமானவர் மட்டுமல்ல அழகான பெண் எனவும் பிரபல்யமான ஜோடான் நாட்டின் பெண்களுள் அடங்குகின்றார்.   Rathika-Sitsabaiesan றாதிகா சிற்சபேசன் Rathika Sitsabaiesan எனும் பெயரையுடைய இந்தப் பெண் கனடா நாட்டைச் சேர்ந்தவர். இவர் ரொறன்ரோப் பெரும்பாகத்தின் கனடியப பாராளுமன்ற உறுப்பினர்கள் மத்தியில் மிகவும் வயதில் இளையவராகக் காணப்படுகின்றார். இவர் முதலாவது கனடியத் தமிழர் என்ற பட்டத்தையும் பெற்றுக்கொள்கின்றார். றாதிகா அவர்கள் ஆண் ஆதிக்கக் கலாச்சாரத்தில் பணியாற்றுகின்றார். Hina-Rabbani-Khar ஹின்னா றாபானி கார் Hina Rabbani Khar  எனும் பெயரையடைய பெண் பாகிஸ்தான் நாட்டைச் சேர்ந்தவர். இவர் பாகிஸ்தான் அரசியல்வாதியாக மட்டுமல்ல் தற்போது உலகில் மிகவும் பிரபல்யம் வாய்ந்தவராகவும் காணப்படுகின்றார். இவர் முன்னைநாள் வெளிவிவகார அமைச்சராகவும் பணியாற்றியிருக்கின்றார். இவர் அமைச்சாராக இருந்தபோது இந்தியப் பயணங்களின்போது இவர் அணிந்து சென்ற நாகரீகமான உடையால் இவர் மிகவம் பிரபல்யம் பெற்றவராவர். Mara-Carfagna மாறா கர்வக்னா Mara Carfagna எனும் பெயரைச் சூடிய இந்தப் பெண் இத்தாலி நாட்டைச் சேர்ந்தவர். இவர் அழகான பெண் அரசியல்வாதிகள் மத்தியில் சேர்க்கப்பட்டுள்ளார். அத்துடன் இவரது தலையலங்காரத்தினாலும் இவர் பிரபல்யம் அடைந்திரு;க்கின்றார் எனக் கூறப்படுகின்றது. இவருக்கு 30 வயதிற்கு அதிகமாக இருக்கும்போது இவரத தலையலங்காரம் மூலமாக மிகவும் வயதில் குறைந்தவர் போன்று காட்சியளிக்கின்றார். Luciana-Leon லூசியானா லியன் Luciana Leon எனும் பெயரைத் தாங்கிய இவர் அமெரிக்காவைச் சேர்ந்தவராவர். இவர் ஒரு அரசியல்வாதிமட்டுமல்ல ஒரு பேச்சாளரும் கூட. இவர் மிகவும் பிரபல்யம் வாய்ந்ததும், மிகவும் மதிக்கப்படும் ஒரு குடும்பத்தைச் சேர்ந்தவராவர். இவரும் அழகான பெண் அரசியல்வாதிகள் மத்தியில் இடம் பெறுகின்றார்.   செய்திப்பகிர்வு: சிரித்திரன் - கனடா.

மேலும் படிக்கவும் 20 மறுமொழிகள் சுதர்சன் 13-11-2013

கமலுடன் இணையும் சந்தானம்.

‘விஸ்வரூபம்-2’ படத்தின் இறுதிக்கட்ட வேலைகளில் பிசியாக இருக்கிறார் நடிகர் கமல். இப்படத்தை முடித்த கையோடு இவருடைய நண்பரும், நடிகருமான ரமேஷ் அரவிந்த் இயக்கும் புதிய படத்தில் நடிக்கவிருக்கிறார் கமல். இப்படத்திற்கு ‘உத்தம வில்லன்’ என்று பெயர் வைத்துள்ளனர்.    இப்படத்தில் கமலுக்கு ஜோடியாக நடிக்க காஜல் அகர்வால் ஏற்கெனவே ஒப்பந்தமாகியிருந்தார். இப்போது கமலுடன் காமெடி நடிகர் சந்தானமும் கைகோர்த்துள்ளார். கமலுடன் சந்தானம் சேர்ந்து நடிக்கும் முதல் படம் இது என்பது குறிப்பிடத்தக்கது. இப்படத்திற்கு யுவன் சங்கர் ராஜா இசையமைக்கிறார்.    இப்படத்தை இயக்குனர் லிங்குசாமியின் திருப்பதி பிரதர்ஸ் தயாரிக்கிறது. தமிழ், தெலுங்கு, கன்னடத்தில் இந்த படம் உருவாகிறது. 

மேலும் படிக்கவும் மறுமொழி இல்லை சுதர்சன் 12-11-2013

அவசர பொலிஸ் தொலைபேசி அழைப்பை ஏற்படுத்திய பூனை.

இங்கிலாந்தில் போலீஸ் அதிகாரிகளை திணற வைத்த பூனைக்குட்டியால் பரபரப்பு ஏற்பட்டுள்ளது.   லண்டனின் வடக்குப்பகுதி போலீசாருக்கு ஒரு அவசர உதவி கோரும் தொலைபேசி அழைப்பு வந்தது. மறுமுனையில் யாரும் பேசாததால் சந்தேகம் அடைந்த போலீசார் அந்த அழைப்பு சரியா என்பதை கண்டறிய முயன்ற போது எதிர்முனையில் இருந்து மீண்டும் எவ்வித பதிலும் வரவில்லை.   எனவே எந்த விபரீதமும் நடந்து விடக்கூடாது என்பதற்காக அழைப்பு வந்த வீட்டை நோக்கி போலீசார் விரைந்தனர். வீட்டிற்கு வெளியே காத்திருந்தத போலீசார் வெகுநேரம் ஆகியும் வீட்டிற்குள் இருந்து எவ்வித சத்தமும் வராததால், கதவை உடைத்து வீட்டிற்குள் சென்றனர். மிகுந்த கவனத்துடன் உள்ளே சென்ற போலீசாரை பார்த்தபடி ஒரு பூனைக்குட்டி நின்று கொண்டிருந்தது. கதவு உடைக்கபட்டதால் பயத்தில் நடுங்கிய நிலையில் இருந்த பூனைக்குட்டியை தூக்க ஒரு அதிகாரி முயன்றப்போது அது பீரோவிற்கு பின்னால் சென்றுநின்றுக்கொண்டது.   அப்போது வெளியே சென்றுவிட்டு வீடு திரும்பிய வீட்டின் உரிமையாளர் ஜேம்ஸ் காக்செட்ஜ், வீட்டின் கதவை உடைத்து போலீசார் உள்ளே நுழைந்ததை கண்டு அதிர்ச்சி அடைந்தார்.   ஜேம்ஸிடம் போலீசார் நடந்தவற்றை கூற, ஜேம்ஸ் அவர்களிடம் மன்னிப்பு கேட்டுக்கொண்டு அவர் வளர்க்கும் பூனைக்குட்டி ப்ரூஸ் லீ, தொலைபேசி மணி அடித்தால் உடனே குதிக்க துவங்கிவிடுமென்றும் அவ்வாறு தாவி குதிக்கையில் தொலைபேசி மீது விழுந்து அது அவசர போலீஸ் உதவி எண்ணை அழைத்திருக்கலாமென்றும் விளக்கினார்.   நிலைமையை புரிந்துக்கொண்ட போலீசார் அங்கிருந்து செல்ல, பூனைக்குட்டி பிரூஸ் லீ இன்னும் அந்த அதிர்ச்சியில் இருந்து வெளிவரவில்லை என அதன் உரிமையாளர் கூறியிருப்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 12-11-2013

தொலைக்காட்சி பார்த்ததற்கு 80 பேருக்கு மரண தண்டனை.

தென் கொரிய டிவி நிகழ்ச்சிகளை பார்த்ததற்காக 80 பேருக்கு பொதுமக்கள் முன்னிலையில் மரண தண்டனை விதித்துள்ளது வட கொரிய அரசு என்று பரபரப்பு செய்தி ஒன்றை தென் கொரிய ஊடகம் ஒன்று வெளியிட்டுள்ளது.   இதனை வதந்தி என்று வடகொரியா மறுத்தாலும் இந்தச் செய்தியை வெளியிட்ட தென் கொரிய பத்திரிக்கை வடகொரியாவின் அரசியல், நிகழ்வுகளுடன் நெருங்கிய தொடர்புடையது என்பதால் இந்தச் செய்தியின் நம்பகத்தன்மையும் சந்தேகிப்பதற்கில்லை என்று கூறப்படுகிறது.   வடகொரியாவிலிருந்து தற்போது திரும்பியுள்ள ஒருவர் இந்த செய்திப் பத்திரிக்கைக்குக் கூறும்போது நவம்பர் 3ஆம் தேதி 7 நகரங்களில் இந்த 80 பேரின் மரண தண்டனை நிறைவேற்றப்பட்டதாகவும் கூறியுள்ளார்.   வடகொரியாவின் கிழக்கு துறைமுக நகரான வோன்ஸானில் 10,000 பேரைக் கூட்டி ஒரு விளையாட்டு மைதானத்தில் 8 பேரை சுட்டுக் கொன்றதாக நேரில் பார்த்த சாட்சியம் தெரிவிப்பதாகவும் கூறப்படுகிறது. தென் கொரியாவிலிருந்து கள்ளத்தனமாக இறக்கும்தி செய்யப்பட்ட தொலைக்காட்சி நிகழ்ச்சிகளை இவர்கள் பார்த்ததாக குற்றச்சாட்டு.   முதலாளித்துவ தென் கொரிய டிவி தொலைக்காட்சிகளை வடகொரியா தடை செய்துள்ளது. ஆனாலும் டிவிடிக்கள் உள்ளிட்ட பல தொழில் நுட்பங்களின் உதவியுடன் அந்நிகழ்ச்சிகள் இங்கு வந்து சேர்கின்றன.    இருப்பினும் இந்த 80 பேர் மரண தண்டனை பற்றிய உறுதியான தகவல்கள் இல்லை!!

மேலும் படிக்கவும் மறுமொழி இல்லை சுதர்சன் 12-11-2013

அஞ்சலிக்கு பிடிவாரண்ட்.

பிடிவாரண்ட் பிறப்பிக்கப்பட்டுள்ள நடிகை அஞ்சலி கைதாக வாய்ப்பு உள்ளதாக காவல்துறையினர் தெரிவித்துள்ளனர்.   'கற்றது தமிழ்' படத்தில் அறிமுகமானவர் நடிகை அஞ்சலி. அங்காடி தெரு படம் மூலம் புகழ் பெற்றார். பல்வேறு படங்களில் நடித்து தமிழ் சினிமாவில் வேகமாக வளர்ந்து வந்தார். வளசரவாக்கத்தில் சித்தி பாரதி தேவியுடன் தங்கியிருந்து படப்பிடிப்புகளுக்கு சென்று வந்தார். இந்நிலையில், கடந்த ஏப்ரல் மாதம் அஞ்சலி வீட்டை விட்டு திடீரென வெளியேறினார். பின்னர், சென்னையில் உள்ள பத்திரிகை நிருபர்களை போனில் தொடர்பு கொண்டு இயக்குனர் களஞ்சியம், சித்தி பாரதி தேவி ஆகியோர் மீது பரபரப்பான குற்றச்சாட்டுகளை கூறினார்.

மேலும் படிக்கவும் மறுமொழி இல்லை சுதர்சன் 11-11-2013

காசியின் மறுமுகங்கள் .

http://www.youtube.com/watch?v=Qf3NLel3Tl4&feature=player_embedded

மேலும் படிக்கவும் மறுமொழி இல்லை பண் த பாலா 11-11-2013

சின்னதிரை கனவு கன்னி ரம்யா காதலை வென்றேன் என்கிறார் .

சின்னதிரை  கனவு கன்னி  ரம்யா காதலை வென்றேன் என்கிறார் . சின்னத்திரையின் செல்லப்பிள்ளை, பெரிய திரையின் தத்துப்பிள்ளை என்பார்கள் ரம்யாவை. அந்த அளவுக்கு எல்லோருடனும் நட்பாக பழகக்கூடியவர். சினிமா இயக்குனராகும் ஆசையில் விஷ்காம் படித்தவர் நிகழ்ச்சி தொகுப்பாளராகிவிட்டார். இவர் ஏறாத மேடை இல்லை, நடத்தாத நிகழ்ச்சியில்லை. தனக்கென சில பாலிசிகள் வைத்திருந்தார் யாரையும் காதலிப்பதில்லை. சீரியல், சினிமாவில் நடிப்பதில்லை என்பது அதில் முக்கியமானது. அதை இப்போதும் கடைப்பிடித்து வருகிறார். ரம்யாவுக்கு விரைவில் கல்யாணம். மணமகன் பெயர் அஜீத். லண்டனில் சட்டம் மற்றும் பொருளாதாரம் படித்தவர். நிச்சயதார்த்தம் முடிந்து விட்டது. “ஆச்சாரமான எங்கள் குடும்பத்திலிருந்து மீடியாவுக்கு வந்த முதல் பெண் நான்தான். அவர்கள் போட்ட ஒரே நிபந்தனை எப்போ இருந்தாலும் நாங்கள் பார்த்து வைக்கிற மாப்பிளையைத்தான் திருமணம் செய்து கொள்ள வேண்டும் என்பதுதான். அவர்களுக்கு நான் உறுதி அளித்தேன். எனக்கு நிறைய நண்பர்கள் அதனால் நான் எப்படியும் காதலில் விழுந்துவிடுவேன் என்று எல்லோரும் சொன்னார்கள். யார் காதலிலும் விழவில்லை. காதலை ஜெயித்தேன். இப்போது பெற்றோர்கள் பார்த்து முடிவு செய்த மாப்பிள்ளையை திருமணம் செய்ய இருக்கிறேன். திருமணத்துக்கு பிறகு மீடியாவில தொடர்வது பற்றி இப்போது முடிவு செய்யவில்லை” என்கிறார் ரம்யா.  

மேலும் படிக்கவும் மறுமொழி இல்லை பண் த பாலா 11-11-2013

தந்தையுடன் நடித்து மகனுடனும் நடிக்கும் மதுபாலா.

ரோஜா ஊடாக மதுபாலா இன்றும் நடிப்பின் நறுமணம் மாறாமலிருக்கிறார். சமீபத்தில் வெளியான தெலுங்குப் படம் அதற்கு சான்றாக இருந்தது.   பாலா‌ஜி மோகனின் வாய் மூடி பேசவும் படத்தில் முக்கியமான வேடம் மதுபாலாவுக்கு. ஹீரோயின் நஸ்‌ரியாவின் குடும்ப உறுப்பினராக வருகிறார். ஆனால் நஸ்‌ரியாவின் அம்மா அல்ல. ஹீரோ துல்கர் சல்மான். தமிழ், மலையாளம் இரு மொழிகளில் தயாராகும் இந்தப் படத்தின் படப்பிடிப்பு நவம்பர் 17 மூணாறில் தொடங்குகிறது. சுமாராக 20 வருடங்களுக்கு முன் மூணாறு வந்திருந்தார் மதுபாலா. பாலசந்த‌ரின் இயக்கத்தில் மம்முட்டி நடித்த அழகன் படத்துக்காக அந்த வரவு அமைந்தது. இருபது வருடங்கள் கழித்து மம்முட்டியின் மகன் துல்கர் சல்மான் நடிக்கும் படத்துக்காக மூணாறு செல்லவிருக்கிறார்.    நல்ல வேடங்கள் அமைந்தால் தொடர்ந்து நடிப்பது என்பது மதுபாலாவின் முடிவு. இயக்குனர்களே என்ன சொல்றீங்க?

மேலும் படிக்கவும் மறுமொழி இல்லை சுதர்சன் 10-11-2013

வன்முறையான வீடியோக்களை Facebook இல் பதிய தடை நீக்கம்.

மோசமான வன்முறைகளை வெளிப்படுத்தும் வீடியோ பதிவுகளை வெளியிடுவதற்கும் அவற்றை பகிர்ந்துகொள்ளவும் மீண்டும் அனுமதிக்கும் விதத்தில் சமூக இணைய வலைத்தளமான பேஸ்புக் தனது விதிகளை மாற்றிக்கொண்டுள்ளது.    இவ்வாறான வீடியோ காட்சிகள் நீண்டகால உளவியல் ரீதியான பாதிப்புகளை ஏற்படுத்தக்கூடும் என்று வந்த முறைப்பாடுகளை அடுத்து, அமெரிக்காவை தலைமையகமாக கொண்டியங்கும் பேஸ்புக் வலைத்தளம் கடந்த மே மாதம் அவற்றுக்கு தற்காலிக தடைகளை அறிவித்திருந்தது.  ஆனால், தமது வலைத்தள பாவனையாளர்கள் அவ்வாறான வீடியோக்களை பார்ப்பதற்கும் அவற்றைக் கண்டிப்பதற்கும் சுதந்திரம் இருக்க வேண்டும் என்று பேஸ்புக் நிறுவனம் கூறியுள்ளது. கண்டனங்கள்    எனினும், வீடியோ காட்சிகளில் முன்கூட்டிய எச்சரிக்கைக் குறிப்புகளை சேர்ப்பது பற்றி ஆராய்ந்து வருவதாக பேஸ்புக் தெரிவித்துள்ளது.  மோசமான வன்முறைகளை வெளிப்படுத்தும் வீடியோ பதிவுகளை வெளியிடுவதற்கும் அவற்றை பகிர்ந்துகொள்ளவும் மீண்டும் அனுமதிக்கும் விதத்தில் சமூக இணைய வலைத்தளமான பேஸ்புக் தனது விதிகளை மாற்றிக்கொண்டுள்ளது.    இவ்வாறான வீடியோ காட்சிகள் நீண்டகால உளவியல் ரீதியான பாதிப்புகளை ஏற்படுத்தக்கூடும் என்று வந்த முறைப்பாடுகளை அடுத்து, அமெரிக்காவை தலைமையகமாக கொண்டியங்கும் பேஸ்புக் வலைத்தளம் கடந்த மே மாதம் அவற்றுக்கு தற்காலிக தடைகளை அறிவித்திருந்தது.    ஆனால், தமது வலைத்தள பாவனையாளர்கள் அவ்வாறான வீடியோக்களை பார்ப்பதற்கும் அவற்றைக் கண்டிப்பதற்கும் சுதந்திரம் இருக்க வேண்டும் என்று பேஸ்புக் நிறுவனம் கூறியுள்ளது. கண்டனங்கள்    எனினும், வீடியோ காட்சிகளில் முன்கூட்டிய எச்சரிக்கைக் குறிப்புகளை சேர்ப்பது பற்றி ஆராய்ந்து வருவதாக பேஸ்புக் தெரிவித்துள்ளது.    ஆனால் இந்த முடிவை, தற்கொலைகளை தடுப்பதற்கான தன்னார்வ அமைப்பு உள்ளிட்ட பல தொண்டு நிறுவனங்கள் கண்டித்துள்ளன.    சிறார்களின் மனதில் சிறுவயதிலேயே வன்முறை எண்ணங்களைத் தூண்ட இவ்வாறான வீடியோ காட்சிகள் காரணமாகும் என்று அந்த அமைப்புகள் சுட்டிக்காட்டியுள்ளன.    13 வயதுக்கு மேற்பட்ட எவரும் பேஸ்புக்கில் உறுப்பினராக முடியும் என்பது குறிப்பிடத்தக்கது.  ஆனால் இந்த முடிவை, தற்கொலைகளை தடுப்பதற்கான தன்னார்வ அமைப்பு உள்ளிட்ட பல தொண்டு நிறுவனங்கள் கண்டித்துள்ளன.    சிறார்களின் மனதில் சிறுவயதிலேயே வன்முறை எண்ணங்களைத் தூண்ட இவ்வாறான வீடியோ காட்சிகள் காரணமாகும் என்று அந்த அமைப்புகள் சுட்டிக்காட்டியுள்ளன.    13 வயதுக்கு மேற்பட்ட எவரும் பேஸ்புக்கில் உறுப்பினராக முடியும் என்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 10-11-2013

இந்திய நடனம் ஆடிய மிச்சேல் ஒபாமா.

அமெரிக்க அதிபர் ஒபாமாவின் மனைவி மிச்சேல் ஒபாமா தலைமையில் அந்நாட்டின் எம்.பி.க்கள், அரசு உயரதிகாரிகள், அமெரிக்காவில் வசிக்கும் இந்திய பிரமுகர்கள் ஆகியோர் பங்கேற்ற தீபாவளி விழா வெள்ளை மாளிகையில் கொண்டாடப்பட்டது.   அமெரிக்காவில் பிரபலமாகி வரும் ‘கோல்ட் ஸ்பாட் பேண்ட்’ என்ற இந்திய இசை மற்றும் நடனக் குழுவினர் பாலிவுட் இசையை முழக்க வெள்ளை மாளிகையின் கிழக்கு அறையில் கோலாகல தீபாவளி விழா கொண்டாடப்பட்டது. இவ்விழாவுக்கு என இந்திய வம்சாவழி ஆடை வடிவமைப்பாளர் தயாரித்த புத்தாடையை அணிந்து வந்த மிச்சேல் ஒபாமா மகிழ்ச்சியாக காணப்பட்டார். அங்கு கூடியிருந்த விருந்தினர்களிடம் கலகலப்பாக பேசிய அவர், ‘பாலிவுட் இசைக்கு என்னாலும் நடனம் ஆட முடியும் என்று நினைக்கிறேன். ஆனாலும், இவர்களை (இசை குழுவினர்) போல் ஆட முடியாது. இன்று மதியம் கொஞ்சம் பாலிவுட் நடனப் பயிற்சி பெற போகிறேன்.   வெள்ளை மாளிகையில் இந்த பகுதியில் முதன்முதலாக தீபாவளி பண்டிகையை கொண்டாடும் இந்த தருணம் மிகவும் இனிமையானது’ என்று கூறினார்.  

மேலும் படிக்கவும் மறுமொழி இல்லை சுதர்சன் 10-11-2013

5 மணித்தியால பந்தம்.

இங்க என்ன சொல்லுது படத்தில் சிம்புவும், ஆண்ட்ரியாவும் நெருக்கமாக இருக்கும் ஸ்டில்களைப் பார்த்து இருவருக்கும் இடையில் காதல் என்று புகையை போட்டுவிட்டது ஒரு கூட்டம்.    சும்மாவே மெல்லுகிற வாய்களுக்கு இது அவல் கிடைத்த மாதிரி. ஆண்ட்ரியாவை பொறுத்தவரை இது மூன்றாவது கிசுகிசு. முதலில் அனிருத், இரண்டாவது பகத் பாசில், சிம்பு மூன்றாவது.   இங்க என்ன சொல்லுது படத்தில் சிம்பு நட்புக்காக நடித்துள்ளார். சின்ன வேடம். அதில் அவருக்கு ஒரு ஜோடி. அவர்தான் ஆண்ட்ரியா. அவருக்கு சிம்புவைவிட சின்ன வேடம். மொத்தம் ஐந்தே மணி நேரங்களில் ஆண்ட்ரியா சம்பந்தப்பட்ட காட்சிகளை எடுத்துவிட்டார்களாம்.  உண்மை இப்படியிருக்க பட ஸ்டில்லைப்பார்த்து இப்படி மானத்தை பட்டமாக்கி பறக்கவிடுகிறார்களே என்று ஆண்ட்ரியா தரப்பில் விளக்கம் அளிக்கப்பட்டிருக்கிறது.   ஆக, இந்த வெட்டி வேலையை இத்தோடு விட்டு வேறு வேலை பார்க்கும்படி கிசுகிசு எழுத்தாளர்கள் பணிக்கப்படுகிறார்கள்.

மேலும் படிக்கவும் மறுமொழி இல்லை சுதர்சன் 09-11-2013

சிஷ்யரின் மனைவியுடன் ஓடிப்போன குரு ஹரி ஓம் பாபா.

தனது சிஷ்யரின் மனைவியையே இழுத்துக்கொண்டு ஓடியுள்ளார் போலி சாமியார் ஹரியோம் பாபா என்பவர்.   இந்த போலி சாமியாரின் இயற்பெயர் திலிப் குமார் ஜமுனா பிரசாத். இவருக்கு வயது 42.   மகாராஷிட்ராவின் புல்தானா மாவட்டத்தில் உள்ள சாகர்கேதா கிராமத்தில் வசித்து வந்தவர் இந்த போலி சாமியார்.   இவர் மீது அளித்துள்ள புகாரில் கூறப்பட்டிருப்பதாவது:   40 வயது கல்பனா பாகர் என்ற பெண்ணை இவர் கடந்த ஆண்டு செப்டம்பரில் சந்தித்துள்ளார். இந்தப் பெண்ணின் சரும நோயைக் குணப்படுத்துகிறேன் பேர்வழி என்று இவர் அடிக்கடி சின்னார் தாலுக்காவில் அவரது வீட்டுக்கு சென்றுள்ளார் பலே சாமியார்.   அப்படிச்செல்லும்போதே அவரது பணம், போக்குவரத்து குறித்த தகவல்களையும் ரகசியமாக சேர்த்துள்ளார்.   தனது ஆஸிரமத்திற்கு பணம் தருமாறு அவரை ஆசை வார்த்தைகளில் மயக்கியுள்ளார் பலே சாமியார். அவரும் தனது நிலத்தை விற்று ரூ.18 லட்சம் கொடுத்துள்ளார். ஆனால் ஆசிரமம் கட்டாமல் ஜே.சி.பி. எந்திரத்தை தனது தந்தையின் பெயரில் வாங்கியுள்ளார் இந்த போலி சாமியார். இந்தப் பெண் புகார் கொடுத்தது 18 லட்சத்தை ஏமாற்றியதாகத்தான்.   ஆனால் தற்போதைய புகாரை கொடுத்தவர் மங்கேஷ் தன்பூரி என்பவர். இவரது இளம் மனைவியுடன் சாமியார் ஹரியோம் பாபா ஓடிவிட்டார் என்பதே அந்த புகார்.   இந்த போலிசாமியார்தான் இவர்களது திருமணத்தை நடத்தி வைத்துள்ளார். திருமணத்திற்கு பிறகு போலி சாமியாரின் அகமதுநகரில் உள்ள ஆசிரமத்தில் குடும்பம் நடத்தியுள்ளார் இந்த மடையர்.   இந்த போலி சாமியார் பணத்தை இரட்டிப்பாக்கி தருவதாகவும், தீராத வியாதிகளை தீர்த்து வைப்பதாகவும் ஏகப்பட்ட புருடாக்களை அவிழ்த்து விட்டுள்ளார். இவருக்கு ஆள் பிடித்து கொடுக்க கமிஷனுக்கு ஆட்கள் வேறு உள்ளனராம்.   தற்போது புகார் கொடுக்கப்பட்டுள்ளது போலீஸ் தேடுதல் வேட்டையை தொடங்கியுள்ளனர்.

மேலும் படிக்கவும் 1 மறுமொழி சுதர்சன் 09-11-2013

தெருவில் சிறுநீர் கழிக்க ஊக்குவிக்கும் பிரச்சாரம்.

உலகின் பல நாடுகள் தங்களது நகரங்களை அலங்கரிக்க பல்வேறு வழிகளை மேற்கொண்டு வருகின்றன. இதில் நெதர்லாந்து நாட்டில் தலைநகரில் சற்றுப் புதுமையான முயற்சியை மேற்கொள்கின்றனர். வீதிகளில் சிறுநீர் கழியுங்கள், வாழ்வதற்கு உகந்த நகரை உருவாக்குங்கள் என நெதர்லாந்தின் தலைநகர் ஆம்ஸ்டெடமில் பிரசாரம் செய்ய ஆரம்பிக்கப்பட்டுள்ளது.     பல்லாயிரம் ஹெக்டேயர் அளவில் பசுமையை ஏற்படுத்துவற்கான தாவரங்களைக் கொண்ட கூரைகளை (லிவிங் ரூப்) உருவாக்கும் திட்டத்தின் ஒரு பகுதியே இந்த சிறுநீர் கழிக்கச் செய்யும் திட்டம். இதற்காக வழிப்போக்கர்களை சிறுநீர் வழங்க ஊக்குவிக்கும் வகையில் நகரின் ஜன நெரிசலான பீர்ஸ்பிலீன் சதுக்கத்தில் பல யூரினல்கள் அமைக்கப்பட்டுள்ளன.   இவ்வாறு பெறப்படும் சிறுநீரைக் கொண்டு பாஸ்பேட்களைப் பிரித்து வளர்க்கப்படும் தாவரங்களுக்கு உரமேற்ற பயன்படுத்தப்படவுள்ளதாம். தாவரம் செழிப்பாக வளர உதவும் நவீன உரங்கங்களிலுள்ள நியூட்ரஜன், பொட்டாசியம். பாஸ்பரஸ் உள்ளிட்ட அனைத்து ஊட்டசத்துகளும் மனித சிறுநீரில் நிறைந்துள்ளதாக வல்லுநர்கள் குறிப்பிடப்பட்டுள்ளனர்.  

மேலும் படிக்கவும் 1 மறுமொழி சுதர்சன் 09-11-2013

நடிகர் சிட்டிபாபு காலமானார்.

நடிகர் சிட்டிபாபு காலமானார். நடிகர் சிட்டிபாபு சிகிச்சை பலனின்றி காலமானார். சர்க்கரை நோய் பாதிப்பு அதிகமானதால், மூளைக்குச் செல்லும் நரம்பில் ரத்தம்உறைந்து, அடைப்பு ஏற்பட்டதால் கோமா நிலையை அடைந்து வென்டிலேட்டர் உதவியுடன் தீவிர சிகிச்சை அளிக்கப்பட்டு வந்தது. தொடர்ந்து கவலைக்கிடமாகவே இருந்த சிகிச்சை பலனின்றி இறந்தார். நடிகர் சிட்டிபாபு ( வயது49). திருமணமாகி, ஜரினா என்ற மனைவியும், இரண்டு மகள்களும், ஒரு மகனும் உள்ளனர். பல ஆண்டுகளாக, நீரிழிவு நோய் பாதிப்பு இருந்ததால், அவ்வப்போது மருத்துவமனையில் சிகிச்சை பெற்று வந்தார். மூன்று நாட்களுக்கு முன், வீட்டில் திடீரென மயங்கி விழுந்தார். சென்னை, முகப்பேரில் உள்ள தனியார் மருத்துவமனையில் சேர்த்தனர். மூளையில் அடைப்பு ஏற்பட்டு, ஆபத்தான நிலையில் இருப்பது தெரிய வந்தது. இதையடுத்து, சென்னை ராயப்பேட்டையில் உள்ள அரசு மருத்துவமனையில் அனுமதிக்கப்பட்டார். ஐ.சி.யூ., பிரிவில், டாக்டர்கள் தீவிர சிகிச்சை அளித்து வந்தனர். உடல் நிலையில், முன்னேற்றம் ஏற்படவில்லை; தொடர்ந்து ஆபத்தான நிலையில் உள்ளதாக கூறப்பட்டு வந்தது. இந்நிலையில் இன்று (8.11.2013) சிகிச்சை பலனின்றி அவர் காலமானார்.  

மேலும் படிக்கவும் மறுமொழி இல்லை பண் த பாலா 08-11-2013

பாப்பரசரின் பிரமிக்கவைக்கும் அரவணைப்பு.

பாப்பரசர் பிரான்ஸில் நிஜமாகவே ஏனைய பாப்பரசர்களை விட வித்தியாசமனவர் என்பதனை நிரூபிக்கும் மற்றுமொரு சம்பவம் ரோமில் நடந்துள்ளது. நியூரோஃபிபிரொமாதோசிஸ் எனும் அபூர்வ வகை மரபியல் நோய் ஒன்றினால் பாதிக்கப்பட்ட நபர் ஒருவரை ஆறத்தழுவி அவருடன் பாப்பரசர் ஆறுதல் வார்த்தைகளை பகிர்ந்து கொள்ளும் புகைப்படங்கள் ஊடக கவனம் பெற்றுள்ளன.      யானை முகம் போன்று விகாரமான முகம் மற்றும் அறுவறுக்கத்தக்க தோல் அமைப்பை கொண்டவர்களான இந்நபர்கள் பொதுவிடங்களில் பெரும்பாலும் வித்தியாசமாகவே பார்க்கப்படுவார்கள்.      இந்நிலையில் ரோமில் புனித பீட்டர்ஸ் சதுக்கத்தில் நடந்த பிரார்த்தனை நிகழ்வொன்றில், இந்நோயால் பாதிக்கப்பட்ட நபர் ஒருவரை ஆறத்தழுவி அவரை அவரது முகத்தில் முத்தம் பதித்து பிரார்த்தனையில் இணைத்துக் கொண்டார் பிரான்ஸிஸ். எந்தவித பாகுபாடுமின்றிய பிரான்ஸிஸின் கருணை உள்ளத்திற்கு இச்சம்பவம் நல்லதொரு உதாரணமாக கூறப்படுகிறது.      முன்னதாக கடந்த மாதம், சுமார் 150,000 று மேற்பட்ட பக்தர்கள் முன்னிலையில் பாப்பரசர் பேசிய போது ஓர் சிறுவன் ஒருவன் மேடையிலிருந்து இறங்க மாட்டேன் என அடம்பிடிக்க அவனை மேடையிலேயே நிற்பதற்கு அனுமதித்து அடிக்கடி அவனது தலையை தடவியபடி இருந்தார் பாப்பரசர்.    கடந்த மார்ச் மாதம் ரோமில் உள்ள சிறையொன்றில் கைதிகளின் கால்களை நீரால் கழுவி அவர்களுக்கு பணிவிடை செய்திருந்தார்.     

மேலும் படிக்கவும் மறுமொழி இல்லை சுதர்சன் 08-11-2013

11/12/13 அன்று திருமணம் முடிக்க இளைஞர்கள் ஆர்வம்.

உலகில் பல்வேறு அரிய நிகழ்ச்சிகள் அவ்வப்போது நடக்கின்றன. ஆனால் அரிய நாள் என்பது அத்தி பூத்தாற்போன்று எப்போதாவதுதான் வரும். அந்த அரிய நாள் வருகிற டிசம்பர் 11–ந்தேதி வருகிறது. 100 ஆண்டுகளுக்கு ஒரு தடவை வரும் அந்த அபூர்வ நாளாக இது கருதப்படுகிறது. அதுதான் 11.12.13 என்றழைக்கப்படும் 11.12.2013 ஆகும். இந்த நாளை அதிர்ஷ்ட நாளாக இளைஞர்களும், இளம் பெண்களும் கருதுகின்றனர். அதை தங்களின் வாழ்நாளில் மறக்க முடியாத நாளாக விரும்புகின்றனர். எனவே, அன்று தங்கள் திருமணத்தை நடத்த முடிவு செய்துள்ளனர். அதற்கான ஏற்பாடுகளில் 2,265 ஜோடிகள் தீவிரமாக ஈடுபட்டுள்ளனர். இந்த தகவலை அமெரிக்காவை சேர்ந்த தனியார் திருமண ஏற்பாட்டாளர் நிறுவனம் தெரிவித்துள்ளது. இந்த நிறுவனம் நடத்திய ஆய்வில் வருகிற நவம்பர் 12–ந்தேதி அல்லது டிசம்பர் 11–ந்தேதி திருமணம் செய்ய பெரும்பாலான ஜோடிகள் ஆர்வமாக இருப்பது தெரிய வந்தது. இது கடந்த 2012–ம் ஆண்டில் அன்றைய கால கட்டத்தில் நடந்த திருமணத்தைவிட 72.2 சதவீதம் அதிகம் என கணக்கிட்டுள்ளது.

மேலும் படிக்கவும் 1 மறுமொழி சுதர்சன் 08-11-2013

வடிவேலு மீண்டும் திரையில்.

“ஜெயலலிதா அம்மா எனக்கு எம்.ஜி.ஆர். மாதிரிண்ணே!” - ‘தெனாலிராம’ வடிவேலு   ''இந்த ரெண்டு வருசம்... எனக்கு ரெண்டு வாரம் மாதிரிண்ணே. நல்லா மல்லாக்கப் படுத்துத் தூங்குனேன். ஆசைப்பட்டதெல்லாம் வள்ளுவதக்குனு ன்னேன். என்னப் பெத்த ஆத்தா, பொண்டாட்டி, புள்ளகுட்டிகளோட நேரம் செலவழிச்சேன். ரொம்ப முக்கியமா, 'யார் நல்லவன்... யார் கெட்டவன்’னு அடையாளம் கண்டுக்கிட்டேன். அடிக்கடி குல தெய்வத்துக்குக் கும்பிடு போட்டுக்கிட்டேன். இது அந்த சாமியே எனக்குக் கொடுத்த வெயிட்டீஸ் பீரியட்ணே!'' - உற்சாகமும் பூரிப்பும் மீண்டும் வடிவேலு முகத்தில்! 'ஜகஜ்ஜால புஜபல தெனாலிராமன்’ மூலம் நீண்ட இடைவெளிக்குப் பிறகு 'ரீ-என்ட்ரி’ கொடுக்கிறார் வடிவேலு. ''கிருஷ்ணதேவராயர் அரசவையில் இருந்த விகடகவி, தெனாலிராமன். அவனுக்கு அரசர்கிட்ட ரொம்ப நல்ல பேரு. அப்படி நல்ல பேரோட இருந்தா, சுத்துப்பட்டு ஆளுகளுக்குப் புடிக்குமா? சூழ்ச்சி செஞ்சு தெனாலிராமனை சூதுல சிக்க வெக்கிறாங்க. அதுல இருந்து எப்படி வெளில வர்றான்ங்கிற க்ளைமாக்ஸை நோக்கிப் படம் போகும்ணே. படத்துல கிருஷ்ணதேவராயர் கேரக்டரும் வெளுத்தெடுக்கும். அதுலயும் நானே நடிச்சா நல்லா இருக்கும்னு டைரக்டர் தம்பி யுவராஜா சொன்னாப்ல. கருத்தான தம்பி. சொன்னா சரியாத்தான் இருக்கும்னு அந்த வேசத்தையும் நானே போட்டுக்கிட்டேன். ஏ சென்டர் கைதட்டி ரசிப்பாங்க... பி, சி சென்டர்லாம் அதிரும் பாருங்க!'' ''தெனாலிராமன், அறிவுபூர்வமாப் பேசுற  ஒரு விகடகவி. நீங்க உடல்மொழியில பின்னுற கலைஞன். இந்த ரெண்டையும் சேர்த்து அந்தக் கேரக்டருக்கு எப்படி உயிர்கொடுத்திருக்கீங்க?'' '''தெனாலிராமன் தன் அறிவைப் பயன்படுத்தி அலட்டிக்காம காமெடிப் பண்ணினவர். நீங்க பாடி லாங்குவேஜ்ல பெர்ஃபாமன்ஸ் பண்றவர். உங்களுக்கு எப்புடி அந்த கேரக்டர் செட்டாகும்’னு பச்சையா, நேரடியா கேக்காம சுத்தி வளைச்சுக் கேக்கிறீங்க. உங்க சூது புரியுதுண்ணே. ஆனா, இது நல்ல கேள்வி. உங்கள மாதிரியே 'வடிவேலு நல்லாருக்கணும்’னு நினைக்கிற மிச்சம்சொச்ச நண்பர்களும் இதே கேள்வியக் கேட்டாக. அவுககிட்ட சொன்னதையே உங்கள்ட்டயும் சொல்றேன். நீங்க ஊருக்குச் சொல்லிடுங்க. கதையைச் சொன்னதும் உடனே ஷூட்டிங் கிளம்பிடலண்ணே. தினமும் காலையில டைரக்டர் என் ஆஃபீஸ் வந்துடுவார். அவரு ஒவ்வொரு சீனா சொல்லச்சொல்ல, இப்படி வெச்சுக்கலாமா, அப்படி வெச்சுக்கலாமானு விதவிதமா நடிச்சுக்காட்டுவேன். 'அண்ணே முதல்ல பண்ணினதையும், நாலாவதா பண்ணுனீங்கள்ல ஒரு மானரிசம் அதையும் சேர்த்துப் பண்ணுங்க, சரியா வரும்’னு பெஸ்டா பொறுக்கி எடுத்தார். இப்புடி ஆரம்பத்துல இருந்து க்ளைமேக்ஸ் வரை அவருக்கு லைவ்வா நடிச்சுக்காட்டி சீனை ஃபைனல் பண்றதுக்கு ரெண்டு மாசம் டயம் எடுத்துக்கிட்டோம்ணே. சந்தேகமே வேணாம்.. படம் பாருங்க பிச்சிக்கும்!'' ''எந்த தைரியத்தில் கல்பாத்தி அகோரம் இந்தப் படத்தைத் தயாரிக்க ஒப்புக்கிட்டார்?'' ''அப்புடில்லாம் ஒண்ணும் இல்லைண்ணே. நீங்களா ஏதாவது பத்த வெச்சிட்டுப் போய்டாதீங்க. நம்ம படத்தைப் பத்தி இந்த மாதிரி ஏகப்பட்ட வதந்தி சுத்தியடிக்குதுண்ணே. இதுக்கு முன்னயும் என்னை வெச்சுப் படம் பண்ண நிறைய தயாரிப்பாளர்கள் வந்தாங்க. ஆனா, நான்தான் நல்ல கதை வரட்டும்னு இருந்தேன். அகோரம் ஐயா அற்புதமான தயாரிப்பாளர். 'தெனாலிராமன் படத்தை உங்களை வெச்சு தயாரிக்கிறதுல ரொம்ப சந்தோஷம்’னார். 'நான் எடுத்த எந்தப் பட ஷூட்டிங்குக்கும் இதுவரை போனதில்லை வடிவேலு’னு சொல்லிட்டு, சுற்றுலா போறமாதிரி குடும்பத்தோட வந்தார். மனுஷன் சொக்கத்தங்கம்ணே... '' ''உங்களைச் சுத்தி இருக்கிறவங்கள்ல 'நல்லவர் யார், கெட்டவர் யார்னு அடையாளம் கண்டுகிட்டேன்’னு சொன்னீங்களே. அவங்கள்லாம் யார் யார்னு சொல்லுங்களேன்!'' ''அதைக் கண்டிப்பா சொல்லித்தானே ஆகணும். அப்பதானே மக்களுக்கு உண்மை என்னன்னு தெரியும். ஆனா, அந்தக் கச்சேரியை அப்புறமா வெச்சுக்கலாம்ணே. இத்தனை வருசமா சினிமால இருக்கேன். ஆனா, யார்ட்ட எப்படிப் பழகுறதுனு நினைச்சுப் பார்த்தாலே பயமா இருக்கு. மக்களுக்கும் சொல்றேன், நம்ம்ம்...பிப் பழகிடாதீங்க!'' ''நீங்க நடிக்காத இந்த பீரியட்ல ஏகப்பட்ட காமெடியன்கள்  வந்துட்டாங்களே... உங்களுக்கு யாரைப் பிடிச்சிருக்கு?'' '''இவருக்குச் சிரிக்கக் கூடாது... அவருக்குச் சிரிக்கலாம்’னு எந்த நெனைப்பும் வெச்சுக்க மாட்டேன். நல்ல காமெடி யார் பண்ணாலும் சிரிப்பு வந்தா, சிரிச்சுத்தானே ஆகணும். ஒண்ணு ரெண்டு படங்கள்தாண்ணே பார்த்தேன். ஆனா, சிரிப்பு வரலை. முழுப் படத்தையும் உக்காந்து பாத்தா நம்ம தொழில எங்க மறந்திருவோமேனு பீதியா இருந்துச்சு. படம் பாக்குறதையே விட்டுட்டேன். எப்பவுமே நம்ம உடம்பைக் கெடுக்கும் சாப்பாட்டைச் சாப்பிடக் கூடாது. உனக்கு கறி சோறு சேராதுனா, அப்புறம் எதுக்கு அதை வளைச்சுக் கட்டித் திங்குற? உசுருக்கும் மனசுக்கும் கெடுதலான எந்த விஷயத்தையும் நம்ம பக்கத்துலயே அண்டவிடக் கூடாதுண்ணே. காமெடிங்கிற பேர்ல கெட்டதைக் காட்டுனா அதை பொண்டு பொடுசு, புள்ளகுட்டிகளோட உக்காந்து பார்க்க முடியுமா? அந்தக் கண்றாவியைப் பார்த்தா நமக்கு பிரஷர்தான் ஏறும். தமிழ்நாட்டுல உள்ள ஒவ்வொரு குடும்பத்தையும் நான் கெஞ்சிக் கேட்டுக்குறேன். உங்க வீட்டு ரேஷன் கார்டுல எம் பேரு இல்லையே தவிர, நானும் உங்க குடும்பத்துல ஒரு பயதான். கண்ட கருமத்தையும் பாத்து கண்ணையும் மனசையும் கெடுத்துகாதீங்க!'' ''தமிழக முதல்வரைச் சந்திக்க உங்களுக்கு அப்பாயின்ட்மென்ட் கிடைச்சுதா?'' ''ஏண்ணே... 'தமிழக முதல்வர்’ங்கிறது எவ்வளவு பெரிய பதவி. ஏழு கோடி மக்களை கட்டிக் காக்குறவங்க. அத்தனை பேரோட நல்லது கெட்டதுகளை முடிவெடுக்குறவங்க. அவங்களுக்குக் கட்டுப்பட்டவங்கதானே நான், நீங்க, எல்லாரும்! அவுக எப்பக் கூப்பிட்டாலும் போகாம, பார்க்காம இருக்க முடியுமா? முக்கியமான நபர்கிட்ட இருந்து சரியான தகவல் வந்தா, நான் போய்ப் பார்க்காமலா இருப்பேன்? ஆனா, நானா போய்ப் பார்க்கிறதுக்கு ஒரு காரணம் வேணும்ல! என்ன காரணம் சொல்லுவீங்க? 'தொழில் பண்றதைக் கெடுக்கிறாங்கம்மா... நடிக்க விடாமப் பண்றாங்கம்மா’னு சொல்லச் சொல்றீங்களா? நாலு சில்லறைப் பசங்க சேர்ந்து பண்ற விஷயத்தையெல்லாமா அவங்ககிட்ட கொண்டுபோறது? அவங்களுக்கு எவ்வளவு ஜோலி இருக்கும்? அதைப் பார்ப்பாங்களா, என்னைப் பார்த்து நலம் விசாரிச்சுட்டு இருப்பாங்களா? இருந்தாலும், என்னைய பத்தி அவங்களுக்கு நல்லா தெரியும்ண்ணே. நான் அவங்களை எம்.ஜி.ஆர். மாதிரிதாண்ணே பார்த்துட்டு இருக்கேன்!'' ''அப்புறம்... என்ன திட்டம்?'' ''ஏன்ன்ன்ன்..? நல்லாத்தானே போய்ட்டு இருந்துச்சு. நான் அந்தக் கடையை மூடி ரொம்ப நாளாச்சுண்ணே. இப்போதைக்கு தெனாலிராமன்தான் என் குழந்தை. அவனை கண்ணுங்கருத்துமா வளர்க்கிறது மட்டும்தான் என் வேலை. வீட்ல உக்காந்திருக்கிற பல்லு போன பாட்டியில இருந்து, பல்லு முளைக்காத குழந்தை வரை இது எல்லாரும் பார்க்கக்கூடிய படம். அண்ணன், தங்கச்சி, அக்கா, தம்பினு ஒருத்தருக்கு தெரியாம மத்தவங்க ஒளிஞ்சு பார்க்கிற சினிமா இல்லை. ஒட்டுமொத்தக் குடும்பமும் கொத்துக் கொத்தா, கும்பல் கும்பலா உக்காந்து பார்த்து கைதட்டி சிரிச்சு ரசிக்க வேண்டிய படம். இந்தத் தெனாலிராமனை நான் கும்பிடுற குலசாமி நல்லபடியா மக்கள்ட்ட கொண்டுபோய் சேர்ப்பார்ணே!''    

மேலும் படிக்கவும் மறுமொழி இல்லை பண் த பாலா 07-11-2013

ரசிகனும், விமர்சனங்களும்.

 ரசிகனும், விமர்சனங்களும்.         உலகம் முழுவதும் உள்ள மக்கள் ரசிக்கும் பொழுதுபோக்கு கலை/தொழில் சினிமா!! சினிமாமீது ஆயிரம் விமர்சனங்கள் இருந்தாலும் சினிமா ஜதார்த்தத்தில் மக்களால் தவிர்க்கப்பட முடியாதது, இன்னும் சொல்லப்போனால் அழிவில்லாத அம்சமது. உலகம் முழுவதும் சினிமாவின் தாக்கம் வியாபித்திருந்தாலும் தமிழ் மக்களைப் பொறுத்தவரை சினிமாவின் தாக்கம் சற்று அதிகமாகவே அன்றாட வாழ்வியலுடன் பின்னிப் பிணைந்துள்ளது. உடல்மொழி, வசனங்கள், உடை என சினிமாவின் தாக்கம் இங்கு அதிகம்; அரசியல்வரை இந்த தாக்கம் கெட்டியாகப் பீடித்துள்ளது!!! பொழுதுபோக்கு சினிமா, கலைப் படைப்புக்கள், மாறுபட்ட சினிமா என சினிமாவை பிரித்துச் சொன்னாலும்; எல்லாமே வர்த்தகரீதியில் லாபத்தை நோக்கமாகக் கொண்டு எடுக்கப்படுபவைதான்! மொத்தத்தில் எல்லாமே வணிக சினிமாக்கள்தான். சில இயக்குனர்களும், சில விமர்சகர்களும், சில ரசிகர்களும் சினிமாவை நல்ல சினிமா, மோசமான சினிமா என்று இரு தட்டில் வைத்து நோக்குகின்றார்கள். இது சரியான பார்வையா? நல்ல சினிமா எது? மோசமான சினிமா எது ? என்பது பற்றிய என் எண்ணங்கள்தான் இந்தப் பதிவு!! ரசிகர்கள்.... கதாநாயகர்களது திரைப்படங்களுக்கு கொடுக்கும் முன்னுரிமையை தமிழ் சினிமா ரசிகர்கள் மாற்றுச் சினிமாக்களுக்கு கொடுப்பதில்லை என்கின்ற குற்றச்சாட்டும் உண்டு! கதாநாயக ரசனை என்பது ஒவ்வொருவரதும் தனிப்பட்ட விருப்பு! இதில் தவறென்று உள்ளது? அடுத்தவர் விருப்பு வெறுப்பில் கருத்துச்சொல்லும் உரிமை எவருக்கும் இல்லை !! ஒரு திரையரங்கில் 300 ரூபாயை கொடுத்து எனக்கு பிடித்த சினிமாவைத்தான் நான் பார்க்க முடியும்; இதுதான் மிகப்பெரும்பாலான ரசிகர்களின் மனநிலை. இதைச் சொல்வதால் தமிழ் ரசிகர்கள் மாற்றுச் சினிமாவை ஏற்றுக்கொள்வதில்லை என்று அர்த்தமில்லை; தமிழ் ரசிகர்கள்தான் இதுவரை தமிழ் சினிமா கொடுத்த அத்தனை புதுமைகளையும் கொண்டாடியவர்கள்! மிகப் பெரும்பாலான தமிழ் சினிமா ரசிகர்களைப் பொறுத்தவரை சினிமா என்பது பொழுதுபோக்கு சாதனமாகவே எடுத்துக்கொள்ளப் படுகின்றது! அவர்களைப் பொறுத்தவரை கொடுத்த பணத்திற்கு நிறைவான போகுதுபோக்கு கிடைப்பதுதான் முதற்தேவை!! அதனால்தான் இங்கு பொழுதுபோக்குத் திரைப்படங்களும், கதாநாயகனை முன்னிறுத்தி எடுக்கப்படும் அக்க்ஷன் திரைப்படங்களும் பெரும் வரவேற்பை பெறுகின்றது. மக்களின் இப்படியான போக்கால் தமிழ் சினிமாவை அடுத்த கட்டத்திற்கு கொண்டு செல்லும் படைப்புக்களை துணிந்து எடுக்க முடிவதில்லை, அப்படி எடுக்கும் திரைப்படங்களை மக்கள் வரவேற்பதில்லை என்கின்ற குற்றச்சாட்டு சம்பந்தப்பட்ட திரைப்படத் தரப்புக்களிடமிருந்தும், சில விமர்சகர்களிடமிருந்தும், சில ரசிகர்களிடமிருந்தும் தொடர்ந்தும் வந்தவண்ணம் உள்ளது!! இவர்களது கூற்று எந்தளவுக்கு உண்மையானது என்பதை அறிய கடந்தகால தமிழ் சினிமா வரலாற்றை மீட்டுப்பார்ப்பது அவசியம்! பராசக்தி -: பாடல்கள் மூலம் கதை சொல்லிக்கொண்டிருந்த சினிமாவை வசனங்களின்பால் ரசிகர்களை ஈர்த்த திரைப்படம்; தமிழ் சினிமாவின் முக்கிய படிக்கல். கலைஞர் கருணாநிதியின் தமிழுடன் சிம்மக்குரலோனின் கம்பீரமான உச்சரிப்பு இணைந்து தமிழ் சினிமாவுக்கு கொடுத்த முதல் மாற்றம் இந்த வசன நடை! இந்தத் திரைப்படத்தை மாபெரும் வரவேற்புக் கொடுத்து வரவேற்றவர்கள் இதே தமிழ் ரசிகர்கள்தான்!! இயக்குனர் ஸ்ரீதர் :- காப்பியங்கள் புராணங்கள், இதிகாசங்கள், , திராவிடக் கொள்கைகள், நாடகங்கள், சுந்தந்திரப் போராட்டங்கள் என குறுகிய வட்டத்தில் சுற்றிக்கொண்டிருந்த தமிழ் சினிமாவிற்கு; 1959 இல் வெளிவந்த ஸ்ரீதரின் முக்கோணக் காதல்கதையான 'காதல்ப்பரிசு' ஒரு மாறுபட்ட சினிமா. காதல்ப் பரிசை மாபெரும் வெற்றியாக்கிய தமிழ் ரசிகர்கள்; ஏழு நாட்களில் மருத்துவமனையில் நிகழ்வது போன்று ஸ்ரீதர் இயக்கிய 'நெஞ்சில் ஓர் ஆலயம்' திரைப்படத்தையும் வணிகரீதியில் வெற்றியாக்கினர். அடுத்து 1964 இல் எம்.ஜி.ஆர், சிவாஜி என்னும் இரு நட்சத்திரங்களின் உச்ச காலத்தில் ஜனரஞ்சக சினிமாவின் உச்சம் என சொல்லப்படும் 'காதலிக்க நேரமில்லை' வெளிவந்தது! புதுமுக நாயகனாக ரவிச்சந்திரன் அறிமுகமாகிய இந்தத் திரைப்படம் அன்றைய தேதியில் மக்களால் மிகப்பெரியளவு வரவேற்பு கொடுக்கப்பட்டு அனைத்து வசூல்களையும் முறியடித்து சாதனை செய்த திரைப்படம்! பாலச்சந்தர் :- 1960 களில் அற்புதம் நிகழ்த்திய மற்றொரு இயக்குனர்! எம்.ஜி.ஆர், சிவாஜியின் நட்சத்திர ஆதிக்கம் நிறைந்த இந்தக் காலப்பகுதியில்; அவர்கள் திரைப்படங்களில் காமடியனாக நடித்துவந்த நாகேஷை கதாநாயகனாக்கி பாலச்சந்தர் செய்த காவியங்கள் 'சர்வர் சுந்தரம்', 'நீர்க்குமிழி', 'எதிர் நீச்சல்' போன்றன மக்களால் மிகப்பெரும் வரவேற்புக் கொடுக்கப்பட்ட திரைப்படங்கள்!! இளையராஜா :- கர்நாடக சங்கீதத்தை அடிப்படையாகக் கொண்ட தமிழ் சினிமாவின் இசையில் மூழ்கியிருந்த ரசிகர்களை; தமிழ் மணம் கமழும் நாட்டுப்புற பாடல்கள் மூலமும், மேற்கத்தைய இசையை/ இசைக்கருவிகளை தமிழ் இசையுடன் இணைத்து ஏற்படுத்திய புரட்சிமூலமும் கட்டிப்போட்ட இளையராஜாவை அன்னக்கிளியிலேயே வரவேற்று கொண்டாடியவர்கள் இதே தமிழ் ரசிகர்கள்தான்! ரஜினிகாந்த் :- வெண்ணிற மேனி, பென்சில் மீசை, அழகிய தலை முடி, கூரிய கண்கள், நீட்டிய வசனம், நாடக நடிப்பு என்றிருந்த கதாநாயக இலக்கணங்களை உடைத்து கரிய மேனி, மிடுக்கான மீசை, பரட்டைத் தலைமுடி, சிறிய கண்கள், விறுவிறு வசன உச்சரிப்பு, இயல்பான நடப்பு என அறிமுகமாகிய ரஜினிகாந்தை தமிழ் ரசிகர்கள்தான் தலையில் தூக்கிவைத்து கொண்டாடினார்கள், கொண்டாடுகின்றார்கள். பாரதிராஜா :- 1977 இல் '16 வயதினிலே' என்றொரு திரைப்படம்! ஸ்டூடியோவுக்குள் சுற்றிக்கொண்டிருந்த கேமராவை கிராமங்களின் பக்கம் திருப்பி திரையில் மண்வாசனை கமழும் வண்ணம் வெளிவந்த திரைப்டம். தமிழ் சினிமா கண்டிராத புது முயற்சி! அன்றைய தேதியில் மக்களால் மாபெரும் வரவேற்ப்பு கொடுக்கப்பட்டு 200 நாட்களை கடந்து ஓடிய மாபெரும் வெற்றிச் சித்திரமிது. 1985 இல் பாரதிராஜா இயக்கத்தில் வெளிவந்த மற்றுமொரு மாறுபட்ட படைப்பு 'முதல் மரியாதை' நடிகர் திலகத்தின் அற்புத நடிப்பில் வெளிவந்த இந்தத் திரைப்படம் முதுமைக் காதலை அத்தனை அழகாக சொல்லிவிட்டுச் சென்றது. இந்தத் திரைப்படமும் மக்களால் மிகப் பெரும் வரவேற்பு பெற்று வணிகரீதியில் மாபெரும் வெற்றி பெற்றது!! மகேந்திரன் :- 'முள்ளும் மலரும்' - 1978 இல் மகேந்திரன் இயக்கிய திரைப்படம்! தமிழ் சினிமா அதுவரை கண்டிராத சினிமா அது! மிகவும் இயல்பாக வாழ்க்கையை படம் பிடித்துக் காட்டிய சினிமா, இன்றுவரை தமிழ் சினிமாவின் சிறப்பான சினிமாக்களில் உதாரணம் காட்டப்படும் சினிமா. அன்று தயாரிப்பாளரால் விளம்பரப்படுத்தப்படாமலேயே; மக்களின் வாய் வழியான பரப்புரையால் வெள்ளிவிழாக் கண்ட திரைப்படம்!! தொடர்ந்து மகேந்திரன் இயக்கிய உதிரிப்பூக்கள் மற்றுமொரு தமிழ் சினிமாவின் புதுமை! அதனைத் தொடர்ந்து ஜானி, நெஞ்சத்தை கிள்ளாதே என மகேந்திரன் கொடுத்த மாறுபட்ட சினிமாக்கள் தமிழ் ரசிகர்களால் வெற்றியாக்கப்பட்டது! கே.பாக்யராஜ் :- இந்திய சினிமாவின் ஒப்பற்ற திரைக்கதையாளர். இவரது சினிமாக்கள் ஒவ்வொன்றும் அன்றைய நிகழ்கால வாழ்க்கையை தழுவி எடுக்கப்பட்டவை. நகைச்சிவை கலந்த ஜனரன்சகமாக இவரது சினிமாக்களுக்கு தமிழ் ரசிகர்கள் காதலர்கள்!! மணிரத்தினம் :- இன்றுவரை புது இயக்குனர்கள் பலருக்கும் இன்ஸ்பிரேஷன், பல தமிழ் சினிமா ரசிகர்களின் பிடித்தமான இயக்குனர். வசன உச்சரிப்பு, நடிகர்களின் உடல்மொழி, இசை, கேமரா, எடிட்டிங் என அத்தனையும் இவரது சினிமாவில் புதுமையாக காணப்பட்டது; அதுவரை தமிழ் சினிமா கண்டிராத சினிமா இவருடையது! மணிரத்தினம் இன்று சொதப்பலான திரைப்படங்களை கொடுத்துக் கொண்டிருந்தாலும்; ரசிகர்கள் இன்னும் அவரை எதிர்பார்ப்பது 'நாயகன்', 'மௌனராகம்' போன்ற படங்களை மீண்டும் கொடுக்க மாட்டாரா என்கின்ற எதிர்பார்ப்பில்தான்!! அந்தளவிற்கு மக்கள் மணிரத்தினத்தின் நல்ல சினிமாக்களை கொண்டாடியிருந்தார்கள் !! ஏ.ஆர்.ரஹ்மான் :- 1992 இல் ரோஜா திரைப்படத்தில் தமிழ் சினிமா கண்டிராத ஒலியுடன் புதிய இசையை அறிமுகப்படுத்திய இளைஞன். முதற் திரைப்படத்திலேயே மக்கள் ரஹ்மானிற்கு அமோக வரவேற்பை கொடுத்தார்கள்!! அவர் ஆஸ்கார்வரை வளர்ந்த பின்னரும் அவர் கொடுக்கும் நவீன இசையை வரவேற்பவர்களும் இதே மக்கள்தான்! பாலா :- 1999 இல் வெளிவந்த தமிழ் சினிமாவின் மற்றுமொரு முக்கிய திரைப்படம்! வாங்கி வெளியிட ஆளில்லாமல் காத்துக்கிடந்த சேது திரைப்படத்தை, வெளியிட்ட அனைத்து இடங்களிலும் வசூல் பார்க்க வைத்தவர்கள் தமிழ் சினிமா ரசிகர்கள்தான்! சேரனின் 'பாரதி கண்ணம்மா' &; 'ஆட்டோகிராப்' திரைப்படங்களும், தங்கர்பச்சானின் 'சொல்ல மறந்த கதை' & 'அழகி' திரைப்படங்களும், செல்வராகவனின் 'காதல்கொண்டேன்', '7G ரெயின்போ காலனி', பாலாஜி சக்திவேலின் 'காதல்', 'வழக்கு எண் 18/9' திரைப்படங்களும், அமீரின் 'பருத்திவீரன்', சசிக்குமாரின் 'சுப்ரமணியபுரம்', பிரபுசாலமனின் 'மைனா' திரைப்படங்களும் புதிய முயற்சியாக வெளிவந்து தமிழ் ரசிகர்களால் வணிகரீதியில் வெற்றியாக்கப்பட்ட சில முக்கிய திரைப்படங்கள்!! இவர்கள்தவிர ஷங்கர், கவுதம் மேனன், சிம்பு தேவன், வெற்றிமாறன் என தமிழ் சினிமாவுக்கு புதிய முயற்சிகளைக் கொடுத்தவர்களது தரமான படைப்புக்கள் மக்களால் வரவேற்ப்புக் கொடுக்கப்பட்டவைதான்! அண்மையில்கூட புது முயற்சிகளாக வெளிவந்த 'பீட்சா', 'நடுவில கொஞ்சம் பக்கத்தை காணம்', 'சூது கவ்வும்' திரைப்படங்களும் தமிழ் ரசிகர்களால் புறக்கணிக்கப் படபடவில்லை!! 1950 களின் ஆரம்பம் தொடக்கம், இன்றுவரை தமிழ் சினிமா ரசிகர்கள் புதிய முயற்சிகள், புதிய வடிவங்கள் போன்றவற்றை தொடர்ந்து வரவேற்றுக்கொண்டுதான் இருக்கின்றார்கள்!! 80 ஆண்டுகள் பழமைவாய்ந்த சினிமாவை இன்றுவரை வளர்த்துவிட்டவர்கள் ரசிகர்கள்தான்!! சிவாஜிகணேஷனின் நடிப்பிற்கும், கமல்ஹாசனின் புதிய முயற்சிகளுக்கும் ஊக்கம் கொடுத்து வரவேற்றவர்கள் தமிழ் ரசிகர்கள்தான்! கமல்ஹாசனின் 80% ஆன புதிய முயற்சிகளுக்கு வரவேற்பளித்த ரசிகர்கள் அவரது 20 % ஆன முயற்சிகளை வரவேற்கவில்லை என்றதும் ரசிகனின் ரசனையை குறைசொல்வது அற்பத்தனமான!!! இந்தத் தவறை கமல்ஹாசன் என்றும் செய்ததில்லை; சில அரைகுறைகளின் அறிவுஜீவித்தனமான கருத்துக்கள்தான் இவை. ஹேராம் திரைப்படத்தை பல தடவைகள் பார்த்தும் புரியாமல் இருக்கும் கமல் ரசிகர்கள் இருக்கின்றார்கள்!! கையை பிடித்துக் கூட்டிக்கொண்டுபோன கமல்; திடீரென உயரத்தில் சென்று எட்ட முடியாத பள்ளத்தில் இருக்கும் ரசிகனுக்கு மேலே வா என்று கையைக் கொடுத்தால், அது ரசிகனின் தவறல்ல!! அதுதான் ஹேராம். அன்பேசிவம் ஒரு அழகிய திரைப்படம்தான்; ஆனால் அதில்வரும் முதலாளித்துவ பிரதிநிதியான நாசரின் நெற்றியில் நீறும், அவர் வாயில் "தென்னாடுடைய சிவனே போற்றி"யும் வலிந்து திணிக்கப்பட்டிருந்தது!! 90 சதவீதம் பேரின் நம்பிக்கையை சிதைத்துவிட்டு எப்படி வெற்றியை எதிர்பார்க்க முடியும்? அண்மையில் இயக்குனர் வசந்தபாலன் கூட அதிகளவில் மட்டமான நகைச்சுவை திரைப்படங்களே இப்போதேல்லாம் வெளிவருவதாக விசனம் தெரிவித்திருந்தார்! இந்த இடத்தில் ஒரு விடயத்தை நோக்கவேண்டும்; தமிழ் சினிமா ரசிகர்களில் 90 சதவிகிதம் மக்கள் பொழுதுபோக்கை விரும்பும் பார்வையாளர்கள்தான்!! அவர்களைப் பொறுத்தவரை கொடுக்கும் காசுக்கு ஏற்படும் மன நிறைவுதான் முதற்தேவை. அதைக் கொடுக்கும் திரைப்படங்களை அவர்கள் ரசிக்கின்றார்கள்; இதில் என்ன ரசனைக்குறைவு? உங்களுக்கு, ஏன் எனக்கும் கூட பிடிக்காத சில திரைப்படங்களை "செம படம்டா" என கொண்டாடும் பலரும் இருக்கத்தான் செய்கின்றார்கள்! அது அவர்களது ரசனை, அவர்களுக்காக எடுக்கப்படும் சினிமாக்களாக அந்த திரைப்படங்கள் இருந்துவிட்டு போகட்டுமே! வருடத்தில் 100 க்கு மேற்பட்ட சினிமாக்கள் எடுக்கப்படும்போது 90 சதவிகிதம் எதிர்பார்ப்புடைய வணிக சினிமாவுக்கு 90 திரைப்படங்கள் வெளியாகுவதில் என்ன தவறு இருக்கிறது? (இவை வர்த்தக நோக்கில் எடுக்கப்பட்டிருந்தாலும் இவற்றில் 9 திரைப்படங்கள் கூட வெற்றி பெறுவதில்லை) 100 திரைப்படங்களில் மிகுதி 10 திரைப்படங்களும் மாறுபட்ட சிந்தனையில் இயக்கப்பட்டிருப்பின் அதுவே நல்ல விடயம்தானே! இப்படியான புது முயற்சிகள் வருடாவருடம் அதிகரித்துக்கொண்டு வருவது கூட ஆரோக்கியமான வளர்ச்சிதானே! அதே நேரம் புதிய முயற்சிகளில் கூட ஜனரஞ்சகம் என்பதை தவிர்த்து முழுக்க முழுக்க இயக்குனர் தன் எண்ணங்களை மட்டும் திணித்துவிட்டு மக்களை வரவேற்கவில்லை என்று திட்டுவதும் ஏற்புடையதல்ல! சித்திரம் பேசுதடி, அஞ்சாதே, யுத்தம் செய் திரைப்படங்களை வரவேற்ற மக்கள் நந்தலாலாவை வரவேற்கவில்லை என்றால் தவறு மக்களிடமில்லை என்பதை புரிந்துகொள்ளுங்கள்! நந்தலாலா ஒரு டாக்குமென்டரி வகையான திரைப்படமாகவே இருந்தது, அதில் ஜனரஞ்சகம் இல்லாதவிடத்து இன்று அதை ஏற்றுக்கொள்ளும் நிலையில் மக்கள் இல்லை என்பதுதான் ஜதார்த்தம். நந்தலாலாவை ஏற்றுக்கொள்ள இன்னும் சில தசாப்தங்கள் எங்களுக்கு தேவை! ஜப்பான் திரைப்படம் ஜப்பானுக்கு சரி, அதை உருவி தமிழில் வெளியிட்டுவிட்டு மக்களை குறைசொல்வது அபத்தம். "ஈரான், தென்னமெரிக்க திரைப்படங்களை பாருங்கள், எத்தனை அழகாக இருக்கும்" - இது தமிழ் சினிமாவை வேற்றுமொழி சினிமாவோடு ஒப்பிட்டு மட்டம்தட்டும் வசனம். சினிமா என்பது மொழி, கலாச்சாரம், மக்களின் வாழ்க்கை முறை, வாழ்க்கைத் தரம், மனநிலை, பொருளாதாரம் என பல விடயங்கள் சார்ந்தது! மேற்சொன்னவற்றில் தமிழ் நாட்டுடன் ஈரான், தென்னமெரிக்கா எப்படி ஒருங்கிசையாதோ; அதேபோல சினிமாவும் ஒருங்கிசையாது, ஒப்பிட்டுப் பேசுவது முட்டாள்தனம். ஸ்பானிஸ், பிரெஞ்சிலே நிர்வாணம் என்பது திரைப்படங்களில் சாதாரணம், அவற்றை இங்கே திணிக்க முடியுமா? அங்கு பீச்களில் அரை நிர்வாணம் சாதாரணம், இங்கு ஜோடியுடன் சுற்றினாலே பார்வைகள் வேறுவிதமாக இருக்கும்! அங்குள்ள வாழ்கை முறைக்கு. மனநிலைக்கு அவர்கள் சினிமா ஒத்துப்போகும், இங்கு அந்த சினிமா இன்றைய தேதியில் சாத்தியமில்லாத ஒன்று! (ஹன்சிகா எல்லாம்...... நல்லவேளை அது இதுவரை நடக்கல, இல்லையின்னா நம்ம பசங்க நிலைமை என்னவாகியிருக்கும் : சேரனுக்கு 'ஆட்டோகிராப்', 'பாண்டவர் பூமி', 'பாரதி கண்ணம்மா', 'வெற்றிக்கொடிகட்டு' திரைப்படங்களை வரவேற்றபோது ரசனையாளர்களாக தெரிந்த மக்கள்; 'தவமாய் தவமிருந்து', 'மாயக்கண்ணாடி' திரைப்படங்களை ஏற்கவில்லை என்றதும் என்றதும் கோபம்!!! தங்கர் பச்சானுக்கு 'அழகி'யையும், 'சொல்ல மறந்த கதை'யையும் ஏற்றுக்கொண்டபோது ரசனையாளர்களாக தெரிந்த மக்கள்; 'தென்றலையும்', '9 ரூபா நோட்டையும்' ஏற்கவில்லை என்றதும் அப்படி ஒரு கோபம்!! தவறை உங்கள் பக்கம் வைத்துக்கொண்டு மக்களை குறைசொல்லாதீர்கள்! நல்ல சினிமா? எது நல்ல சினிமா? என்னை எடுத்துக்கொண்டாலே என் அப்பாவுக்கு 'எங்க வீட்டுப் பிள்ளை' நல்ல சினிமா, என் அம்மாவுக்கு 'படையப்பா' நல்ல சினிமா, மனைவிக்கு 'போக்கிரி' நல்ல சினிமா, தங்கச்சிக்கு 'கில்லி' நல்ல சினிமா, தம்பிக்கு 'சேது' நல்ல சினிமா, நண்பனுக்கு 'ஆட்டோகிராப்' நல்ல சினிமா. எனக்கு 5 வயதில் ரஜினிகாந்தின் 'மனிதன்' நல்ல சினிமா!, 10 வயதில் 'உழைப்பாளி' நல்ல சினிமா, 15 வயதில் 'பாட்ஷா' நல்ல சினிமா, 20 வயது வரும்போது 'நாயகன்', 'தளபதி' நல்ல சினிமா, 25 வயதில் 'பருத்திவீரன்', 'சுப்ரமணியபுரம்' நல்ல சினிமா, இப்போது "நல்ல சினிமா என்பதெல்லாம் ஒன்றும் இல்லை, மனதுக்கு பிடித்த சினிமாக்கள் எல்லாமே நல்ல சினிமாக்கள்தான்"!! நாளை இதுகூட மாறலாம்!ஒவ்வொருவருக்கும் அவரவர் பார்வையில் நல்ல சினிமா எனப்படுவது மாறிக்கொண்டே இருக்கும், இங்கு பொதுப்புத்தியில் நல்ல சினிமா என்பது எந்த வரையறைக்குள் உட்பட்டிருக்கும் என்று வரையறுக்க முடியாது! ரசனை என்பது திறந்த வெளி, அவரவர் அவரவர்க்கு விருப்பமானதை ரசிக்கின்றார், இதில் குறை சொல்லவும், ஏளனப்படுத்தவும், விமர்சிக்கவும், கருத்துச் சொல்லவும் ஒன்றுமில்லை!! பேரரசு படங்களை வெற்றியாக்கிய எம் மக்கள்தான் இன்றுவரை புதுமையை கொண்டுவந்த அத்தனை பேரையும் கொண்டாடியவர்கள்! எத்தனை புதுமைகளை கொடுத்தாலும் ஜனரஞ்சகத்தோடு கொடுத்தால் எந்த சினிமாவையும் மக்கள் வரவேற்பார்கள்! வேற்று மொழி சினிமாக்களை பார்த்துவிட்டு, அவற்றை மனதில் வைத்து கதை பண்ணிவிட்டு, மக்களை குற்றம் சொல்வது ஏற்புடையதல்ல! எம் மக்கள் பொழுதுபோக்கு சினிமாக்குத்தான் முன்னிரிமை கொடுப்பார்கள், காரணம் அவர்களது தேவை அதுதான், ஆனால் நல்ல சினிமாக்களையும் அவர்கள் எப்போதும் வரவேற்பார்கள், இது நடந்துள்ளது, இப்போது அதிகமாக நடக்கின்றது, இனிமேல் இன்னமும் அதிகமாக நடக்கும். நல்ல சினிமா எதுவென்பதை நீங்களே தீர்மானித்தால் எப்படி? நீங்கள் சினிமாவை மக்களிடம் கொண்டு செல்லுங்கள், அது நல்லதா, இல்லையா என்பதை அவர்கள் தீர்மானிப்பார்கள், மக்கள் தீர்ப்பு ஒருபோதும் தவறாக இருக்காது!!! இயக்குனர்களே; தரமான சினிமாவை ஜனரஞ்சகமாக கொடுத்துவிட்டு மக்கள் முன்னால் நில்லுங்கள், மக்கள் ஒருபோதும் உங்களைக் கைவிடமாட்டார்கள்!  

மேலும் படிக்கவும் மறுமொழி இல்லை பண் த பாலா 07-11-2013

கனடாவின் பொருளாதாரத்தை உயர்த்தும் பியர் விற்பனை.

கனடிய மாநாட்டுச்சபையானது பிர் குடிபானமானது கனடியப் பொருளாதாரத்தில் கணிசமான பங்கு வகிக்கின்றது எனவும் அனைத்து மதுபான விற்பனைகளில் 45 சதவீதத்தை பீர் வகிக்கின்றது எனத் தெரிவித்திருக்கின்றது.  பீர் விற்பனை மூலமாக 5.8 பில்லியன் டொலர்களை வரி வருமானமாக வருடாவருடம் கனடியப் பொருளாதாரத்திற்கு தருகின்றது. இதன் மூலமாக வரி வருமானம் மட்டுமல்ல. கனடாவில் 163, 200 வேலைவாய்ப்புகளையும் வழங்கிவருகின்றது. செவ்வாய்க்கிழமை வெளியிட்ட அறிக்கையின் பிரகாரம் கனடாவில் தயாரிக்கப்படுகின்ற பீரின் அளவில் 85 சதவீதத்திற்கும் அதிகமான தொகை பீர் கனடாவிலேயே மக்களார் நுகரப்பட்டுவிடுகின்றது எனவும் அந் அறிக்கை வெளியிட்டுள்ளது. கனடாவில் பீர் தயாரிக்கும் தொழிலானது கனடியப் பால் உற்பத்தி செய்யப்படுவதிலும் பார்க்க பெரிதளவில் காணப்படுகின்றது. வைன் உற்பத்தி செய்யப்படும் தொழிலும்பார்க்க இது 3.5 தடவைகள் பெரிய தொழிலாகக் கருதப்படுகின்றது. அண்மையில் நடைபெற்ற மாநாட்டில பீர் விற்பனையில் அண்மிய சில காலமாக வீழ்ச்சி ஏற்படுவதாகத் தெரியவருகிறது. இதற்கான காரணம் இளைய சமுதாயம் குறைவாகவே பீரை அருந்துகின்றார்கள் எனக் கூறப்படுகின்றது. கனடியர்கள் கிட்டத்தட்ட 23 மில்லியன் ஹெக்ரோ லீற்றர் அளவான பிரை வருடாவருடம் அருந்துகின்றார்கள் எனத் தெரிவிக்கப்பட்டுள்ளது. இதன்படி ஒரு சராசரி மனிதர் ஒரு வருடத்திற்கு 80 லீற்றர் பியரை அருந்துகின்றார்கள் எனத் தெரிவிக்கப்பட்டுள்ளது. ஏனைய மதுபானங்களிலும் பார்க்க பலராலும் விரும்பப்படுகின்ற மதுபானமாக பீர் காணப்படுகின்றது. அத்துடன் கனடாவில் ஏனைய மதுபானங்களிலும்பார்க்க பீர் மக்களால் அதிகமாக விரும்பப்படுகின்றது.

மேலும் படிக்கவும் மறுமொழி இல்லை சுதர்சன் 07-11-2013

தொலைக்காட்சி நிறுவனத்தோர் போல் டென்மார்க்கில் திருடர்.

டென்மார்க்கில் திருட்டு வேலையில் ஈடுபடுவோர் காலத்திற்குக்காலம் தத்தமது கைவரிசையை காட்டியபடி இருக்கிறார்கள். அந்தவகையில் தொலைக்காட்சிகளுக்கான அலைவரிசைகளை வழங்கும் யூ ஸீ என்ற நிறுவனத்தின் பெயரில் போலியான தபால்கள் அனுப்பப்பட்டுக்கொண்டிருக்கின்றன. யூ ஸீ வழங்கும் தொலைக்காட்சி அலை வரிசையில் பல குழப்பங்கள் நடந்துள்ளன, உங்கள் வீட்டிலும் அது நடந்திருக்கலாம் ஆகவே அதைப் பரிசோதிக்க வருகிறோம். இந்தப் பரிசோதனைக்காக சுமார் 15 நிமிடங்கள் வரை எடுத்துக்கொள்வோம் என்றும் வீட்டுக்குள் நுழைய அனுமதி கேட்டும் இந்தக் கடிதம் அனுப்பப்பட்டுள்ளது. இது மோசடிக்கடிதம் என்றும் அப்படியொரு கடிதத்தை தாம் அனுப்பவில்லையென்றும் தொலைக்காட்சி சேவைப்பிரிவு அறிவித்துள்ளது. இது தவறான கடிதம் என்று யூ ஸீ தெரிவித்துள்ளது. கடிதம் யாருக்காவது கிடைத்திருந்தால், அதையொட்டி யாராவது வீடு வந்தால் போலீசாருக்கு தகவல் கொடுப்பது கடமையாகும்.

மேலும் படிக்கவும் மறுமொழி இல்லை சுதர்சன் 07-11-2013

பாலு மகேந்திராவுடன் ஒரு நேர்காணல்.

பாலு மகேந்திராவுடன் ஒரு நேர்காணல் வீடு திரைப்படம் வெளிவந்து 25 ஆண்டுகள் ஆவதை முன்னிட்டு அதன் வெள்ளிவிழாவை போற்றும் வகையில் வீடு திரைப்படத்தின் இயக்குனர், பாலு மகேந்திராவுடன் ஒரு நேர்காணல். கு. ஜெயச்சந்திர ஹஸ்மி வீடு – ஒவ்வொரு நடுத்தரவர்க்க வாழ்க்கை வாழும் குடும்பத்திற்கும் ஒரு லட்சியம். நாம் போகும் பாதையில் கற்களாய் எழுப்ப்பட்டுக்கொண்டிருக்கும் ஒவ்வொரு வீட்டின் பின்னும் பல வலிகளும் கண்ணீரும் கலவையாகவே கலக்கப்படுகின்றன.  சினிமா – நாயகனின் அதிரடி அறிமுகம், ஹீரோயினின் கவர்ச்சியாட்டம், நகைச்சுவைக்குத் தனி ட்ராக், சண்டை, பாடல்கள் என பிம்பம் எழுப்ப்ப்ட்டிருக்கும் சினிமாவின் உண்மையான இயல்பும், வீச்சும் தாக்கமும் மிக பிரம்மாண்டமானது. நம் மனதில் கண்ணறியாமல் நுழைந்து பல நாட்கள், மாதங்கள், ஏன் வருடங்கள் கூட நம்மை அலைக்கழிக்க வைக்க ஒரு சிறந்த திரைப்படத்தால் முடியும். அது ஒரு அனுபவம். ஒரு மொழி. மொழி அறிந்தவர்கள் அக்கலையை கையாளும் போது நம்மால் அந்த மொழியின் தனித்தன்மையை உணர முடியும்.  மேலே உள்ள இரண்டும் நம் வாழ்க்கையில் மிக மிக முக்கியமான ஒரு அங்கமாகவே மாறிப்போய்விட்ட ஒன்று. நம் வாழ்க்கையில் இருந்து எடுக்கப்பட்டு பார்ப்பவனின் மனதை அசுத்தப்படுத்தாத, அம்மாவின் சாப்பாடுதான் நல்ல சினிமா என்று பாலுமகேந்திரா அடிக்கடி குறிப்பிடுவார். 25 வருடங்களுக்கு முன் அவர் படைத்த அம்மாவின் முழு சாப்பாட்டை இன்று வரை வயிறு நிறைய நம்மால் உண்ண முடியும். வீடு திரைப்படம். வணிக சினிமாவின் கோரவாய் உள்ளே இழுத்து அபகரிக்க முயன்றபோதும், அதனிடம் சிக்காமல் பலர் நடக்க மறுக்கும் பாதையில் நடக்கும் கலைஞர்கள் சினிமா என்பது ஒரு வியாபாரம் அல்ல, கலை என்பதை நிரூபித்துகொண்டிருக்கின்றனர். அப்படிப்பட்ட கலைஞர்களால் படைக்கப்பட்ட படைப்புகளுக்கு காலமும் வியாபாரமும் தடைகள் போட்டுவிட முடியாது. அப்படியான ஒரு படைப்பை பற்றி, அப்படியான ஒரு கலைஞனிடம் நடத்திய நீண்ட உரையாடலில் இருந்து.... வீடு படத்திற்கான உந்துதல் எது? நான் பலதடவை இது குறித்து சொல்லியிருக்கிறேன். எனது தாய் ஒரு வீடு கட்ட பட்ட வேதனைகளையும் அனுபவங்களையும் அருகிலிருந்து பார்த்திருக்கிறேன். அப்போது மனதில் பதிந்துவிட்ட விஷயங்கள்தான் வீடு படத்திற்கான உந்துதல்.  2.நீங்கள் செய்த படங்களிலேயே உங்களுக்கு மிகவும் மனதிருப்தி தந்த படம் வீடு என்று பல முறை கூறியிருக்கிறீர்கள். அதற்கு குறிப்பிட்டு ஏதேனும் காரணம் இருக்கிறதா? நான் செய்த படங்களிலேயே எந்தவித சமரசமும் செய்துகொள்ளாமல் எடுக்கப்பட்ட முதல் படம் வீடு தான். எந்தவிதமான சமரசமும் இல்லாமல். இப்படித்தான் சினிமா எடுக்க வேண்டும் என்று நான் எப்படி நினைத்திருந்தேனோ, அதே போன்று நான் எடுத்த சினிமா வீடு. முழுக்க முழுக்க நான் விரும்பிய சினிமாவை என்னால் எடுக்க முடிந்தது வீடு படத்தின் மூலம் தான். அதனால்தான் எந்த சமரசமும் இல்லாமல் செய்த அந்த படம் இன்று வரை எனக்கு மிகுந்த மனதிருப்தியை அளிக்கிறது.  3.முழுக்க முழுக்க மசாலா சினிமாக்கள் கோலோச்சிக்கொண்டிருந்த காலகட்டத்தில் வீடு போன்ற ஒரு ரியலிச சினிமாவை எடுத்த அனுபவம் எப்படி இருந்தது? நான் முன்பே சொன்னேன் இல்லையா? நான் இந்த படம் எடுக்கும்போது, இந்த படம் ஓடுமா ஓடாதா, பணம் வருமா வராதா, வியாபாரம் ஆகுமா ஆகாதா என்றெல்லாம் நான் யோசிக்கவில்லை. சினிமா என்றால் இப்படித்தான் இருக்க வேண்டும், தமிழ் சினிமாவில் இப்படிப்பட்ட படங்கள் வர வேண்டும் என்று நான் ஆசைப்பட்டு எடுத்த படம் வீடு. அதனால் தான் எந்த சமரசங்களும் பண்ணவில்லை. முக்கியமாக வணிக சமரசங்கள் செய்யவேயில்லை. அதனால், அந்த காலத்தில் எந்த படம் எப்படி வந்தால் எனக்கென்ன? I am not bothered.  4. பொதுவாக, ஒரு கதாப்பாத்திரத்தின் முன்கதையை சொல்லிவிட்டு, களத்தை விளக்கிவிட்டு பின்தான் கதைக்குள்ளேயே செல்வார்கள். ஆனால் வீடு படத்தில் முதல் காட்சியில் இருந்தே கதை ஆரம்பித்து விடுகிறதே... ஐயா, மற்றவர்கள் படம் எப்படி எடுப்பார்கள், எடுக்கிறார்கள் என்பதை பார்த்து நான் சினிமா எடுக்க மாட்டேன். இது என் படம், நான் இங்கேதான் ஆரம்பிப்பேன். இங்கேதான் முடிப்பேன்.  5. இந்த படத்தின் திரைக்கதையை எழுதும்போது உங்களுக்கு ஏற்பட்ட சவால்கள் என்னென்ன? ஒரு சவாலும் இல்லை. சந்தோஷமா எழுதினேன். ரொம்ப சந்தோஷமா எழுதினேன். இந்த படத்துக்காக ஒரு வீடு கட்ட வேண்டியிருந்தது. அதற்கான பணமும் இடமும் அப்போது இருந்தது. கட்டினேன். அது கூட சவாலாக இல்லை. மகிழ்ச்சியாகவே அனைத்தையும் செய்தேன்.  6. வீடு படத்தின் களம் மிகச்சிறியது. ஒரு வீடு, ஒரு அலுவலகம் இவற்றை சுற்றித்தான் திரைக்கதை சுழலும். அத்தகைய சிறிய களத்தில் ஒரு முழுநீள படத்தை எடுத்துச்செல்வதில் ஏதாவது சிரமங்கள் உள்ளதா? சிரமம் ஏதும் இருப்பதாக எனக்குத் தெரியவில்லை. ஒரு படத்தின் கதைதானே அதன் களத்தையும் கதையின் பயணத்தையும் முடிவு செய்கிறது. ஜீலி கணபதி படத்தை எடுத்துக்கொண்டால் ஒரு பெட்ரூமை சுற்றித்தான் மொத்த படமும் நகரும். அதுபோல், இந்த படம் வீடு, அலுவலகம் என்ற சிறிய களத்தில் தான் அமைக்கப்பட்டுள்ளது. அதற்குள்தான் இது நகர வேண்டும்.  7. வீடு படத்தில் ஒரு அழகான காதலும் சொல்லப்பட்டிருக்கிறது. அப்படத்தில் கையாளப்பட்டுள்ள காதலைப் பற்றி சொல்லுங்கள். வீடு படத்தில் சொல்லப்பட்ட காதல் மாதிரி என்னுடைய எந்த படத்திலும் காதல் அழுத்தமாக சொல்லப்படவில்லை. அல்லது, வேறு எந்த சோ கால்ட் வணிக சினிமாவில் காதல் இவ்வளவு அழுத்தமாக சொல்லப்பட்டதாக எனக்குத் தெரியவில்லை. இங்க காதலர்கள் வாயில் இருந்து காதல் என்ற வார்த்தையே இல்லை. மரத்தை சுற்றி பாட்டு பாடவில்லை. அவர்களின் செய்கைகளின் மூலம் அவர்கள் செயல்பாடுகளின் மூலம் அவர்கள் இருவரும் ஆழமாக காதலிக்கிறார்கள் என்று நமக்கு புரியும். அப்படித்தான் சொல்லவேண்டும் என்று நினைத்தேன். சொன்னேன். 8. இந்த படத்திற்கென ஒரு வீடு கட்டினீர்கள். வீடும் ஒரு கதாப்பாத்திரமாக படத்தோடு பயணமாகும். வீடு கட்டி இந்த படத்தையும் முடிக்க எத்தனை நாட்களானது? இப்போது எனக்கு அது சுத்தமாக நினைவில் இல்லை. சரியாக சொல்லமுடியவில்லை. ஆனால் படத்திற்கென ஒரு வீட்டை கட்டியதால் அதற்கேற்ப படிப்பிடிப்பை நடத்த வேண்டி இருந்தது. மழை வந்து வீட்டு வேலைகள் பாதிக்கப்பட்டால் படப்பிடிப்பும் தள்ளிப்போகும். அது கொஞ்சம் சிரமமாக இருந்தது.  9. ஒரு திரைக்கதை உங்களுக்கு எந்நவிதமான பாதிப்பை ஏற்படுத்தினால் இதை படமாக்கலாம் என்று அடுத்த கட்டத்தற்கு செல்வீர்கள்? வீடு படத்தின் தாக்கம் என்றால், நான் 7 அல்லது 8 வயதிருக்கும் போதே எனக்கு ஏற்பட்ட தாக்கம் அது. அது என்னுள் விதையாக இருந்து வளர்ந்து வெளியில் வந்ததுதான் வீடு. எனவே குறிப்பாக இதன் திரைக்கதையின் தாக்கத்தை பற்றி என்னால் சொல்லமுடியவில்லை.  10. முழுக்க முழுக்க உங்கள் திருப்திக்காக எடுக்கப்பட்ட படமா வீடு? என்னோட திருப்திக்கு என்பதை விட, தமிழுக்கு இப்படியொரு படம் கண்டிப்பாக வேண்டும். I have my own way. எனக்கு சுதந்திரம் இருந்தால் இப்படியான திரைப்படங்களைத்தான் நான் எடுக்க விரும்புவேன். இப்படியான படங்களை எடுக்க வேண்டும் என்பதுதான் என்னுடைய ஆசை. ஆனால் சினிமாவைத் தாண்டி எனக்கும் குடும்பம் இருக்கிறது. சினிமா என்பது என் கலாரீதியான வழிபாடு மட்டுமல்ல. என் தொழிலும் கூட. தொழில் என்கையில் அதில் வரும் வருவாயை வைத்துதான் நான் சாப்பிட வேண்டும். அதனால மத்த படங்கள சமரசங்களோடு பண்ண வேண்டிய வேலைக்கு நான் தள்ளப்படுறேன். 11. வசனங்கள் மிகக்குறைவாக கையாளப்பட்ட படம் வீடு. ஒரு படத்தில் வசனம் வகிக்கும் இடம் என்ன? வீடு படத்தை பொறுத்தவரையில்... எந்தப்படத்தை பொறுத்தவரையிலும், சினிமா என்கிற அந்த ஊடகத்துக்கு, காட்சிப்பூர்வமாக ஒரு விஷயத்தை கூற முடியவில்லை என்ற நிலை வரும்போதுதான் வசனத்தோட உதவியை நாட வேண்டும். எல்லா படங்களுக்கும் இது பொருந்தும்.  12. திரைக்கதையில் இடம்பெற்று படமெடுக்க முடியாமல் போன, எடிட்டிங்கில் தூக்கப்பட்ட முக்கியமான காட்சிகள் ஏதாவது இருக்கின்றதா? சரியாக ஞாபகமில்லை. 25 வருசத்துக்கு முன்னாடி நடந்த விஷயம். ஞாபகமில்லை. எடுக்கமுடியாமல் போன, திரையில் வராமல் போன காட்சிகள் என்று எதுவும் இல்லை என்று நினைக்கிறேன்.  13. இந்த படத்துல இடைவேளை எங்கே வருகிறது? இடைவேளை இல்லை இந்த படத்துக்கு. இடைவேளையே இல்லை. 14. தமிழ் சினிமாவை பொறுத்தவரை இடைவேளை என்ற ஒரு அமைப்பு எப்படி உருவாகியிருக்கும்? இடைவேளை என்பது வியாபாரியின் கண்டுபிடிப்பு. தியேட்டர்ல போண்டா, சமோசா, டீ விக்கனும். அதுக்கு தியேட்டர்க்கு உள்ளேயே ஒரு இடம். அதுக்கு தியேட்டர் ஓனர்க்கு வாடகை வேணுமில்லையா. அதுக்காக உருவாக்கப்பட்டதுதான் இடைவேளை. இது முழுக்க முழுக்க வியாபாரிகளின் கண்டுபிடிப்பு.  15. இப்போது பார்க்கும் போதும், உங்களை மிகவும் உணர்ச்சிவசப்பட வைக்கும், இந்த படத்தில் உங்களுக்கே மிகவும் பிடித்த காட்சி எது? தங்கைக்கு தெரியாமல் அக்கா அவளுக்கு பட்டு பாவாடை வாங்கி வைத்திருக்கிறாள். அதை தங்கச்சி பார்த்ததும் ஆச்சர்யத்தில் சரியாக இருக்கிறதா என்று பார்க்கிறாள். அவளுக்கு தெரியாமல் பின்னால் நிற்கும் அக்கா, பிடித்திருக்கா என்று கேட்கிறாள். தங்கை திரும்புகிறாள். அப்போது அவள் கண் நனைந்திருக்கிறது. பிறகு அக்கா தங்கையை கட்டிக்கொள்கிறாள். ஒவ்வொரு முறை பார்க்கும்போதும், என்னை உணர்ச்சிவசப்பட வைக்கும் எனக்கு மிகவும் பிடித்த காட்சி இது.  16. சினிமா என்பது willing suspension of disbelief என்பார்கள். இது நடக்காது என்று தெரிந்தும் இது சினிமாதானே என்று மக்கள் ஏற்றுக்கொள்ளும் மனநிலை அது. இப்படி சினிமாவை வாழ்க்கையில் இருந்து வேறாக பார்க்கும் மக்களிடத்தில் அவர்களின் வாழ்க்கையை அப்படியே கொண்டுசென்று சேர்த்த படம் வீடு. இந்த வேறுபாட்டை எப்படி பார்க்கிறீர்கள்? எந்த மாதிரியான சினிமா என்பதை பொறுத்தும், எந்த வகையான மக்கள் அதைப் பார்க்கிறார்கள் என்பதை பொறுத்தும் இது வரையறுக்கப்படும். பைசைக்கிள் தீவ்ஸ், சில்ட்ரன் ஆஃப் ஹெவன், பதேர் பாஞ்சாலி போன்ற படங்களை பார்க்கும்போது இந்த சந்தேகம் வந்ததா? இல்லையே...எனவே எந்த மாதிரியான படங்களை நாம் பார்க்கிறோம் என்பதைப் பொறுத்து இது மாறுபடும். 17. ஒவ்வொரு படமுமே பார்வையாளனிடம் ஒரு உணர்வை விதைக்க வேண்டும் என்று ஒரு படைப்பாளி விரும்புவதுண்டு. இந்த படம் பார்க்கும் ரசிகனிடம் எந்தமாதிரியான உணர்வை விதைத்க வேண்டும் என்று விரும்பினீர்கள்? அப்போது எந்தமாதிரியான எண்ணம் இருந்தது என்று இப்போது என்னால் ஞாபகப்படுத்த முடியவில்லை. ஆனால் வீடு படம் இரண்டு தளங்களில் பயணிக்கிறது. ஒன்று அந்த கல் வீடு எப்படி படிப்படியாக முழுமையடைகிறது. இரண்டு அந்த வீடு கட்டுபவர்களின் மனநிலை வீடு கட்டுகையில் எப்படி படிப்படியாக மாறுகிறது. வீடு கட்ட ஆரம்பிக்கும் போது இருந்த அதே மனநிலையில்தான் வீடு கட்டி முடிக்கும்போது இருக்கிறார்களா, அவர்களின் சுயம் மாறுகிறதா என்ற இரண்டு தளங்களில் இயங்குகிறது வீடு.  ஒன்று, பிசிக்கலா இந்த வீடு கட்டப்படுவது. இரண்டு அந்த வீடு கட்டுபவர்களின் மென்ட்டல் நிலையை எப்படி பாதிக்கிறது.  18. இந்த படத்தின் மையக் கதாப்பாத்திரம் ஒரு பெண். வீடு கட்டும் அனைத்து கஷ்டங்களையும் தாங்கி முன்னேறுவது ஒரு பெண். இதில் மையமாக ஒரு பெண்ணை படைத்தது கதையின் போக்கிற்கு எவ்வாறு உதவுகிறது? இது என் அம்மாவுடைய அனுபவம். அந்த நினைவுகளின் வெளிப்பாடுதான் வீடு என்று சொன்னேன். ஆனால் இப்ப திரும்பிப் பாக்குறப்ப அது பெண்ணாகத்தான் இருக்க வேண்டும் என்று எனக்கு படுகிறது. ஏனெனில் இவள் பெண்ணாக இல்லாத பட்சத்திலே, ஆணாதிக்கத்தையும் ஆண் வக்கிரத்தையும் நான் அங்கே காண்பிக்க முடியாது. கான்ட்ராக்டர் பெண்ணை அவமதித்து கேட்பது போன்ற விஷயங்கள் இடம்பெற்றிருக்க முடியாது. அடுத்து, வீடு என்பது அழுத்தமான பெண்ணியம் சார்ந்த விஷயம். வீடு படத்தில் மட்டுமல்ல. என் எல்லா படத்திலும் இது இருக்கும்.  19. இந்த படத்தின் திரைக்கதை அமைப்பை பற்றி சொல்லுங்கள். பரபர திருப்பங்கள் போன்று எதுவும் இல்லாமல் வெறும் உணர்வை மட்டுமே வைத்த நகர்கிறது திரைக்கதை. உணர்வுகளினூடே பயணிக்கும் இந்த திரைக்கதை அமைப்பை பற்றி... அது என்னுடைய சொந்த அனுபவமாக இருக்கும். நான் இந்த பர பர டிவிஸ்டுகளுக்கு ஆளாகிறவன் இல்லை. என் வாழ்க்கையில் அந்த மாதிரியான சமாசாரங்கள் இல்லை. இரண்டாவது, எனக்கு அதுபோன்ற விஷயங்களில் நம்பிக்கையும் இல்லை. அதிரடி டிவிஸ்ட்டுகள் போன்ற விஷயங்கள் செய்ய வேண்டும் என்ற அவசியமே எனக்கு கிடையாது. நீ ஒரு கதை சொல்ற. அந்த கதைக்கு தேவையான ஒரு போக்குல போ. அந்த கதை சொல்லிட்டு இருக்கும்போது, இத வியாபாரி வாங்கனுமே, அங்க ரெண்டு நாள் ஓடனுமே என்றெல்லாம் யோசிக்காதே. அந்த கதையோட போக்குலயே அந்த கதையை சொல்லிவிடு. 20. இந்த படத்தோட மிகப்பெரிய பலம் இசை. இதில் வசனக்காட்சிகளில் இசை இல்லாமலும், குறைவாகவும், மௌனக் காட்சிகளில், மாண்டேஸ்களில் இசை அதிகமாகவும் பயன்படுத்தப் பட்டிருக்கிறது. இதற்கான காரணம் என்ன? என்னைக் கேட்டால் ஒரு படத்திற்கு இசை என்பதே திணிப்புதான். வேண்டியது இல்லை. சில சமயங்களில் இசை என்பது படத்தில் சொல்லப்பட்டிருக்கும் உணர்வுகளை அடிக்கோடிட்டு காட்டும். ஆனால் நிச்சயமாக இசை இடம்பெற வேண்டும் என்ற அவசியம் இல்லை. இசை இல்லாமல் எடுக்கப்பட்ட பல படங்களை நான் பார்த்திருக்கிறேன். இசை இல்லையென்றாலும் வாழ்க்கையில் இதர சத்தங்கள் அதில் இருக்கும்.  21. ஒரு காட்சிக்கு இசை எங்கே வர வேண்டும் என்பதை எப்படி தீர்மானம் செய்வீர்கள்? அப்படி தீர்மானம் செய்வதில் இசையமைப்பாளரின் பங்கு என்ன?  மூன்றாம் பிறை என்று என்னுடைய வலைப்பூ ஒன்று இருக்கிறது. நீங்கள் தயவுசெய்து அதை படித்துப்பாருங்கள். அதில் இளையராஜாவை பற்றி இரண்டு பதிவுகளை எழுதியிருக்கிறேன். நீங்கள் கேட்ட இந்த கேள்விக்கான பதில் அதில் முழுமையாக இருக்கும்.  22. How to Name it என்ற ஆல்பத்தில் பயன்படுத்தப்பட்ட இசைக்கோர்வையை இந்த படத்திற்கு பயன்படுத்தியிருக்கிறீர்கள். அதைப்பற்றி... இளையராஜா அப்போது ரொம்ப பிசியாக இருந்த காலம். அதே நேரம், இது 12 லட்சம் செலவில் பண்ணப்பட்ட படம், அந்த வீடு கட்டப்பட்டதையும் சேர்த்து. அப்போது இளையராஜாவிற்கு கொடுக்கப்பட்ட சம்பளமும் அதிகம். அவ்வளவு பணம் என்னிடம் இல்லை. இளையராஜாவிடம் கேட்டிருந்தால் இலவசமாகக் கூட செய்து கொடுத்திருப்பார். ஆனால் என் நட்பை அப்படி தவறாக பயன்படுத்துவதை நான் விரும்பவில்லை. அதனால் நான் ராஜாவிடம் நான் உன்னுடைய இசையைத்தான் பயன்படுத்துவேன் என்று சொல்லி அந்த ஆல்பத்திலிருந்த இசையை பயன்படுத்தினேன். அதற்காக அவருக்கு ஒரு தொகையும் கொடுத்தேன். அதில் எனக்கொரு திருப்தி. அந்த இசைக்கோர்வை படத்துக்கு மிகப் பொருத்தமாகவும் இருந்தது. அந்த ஆல்பத்தின் பெயர் How to Name it. நான் படம் முடித்தவுடன் ராஜாவிடம் சொன்னேன். It has a name now. Its veedu film music. 23. ஏற்கனவே அமைக்கப்பட்ட ஒரு இசை. அதை மனதில் வைத்துதான் காட்சிகளை அமைத்தீர்களா?  இல்லை நிச்சயமாக இல்லை. நிச்சயமாக இல்லை. இந்த படம் முடிக்கும் வரை எனக்கு அப்படியொரு ஆல்பம் வெளிவந்திருப்பேதே தெரியாது. படம் முடித்து இசை சேர்க்க வேண்டும் என்று எண்ணும்போதுதான் அதைப் பற்றிக் கேள்விப்பட்டு, அதைக் கேட்டுப்பார்த்து பிடித்தவுடன், இளையராஜாவிடம் அதை பயன்படுத்தப் போகிறேன் என்று சொன்னேன்.  24. காட்சியமைப்பு, இசை, மௌனம் எல்லாம் சேர்ந்து ஒரு படம் ஒரு பார்வையாளனுக்கு ஒரு முழு திரையனுபவம் கொடுக்கப்படுகிறது. ஒரு படத்தின் திரை அனுபவம் என்பது எந்த கட்டத்தில் தீர்மானிக்கப்படுகிறது. திரைக்கதை எழுதப்படும் போதா, படப்பிடிப்பின் போதா, போஸ்ட் ப்ரொடக்சன் போதா ? திரைக்கதை எழுதும்போதுதான் அதன் முழு வடிவமும் தீர்மானிக்கப்படுகின்றது. ஸ்கிரிப்ட் எழுதப்படும்போதே அதன் திரை அனுபவம் தீர்மானிக்கப்படுகிறது. என்னைக் கேட்டால் ஒரு படத்தின் ஸ்கிரிப்ட்தான் அதன் ப்ளூ பிரிண்ட். ஒரு கட்டடக் கலைஞன் ஒரு கட்டடத்தின் வரைபடத்தை வரையும் போதே அவனளவில் அந்த கட்டடம் கட்டப்பட்டு விடுகின்றது. திரைக்கதையில் தான் எல்லாமே தீர்மானிக்கப்பட்டு விடுகிறது. ஷீட்டிங் நேரத்தில் அது செயல்படுத்தப்படுகின்றது. எடிட்டிங் நேரத்தில் அது இன்னொரு கட்டத்திற்கு செல்கிறது. ஆனால் திரைக்கதைதான் அடிப்படை.  25. இப்படத்திற்கும் நீங்கள்தான் ஒளிப்பதிவு. திரைக்கதை எழுதும்போதே காட்சிபூர்வமாக எழுத உங்களுக்கு இது நிச்சயம் உதவியிருக்கும். படமெடுக்கும்போது நீங்களே ஒளிப்பதிவு என்பது எந்தளவிற்கு உங்களுக்கு உதவியது ? நானே ஒளிப்பதிவாளன், நானே இயக்குனன் என்பதில் எனக்கு இருக்கும் பெரிய உதவி என்பது, கம்யூனிக்கேஷன். ஒரு இயக்குநர் என்ன நினைக்கிறார் என்பதை ஒளிப்பதிவாளரிடம் முழுமையாக புரிய வைக்க வேண்டும். சில நேரங்களில் இயக்குனர் சொல்வது ஒளிப்பதிவாளருக்கு முழுமையாக சென்றடையாமல் இருக்கலாம். இருதரப்பிலும் உள்ள கம்யூனிக்கேஷன் பிரச்சினையினால் இது வரலாம். அப்போது ஒரு காட்சி முழுமையாக இயக்குநர் நினைத்தவாறு வராமல் போகலாம். அந்த பிரச்சினை இல்லையே எனக்கு. நான் நினைப்பதை நானே தான் செய்யப் போகிறேன். இந்த கம்யூனிக்கேஷன் கேப் எனக்கு இருக்காது. அதனால்தான் என் எல்லா படத்துக்கும் நானே ஒளிப்பதிவு செய்கிறேன்.  26. அதில் ஏதாவது சவால் இருக்கிறது என்று நினைக்கிறீர்களா? கஷ்டமான வேலை. ரொம்ப ரொம்ப கஷ்டமான வேலை. மனதாலும் உடலாலும் கஷ்டப்படவேண்டியிருக்கும். களைச்சுப் போயிடுவேன் சில நேரங்களில். ஆனால் அதுதான் எனக்கு பிடித்திருக்கிறது. என் மகன் நல்ல ஒளிப்பதிவாளர்தான். ஆனால் அவனையும் நான் என் படத்திற்கு ஒளிப்பதிவு செய்ய அனுமதித்ததில்லை. ஏனென்றால் எனக்கு ஒளிப்பதிவு வேறு, இயக்கம் வேறு அல்ல. நான் கேமிரா மூலமாகத்தான் கதை சொல்கிறேன். அதனால் என்னால் பிரிச்சுப் பார்க்க முடியாது. இன்னொருவரை எடுக்கச் சொல்லிவிட்டு பக்கத்தில் இருந்து பார்க்கவும் முடியாது.  27. நீங்கள்தான் உங்கள் படங்களுக்கு படத்தொகுப்பும் செய்கிறீர்கள். மிகவும் விரும்பி எழுதிய, விரும்பி படமாக்கப்பட்ட ஒரு காட்சியை எடிட்டிங் டேபிளில் நீக்கும் நிலை வரும்போது, அதன் மேல் உங்களுக்கு ஒரு சாஃப்ட் கார்னர் நிச்சயம் இருக்கும் தானே ? என்னுடைய கதைக்கு தேவையில்லாத ஒரு ப்ரேம் அங்கே இருக்காது. என்னுடைய உதவியாளர்கள் சொல்வார்கள். சார், அற்புதமான காட்சி, ஷாட் என்பார்கள். அப்படியென்றால் அதை வீட்டுக்கு கொண்டுபோய் வைத்துக்கொள்ளலாம் என்பேன். இது கதைக்கு தேவையில்லை, இது வேண்டாம் என்பேன். ஐயாம் ரூத்லெஸ். போட்டாகிராஃபி பண்ணும்போது கூட அப்படித்தான். நான் ஒளிப்பதிவு செய்யும்போதும் இயக்குநராகத்தான் சிந்தித்து அந்த காட்சியை எடுக்கிறேன். நான் எவ்வளவு விரும்பி எழுதிய காட்சியாக இருந்தாலும், சிலாகிச்சு எடுத்த காட்சியாக இருந்தாலும், எடிட்டிங் டேபிளுக்கு வரும்போது அது படத்திற்கு தேவையில்லை என்றால் தேவையில்லை தான். எந்த சமரசங்களும் இருக்காது.  28. ப்லிம்மேக்கிங்கின் முக்கியமான மூன்று துறைகளையும் நீங்களே கையாளுகிறீர்கள். இதனால் நீங்கள் எழுதும் படத்தை அப்படியே திரைக்கு கொண்டுவர முடிகிறது என்று நம்புகிறீர்களா ? மூன்றையுமே நான் செய்வதால் தான் நான் நினைத்த படத்தை திரைக்கு கொண்டுவர முடிகிறது என்று நான் நம்புகிறேன். கதை, இயக்கம், ஒளிப்பதிவு, படத்தொகுப்பு என்று ஒவ்வொன்றிற்கும் ஒருவர் என்று செயல்பட்டால், இந்த டோட்டல் கமாண்ட், முழு குவிப்பு இருக்குமா என்பது எனக்கு சந்தேகம் தான். அப்போது மற்ற இயக்குநர்களுக்கு அந்த கமாண்ட் இல்லையா என்றால் அது எனக்குத் தெரியாது. எனக்கு இப்படித்தான் இயங்கத் தெரியும். இப்படி இயங்குவதன் மூலமாகத்தான் ஒவ்வொரு ப்ரேமிலும் என் ஆளுமை இருக்கிறது என்று நான் நினைக்கிறேன்.  29. இப்படியொரு ரியலிஸ்ட்டிக்கான படத்தை எடுத்தபின், அதை வெளியிடும்போது அத்தகைய சூழலில் ஏதாவது தடைகள் இருந்ததா? ஒரு தடையும் இல்லை. இன்னும் சொல்லப்போனால் இந்த படத்தின் மொத்த பட்ஜெட் 12 லட்சம். அந்த வீடு கட்டும் செலவையும் சேர்த்து. படம் மொத்தமாக வசூலித்த தொகை 72 லட்சம். இதற்குக் காரணம் சொந்த வீடு என்பது அனைவருடைய கனவாகவும் இருப்பதாக இருக்கலாம் என்று நினைக்கிறேன். இல்லையென்றால் பாட்டில்லாத ஒரு படம் அந்த காலத்தில் எடுபட்டது என்றால், அதற்கு காரணம் அதில் சொல்லப்பட்டிருக்கும் விஷயம் எல்லாருக்கும் பொதுவான விஷயமாக இருப்பதால் தான். நமக்கு ஒரு சொந்த வீடு வேண்டும் என்பது நம் எல்லாருடைய விருப்பமும்தானே.  30. அப்படியென்றால் வீடு வணிக ரீதியாகவும் வெற்றி பெற்ற படம்தான் இல்லையா? இந்த வெற்றி தோல்வி என்ற பதமே எனக்கு கோபமூட்டுகிறது. நாம் என்ன போரா செய்கிறோம். வெற்றி தோல்வி என்று சொல்வதற்கு. வெற்றிப்படம் என்பதற்கு நீங்கள் வணிக ரீதியான வெற்றியை மட்டும்தான் அளவுகோலாக வைத்திருக்கிறீர்கள். அதன் வியாபார வெற்றியை மட்டும்தான் சொல்கிறீர்கள். அது அபத்தமான விஷயம் இல்லையா? பணம் சம்பாதிக்கிற படம் வெற்றிப்படம் என்பது தவறான கருத்து இல்லையா? நாம் என்ன பாலியல் தொழிலா செய்கிறோம் ? 31. வணிக ரீதியாகவும் செலவு செய்த பணத்தை விட அதிக பணத்தை எடுத்த படம் வீடு, அதன்பிறகு அது போன்ற படங்களை நீங்களே கூட எடுக்காதது ஏன்? அது போன்ற படங்கள் பண்றதுக்கான அடிப்படை செலவுகள் செய்ய பணம் என்னிடம் இல்லை. அதற்காக நான் இன்னொருவரிடம் செல்ல வேண்டியிருக்கிறது. அவர் வேறு மாதிரியான படங்களை எடுக்க சொல்கிறார். அதில் எனக்கு உடன்பாடில்லை. சரி. நல்ல படம் என்றும் சொல்லப்பட வேண்டும், எனக்கும் திருப்தி தர வேண்டும், வியாபார ரீதியாகவும் பணம் போட்டவனுக்கு பணமும் வரவேண்டும் என்ற ஒரு கயிற்றில் நடக்கும் நிலையில்தான் நான் இருந்தேன். என் எல்லா படங்களும் அதை பூர்த்தி செய்தன. Commercially Successful, Aesthetically pleasing, satisfying and Meaningful.  32. இந்த படத்தில் எனக்கு உறுத்தலாக பட்ட ஒரு விஷயம். நடிகர்களின் பங்களிப்பு மிகச் சிறப்பாக இருந்தது. ஆனால் படத்தில் வரும் பேக்ரவுண்ட் ஆர்ட்டிஸ்ட்களின் நடிப்பு மிகவும் செயற்கையாக இருந்ததாக பட்டது. அது பற்றி என்ன நினைக்கிறீர்கள்? அது உங்களுடைய தனிப்பட்ட அபிப்பிராயம். எனக்கு அதுபோன்று எந்த இடத்திலும் படவில்லை.  33. திரைமொழி என்றால் என்ன? அது ஒவ்வொரு படத்திற்கும் மாறும் என்று நினைக்கிறீர்களா? தமிழ் ஒவ்வொரு வடிவத்திலும் மாறுகிறதா? இல்லையே. அதுபோல்தான் திரைமொழியும். தமிழ் சிறுகதை, நாவல், என்று ஒவ்வொரு வடிவத்திலும் மாறவில்லை இல்லையா? அதுபோல்தான திரைமொழியும். அது தெரிந்தால் சரியாக கையாளலாம். இல்லையென்றால் முடியாது. 34. படம் முழுக்க ஒரு காட்சிரீதியான ஒரு படமாக சென்றுகொண்டிருக்கிறது. வசனங்கள் குறைச்சலாக, காட்சிரீதியான ஒரு படமாக சென்று கொண்டிருக்கும் படத்தின் இறுதிக்காட்சியில், நாயகனும் நாயகியும் ஃப்ரீஸ் செய்யப்பட்டு ஒரு வாய்ஸ் ஓவரில் படம் முடிவதுபோல் அமைத்தது ஏன்? காட்சிரீதியாகவே படத்திற்கு ஒரு முடிவு கொடுத்திருக்கலாமே? ஏனென்றால் எனக்கு அந்த முடிவு தெரியாது. அதற்கு பிறகு அந்தக் கதையில் என்ன நடந்திருக்கும் என்று எனக்குத் தெரியாது. எனக்குத் தெரியாத ஒரு விஷயத்தை எப்படி நான் உங்களுக்கு சொல்லுவேன். அதனால்தான் இப்படியொரு பிரச்சினை நடக்கிறது, வழக்கு நடக்கிறது, இவள் காத்திருக்கிறாள் என்று முடித்தேன். அது ஒரு ஓப்பன் என்ட். விபச்சாரத்தை பற்றியோ, லஞ்சத்தை பற்றியோ நான் ஒரு படம் எடுத்தால் அதற்கான தீர்வு எனக்குத் தெரியாது. பிறகு எப்படி நான் ஒரு முடிவைச் சொல்ல முடியும்.  35. வீடு படம் 25 வருடத்திற்கு முன் எடுத்த படம். அதில் சொல்லப்பட்டிருந்த சமூக நிலைமை இப்போது எந்தளவிற்கு மாறியிருக்கிறது. வீடு படம் இன்றைக்கும் பொருந்திப்போவதற்குக் காரணம், அதன் உட்கருத்தா, இல்லை மாறாத சமூக நிலைமையா? மாறாத சமூக அமைப்பு என்றுதான் நான் சொல்லுவேன். வீடு படத்தில் சொல்லப்பட்ட சமூக நிலைமை இன்னும் மாறாமல் அப்படியேதான் இருக்கிறது. அதனால்தான் வீடு படத்தை இப்போது பார்ப்பவர்கள் கூட, இது ஏதோ போன வாரம் எடுத்த படம் போல் இருக்கிறது என்று சொல்கிறார்கள்.  36. இந்த படத்தை இன்று பார்க்கும்போது, ஒரு இயக்குநராக உங்கள் மனதில என்னென்ன எண்ண ஓட்டங்கள் ஓடுகிறது? 25 வருடங்களுக்கு முன், நான் இளமையாக இருந்தபோது இப்படியொரு படம் சாத்தியப்பட்டதே என்று சந்தோஷமாக இருக்கிறது. நிறைவாக இருக்கிறது. இப்படியொரு படத்தை தமிழில் என்னால் கொடுக்க முடிந்திருக்கிறது என்று கர்வமாக இருக்கிறது. இப்படியொரு படத்தை தமிழுக்கு கொடுத்ததற்காக நான் மிகவும் பெருமைப்படுகிறேன். தமிழுக்கு, தமிழ் சினிமாவிற்கு நான் என்ன செய்தேன் என்ற கேள்வி ஒவ்வொரு இயக்குநருக்கும் தயாரிப்பாளருக்கும் வர வேண்டும். அந்த கேள்வியை என்னை நான் கேட்டுக்கொண்டதற்கான பதில்தான் வீடு. பணம் சம்பாதிப்பது மட்டும் இங்கே வேலையில்லை. அதுவும் தேவைதான். அதனூடே தமிழ் சினிமாவிற்கும் ஏதாவது செய்ய வேண்டும். ஏதோ ஒரு இடத்தில் தமிழ் சினிமாவிற்கு நான் இப்படியொரு படத்தை கொடுத்தாக வேண்டும் என்ற என் அழுத்தமான ஆசைதான், விருப்பம்தான், இந்தப்படம். தமிழ் சினிமாவிற்கு என்னுடைய பங்களிப்புதான் வீடு, சந்தியா ராகம், கதைநேரத்தில் வந்த படங்கள். 37. சொக்கலிங்க பாகவதர். படத்தின் முக்கியமான ஒரு தூண். அவர் இந்த படத்திற்குள் எப்படி வந்தார்? வீடு படத்திற்கு சொக்கலிங்க பாகவதர் இடையில்தான் வந்தார். முதலில் அவர் இல்லை. ஸ்கிரிப்ட் முடிஞ்சதும், ஷீட்டிங் நெருங்க நெருங்க, ஒரு வயதானவரை வைத்து நான் படப்பிடிப்பை ஆரம்பித்து விட்டேன். ஒரு 4, 5 நாட்கள் சென்றவுடன் எனக்குத் தெரிந்தது, இது அல்ல நான் நினைத்த கதாப்பாத்திரம் என்பது. 12 லட்சம் செலவில் எடுக்கப்பட்ட அந்த படத்தில் அந்த 4 நாட்கள் எடுத்த அனைத்து காட்சிகளையும் தூக்கிப்போட்டு வேறு ஒருவரைத் தேடினேன். பிறகுதான் சொக்கலிங்க பாகவதரை பிடித்தேன். அது மிகவும் பொருத்தமாக இருந்தது.  38. அர்ச்சனா ? அர்ச்சனாவைத் தவிர வேறு யாரையும் என்னால அந்த கதாப்பாத்திரத்துக்கு நினைத்துக் கூட பார்க்க முடியவில்லை. எழுதும்போதே அர்ச்சனா மனதில் இருந்தார், பானுசந்தர் மனதில் இருந்தார். வெறுமனே கற்பனையில் ஒரு கதாப்பாத்திரத்தை நான் படைக்கவில்லை. எனக்கு தேவையான அந்த கதாப்பாத்திரம் இப்படித்தான் இருக்கவேண்டும். ஒரு திராவிடப் பெண்ணாக இருக்க வேண்டும். அது ரொம்ப முக்கியம் எனக்கு. ஒரு பஞ்சாபி பொண்ணையோ, மராத்தி பொண்ணையோ கொண்டு வந்து இது தமிழ்ப்பெண் என்று சொல்ல நான் அன்றும் தயாராக இல்லை, இன்றும் தயாராக இல்லை, என்றும் தயாராக இல்லை. அந்த மாதிரி ஒரு வெள்ளைத்தோலைக் கொண்டு வந்து இதுதான் தமிழ

மேலும் படிக்கவும் மறுமொழி இல்லை பண் த பாலா 06-11-2013

கிளிநொச்சி தெருக்கள் இருட்டில் மூழுகிறது.

இலங்கையில் வேகமாக அபிவிருத்தியடைந்து வருவதாக அரசாங்கத்தினால் தெரிவிக்கப்படுகின்ற வடமாகாணத்தின் முக்கிய நகரங்களில் ஒன்றாகிய கிளிநொச்சி நகரத்தின் தெருக்கள் கடந்த ஒரு மாத காலமாக இருளில் மூழ்கியிருப்பதாகத் தெரிவிக்கப்படுகின்றது. வீதி விளக்களுக்கான மின்சாரத்தை இலங்கை மின்சார சபையினர் துண்டித்திருக்கின்றார்கள். இதற்குரிய கட்டணம் பல லட்ச ரூபாய்கள் நிலுவையாக உள்ள காரணத்தினாலேயே மின்சாரம் துண்டிக்கப்பட்படிருப்பதாக மின்சார சபையினரும், மின்கட்டணத்தைச்செலுத்துகின்ற கரைச்சி பிரதேச சபையினரும் தெரிவித்திருக்கின்றனர். கிளிநொச்சி நீதிமன்றத்தில் இருந்து கரடிப்போக்கு சந்திவரையிலான நகரப்பகுதியில் நெருக்கமாகப் பொருத்தப்பட்டுள்ள 72 சக்தி வாய்ந்த வீதி விளக்குகளுக்கு நாளொன்றிற்கு 15 ஆயிரம் ரூபாப்படி, மாதம் 4 லட்சத்து 65 ஆயிரம் ரூபா மின்சாரக் கட்டணமாகச் செலுத்த வேண்டியிருப்பதாகக் கூறுகின்ற கிளிநொச்சி கரைச்சி பிரதேச சபைத் தலைவர் வைத்திலிங்கம் குகராஜா, இந்தத் தொகையைக் கட்டுவதற்கு சபையிடம் நிதி வசதியில்லை என்று தெரிவித்தார். இதன் காரணமாகவே மின்சார கட்டணத்தைச் செலுத்த முடியாத நிலைமை ஏற்பட்டிருக்கின்றது என்றும் அவர் குறிப்பிட்டார். கிளிநொச்சி நகர வீதிகள் அகலமாக்கப்பட்டு, வீதி விளக்குகள் பொருத்தப்பட்ட போது அந்த நடவடிக்கை குறித்து பிரதேச சபையிடம் ஆலோசிக்கப்பட்டு மின் விளக்குகளுக்கான கட்டணம் குறித்த நிதியொதுக்கீடு மற்றும் நிதி வசதிகளை எற்படுத்துவதற்கான முன்னேற்பாடுகள் செய்யப்படாமையே இதற்குக் காரணம் என்றும் அவர் விளக்கினார். ஆடம்பரத்திற்காகவே வீதி விளக்குகள் குறிப்பிட்ட பகுதியில் பொருத்தப்பட்டிருப்பதாக நகரவாசிகள் கருதுகின்றார்கள். ஆடம்பர செலவாக பிரதேச சபையினர் நாலரை லட்சம் ரூபாவான மக்கள் நிதியை வீணாக்குவது அர்த்தமற்றது என்றும், அந்தப் பணத்தைக் குடிநீர், கிராமங்களுக்கான வீதி என்பவற்றிற்குச் செலவிட வேண்டும் என்றும் அவர்கள் கூறுகின்றனர். வீதி விளக்குகளுக்கான கட்டணத்தைச் செலுத்துவதில் ஏற்பட்டுள்ள நிலைமை குறித்து வவுனியா அரசாங்க அதிபர் தலைமையிலான முக்கிய கூட்டத்தில் வீதி அபிவிருத்தி அதிகார சபையினர், மின்சார சபையினர், வர்த்தக சங்கத்தினர், வங்கியாளர்கள் என பலதரப்பட்டவர்களிடமும் தாங்கள் எடுத்துக் கூறி, பிரதேச சபையினால் ஒரு லட்சம் ரூபா மாத்திரமே மின்சாரத்திற்குச்செலவு செய்ய முடியும் என்றும், மிஞ்சிய தொகையைப் பல நிறுவனங்களும் பகிர்ந்து கொள்ள வேண்டும் என்றும் கோரியிருப்பதாகவும் பிரதேச சபைத் தலைவர் தெரிவித்துள்ளார். இத்தகைய ஒரு நடவடிக்கை குறித்து கூட்டத்தில் தீர்மானம் மேற்கொள்ளப்பட்டு மீண்டும் கிளிநொச்சி நகரை ஒளியூட்டுவதற்கு நடவடிக்கை எடுக்கப்படவுள்ளதாகவும் அவர் கூறினார்.

மேலும் படிக்கவும் மறுமொழி இல்லை சுதர்சன் 06-11-2013

கனடாவின் தெருவுக்கு AR ரஹ்மான் பெயர் சூடல்.

கனடிய Markham நகரில் உள்ள தெருவுக்கு இசைப்புயல் AR ரஹ்மானின் பெயர் சூட்டப்பட்டுள்ளது. இந்திய சினிமாவின் 100வது ஆண்டு விழாவை சிறப்பிக்கும் வகையில் கனடாவின் பிரதான நகரங்களுள் ஒன்றான டொரண்டோவின் மார்க்கம் நகரில் சர்வதேச இந்திய திரைப்பட விழா நடைபெற்று வருகிறது. இவ்விழாவில் இசைப்புயல் AR ரஹ்மானின் தமிழ், பாலிவுட் மற்றும் ஹாலிவுட் சாதனைகளை போற்றி புகழாரம் சூட்டப்பட்டது.   பின்னர் மார்க்கம் பகுதியில் உள்ள பிரதான தெரு ஒன்றுக்கு AR ரஹ்மான் (அல்லாஹ் ரக்ஹா ரஹ்மான்) தெரு என பெயர் சூட்டப்பட்டது. அந்த பெருமைக்குரிய பெயர் பலகையுடன் அடக்கமே உருவாக இசைப்புயல் ‘போஸ்’ தரும் காட்சியை படத்தில் காணலாம்.  

மேலும் படிக்கவும் 9 மறுமொழிகள் சுதர்சன் 06-11-2013

ஆயிரம் கோடி கனவு காணும் கமல்.

கனவு காணுங்கள் என்ற அப்துல் கலாமின் வார்த்தைகளை யார் பின்பற்றுகிறார்களோ இல்லையோ, கமல் பின்பற்றுகிறார். அவரின் சமீபத்திய கனவு ஆயிரம் கோடிகள்.   ஃபிக்கி அமைப்பின் தலைவராக இருக்கும் கமல், சினிமா வருவாயை எந்தெந்த ஊற்றுகளிலிருந்து பெற முடியும் என்பதை தொடர்ந்து யோசித்து வருகிறார்.  இந்தியாவை விட பல மடங்கு மக்கள் தொகை குறைந்த அமெரிக்காவில் ஒரு படம் முதல் மூன்றே தினங்களில் ஐநூறு கோடியை வசூலித்து விடுகிறது. ஐம்பது கோடியெல்லாம் சாதாரணம். எனில் இந்நியாவில் மட்டும் ஏன் முடியாது?   பதில் எளிமையானது. அமெரிக்கா முழுக்க ஆங்கிலம் பேசுகிறார்கள். இங்கு ஒவ்வொரு மாநிலத்திலும் ஒரு மொழி. என்றாலும் நூறு கோடி பார்வையாளர்கள் உள்ள இந்தியாவில் 1000 கோடி வசூலிப்பது அப்படியொன்றும் முடியாத விஷயமில்லை என கமல் தெரிவித்துள்ளார். அதற்கான வழிகளை அவர் விஸ்வரூபம் 2 வில் நடைமுறைப்படுத்தக்கூடும்.

மேலும் படிக்கவும் மறுமொழி இல்லை சுதர்சன் 05-11-2013

பெண்ணிடம் பேசியதால் உயிரை நீத்த இளைஞன்.

நியூசிலாந்தில் ஒரு உணவு விடுதிக்கு அருகே தாக்கப்பட்ட இந்திய வம்சாவளி வாலிபர் ஒருவர் சிகிச்சை பலனின்றி பலியான சம்பவம் அதிர்ச்சியை ஏற்படுத்தியுள்ளது.   நியூசிலாந்தில் உள்ள ஆக்லாந்தில் இந்திய வம்சாவளியை சேர்ந்தவரான தருண் அஸ்தானா என்னும் 25 வயது இளைஞர் வசித்துவந்தார். பகுதி நேரமாக ஒரு உணவு விடுதியில் வேலை பார்த்துவந்த இவர், ஆக்லாந்து பல்கலைக்கழகத்தின் தொடக்க பள்ளியில் பயிற்சி ஆசிரியராக இருந்து வந்தார்.    இந்நிலையில், தருண் அஸ்தானா நேற்று முன்தினம் இரவு உணவு விடுதிக்கு சென்று விட்டு நண்பர்களுடன் வெளியே வந்தார். அப்போது, அஸ்தானாவின் அருகே வந்த ஒரு நபர் அவரை கடுமையாக தாக்கினார். முகத்தில் தாக்கப்பட்ட அஸ்தானா நிலைதடுமாறி விழுந்ததில் அவரது தலை படிக்கட்டில் மோதி காயம் ஏற்பட்டது.  உடனடியாக மருத்துவமனையில் அனுமதிக்கப்பட்ட அஸ்தானாவிற்கு தீவிர சிகிச்சை அளிக்கப்பட்டது. இச்சம்பவம் தொடர்பாக போலீசார் வழக்கு பதிவு செய்து கிரன் வில்லே மேக்பார்லேண்ட் என்னும் 27 வயது நபரை கைது செய்து சிறையில் அடைத்துள்ளனர்.    இந்நிலையில் சிகிச்சை பெற்று வந்த தருண் அஸ்தானா சிகிச்சை பலனின்றி பரிதாபமாக இறந்து போனார். அஸ்தானாவை பற்றி அவர் வேலை செய்து வந்த விடுதியின் உரிமையாளர் மற்றும் நண்பர்கள் கூறுகையில், தருண் அஸ்தானா மிகவும் அமைதியான, மரியாதையான நபர் எனக் கூறியிருப்பதும், இந்த சம்பவதிற்கு அஸ்தானா ஒரு பெண்ணிடம் பேசியதுதான் காரணமென தெரிவிக்கபட்டுள்ளதும் குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 05-11-2013

ஜெர்மனி விபத்தில் தமிழ் இளைஞன் மரணம்.

ஜெர்மனியில் இடம்பெற்ற வாகன விபத்தொன்றில் 21 வயதான இலங்கை இளைஞர் ஒருவர் உயிரிழந்ததாக பொலிஸார் தெரிவித்தனர். ஜெர்மனியின் ஸ்டுட்காட் பிரதான நகருக்கு அருகில் உள்ள மாக்குரோய்னிகன் என்ற நகரில் வசித்து வந்த அலெக்சாண்டர் பீரிஸ் என்ற இளைஞரே இவ்வாறு உயிரிழந்துள்ளார். இவர் அதிகாலை 9 மணியளவில் மோட்டார் சைக்கிளில் நகருக்கு சென்று விட்டு வீடு திரும்பி கொண்டிருந்த பொழுது பென்ஸ் கார் ஒன்றில் மோதுண்டு உயிரிழந்தார்.   பென்ஸ் காரை ஓட்டிச் சென்ற 45 வயதான ஜெர்மனிய சாரதி பொலிஸாரினால் கைது செய்யப்பட்டுள்ளார். நீர்கொழும்பை சேர்ந்த டொனால்ட் பீரிஸ் மற்றும் ஆன் நிலாந்தி ஆகியோர் இளைய புதல்வரான அலெக்சாண்டர் மின் தொழிற்நுட்பவியலாளராக தனது தந்தையுடன் தொழில் புரிந்து வந்தார்.

மேலும் படிக்கவும் மறுமொழி இல்லை சுதர்சன் 05-11-2013

விஸ்வரூபம்-2 ஐ வாங்கி வெளிவிட விரும்பும் உதயநிதி ஸ்டாலின்.

கமலின் விஸ்வரூபம்-2 எப்போது வரப்போகிறது என்பதை முடிவு செய்துவிட்டாரா கமல்?   அந்த தேதி வரும்போது பரபரப்பும் நிச்சயம் என்கிறது கோடம்பாக்கம். இப்பவே முஸ்லீம் அமைப்புகள் இப்படத்தை கண்கொத்தி பாம்பாக கவனிக்க தொடங்கிவிட்டன. தொழில் நுட்ப ரீதியாக முந்தைய விஸ்வரூபத்தை விட இது பன்மடங்கு பாய்வதாக குறிப்பிடுகிறார்கள் இந்த செகன்ட் பார்ட் ட்ரெய்லரை கண்ணால் காணும் பாக்கியத்தை பெற்ற வி.ஐ.பிகள். இந்த முறை விஸ்வரூபம் பார்ட் 2 வை வாங்கி வெளியிட தயாராக இருக்கிறாராம் உதயநிதி ஸ்டாலின். இதற்காக அவருக்கு ட்ரெய்லர் போட்டு காண்பிக்கப்பட்டதாக தகவல் உலவுகிறது. இதை உறுதிபடுத்தும் விதத்தில் தனது ட்விட்டரில் விஸ்வரூபம் பார்ட் 2 பற்றி வியந்திருக்கிறார் அவர். இந்த ட்ரெய்லரோடு ஒப்பிட்டால் முதலில் வந்த விஸ்வரூபம் ஒன்றுமே இல்லை என்று அவர் குறிப்பிட்டதுதான் படத்திற்கு இன்னும் எதிர்பார்ப்பை எகிற வைத்திருக்கிறது. ஆனால் இப்படத்தை உதயநிதிக்கு கமல் கொடுக்க மாட்டார் என்றும், அப்படி கொடுக்க நேர்ந்தால் ஆளுங்கட்சியின் பகையை சம்பாதிக்க நேரிடுமே என்பதால்தான் இந்த முடிவு என்றும் கூடவே கிசுகிசுக்க ஆரம்பித்திருக்கிறார்கள் கோடம்பாக்கத்தில். இப்போதெல்லாம் கமல் என்கிற படைப்பாளிக்கே சவால் விடுகிற அளவுக்கு அவருக்குள்ளிருக்கும் வியாபாரி தலையெடுத்துவிட்டார். அதனால் எல்லாம் கமல் மயம். அதுவும் வெற்றி மயம் என்ற முடிவுக்கு வந்துவிட வேண்டியதுதான்.

மேலும் படிக்கவும் மறுமொழி இல்லை சுதர்சன் 04-11-2013

தேநீரில் அதிகம் ஆர்வம் காட்டும் கனடியர்.

எமது பாட்டன் பாட்டிமாரின் பிடித்தமான பானமான தேநீருக்கு மீண்டும் சில்லறை விற்பனையாளர்கள் மத்தியில் புத்துயிர் பெற ஆரம்பித்துள்ளதாக தெரியவந்துள்ளது. கனடியர்களுக்கு தினமும் ஒரே கோப்பியை குடித்து குடித்து சலித்து விட்டதாக சில்லறை வியாபாரிகள் தெரிவித்துள்ளனர். பாரம்பரியமான Earl Grey மற்றும் பலதரப்பட்ட வகையான தேநீராக இருந்தாலும் பிற்பகலில் தேநீர் அருந்தும் வழக்கம் ஆச்சரியப்படும் படியான வளர்ச்சி அடைந்து வருவதாக கூறப்பட்டுள்ளது.   கடந்த சில வருடங்களில் பல தேநீர் கடைகள் ஆரம்பிக்கப் பட்டுள்ளதாகவும் அது மட்டுமன்றி Starbucks ம் ஆர்வம் காட்டுவதாக தெரியவந்துள்ளது. கடந்த மாதம் சியாட்டலை அடிப்படையாக கொண்ட கோப்பி தொடர்வரிசை நியுயோர்க் நகரத்தில் முதலாவது “tea bar” ஐ தொடங்கியுள்ளது. Teavana எனப்படும் தேநீர் கடையை விரிவுபடுத்தும் நோக்கத்துடனேயே இது நடைபெற்றதாகவும் இந்த Teavana 300 கிளைகளைக் கொண்டுள்ளதாகவும் இதில் கனடாவில் 59 கிளைகள் உள்ளன வென்றும் தெரியவந்துள்ளது. கனடாவின் பிரபல்யமான பானங்களில் தேநீர் 5-வது இடத்தை வகிக்கின்றது. வருடமொன்றிற்கு கிட்டதட்ட 10 பில்லியன் கோப்பைகள் அருந்தப் படுவதாகவும் கனடாவின் புள்ளிவிபரவியல் மூலம் தெரியவந்துள்ளது. அடுத்த வருட ஆரம்பத்தில் Starbucks கனடாவில் பல்கடை அங்காடிகள், பாரிய நகர்புற மையங்கள், போன்ற இடங்களில் Teavana வை ஆரம்பிக்க உள்ளது. முன்பனிக்கால ஆரம்பத்தில் தனது கடைகளில் Teavana ன் தயாரிப்புக்களை விற்பனை செய்ய ஆரம்பித்துள்ளது. 3-டொலர்கள் 6-டொலர்கள் விலைகளில் இவை விற்பனை செய்யப் படுவதாகவும் இதற்கான நுகர்வோர் தொகை அதிகரித்து வருவதாகவும் தெரிவிக்கப் பட்டுள்ளது. 2020-ல் கனடாவில் தேநீர் அருந்துவோரின் தொகை 40 சதவிகிதத்தால் உயரும் என அரச அதிகாரிகளின் அறிக்கை மூலம் தெரியவருகின்றது. 1-ம் உலகப்போருக்கு முன்னர் தேநீர் அருந்துதல் மிக பிரபல்யமாக இருந்ததாகவும் போர் 1991ல் முடிவடைந்த பின்னர் தேநீர் அதன் பிரபல்யத்தை இழக்க தொடங்கியது. இக்கால கட்டத்தில் கனடா வரலாற்றில் தேநீர் அருந்தும் வழக்கம் மிகமிக குறைந்த அளவிற்கு வீழ்ச்சியடைந்துள்ளது. பல வருடங்களின் பின் மீண்டும் தேநீரின் அந்தஸ்து உயரத்தொடங்கியது. பல்வேறு சுவைகள் கொண்ட தேநீர் வகைகள் சந்தைப்படுத்தப் பட்டன.   நாட்டின் மிகப் பெரிய கோப்பி கடையானTeavana தங்களது அடிப்படை தேநீர் தெரிவை புதிய சுவைக்கு விரிவு படுத்தும் திட்டம் தற்போதைக்கு இல்லை என தெரிவித்துள்ளது.

மேலும் படிக்கவும் மறுமொழி இல்லை சுதர்சன் 04-11-2013

பிள்ளைகள் உற்பத்தி நிலையம் கண்டுபிடிப்பு.

சில பொருட்களை ரகசியமாக உற்பத்தி செய்து விற்பனை செய்துவரும் நபர்களைத்தான் இதுவரை நாம் பார்த்திருக்கின்றோம். ஆனால் நைஜீரியா நாட்டில் உள்ள ஒரு நகரத்தில் குழந்தைகளை ரகசியமாக உற்பத்தி செய்துவரும் தொழிற்சாலை ஒன்று இயங்கி வந்துள்ளதை அந்நாட்டு பொலிஸார் கண்டுபிடித்துள்ளனர். கர்ப்பிணி பெண்கள் மற்றும் இளம்பெண்களை கடத்தி கர்ப்பிணியாக ஆக்கி அவர்கள் குழந்தை பெறும் வரை ரகசிய இடத்தில் அடைத்து வைத்து குழந்தை பிறந்தவுடன் வெளிநாட்டிற்கு ரகசியமாக அந்த குழந்தைகளை விற்பனை செய்துவந்த ஒரு ரகசிய கும்பல் நேற்று நைஜீரியாவில் கண்டுபிடிக்கப்பட்டது. அங்கிருந்து 6 கர்ப்பிணி பெண்களை பொலிசார் மீட்டார்கள். இதுபற்றி பொலிஸ் அதிகாரி கூறுகையில்.. இது ரகசியமாக இயங்கிய குழந்தை உற்பத்தி தொழிற்கூடம் என வர்ணித்தார். பிடிபட்ட பெண்கள் பொலிசில் கொடுத்த வாக்குமூலத்தில் குழந்தை பெற்றுக் கொடுப்பதற்காக எங்களை இங்கே அடைத்து வைத்திருந்தார்கள். குழந்தை பிறந்ததும் அதை நல்ல விலைக்கு விற்று விடுவார்கள் என்று முறையிட்டார்கள். இது தொடர்பாக ஒரு பெண்ணை கைது செய்து பொலிசார் மேலும் விசாரிக்கிறார்கள். இந்த சம்பவம் நைஜீரியாவை மட்டுமின்றி உலக நாடுகளை அதிர்ச்சியடைய செய்துள்ளது  

மேலும் படிக்கவும் 1 மறுமொழி சுதர்சன் 04-11-2013

14 வருடங்களின் பின் தெலுங்கில் நடிக்கும் ராதிகா.

சின்னத்திரையில் கொடிகட்டி பறப்பவர் ராதிகா. இவர், அவ்வப்போது நல்ல கதாபாத்திரங்களில் பெரிய திரையிலும் நடித்து வருகிறார்.   கடைசியாக இவர் ‘சென்னையில் ஒரு நாள்’ படத்தில் பிரகாஷ்ராஜின் மனைவியாக நடித்திருந்தார். இந்நிலையில் ராதிகாவுக்கு தெலுங்கு படம் ஒன்றில் நடிக்க வாய்ப்பு தேடி வந்திருக்கிறது. அருண் தேஷ்யம் என்பவர்தான் இந்தப் படத்தை இயக்குகிறார். படத்தின் பெயர் ‘உண்டிலே மஞ்சி காலம் முண்டு முந்துன’. 1999ல் ராம்கோபால் வர்மா இயக்கத்தில் வெளியான ‘பிரேம கதா’ படம்தான் தெலுங்கில் ராதிகா கடைசியாக நடித்தது.   இந்தப்படம்தான் ஆந்திராவின் மிக உயர்ந்த விருதான நந்தி விருதையும் அவருக்கு பெற்றுத் தந்தது. இப்போது கிட்டத்தட்ட 14 வருடங்கள் கழித்து மீண்டும் தெலுங்கில் கால்பதிக்கிறார் ராதிகா.

மேலும் படிக்கவும் மறுமொழி இல்லை சுதர்சன் 03-11-2013

மழையின்றி யாழ் நெல் விவசாயிகள் ஆதங்கம்.

யாழ் மாவட்டத்தில் பெரும்போக நெற்செய்கையில் ஈடுபட்ட விவசாயிகள் பலரும் உரிய நேரத்தில் மழை பெய்யாமையால் விதைக்கப்பட்டு முளைத்த நெற் பயிர்கள் கருகி விடுமா என்ற ஆதங்கத்தில் காணப்படுகின்றார்கள்.   யாழ் மாவட்டத்தில் மழையை நம்பி விவசாயிகள் பல ஆயிரக்கணகான நிலப்பரப்பில் நெற் செய்கைக்காக நடவடிக்கைகளை மேற்க்கொண்ட விதைப்பையும் மேற்க்கொண்டுள்ளார்கள். தற்போது பயிர்களாகி நெற்கள் காணப்படுகின்றபொதிலும் உரிய காலத்தில் பெய்ய வேண்டிய மழை பெய்யாது காணப்படுகின்றது.   கடந்த இரண்டு நாட்களாக மழை பெய்கின்றபொதிலும் வெறும் தூறல் மட்டுமே காணப்படுகின்றதே அன்று நெற்பயிர்களுக்கு பொதியளவு நீரி கிடைக்கும் வகையில் மழை பெய்யவில்லை. நெல் வயல்கள் எல்லாம் வரண்டு காணப்படுவதுடன் பயிர்களுக்கு வேண்டிய நீரைக் கூட வயலுகளை அண்டிக் காணப்படும் கிணறுகள் கேணிகளில் இருந்தும் பெற முடியாத நிலமையே காணப்படுகின்றது.  

மேலும் படிக்கவும் மறுமொழி இல்லை சுதர்சன் 03-11-2013

வெள்ளைமாளிகையில் தீபாவளி கொண்டாட்டம்.

அமெரிக்க பாராளுமன்றத்தின் இரு அவைகளிலும் கடந்த புதன்கிழமை தீபாவளியை ஆதரித்து தீர்மானங்கள் தாக்கல் செய்யப்பட்டன. செனட் சபையில், செனட் இந்திய குழுவின் துணைத்தலைவர்களான மார்க் வார்னர், ஜான் கோர்னின் ஆகியோர் இந்த தீர்மானத்தை தாக்கல் செய்தனர். அதில், உலகம் முழுவதும் தீபாவளி கொண்டாடும் இந்தியர்களுக்கு வாழ்த்து தெரிவித்ததுடன், இந்திய-அமெரிக்க உறவின் முக்கியத்துவத்தை வலியுறுத்தியும் கூறப்பட்டு இருந்தது. மேலும், முதல்முறையாக, அமெரிக்க பாராளுமன்ற கட்டிடத்தில் தீபாவளி பண்டிகை கொண்டாடப்படும் என்றும், அதில் இரு அவைகளின் எம்.பி.க்களும் கலந்து கொள்வார்கள் என்றும் கூறப்பட்டு இருந்தது. இதேபோல், அமெரிக்க பாராளுமன்றத்தின் பிரதிநிதிகள் சபையிலும் தீபாவளிக்கு ஆதரவான தீர்மானம் தாக்கல் செய்யப்பட்டது. இந்நிலையில், அமெரிக்க அதிபர் ஒபாமாவின் மனைவி மிச்சேல் ஒபாமா தலைமையில் அந்நாட்டின் எம்.பி.க்கள், அரசு உயரதிகாரிகள், அமெரிக்காவில் வசிக்கும் இந்திய பிரமுகர்கள் ஆகியோர் பங்கேற்கும் தீபாவளி விழா வரும் 5-ம் தேதி வெள்ளை மாளிகையில் கொண்டாடப்பட உள்ளது. இதற்கான அதிகாரபூர்வ அறிவிப்பை வெள்ளை மாளிகை இன்று வெளியிட்டது.

மேலும் படிக்கவும் மறுமொழி இல்லை சுதர்சன் 03-11-2013

அரசியலில் இறங்கியபின் நடிக்க மறுக்கும் ரம்யா.

ரம்யா தமிழில் 'குத்து', 'வாரணம் ஆயிரம்', 'கிரி' உள்ளிட்ட படங்களில் நடித்துள்ளார்.    சமீபத்தில் கர்நாடகாவில் மண்டியா தொகுதி பாராளுமன்ற இடைத்தேர்தலில் போட்டியிட்டு எம்.பி.யாக தேர்வானார். இதையடத்து சினிமாவில் நடிப்பதை நிறுத்தி விட்டார். அவர் கடைசியாக நடித்த 'நீர்டோஸ்' என்ற கன்னட படம் பாதியில் நிற்கிறது.    இந்த படத்தின் தயாரிப்பாளரும், கதநாயாகனுமான ஜெகதீஷ் தனக்கு நஷ்டம் ஏற்படுத்தி விட்டதாக ரம்யாவை கண்டித்துள்ளார். இதுகுறித்து அவர் கூறும்போது, எம்.பி.யாகி விட்டதால் ரம்யா நடிப்புக்கு முழுக்கு போட்டு விட்டதாக செய்தி வெளியாகியுள்ளது. அவர் என் படத்தில் நடிக்க மறுப்பது தவறு. அவர் விலகுவதாக இருந்தால் படத்துக்கு இதுவரை செலவிட்ட ரூ. 4 கோடியை திருப்பி தர வேண்டும் என்றார்.     இதற்கு ரம்யா பதில் அளித்துள்ளாதாவது,   "மக்கள் என்மீது நம்பிக்கை வைத்து எம்.பி.யாக தேர்வு செய்து பாராளுமன்றத்துக்கு அனுப்பிளயுள்ளனர். எனவே சினிமாவில் என்னால் இனிமேல் நடிக்க முடியாது. அது முடிந்து விட்டது. மீண்டும் நடிக்க வேண்டும் என்று சிந்திக்கவில்லை.    அரசியலுக்கு சென்ற வேறு பல நடிகைகள் மீண்டும் நடிக்கவில்லை. எம்.பி.யான பிறகு குட்டை பாவடையும், கையில்லாத ரவிக்கையும் அணிந்து கொண்டு மரத்தை சுற்றி டூயட் பாடி ஆட முடியுமா? என்னால் அப்படி செய்ய முடியாது" என்றுள்ளார். 

மேலும் படிக்கவும் மறுமொழி இல்லை சுதர்சன் 02-11-2013

பூமியை விட பெரிய கிரகம் கண்டுபிடிப்பு.

 விண்வெளியில் உள்ள பல்வேறு கிரகங்கள் விண்வெளி ஆராய்ச்சியாளர்களால் ஆய்வு செய்யப்படுகின்றன. அந்த வகையில் பூமியை போன்ற எடை மற்றும் அளவிலான ஒரு புதிய கிரகம் கண்டுபிடிக்கப்பட்டுள்ளது.    'கெப்லர்-78 பி' என பெயரிடப்பட்டுள்ள இந்த கிரகம் பூமியில் இருந்து 700 ஒளி ஆண்டு தூரத்தில் உள்ளது. இந்த கிரகத்தில், பூமியை போன்று பாறைகள் மற்றும் இரும்பு தாது அதிக அளவில் இருக்கும் என தெரிவிக்கப்பட்டுள்ளது. .   பூமியை விட 1.2 மடங்கு பெரியதாக இருக்கும் இந்த கிரகம் 1.7 மடங்கு கூடுதல் எடை கொண்டதாக உள்ளது.    மேலும், இக்கிரகத்தில் பூமியை விட 2 ஆயிரம் டிகிரி செல்சியஸ் அதிக வெப்பம் உடையது. இதனால் அங்கு உயிர்கள் வாழ சாத்தியமில்லையென்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 02-11-2013

புதையலை தோண்ட ராணுவத்தை கேட்கும் சாமியார்.

உத்தர பிரதேசத்தில் உள்ள ஒரு கோட்டைக்குள் 1000 டன் தங்கத்தை தேடிய அரசு, அங்கு எதுவும் கிடைக்காததால் ஏமாற்றமடைந்துள்ளது. இந்நிலையில் தங்கப்புதையல் இருப்பதாய் கூறப்படும் இடத்தை தன் முன்னிலையில் தோண்டினால் தங்கம் கிடைக்குமென அதே சாமியார் கூறியிருக்கிறார்.   உத்தர பிரதேசத்தில் உள்ள ஒரு கோட்டைக்குள் 1000 டன் தங்கம் புதைந்து கிடப்பதாகவும், இதை அங்கு வசித்த மன்னரே கனவில் வந்து கூறியதாகவும் சோபன் சர்க்கார் என்னும் சாமியார் கூறினார். இதையடுத்து இந்திய தொல்லியல் துறையினர் கடந்த மாதம் 18 ஆம் தேதி அங்கு தங்கம் தேடும் பணியைத் தொடங்கினார்கள். இரண்டு வாரமாகியும் அங்கு உடைந்த வளையல்கள், இரும்பு துண்டுகள் கிடைத்ததே தவிர ஒரு கிராம் தங்கம் கூட கிடைக்கவில்லை.   கோட்டைக்குள் தங்கம் கிடைக்க வாய்ப்பு இல்லை என்று எல்லாரும் முடிவுக்கு வந்துவிட்ட நிலையில், கனவு கண்ட சாமியார், 'என்னை கோட்டைக்கு அழைக்க வேண்டும். என் முன்னிலையில் ராணுவ வீரர்களை வைத்து கோட்டைக்குள் பள்ளம் தோண்டினால்தான் தங்கம் கிடைக்கும்' என்று கூறியுள்ளார்.

மேலும் படிக்கவும் மறுமொழி இல்லை சுதர்சன் 02-11-2013

சந்தானம் வீட்டில் வருமான வரி சோதனை.

திரைப்பட தயாரிப்பாளர்கள் RB சவுத்ரி, AM. ரத்னம், ஞானவேல் ராஜா, மற்றும் நடிகர் சந்தானம், ஆகியோர் வீடுகளில் வருமானவரித்துறையினர் சோதனை நடத்தியுள்ளனர்.  சென்னையில் 23 இடங்களிலும் தமிழ்நாடு முழுவதும் 6 இடங்களிலும் வருமானவரி சோதனை நடத்தியதாகவும் மேலும் ஹைதராத்தில் உள்ள ஒரு வீட்டிலும் சோதனை நடத்தபப்ட்டது எனவும் வருமான வரித்துறையின் கூடுதல் ஆணையர் தெரிவித்துள்ளார். சினிமா தயாரிப்பில் கணக்கில் வராத பணம் பயன்படுத்தபப்டுவதாக கிடைத்த தகவலின் அடிப்படையில் இந்த சோதனை நடத்தப்பட்டது என்று தெரிவிக்கப்பட்ட

மேலும் படிக்கவும் மறுமொழி இல்லை சுதர்சன் 01-11-2013

வெள்ளை வானின் கறுப்புப் பக்கங்கள்!

வெள்ளை வானின் கறுப்புப் பக்கங்கள்!     அல்லது காணாமல் போனவராகவோ, காற்றில் கரைந்தவராகவோ மட்டுமே நினைவில் இருப்பார்கள். இப்படி நடந்த நடுக்கமூட்டும் கொடூரங்களைப் பதிவுசெய்துள்ளது லீனா மணிமேகலை இயக்கியுள்ள ‘வொயிட் வேன் ஸ்டோரிஸ்� என்ற ஆவணப்படம்!   மகனைப் பறிகொடுத்த ஒரு தாய், கணவரை இழந்து தவிக்கும் ஒரு முஸ்லிம் மனைவி, முன்னாள் போராளியான ஒரு பெண் புலி, தந்தையைப் பறிகொடுத்த ஒரு மீனவச் சிறுமி என, ஏழு பேரின் சாட்சியங்களைப் பதிவு செய்திருக்கும் ஆவணப்படம், பல சமயங்களில் மனதைக் கனக்கச் செய்கிறது. குத்தி வெளியில் எடுக்கப்பட்ட குடல், இரத்தம் சிதறி உருக்குலைந்த பிணம், மார்புகள் அறுக்கப் பட்ட பெண் போராளி, உடலில் இருந்து தனியாகத் துண்டிக்கப்பட்ட குழந்தையின் தலை… என்று கோரக் காட்சிகள் எதுவும் வெள்ளை வான் கதையில் இல்லை. ஆனால், அவற்றைப் பார்த்து இன்றைய இலங்கையை நாம் உணர்ந்து கொள்வதைவிட வெள்ளை வான் கதை மூலம் இன்னும் ஆழமாக உணர்ந்து கொள்ளலாம். மேலும், இலங்கையில் ஒரு மனிதனின் ஒருநாள் பொழுது, எத்தனை துயரம் மிக்கதாக… எத்தனை பதற்றம் நிறைந்ததாகக் கழிகிறது என்பதை மிக முக்கியமாகப் பதிவுசெய்திருக்கிறது. இலங்கையில் எல்லோரும் இப்போது சிரித்துக்கொண்டிருக்கிறோம். அந்தச் சிரிப்பு, மகிழ்ச்சியால் எங்களுக்கு வரவில்லை. இங்கு அழுவதற்கு எங்களுக்கு உரிமை இல்லை. அதனால் சிரிக்கிறோம்!� – இந்த ஆவணப்படத்தில் சிங்கள கார்ட்டூனிஸ்ட் பிரகீத்தின் மனைவி உதிர்த்திருக்கும் வேதனை வார்த்தைகள் இவை. வொயிட் வேன் ஸ்டோரிஸ்� ஆவணப்படத்தை, இலங்கை அரசின் பயங்கரவாதத்துக்கு எதிரான ஆவணமாகக் கொண்டுவந்திருக்கிற லீனா மணிமேகலையிடம் பேசினேன். 90-களில் இருந்து 2009-ம் ஆண்டு இறுதிப் போர் வரை விடுதலைப் புலிகளாக இருந்தவர்களும் இல்லாதவர்களுமாக பல்லாயிரக்கணக்கான தமிழர்கள் காணாமல்போனார்கள். அந்த வகையில் கணவனை இழந்த, மகனை – மகளை இழந்த, சகோதரர்களை இழந்த, தந்தையை இழந்த, நண்பர்களை இழந்த உறவுகளின் போராட்டங்களும் கண்ணீரும்தான் ‘வெள்ளை வான் கதைகள்�. முடிந்ததாக அறிவிக்கப்பட்டிருக்கும் ஒரு போரின் பின்னரும் வாரத்துக்கு ஒரு சிலராவது, இலங்கையில் அரசாங்கத்தால் களையப்படுகிறார்கள். உலக அரங்கில் ஈராக்குக்கு அடுத்ததாக காணாமல்போனவர்களின் எண்ணிக்கையில் இலங்கை முன்னிலை வகிக்கிறது. சேட்டிலைட் பிம்பங்களாகப் பார்த்தும் பத்திரிகைச் செய்திகளாகப் படித்தும் நாம் அறிந்த மனிதர்களின் வாழ்க்கையை, அந்த வலியுடன் உள்வாங்கும் போது பித்துப்பிடிக்கும்; ஆன்மா அலறும்; நெஞ்சு எரியும். அதை அப்படியே மடைமாற்றம் செய்யும் முயற்சியே இந்த ஆவணப்படம்! இந்தப் படத்துக்காக, தமிழகத்தில் இருந்து இலங்கைக்குச் சென்று களப்பணி ஆற்றிய அனுபவம் எப்படி இருந்தது? எதுவும் முயற்சித்தால் நடக்கும் நண்பா! வாய் நிறைய உணர்ச்சி பொங்கப் பேசும் பலர், ஒரு புல்லைக்கூட பிடுங்கிப் போடுவது இல்லை. போர் முடிவற்ற பிறகும், மக்கள் மனதில் ஒருவித கிலியைப் பீடிக்க வைத்திருப்பதில் ராஜபக்ச அரசாங்கம் முனைப்பாக உள்ளது. அரை மைலுக்கு ஒரு இராணுவ செக்போஸ்ட். ஒவ்வோர் அசைவையும் கண்காணித்து வருகிறது. ‘கொலை செய்யப்படுவீர்கள், மானபங்கப்படுத்தப்படுவீர்கள், கைது செய்யப்படுவீர்கள், காணாமல் போகடிக்கப்படுவீர்கள்� என்று என்னைப் பல வகைகளில் எச்சரித்தனர். ஆனால், ஒரு கலைஞியின் குணம் பணிவது அல்ல; மீறுவது. நான் மீறினேன்! நானும், ஒளிப்பதிவாளர் தம்பி அரவிந்தும் தான் படக்குழு. டவுன் பஸ்ஸில் பயணம் செய்து, கிடைக்கும் இடங்களில் தங்கி, சர்ச்சிலும் கோயிலிலும் சாலையிலும் தூங்கி, ‘படம் எடுக்கிறோம்� என்ற எந்தச் சலசலப்புகளும் இல்லாமல் எடுத்த படம் இது. இலங்கையின் ஜெஸ்யூட் பாதிரிமார்களும், மனித உரிமைப் போராளிகளும், எழுத்தாளத் தோழர்களும் எங்களுக்கு உணவும் பாதுகாப்பும் அளித்து அரவணைத்தார்கள். படத்தில் பேசிய ஒரு பெண் போராளி, ‘உங்களிடம் கதைத்தற்காக நான் கடத்தப்படலாம்� என்று ஒரு வாக்குமூலம் அளித்திருக்கிறார். இவ்வளவு அழிவைப் பார்த்துவிட்டேன். இனி என்ன நான் பார்க்கவேண்டி இருக்கிறது. இந்த வாக்குமூலத்தை அளிப்பது எனது வரலாற்றுக் கடமை� என்று அறிவித்தே, அவர் இந்தப் படத்தில் பங்குகொண்டார். அவர் இழந்த ஒரு கண்ணையும் கையையும் தடவிப் பார்த்த போது, சத்தியத்தைத் தடவிப் பார்த்த உணர்வு எனக்கு ஏற்பட்டது. அந்தச் சத்தியத்துக்காகவே அவர் வாழ்ந்து தீர்ப்பார். அவரைப் போலவே மற்றவர்களும் தாங்கள் இழப்பதற்கு வேறொன்றும் இல்லை என்ற மனநிலையில்தான், தங்கள் கதைகளைப் பகிர்ந்து கொண்டார்கள். அவர்கள் நாடு கேட்கவில்லை, தங்கள் கண் முன்னே ‘விசாரணைக்கு என்று அழைத்துச் செல்லப்பட்ட, இராணுவத்திடம் சரண் அடைந்த உறவுகள் எங்கே?� என்றுதான் கேட்கிறார்கள். அந்தக் கேள்விகளுக்கு இலங்கை அரசாங்கம் நிச்சயம் பதில் சொல்லித்தான் ஆக வேண்டும்! உங்களின் ஒவ்வொரு முயற்சியும், பாதிக்கப்பட்டவர்களின் நலன் மீட்பில் அக்கறை செலுத்துவதைவிடவும், பொருளாதாரரீதியில் உங்களை வலுப்படுத்திக்கொள்வதற்கான முனைப்பாக இருக்கிறது என்ற விமர்சனம் குறித்து!? என் ஏ.டி.எம். அட்டையைத் தருகிறேன், கடவுச்சொல்லையும் தருகிறேன். நீங்களே சோதித்துப் பாருங்கள். ஒரு பத்திரிகையாளராக நீங்கள் வாங்கும் மாதச் சம்பளத் தொகைகூட என் கணக்கில் இருக்காது. அப்புறம் என்ன கேட்டீர்கள்… பாதிக்கப்பட்டவர்களின் நலன் மீட்பா? அதெல்லாம் ரொம்பப் பெரிய விஷயம். நான் ஒரு கதை சொல்லியாக என்னைப் பாதிக்கும் விஷயங்களைப் பகிர்ந்து கொள்கிறேன். அவ்வளவுதான். அடிப்படைவாதிகள், இடதுசாரிகள், பகுத்தறிவுவாதிகள்… என, அனைத்துத் தரப்பினரும் உங்களை எதிர்க்கவோ விமர்சிக்கவோ செய்கிறார்கள். உங்களின் நிலைப்பாடுதான் என்ன? நான் எந்தக் கருத்தியலுக்கும் அடிபணியாத படைப்பாளி, கலைஞி, சுதந்திரமான மனுஷி. இதை எந்தப் பிரிவினரால்தான் தாங்க முடியும்… சொல்லுங்கள்?         நன்றி கனடியன் மிறர்.  

மேலும் படிக்கவும் மறுமொழி இல்லை பண் த பாலா 01-11-2013

தலையில் கத்தி நுழைந்த நிலையில் சிகிச்சை பெற வைத்தியசாலை சென்றவர்.

சீனாவில் தலையில் 10 இன்ச்களுக்கு பாய்ந்த கத்தியுடன் ஒரு நபர் நடந்தே வந்து சிகிச்சை பெற்றது மருத்துவர்களை வியப்பில் ஆழ்த்தியது.   சீனாவின் வடகிழக்கே உள்ள ஜீன் மாகாணத்தில் உள்ள யான்ஜி என்ற இடத்தை சேர்ந்தவர் ஹோ லுங். இவர் கத்தியை வைத்துக் கொண்டு தனது நண்பர்களுடன் விளையாடிக் கொண்டிருந்தார்.   அப்போது எதிர்பாராத விதமாக இவரின் நண்பர் இவரை விளையாட்டாக தள்ள அவர் கையில் இருந்த கத்தி ஹோ லுங்கின் தலையில் பாய்ந்தது. இதனை பார்த்த நண்பர் தான் கொலை செய்துவிட்டதாக எண்ணி அலறியடித்துக்கொண்டு அந்த வீட்டைவிட்டு வெளியேறினார். கீழே விழுந்ததால் மயக்க நலையில் இருந்த ஹோ லுங், நினைவு திரும்பியதும் தலையில் இருந்த கத்தியுடன் தானே மருத்துவமனைக்கு நடந்து சென்றுள்ளார்.    ரத்தம் வழிந்த நிலையில் மருத்துவமனையில் நின்றிருந்த இவரை பார்த்து மருத்துவர்கள் அதிர்ச்சி அடைந்தனர். இதனையடுத்து எக்ஸ் ரே எடுத்து பரிசோதனை நடத்தியதில், 10 அங்குல ஆழத்தில் கத்தி புதைந்திருப்பது தெரிந்தது. சுமார் 3 மணி நேர அறுவை சிகிச்சைக்கு பிறகு ஹோ லுங் தலையில் இருந்த கத்தியை மருத்துவர்கள் அகற்றினர்.தற்போது ஹோ லுங் நலமுடன் உள்ளார் என மருத்துவமனை ஊழியர்கள் தெரிவித்துள்ளனர்.   தனக்கு எத்தகைய ஆபத்தான நிலை ஏற்பட்டது என்பதை கூட புரிந்துக்கொள்ளாமல், ஹோ லுங் மிக சாதரணமாக இருந்ததாகவும், அறுவை சிகிச்சைக்குப்பின் தன்னை உடனடியாக டிஸ்சார்ஜ் செய்யும்படி கேட்டுக்கொண்டதாகவும் மருத்துவர்கள் கூறியிருப்பது குறிப்பிடத்தக்கது.   

மேலும் படிக்கவும் மறுமொழி இல்லை சுதர்சன் 01-11-2013

போதைமருந்து விற்பனையாளருடன் தொடர்பு வைத்திருக்கும் Toronto மாநகர முதல்வர்.

வியாழக்கிழமை வெளியிடப்பட்ட ஆவணங்கள் மூலம் ரொறொன்ரோ மேயர் றொப் வோட் போதை மருந்து விற்பவருடன் நடாத்திய இரகசிய சந்திப்புக்கள் தெரியவந்துள்ளன. பொலிசாரின் புலன்விசாரனையில் மேயர் றொப் வோட்டும் ஒரு இலக்காக இருந்தாரெனவும் மேயர் போதை மருந்து விற்பளை செய்பவரான அலெக்சான்டர் சன்றோ லிசி என்பவரை 100 மேற்பட்ட தடவைகள் இரகசியமாக சந்தித்துள்ளார் எனவும் கூறப்பட்டுள்ளது. பன்மடங்கான பொலிசாரின் கடுங்கண்காணிப்பு வீடியோ படங்கள் வோட் அல்லது அவரது உதவியாளர் லிசியுடன் காணப்படுவதை சுட்டிக்காட்டி உள்ளன. ரொறொன்ரோ ஸ்டார் பத்திரிகை அறிவிப்பாளர்கள் மேயர் சம்பந்தப் பட்ட வீடியோ காட்டிய பின்னர் மேயரின் போதை மருந்து நடவடிக்கைகள் ஆரம்பமானதென்றும் தெரியவந்துள்ளது. அவ் வீடியோவில் மேயர் போதையேறிய நிலையில் காணப்பட்டது, கொக்கெயின் புகைத்தது, இனப்பழிச்சொற்கள் கூறியமை போன்ற பல நடவடிக்கைகள் வெளியாகி இருந்ததாக கூறப்பட்டுள்ளது. இவை யாவும் விசாரனையில் முக்கிய பகுதிளாகும். ஆவணங்களின் ஒரு பகுதி மட்டுமே வெளியிடப்பட்டதெனவும் அதுவும் Globa News உட்பட்ட பல ஊடகங்கள் வற்புறுத்தியதன் விளைவாகவே வெளியிடப்பட்டதெனவும் தெரியவந்துள்ளது. எதுவம் கோர்ட்டில் இன்னமும் நிரூபணமாகவில்லை.

மேலும் படிக்கவும் மறுமொழி இல்லை சுதர்சன் 01-11-2013

பெண்களை இழிவுபடுத்தும் சந்தானம்.

ஜீவா, திரிஷா, சந்தானம் இணைந்து நடித்துள்ள 'என்றென்றும் புன்னகை' படத்தின் டிரெய்லர் சமீபத்தில் ரிலீசானது.   இதில் விளம்பர படப்பிடிப்பு காட்சியொன்றில் பெண் ஊழியர் சந்தானத்திடம் வந்து அஞ்சு பத்துக்கு போகட்டுமா என்று அனுமதி கேட்பது போன்றும் அதற்கு சந்தானம் ஏன் நீ நல்லாத்தானே இருக்கே ஆயிரம், ஐநூறுக்கு போயேன் என்று இரட்டை அர்த்தத்தில் பேசி கேலி செய்வது போன்றும் வசனம் உள்ளது. இந்த காட்சி பெண்களை கேவலப்படுத்துவது போல் உள்ளது என்று எதிர்ப்பு கிளம்பியுள்ளது. இதுகுறித்து மனித உரிமைகள் கழக சர்வதேச அமைப்பின் மகளிர் அணி நிர்வாக செயலாளர் கல்பனா வெளியிட்டுள்ள அறிக்கையில்,   ''சந்தானம் எல்லா படங்களிலும் பெண்களை இழிவுப்படுத்துவது போல் வசனம் பேசி வருகிறார். மதுபாட்டிலும் கையுமாக போதையில் அவர் பெண்களை கொச்சைப்படுத்தி பேசும் வசனங்கள் பெண்களையும் புண்படுத்தி உள்ளது. இது போன்று வசனம் பேசுவதை அவர் நிறுத்திக் கொள்ள வேண்டும். இல்லையேல் சந்தானத்துக்கு எதிராக போராட்டம் நடத்த நேரிடும். தணிக்கை குழுவினர் இதுபோன்ற வசனங்களை நீக்கி விட்டுத்தான் அனுமதி சான்று அளிக்க வேண்டும்'' என்று கூறினர்.

மேலும் படிக்கவும் மறுமொழி இல்லை சுதர்சன் 31-10-2013

சாரதியின்றி ஓடும் கார்கள் இங்கிலாந்தில் பாவனைக்கு தயார்.

இங்கிலாந்து தலைநகர் லண்டனில் சாரதி இன்றி வீதியில் தானாகவே ஓடும் கார்கள் தயாரிக்கப்பட்டுள்ளன. அவற்றின் முதற்கட்ட சோதனை ஓட்டமும் வெற்றிகரமாக நடந்து முடிந்துள்ளது.  அதை தொடர்ந்து அக்கார்களை பக்கிங்காம் ஷிரில் உள்ள மில்டன் கியன்ஸ் தெருக்களில் ஓட்ட திட்டமிடப்பட்டுள்ளது. இந்த கார் ஓடுவதற்கு வசதியாக அகலமான நடை பாதைகள் அமைக்கப்பட்டுள்ளன. அதற்காக மின்சாரம் மூலம் இயங்கும் 100 கார்கள் தயார் நிலையில் உள்ளன.  இக்கார்கள் எதிர்வரும் 2015–ம் ஆண்டின் தொடக்கத்தில் ஓட தொடங்கும் இவற்றில் 2 பேர் மட்டுமே பயணம் செய்ய முடியும். இதனுடன் தேவையான பொருட்களையும் எடுத்து செல்ல முடியும். இது மணிக்கு சுமார் 19 கி.மீட்டர் வேகத்தில் இயங்கும். அதற்கான கட்டணம் 2 பவுண்டு என நிர்ணயிக்கப்பட்டுள்ளது.  

மேலும் படிக்கவும் மறுமொழி இல்லை சுதர்சன் 31-10-2013

கடைகளில் மதுபானம் விற்பனைக்கு கனடிய அரசு நிராகரிப்பு.

Avondale, 7-11, Mac’s as, Petro-Canada, Imperial Oil, Canadian Tire ஆகிய பல்பொருள் அங்காடிகள் உட்பட்ட ஒன்ராறியோ பல்பொருள் அங்காடிகள் சங்கம் தங்கள் அங்காடிகளில் பியர் மற்றும் வைன் வகைகளை விற்பனை செய்ய விரும்புகின்றன. இதனை அரசாங்கம் நிராகரித்துள்ளது.   இவர்கள் மீண்டும் அரசாங்கத்திடம் கேட்கப் போவதாக தெரிய வந்துள்ளது. லிபரல் LCBO கிளைகளை சில பலசரக்கு கடைகளில் அமைப்பதற்கு திட்டமிட்டிருப்பதாகவும் ஆனால் பியர் வைன் போன்றவற்றை பல்பொருள் அங்காடிகளில் விற்பனை செய்ய அனுமதிக்க மாட்டாதெனவும் நிதி அமைச்சர் Charles Sousa தெரிவித்துள்ளார். அவர் மேலும் கூறுகையில் லிபரல் நடைமுறையில் உள்ள திட்டத்தில் உறுதியாக இருப்பார்கள் என்றும் ஏனெனில் அரசு நடத்தும் மதுபான கடைகள் மற்றும் வெளிநாட்டவர்களுக்கு சொந்தமான பியர் கடைகள் சிறியவர்கள் மதுபான வகைகளை வாங்குவதை தடைசெய்யும் வேலையை நல்ல முறையில் செய்து வருவதே ஆகுமெனவும் தெரிவித்துள்ளார். 219 LCBO முகமை கடைகள் பல்பொருள் அங்காடிகளுக்குள் இருப்பதாகவும் ஆனால் அவை வழக்கமான மதுபான கடைபோல் பெரிதானதல்ல என்றும் கூறப்பட்டுள்ளது. லிபரல் 10 பலசரக்கு கடைகளுக்குள் LCBO எக்ஸ்பிரஸ் கிளைகளை மாதிரித் திட்டமாக ஆரம்பிக்க உள்ளதாக தெரியவந்துள்ளது.   பல்பொருள் அங்காடிகள் சங்கம் ஒன்ராறியோ பூராவும் 10,000 சில்லறை விற்பனையாளர்களையும் 75,000 ஊழியர்களையும் கொண்டுள்ளதாக தெரிவித்துள்ளனர்.

மேலும் படிக்கவும் 9 மறுமொழிகள் சுதர்சன் 31-10-2013

இந்தியப்பணக்காரர் பட்டியலில் ஷருக் கான்.

நாட்டின் மிகப் பெரிய பணக்காரர்கள் பட்டியலில் பாலிவுட் நடிகர் ஷாரூக் கான் இடம் பிடித்துள்ளார். ஹரூ‌ன் இந்தியா நிறுவனம் 1800 கோடி ரூபாய்க்கு மேல் சொத்து மதிப்பு கொண்டவர்கள் பட்டியலை வெளியிட்டுள்ளது. இந்த வரிசையில் ஷாரூக் கான் 114வது இடத்தில் இருப்பதாக தெரிவித்துள்ளது.  ஷாரூக் கானிடம் 2500 கோடி ரூபாய் சொத்து இருக்கிறதாம். ரெட் சில்லி என்டர்டெய்ன்மென்ட் என்ற பெயரில் சினிமா மற்றும் விளம்பர தயாரிப்பு நிறுவனம் நடத்தும் ஷாரூக்கான், திரைப்படங்கள், விளம்பரங்களில் நடித்தும் கோடிக்கணக்கான ரூபாய் வருமானம் பெறுகிறார். இந்தியாவின் முதல் 100 பணக்காரர்களிடம் மட்டும் 15,50,000 கோடி ரூபாய் மதிப்பிலான சொத்துக்கள் இருப்பதாகவும் அந்த நிறுவனம் தெரிவித்துள்ளது. இந்தியாவில் மும்பையில்தான் மிகப்பெரிய கோடீஸ்வரர்கள் 33 சதவிகிதம் பேர் இருக்கின்றனராம். டெல்லியில் 16 சதவிகிதம் பேரும், பெங்களூருவில் 11 சதவிகிதம் மிகப்பெரிய கோடீஸ்வரர்கள் இருப்பதாகவும் தெரிவிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 30-10-2013

ஒரேயடியாக பல வேலைகளை முடிக்கும் பெண்கள்.

பல வகையான வேலைகளை ஒரே நேரத்தில் கொடுக்கும் போது அதனை ஆண்களை விட பெண்களே மிகவும் வேகமாக செய்து முடிப்பதாக விஞ்ஞானிகள் கூறுகிறார்கள். அதாவது பல வேலைகளை ஒன்றாக கொடுத்து இவற்றை முடியுங்கள் என்று கூறினால், அவற்றை திட்டமிட்டு, எதனை முதல் செய்வது எதனை பின்னர் செய்வது என்று ஒழுங்கு படுத்திச் செய்வதில் ஆண்கள் மிகவும் தாமதமாக இருக்கிறார்கள் என்று பிரிட்டிஷ் உளவியல் நிபுணர்கள் கூறுகிறார்கள்.   ஆனால், இந்த விடயத்தில் இப்போது இரு கேள்விகள் இருப்பதாக அவர்கள் கூறுகிறார்கள். முதலாவது கேள்வி இது ஏன் என்பதாகும். அடுத்தது எந்த வேலையை கொடுத்தாலும் இந்த நிலைமைதானா அல்லது சில வேலைகளில் மாத்திரந்தான் இந்த நிலைமையா என்பதாகும்.   இதற்கான விடைகளை கண்டுபிடிக்கும் போதுதான் வேலைத்தளங்களை எப்படி ஏற்பாடு செய்வது என்பதில் சரியான திட்டங்களைத் தீட்ட முடியும். பல வேலைகளை ஒன்றாக அடுத்தடுத்து முடிப்பது என்பது வேலைத்தளங்களில் மிகவும் முக்கியமான ஒன்றாகும். ஆனால், அதுதான் எமது வேலை தொடர்ச்சியாக நடப்பதிலும் தாமதத்தை ஏற்படுத்துகிறது. முன்னைய ஆய்வுகள்   முன்னர் இந்த விடயங்களில் மேற்கொள்ளப்பட்ட ஆய்வுகள் வெவ்வேறான முடிவுகளைத் தந்துள்ளன. சீனாவில் நடந்த ஒரு ஆய்வில் பெண்கள், ஆண்களை விட பல வேலைகளை ஒன்றாக முடிப்பதில் மிகவும் வேகமனவர்கள் என்ற பதில் வந்திருக்கிறது. ஆனால் சுவீடனில் நடந்த ஆய்வில் ஆண்கள்தான் வேகமானவர்கள் என்ற முடிவு வந்திருக்கிறது.   இதற்காக இன்னுமொரு ஆய்வு நடத்தப்பட்டது. அதில் சில அலுவலக வேலைகளை, அதாவது மின்னஞ்சல்களை படிப்பது, அதற்கு பதிலளிப்பது, தொலைபேசிகளுக்கு பதிலளிப்பது, அடுத்தடுத்த கூட்டங்களில் கலந்துகொள்வது என பல வேலைகள் இருதரப்பாருக்கும் கொடுக்கப்பட்டது. அதேபோல வீட்டுவேலைகள், அதாவது, சமைப்பது, குழந்தைகளை பார்த்துக்கொள்ளவது, வீட்டு தொலைபேசி அழைப்புக்களுக்கு பதில் சொல்வது என்று பல வேலைகள் ஒன்றாக அவர்களுக்கு கொடுக்கப்பட்டது.   ஒற்றை வேலையைச் செய்வதில் இருவரும் சமம் இதில் ஒவ்வொரு வேலையாகச் செய்யச் சொன்னால், இரு தரப்பாரும் ஒரே வேகத்திலேயே செய்தார்கள். ஆனால் எல்லா வேலைகளை ஒன்றாகக் கொடுத்த போது, அவற்றை ஒவ்வொன்றாக செய்து முடிப்பதற்கும் ஒரு வேலையில் இருந்து அடுத்த வேலைக்கு மாறும் போதும் இருதரப்பாரும் சிரமப்பட்டார்கள், ஆனாலும் பெண்கள், ஆண்களை விட அவற்றை வேகமாக முடித்தார்கள். இந்த வேறுபாடு மிகவும் சிறியதுதான் என்றாலும், தொடர்ச்சியாக வாரக்கணக்கில் இவற்றைச் செய்யும்போது அது மிகவும் அதிகமாகிவிடும். நன்கு திட்டமிடும் பெண்களும் அவசரக்குடுக்கையான ஆண்களும்   அதன் பின்னர் 8 நிமிடத்துக்குள் சில வேலைகளை ஒன்றாக செய்ய வேண்டும் என்று இரு தரப்பாருக்கும் கொடுக்கப்பட்டது. உண்மையில் அந்த அனைத்து வேலைகளையும் 8 நிமிடத்தில் முடிக்க முடியாது. இப்போது, வேலைகளை ஆரம்பிப்பதற்கு முன்னதாக அவற்றை திட்டமிடுவதற்கு நீண்ட நேரத்தை பெண்கள் எடுத்துக்கொண்டார்கள், ஆனால் ஆண்கள் அவசரக் குடுக்கையாக, நிறைய யோசிக்காமல் வேலையில் குதித்துவிட்டார்கள்.  ஆனால் இங்கும் பெண்கள்தான்முன்னணியில் இருந்தார்கள். இதில் இருந்து எந்த அழுத்தமான நிலைமைகளிலும் நின்று நிதானமாகச் சிந்தித்து, திட்டமிட்டு, செயற்படும் திறன் பெண்களுக்கே அதிகம் என்ற முடிவுக்கு விஞ்ஞானிகள் வந்தார்கள். அதுமாத்திரமன்றி ஆண்களைப் பொறுத்தவரை அவர்கள், பல வேலைகளை ஒன்றாகக் கையாள்வதில் தாம் உண்மையில் எவ்வளவு திறமையானவர்களோ, அதனைவிட அதிகமாகவே தம்மிடம் திறமை இருப்பதாக அவர்கள் தம்மைப் பற்றி நினைத்துகொள்வதாகவும், ஆனால் பெண்களோ மறுபுறமாக, தமக்கு இந்த விடயங்களில் இருக்கும் உண்மையான திறமையின் அளவை விட குறைவாகவே தமக்கு திறமை இருப்பதாக அவர்கள் நினைத்துக்கொள்வதாகவும் விஞ்ஞானிகள் கூறுகிறார்கள். தம்மிடம் அதிக திறமை இருப்பதாக அளவுக்கு அதிகமாக ஆண்கள் நினைப்பதால்தான் அவர்கள் சிந்திக்காமலேயே வேலையைத் தொடங்கிவிட்டு முடிக்க முடியாமல் தடுமாறுகிறார்களாம்.

மேலும் படிக்கவும் மறுமொழி இல்லை சுதர்சன் 30-10-2013

உயிரோடு புதைக்கப்பட்ட சிறுமி தானாக வெளியேறிய மர்மம்.

பாகிஸ்தானில் அடையாளம் தெரியாத நபர்களால் கடத்தப்பட்டு, பாலியல் வன்கொடுமைக்கு உட்படுத்தப்பட்ட சிறுமி ஒருவர் உயிரோடு புதைக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.   லாகூரில் இருந்து 225 கி.மீ. தூரத்தில் இருக்கும் டோபா செக் சிங் மாவட்டத்தை சேர்ந்த 13 வயது சிறுமியை அடையாளம் தெரியாத இரு ஆண்கள் கடத்தினர். பின்னர் அச்சிறுமியை யாருமில்லாத இடத்திற்கு அழைத்து சென்ற அவர்கள் அங்கு அவரை பாலியல் வன்கொடுமைக்கு உட்படுத்தியுள்ளனர்.   இவர்களிடமிருந்து தப்பிக்க முயன்று சோர்ந்து மயக்கமான அந்த சிறுமியை பார்த்த இருவரும் சிறுமி இறந்துவிட்டதாக கருதி, அவரை சாலையோரம் ஒரு குழி தோண்டி புதைத்துள்ளனர். அந்த நபர்கள் அவ்விடத்தைவிட்டு வெளியேறிய பல மணி நேரம் கழித்து அந்த சிறுமிக்கு நினைவு திரும்பியுள்ளது. பின்னர் மிகுந்த சிரமத்திற்கு பிறகு, புதைக்கப்பட்ட குழியிலிருந்து தானாக வெளியே வந்த சிறுமி உதவிக்காக அப்பகுதி மக்களை அழைத்துள்ளார்.    உடனடியாக ஒரு மருத்துவமையில் அனுமதிக்கப்பட்ட அந்த சிறுமி தற்போது சிகிச்சை பெற்றுவருகிறார். இச்சம்பவம் தொடர்பாக வழக்கு பதிவு செய்த போலீசார் சிறுமியை பாலியல் வன்கொடுமைக்கு உட்படுத்தி உயிரோடு புதைத்த நபர்களை தேடி வருகின்றனர்.

மேலும் படிக்கவும் 2 மறுமொழிகள் சுதர்சன் 30-10-2013

பென்சிலில் நடிக்கும் இசையமைப்பாளர் GV பிரகாஷ்.

GV பிரகாஷ் தற்போது ‘பென்சில்’ என்ற படத்தில் கதாநாயகனாக நடித்து வருகிறார். இப்படத்தில் இவருக்கு ஜோடியாக ‘வருத்தப்படாத வாலிபர் சங்கம்’ படத்தில் நடித்த ஸ்ரீதிவ்யா நடிக்கிறார். மணி நாகராஜ் இயக்குகிறார்.  கதாநாயகன் அவதாரம் எடுத்துள்ள ஜீ.வி.பிரகாஷ் கதாநாயகிக்கு முத்தம் கொடுத்து நடிக்கக்கூடாது என அவரது மனைவி சைந்தவி நிபந்தனை விதித்திருக்கிறாராம். இதுகுறித்து ஜீ.வி.பிரகாஷ் கூறும்போது,    "‘பென்சில்’ படம் பள்ளி மாணவன் பற்றிய படம். இந்த படத்தின் கதை எனக்கு ஏற்ற விதத்தில் அமைந்ததால் நடிக்க ஒப்புக் கொண்டேன். கூத்துப்பட்டறையைச் சேர்ந்த பாபு மற்றும் ‘ஆடுகளம்’ நரேன் ஆகியோருடன் நடிப்பு பயிற்சி பெற்றுள்ளேன். நடிப்பதற்கு என் மனைவி சைந்தவி தடை ஏதும் சொல்லவில்லை.  ஆனால், எந்த நடிகையுடன் நடித்தாலும் உதடு முத்தம் கொடுத்து நடிக்கக்கூடாது. நெருக்கமான காட்சிகளில் நடிக்கக்கூடாது என நிபந்தனை விதித்திருக்கிறார். நான் நடிக்கும் படம் குடும்பத்தினருடன் அமர்ந்து பார்க்கும்படிதான் இருக்கும்.     நடிக்க வந்தாலும் நான் இசையமைப்பதை நிறுத்தமாட்டேன். தொடர்ந்து படங்களில் இசையமைப்பேன்" என்றார்.

மேலும் படிக்கவும் மறுமொழி இல்லை சுதர்சன் 29-10-2013

இதயத்தின் நண்பன் வெங்காயம்.

வெங்காயத்தின் காரத்தன்மைக்குக் காரணம் அதில் உள்ள “அலைல் புரோப்பைல் டை சல்பைடு” என்ற எண்ணெய். இதுவே வெங்காயத்தின் நெடிக்கும், நமது கண்களில் கண்ணீர் வருவதற்கும் காரணமாக அமைகிறது. வெங்காயத்தில் புரதச் சத்துக்கள், தாது உப்புக்கள், வைட்டமின்கள் ஆகியவை உள்ளன.  முருங்கைக்காயை விட அதிக பாலுணர்வு தரக்கூடியது. தினமும் வெங்காயத்தை மட்டும் சாப்பிட்டு நீண்ட காலம் ஆரோக்கியமாகவும், பாலுறவுத் திறத்தோடும், வாழ்ந்ததாக ஒரு நபர் கின்னஸில் இடம் பிடித்திருக்கிறார்.    வெங்காயம் ஒரு நல்ல மருந்துப் பொருள். இதை இதயத்தின் தோழன் என்றும் சொல்லலாம். இதிலுள்ள கூட்டுப் பொருட்கள் ரத்தத்தில் கொழுப்பு சேர்வதை இயல்பாகவே கரைத்து, உடலெங்கும் ரத்தத்தை கொழுப்பு இல்லாமல் ஓட வைக்க உதவி செய்கிறது.  குளவியோ, தேனீயோ கொட்டிவிட்டால் பயப்பட வேண்டாம். அவை கடித்த இடத்தில் வெங்காயத்தை எடுத்துத் தேய்த்தாலே போதும். வெங்காயத்தில் உள்ள ஒரு வகை என்சைம், கொட்டியதால் ஏற்படும் உடலின் வலியையும், அழற்சியையும் உண்டாக்குகின்ற ப்ராஸ்டாகிளாண்டின்ஸ் என்ற கூட்டுப் பொருளை சிதைத்து விடுகிறது. விஷத்தையும் முறித்து விடுகிறது.    சிறுநீர் அடக்கிவைக்கும் பழக்கம் ஆண்களை விட பெண்களிடம் அதிகம் உண்டு. அவ்வாறு சிறுநீரை அடக்குவதால் அதில் நுண்ணுயிரிகளின் உற்பத்தி அதிகமாகி, நோய் உண்டாகும் வாய்ப்பு அதிகரிக்கும். இந்த பழக்கத்தை தொடர்பவர்களுக்கு சிறுநீர்த்தாரைத் தொற்று வரும். இவர்கள், வெங்காயத்தை உணவில் அதிகமாகச் சேர்த்துக் கொண்டால் போதும். வெங்காயம் கழிவுப் பொருட்களை கரைத்து, அழற்சியைக் குறைத்து கழிவுகளை வெளியே தள்ளிவிடும். இதனால் சிறுநீர்த் தாரைத் தொற்றும் குறையும்.   யூரிக் அமிலம் அதிகமாக சிறுநீர்ப் பையில் சேர்ந்தால் கற்கள் தோன்றும், வெங்காயத்தை அடிக்கடி சாப்பிட்டால் அந்த கற்கள் கரைந்துவிடும்.   முதுமையில் வரும் மூட்டு அழற்சியை கட்டுப்படுத்தும் ஆற்றல் வெங்காயத்திற்கு உண்டு. இதற்கு வெங்காயத்தையும், கடுகு எண்ணெயையும் சேர்த்து மூட்டு வலி உள்ள இடத்தில் தடவினால் போதும். வலி குறைந்துவிடும்.  செ‌லினியச் சத்து இருப்பவர்களுக்குத்தான் கவலை, மன இறுக்கம், களைப்பு போன்ற பிரச்சனை தோன்றும். இதைத் தவிர்க்க சுலபமான வழி வெங்காயத்தில் இருக்கிறது. வெங்காயத்தை தொடர்ந்து உணவில் எடுத்து வந்தாலே போதும் தேவையான செலினியச் சத்து கிடைத்துவிடும். வெங்காயம் தவிர பூண்டையும் இதற்காக பயன்படுத்தலாம்.   சீதோஷ்ண நிலை மாறும்போது அடிக்கடி இருமல் வரும். நுரையீரல் அழற்சி, மூக்கு எரிச்சல் போன்றவையும் ஏற்படும். சிறிது வெங்காயச் சாற்றில் தேன் கலந்து சாப்பிட்டால் மேற்கண்ட பிரச்சனைகள் நீங்கும்.    புற்றுநோயைத் தடுக்கும் மருந்துப்பொருள் வெங்காயத்தில் இருப்பதாக சமீபத்திய ஆராய்ச்சியில் கண்டுபிடிக்கப்பட்டுள்ளது. புகைபிடித்தல், காற்று மாசுபடுதல், மன இறுக்கம் போன்றவற்றால் ஏற்படும் செல் இறப்புகள் செல் சிதைவுகளை இது சரிசெய்து விடுகிறது.  நாலைந்து வெங்காயத்தை தோலை உரித்து அதோடு சிறிது வெல்லத்தைச் சேர்த்து அரைத்து சாப்பிட பித்தம் குறையும், பித்த ஏப்பம் மறையும்.   வெங்காயத்தை வதக்கிச் சாப்பிட உஷ்ணத்தால் ஏற்படும் ஆசனக்கடுப்பு நீங்கும். 

மேலும் படிக்கவும் மறுமொழி இல்லை சுதர்சன் 29-10-2013

இந்திய விவசாயி தீக்குளிப்பு.

இலங்கையில் நடைபெறும் காமன்வெல்த் மாநாட்டிற்கு இந்திய வெளியுறவுத் துறை அமைச்சர் சல்மான் குர்ஷித் செல்லப்போவதாக வந்த அறிவிப்பினை அடுத்து ஆவேசமடைந்த விவசாயி கிருஷ்ணகிரியில் இன்று கலெக்டர் அலுவலகத்தில் தீக்குளித்தார். இதனால் அங்கு பரபரப்பு ஏற்பட்டது. கிருஷ்ணகிரி மாவட்டம் சின்னகவுண்டம்பட்டியைச் சேர்ந்த விவசாயி, ஜெயபால் (43), இன்று காலை திடீரென கிருஷ்ணகிரி மாவட்ட ஆட்சியர் அலுவலகம் முன்பு, தன் மீது மண்ணெண்ணெய் ஊற்றிக் கொண்டு தீக்குளித்தார். அப்போது அவர், இலங்கைக்கு இந்தியாவின் சார்பில் யாரும் செல்லக் கூடாது என்றும், கிருஷ்ணகிரி கேஆர் அணையில் இருந்து திண்டல் வழியாக வரும் பாசனக் கால்வாயினை அரூர் வரை நீட்டிக்கவும் கோரிக்கை விடுத்தார்.  பணியில் இருந்த போலீஸார், அவரைத்தடுத்து உடனே மருத்துவமனைக்குக் கொண்டு சென்று சிகிச்சைக்கு அனுமதித்தனர். இதனால், ஆட்சியர் அலுவலக வளாகத்தில் காலையில் பெரும் பரபரப்பு ஏற்பட்டது.

மேலும் படிக்கவும் மறுமொழி இல்லை சுதர்சன் 29-10-2013

மறுபடியும் புயல் காற்று டென்மார்க்கில்.

டென்மார்க்கில் மறுபடியும் புயல் காற்று ! ஸ்ரோவபெல்ற் மூடப்பட்டது ! டென்மார்க்கில் இன்று மதியத்தில் இருந்து மறுபடியும் வேகமான புயல் காற்று நாடு முழுவதும் வீச ஆரம்பித்துள்ளது. டென்மார்க்கின் தென்புறத்தை வந்தடைந்த காற்று தொடர் வேகம் பெற்றுச் செல்லும். அத்தோடு மேற்கு யூலன்ட் பகுதியில் கடுமையான தாக்கம் இருக்கும். வெதகாவற், லிம்பியோடன் பகுதியில் கடல் மட்டம் இரண்டு முதல் மூன்று மீட்டர்களுக்கு உயரும் என்றும் தெரிவிக்கப்படுகிறது. தற்போது மழையும் வேகமான காற்றும் ஓங்கி வீசிக்கொண்டிருக்கிறது. கடும் காற்று காரணமாக டென்மார்க் ஸ்ரோவபெல்ற் பாலம் சகலவிதமான கார்களின் போக்குவரத்திற்கும் இடமின்றி மூடப்பட்டுள்ளது. மூடப்பட்டுள்ள ஊயசுண்ட் பாலம் நாளை அதிகாலை ஐந்து மணிக்கு மறுபடியும் திறக்கப்படும் என்றும் தெரிவிக்கப்பட்டுள்ளது. பழைய லில்லபெல்ற் பாலத்தால் மட்டும் வாகனங்கள் அனுமதிக்கப்பட்டுள்ளன.இது வரை கிடைத்த தகவலின்படி 14 பேர் அவசரசிகிச்சைபிரிவிலும், 100 க்கும் அதிகமானோர் பல தரப்பட்ட விபத்துக்களில் சிகிச்சைபெறுகின்றனர்.வாகனவிபத்துக்கள் அதிகமானவை நடந்துள்ளது பதிவுகளின் விபரம் கைகளுக்கு எட்டவில்லை.தற்ப்போது ஓரளவு புயலின்வேகம் குறைந்தாலும் மக்களை தேவைகளில்லாமல் வீட்டைவிட்டு வெளியேறுவதை தவிர்க்கும் படி அறிக்கப்பட்டுள்ளது. .

மேலும் படிக்கவும் 1 மறுமொழி பண் த பாலா 28-10-2013

கபாலியாகிய கார்த்தியின் காளி.

காளி என்று பெயர் வைத்திருக்கிறார்கள் ரஞ்சித் இயக்கத்தில் கார்த்தி நடிக்கும் படத்துக்கு. படத்தின் பெயரை அறிவித்த போதே பெரிசுகள் மத்தியில் புகைச்சல் கிளம்பியது. காரணம் காளி என்ற பெயர்.   பத்ரகாளி என்ற பெயரில் தொடங்கப்பட்ட படத்தின் படப்பிடிப்பில் பெரிய அளவில் தீ விபத்து ஏற்பட்டது. ரஜினி நடித்த காளி படத்திலும் விபத்து ஏற்பட்டு பலர் உயிரிழந்தனர். காளி என்றாலே பழி நிச்சயம் என்பது தமிழ் சினிமா நம்பிக்கை.   இந்த ப்ளாஷ்பேக்கை கேட்டவர்கள் காளி என்ற பெயரை கபாலியாக்க முயற்சித்து வருகிறார்கள். கபாலி என்ற பெயர் ஏற்கனவே பதிவு செய்யப்பட்டிருப்பதால் கபாலியை எப்படி கவர்வது என்று யோசனையில் இருக்கிறார்கள்.

மேலும் படிக்கவும் மறுமொழி இல்லை சுதர்சன் 28-10-2013

8 வருடங்களாக தூக்கில் தொங்கிய வீட்டு உரிமையாளர்.

பிரான்சின் பாரீசில் உள்ள பிசி செயிண்ட் ஜார்ஜ் குடியிருப்பில் வசித்து வந்தவர் தாமஸ் நிகின் (வயது 52).    இவர் ஏராளமான பிரச்சினைகளை எதிர்கொண்டுள்ளதுடன், வேலை பார்த்த அலுவலகத்திலிருந்தும் பணிநீக்கம் செய்யப்பட்டார். இதனை தொடர்ந்து தனது இரண்டு அண்ணன்கள் மற்றும் இரண்டு சகோதரிகளுடனான தொடர்பினை முறித்துக்கொண்டார்.  அதன் பின் சில வருடங்களாக யாருடைய தொடர்பும் இல்லாமல் தனிமையில் வாழ்ந்து வந்த இவர் 2005 ஆம் ஆண்டு தூக்கிட்டு தற்கொலை செய்து கொண்டார். ஆனால் இவர் இறந்துவிட்டார் என்ற செய்தி யாருக்கும் தெரியவில்லை, மேலும் இவர் வசித்த வீடு அருகில் உள்ள வீடுகளோடு தொடர்பில்லாமல் தனித்து இருந்துள்ளது.  கடன் காரணமாக அவரது வீடும் வேறு ஒருவருக்கு விற்கபட்டது. இந்நிலையில் தற்போது அந்த வீட்டிற்கு குடிவந்த நபர் வீட்டினுள் சென்று பார்த்தவுடன் அதிர்ச்சியடைந்துள்ளார். நிகினின் உடலானது காய்ந்து போன நிலையில் தூக்கில் தொங்கியபடி கிடந்துள்ளது. இதனைத் தொடர்ந்து பொலிசாருக்கு தகவல் தெரிவிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 28-10-2013

வருடம் 40 கிலோ சீனியை உட்கொள்ளும் கனடியர்கள்.

பல ஆய்வுகள் நாம் உணவில் சேர்த்துக்கொள்கின்ற சீனி எவ்வளவு நஞ்சுத் தன்மை வாய்ந்தது என்பதை பல முறை மக்களுக்குப் புரிய வைத்துள்ளபோதும் உணவு உற்பத்தி தொழிற்சாலைகளும் சில மருத்துவர்களும் அதற்கு முக்கியத்துவம் கொடுத்து வருகின்றார்கள்.   பல ஆய்வுகளின் முடிவுகள் சீனி பல அபாயகரமான நோய்களுடன் தொடர்புகொண்டுள்ளது என வெளியிட்டுள்ளது. குறிப்பாக நீரழிவு, கான்சர், போன்ற பல நோய்களுக்கு வழிவகுக்கின்றது எனத் தெரிவிக்கப்பட்டுள்து. கனடிய சுகாதாரத் துறையினர் கனடிய உணவு உற்பத்தி நிறுவனங்கள் யாவும் உணவுகள் தயாரிக்கின்றபோது எவ்வளவு சீனி அதில் சேர்க்கப்பட்டதோ அவற்றை கண்டிப்பாக எழுதியிருக்கவேண்டும் எனத் n;தரிவித்துள்ளனர். சீனியிலுள்ள நச்சுத் தன்மையானது கலோரிஸ் அதிகரிப்பு என்பதைத் தாண்டி மனித இனத்திற்குப் பாதகமான விழைவுகளைத் தருகின்றது என டாக்டர் றொபேட் லூஸ்ரிக் என்பவர் தெரிவித்திருக்கின்றார் என்பதை சிபிசி தொலைக்காட்சி தெளிவாகக் காட்டியிருக்கிறது.   கனடியர்கள் அதிகளவான கொழுப்பு, உப்பு, என்பவற்றை உட்கொள்வதால் ஏற்படக் கூடிய நோய்களின் தாக்கங்கள் பற்றி பல வழிகளில் எச்சரிக்கப்படுகிறார்கள். ஆனால் அவற்றுள் சீனியினால் ஏற்படக் கூடிய அபாயங்கள் பற்றி விளக்கமளிக்கப்படுவதில்லை. அத்துடன் கனடிய சுகாதாரத் திணைக்களம் ஒரு நபர் ஒரு நாளைக்கு எவ்வளவை உட்கொள்ளலாம் என்பது பற்றிய அட்டவணையை வெளியிடவில்லை எனவும் தெரிவிக்கப்பட்டுள்ளது. புள்ளிவிபரத் திணைக்களத்தின் கணிப்பீடின்படி சராசரியாக ஒவ்வொரு கனடியரும் 26 தேயிலைக்கரண்டி சீனியை ஒவ்வொரு நாளும் உட் கொள்கின்றார்கள் எனவும் அதன்படி ஒரு வருடத்திற்கு ஒருவர் 40 கிலோகிறாம் நிறையுள்ள சீனியை உட் கொள்கின்றார்கள் எனத் தெரிவித்திருக்கின்றது.   ஆமெரிக்க அரசானது தனது மக்களை உட்கொள்ளும் சீனியின் அளவைக் குறைக்கும்படி கேட்டுக்கொள்கின்றது.

மேலும் படிக்கவும் மறுமொழி இல்லை சுதர்சன் 28-10-2013

நகைகளின் மோகங்கள்.

ஐந்து கிலோ தங்க நகை அணிந்த  மணப்பெண்! தனது திருமண வைபவத்தில் ஐந்து கிலோகிராம் தங்க நகை அணிந்து அனைவரையும் வியக்கவைத்துள்ளார் ஒரு இந்தியப் பெண்மணி. கேரளாவில் உள்ள முத்தூட் தங்க நிதி நிறுவனத்தின் உரிமையாளரின் மகளே இவ்வாறு தனது திருமண வைபவத்தின்போது தங்கத்தில் குளித்துள்ளார். அனைவரது கவனத்தையும் ஈர்க்கும் வகையில் அத்தனை நகைகளும் மிக நேர்தியாக வடிவமைக்கப்பட்டிருந்ததாக திருமண வைவவத்தில் கலந்துகொண்டவர்கள் பாராட்டுத் தெரிவி்த்தனர். அந்த தங்க மகளை நீங்கள் இங்கே காணலாம்.

மேலும் படிக்கவும் 1 மறுமொழி பண் த பாலா 27-10-2013

யாழ்.போதனா வைத்தியசாலையில்

யாழ்.போதனா வைத்தியசாலையில் இந்திய இராணுவத்தினால் தாக்குதலுக்கு இலக்காகி உயிரிழந்தவர்களின் 26ஆவது நினைவு தினம்!   யாழ்.போதனா வைத்தியசாலையில் பணியில் இருந்தபோது இந்திய இராணுவத்தினால் தாக்குதலுக்கு இலக்காகி உயிரிழந்தவர்களின் 26ஆவது நினைவு தினம் யாழ்.போதனா வைத்திய சாலையில் உணர்வுபூர்வமாக நடைபெற்றது. யாழ்.போதனா வைத்தியசாலையின் ஊழியர்களால் ஏற்பாடு செய்யப்பட்ட இந்நிகழ்வில் உயிரிழந்தவர்களின் உறவினர்கள், யாழ்.போதனா வைத்திய சாலையின் பணிப்பாளர் திருமதி பசுபதிராஜா பவானி, பதில் பணிப்பாளர் பவானந்தராஜா, தாதிய உத்தியோகஸ்தர்கள், வைத்தியர்கள், ஊழியர்கள் உட்பட பொது மக்கள் பலரும் கலந்து கொண்டிருந்தனர். கடந்த 1987 ஆம் ஆண்டு ஒக்டோபர் மாதம் 21 ஆம் திகதி யாழ்.போதனா வைத்திய சாலையில் இந்திய இராணுவத்தினால் தாக்குதல் மேற்கொள்ளப்பட்டிருந்தது. இதன் போது வைத்தியசாலையில் உள்ள நோயாளர்களை அங்கிருந்து பாதுகாப்பாக வெளியேற்றும் நடவடிக்கையில் ஈடுபட்டிருந்த வைத்தியர்கள் 21 பேர் மற்றும் ஊழியர்கள் கொடூரத் தாக்குதலுக்கு இலக்காகி உயிரிழந்தனர். அத்துடன் நோயாளர்களும் உயிரிழந்திருந்தனர். இவ்வாறு பணியில் இருந்தபோது உயிரிழந்த வர்ளின் நினைவாக அவர்கள் உயிரிழந்த இடத்தினை நினைவுபடுத்தும் முகமாகவும், அவர்களுக்கு அஞ்சலி செய்து மரியாதை செலுத்தும் முகமாகவும், யாழ்.போதனா வைத்தியசாலையில் எக்ஸ்ரே சிகிச்சைப் பிரிவுவில் உயிரிழந்தவர்களின புகைப்பங்கள் வைக்கப்பட்டது. இந்நிகழ்வில் கலந்து கொண்டு தனது அஞ்சலியினை செலுத்தி உரையாற்றி யாழ்.போதனா வைத்தியசாலை பிரதிப் பணிப்பாளர் பவானந்தராஜா: யாழ்.போதனா வைத்தியசாலையில் பணிசெய்து கொண்டிந்தபோது இறந்தவர்களுக்கு அஞ்சலி செலுத்தும் முகமாகவே இந்நிகழ்வு இங்கு நடைபெறுகின்றது. வேறு எந்த நோக்கங்களுக்காகவும் இந்நிகழ்வு இங்கு அனுஸ்ரிக்கப்படவில்லை. இந்த ஊழியர்கள் வைத்தியசாலையில் சிகிச்சை பெற்றுவந்த எமது நோயாளர்களை மீட்பதற்காக அங்த நேரத்தில் இருந்த மிகுந்த போக்குரத்து கஸ்ரங்களின் மத்தியிலும், வைத்திய சாலைக்கு வந்து சேவை செய்வதற்கு வந்த சமயம் உயிரிளந்தது துரதிஸ்ரவசமான செயலாகும். எனவே உயிரிழந்தவர்களை நினைவுகூர்ந்து எமது ஊழியர்களால் அஞ்சலி செலுத்தும் நிகழ்வினை நடாத்துவது உயிரிழந்தவர்களின் சேவையினை மதிப்பதும், அவர்களுக்கு நாம் செய்யும் அஞ்சலியு மாகும். இத்தினத்தில் ஏனைய நோயாளர்களும் உயிரிழந்துள்ளார்கள் அவர்களுக்கு அஞ்சலியினை செலுத்த வேண்டும். என்றும் அவர் தெரிவித்தார்.  

மேலும் படிக்கவும் 4 மறுமொழிகள் பண் த பாலா 27-10-2013

வீட்டை விட்டு ஓடிப்போய் திருமணம் செய்த பெண்கள்.

பீகாரை சேர்ந்த இரண்டு இளம்பெண்கள் அவர்களின் வீட்டை விட்டு வெளியேறி திருமணம் செய்துக்கொண்ட சம்பவம் அப்பகுதியில் பரபரப்பை ஏற்படுத்தியுள்ளது.   பள்ளிப்பருவம் முதலே நெருங்கிய தோழிகளாக இருந்த இவர்களின் நட்பு காதலாக மாறியுள்ளது.   இவர்களின் இந்த நெருக்கத்தை கண்டித்த பெற்றோர்கள், அவர்களை பிரிக்கவும் முயற்சி செய்துள்ளனர். ஆண்-பெண் காதலை போன்று அனைத்து பிரச்சனைகளையும் சந்தித்த இவர்கள் அக்டோபர் மாதம் 4 ஆம் தேதி வீட்டை விட்டு வெளியேறினர். இச்சம்பவத்திற்கு பின்னர் இரு பெண்களில், ஒரு பெண்ணின் பெற்றோர் மற்றொரு பெண் வீட்டார் மீது கடத்தல் புகார் அளித்தனர். இதை அடுத்து இரண்டு பெண்களையும் தேடிவந்த போலீசார், அவர்கள் இருவரும் திருமணம் செய்துக்கொண்டு, விடுதி ஒன்றில் வசித்துவருவதை தெரிந்துக்கொண்டனர்.   அவர்களது செல்போனை வைத்து அவர்களை கண்டுப்பிடத்த போலீசார் அவர்கள் பாட்னா நீதிமனறத்தில் ஆஜர்படுத்தபடுவார்கள் என தெரிவித்துள்ளனர்.   பீகாரில் நடைபெற்ற முதல் ஓரின சேர்க்கை திருமணம் இதுதான் என்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 27-10-2013

சம்பளத்தை விட கதைக்கு முக்கியம் கொடுக்கும் சிவா கார்த்திகேயன்.

கோலி­வுட்டின் இப்­போ­தைய முன்­னணி நடி­கர்­களில் சிவ கார்த்­தி­கே­யனும் ஒருவர். ஹன்­சி­கா­வுடன் சேர்ந்து ஒரு படத்தில் தற்­போது நடித்து வரு­கிறார்.    இது தவிர மேலும் சில வாய்ப்­பு­களை கைவசம் வைத்­துள்ளார். சமீ­பத்தில் ஒரு பெரிய பேனரில் ஹீரோ­வாக நடிப்­ப­தற்கு சிவா­வுக்கு அழைப்பு வந்­த­தா­கவும் சம்­பளம் குறை­வாக இருந்­ததால் அதை அவர் ஏற்க மறுத்து விட்­ட­தா­கவும் பர­ப­ரப்­பான தக­வல்கள் வெளி­யா­கின.  ஆனால் சிவா, அதை மறுத்­துள்ளார். ‘குறிப்­பிட்ட பேனரில் இருந்து, யாரும் என்னை அணு­கவே இல்லை.    தவ­றான தக­வல்­களை பரப்பி விட்­டனர். சம்­ப­ளத்­துக்­காக எந்த ஒரு நல்ல பட வாய்ப்­பு­க­ளையும் இழப்­ப­தற்கு நான் தயா­ரில்லை.    எனக்கு சம்­பளம் முக்­கி­ய­மில்லை; கதைதான் முக்­கியம்’ என ஒரு பேட்­டியில் விளக்­க­ம­ளித்­து உள்ளார் சிவா. 

மேலும் படிக்கவும் மறுமொழி இல்லை சுதர்சன் 26-10-2013

விளையாட்டுத்துவக்கு வைத்திருந்த சிறுவனை சுட்டுக்கொன்ற பொலிஸ்.

அமெரிக்காவில் உள்ள கலிபோர்னியா மாகாணத்தில் சாந்தாரோசா என்ற நகரம் உள்ளது. இந்த ஊரை சேர்ந்த சிறுவன் ஆண்டிலோ பாஸ் (வயது 12). இவன் தனது நண்பருடைய பொம்மை துப்பாக்கி ஒன்றை எடுத்து விளையாடி கொண்டிருந்தான். இதை பார்த்த சிலர் அவன் உண்மையான துப்பாக்கியை வைத்து மிரட்டுவதாக கருதி போலீசுக்கு தகவல் கொடுத்தனர். போலீசார் அந்த இடத்துக்கு விரைந்து வந்து சிறுவனை சுற்றி வளைத்து துப்பாக்கயை கீழே போடும்படி கூறினார்கள். ஆனால் அவன் துப்பாக்கியை கீழே போடவில்லை. எனவே போலீசார் அவனை நோக்கி துப்பாக்கியால் சுட்டனர். 7 முறை துப்பாகி சூடு நடத்தினார்கள். இதில் அந்த இடத்திலேயே அவன் உயிரிழந்தான். துப்பாக்கி சூடு நடத்தியபோது அருகில் இருந்த 3 பேர் காயமடைந்தனர். அவன் வைத்திருந்தது உண்மை துப்பாக்கி என கருதி போலீசார் அவனை சுட்டு கொன்று விட்டனர்.

மேலும் படிக்கவும் மறுமொழி இல்லை சுதர்சன் 26-10-2013

ஒரு மணி நேரத்தில் எயிட்ஸை கண்டுபிடிக்கலாம்.

அமெரிக்காவில் எய்ட்ஸ் நோயை 1 மணி நேரத்தில் கண்டறியும் முறையை அறிமுகப்படுத்தியுள்ளனர்.    அமெரிக்காவின் பாஸ்டன் நகரில் உள்ள நானோபயோசிம் என்ற நிறுவனமானது ஜீன் ராடார் என்னும் புதிய வகை கருவியை அறிமுகபடுத்தியுள்ளது.    மரபணு ராடார் (ஜீன் ராடார்) என்னும் இந்த கருவி, ஒரு மணி நேரத்தில் எய்ட்ஸ் நோயைக் கண்டறியக் கூடியதாகும். மிகவும் குறைந்த செலவில் எய்ட்ஸ் நோயை கண்டறியும் இக்கருவி ஒரு ஐ- பாட் அளவில் தான் உள்ளது.  ஒரு மனிதனின் ரத்தம், உமிழ்நீர் அல்லது உடல் திரவத்தில் ஏதாவது ஒரு துளி எடுத்து நானோசிப்பில் வைத்து இந்தக் கருவியின் மூலம் பரிசோதித்தால் ஒரு மணி நேரத்தில் எய்ட்ஸ் நோயைக் கண்டறிய முடியும் என்பது இதன் சிறப்பம்சமாகும்.   பொதுவாக எய்ட்ஸ் குறித்து செய்யப்படும் பரிசோதனையின் முடிவுகள் வெளிவர ஆறு மாதங்களாகும். அமெரிக்காவில் 200 டாலர் செலவில் குறைந்தது இரண்டு வாரங்கள் கழித்தே இதன் முடிவுகளைத் தெரிந்து கொள்ள இயலும்.  ஆனால் இந்த மரபணு ராடார் உபயோகிப்பதன் மூலம் 50லிருந்து 100 மடங்கு குறைவான கட்டணத்தில் ஒரு மணி நேரத்திலேயே சோதனை முடிவுகளைத் தெரிந்து கொள்ள இயலும் என்று நானோபயோசிம் நிறுவனத்தின் தலைமை செயல் அதிகாரியும், தலைவருமான டாக்டர் அனிதா கோயல் தெரிவித்துள்ளார்.   இந்த கருவியால் எய்ட்ஸ் நோயை கண்காணிக்கவும், கட்டுப்படுத்தவும் முடியும் என்றும் இணையதளம் மூலமும் இதன் பயன்பாட்டைப் பெறமுடியும் எண்டும் தெரிவிக்கப்பட்டுள்ளது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 26-10-2013

கல்யாணத்தை தாமதப்படுத்தும் ஹன்சிகா.

தொடர்ந்து வாய்ப்புகள் வருவதால் சிம்புவுடனான திருமணத்தை தள்ளிப் போட்டிருக்கிறார் ஹன்சிகா.   தற்போது சிவ கார்த்திகேயனுடன் மான் கராத்தே, சுந்தர் சி.யுடன் அரண்மனை ஆகிய இரு படங்களில் நடித்து வருகிறார் ஹன்சிகா. தமிழில் இவை தவிர மூன்று முக்கிய படங்களில் நடிக்க பேச்சு வார்த்தை நடந்து வருகிறது. இந்நிலையில் தெலுங்கில் ரவி தேஜாவின் புதிய படத்தில் நடிக்க கமிட்டாகியிருக்கிறார். இது ஹன்சிகாவே எதிர்பார்க்காத பெ‌ரிய வாய்ப்பு. மேலும் சில தெலுங்கு வாய்ப்புகள் ஹன்சிகாவை தேடி வந்துள்ளதாக ஆந்திர படவுலகு தெ‌ரிவிக்கிறது.   வாய்ப்புகள் வ‌ரிசைக்கட்டி வருவதால் சிம்புவுடன் தற்போதைக்கு திருமணம் இல்லை என முடிவெடுத்திருக்கிறாராம். 

மேலும் படிக்கவும் மறுமொழி இல்லை சுதர்சன் 25-10-2013

முதல் 13 இந்தியர்.

ஏழை எளிய மக்களின் பணத்தை கொள்ளை அடித்து சுவிஸ் வங்கியிலே கருப்பு பணமாக வைத்திருக்கும் முதல் 13 இந்தியர்களின் பெயர் விபரங்களை விக்கி லீக்ஸ் வெளியிட்டு உள்ளது . ராஜ் பவுண்டேசன்..........1,89,008 கோடி  அர்சத்மேதா.................1,35,800 கோடி  லல்லு பிரசாத் யாதவ்.........28,900 கோடி  ராஜீவ் காந்தி..................19,800 கோடி  கருணாநிதி....................35,000 கோடி  சிதம்பரம்.......................32,000 கோடி  சரத் பவார்.....................28,000 கோடி  கலாநிதி மாறன்...............15,000 கோடி  HD குமாரசாமி................14,500 கோடி  JM சிந்தியா......................9,000 கோடி  கேடன் பிரகாஷ்..................8,200 கோடி  A ராஜா...........................7,800 கோடி  சுரேஷ் கல்மாடி..................5,900 கோடி  

மேலும் படிக்கவும் 4 மறுமொழிகள் பண் த பாலா 25-10-2013

சரண்யா மோகனை எதிர்த்து பேசிய தயாரிப்பாளர்.

கேரளாவிலிருந்து வரும் துக்கடா நடிகைகளும் தமிழக எல்லைக்குள் வந்ததும் எகதாளமாக பேச ஆரம்பித்துவிடுகிறார்கள். சரண்யா மோகன் என்ற சுண்டைக்காய் நடிகையே தயா‌ரிப்பாளரை எதிர்த்துப் பேசியிருக்கிறார் என்றால் பார்த்துக் கொள்ளுங்கள்.   மலையாளத்தில் எக்ஸ்ட்ரா நடிகை லெவலில் பார்க்கப்படுகிறவர் இந்த சரண்யா மோகன். வழக்கம் போல இங்கு அவரை கதாநாயகியாக்கினர். அவர் நடித்த கோலாகலம் படத்தின் ஆடியோ வெளியீட்டு விழாவுக்கு வருந்தி அழைத்தும், நடிப்பதுதான் என் வேலை, விளம்பரம் பண்ணிக்கிறது உங்க வேலை என்று தெனாவெட்டாக பேசி விழாவுக்கு வரவில்லை.  உலகமெங்கும் ஒரு படத்தின் விளம்பர நிகழ்ச்சிகளில் அப்படத்தில் நடிப்பவர்கள் பங்கு பெறுகிறார்கள், படத்தை மக்களிடம் கொண்டு சேர்க்க பணம் எதுவும் அவர்கள் வாங்கிக் கொள்வதுமில்லை. ஹந்தியிலும் அப்படிதான். ஆனால் தமிழில் மட்டும் பிற மொழி நடிகைகள் ஆடியோ வெளியீட்டுக்கே வராமல் அடம் பிடிக்கிறார்கள். அப்படியான நடிகைகளை தூக்கியெறியும் துணிச்சல் இங்குள்ள தயா‌ரிப்பாளர்களுக்கும், இயக்குனர்களுக்கும் இல்லை. நடிக்க ஒப்பந்தம் போடும் போதே, விளம்பர நிகழ்ச்சிகளில் கலந்து கொள்ள வேண்டும் என்று கறாராக ஒருவ‌ரியை சேர்க்காமல் கடைசி நேரத்தில் ஆடியோ விழா மேடையில் குத்துதே குடையுதே என்று இவர்கள் ஒப்பா‌ரி வைப்பதில் எந்த‌ப் பயனும் இல்லை.

மேலும் படிக்கவும் மறுமொழி இல்லை சுதர்சன் 24-10-2013

போதை ஏற்றும் விசுகோத்து.

குழந்தைகள் முதல் பெரியவர்கள் வரை விரும்பி சாப்பிடுவதாக விளம்பரப்படுத்தப்படும் பிஸ்கட்களில் ஒன்று தான் ஓரியோ(OREO). மயக்கத்தை எற்படுத்திவிடும் விளமபரங்களை போலவே இந்த பிஸ்கெட்டில் போதை ஏற்றக்கூடிய கோகைன் உள்ளதாக ஒரு அதிர்ச்சி ஆய்வு கூறுகிறது. மளிகை வாங்க சென்றால் குவியலாக குழந்தைகளை சீண்டும் வகையில் இந்த பிஸ்கெட்டுகள் மார்கெட்டில் அளவுக்கு அதிகமாகவே இருக்கிறது.    இந்த பிஸ்கட்டை போன்றே பல நிறுவனங்களும் புதிதாக கிரீம் பிஸ்கெட்களை அறிமுகப்படுத்தியுள்ளன.   ஆனால் ஓரியோ பிஸ்கெட்களை சாப்பிடும் குழந்தைகளின் மூளை கோகைன் போதைப் பொருளை உண்ட உற்சாகத்தை அடைவதாக அமெரிக்க ஆய்வாளர்கள் கண்டறிந்துள்ளனர். இது தொடர்பாக கனெக்டிகட் கல்லூரியைச் சேர்ந்த அறிவியல் ஆய்வாளர்கள் ஓரியோ பிஸ்கெட்டை எலிகளுக்கு சாப்பிடக் கொடுத்து ஆய்வு மேற்கொண்டனர். அப்போது மூளைச் செல்களில் கோகைன் உட்கொண்டது போன்ற மாற்றம் ஏற்பட்டது. மேலும் ஓரியோ பிஸ்கட்டில் அதிக சர்க்கரையும், அதிக கொழுப்பும் அடங்கியிருப்பதாகவும் ஆய்வாளர்கள் தகவல் தெரிவித்துள்ளனர்.   மேலும் மேலும் சாப்பிட தூண்டும் வகை சுவையை தரும் இந்த பிஸ்கெட் குழந்தைகளை அடிமையாகவே ஆக்கிவிட்டது. இந்த ஆய்வின் முடிவை அடுத்து பெற்றோர்கள் அதிர்ச்சியடைந்துள்ளனர்.

மேலும் படிக்கவும் 2 மறுமொழிகள் சுதர்சன் 24-10-2013

மொட்டைத்தலைக்கு நிவாரணம்.

ஆண்களின் மிகப்பெரிய பிரச்சனைகளில் ஒன்றாக வழுக்கை பார்க்கப்படுகிறது. உலகில் இதனை தடுக்க விரும்பாத ஆண்களே இல்லை எனலாம்.   தலைப்பாகை துவங்கி, தொப்பியாக வளர்ந்து இன்றைய விக் வரை வழுக்கையை மறைக்க ஆண்கள் பலவகையான தந்திரங்களை கையாண்டு வந்திருக்கிறார்கள்.    வழுக்கையை தடுக்கும் மருந்துகள், முடி உதிராமல் தடுக்கும் மருந்துகள், உதிர்ந்த முடி வளர்க்கும் மருந்துகள், கடைசியாக முடிமாற்று அறுவை சிகிச்சை முறை என்று பலவகையான மருத்துவ தீர்வுகள் கண்டுபிடிக்கப்பட்டிருந்தாலும் இவை எதுவுமே வழுக்கை பிரச்சனைக்கான நீடிக்கத்தக்க நிரந்தர தீர்வை தரவில்லை என்றே பார்க்கப்படுகிறது. ஆனால் வழுக்கைக்கான நிரந்தர தீர்வை தாங்கள் நெருங்கிவிட்டதாக கூறுகிறார்கள் விஞ்ஞானிகள். ஐரோப்பாவில் இருக்கும் டர்ரம் பல்கலைக்கழகமும், அமெரிக்காவின் கொலம்பியா பல்கலைக்கழக மருத்துவ மையமும் இணைந்து செய்த ஆய்வின் முடிவில், மனிதர்களின் முடியை செயற்கையாக வளர்ப்பதற்கான புதிய உத்தி கண்டுபிடிக்கப்பட்டிருப்பதாக அறிவிக்கப்பட்டிருக்கிறது.   அதாவது மனிதர்களின் முடியின் அடிப்பகுதியில் இருக்கும் நுண்ணிய திசுக்களை எடுத்து, அவற்றை பரிசோதனைக்கூடத்தில் ஊட்டச்சத்து மிக்க சூழலில் வளர்த்து, அப்படி வளர்க்கப்பட்ட அந்த திசுக்களை வழுக்கையான பகுதியில் இருக்கும் தோலுக்கு அடியில் வைத்தால், அந்த பகுதியில் இருந்து புதிதாக முடிவளர்க்க முடியும் என்று இந்த விஞ்ஞானிகள் செய்து காட்டியிருக்கிறார்கள்.   மொத்தம் ஏழுபேரிடம் செய்த பரிசோதனைகளில், ஐந்துபேருக்கு ஆறுவாரங்களில் புதிய முடி வளர்வதை இவர்கள் கண்டிருக்கிறார்கள். அதே சமயம், இந்த பரிசோதனைகள் ஆரம்பகட்டத்தில் இருப்பதாக தெரிவித்திருக்கும், டர்ரம் பல்கலைக்கழக பேராசிரியர் கோலின் ஜஹோடா, தமது இந்த ஆய்வின் முடிவுகள் வழுக்கைத் தலையர்களுக்கு பயன்படுவதற்கு கடக்கவேண்டிய தடைகள் இன்னும் சில இருக்கின்றன என்கிறார்.   ஆனாலும் இந்த ஆய்வின் முடிவு, வழுக்கையை முழுமையாக நிரந்தரமாக குணப்படுத்த முடியும் என்பதற்கான சாத்தியப்பாட்டை நிகழ்த்திக்காட்டியிருப்பதாக கூறுகிறார் அவர்.

மேலும் படிக்கவும் மறுமொழி இல்லை சுதர்சன் 24-10-2013

விருதுகளை வென்ற பரதேசி.

லண்டனில் நடந்த சர்வதேச திரைப்பட விழாவில் பாலாவின் பரதேசிக்கு இரு விருதுகள் கிடைத்துள்ளன.   டேனியலின் ரெட் டீ நாவலை தழுவி பாலா பரதேசியை எடுத்திருந்தார். நாஞ்சில்நாடன் வசனம். பல விருதுகளை எதிர்பார்த்த இப்படம் தேசிய விருதில் சிறந்த ஆடை வடிவமைப்புக்கான விருதை மட்டுமே வென்றது. லண்டன் சர்வதேச திரைப்பட விழாவில் சிறந்த இயக்குனர். சிறந்த படம் உள்பட 8 பி‌ரிவுகளில் ப‌‌ரிந்துரைக்கப்பட்டது. அதில் இரண்டு பி‌ரிவுகள் ப‌ரிசு வென்றுள்ளதாக திரைப்பட விழாவின் அதிகார ட்விட்டர் பக்கத்தில் தெ‌ரிவிக்கப்பட்டுள்ளது.    சிறந்த ஆடை வடிவமைப்புக்காக பூர்ணிமா ராமசாமியும், சிறந்த ஒளிப்பதிவுக்காக செழியனும் தேர்வு செய்யப்பட்டுள்ளனர்.  

மேலும் படிக்கவும் மறுமொழி இல்லை சுதர்சன் 23-10-2013

அண்ணனின் மூளையை களவாடிய தம்பி.

அமெரிக்காவின் முன்னாள் அதிபர் ஜான் எப் கென்னடியின் மூளையை அவரது தம்பி திருடி இருக்கலாமென ஒரு புத்தகத்தில் தெரிவிக்கப்பட்டுள்ளது.    அமெரிக்காவின் முன்னாள் அதிபரான இருந்தவர் ஜான் எப் கென்னடி. இவர் கடந்த 1963 ஆம் ஆண்டு நவம்பர் 22 ஆம் தேதி சுட்டுக்கொல்லப்பட்டடார்.   ஜேம்ஸ் சுவான்சன் என்பவர் கென்னடி கொல்லப்பட்டது குறித்து ‘என்ட் ஆப் டேஸ்’ என்ற பெயரில் புத்தகம் எழுதி வெளியிட்டுள்ளார். அதில் சுட்டுக் கொல்லப்பட்ட கென்னடியின் உடல் அடக்கம் செய்யப்பட்டபோது அவரது மூளையும் உடன் சேர்ந்து புதைக்கப்படவில்லை. மரணமடைவதற்கு முன் கென்னடி எவ்வளவு உடல் பாதிக்கப்பட்டிருந்தார், எவ்வகையான மருந்துகளை எடுத்துக்கொண்டார் என்னும் தகவல்களை அழிக்கும் பொருட்டு கென்னடி மூளையை அவரது தம்பி ராபர்ட் கென்னடி திருடி விட்டார், 1966 ஆம் ஆண்டு அக்டோபர் மாதம் கென்னடியின் மூளை மற்றும் பிற திசுக்களின் மாதிரிகள் காணாமல் போனது தெரியவந்தது.   ஆனால், இன்றுவரை அதனை கண்டுப்பிடிக்க இயலவில்லை என அவர தெரிவித்திருப்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 23-10-2013

ஐன்ஸ்டீனின் கடிதம் 4 லட்சம் வெள்ளிகளுக்கு ஏலம்.

அமெரிக்காவின் பல்கலைக்கழக மாணவர் ஒருவருக்கு பிரபல இயற்பியல் விஞ்ஞானி ஆல்பர்ட் ஐன்ஸ்டீன் எழுதிய இரு கடிதங்கள் 4 லட்சம் டொலர் வரை ஏலம் போகும் என “நியூயார்க் போஸ்ட்’ பத்திரிக்கை தெரிவித்துள்ளது.   1938-ஆம் ஆண்டு, கொலம்பியா பல்கலைக்கழகத்தில் படித்துக்கொண்டிருந்த ஹெர்பர்ட் ஈ சால்ஸர் என்பவர் இயற்பியலில் ஒப்பிணைவு குறித்த ஐன்ஸ்டீனின் கோட்பாட்டில் உள்ள பிழை குறித்து அவருக்கு ஒரு கடிதம் எழுதியிருந்தார்.   அதற்கு பதிலளித்து, ஆகஸ்ட் 29-ஆம் தேதி ஒரு கடிதத்தையும், செப்டம்பர் 13-ஆம் தேதி மற்றொரு கடிதத்தையும் ஐன்ஸ்டீன் அனுப்பியிருந்தார். இரண்டாவது கடிதத்தில், சால்ஸர் கூறியதுதான் சரி என்றும், தான் தவறு செய்திருந்ததாகவும் பெருந்தன்மையுடன் அவர் ஒப்புக்கொண்டிருந்தார்.   பிற்காலத்தில், கணிதவியல் வல்லுநராகவும், விஞ்ஞானியாகவும் திகழ்ந்த சால்ஸர், 2006-ஆம் ஆண்டு காலமானார். இந்நிலையில், அவரிடமிருந்த ஐன்ஸ்டீனின் இரு கடிதங்களும் வரும் நவம்பர் 7-ஆம் தேதி நியூயார்க்கிலுள்ள கர்ன்ஸீ ஏல மையத்தில் ஏலத்துக்கு வரவிருப்பதாகவும், அவை 4 லட்சம் டொலர் வரை விலை போகக்கூடும் என்றும் “நியூயார்க் போஸ்ட்’ பத்திரிக்கை செய்தி வெளியிட்டுள்ளது.

மேலும் படிக்கவும் மறுமொழி இல்லை சுதர்சன் 23-10-2013

விஜய் பாடும் ஜில்லா பாடல்.

நடிகர் விஜய் நடித்து வரும் ‘ஜில்லா’ படத்தில் டி.இமான் இசையமைப்பில் ஒரு மெலடி பாடலை பாடகி ஸ்ரேயா கோஷலுடன் இணைந்து பாடவிருக்கிறாராம். ஏற்கெனவே இமான் இசையில் ‘தமிழன்’ படத்தில் நாயகி பிரியங்கா சோப்ராவுடன் இணைந்து விஜய் ஒரு பாடல் பாடியிருக்கிறார் என்பது குறிப்பிடத்தக்கது.  ‘ஜில்லா’ படத்தில் விஜய்-க்கு ஜோடியாக காஜல் அகர்வால் நடிக்கிறார். புதுமுக இயக்குனர் நேசன் இயக்குகிறார். இப்படத்தின் படப்பிடிப்பு விறுவிறுப்பாக நடைபெற்றுக் கொண்டிருக்கிறது. வரும் பொங்கலுக்கு படத்தை வெளியிட முடிவு செய்துள்ளனர். 

மேலும் படிக்கவும் மறுமொழி இல்லை சுதர்சன் 22-10-2013

கப்பலில் வந்திறங்கிய கனடா அகதிகளின் தொடரும் அவலம்.

Sun Sea  கப்பலில் கனடா சென்றடைந்த இலங்கை அகதிகளின் அவலங்களுக்கு இன்னம் தீர்வு கிட்டவில்லை என கனேடிய இணைய தளமொன்று செய்தி வெளியிட்டுள்ளது.   கப்பலில் பயணம் செய்த மேரி கிறிஸ்துராஜ் என்ற பெண்ணுக்கு அகதி அந்தஸ்து வழங்கிய அதிகாரிகள், அவரது கணவருக்கு அகதி அந்தஸ்து மறுத்துள்ளது. இதனால் குணா கிறிஸ்துராஜ் என்ற குறித்த நபர் நாடு கடத்தப்பட உள்ளார். 2010ம் ஆண்டு ஆகஸ்ட் மாதம் சன் சீ என்ற கப்பலில், 492 இலங்கை அகதிகள் கனடாவைச் சென்றடைந்திருந்தனர்.   இதேவேளை, சட்டவிரோத ஆட்கடத்தல்காரர்களுக்கு இடமளிக்கப்பட மாட்டாது என அரசாங்கம் அறிவித்துள்ளது. அகதிகளின் மனித உரிமைகள் மீறப்படுவதாக அவர்களது சட்டத்தரணிகள் சுட்டிக்காட்டியுள்ளனர்.  

மேலும் படிக்கவும் மறுமொழி இல்லை சுதர்சன் 22-10-2013

நீண்ட நேரம் தூங்குவது ஆரோக்கியமானது.

எப்போதும் தூங்கி கொண்டிருப்பவரை தூங்கு மூஞ்சி, சோம்பேறி என இழிவாக பேசுகிறோம். ஆனால், அதிக நேரம் தூங்குவது உடல் நலத்துக்கு மிகவும் நல்லது என விஞ்ஞானிகள் தெரிவித்துள்ளனர். அமெரிக்காவில் ரோசெஸ்டர் பல்கலைக் கழகத்தை சேர்ந்த விஞ்ஞானி மைகென் நெதர்கார்டு தலைமையிலான குழுவினர் ‘மனிதர்கள் தூங்குவது ஏன்?’ என ஆய்வு மேற்கொண்டனர். அதில், நன்றாக தூங்கும் போது தான் மூளை சுத்தம் செய்யப்படுவது தெரிய வந்தது. தூங்கும் போது பெருமூளையின் தண்டு வட திரவம் மூளையை சுற்றி பீச்சி அடிக்கப்படுகிறது. அப்போது, மூளைக்கு வெளிப்புறம் படிந்திருக்கும் மூலக்கூறுகளின் சிதைந்த பொருட்களும், நச்சு புரோன்டீன்களும் அப்புறப் படுத்தப்படுகின்றன. இதனால் உடல் நலத்திற்கு கெடுதல் ஏற்படாமல் பாதுகாக்கப்படுகிறது. இந்த ஆய்வுக்கு விஞ்ஞானி மைகென் நெதர்கார்டு குழுவினர் சுண்டெலிகளை பயன்படுத்தினர். அப்போது தான் இந்த விஷயம் கண்டு பிடிக்கப்பட்டது.

மேலும் படிக்கவும் மறுமொழி இல்லை சுதர்சன் 22-10-2013

பிள்ளைகளை அடைமானம் வைக்கும் பெற்றோர்.

சேலம் மாவட்டத்தில் இருந்து பிழைப்பு தேடி ஆந்திரா மற்றும் கேரளாவுக்கு செல்லும் பெற்றோர் தங்கள் குழந்தைகளை பாதுகாப்புக்காகவும் பணத்துக்காகவும் மளிகை கடை ஓட்டல் உள்ளிட்ட இடங்களில் அடமானம் வைப்பது பெரும் அதிர்ச்சியை ஏற்படுத்தியுள்ளது.   சேலம் மாவட்டம், மேட்டூர், ஓமலூர், சங்ககிரி, ஆத்தூர் உட்பட, பல இடங்களில் இருந்து, தொழிலாளர்கள் பலர், பிழைப்பு தேடி, குடும்பத்துடன், கேரளா மற்றும் ஆந்திராவுக்கு செல்கின்றனர். இந்த தொழிலாளர்கள், பெரும்பாலும், கேரளாவில், ரப்பர் தோட்டம், தேயிலை எஸ்டேட்களிலும், ஆந்திராவில், கல்குவாரிகளிலும் பணிபுரிகின்றனர்.   தொழிலாளர்கள், ஆறு மாதம் அல்லது ஆண்டுக்கு ஒரு முறை என, வேலைக்கு செல்லும் இடங்களில் முகாமிட்டு வேலை செய்து விட்டு, தங்கள் ஊருக்கு திரும்புகின்றனர். பிழைப்பு தேடி வெளியூர் செல்லும் பெற்றோர் பலர், தங்கள் குழந்தைகளை வயதான பெற்றோர் மற்றும் உறவினர் வீட்டில் விட்டு  செல்கின்றனர். வயதான பெற்றோர், உறவினர் இல்லாத தொழிலாளர் பலர், குழந்தைகளை விட்டு செல்ல இடமில்லாமல் தவிப்புக்கு உள்ளாகின்றனர். அதே சமயம், பாதுகாப்பு கருதியும், பணத்துக்காகவும் தங்கள் குழந்தைகளை, மளிகை கடை, ஓட்டல், ஜவுளிக்கடை உட்பட, பல இடங்களில், சொற்ப பணத்தை பெற்று கொண்டு, ஆறு மாதம், ஒரு ஆண்டுக்கு அடமானம் வைத்து விட்டு, வெளிமாநிலத்துக்கு செல்கின்றனர்.ஊர் திரும்பிய பின், குழந்தையை மீட்டு, சில மாதம் வரை, குழந்தைகளை தங்களுடன் வைத்து கொண்டு, மீண்டும், குழந்தைகளை அடகு வைத்து விட்டு, வெளிமாநிலத்துக்கு சென்று விடுகின்றனர். இதனால், அடமானம் வைக்கப்படும் குழந்தைகளின் கல்வி மற்றும் எதிர்காலம் கேள்விக்குறியாகி விடுகிறது.   சேலம் மாவட்டம், ஓமலூரை சேர்ந்த, தமிழ்நாடு அரசு சாரா தன்னார்வ தொண்டு நிறுவனங்களின் கூட்டமைப்பு இயக்குனர் ராஜேந்திரன் கூறியதாவது:சேலம் மாவட்டத்தில் இருந்து, பக்கத்து மாநிலங்களான, ஆந்திரா, கர்நாடகா, கேரளாவுக்கு, பிழைப்பு தேடி செல்லும் பெற்றோர் பலருக்கு, தங்கள் குழந்தைகளை, சொந்த ஊரில் பாதுகாப்பாக வளர்த்து, பள்ளிக்கு அனுப்பும் அளவுக்கு உறவினர்கள் இருப்பதில்லை. குழந்தைகளை தங்களுடன் அழைத்து வரும் பெற்றோரை வெளிமாநிலத்தைச் சேர்ந்த, பெரும்பாலான குவாரி உரிமையாளர்கள், எஸ்டேட் அதிபர்கள் அனுமதிப்பதில்லை.   வேறுவழியின்றி, பெற்றோர், பணத்துக்காகவும், பாதுகாப்பு கருதியும், குழந்தைகளை புரோக்கர்கள் அல்லது தெரிந்த வர் மூலம், வசிப்பிடம் அருகில்உள்ள ஓட்டல், மளிகை கடை மற்றும் பட்டறைகளில் அடமானம் வைத்து விடுகின்றனர். அந்த குழந்தைகள், பெற்றோர் திரும்பி வரும் வரை, அங்கேயே சாப்பிட்டு, வேலை செய்யும் அவலம் நீடிக்கிறது.இதுபோன்று அடமானம் வைத்த, 15க்கும் மேற்பட்ட குழந்தைகளை, நாங்கள் மீட்டுள்ளோம். குழந்தை தொழிலாளர்களை பணிக்கு அமர்த்தும் நிறுவனங்கள் மீது, அரசு கடுமையான நடவடிக்கை எடுத்தால் மட்டுமே அடமானம் வைப்பதை தடுக்க முடியும்.பெரும்பாலான இடங்களில், ஆதரவற்ற குழந்தைகள் இல்லம் உள்ளது. ஆனால், வேலைக்கு செல்லும் ஏழை பெற்றோர்களின் குழந்தைகளை தங்க வைத்து, பள்ளிக்கு அனுப்பும் விடுதிகள் கிடையாது என்பது இப்பிரச்னைக்கு காரணம்.இவ்வாறு, ராஜேந்திரன் கூறினார்.

மேலும் படிக்கவும் 3 மறுமொழிகள் சுதர்சன் 21-10-2013

கனடா கத்திக்குத்து சண்டையில் உயிரிழந்த பல்கலைக்கழக இளைஞன்.

கனடா ரொறொன்ரோ பல்கலைக்கழகத்தின் வின்ட்சர் வளாகமருகே இரு மாணவர் குழுக்களுக்கிடையில் கடந்த சனிக்கிழமை சண்டை நடந்துள்ளது.   இந்தத்தாக்குதலில் மாணவர் ஒருவர் குத்திக்குத்துக்கு இலக்காகி இறந்துள்ளார். மேலும் ஐவர் வைத்திய சாலைகளில் அனுமதிக்கப்பட்டுள்ளனர்.   இதனிடையே பலியான இளைஞரின் அடையாளம் தெரிந்து விட்டதாகவும் அவர் ரொறொன்ரோவிலிருந்து படிப்பதற்காக வந்த மாணவர் கௌதம் (கெவின்) குகதாசன் என பொலிஸார் அறிவித்துள்ளனர். ரொறொன்ரோவிலிருந்து படிப்பதற்காக வந்த இந்த மாணவர் ரொறொன்ரோ பல்கலைக்கழகத்தின் வின்ட்சர் வளாகத்தின் அருகே வாழ்ந்து வந்ததையும் பொலிஸார் உறுதிப்படுத்தியுள்ளனர்.   இந்தச் சம்பவம் தொடர்பில் பல தகவல்கள் கிடைத்துள்ளதால் விரைவில் குற்றச்சாட்டுக்களை நீதிமன்றில் தாக்கல் செய்ய இருப்பதாகப் புலனாய்வாளர்கள் தெரிவித்தனர்.

மேலும் படிக்கவும் மறுமொழி இல்லை சுதர்சன் 21-10-2013

கொமெடிப்படங்களில் நடிக்க விரும்பும் கஜோல்.

ஆக்ஷன் படங்களைவிட காமெடிப்படங்களில்தான் கதாநாயகிக்கு முக்கியத்துவம் இருக்கும். அதனை கொஞ்சம் தாமதமாக புரிந்து கொண்டிருக்கிறார் காஜல் அகர்வால். இனி அதிகளவு காமெடிப் படங்களில் நடிக்க தீர்மானித்திருக்கிறாராம். துப்பாக்கிக்குப் பிறகு கார்த்தி ஜோடியாக அழகுராஜா படத்தில் நடித்துள்ளார் காஜல் அகர்வால். ராஜேஷ் இயக்கியிருக்கும் காமெடிப் படமான அதில் ஒப்பட்டளவில் துப்பாக்கியைவிட அதிக முக்கியத்துவமாம் காஜல் அகர்வாலுக்கு. மேலும், இப்போது காமெடிப் படங்கள்தான் ரசிகர்களின் பேராதரவுடன் ஓடுகின்றன. இந்த காரணங்களால் காமெடி கதைகளுக்கு முக்கியத்துவம் தருவதென முடிவு செய்திருக்கிறாராம். ஒரு கோடி ரூபாய் சம்பளம் கேட்பதால் காஜல் அகர்வாலுக்கு தெலுங்கில் வாய்ப்புகள் குறைந்துள்ளது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 20-10-2013

மின்சாரக்கட்டணத்தை உயர்த்தும் ஒன்டாரியோ மாநகரம்.

ஓன்றாரியோ மாகாணத்தில் மின்சாரக் கட்டணத்தின் விலை நவம்பர் மாதம் 1ம் திகதி தொடக்கம் அதிகரிக்கப்படவுள்ளது எனத் தெரியவருகிறது.   இந்த அதிகரிப்புப் பற்றி பல மாதங்களுக்கு முன்பே ஒன்றாரியோ சத்திவள சபையானது ஆலொசனைகளை மேற்கொண்டிருந்தது.   குறிப்பிட்ட அதிகரிப்பின் காரணமாக மாதாந்தம் சாரசரியாக ஒவ்வொரு வீட்டுக்கும் 4 டொலர்களால் அதிகரிப்பு ஏற்படுகிறது என அறியவருகிறது. மின்சாரக் கட்டணம் நேரங்களுக்கு ஏற்ப  அறவிடப்படுகிறது.   7.2 சதம் இரவு 7 மணி தொடக்கம் காலை 7 மணிவரையில் 12.9 சதம் காலை 7 மணி தொடக்கம் காலை 11 மணி வரையில் 10.9 சதம் காலை 11 மணி தொடக்கம் மாலை 5 மணி வரையில் 12.9 சதம் மாலை 5 மணி தொடக்கம் மாலை 7 மணி வரையில் வார இறுதி நாட்களிலும் மற்றும் விடுமுறை தினங்களிலும் 7. 2 சதமாகவிருக்கும் எனத் தெரியவருகிறது. இயற்கை வாயுவின் விலை அதிகரித்ததன் காரணமாகவே மின்சாரக் கட்டணத்தை அதிகமாக அறவிடவேண்டிய நிர்ப்பந்தம் தமக்கு இருப்பதாக மின்சார சபை தெரிவித்திருக்கின்றது.

மேலும் படிக்கவும் மறுமொழி இல்லை சுதர்சன் 20-10-2013

கண்ட இடத்தில் நித்திரை கொள்ளும் சீனர்கள்.

உழைப்பாளிகள் என்ற இமேஜ் சீனர்களுக்கு உலகம் முழுதும் உண்டு. அதனால்தானோ என்னவோ கண்ட இடங்களில் அப்படி அப்படியே தூங்குவதும் அவர்களது வழக்கமாகியுள்ளது.   லாரிக்கு அடியில், பாலத்தில், டாய்லெட்டில், நின்று கொண்டே தூங்குவது வண்டியில் அமர்ந்தபடி தூங்குவது.   மேலும் நினைத்துப் பார்க்க முடியாத பல நிலைகளில் தூங்கப் பழகியுள்ளனர் சீனர்கள்.   இதோ ஸ்லீப்பிங் சைனீஸ் டாட் காம் என்ற இணையதளம் வெளியிட்டுள்ள சில புகைப்படங்கள்:                            

மேலும் படிக்கவும் மறுமொழி இல்லை சுதர்சன் 20-10-2013

தேர்தல் வாக்குக்கு பணம் வாங்குவோருக்கு ஓராண்டு சிறைத்தண்டனை.

தேர்தலின்போது வாக்குரிமைக்காக பணம் வாங்கினால் 1 ஆண்டு சிறை தண்டனை என்று தமிழக தலைமை தேர்தல் அதிகாரி பிரவின்குமார் தெரிவித்துள்ளார். சேலத்தில் ஏற்காடு இடைத்தேர்தல் தொடர்பாக அதிகாரிகள் மற்றும் கட்சி பிரமுகர்கள் ஆகியோரிடம் தலைமை தேர்தல் அதிகாரி பிரவின்குமார் ஆலோசனை நடத்தினார். பின்னர் அவர் செய்தியாளர்களை சந்தித்தார். அப்போது அவர் கூறியதாவது, ஏற்காடு இடைத்தேர்தல் வரும் டிசம்பர் 4ம் தேதி நடைபெறுகிறது. இதில் 2 லட்சத்து 34 ஆயிரம் வாக்களர்கள் வாக்குரிமை பெற்றுள்ளனர். தேர்தல் பணிக்காக 2000 பேர் பணியாற்ற உள்ளனர். தேர்தல் நன்னடத்தைப் பற்றி அரசியல் கட்சிகளுக்கு விளக்கம் அளிக்கப்பட்டுள்ளது. தேர்தல் விதிமுறை தொடர்பாக புகார்களை பெற கட்டுப்பாடு அறை அமைக்கப்படும்.  வாக்காளர்களுக்கு பணம் கொடுப்பதை தடுக்க 2 பறக்கும் படை அமைக்கப்படுகிறது. மாவட்டம் முழுவதும் 11 இடங்களில் சோதனை சாவடி அமைக்கப்படுகிறது. தேர்தல் நடைமுறை அமலுக்கு வந்த பிறகு சுகாதாரதுறை அமைச்சர் வீரமணி அரசு மருத்துவமனைக்கு ஆய்வுக்காக அரசு காரில் வந்தது குறித்து எதிர்கட்சிகளிடம் இருந்து புகார்கள் வந்துள்ளன. அந்த புகார்கள் தலைமை தேர்தல் ஆணையத்துக்கு அனுப்பிவைக்கப்படும். தேர்தல் பாதுகாப்பிற்காக மத்திய போலீஸ் பாதுகாப்பு படை வரவழைக்கப்படும். தேர்தல் பார்வையாளராக உத்தர பிரதேசத்தைச் சேர்ந்த அரோரா நியமிக்கப்பட்டுள்ளார். தேர்தலின்போது பணம் கொடுத்தாலும்,பணம் பெற்றாலும் 1 ஆண்டு சிறை தண்டனை என அவர் கூறினார்.

மேலும் படிக்கவும் 1 மறுமொழி சுதர்சன் 19-10-2013

திருட்டுக்காறியின் கைப்பைக்குள் குழந்தையின் சடலம்.

நியூ யோர்க்கில் உள்ள கடை ஒன்றில் திருடிய 2 இளம்பெண்களை பரிசோதித்த போலீசார், அவர்களில் ஒருவரின் பையில் ஒரு குழந்தையின் சடலம் இருந்ததை கண்டு அதிர்ச்சி அடைந்தனர்.    நியூயார்க்கில் உள்ள விக்டோரியா சீக்ரட் ஸ்டோர் என்னும் கடைக்கு 17 வயது நிரம்பிய இரண்டு பெண்கள் சென்றுள்ளனர்.   இவர்கள் அந்த கடையில் சில பொருட்களை வாங்கியப்பிறகு, கடை ஊழியர்களுக்கு தெரியாமல் மேலும் சில பொருட்களை அவர்களின் பையில் வைக்க முயற்சித்தனர். இதனை கவனித்த கடையின் காவலாளிகள் அவர்களை போலீசாரிடம் ஒப்படைத்தனர். இப்பெண்களின் பையை பரிசோதித்த போலீசாருக்கு அதிர்ச்சி காத்திருந்தது.   அப்பெண்களில் ஒருவரின் பையில் ஒரு குழந்தையின் சடலம் இருந்தததை கண்டு திடுக்கிட்ட போலீசார் உடனடியாக அவர்களை பெல்லிவுயூ மருத்துவமனைக்கு பரிசோதனைக்காக அனுப்பிவைத்தனர்.    மருத்துவ பரிசோதனைக்கு பின், இவர்களில் யார் அக்குழந்தையை பெற்றெடுத்தது, குழந்தை இறக்க காரணமென்ன ஆகியவை தெரியவரும் என எதிர்ப்பார்க்கப்பட்ட நிலையில், அதுகுறித்த எந்த தகவலும் வெளியாகவில்லை என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 19-10-2013

மதிப்புக்குரிய நகரங்களில் இரண்டாவது இடத்தில் Toronto.

உலகில் மிக மதிப்பிற்குரிய நகரங்களில் ரொறொன்ரோ இரண்டாவது இடத்தில் உள்ளதென புதிய ஆய்வொன்றின் மூலம் கணிக்கப்பட்டுள்ளது. 100 பெரிய நகரங்களுக்கிடையில் ரொறொன்ரோ 2-வது இடத்தை பெற்றுள்ளது. Sydney, Australia உலகின் மிகச்சிறந்த நகரம் எனதெரிவு செய்யப்பட்டுள்ளது. New York , Copenhagenஆகிய இடங்களில் தலைமை காரியாலயங்களைக் கொண்ட நன்மதிப்பு கணிப்பீட்டு நிறுவனம் இதனை கணித்துள்ளதாக தெரியவந்துள்ளது. நம்பிக்கை, மதிப்பளித்தல், அபிமானம், பணிவன்பு, நிதிநிலைப்பாடு, பாதுகாப்பு ,எழில், துப்பரவு, பொழுதுபோக்கு, வாழ்க்கைத்தரம், ஆற்றல் வாய்ந்த அரசாங்கம், ஆகியனவற்றின் தரத்தின் அடிப்படையிலேயே இத்தெரிவு கணிக்கப் பட்டதென கூறப்பட்டுள்ளது. கடந்த வருடம் முதலாம் இடத்தில் இருந்த வன்கூவர் இம்முறை 14-வது இடத்திலும், மொன்றியல் 18-வது இடத்திலும், நியுயோர்க் 21-வது இடத்திலும் உள்ளன. சிட்னி ரொறொன்ரோ விற்கு அடுத்துள்ள மிகுதி 10 இடங்களையும் Stockholm, Vienna , Venice, Florence, Edinburgh, Zurich, London and Copenhagen ஆகிய நகரங்கள் பெற்றுள்ளன. இந்த ஆய்வின் படி மிக மோசமான இடத்தை Baghdad பெற்றுள்ளது.

மேலும் படிக்கவும் மறுமொழி இல்லை சுதர்சன் 19-10-2013

உலகின் அரைவாசிக்கு மேல் பட்ட அடிமைகள் இந்தியாவில் உள்ளனர்.

ஆஸ்திரேலியாவைச்சேர்ந்த வாக் ப்ரீ என்ற மனித உரிமை அமைப்பு, 162 நாடுகளில் அடிமைத்தனம் தொடர்பாக கணக்கெடுப்பு நடத்தி அறிக்கை வெளியிட்டுள்ளது.  இதில், பெண்களை கடத்தி பாலியல் தொழிலில் ஈடுபடுத்துதல், கட்டாய வேலை, கடன்களால் பாதிப்பு, அடிமைத்தன பிறப்பு என உலகம் முழுவதும் சுமார் 30 மில்லியன் மக்கள் அடிமைப்படுத்தப்பட்டிருப்பதாக தெரிவிக்கப்பட்டுள்ளது.    கொத்தடிமைகள் எண்ணிக்கையில் இந்தியா முதலிடத்தில் இருக்கிறது. உலகில் உள்ள கொத்தடிமைகளில் பாதி பேர், அதாவது 13.9 மில்லியன் பேர் இந்தியாவில் இருப்பதாக கருத்துக்கணிப்பு கூறுகிறது. கல்குவாரிகள் மற்றும் உலைகளில்தான் அதிக அளவில் கொத்தடிமைகள் வேலை செய்வதாக தெரிவிக்கப்பட்டுள்ளது.  இந்தியாவுக்கு அடுத்த இடத்தில் சீனா உள்ளது. சீனாவில் 2.9 மில்லியன் கொத்தடிமைகள் உள்ளனர். பாகிஸ்தானில் 2.1 மில்லியன் பேரும், நைஜீரியாவில் 7 லட்சத்து ஆயிரம் பேரும், எத்தியோப்பியாவில் 6 லட்சத்து 51 ஆயிரம் பேரும், ரஷ்யாவில் 5 லட்சத்து 16 ஆயிரம் பேரும் உள்ளனர்.    தாய்லாந்தில் 4 லட்சத்து 73 ஆயிரம் பேரும், காங்கோவில் 4 லட்சத்து 62 ஆயிரம் பேரும், மியான்மரில் 3 லட்சத்து 84 ஆயிரம் பேரும் வங்காளதேசத்தில் 3 லட்சத்து 43 ஆயிரம் பேரும் அடிமைகளாக உள்ளனர். மொத்த கொத்தடிமைகள் எண்ணிக்கையின் முக்கால் பங்கு 10 நாடுகளில் உள்ளது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 18-10-2013

தூக்கில் பின் தப்பிய ஈரானியருக்கு மீண்டும் தூக்கு.

ஈரானில் தூக்கு தண்டனை நிறைவேற்றப்பட்டப்பின்னும் உயிர் பிழைத்த நபரை மீண்டும் தூக்கிலிட உத்தரவிடப்பட்டுள்ளது.   ஈரானில் போதைப் பொருள் கடத்திய வழக்கில் அலிரெசா என்னும் 37 வயது நபருக்கு தூக்கு தண்டனை விதித்து தீர்ப்பளிக்கப்பட்டது.   இதனையடுத்து, அவர் அடைக்கப்பட்டிருந்த போஜ்னர்ட் சிறையில் அவருக்கு சில நாட்களுக்கு முன்னர் மரண தண்டனை நிறைவேற்றப்பட்டது.    அலிரெசா கழுத்தில் சுருக்கு கயிற்றை மாட்டி காலுக்கு கீழே இருந்த மரக்கதவு திறந்தப்பின், துடிதுடித்து அடங்கிய அவரது உடலை 12 நிமிடங்கள் கழித்து பரிசோதித்த சிறை மருத்துவர்கள் அவரது உயிர் பிரிந்து விட்டதாக அறிவித்தனர். பின்னர் அதற்கு அடுத்த நாள், சவக்கிடங்குக்கு அனுப்பப்பட்ட அந்த உடலை அவரது உறவினர்களிடம் ஒப்படைப்பதற்காக மூட்டை கட்டும் பணியில் இருந்த சவக்கிடங்கு ஊழியர் அலிரெசா மூச்சு விடுவதை பார்த்து உடனடியாக சிறை அதிகாரிகளுக்கு தகவல் அளித்தார்.    உடனடியாக போஜ்னர்ட் இமாம் அலி மருத்துவமனையில் அனுமதிக்கப்பட்ட அலிரெசாவின் உடல்நிலை நாளுக்கு நாள் முன்னேறி வருவதாக மருத்துவர்கள் தெரிவித்துள்ளனர்.  இறந்ததாக கருதப்பட்ட அலிரெசா உயிர் பிழைத்தது அவரது குடும்பத்தினர் மற்றும் 2 மகள்களை மகிழ்ச்சியில் ஆழ்த்தியுள்ளது. ஆனால், அலிரெசா முழுமையாக குணமடைந்த பிறகு மீண்டும் தூக்கிலிட்டு மரண தண்டனையை நிறைவேற்ற ஏற்பாடுகள் செய்யப்பட்டு வருகிறது.   

மேலும் படிக்கவும் மறுமொழி இல்லை சுதர்சன் 18-10-2013

வில்லனாக நடிப்பதென்றாலும் கார்த்திக்கு இஷ்டம்.

இடத்துக்கு தகுந்தபடி பேசுவதில் கார்த்தி பி.ஹெ‌ச்டி முடித்தவர். ஆந்திரா சென்றால், தமிழ்நாட்டைவிட ஆந்திராவில்தான் என்னோட படம் நல்லா ஓடுது என்பார். பிடித்த ரசிகர்கள் ஆந்திரா ரசிகர்கள் என்றும் கூறியிருக்கிறார். நேற்று அவர் சென்றது கேரளா.   அழகுராஜா புரமோஷனுக்காக கேரளா சென்றவர் தனது வழக்கமான இடத்துக்கு தகுந்த பேச்சை அவிழ்த்துவிட்டார். மலையாள சினிமாவை புகழ்ந்தவர், மலையாளத்தில் நல்ல வேடம் அமைந்தால் - அது வில்லன் வேடமாக இருந்தாலும் நடிக்க தயார் என்று கிச்சு கிச்சு மூட்டியிருக்கிறார். இரண்டு ஹீரோ சப்ஜெக்ட் என்றால் கதைகூட கேட்காமல் கதவை சாத்துகிறவர் வில்லனாக நடிக்க‌த் தயாராம்.   சும்மா தமாஷ் பண்ணாதீங்க பாஸ்.

மேலும் படிக்கவும் மறுமொழி இல்லை சுதர்சன் 17-10-2013

பில்டப்பை விரும்பாத அஜித்.

ஆரம்பம் படத்தின் திரைக்கதையில் பணிபு‌ரிந்தவர்கள் எழுத்தாளர்கள் சுபா (சுரேஷ் - பாலகிருஷ்ணன்). இவர்கள் முதலில் அ‌ஜீத்தை சந்தித்து கதையின் ஒன் லைனை கூறியபோது அ‌ஜீத் சொன்ன விஷயங்கள் இந்த இரட்டை எழுத்தாளர்களை ஆச்ச‌ரியப்படுத்தியதாம்.   அப்படி என்ன சொன்னார் அ‌ஜித்...?   ஸ்கி‌ரிப்ட்தான் முக்கியம். நடிகருக்கு முக்கியத்துவம் தந்து திரைக்கதையை அமைக்காதீங்க. அதேமாதி‌ரி பஞ்ச் டயலாக், தேவையில்லாத ஹீரோயிஸம், பில்டப் எதுவும் வேண்டாம் என்று கறாராக கூறியிருக்கிறார்.    பொதுவாக மற்ற நடிகர்கள் வேண்டும் என்று சொல்லும் அனைத்தையும் வேண்டாம் என்றிருக்கிறார் அ‌‌ஜீத். அப்போது ஏற்பட்ட அதே ஆச்ச‌ரியத்துடன் இந்த விஷயத்தை படம் வெளியாகிற போது பகிர்ந்து கொண்டிருக்கிறார்கள் சுபா. ஆரம்பம் அக்டோபர் 31 வெளியாகிறது. அதேநேரம் போஸ்ட் புரொடக்சன் வேலைகள் இன்னும் முடியவில்லை. எதிர்பார்த்த எண்ணிக்கையில் திரையரங்குகளும் ஆரம்பத்துக்கு கிடைக்கவில்லை. ஆனாலும் அக்டோபர் 31 படத்தை வெளியிடுவது என்ற தீவிரத்துடன் பம்பரமாக சுழல்கிறது ஆரம்பம் டீம்.   தீபாவளிக்கு முந்தப் போவது ஆரம்பமா, அழகுராஜாவா? போட்டி காத்திருக்கிறது. 

மேலும் படிக்கவும் மறுமொழி இல்லை சுதர்சன் 17-10-2013

கனடியப்பிரஜை ஆகும் மலாலா.

பெண்கள் கல்விக்காக வாதாடுபவரும் தலிபான் படுகொலை முயற்சிக்கு ஆளானவருமான Malala Yousafzai (YOO-suhf-zeye), மதிப்பிற்குரிய கனடிய பிரசை ஆக்கப்படவுள்ளார்.   புதன்கிழமை இடம்பெறும் பாராளுமன்ற பேச்சுவார்த்தையின் போது சர்வதேசம் எங்கும் பேசப்படும் 16 வயது மலாலாவை கௌரவிக்கும் விடயம் உறுதிப்படுத்தப் படுமென கூறப்பட்டுள்ளது.   Yousafzai, ஒக்டோபர், 2012 ல் அவரது சொந்த நாடான பாகிஸ்தானில் தலிபான் இயக்கத்தினரால் தலையில் சுடப்பட்டார். இச்சம்பவம் இவர் பாடசாலையில் இருந்து பேரூந்து ஒன்றில் வீடு திரும்பிக் கொண்டிருந்த சமயத்தில் நடந்தது. செப்டம்பர் 26, 2012 ல் பிரதமர் Stephen Harper இவரை நியுயோர்க்கில் சந்தித்த போது பெண்கள்,சிறுமிகளின் கல்வி முன்னேற்றத்தை ஊக்குவிப்பதற்கான தனது முயற்சிகள் பற்றி கலந்துரையாடி உள்ளார். ஹாப்பர் அவரை கனடா வரும்படி அழைத்துள்ளார்.   Yousafzai,தற்போது இங்கிலாந்தில் தனது குடும்பத்தினருடன் வசித்து வருகின்றார். இரசாயன ஆயுதங்கள் தடை அமைப்பினால் வழங்கப்படும் நோபல் அமைதி பரிசிற்கும் இவரது பெயர் கடந்த வாரம் அறிவிக்கப் பட்டுள்ளது. இப்பரிசிற்காக இதுவரை அறிவிக்கப் படாத மிக சிறிய வயது உடைய ஒருவர் இவராவார்.   ”I am Malala” என்ற இவரது வாழக்கை குறிப்பு கடந்த வாரம் வெளியிடப்பட்டது. Yousafzai,மதிப்பிற்குரிய கனடிய பிரசாவுரிமை பெறும் ஓரே ஆறாவது சர்வதேச ஆள் எனக் கூறப்பட்டுள்ளது. இந்த கௌரவம் முன்பு Nelson Mandela, Raoul Wallenberg, the Dalai Lama, Aung San Suu Kyi and the Aga Khan. ஆகியோர்க்கு வழங்கப்பட்டது.

மேலும் படிக்கவும் மறுமொழி இல்லை சுதர்சன் 17-10-2013

காதலித்த சோடியை நிர்வாணப்படுத்தி சித்திரவதை படுத்திய ஊர் மக்கள்.

மத்தியப்பிரதேச மாநிலம் தார் மாவட்டத்தில் காதல் திருமண ஜோடியை கம்பத்தில் கட்டி வைத்து அடித்து உதைத்து சொல்லொணா சித்த்ரவதைகளை கிராம மக்கள் செய்துள்ளது பெரும் பரபரப்பாகியுள்ளது.   இதுவரை போலீஸ் யாரையும் கைது செய்யவில்லை. எந்த வித நடவடிக்கையும் எடுக்கவில்லை.   காதல் ஜோடியின் உடைகளை கிழித்து அவர்கள் உடலில் கறுப்பு பெயிண்ட் அடித்து ஊர்மக்கள் திரண்டு அவர்கள் அடித்து உதைத்த வண்ணம் 3 கிராமங்களில் வளைய வந்துள்ளனர்.   அவர்களது உடலின் மர்மஸ்தான பகுதியில் மலம் உள்ளிட்ட அசிங்கங்களை பேக் செய்து கட்டித் தொங்க விட்டது பெரும் அதிர்ச்சியை ஏற்படுத்தியுள்ளது. இருவரையும் அடித்து உதைத்தபடியே...கோகாரியா, பல்வாரி, படிபுரா கிராமம் முழுதும் இவர்களை தர்ம அடி கொடுத்து கூட்டிவந்துள்ளனர். மேலும் காதல் கணவன் கையில் ஒரு டிரம் ஒன்றைக் கொடுத்து அடித்து வரவும் செய்துள்ளனர்.   சுமார் 2 மணி நேரம் இவர்களை இவ்வாறு கிராம மக்கள் சித்ரவதை செய்துள்ளனர். பெண்கள் மிகவும் உற்சாகமாக இதில் பங்கேற்றதும் பெரும் அதிர்ச்சி!   அவமானமும் சித்ரவதையும் முடிந்த பிறகு காதல் கணவன் போலீசில் புகார் செய்ததாக தெரிகிறது. ஆனால் கிராம மக்கள் போலீசையே மிரட்டியுள்ளனர். புகாரை எடுக்கவேண்டாம் என்று.   பிறகும் போலீசிலா புகார் கொடுக்கிறார்ய் என்று இரவு மீண்டும் அடி உதை கொடுக்கப்பட்டது.   இது சாதிய கலப்புத் திருமணமா, அல்லது பெண் தலித்தா, ஆண் தலித்தா என்பதெல்லாம் தெரியவில்லை.   ஒரு காதல் ஜோடியை இவ்வாறு அவமானப்படுத்துவதை அரசு எவ்வாறு வேடிக்கை பார்த்துக் கொண்டிருக்க முடியும்?

மேலும் படிக்கவும் 2 மறுமொழிகள் சுதர்சன் 17-10-2013

ஜெய்கிந்த்-2 இற்கான அர்ஜுனின் அரசியல் நகர்வு.

ஆக்ஷன் கிங் அர்ஜுன் பத்திரிகைகளில் முதல்வருக்கு கூறிய நன்றியறிதல் வருமாறு,   "ஏழை, எளிய, நடுத்தர மாணவர்கள் தடையில்லாமல் கல்வி பயில மாணவர்களுக்கு கட்டணம் இல்லா கல்வி, ஊக்கத்தொகை, மடிக்கணினி, மிதிவண்டி, நான்கு இணைச்சீருடைகள், பாடப்புத்தகங்கள், நோட்டுபுத்தகங்கள், புத்தகப்பை, கிரேயான்ஸ், வண்ணப் பென்சில்கள், கணித உபகரணப்பெட்டி, மதிய உணவு, காலணிகள், இலவசப் பேருந்து பயண அட்டை, தங்கிப் பயில விடுதிகள், ஒரு லட்சத்து 48 ஆயிரத்து 247 வகுப்பறைகளுக்கு வரைபடம். இதற்காக 11 கோடியே 56 லட்சத்து 32 ஆயிரத்து 600 செலவிட அனுமதி அளித்து, ஒவ்வொரு பள்ளியிலும் ஸ்மார்ட் வகுப்பறையை அறிமுகப்படுத்தி அறிவியல் சாதனங்கள் வாங்கிட 5 கோடியே 5லட்சம் நிதி ஒப்புதல் அளித்து கல்வித் தாயாக திகழும் தமிழக முதல்வர் அம்மா அவர்களுக்கு ஏழை எளிய மாணவர்களின் சார்பில் நெஞ்சார்ந்த நன்றியை தெரிவித்துக் கொள்கிறேன்" என தெரிவித்துள்ளார். அர்ஜுன் தயாரித்து, இயக்கி நடித்துவரும் ஜெய்ஹிந்த் 2 படத்தின் கதை கல்வியை மையமாக கொண்டது. இன்றைய கல்விமுறையின் குறைபாடுகளை படத்தில் சுட்டிக் காட்டியிருக்கிறாராம். அதனை ஆளும் தரப்பு அவர்களுக்கு எதிரானதாக கருதினால், ஜெய்ஹிந்த் 2 இன்னொரு தலைவா ஆகிவிடும். அப்படியொரு ஆபத்தை தவிர்க்கவே இந்த நன்றியறிதல் விளம்பரம் என்கிறார்கள்.

மேலும் படிக்கவும் 1 மறுமொழி சுதர்சன் 16-10-2013

பட்டினி நெருக்கடியை எதிர்கொள்ளவிருக்கும் இலங்கை.

இலங்கை இன்னமும் பட்டினி ஆபத்தை எதிர்கொள்வதாக உலக பட்டினி சுட்டி 2013 (Global Hunger Index ) இல் சுட்டிக்காட்டப்பட்டுள்ளது. அந்தச் சுட்டியில் இலங்கை 43வது இடத்திலுள்ளது. ஆனாலும், தெற்காசியா நாடுகளோடு ஒப்பிடுகையில் இலங்கையில் பட்டினியால் வாடுபவர்களின் சதவீதம் குறைவாக உள்ளதாகவும் ‘உலக பட்டினி சுட்டி 2013’ தெரிவிக்கின்றது. உலகில் பட்டினி கிடப்போர்களின் வீதமுள்ள நாடுகளில் தொடர்ந்தும் முன்னணி வகித்து வரும் நாடுகளில் இந்தியாவும் ஒன்றாக பதிவாகியிருந்தது. ஆனாலும், சில ஆண்டுகளில் அதன் விகிதாசாரம் மாறியுள்ளதாக சுட்டிக்காட்டும் அந்த அறிக்கையில் இந்தியாவுக்கு 63வது இடம் ஒதுக்கப்பட்டுள்ளது.  சர்வதேச ரீதியில் வளர்ந்து வரும் 120 நாடுகளுக்கிடையிலேயே மக்களின் போசாக்கு விபரம், ஐந்து வயதுக்கு குறைந்தவர்களின் நிறை குறைந்த விபரம் மற்றும் போசாக்கின்மையால் ஏற்படும் மரணம் உள்ளிட்ட விபரங்களை முன்வைத்தே ‘உலக பட்டினி சுட்டி 2013’ தயாரிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 16-10-2013

Air India விமானத்தின் பாணுக்குள் புழு.

டெல்லியில் உள்ள ரஜோரி கார்டன் பகுதியை சேர்ந்த ஒருவர் ஏர் இந்தியா விமானம் மூலம் அமெரிக்காவில் உள்ள நியூயார்க் நகரில் இருந்து கடந்த மாதம் 28ம் தேதி புதுடெல்லி வந்தார்.வரும் வழியில் பசியாற்றிக் கொள்ள சாண்ட்விச் கொண்டுவரும்படி விமான பணிப்பெண்ணை அந்த பயணி கேட்டுக் கொண்டார். பணிப்பெண் கொண்டுவந்து தந்த சாண்ட்விச்சை சாப்பிடப் போனவர் அவற்றில் புழுக்கள் கிடப்பதை கண்டு அதிர்ச்சியடைந்தார். இதுதொடர்பாக, பணிப்பெண்ணிடம் தெரிவித்த அவர், புதுடெல்லி விமான நிலைய அதிகாரிகளிடமும் முறையிட்டார். இச்சம்பவம் நடைபெற்று 2 வாரங்கள் ஆன நிலையிலும் அந்த பயணியின் புகார் தொடர்பாக ஏர் இந்தியா நிறுவனம் அவருக்கு தகுந்த பதில் எதுவும் அனுப்பவில்லை என புகார்தாரர் வேதனை தெரிவித்தார். ஆனால், விமானத்திற்கு உணவு சப்ளை செய்த கேட்டரிங் நிறுவனத்தின் மீது உரிய நடவடிக்கை எடுக்கப்பட்டுள்ளது என ஏர் இந்தியா நிறுவன செய்தி தொடர்பாளர் ஒருவர் கூறுகிறார்

மேலும் படிக்கவும் 4 மறுமொழிகள் சுதர்சன் 16-10-2013

பிரபுவுக்கு டொக்டர் பட்டம்.

நடிகர் பிரபுவுக்கு வேல்ஸ் பல்கலைக்கழகம் டாக்டர் பட்டம் வழங்கியுள்ளது.   சென்னை பல்லாவரத்தில் உள்ளது வேல்ஸ் பல்கலைக்கழகம். இதன் 4 ஆவது ஆண்டு விழா சிறப்பாக நடந்தது. பல்கலைக்கழக வேந்தர் ஐசரி கணேஷ் விழாவுக்கு தலைமை தாங்கினார். விழாவுக்கு வந்தவர்களை துணைவேந்தர் கே.சேகர் வரவேற்றார். இந்திய அரசின் சுகாதார ஆராய்ச்சிதுறை செயலாளரும், இந்திய மருத்துவ ஆராய்ச்சி கழக இயக்குனருமான டாக்டர் விஸ்வமோகன் கட்டோச் சிறப்பு விருந்தினராக கலந்து கொண்டார். இந்த விழாவில் நடிகர் பிரபுவுக்கு டாக்டர் பட்டம் வழங்கப்பட்டது. அவருடன் விக்ரம் சாராபாய், விண்வெளி ஆராய்ச்சி மைய இயக்குனர் எஸ்.ராமகிருஷ்ணன், தமிழ்நாடு ஒலிம்பிக் சங்க பொது செயலாளர் கே.முருகன் ஆகியோருக்கும் கவுரவு டாக்டர் பட்டங்களை கல்கலைக்கழக வேந்தர் ஐசரி கணேஷ் வழங்கினார்.  விழாவில் 1,600 மாணவர்களுக்கும் பட்டம் வழங்கப்பட்டது.

மேலும் படிக்கவும் மறுமொழி இல்லை சுதர்சன் 15-10-2013

Scarlett Johansson உலகின் கவர்ச்சிகரமான பெண்ணாக தேர்வு.

உலகில் வாழும் பெண்களில் மிகவும் கவர்ச்சிகரமான பெண்ணாக ஹொலிவுட் நடிகை ஸ்கார்லெட் ஜொஹன்சன் தெரிவு செய்யப்பட்டுள்ளார்.   எஸ்கொயர் சஞ்கிகையானது உலகில் வாழும் பெண்களில் மிகவும் கவர்ச்சியானவர் யார் என்பது குறித்து அறிவிப்பை வெளியிட்டுள்ளது.   அதில், 28 வயதுடைய ஹொலிவுட் நடிகை ஸ்கார்லெட் ஜொஹன்சன் இரண்டாவது முறையாகவும் தெரிவு செய்யப்பட்டுள்ளார். கடந்த 2006ஆம் ஆண்டு உலகின் கவர்ச்சிகரமான பெண்ணாக இவர் தெரிவு செய்யப்பட்டிருந்தமை குறிப்பிடத்தக்கது.   இதேவேளை, ஸ்கார்லெட்டின் முன்னாள் கணவரும், நடிகருமான ரயன் ரேனால்ட்ஸ் உலகின் கவர்ச்சிகரமான ஆணாக கடந்த 2010ஆம் ஆண்டில் தேர்வு செய்யப்பட்டிருந்தார்.  ஸ்கார்லெட் இந்த பட்டத்தை இரண்டு முறை வென்ற ஒரே பெண் நான்தான் என்று கூறியுள்ளமை குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 15-10-2013

2.5 கி மீ சுரங்கப்பாதை இஸ்ரேல்-காசாவில் கண்டுபிடிப்பு.

ஹமாஸ் பிரிவினர் ஆட்சி செய்யும் காசாவிலிருந்து இஸ்ரேல் வரை தோண்டப்பட்டுள்ள சுரங்கப்பாதை ஒன்றை இஸ்ரேலிய ராணுவத்தினர் கண்டுபிடித்துள்ளனர். இஸ்ரேல்-காசா எல்லையை ஒட்டியுள்ள கிபுட்சு என்ற இடத்தில் இதன் நுழைவாயில் கண்டுபிடிக்கப்பட்டுள்ளது.   2.5 கி.மீ நீளம் கொண்ட இந்த சுரங்கப்பாதை சமீபத்தில்தான் தோண்டப்பட்டிருக்க வேண்டும் என்றும், கண்டுபிடிக்கப்படும் வரை இது பயன்படுத்தப்பட்டிருக்க வேண்டும் என்றும் ராணுவத்தினர் தெரிவித்தனர். இந்த சுரங்கப்பாதை கண்டுபிடிக்கப்பட்டபின்னரும் ஒரு வாரம் வரை அங்கு ஏதேனும் வெடிபொருட்கள் உள்ளனவா என்பது குறித்த தேடுதல் வேட்டை நடைபெற்றதாகக் கூறும் ராணுவம் அது குறித்த பிற தகவல்களை வெளியிடவில்லை.   ஆயினும் இதனை மறுத்துள்ள ஹமாஸ் ராணுவத் தகவல் அதிகாரியான அபு ஒபைடா இஸ்ரேல் ராணுவத்தினர் இதுபோல் இன்னும் ஆயிரக்கணக்கான சுரங்கங்களைத் தோண்டக்கூடும் என்று தனது இணையதளத் தகவலில் தெரிவித்துள்ளார். இதன்மூலம் ஹமாஸ் பிரிவினர் இஸ்ரேலைத் தாக்கவோ அல்லது இஸ்ரேலியர்களைப் பிடிக்கவோ திட்டமிட்டிருக்கலாம் என்று இன்று வெளியிட்டுள்ள அறிக்கையில் ராணுவத்தினர் கூறியுள்ளனர்.இதன் விளைவாக காசாவிற்கு செல்லவிருந்த கட்டுமானப் பொருட்கள் அனைத்தும் தடை செய்யப்பட்டது.    இது பாதுகாப்பு கருதியே என்றும் பாலஸ்தீனியர்களுக்கு தண்டனை அளிக்கும்விதமாக செயல்படுத்தப்பட்டது அல்ல என்றும் இஸ்ரேலிய ராணுவத்தின் தகவல் அதிகாரியான கை இன்பர் தெரிவித்துள்ளார்.  கடந்த 2006 ஆம் ஆண்டில் இதுபோல் தோண்டப்பட்ட சுரங்கப்பாதை வழியே இஸ்ரேலிய ராணுவ வீரரான கிலா ஸ்காலிட் என்பவரைக் ஹமாஸ் ராணுவத்தினர் கடத்திச் சென்று ஐந்து வருடம் காவலில் வைத்திருந்தனர் என்பது இங்கு குறிப்பிடத்தக்கது.  சுரங்கப்பாதை கண்டுபிடிக்கப்பட்டது குறித்து ராணுவத்தினரை இஸ்ரேலியப் பிரதமர் பெஞ்சமின் நேதன்ஞாஹு பாராட்டியுள்ளார்.சென்ற வருடம் காசா மீது இஸ்ரேல் நடத்திய தாக்குதல் உட்பட தங்களது உறுதியான கொள்கையே கடந்த பத்து வருடங்களில் இல்லாத அளவிற்கு இந்த ஆண்டு அமைதியை ஏற்படுத்தியுள்ளது என்றும் அவர் குறிப்பிட்டுள்ளார்.

மேலும் படிக்கவும் மறுமொழி இல்லை சுதர்சன் 15-10-2013

வீட்டை விட்டு ஓடாத தன்ஷிகா.

ஒலியைவிட வேகமாக பரவுவது சினிமா வதந்தியாகதான் இருக்கும். நடிகைகள் முக்கால்வாசிபேர் அவர்களின் திருமணத்தையும், காதலையும் பத்திரிக்கைகளைப் பார்த்துதான் தெரிந்து கொள்கிறார்கள். அப்படிதான் தன்ஷிகாவுக்கும் நடந்திருக்கிறது. தன்ஷிகா தனது அம்மாவுடன் சண்டையிட்டு தனியாக தங்கியிருப்பதாக ஹாட் நியூஸ் சுழன்றடித்தது. தன்ஷிகா ஒரு குடும்பப் பறவை. றெக்கை முளைத்த பிறகும் கூட்டைவிட்டு பறக்காதவர். என்ன விஷயமாக இருக்கும் என்று விசாரித்தால், எல்லாமே வதந்தியாம். சுகமா வீட்டில் தூங்கிட்டிருந்தேன். அப்போதுதான் இந்த வதந்தியை கேள்விப்பட்டேன். யா..யா... அப்புறம் விஜய் சேதுபதியுடன் சங்குதேவன், விழித்திருன்னு தொடர்ந்து நடிக்கிறேனில்லையா... யாராவது பொறாமையில் பத்த வச்சிருப்பாங்க என்றார்.

மேலும் படிக்கவும் மறுமொழி இல்லை சுதர்சன் 14-10-2013

சிறுவர்களின் நினைவாற்றல்களை உயர்த்தும் இனிப்பு.

குழந்தைக்கு இனிப்பு பண்டங்களையும், பானங்களையும் தருவதால், அவர்களது நினைவாற்றல் திறன் பெருகும் என்றும், கூர்மையாக கவனிக்கும் திறன் உயரும் என்றும் மருத்துவ ஆய்வு ஒன்று கூறுகிறது.    இதுபற்றி, பிரிட்டன் மருத்துவ ஆராய்ச்சியாளர்கள் ஆய்வு ஒன்றை மேற்கொண்டது. அதன் முடிவில், 'மற்ற உறுப்புகளைப் போன்று சக்தியை மூளையானது சேமித்து வைத்துக்கொள்ளாத காரணத்தால், அதனை நேரடியாக இரத்தத்தில் இருந்து எடுத்துக்கொள்கிறது. எனவே, ஐந்து முதல் 10 வயதுக்குள் உள்ள குழந்தைகளுக்கு பெரியவர்களை விட இரு மடங்கு அளவில் குளுகோஸ் தேவைப்படுகிறது' என்பது தெரியவந்துள்ளது. இந்த காரணத்தால், பெற்றோர்கள் தங்களது குழந்தைகளுக்கு மிதமான அளவில் இனிப்பு பண்டங்களைக் கொடுக்க வேண்டும். மாறாக, அதிக அளவில் கொடுத்தால், உடல் பருமன் போன்ற பிரச்சனைகள் ஏற்படும் என்று ஆய்வாளர்கள் அறிவுறுத்துவதாக, பிரிட்டனில் இருந்து வெளிவரும் பத்திரிகை ஒன்று செய்தி வெளியிட்டுள்ளது.    குளுகோஸ் உட்கொள்ளும் குழந்தைகளின் நினைவாற்றல் திறன் மிகுதியாக இருப்பது, ஆய்வின் மூலம் அறியப்பட்டுள்ளதாகவும் அந்தத் தகவல் தெரிவிக்கிறது.  அதேநேரத்தில், ஆரோக்கியமான காலை மற்றும் மதிய உணவுகளை குழந்தைகளுக்கு அளிப்பதில் கூடுதல் கவனம் செலுத்த வேண்டும் என்கின்றனர், ஆய்வாளர்கள். 

மேலும் படிக்கவும் மறுமொழி இல்லை சுதர்சன் 14-10-2013

15 நவம்பர் பொது விடுமுறை நாளாக அமுல்ப்படுத்த அரசு தீர்மானம்.

பொதுநலவாய நாடுகள் மாநாடு ஆரம்பமாகும் நவம்பர் 15 ஆம் திகதி பொது விடுமுறை தினமாக அறிவிக்க அரசு தீர்மானித்துள்ளது.  பொதுநலவாய நாடுகளின் மாநாடு நவம்பர் 15 ஆம் திகதி காலை 09 மணி முதல் 11 மணி வரை கொழும்பு தாமரை தடாக கலை அரங்கில் ஆரம்பமாகும். ஆரம்ப தின நிகழ்வுகளை முன்னிட்டு தாமரைத் தடாக கலை அரங்கத்திற்கு அருகிலுள்ள வீதிகள் மூடப்பட்டிருக்கும். இதேவேளை 15,16 ஆம் திகதிகளில் கொழும்புக்குள் நுழையும் வாகனங்கள் மட்டுப்படுத்தப்படுமெனவும் பாதுகாப்பு பிரிவினர் தெரிவிக்கின்றனர்.  

மேலும் படிக்கவும் மறுமொழி இல்லை சுதர்சன் 14-10-2013

திரைப்படத்தில் நடிக்கும் கோபிநாத்.

தொலைக்காட்சியில் பிரபலமானால் அடுத்து சினிமாதானே?   நீயா? நானா? வில் பிரபலமான நமது கோட் கோபிநாத் இப்போது நடிகர். சமுத்திரக்கனி இயக்கத்தில் ஜெயம் ரவி நடிக்கும் நிமிர்ந்து நில் படத்தில் கோபிநாத்துக்கு அவரைப் போலவே வெயிட்டான ரோலாம். படத்துக்கு கிடைக்கும் வரவேற்பைப் பார்த்து தொடர்ந்து நடிக்கிற ஐடியா இருக்கிறதாம் கோபிக்கு.   நீயா நானாவின் சூத்ரதா‌ரி ஆண்டனி... ஐயோ அவரும் நடிக்கிறாரா என்று பயப்பட வேண்டாம். படம் தயா‌ரிக்கிறார். இது ஆண்டனியின் நீண்டநாள் திட்டம். சின்னத்திரையில் ஒரு லைஃப் டைம் புரோக்கிராமை தயா‌ரித்தாயிற்று. அதில் அதற்கு மேல் செய்ய எதுவுமில்லை. அதனால் அடுத்தக்கட்டமான சினிமா தயா‌ரிப்பில் இறங்கியிருக்கிறார். வஸந்தின் சத்தம் போடாதே படத்தில் பிருத்விரா‌ஜ் குட்டீஸ்களை தூக்கி வைத்து பாடுவாரே... அழகுக் குட்டிச் செல்வம்... அதுதான் படத்தின் பெயர். நஞ்சுபுரம் படத்தை இயக்கிய சார்லஸ் படத்தை இயக்குகிறார்.

மேலும் படிக்கவும் மறுமொழி இல்லை சுதர்சன் 13-10-2013

பிரதமராக விரும்பும் மலாலா.

பாகிஸ்தானில் பெண்கள் மற்றும் குழந்தைகள் கல்விக்காக குரல் கொடுத்து தீவிரவாதிகளால் தாக்கப்பட்ட மலாலா, பாகிஸ்தானின் பிரதமராக விரும்புவதாக தெரிவித்துள்ளார். பாகிஸ்தானைச் சேர்ந்த 16 வயது சிறுமியான மலாலா யூசஃப்ஸாய் கடந்த ஆண்டு அக்டோபர் மாதம் ஒன்பதாம் தேதி, தலிபான் பயங்கரவாத அமைப்பால் தாக்கப்பட்டார். தற்போது பல இன்னல்களுக்கு பிறகு அதிலிருந்து மீண்ட மலாலா, அனைவருக்கும் கல்வி கிடைக்க தொடர்ந்து விழிப்புணர்வு பிரச்சாரம் செய்து வருகிறார். இந்நிலையில் அண்மையில், ஒரு செய்தி நிறுவனத்திற்கு அவர் அளித்த பேட்டியில், தன்னை மிகவும் கவர்ந்த பாகிஸ்தானின் முதல் பெண் பிரதமர் பெனாசிர் பூட்டோ போன்று பிரதமராகி நாட்டுக்கு சேவை செய்ய விரும்புவதாக கூறியுள்ளார்.மேலும் அவர் அந்த பேட்டியில் கூறியதாவது, நான் பாகிஸ்தானின் பிரதமராக விரும்புகிறேன், அப்போதுதான் நாடு முழுவதும் குழந்தைகளுக்கு தரமான கல்வி கிடைக்க செய்து, அவர்களைப் பள்ளிக்கு அனுப்பும் வாய்ப்பு கிடைக்கும். தலிபான் அமைப்பினரால் என் உடலைத்தான் சுட முடிந்ததே தவிர, என் கனவுகளை சுட முடியாது. என்னை கொல்ல முயற்சித்தது மூலம் அவர்கள் மிகப் பெரிய தவறு செய்துவிட்டார்கள்.  முன்பு நான் மருத்துவராக தான் விரும்பினேன், ஆனால், இப்போது அரசியலில் நுழைந்து பிரதமாகிவிட்டால் என்னால் நாடு முழுவதற்கும் சேவை செய்ய முடியும், அப்போது நான் நாடு முழுவதற்குமே மருத்துவராகி விடுவேன் என மலாலா கூறியப்போது அவரை ஊக்குவிக்கும் வகையில் அனைவரும் ஆராவாரம் செய்தனர்

மேலும் படிக்கவும் மறுமொழி இல்லை சுதர்சன் 13-10-2013

கப்பலில் வந்திறங்கிய அகதிகளை ஏற்குமா கனடா?

MV Sun Sea கப்பல் மூலமாக கிட்டத்தட்ட 500 தமிழர்கள் பிரிட்டிஸ் கொலம்பியா மாகாணக்கரையை 2010ல் வந்தடைந்தனர். குடி வரவு வளக்கறிஞர்களின் கருத்துப்படி இவர்களின் வளக்குகளைத் திரும்பத் தொடங்கவேண்டும் எனக் கேட்டுள்ளனர் எனத் தெரிகிறது. அதே நேரம் அரசாங்கப் பிரதிநிதிகள் இவர்களில் சிலரது விசாரணை ஆதாரங்களை குறிப்பாக இந்தக் கப்பல் மூலமாக வந்தடைந்த தமிழர்கள் தமது சொந்த நாடான சிறிலங்காவிற்குச் சென்றால் அவர்கள் சித்திரவதையை எதிர்நோக்க வேண்டிய நிலை ஏற்படும் என்பதை வெளிப்படுத்தவில்லை எனவும் கூறப்படுகின்றது. இந்தத் தமிழர்கள் நியாயமான முறையில் அகதி அந்தஸ்து வழங்கப்படுவதற்கு ஏற்றவர்கள் எனவும் இவர்கள் பல காலமாக உள்நாட்டுப் போரினால் சீரழிந்திருக்கும் ஒரு நாட்டில் இருந்து வந்தவர்கள் எனவும் இவர்கள் திருப்பி அனுப்பப்பட்டால் துஸ்பிரயோகத்திற்கும், சித்திரவகைக்கும் ஆழாகவேண்டிய நிலையில் இருக்கின்றார்கள் என அகதிகளுக்கான வழக்கறிஞர்கள் வாதாடியிருக்கிறார்கள். இத்தகைய நிலையிலும் அரசாங்கம் ஒரு கடுமையான நிலைப்பாட்டை எடுத்திருக்கின்றது. இவர்களை அனுமதிக்க முடியாதுள்ளது எனவும், இவர்கள் உண்மையான அகதிகள் இல்லையெனவும், இவர்கள் வந்தமை பரந்த அளவிலான ஒரு கடத்தல் செயலின் ஒரு முயற்சி எனக் குறிப்பிடுகின்றது. இவ்வாறு இவர்களது நிலை முடிவிற்கு வராத நிலையில் இருக்கின்றது. கப்பல் மூலமாக மொத்தமாக 492 பேர் வந்திருக்கின்றார்கள் என உத்தியோகப+ர்வ அறிக்கை வெளியிட்டுள்ளது. 117 அகதி அந்தஸ்து விண்ணப்பங்கள் ஏற்றுக் கொள்ளப்பட்டிருக்கின்றன. 117 அகதி அந்தஸ்து விண்ணப்பங்கள் நிராகரிக்கப்பட்டுள்ளன. 29 விண்ணப்பதாரிகளுக்கு நாட்டைவிட்டுச் செல்லும்படி ஆணை பிறப்பிக்கப்பட்டுள்ளது. இருவர் தடுத்து வைக்கப்பட்டிருக்கிறார்கள். இத்தகைய விபரத்தை குடிவரவு, அகதிகள் சபை வெளியிட்டிருக்கிறது எனத் தெரிகிறது.

மேலும் படிக்கவும் 5 மறுமொழிகள் சுதர்சன் 13-10-2013

கெளதம் படத்திலிருந்து விலகும் சூர்யா.

கௌதம் வாசுதேவ மேனனின் படத்திலிருந்து விலகுவதாக நடிகர் சூர்யா பரபரப்பு அறிக்கை வெளியிட்டுள்ளார்.   சிங்கம் 2 படத்துக்குப் பிறகு கௌதம் இயக்கும் படத்தில் சூர்யா நடிப்பதாக இருந்தது. இதற்கான ஒப்பந்தம் பல மாதங்கள் முன்பே போடப்பட்டது. படத்தின் பூஜை முடிந்த பிறகும் கௌதம் முழுக்கதையை உருவாக்கவில்லை. பூஜை போட்டு பல மாதங்கள் கடந்தும் அவரிடமிருந்து முழுக்கதையும் வரவில்லை. அதனால் இப்படியொரு முடிவை சூர்யா எடுத்திருக்கிறார்.   மென்மையான ஆனால் உறுதியான வார்த்தைகளில், இனி கௌதமுடன் ஒருபோதும் படம் பண்ணப் போவதில்லை என்பதை சூசகமாக தெரிவித்துள்ளார் சூர்யா. அந்த அறிக்கை வருமாறு:   கடந்த ஜூன் மாதம் திரு. கவுதம் வாசுதேவ் மேனன் அவர்கள் இயக்கம் மற்றும் தயாரிப்ப்பில், நான் கதாநாயகனாக நடிப்பதாக முடிவானது. இது அனைவரும் அறிந்த செய்தி. பல்வேறு காரணங்களால் இப்போது நாங்கள் இருவரும் இணைந்து பணியாற்ற முடியாத சூழல் ஏற்பட்டுள்ளது என்பதை வருத்தத்துடன் தெரிவித்துக் கொள்கிறேன்.   என்னுடைய திரையுலக அனுபவத்தின் அடிப்படையில் நான் நடிக்கும் படத்தின் கதை மததிற்கு முழு திருப்தி தந்த பிறகே படப்பிடிப்புக்கு செல்வது என்பதை கொள்கை முடிவாக நடைமுறைப்படுத்தி வருகிறேன். ரசிகர்கள் என் மீது வைத்திருக்கும் அன்பையும், எதிர்பார்ப்பையும், பூர்த்தி செய்வதே ஒரு நடிகனாக எனது முதல் கடமையாகக் கருதுகிறேன். இயக்குனர் கௌதம் அவர்களிடம் எனது இந்த கொள்கை முடிவை நான் தெளிவாக முதல் நாளே சொல்லி அதற்கு அவரும் சம்மதித்த பிறகே நாங்கள் இருவரும் சேர்ந்து பணியாற்ற முடிவு செய்தோம். இதையே   ஒப்பந்தமாகவும் செய்துகொண்டோம். ஆனால் ஒப்பந்தம் செய்து ஒரு ஆண்டுகாலம் கழிந்த பிறகும் கௌதம் என்னிடம் முழு கதையை திருப்தி அளிக்கும் வகயில் தரவில்லை.   சிங்கம் 2 முடிந்தவுடன் 6 மாதங்களாக முழுக்கதையையும் எதிர்பார்த்து காத்திருந்தேன். முதலில் பூஜை போட்டு விடலாம் என்றார். நட்பின் அடிப்படையில் அதற்கும் ஒத்துழைத்தேன். ஒரு டெஸ்ட் ஷூட் செய்து கெட் அப் மாற்றங்களை முடிவு செய்யலாம் என்றார். தயக்கம் இருந்தாலும் கௌதம் அவர்கள் மீதிருந்த நன்மதிப்பின் அடிப்படையில் அதற்கும் ஒத்துழைத்தேன்.    பல மாதங்களாக ஷூட்டிங் போகாமல் வீட்டில் காத்திருக்கிறேன். கௌதம் அவர்களிடமிருந்து ஒரு நடிகனாக முழு திருப்தி அளிக்கும் கதை கிடைக்கும் என்று இன்று வரை காத்திருந்தேன் அது நடக்கவில்லை.   முன்பே கௌதம் அவர்களின்.   சென்னையில் ஒரு மழைக்காலம்' படத்திற்கு பூஜை போட்டு, ஒருவாரம் மட்டும் ஷூட்டிங் செய்து எட்டுமாதங்கள் காத்திருந்தும் அந்தப் படம் நடக்கவில்லை. இப்போதும் இதே அனுபவம் தொடர்ந்து கொண்டிருந்தது. ஆறுமாதகாலம் காத்திருந்தாகிவிட்டது. இனி எனக்கும் காத்திருக்க முடியாத சூழல் ஏற்பட்டுள்ளது. நானும் கௌதம் அவர்களும் கருத்தளவில் எதிரெதிர் திசையில் பயணிக்கிறோம் என்று தோன்றுகிறது. இந்த நிலையில் நாங்கள் இருவரும் தொடர்ந்து பணியாற்ற இயலாது என்று உறுதியாக நினைக்கிறேன்.   ஒரு திரைப்படம் உருவாவதில் பலரின் பங்கு முக்கியமாகவும், அவசியமாகவும் இருக்கிறது.நடிகனாக நம்பிக்கை இல்லாமல் செய்த படங்கள் எனக்கு பாடங்களைக் கற்றுக் கொடுத்திருக்கின்றன. நட்பின் அடிப்படையில் கௌதம் அவர்களின் படத்தில் நடிக்க என்னால் ஆன முயற்சிகளை எடுத்து விட்டேன். இனி, நாங்கள் இருவரும் இந்தப் படத்தில் இணைந்து பணியாற்ற இயலாது. ஆகவே கௌதம் அவர்களின் படத்த்லிருந்து விலகிக்கொள்கிறேன் என்பதைத் தெரிவித்துக் கொள்கிறேன்.

மேலும் படிக்கவும் மறுமொழி இல்லை சுதர்சன் 12-10-2013

வளையக்கூடிய smart phone திரை.

ஸ்மார்ட் போன்கள் மற்றும் டெப்லட்களுக்கான வளையக்கூடிய நெகிழ்தன்மையான தொடுதிரையை அடுத்த மாதம் அறிமுகம் செய்யவுள்ளதாக எல்.ஜி நிறுவனம் அதிகாரபூர்வமாக அறிவித்துள்ளது.   நீண்ட காலமாக எல்.ஜி மற்றும் சம்சுங் நிறுவனங்கள் இவ்வகை நெகிழ்தன்மையான போன்களை உருவாக்கும் முயற்சியில் ஈடுபட்டுள்ளன.   வளையும் தொழில்நுட்பத்திலான கைத்தொலைபேசிகள் விரைவில் அறிமுகப்படுத்தப்படும் என சம்சுங் கடந்த மாதம் அறிவித்திருந்தது. இந்நிலையில் வளையும் போன்கள் தொடர்பான வதந்திகளுக்கு முற்றுப்புள்ளி வைத்து உலகின் முதலாவது வளையும் திரைகொண்ட ஸ்மார்ட் போன்கள் மற்றும் டெப்லட்களை எல்.ஜி. நிறுவனம் முந்திக்கொண்டு வரும் நவம்பர் மாதம் வெளியிடவுள்ளது. தற்போது சங்சுங்கின் நெக்சஸ் எஸ் மற்றும் கலக்ஸி நெக்சஸ் போன்களிலும் சற்றே வளையும் திரை உண்டு. ஆனால் கண்ணாடியால் உருவாக்கப்பட்டவை. இதனை விட எல்.ஜியின் பிளாஸ்டிக் திரைகள அதிக நெகிழ்வு தன்மைனயானவை.   எவ்வாறாயினும் வளையும் உற்பத்திகள் அடுத்த வருடமே நுகர்வோர்களுக்கு கிடைக்கும். LG Z எனப் பெயரிடப்பட்டுள்ள  6 அங்குலம் அளவிலான இத்தொடுதிரை 0.44 மி.மி தடிப்பும், 7.2 கிராம் நிறையுமான உடையாமல் வளையும் தன்மைகொண்ட பிளாஸ்டிக்கினால் உருவாக்கப்பட்ட ஓ.எல்.ஈ.டி. தொடு திரையுடன், வளையும் பெட்டரியும் அறிமுகமாகவுள்ளது.   இது தொடாபில் எல்.ஜியின் பிரதம தொழில்நுட்ப அதிகாரியான கலாநிதி டியொக் எயோ கூறுiகில், எல்.ஜி.யின் இந்த அறிமுகமானது ஸ்மார்ட் போன்களின் நெகிழ்தன்யான திரையின் புதியதோர் சகாத்தமாக அமையும். இவை விரைவில் வளர்ச்சியடையும் எனத் தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 12-10-2013

பிரித்தானியாவில் வருடாந்த சேற்று ஓட்டப்போட்டி வெற்றிகரமாக நிறைவுபெற்றது.

பிரிட்­டனில் அண்­மையில் நடை­பெற்ற சேற்று ஓட்­டப்­போட்­டி­யொன்றில் பெரும் எண்­ணிக்­கை­யான ஆண்­களும் பெண்­களும் பங்­கு­பற்­றினர்.   12 மைல் தூரம் கொண்ட இந்த போட்டி, பங்­கு­பற்­று­ப­வர்­களின் உடல் மற்றும் மன உறு­தியை சோதிப்­ப­தற்­காக வரு­டாந்தம் நடத்­தப்­ப­டு­கி­றது.     இப்­போட்­டியின் மூலம் திரட்­டப்­பட்ட நிதி நல­ நி­தி­ய­மொன்­றுக்கு அன்­ப­ளிப்புச் செய்யப்படவுள்ளதாக அறிவிக்கப்பட்டுள்ளது. 

மேலும் படிக்கவும் மறுமொழி இல்லை சுதர்சன் 12-10-2013

ரமேஷ் அரவிந்த் இயக்கத்தில் கமல்.

விஸ்வரூபம் 2க்குப் பிறகு கமல்ஹாசன் நடிக்கும் படத்தை ரமேஷ் அரவிந்த் இயக்குகிறார். படத்துக்கு உத்தம வில்லன் என பெயர் வைக்கப்பட்டுள்ளது.   லிங்குசாமியின் திருப்பதி பிரதர்ஸ் தயாரிக்கும் இந்தப் படத்துக்கு, உத்தம வில்லன் என்பது வொர்க்கிங் டைட்டிலாக இருக்கும் என ரமேஷ் அரவிந்த் தெரிவித்தார். படத்தில் நடிப்பதுடன் படத்தின் ஸ்கிரிப்டையும் கமலே எழுதியுள்ளார். தமிழ், கன்னடம் இரு மொழிகளில் படம் தயாராகிறது. படத்தில் பணிபுரியும் தொழில்நுட்பக் கலைஞர்கள், நடிகர், நடிகைகள் இன்னும் முடிவாகவில்லை. படத்தின் ஹீரோயின் யார் என்று கேட்டதற்கு, இன்னும் முடிவு செய்யவில்லை. இரண்டு வாரங்கள் பொறுத்திருங்கள். படத்தைப் பற்றிய உங்கள் எல்லா கேள்விகளுக்கும் பதில் கிடைக்கும் என்றார் ரமேஷ் அரவிந்த்.   கமல்ஹாசன் இவரது இயக்கத்தில் நடிப்பது இது இரண்டாவதுமுறை. சதிலீலாவதி படத்தின் கன்னட ரிமேக்கை ரமேஷ் அரவிந்த் இயக்கிய போது, அதில் தமிழில் நடித்த அதே வேடத்தை கன்னடத்தில் கமல்ஹாசன் நடித்தார்.

மேலும் படிக்கவும் மறுமொழி இல்லை சுதர்சன் 11-10-2013

சேவையை மீண்டும் தொடங்கும் உலகின் பழமைவாய்ந்த திரையரங்கு.

உலகின் பழமைவாய்ந்த திரையரங்கம் மீண்டும் தந்து சேவையை தொடங்க இருக்கிறது. இந்த திரையரங்கம் தொடர்பாக செய்திகள் வெளிவந்துள்ளன இந்த செய்தியில், பிரான்ஸ் நாட்டின் துறைமுக நகரமான மார்செய்லின் அருகில் உள்ள லா சியோடட் என்ற சிற்றூரில்தான் உலகின் பழமையான ஈடன் தியேட்டர் உள்ளது. Theater-Carreஇங்குதான் கடந்த 1899 ஆம் ஆண்டு, மார்ச் மாதம் 21 ஆம் தேதி திரையுலகின் முன்னோடி என்று கருதப்படும் லூமிரே சகோதரர்களான ஆகஸ்ட் மற்றும் லூயி தங்களின் திரைப்படத்தை வெளியிட்டார்கள். இதனை அப்போது 250 ரசிகர்கள் ஆச்சரியத்துடன் கண்டு களித்தார்கள். அதன்பின்னர் இங்கு பிரபல நடிகர்களின் திரை நாடகங்களும், திரைப்படங்களும் வெளியிடப்பட்டன. யூவஸ் மோண்டான்ட், பெர்னாண்டல் போன்ற பிரபல பிரான்ஸ் நாட்டு நடிகர்கள் தங்களின் திரை நாடகங்களையும் இங்கு நடத்தியுள்ளார்கள்.   ஆனால், கடந்த 1980களில் நடைபெற்ற திருட்டு சம்பவம் ஒன்றில் திரையரங்கின் உரிமையாளர் கொல்லப்பட்டதைத் தொடர்ந்து அங்கு திரையிடப்பட்ட நிகழ்ச்சிகள் ரத்து செய்யப்பட்டன.அதன்பின்னர் ஒவ்வொரு வருடமும் திரைப்பட விழாவில் பிரெஞ்சு மொழித் திரைப்படங்கள் காண்பிக்கப்படும் ஒரு வாரம் மட்டும் இந்தத் திரையரங்கு செயல்பட்டு வந்தது. அதன்பின்னர் கடந்த 1995 ஆம் ஆண்டில் இந்தத் திரையரங்கு மூடப்பட்டது. தற்போது சீரமைக்கப்பட்டுள்ள இந்த ஈடன் தியேட்டர் இன்று மீண்டும் திறக்கப்பட உள்ளது. தரையில் இருந்த பழைய விரிப்புகளுக்குப் பதிலாக ஓக் மரத்தினாலான தளங்கள், தூசி நிறைந்த நாற்காலிகளுக்குப் பதிலாக வெல்வெட்டினால் ஆன இருக்கைகள், மொசைக் டைல்களுடன் கூடிய புதிய மஞ்சள் நிற சுவர்பூச்சுகளுடன் இப்போது அந்தத் தியேட்டர் கம்பீரமாகக் காணப்படுகின்றது. நடிகைகள் ஜூலியட் பினோச், நத்தாலி பே மற்றும் திரைப்பட இயக்குநர் ரோமன் போலன்ஸ்கி போன்றோர் இந்தக் கண்கவர் ஆரம்ப நிகழ்ச்சிகளில் பங்கேற்க உள்ளனர். 

மேலும் படிக்கவும் மறுமொழி இல்லை சுதர்சன் 11-10-2013

சர்வதேச போட்டிகளிலிருந்து ஓய்வுபெறும் சச்சின்.

200வது டெஸ்ட் போட்டிக்கு பிறகு சர்வதேச கிரிக்கெட்டிலிருந்து ஒய்வு பெறுவதாக இந்திய நட்சத்திர ஆட்டக்காரர் சச்சின் அதிகாரப் பூர்வமாக அறிவித்துள்ளார். இதுதொடர்பாக பிசிசிஐ-க்கு எழுதிய கடிதத்தில் அவர் தனது ஓய்வை அறிவித்துள்ளார். 1989ஆம் ஆண்டு நவம்பர் மாதம் 15ந் தேதி பாகிஸ்தானுக்கு எதிரான டெஸ்ட் போட்டியில் இந்திய அணியில் இடம் பிடித்த சச்சின், 24 ஆண்டுகள் இந்திய அணிக்கு விளையாடியுள்ளார்.  

மேலும் படிக்கவும் மறுமொழி இல்லை சுதர்சன் 11-10-2013

பெண்ணாக நடிக்கும் சந்தானம்.

காமெடி நடிகர்கள் எல்லாம் ஒரு படத்திலாவது பெண் வேஷம் போடாமலிருந்ததில்லை. கவுண்டமணி ஒரு படத்தில் அவருக்கே அம்மாவாக நடித்தார். வடிவேலு பெண்ணாக வேடமிட்டு கோவை சரளாவிடம் குட்டு வெளிப்பட்டு அவரையே திருமணம் செய்யும் காமெடிக் காட்சியை மறந்திருக்க மாட்டீர்கள். இது சந்தானத்தின்முறை.   ராஜேஷ் எம். மின் அழகுராஜா படத்தில் சந்தானம் பெண் வேஷமிட்டு ஒரு காட்சியில் தோன்றியிருக்கிறார். அது பாடல் காட்சி என்கிறார்கள். ராஜேஷின் நான்கு படங்களிலும் சந்தானம்தான் காமெடியன். கதை இல்லாமல் படமெடுத்தாலும், சந்தானம் இல்லாமல் ஷுட்டிங் போக மாட்டேன் என ராஜேஷ் சபதம் செய்திருக்கிறாராம்.

மேலும் படிக்கவும் மறுமொழி இல்லை சுதர்சன் 10-10-2013

Chicken Nuggets இல் 50 விகிதமே இறைச்சி அடங்கியிருக்கிறது.

Chicken nugget வெள்ளை இறைச்சியும் பாண் தூளும் மட்டும் தான் அடங்கியுள்ளது என்று நினைப்பது தவறு என அமெரிக்க விஞ்ஞானி ஒருவர் தெரிவித்துள்ளார். Dr. Richard deShazo இரண்டு விரைவு உணவகங்களில் தனது சொந்த ஆய்வினை நடாத்திய பின்னர் Chicken nugget ல் 40-50 சதவிகிதம் மட்டுமே இறைச்சி உள்ளதென தெரிவித்துள்ளார். மிகுதி கொழுப்பு, தோல், இணைப்பு திசு, இரத்த நாளங்கள் , நரம்புகள் , எலும்புத் துண்டுகள் என்பன அடங்கியுள்ளன என அவர் கூறியுள்ளார். மற்றவர்கள் சொல்லும் போது தான் நம்பவில்லை என்றும் பூதக் கண்ணாடியின் கீழ் பார்த்த பின்னர் பிரமித்து விட்டதாகவும் தெரிவித்துள்ளார். deShazo மிசிசிப்பி பல்கலைக்கழகத்தில் ஒரு மருத்துவ, குழந்தை மருத்துவ பேராசிரியர் ஆவார். அவர் மேலும் கூறுகையில் சில கம்பனிகள் கொழுப்பு குறைந்த கோழியின் வெள்ளை இறைச்சிக்கு பதிலாக கோழியின் உறுப்புக்களை கலந்து பொரித்து விட்டு அதனை Chicken nuggets என கூறுகின்றனரென கூறியுள்ளார். இன்னமும் மோசம் என்னவென்றால் இது சுவையாக இருப்பதால் சிறுவர்கள் பெரிதும் விரும்பி உண்கின்றனர் அதனால் பெருமளவில் விற்பனை ஆகின்றதெனவும் தெரிவித்துள்ளார். இந்த ஆய்வில் McDonald’s McNuggets. அடங்கவில்லை என்றும் தெரிவிக்கப் பட்டுள்ளது. McDonald’s McNuggets கோழியின் மார்பு பகுதியிலுள்ள வெள்ளை இறைச்சியில் இருந்து மட்டுமே செய்ய படுகின்றது என கூறப்பட்டுள்ளது. Burger King, Wendy’s ஆகியனவற்றின் nuggets வெள்ளை இறைச்சியில் மட்டுமே செய்யப்படுவதென தெரிவிக்கப் பட்டுள்ளது.

மேலும் படிக்கவும் மறுமொழி இல்லை சுதர்சன் 10-10-2013

குடிகார நண்பனின் காதை சப்பித்துப்பிய நண்பன்.

மும்பையில் நண்பர்களுடன் மது அருந்தி, நேரத்தை செலவழிக்க சென்ற ஒரு நபரின் காதை குடிபோதையில் இருந்த அவரது நண்பர் வெறித்தனமாக கடித்து துப்பியுள்ளார்.   கல்யான் பகுதியை சேர்ந்தவர் சுஷில் ஜாதவ், இவர் அவரது நண்பர்களோடு மது அருந்த சென்றிருந்தார்.   சுஷிலின் நண்பர்களான கேத்தான் மற்றும் ராகேஷ் ஆகிய இருவரும் ஏற்கனவே போதையில் இருந்த நிலையில், அவர்களுக்குள் வாக்குவாதம் ஏற்பட்டு, ஒரு கட்டத்தில் அது சண்டையாக மாறியது.   சுஷில் வீட்டிற்குள் நுழைந்தப்போது, அவரது நண்பர்கள இருவரும் பயங்கரமாக சண்டையிட்டுகொள்வதை பார்த்த சுஷில் திடுக்கிட்டார். உடனடியாக அவர்களை சமாதானப்படுத்த எண்ணிய அவர், ராகேஷை பிடித்தார். அதுவரை கேத்தானை தாக்கிக்கொண்டிருந்த ராகேஷ், ஆத்திரத்தில் சுஷிலை கடுமையாக தாக்க துவங்கினார், அவரை அடித்த ராகேஷ், 25 முறை அவரை உடல் முழுவதும் கடித்து, காதையும் வெறித்தனமாக கடித்து துப்பியுள்ளார். மற்றொரு நண்பர் போதையில் இருந்ததால் சுஷிலை காப்பாற்ற யாருமில்லை.   உடல் முழுவதும் ரத்த காயங்களுடன் சத்குரு மருத்துவமனையில் அனுமதிக்கப்பட்ட சுஷில், தன்னை அடித்ததாக ராகேஷ் புகார் அளித்து ஒரு தனியார் மருத்துவமனையில் அனுமதிக்கப்பட்டுள்ளார்.    இது தொடர்பாக வழக்கு பதிவு செய்த போலீசார், மருத்துவமனையில் இருந்து வெளியேறியதும் ராகேஷ் கைது செய்யப்படுவாரென தெரிவித்துள்ளனர். 

மேலும் படிக்கவும் 1 மறுமொழி சுதர்சன் 10-10-2013

பதற்றத்திலிருக்கும் ஹன்சிகா.

கடந்த 6 ஆம் தேதி சுந்தர் சி. யின் அரண்மனை தொடங்கியது. சூப்பர் நேச்சுரல் த்ரில்லர். இந்த வகைமாதிரியில் அவர் இயக்கும் முதல் படம் இது.   சுந்தர் சி., வினய் இருவரும் முக்கிய வேடத்தில் நடிக்கிறார்கள். ஹன்சிகா, லட்சுமி ராய், ஆண்ட்ரியா என்று மூன்று ஹீரோயின்கள். இதில் யார் யாருக்கு ஜோடி என்று தெரியவில்லை. ஹன்சிகாவின் ட்விட்டர் செய்தியில் இருக்கும் பதற்றத்தைப் பார்த்தால் சுந்தர் சி. யின் ஜோடி ஹன்சிகா என்றே எண்ணத் தோன்றுகிறது. இந்தப் படத்தில் நடிப்பதில் முதல்முறையாக பதற்றமாக உணர்கிறேன் என்று ஹன்சிகா தெரிவித்துள்ளார். இதுவரை நடிக்காத அளவுக்கு ரொம்ப முக்கியமான கேரக்டர் என்றும் குறிப்பிட்டுள்ளார்.   சந்திரமுகி மாதிரி ஆவி பேய் என்று அரண்மனை தயாராவது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 09-10-2013

2,000 கி மீ பயணம் செய்த 9 வயது சிறுவன்.

அமெரிக்காவில் 9 வயது சிறுவன் ஒருவன், பலத்த பாதுகாப்பை மீறி மின்னபோலிஸ் செயின்ட் பால் பன்னாட்டு விமான நிலையத்திற்குள் சென்றுள்ளான். டிக்கெட் இல்லாமலேயே பின்னர் விமான ஓடுதளதளத்திற்கு சென்ற அவன், லாஸ்வேகாஸ் செல்லும் டெல்டா விமானத்தில், சோதனை செய்யப்படமலேயே ஏறியிருக்கிறான்.   அப்போது விமானப் பணிப்பெண் அவனிடம் பெற்றோர்கள் குறித்து விசாரித்து இருக்கிறார். அப்போது எனது பெற்றோர்கள் விமான பின் இருக்கையில் உட்கார்ந்து இருக்கிறார்கள் என்று கூறி உள்ளே சென்று காலியாக இருந்த இருக்கையில் அவன் உட்கார்ந்து பயணித்திருக்கிறான்.   விமானம் லாஸ்வேகாஸ் நகரம் நெருங்கும் போது விமானப் பயணிகளின் பட்டியலில் அவனுடைய பேர் இல்லாததை கண்டு அதிகாரிகள் சந்தேகப்பட்டிருக்கின்றனர். பின்னர் அவனை நெருங்கி விசாரித்ததில் அவன் 2000 கி.மீ. தூரம் தனியாக வந்துள்ளது தெரியவந்தது. பின்னர் அவனை மீண்டும் மின்னபோலிஸ் நகருக்கு பத்திரமாக விமான அதிகாரிகள் அனுப்பி வைத்தனர்.   இதுகுறித்து சிசிடிவி கேமிரா பதிவுகளை ஆராய்ந்தபோது அந்த சிறுவன் அனைத்து சோதனைகளையும் சமாளித்து விமானத்தை நோக்கி செல்லும் காட்சிகள் பதிவாகியிருந்ததை கண்டு அதிர்ச்சியடைந்தனர். அவன் முன்னதாக ஸ்கேனிங் சோதனைக்கும் உட்படுத்தப்பட்டிருப்பது அதில் தெரியவந்துள்ளது. இதனால் பாதுகாப்பு குறித்து எச்சரிக்கை விடுக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 09-10-2013

இரண்டு வருடங்கள் இறந்த குழந்தையுடன் வாழ்ந்த தாய்.

மதுவிற்கு அடிமையான பெண் இறந்து போன தனது மகனின் உடலை 2 வருடங்களாக வைத்திருந்ததன் காரணமாக தண்டனை பெற்றிருக்கிறாள்.வடக்கு இங்கிலாந்தின் பிராட்போர்ட் நகரில் வசிக்கும் அமண்டா ஹட்டன் (வயது 45) என்ற பெண்மணியின் வீட்டிலிருந்து தினமும் துர்நாற்றம் வீசுக்கூடிய காகிதங்கள் தெருவில் வீசப்படுவதாக காவல்துறைக்கு புகார் வந்தது. இப்புகாரின் அடிப்படையில், விசாரணையை மேற்கொண்ட காவல்துறையினர், இறந்து போன மகனை அடக்கம் செய்யாமல் தன்னுடனே 2 ஆண்டுகள் வைத்திருந்தது தெரிய வந்துள்ளது. மதுவிற்கு அடிமையான அப்பெண்மணி குடி பழக்கத்தின் காரணமாக தனது 4 வயது மகனை சரியாக பராமரிக்காத காரணத்தால், 2009 ஆம் ஆண்டு இறந்துள்ளான். 2011 ஆண்டு வரை பிணத்தை துடைத்து விட்டு, அப்பெண்மணி காகிதங்களை வெளியில் வீசி எறிந்திருக்கிறாள் எனபதை அறிந்த காவல்துறையினர், வழக்கு பதிந்து அவரை கைது செய்தனர் நீதிமன்றத்தில் நடைபெற்ற இந்த வழக்கில் நேற்று தீர்ப்பளித்த நீதிபதி, ‘குழந்தைகளை காப்பாற்ற வேண்டிய பொறுப்பை மறந்து குடிப்பழக்கம் தான் முக்கியம் என்ற தனது சுயநலத்தை கடைபிடித்த குற்றவாளிக்கு 15 ஆண்டுகள் சிறை தண்டனை வழங்கப்படுகிறது.குழந்தையை சரியாக பராமரிக்காத காரணத்தினால் தான் அந்த 4 வயது சிறுவன் இறந்துள்ளான். 

மேலும் படிக்கவும் மறுமொழி இல்லை சுதர்சன் 09-10-2013

சந்தானம் பாடும் பாடல்.

முதன் முறையா ஒரு முழுப்பாடலை ஸ்ரீகாந்துக்காக நம்பியார் படத்தில் விஜய் அண்டனி இசையில் பாடி அசத்தியுள்ளார் சந்தானம். விவேகா பாடல் எழுதிருக்கிறார். சந்தானம் பாடியது குறித்து இயக்குனர் கணேஷா கூறியது,   "இந்த படத்தில் ஸ்ரீகாந்துடன் இன்னொரு ஹீரோவாக சந்தானம் நடித்து வருகிறார். ஏன் இன்னொரு ஹீரோ சந்தானம் என்று சொல்கிறேன் என்பதை படம் வரும்போது நீங்களே புரிந்துகொள்வீர்கள்.    காமடிக்கு பஞ்சமில்லாத கதைக்களம். அதற்காக வெறும் காமடிய மட்டும் நம்பி பயணப்படும் படம் அல்ல. சந்தானம் சார் பட்டைய கிளப்பிய படங்களில் இதுவும் ஒன்றாக அமையும். ஆனால் அவர் ஏற்றிருக்கும் கதாபாத்திரத்தில் மற்ற படங்களுக்கும் இந்த படத்துக்கும் நிறைய வித்தியாசம் இருக்கும்.   படத்தில் மிக முக்கியமான ஒரு கட்டத்தில் வரும் பாடலை யாரை வைத்துப் பாட வைத்தால் சரியாக இருக்கும் என்று யோசித்துக்கொண்டிருந்தபோது, விஜய் அண்டனி சார் சந்தானம் பாடினால் நன்றாக இருக்கும் என்றார். சந்தானம் மறுத்துவிடுவார் என்றுதான் நினைத்தோம். ஆனால் சந்தோஷமாக பாட வந்துவிட்டார். ஐந்து மணி நேரம் எடுக்கும் என்று நினைத்த பாடலை பதினைந்து நிமிடங்களில் முடித்துக்கொடுத்துவிட்டார். சந்தானம் குரல் ஸ்ரீகாந்துக்கு செமையா பொருந்தி வந்திருக்கு" என்றார்.  ஸ்ரீகாந்த் கூறும்போது, "சினிமாவில் எனக்கு கிடைத்திருக்கும் மரியாதைக்குரிய நண்பர் சந்தானம். எனக்காக நடித்துக்கொடுப்பதோடு பாடியும் உதவியிருக்கிறார். நீங்க ஜெயிக்கணும் என்ற அவரோட நம்பிக்கையை நம்பியார் நிறைவேற்றும் என்று நம்புகிறேன். சந்தானத்துக்கு நிறைய நன்றிக்கடன் பட்டிருக்கிறேன்" என்றார்.

மேலும் படிக்கவும் 1 மறுமொழி சுதர்சன் 08-10-2013

திருமணத்துக்கு அஞ்சும் ஆண்கள்.

ஏப்பா தம்பி கல்யாணம் செய்து கொள்கிறாயா என்று ஆண்களிடம் கேட்டால், பெரும்பாலானவர்கள் ஐயோ, ஆளவிடுங்கன்னு ஓடுவது வழக்கமாகி வருகிறது.அப்படி அவங்க தலைதெறிக்க ஓடுற அளவு்ககு கல்யாணத்துல என்ன இருக்கிறது என்று பார்ப்போம்.     கசப்பான அனுபவங்கள்: ஏற்கனவே திருமணம் ஆகி அது பிரிவில் முடிந்திருந்தால் மறுபடியும் திருமணம் செய்துகொள்ள தயங்குவார்கள். காதல் தோல்வி ஏற்பட்டிருந்தால் ஆமா, இனி என்னத்த கல்யாணம் செய்ய என்று ஆண்கள் விரக்தி அடைவார்கள்.   சுதந்திரம்:  திருமணம் ஆகாத ஆண்கள் நினைத்தபடி ஜாலியாக இருக்கலாம். நினைக்கும் போதெல்லாம் நண்பர்களுடன் ஊர் சுற்றலாம். திருமணம் என்றாலே கால் கட்டு என்று நினைக்கிறார்கள். என்ன எப்ப பார்த்தாலும் நண்பர்கள், நண்பர்கள்னு ஓடுறீங்க, உங்களுக்கு நான் முக்கியமா, இல்லை உங்கள் நண்பர்கள் முக்கியமா என்று மனைவி கேட்பாள் அல்லவா. அதுக்கு தான் பயம்.   பொறுப்பு:  திருமணம் முடிந்து மனைவி வந்துவிட்டால் கூடவே ஆண்களுக்கு பொறுப்பும் வந்துவிடும். வீடு, மனைவி, பிள்ளைகள் என்று பொறுப்பாக இருக்க வேண்டும். குடும்பச் செலவுகளைப் பார்த்துக் கொள்ள வேண்டும். அதற்காகத் தான் ஆண்கள் பயப்படுகிறார்கள்.   திருமணத்திற்கு முன்பு நல்லபடியாக சம்பாதித்து பணம் சேர்த்து வைத்திருந்தால் தான் மனைவி வரும் போது சமாளிக்க முடியும். அதனாலும் ஆண்கள் பயப்படுகிறார்கள். திருமணம் செய்துகொள்ள பயப்படாதீர்கள். இவள் எனக்கு ஏற்ற துணை என்று யாரை நினைக்கிறீர்களோ அந்தப் பெண்ணை திருமணம் செய்து கொள்ளுங்கள். விட்டுக் கொடுத்து ஒருவருக்கொருவர் அன்பாக இருந்தால் இல்லறம் என்றுமே இனிமையாக இருக்கும். திருமணம் செய்து கொள்வதை நினைத்து பயப்படாமல் வருகிறவளுடன் வாழ்க்கையை எப்படி இனிமையாக வாழ்வது என்று சிந்தனை செய்யுங்கள். உங்கள் வாழ்க்கை உங்கள் கையில். இல்லறத்தில் இணைந்தால் இனிமையாக வாழலாம்!  மனிதராக பிறந்த ஒவ்வொருவரும் ஒரு குறிப்பிட்ட பருவத்தில் திருமணம் செய்து கொள்ளவேண்டும் என்று அனைத்து மத சாஸ்திரங்களும் தெரிவிக்கின்றன. திருமணம் என்பது அர்த்தமுள்ள வாழ்க்கையின் ஆரம்பம் எனலாம். திருமணம் என்பது இருவர் மனமொத்து மகிழ்ச்சியாக வாழ்ந்து குழந்தைகள் பெற்று மகிழ்ச்சியை இன்னும் அதிகரிக்கச் செய்வது. இந்த மகிழ்ச்சி என்பது பணமோ, புகழோ , அழகோ, படிப்போ, நல்ல குணமோ, வீரமோ ,காமமோ ஏதோ ஒன்றை அடிப்படையாக கொண்டிருக்கலாம். ஆனால் திருமணம் என்றாலே இன்றைய இளைஞர்கள் மிகவும் யோசிக்கின்றனர்.   திருமணம் செய்து கொண்டவர்களும், `உனக்கு என்னப்பா நீ சுதந்திரப்பறவை, நான் குடும்பஸ்தன்’ என்று சலிப்பு வசனம் பேசுகிறார்கள். இளம்பருவத்தினர் இருபாலரிடமும் திருமணத்தைப் பற்றி எதிர்மாறான கருத்துக்களே இருக்கிறது. அதாவது திருமணத்தை கூடுதல் சுமையாகவும், கவலையாக கருதும் எண்ணம் அவர்களிடம் உள்ளது. திருமணம் குறித்த ஆய்வுகள்   அவ்வப்போது நடக்கும் ஆய்வுகளோ ஒவ்வொருவருக்கும் திருமணம் அவசியம். அதனால் உடல் ரீதியாக பல நன்மைகள் கிடைக்கிறது என்கிறது. இதேபோல் மனோரீதியாகவும் பல நன்மைகள் உண்டு என்கிறது சமீபத்திய ஆய்வு. சர்வதேச நல அமைப்பான ஹூ (WHO) வின் மனநலப் பிரிவு மற்றும் நியூசிலாந்து பல்கலைக்கழகம் இணைந்து இது தொடர்பான ஆய்வில் ஈடுபட்டது. 15 நாடுகளைச் சேர்ந்த 34 ஆயிரத்து 500 பேர் ஆய்வுக்கு உட்படுத்தப்பட்டனர். கடந்த 10 ஆண்டுகளாக நடந்து வந்த இந்த ஆய்வின் முடிவுகள் சமீபத்தில் வெளியிடப்பட்டது. இதில் வெளியான சில முக்கிய தகவல்கள்… மன ரீதியான நன்மைகள்   திருமணம் செய்து கொள்வதால் மனச்சோர்வு, கவலை மற்றும் மனநல பாதிப்புகள் குறைகிறது. பெண்களைவிட ஆண்கள் திருமணம் செய்வதற்கு விருப்பக் குறைவுடன் இருக்கிறார்கள். அதிக மனச்சோர்வு அடைகிறார்கள். அதே நேரத்தில் திருமணம் செய்து கொண்டபிறகு பெண்களைவிட ஆண்கள் அதிகமான மனச்சோர்வு, கவலைகளில் இருந்து விடுபடுகிறார்கள். டிஸ்ஆர்டர் பாதிப்புகளும் குறைவாக இருக்கிறது. பெண்கள் அதிகம் கல்வி அறிவு பெற்றிருப்பதால் சோர்வு நிலை குறைவாக இருக்கிறது. சிலரிடம் மட்டும் அதிகமிருக்கிறது.   தம்பதிகள் பிரிந்து வாழ்வது, யாரேனும் ஒருவர் இறந்துவிடுவது, விவாகரத்து பெற்றுக் கொள்வது போன்ற காரணங்களால் ஏற்படும் மனநல பாதிப்புகள் அதிகரித்து உள்ளன. குழந்தைக்காக சார்ந்து வாழ்வதில் பெண்கள் அதிகம் பாதிக்கப்படுகிறார்கள். புயலும் சீற்றமும் இருக்கும் கடலிலே கப்பலோட்டக்கூடிய மாலுமியே சிறந்தவன்.. இன்றைய இளைய தலைமுறையினரும் இதனை உணர்ந்து கொள்ளவேண்டும்.  

மேலும் படிக்கவும் மறுமொழி இல்லை சுதர்சன் 08-10-2013

இரட்டைப்பிரஜாவுரிமை இடைநிறுத்தம்.

வெளிநாடுகளில் வாழும் இலங்கையர்கள் இரட்டை பிரஜா உரிமையினை பெற்றுக் கொள்ளும் நடைமுறைகள் தற்காலிகமாக இடை நிறுத்தப்பட்டுள்ளதாகவும் இது வரையில் அதனை மீள ஆரம்பிக்கும் தீர்மானம் எடுக்கப்படவில்லை என்றும் அறிவிக்கப்பட்டுள்ளது.   ரொரன்ரோவில் உள்ள இலங்கைத் தூதரகத்தின் கொன்சுயலர் அதிகாரியான கருணாரட்ன இதனை தெரிவித்துள்ளார்.   கனடாவில் வாழும் இலங்கையர்களுக்கு இரட்டைப் பிராஜா உரிமையினை பெற்றுத் தருவதாக கூறி ஒருவர் மோசடிகளில் ஈடுபட்டுள்ளமை குறித்த தகவல்கள் வெளியாகியுள்ளன.   வசந்த அபயசிரி என்ற நபர் கனடாவில் வாழும் இலங்கையர்களுக்கு இலங்கையில் இரட்டைப் பிராஜா உரிமையினை பெற்றுத் தருவதாக கூறி மோசடியில் ஈடுபட்டதாகவும் இதில் ரொரன்ரோவில் உள்ள இலங்கையின் கொன்சுயலர் அலுருவலகத்தின் அதிகாரி ஒருவருக்கும் தொடர்பு இருப்பதாகவும் இணையத்தளம் ஒன்று செய்தி வெளியிட்டுள்ளது.   பலரிடம் இருந்து இவர்கள் ஆயிரக்கணக்கான டொலர்களை மோசடியாக பெற்றுக் கொண்டுள்ளதாகவும் தெரியவந்துள்ளது.   இந்த விடயம் குறித்து எமது செய்திப்பிரிவு ரொரன்ரோவில் உள்ள இலங்கையின் கொன்சுயலர் அலுவலகத்தை தொடர்பு கொண்ட போது இலங்கை அரசாங்கம் இடை நிறுத்தியுள்ள இரட்டைப் பிராஜா உரிமையினை வழங்கும் நடவடிக்கைகள் இதுவரை மீள ஆரம்பிக்கப்படவில்லை என்றும் எனவே இரட்டைப் பிராஜா உரிமைக்கு தற்போது எவரும் விண்ணப்பிக்க முடியாது என்றும் கருணாரட்டன தெரிவித்துள்ளார். தமது அலுவலகத்தினால் வழங்கப்படும் சேவைகளுக்கான கட்டணங்கள் குறித்த தகவல்கள் தமது இணையத்தளத்தில் வெளியிடப்பட்டுள்ளதாகவும் அதற்கு மேலதிகமாக எந்தவிதமான கட்டணங்களையும் எவருக்கும் செலுத்த வேண்டியதில்லை என்றும் அவர் கூறியுள்ளார்.   இதேவேளை இந்த இரட்டைப் பிராஜா உரிமை தொடர்பான மோசடிகளால் பாதிக்கப்பட்டவர்கள் தமது அலுவகத்தினை தொடர்பு கொண்டு ஆதாரங்களை சமர்பிக்க முடியும் எனறும் அவர் குறிப்பிட்டுள்ளார்.

மேலும் படிக்கவும் மறுமொழி இல்லை சுதர்சன் 08-10-2013

75% ஆண்மைக்குறைவுடைய இந்தியர்.

இந்தியாவில் சுகாதாரத்துறை ஆய்வு கணக்கெடுப்பில் இன்றைய ஆண்களிடம் 75% வீதம் ஆண்மைக்குறைவு உள்ளதாக அதிர்ச்சி தகவல் வெளியாகி உள்ளது.  “கொக்கோகம்” என்ற காம சாஸ்த்திரத்தை முனிவர்களால் உருவாக்கப்பட்டு உலகிற்கு அளித்த நமது இந்தியாவில் இப்படி ஒரு நிலை. இன்றைய கலாச்சார சீரழிவு மற்றும் FAST FOOD எனப்படும் உணவு வகைகளாலும் இந்நிலை ஏற்பட்டுள்ளது. ஆண்மைக் குறைவினால் பல குடும்பங்களில் கணவன், மனைவியிடம் கருத்து வேறுபாடுகள் தோன்றி விவாகரத்து வரை செல்ல இதுவும் ஒரு காரணமாக உள்ளது.   “நறுந்தாளி நன்முருங்கை, தூதுவளை, பசலை, வாளிளறு கீரை நெய்வார்த்துண்ணில் யாழி என  விஞ்சுவார் போகத்தில் பெண்களெல்லாம் பின் வாங்கிக் கேள்”   ஆண்மைக்குறைவைப்போக்கும் அற்புதமான வழி முறைகளை சித்தர்கள் வகுத்து அளித்துள்ளனர். இவற்றுக்கான உணவுகள் மற்றும் மருந்து முறைகள் ஏராளமாக உள்ளது. அதில் ஒரு முறை தான் மேலே உள்ள பாடலில் உள்ளது. “நறுந்தாளி என்பது தாளிக்கீரை ஆகும். நன்முருங்கை என்பது முருங்கைக்கீரை அடுத்து தூதுவளை, பசலை கீரை, அரைக்கீரை” இந்த ஐந்து வகை கீரைகளை பசு நெய் ஊற்றி சமைத்து உண்டு வர யாழி என்ற (பத்து சிங்கத்தின் பலம் கொண்டது) விலங்கின் பலம் உடலுக்கு கிடைக்கும் என சித்தர்கள் குறிப்பிட்டுள்ளனர். இவைகளை சமைத்து உண்டு அனைவரும் உடல் பலத்துடன் வாழலாமே!. 

மேலும் படிக்கவும் மறுமொழி இல்லை சுதர்சன் 07-10-2013

இன்னல்களுக்கு மத்தியில் பிறந்த குழந்தைகள்.

இங்கிலாந்தை சேர்ந்த ஒரு பெண்ணிற்கு ஒரே கருமுட்டையில் உருவான 3 பெண் குழந்தைகள் பிறந்துள்ளன.    இங்கிலாந்தின் பான்டிபூல் பகுதியை சேர்ந்த பெண் கில்பெர்ட். 3 வயது பெண் குழந்தைக்கு தாயான இவர் அண்மையில் மீண்டும் கர்ப்பமானார்.    இவர் மருத்துவரிடம் பரிசோதனைக்கு சென்றப்போது, இவருக்கு ஒரே கருமுட்டையில் 3 குழந்தைகள் உருவாகி இருந்தது தெரியவந்தது. இது போன்று ஒரே கருமுட்டையில் 3 குழந்தைகள் உருவாகுவது ஆபூர்வமாகும். 20 கோடி பெண்களில் ஒருவருக்குதான் இது நடைபெறும் எனவும் மருத்துவர்கள் தெரிவித்தனர்.   கில்பெர்ட்டை பரிசோதித்த மருத்துவர்கள், இக்குழந்தைகளை சுமந்து பெற்றெடுக்கும் வகையில் அவரது உடல் நிலை இல்லை என கூறி,குழந்தைகளை கருக்கலைப்பு செய்யும்படி அறிவுறுத்தினர். ஆனால் அதை கில்டெர்ட்டும் அவரது கணவரும் ஏற்றுக் கொள்ளவில்லை. அதைத்தொடர்ந்து மருத்துவர்கள் அளித்த சிகிச்சையின் பலனாக கடந்த ஆகஸ்டு மாதத்தில் 3 குழந்தைகளும் பிறந்தன. அவை அனைத்தும் பெண் குழந்தைகளாகும்.6 வாரங்கள் மருத்துவ பராமரிப்பில் இருந்த அக்குழந்தைகள் உடல் நலத்தோடு இருப்பது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 07-10-2013

கல்யாணம் கட்ட மறுத்த காதலன் மீது அசிட் தெளித்த காதலி.

உத்தர பிரதேச மாநிலத்தில் தன்னை மணக்க மறுத்த காதலன் மீது பெண் ஒருவர் ஆசிட் ஊற்றி தாக்கிய சம்பவம் பெரும் அதிர்ச்சியை ஏற்படுத்தியுள்ளது.   பத்னி கிராமத்தை சேர்ந்த 20 வயது இளம்பெண்ணும், தர்மேந்திரா என்னும் நபரும் காதலித்து வந்தனர்.   இந்நிலையில் பெண்ணின் வீட்டில் அவருக்கு திருமணம் நிச்சயிக்க முடிவுசெய்தனர். இந்த தகவலை தனது காதலன் தர்மேந்திராவிடம் தெரிவிக்க அப்பெண் சென்றுள்ளார்.   அப்போது, தனது காதலை மறுத்த தர்மேந்திரா, அப்பெண்ணை திருமணம் செய்ய மறுத்துவிட்டார். அந்த பெண் எவ்வளவு எடுத்துக்கூறியும் அவர் கேட்கவில்லை.   இதனால் ஒரு கட்டத்தில் ஆத்திரமடைந்த அப்பெண் நேற்று தர்மேந்திரா மீது ஆசிட் ஊற்றி தாக்குதல் நடத்தினார். பலத்த காயமடைந்த தர்மேந்திரா மாவட்ட மருத்துவமனையில் இருந்து தற்போது லக்னோ மருத்துவ கல்லூரி மருத்துவமனைக்கு மாற்றப்பட்டு சிகிச்சை பெற்றுவருகிறார். இச்சம்பவம் தொடர்பாக வழக்கு பதிவு செய்துள்ள போலீசார், ஆசிட் ஊற்றிய இளம்பெண்ணை கைது செய்து விசாரித்துவருகின்றனர்.

மேலும் படிக்கவும் 2 மறுமொழிகள் சுதர்சன் 07-10-2013

ஜெய்யும் காதலிக்கவில்லையாம்.

ஜெய், நஸ்ரியா நசீம் காதலிப்பதாக வந்த செய்திகளுக்கு கடைசியில் ஒரு தற்காலிக முற்றுப்புள்ளி வைத்திருக்கிறார் ஜெய்.    நஸ்ரியா முதலில் ஒப்பந்தமானது ஜெய்யின் திருமணம் என்கிற நிஹ்கா படத்துக்காகதான். அது முடிவதற்குள் நேரம் படம் வெளிவந்தது. அதற்குள் நய்யாண்டி, ராஜா ராணி என நஸ்ரியாவின் கிராஃப் எகிறிவிட்டது.    இந்நிலையில்தான் அந்த உண்மையை மீடியா கண்டு பிடித்தது. ஜெய், நஸ்ரியா காதலிக்கிறார்கள். இந்த காதலை முதலில் மறுத்தவர் நஸ்ரியா. ஜெய் நல்ல நண்பர், எங்காவது சந்தித்தால் பேசிப்போம் அதற்கு மேல் எதுவுமில்லை என்று தெளிவாக காதலுக்கு நோ சொன்னார். இப்போது அதே வார்த்தைகளை ஜெய்யும் ரிப்பீட் செய்திருக்கிறார். நஸ்ரியா வெறும் ப்ரெண்ட்தான், அவரை நான் காதலிக்கலை. இப்போதைக்கு நாமும் அதனை நம்புவோம்.  

மேலும் படிக்கவும் மறுமொழி இல்லை சுதர்சன் 06-10-2013

Windows XP சேவையை நிறுத்தும் Microsoft நிறுவனம்.

விண்டோஸ் எக்ஸ்பி ஆப்பரேட்டிங் சிஸ்டத்தை விட்டுவிடுங்கள் 2014 ஏப்ரல் முதல், அது முற்றிலுமாகப் புறக்கணிக்கப்படும் என்று மைக்ரோசாப்ட் விடுத்த எச்சரிக்கை தற்போது செயல்படத் தொடங்கியுள்ளது. அண்மையில் இது குறித்து, கண்காணித்து ஆய்வு செய்திடும், நெட் அப்ளிகேஷன்ஸ் (Net Applications) அமைப்பு தரும் தகவல்கள் இதனை உறுதி செய்துள்ளன.     சென்ற ஆகஸ்ட் மாதத்தில், விண்டோஸ் எக்ஸ்பி பயன்பாடு, மொத்த பெர்சனல் கம்ப்யூட்டர்களில் 33.7 சதவீதமாகக் குறைந்தது. ஒரே மாதத்தில் 3.5 சதவீதம் குறைந்தது இதுவே முதல் முறையாகும். ஜூலையில் மொத்த விண்டோஸ் சிஸ்டம் பயன்பாடு 40.6 சதவீதமாக இருந்தது. எக்ஸ்பியின் இடத்தில், கடந்த ஓராண்டாக இயங்கி வரும் விண்டோஸ் 8 மற்றும் நான்கு ஆண்டுகளாகச் சந்தையில் இயங்கும் விண்டோஸ் 7 ஆகியவை இடம் பிடித்துள்ளன. சென்ற மாதத்தில், விண்டோஸ் 7, மொத்த பெர்சனல் கம்ப்யூட்டர்களில், 50 சதவீத இடத்தையும், விண்டோஸ் 8, 8.4 சதவீத இடத்தையும் பிடித்தன. கடந்த இரண்டு ஆண்டுகளாகவே, மைக்ரோசாப்ட், விண்டோஸ் எக்ஸ்பி சிஸ்டத்திற்கு மங்களம் பாடச் சொல்லி தொடர்ந்து வலியுறுத்தி வந்தது. ஏப்ரல் 8, 2014க்குப் பின்னர், இதற்கான சப்போர்ட் முழுமையாக நிறுத்தப்படும் எனவும் அறிவித்து வந்தது. ஆனால்,இப்போதுதான், அந்த அறிவிப்புக்கு மக்கள் செவி சாய்க்கத் தொடங்கி உள்ளனர்.   என்னதான், மைக்ரோசாப்ட் பயமுறுத்தி வந்தாலும், விண்டோஸ் எக்ஸ்பி, உலகில் இயங்கும் பெர்சனல் கம்ப்யூட்டர்களில், மூன்றில் ஒரு பங்கில் இயங்கிக் கொண்டுதான் இருக்கும் எனப் பலரும் தெரிவித்து வந்தனர். ஆனால், சென்ற மாத நிலையைப் பார்க்கையில், அடுத்த ஆண்டு ஏப்ரலுக்குப் பின்னர், எக்ஸ்பியின் பயன்பாடு 23% முதல் 28% ஆக இருக்கும் என்று எதிர்பார்க்கப்படுகிறது . மொத்த பெர்சனல் கம்ப்யூட்டர் பயன்பாட்டில், உலக அளவில் விண்டோஸ் சிஸ்டம் பயன்பாடு, சென்ற மாதத்தில், பத்தில் ஒரு பங்கு குறைந்து, மொத்தத்தில் 91.2% ஆக இருந்தது. லினக்ஸ் 1.5% ஆக உயர்ந்தது. ஆப்பிள் ஓ.எஸ். 7.3% ஆக உயர்ந்தது. மைக்ரோசாப்ட் ஆப்பரேட்டிங் சிஸ்டம் பயன்படுத்தப்படும் கம்ப்யூட்டர்களில், விண்டோஸ் 7 சிஸ்டம் 50% கம்ப்யூட்டர்களில் பயன்படுத்தப்படுகின்றன. விஸ்டா 4.5% ஆகக் குறைந்துள்ளது. விண்டோஸ் 8 பயன்பாடு, ஆகஸ்ட்டில் திடீரென அதிகரித்து, 8.4% இடத்தைப் பிடித்துள்ளது.   விண்டோஸ் எக்ஸ்பிக்கான, இறுதி பேட்ச் பைல், 2014 ஆம் ஆண்டு ஏப்ரல் 8ல் வெளியிடப்படும். அதன் பின்னர், மைக்ரோசாப்ட், எக்ஸ்பி குறித்து எந்த நடவடிக்கையும் எடுக்காது. எனவே, எக்ஸ்பி சிஸ்டத்தைக் கை கழுவும் வாடிக்கையாளர் எண்ணிக்கை தொடர்ந்து உயரும் என்று எதிர்பார்க்கப்படுகிறது.

மேலும் படிக்கவும் மறுமொழி இல்லை சுதர்சன் 06-10-2013

மஞ்சளின் மகிமைகள்.

நமது கலாசாரத்திலும் உணவிலும் முக்கிய இடம் பிடிப்பது மஞ்சள். இதற்கு பல மருத்துவ குணங்கள் இருப்பது விசேஷம். அவை பற்றி சற்று பார்ப்போம்.   * மஞ்சள் கலந்த குழம்பு நல்ல மணம், நிறம் கொடுப்பதோடு, வயிறு தொடர்பான அனைத்து நோய்களையும் போக்குகிறது. இறைச்சியின் என்சைம் கெட்டுப் போகாமல் நீண்டநேரம் பாதுகாக்கிறது. கெடுதல் செய்யும் கிருமிகளையும் அழிக்கிறது. பச்சை மஞ்சளை அரைத்து, வண்டுக்கடி, சிலந்திக்கடி ஆகியவற்றில் பூசினால், நோய் தீரும். * பெண்களுக்கு குழந்தை பிறந்த பிறகு ஏற்படும் வயிற்று வலி, கர்ப்பப்பை சிக்கலுக்கு, மஞ்சள் பொடி சாப்பிடுவதால் நல்ல பலன் கிடைக்கிறது.   * விரலி மஞ்சளைச் சுட்டு எரிக்கும்போது எழும் புகையை மூக்கு வழியாக உள்ளுக்கு இழுத்தால், ஜலதோஷம், கடும் தலைவலி, தலைக்கனம், தும்மல் போன்றவை குணமாகும். மஞ்சள் புகையை வாய் வழியாக இழுத்தால், மதுபோதை விலகும்.   * மஞ்சளை வறுத்துப் பொடியாக்கி வைத்துக் கொண்டு தேய்த்து விடுவதன் மூலம் உடலில் தோன்றும் அனைத்து வகையான புண்களையும், புரையோடுதலையும் நீக்கிவிடலாம்.   * குடல் நோய் எதுவாக இருந்தாலும், மஞ்சள் சூரணம் உட்கொண்டால், விரைவாகவும், நிரந்தரமாகவும் நோய் தீரும்.   * மஞ்சளைச் சுட்டு கரியாக்கிய சூரணத்தை உட்கொண்டால், தோல் தொடர்பான நோய்கள், துர்நாற்றத்தைப் போக்கிவிடும். மேலும், வாய்வு தொடர்பான மார்புவலி, தலைவலி குணமாகும்.   * மஞ்சளை கஷாயமாக்கி, பிரசவமான பெண்களுக்குக் கொடுத்தால், வயிற்றில் தங்கியுள்ள விஷ நீர்களை வெளியேற்றிவிடும். மஞ்சளை நன்றாக அரைத்து, தண்ணீரில் கரைத்துத் தெளிய வைத்து, தெளிந்த நீரை வடித்துவிட்டு, பாத்திரத்தில் தங்கியுள்ள பொடி, திப்பியுடன் அடுப்பில் வைத்து நன்றாக எரித்தால், நீர் சுண்டி உப்பு கிடைக்கும். இந்த உப்பைச் சாப்பிட்டால், குடல் கிருமிகள் வெளியேறி துர்நாற் றத்தை நீக்கும்.  * மஞ்சளில் வேப்பிலை சேர்த்து அரைத்தால் அனைத்து வகையான வைரஸ் கிருமிகளையும் அழிக்கும் சக்தியுண்டாகும். மஞ்சளும், சுண்ணாம்பும் சேர்த்துக் கரைத்து ஆரத்தி எடுப்பதால், தொற்றுக் கிருமிகள் அழிக்கப்படுகின்றன.   * மஞ்சள் பூசிக் குளிப்பதால், புலால் நாற்றம், கற் றாழை நாற்றம் நீங்கும். மஞ்சள், வேப்பிலை, வசம்பு சேர்த்து அரைத்து, உடம்பில் பூசிக் கெண்டால் படைகள், விஷக்கடிகள் நீங்கும். * தினம் அரை கிராம் அளவில் மஞ்சள் பொடி சாப்பிட்டால், வயிற்றுப் புண், வலி நீங்கும். மஞ்சளை இலுப்ப எண்ணெயில் குழைத்துத் தடவினால், பித்த வெடிப்பு குணமாகும்.   * மஞ்சளை வேப்ப எண்ணெயில் தோய்த்துக் கொளுத்தினால் புகை வரும். அதை மூக்கு வழியாக இழுத்தால், தலைவலி நீங்கும். * மஞ்சளை நல்லெண்ணெயில் கலந்து கற்பூரம் சேர்த்துக் காய்ச்சி, ரணங்களுக்கும் புண்களுக்கும் போட்டால், சீக்கிரத்தில் ஆறாத ரணங்கள் ஆறும்.   * மஞ்சள், பூண்டு, வசம்பு சேர்த்து வேப்ப எண்ணையில் கொதிக்க வைத்து வடிகட்டி வைத்துக்கொண்டு, காதில் சில துளிகள் விட்டு வந்தால், காதில் சீழ் வடிதல் நின்றுவிடும். மஞ்சளும், கடுக்காயும் சேர்த்து அரைத்துப் பூச, சேற்றுப் புண் குணமாகும். அடிபட்ட புண்ணுக்குப் போட, சீக்கிரம் புண்கள் ஆறிவிடும்.   * மஞ்சளும், நெல்லிப் பொடியும் சமமாகக் கலந்து, தினம் உட்கொண்டால் நீரிழிவு கட்டுப்படும். அடிபட்ட வீக்கம், ரத்தக்கட்டுக்கு மஞ்சளைப் பற்றுப் போடுவதால், ரத்தக்கட்டு, வீக்கம் நீங்கி வலி குறையும்.   * மஞ்சளின் மருத்துவ குணத்தை உணர்ந்து, எளிய முறையில் பணச் செலவில்லாமல், வீட்டில் வைத்துக்கொண்டு உபயோகிப்பதால், அநேக நன்மைகளை அடையலாம்.

மேலும் படிக்கவும் மறுமொழி இல்லை சுதர்சன் 06-10-2013

விருதை பெறும் விஸ்வரூபம்.

மும்பை அந்தே‌ரியில் நடந்து வரும் ஜான்ரான் சர்வதேச திரைப்பட விழாவில் நடிகர் கமல்ஹாசனின் விஸ்வரூபம் படத்துக்கு சிறப்பு விருது வழங்கப்பட்டது. ஜான்ரான் திரைப்படவிழா கடந்த 6 தினங்களாக மும்பை அந்தே‌ரியில் நடந்து வந்தது. விழாவின் இறுதி நாளில் சிறந்த நடிகர் நடிகைகள் மற்றும் படங்களுக்கு விருதுகள் வழங்கப்பட்டன. இந்திய சினிமாவை விஸ்வரூபம் திரைப்படம் ழூலம் சர்வதேச அளவுக்கு கொண்டு சென்றதற்காக கமலின் விஸ்வரூபம் படத்துக்கு சிறப்பு விருது வழங்கப்பட்டது. இங்கிலீஷ் விங்கிலீஷ் படத்திற்காக நடிகை ஸ்ரீதேவிக்கு சிறந்த நடிகைக்கான விருது வழங்கப்பட்டது. பாக் மில்கா பாக் படத்திற்காக பர்ஹான் அக்தரும், பர்ஃபி படத்துக்காக ரன்பீர் கபூரும் சிறந்த நடிகருக்கான விருதை பகிர்ந்து கொண்டனர்.

மேலும் படிக்கவும் மறுமொழி இல்லை சுதர்சன் 05-10-2013

உடல்நலத்துக்கு கெடுதியான அதிக உழைப்பு.

வாரத்தில் 50 மணித்தியாலத்துக்கு மேல் உழைத்தால் உடல்நலம், மனநலம் ஆகியவை பாதிக்கப்படும் என, அமெரிக்க ஆராய்ச்சியாளர்கள் தெரிவித்து உள்ளனர்.இந்த ஆய்வை மேற்கொண்ட கன்சாஸ் மாகாண பல்கலைக்கழகத்தின் ஆராய்ச்சியாளர் சாரா அசபெடோ தெரிவித்ததாவது, நம் உடல் ஆரோக்கியத்திற்கும், நாம் வேலை செய்வதற்கும், நம் மனநிலைக்கும் நெருங்கிய தொடர்பு உள்ளது. இதில், வேலையே கதி என ஓய்வில்லாமல், உணவில்லாமல் உழைப்பவர்களுக்கு பிரதிபலனாக அவர்களது உடல்நலம் மற்றும் மனநலம் ஆகியவை ஒருங்கே பாதிக்கப்படுகிறது. ஓய்வின்றி உழைப்பதால், மனத் தடுமாற்றம் ஏற்படுவதையும் காண முடிந்தது. தொடர்ந்து உழைத்தால் உடல்நிலை பாதிக்கும் என நன்கு தெரிந்திருந்தும், பலர் அவர்களது வேலைக்கு அடிமைகளாகி விட்டதற்கு முக்கியக்காரணம் அவர்களை மற்றவர்கள், “எந்த வேலைக்கும் லாயக்கில்லை’ என, முத்திரை குத்திவிடுவார்களோ என்ற பயம்தான். அதுமட்டுமின்றி, ஓய்வில்லாமல் உழைப்பதால் பெரிய அளவில் சம்பாதிக்கலாம் என்றாலும் அதைச் செலவிடுவதற்குக் கூட நமக்கு நேரம் கிடைப்பதில்லை என்பதுதான் மறுக்கமுடியாத உண்மை. அதுபோல், கூடுதலாக வருவாய் கிடைப்பதற்காக, அதிகநேரம் வேலை செய்வதால் அது சில கெட்ட பழக்கங்களையும் ஏற்படுத்தி விடுகிறதென அவர் மேலும் தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 05-10-2013

காருக்குள்ளும் கறுப்புப்பெட்டி.

கறுப்பு பெட்டி என்றால் அனைவருக்கும் நினைவுக்கு வருவது, அது விமானத்தில் இருக்கும் என்றுதான். அந்த கறுப்பு பெட்டி இப்போது, பேருந்து மற்றும் கார் போன்ற வாகனங்களுக்கும் பொருத்தப்பட உள்ளது.   விமானத்தில் ஏதேனும் விபத்து நிகழ்ந்தால், அந்த விபத்து குறித்த முக்கிய தகவல்களை நிஜத்தை கூறும் கருவியாக இருப்பதுதான் கறுப்பு பெட்டி. கறுப்பு பெட்டி என்பது, "ஈவென்ட் டேட்டா ரெக்கார்டர்" அதாவது, நடந்த நிகழ்வுகளை பதிவு செய்ய பயன்படுவது. இது தற்சமயம் கார்களில் வரப்போகிறது என்பது ஆச்சரியமான விஷயம். இதன் மூலம், கார்களில் ஏற்படும் விபத்துகளின் உண்மையான காரணம், இன்சூரன்ஸ் நிறுவனத்திற்கு உண்மையை விளக்கும் கருவியாக, போலீஸ் விசாரணையின்போது நீதிமன்றங்களில், கறுப்பு பெட்டி ஓர் சாட்சியாக செயல்படக்கூடிய முக்கியமான கருவி ஆகும்.   காரில் கறுப்பு பெட்டி பொருத்துவதன் பயன் குறித்த ஆய்வில், கறுப்பு பெட்டி பொருத்திய கார்களில், ஓட்டுனர்களால் 10 சதவீதம் அளவு விபத்துகள் குறைந்துள்ளது என அறியப்பட்டுள்ளது. காரில் பொருத்தப்படக்கூடிய கறுப்பு பெட்டிகள் 1996ல் பொருத்தப்பட்டுவிட்டன. ஆனால், அது குறித்து போதிய விஷயம் மக்கள் அறியவில்லை. இன்றைய அயல்நாட்டில் ஓடும் 75 சதவீதத்திலான கார்களில் இந்த கறுப்பு பெட்டி உள்ளன. கறுப்பு பெட்டிகள் வேறு காரணத்திற்கு காரில் அமைக்கப்பட்டது.   ஏர்பேக் செயல்படும் விதத்தை ஆராயும் நோக்கில் கறுப்பு பெட்டி முதன்முதலாக பயன்படுத்தப்பட்டன. பின், அதுவே காரின் முக்கிய தகவல் கருவியாக வடிவமைக்கபட்டுவிட்டது. காரில் இருக்கும் கறுப்பு பெட்டி மூலம் காரின் வேகம், சமீபத்திய இயக்கம், ஓட்டுனர் பிரேக் போட்ட விதம், கொடுத்த சமிக்ஞைகள் போன்ற 20 வகையான புள்ளி விவரங்கள் பதிவாகும். மோதல்கள் ஏற்படுவதற்கு 5 முதல் 10 நிமிடங்கள் முன்னரே கறுப்பு பெட்டி பதிவுகள் நடைபெறும். இந்த கறுப்பு பெட்டி தகவல்களை குறியீடுகள் வழியாக தெரிவிக்கும் என்றாலும், வீடியோ மூலம் பதிவு செய்து தெரிவிக்கும் என்றவாறும் உள்ளன.   வீடியோ மூலம் பதிவு செய்து தரும் கறுப்புப் பெட்டிகள் கூடுதல் சிறப்பு தன்மை கொண்டவை. இந்த வீடியோ பதிவிலான கறுப்பு பெட்டி, விண்ஷீல்டு பகுதியில் பொருத்தப்பட்டிருக்கும். இதில் உள்ள கேமரா மூலம் தகவல்கள் சேகரிக்ப்பட்டு ஜி.பி.எஸ்., உதவியுடன் கணினி ஒத்துழைப்புடன் பதியப்படும். ஆக்சிலேட்டர் கொடுப்பது, பிரேக் பிடிப்பது, வளைப்பது முதற்கொண்டு அனைத்தும் இதில் பதிவாகும். இவ்வாறு பெறப்படும் தகவல்கள் உடனக்குடன் தானாகவே அதில் உள்ள, "செக்யூர் டிஜிட்டல் கார்டில்" சேமிக்கப்பட்டு விடும்.   வீடியோ அடிப்படையிலான இந்த வகை கறுப்பு பெட்டி மூலம், மிகத்துல்லியமாக நேரம், இடம், வாகன இயக்கத்தின் போது, திசை, வாகன ஓட்டுனரின் பார்வை போன்றவை பதியப்படுகின்றன. இந்த பதிவுகள் மூலம், விபத்தின் தன்மையை அறிய உதவுகிறது. இதில் ஏதேனும், அதாவது வாகனம் மஞ்சள் விளக்கு எரிந்தபோது சென்றதா, சிவப்பு விளக்கு எரிந்தபோது கடந்து வந்ததா என்பதை கூட தெளிவாக அறிய முடியும். 2006ல் ஐரோப்பியாவில் நடைபெற்ற ஓர் வழக்கில், காரில் இருந்த கறுப்பு பெட்டி மூலம் உண்மை கண்டறியப்பட்டது. தற்சமயம் நவீன கார்களில், கறுப்பு பெட்டி பொருத்துவது விபத்தில்லா பயணங்களுக்கு வழிவகுக்கும்

மேலும் படிக்கவும் மறுமொழி இல்லை சுதர்சன் 05-10-2013

ஜில்லா கிளைமாக்ஸ் ஹைதராபாத்தில்.

விஜய்யின் ‌ஜில்லா படத்தின் கிளைமாக்ஸ் சண்டைக் காட்சி ஹைதராபாத்தில் நடக்கிறது. தலைவாவுக்குப் பிறகு நேசனின் ‌ஜில்லா படத்தில் நடித்து வருகிறார் விஜய். சூப்பர்குட் ஃபிலிம்ஸ் ஆர்.பி.சௌத்‌ரி படத்தின் தயா‌ரிப்பாளர். மோகன்லால், பூர்ணிமா, காஜல் அகர்வால் ஆகியோரும் நடித்து வருகின்றனர். விஜய்யும், காஜலும் போலீஸ் அதிகா‌ரிகளாக நடிப்பதாக கூறப்படுகிறது. படத்தின் இறுதி சண்டைக் காட்சியை ஹைதராபாத்தில் பிரமாண்டமாக எடுக்கின்றனர். அதற்காக பெரும் பொருட் செலவில் அரங்கம் அமைத்துள்ளனர். அந்த அரங்கில் விஜய் எதி‌ரிகளுடன் மோதுகிறார். ஸ்டண்ட் மாஸ்டர் சிவா இந்த சண்டைக் காட்சியை அமைக்கிறார்.    

மேலும் படிக்கவும் மறுமொழி இல்லை சுதர்சன் 04-10-2013

சனத்தொகையில் சீனாவை மிஞ்சப்போகும் இந்தியா.

2050 ஆம் ஆண்டிற்குள் இந்தியா மக்கள்தொகையில் சீனாவை பின்னுக்கு தள்ளி முதலிடத்தை பிடிக்குமென ஆய்வறிக்கை ஒன்று தெரிவிக்கின்றது.   பிரான்சு நாட்டின் பிரஞ்சு இன்ஸ்டிடூட் ஆப் டெமொக்ராபிக் ஸ்டடீஸ் (French Institute of Demographic Studies ( INED)), நடத்திய ஆய்வில் இந்த தகவல் தெரிவிக்கப்பட்டுள்ளது. அந்த ஆய்வின்படி, வருகிற 2050 ஆம் ஆண்டுக்குள் 160 கோடி மக்கள் தொகையுடன் சீனாவை பின்னுக்கு தள்ளி இந்தியா முதலிடத்தை பிடிக்கும் என தெரிவிக்கப்பட்டுள்ளது.    அதே சமயம் 130 கோடி மக்கள் தொகையுடன் சீனா இரண்டாம் இடத்துக்கு தள்ளப்படும் எனவும் குறிப்பிட்டுள்ள அந்த அறிக்கை அப்போது உலகின் ஒட்டுமொத்த மக்கள் தொகை 970 கோடியாக உயரும் எனவும் கூறுகிறது. கடந்த 200 ஆண்டுகளில் உலக மக்கள்தொகை 7 மடங்கு அதிகரித்து தற்போது 710 கோடியாக உள்ளது. இதில் 130 கோடி பேர் சீனாவிலும், 120 கோடி பேர் இந்தியாவிலும் உள்ளனர்.    அதாவது, ஒட்டுமொத்த உலக மக்கள் தொகையில் மூன்றில் ஒரு பங்கினர் இந்தியா மற்றும் சீனாவில் பிறந்தவர்கள் என்பது இந்த ஆய்வின் மூலம் தெரியவந்துள்ளது குறிப்பிடத்தக்கது.   

மேலும் படிக்கவும் மறுமொழி இல்லை சுதர்சன் 04-10-2013

நாடித்துடிப்பால் கணினியை இயக்கும் தொழில்நுட்பம்.

கையடக்க தொலைபேசி மற்றும் கணணியை இதயத்துடிப்பு மற்றும் நாடித் துடிப்பின் அதிர்வால் இயக்கும் கருவி கனடாவில் அறிமுகப்படுத்தப் பட்டுள்ளது.  மணிக்கட்டில் கட்டும் கைப்பட்டை வடிவில் தயாரிக்கப்பட்டுள்ள இக்கருவி “நைமி ரிஸ்ட் பேண்ட்” என்று பெயரிடப்பட்டுள்ளது. இதில் இதயத் துடிப்பின் அதிர்வை அறிய வோல்ட் மீட்டர் மற்றும் ஹொட் ஐடி பொருத்தப்பட்டுள்ளது. கனடாவின் பயோனிம் நிறுவனம் இக்கருவியின் தயாரிப்பு மற்றும் விற்பனையில் ஈடுபட்டுள்ளது. இதைக் கொண்டு காரைத் திறப்பது ஒன்லைன் சொப்பிங்கில் பணம் செலுத்துவது உள்ளிட்ட பணிகளை செய்ய முடியும். இக்கருவியால், கையடக்க தொலைபேசி, கணணி மற்றும் பிற இலத்திரனியல் கருவிகளின் கடவுச் சொற்கள் ஆகவும் பயன்படுத்தலாம்.  இதை அணிந்திருப்பவர், கையடக்க தொலைபேசி, கணணி, மடிக் கணணி அருகில் சென்றால், அவை தானாக இயங்க ஆரம்பிக்கும். ஸ்மாட் டிவியை இயக்கவும், நிறுத்தவும் முடியும்.

மேலும் படிக்கவும் 4 மறுமொழிகள் சுதர்சன் 04-10-2013

லோரென்ஸின் விபத்தால் தாமதமாகும் முனி-3.

முனி’, ‘காஞ்சனா’ வெற்றிக்குப் பிறகு ராகவா லாரன்ஸ் நடித்து இயக்கும் படம் ‘முனி-3 கங்கா’. இப்படத்தில் இவருக்கு ஜோடியாக டாப்சி நடிக்கிறார். மேலும், கோவை சரளா, தேவதர்ஷினி உள்ளிட்ட பலரும் நடிக்கின்றனர். இப்படத்திற்கு எஸ்.தமன் இசையமைக்கிறார்.  இந்நிலையில், இந்த படத்தின் பாடல் காட்சி ஒன்றின் ஒத்திகையின்போது லாரன்ஸ் தடுமாறி கீழே விழுந்து அவருக்கு பலத்த அடிபட்டுள்ளது. அவரது கழுத்து மற்றும் கை மணிக்கட்டுகளில் பலத்த அடிபட்டுள்ளது. உடனடியாக அவர் மருத்துவமனைக்கு கொண்டு செல்லப்பட்டு, அங்கு சிகிச்சை பெற்று வருகிறார். பலத்த அடிபட்டுள்ளதால் 3 மாதங்கள் ஓய்வு எடுக்கவேண்டும் என டாக்டர்கள் அவரை அறிவுறுத்தியுள்ளனர். இதனால் டிசம்பர் மாதம் ‘முனி-3 கங்கா’ படப்பிடிப்பில் கலந்துகொள்ள இருக்கிறார்.  இதுகுறித்து லாரன்ஸ் கூறும்போது, "‘முனி-3 கங்கா’ படத்தின் முதல் பாதி முடிந்துவிட்டது. இரண்டாவது பாதியில் ரிஸ்க்கான காட்சிகள் அதிகம் இடம்பெறுவதால் முழு சிகிச்சைக்குப் பிறகு படப்பிடிப்பில் கலந்துகொள்ள முடிவெடுத்திருக்கிறேன்" என்றார்.

மேலும் படிக்கவும் மறுமொழி இல்லை சுதர்சன் 03-10-2013

மீசை முளைக்கும் மழலை.

விழுப்புரத்தை சேர்ந்த 2 வயது ஆண் குழந்தைக்கு திடீர் ஹார்மோன் மாற்றத்தால், உடல் உறுப்புகளில் மாற்றங்கள் உண்டாகின. குறிப்பாக பெரியவர்களை போல் தாடி, மீசை மற்றும் உடல் முழுவதும் முடி வளர்வதும் தென்பட்டது.   மழலை பருவத்திலேயே இத்தகைய மாற்றங்களை கண்டு பெற்றோர் அதிர்ச்சியடைந்தனர். இதையடுத்து அவனை, பெற்றோர் புதுவை ஜிப்மர் மருத்துவமனையில் சேர்த்தனர். ஹார்மோன் துறை உதவி பேராசிரியர் டாக்டர் சதீஷ் பரிசோதனை செய்தபோது, அவனது உடலில் ஹார்மோன்கள் மிகவும் அதிக அளவில் இருந்தது. ஸ்கேன் செய்து பார்த்தபோது, மூளையின் அடிப்பகுதியில் உள்ள ஹார்மோன்களின் தலைமையிடமான ஹைப்போத்தாலமசில் ஒரு கட்டி வளர்ந்திருப்பது தெரியவந்தது.  முதலில் அவனுக்கு ஹார்மோன்களை கட்டுப்படுத்த 3 மாதத்திற்கு ஒரு முறை சிறப்பு மருந்துகள் ஊசி மூலம் செலுத்தினர். ஆனால் அது அவனுக்கு முழுமையான மாற்றத்தை ஏற்படுத்தவில்லை. மேலும், அந்த மருந்து இன்னும் 10 முதல் 12 வருடங்களுக்கு தொடர்ந்து செலுத்த வேண்டும். வெளிநாடுகளில் இருந்து இறக்குமதி செய்யப்பட்ட அந்த மருந்தின் விலை மிக அதிகம். இதனால், அதை வாங்க முடியாமல் குழந்தையின் பெற்றோர் அவதிப்பட்டனர்.   இதனை தொடர்ந்து, அவனுக்கு அறுவை சிகிச்சை செய்ய ஜிப்மர் மருத்துவக் குழுவினர் முடிவு செய்தனர். நரம்பியல் அறுவை சிகிச்சை துறை கூடுதல் பேராசிரியர் டாக்டர் ரூபேஷ்குமார் தலைமையிலான குழுவினர், மூளையின் அடிப்பகுதியில் உள்ள அந்த கட்டியை அறுவை சிகிச்சை மூலம் கடந்த வாரம் அகற்றினர். இதன்பிறகு அவனது ஹார்மோன் அளவு வயதுக்கு ஏற்ப சரியாக காணப்படுகிறது. இனி அவனுக்கு ஊசி மருந்து தேவைப்படாது என்று டாக்டர்கள் தெரிவித்தனர்.

மேலும் படிக்கவும் மறுமொழி இல்லை சுதர்சன் 03-10-2013

கனடா ஒன்டாறியோ அழகியாக தமிழ் யுவதி தேர்வு.

அபிசேகா லொயிட்சன் என்ற யுவதியே இவ்வாறு இளம் கனேடிய அழகியாக தெரிவு செய்யப்பட்டுள்ளார்.   ஒன்டாரியோவில் நடைபெற்ற போட்டியில் குறித்த தமிழ் யுவதி அழகிப் பட்டம் வென்றுள்ளார்.   கர்நாடக சங்கீதம் உள்ளிட்ட பல்வேறு திறமைகளைக் கொண்டவராக அபிசேகா திகழ்கின்றார் எனத் தெரிவிக்கப்படுகிறது. இலங்கைப் பெற்றோருக்கு கனடாவில் பிறந்தவரே அபிசேகா எனத் தெரிவிக்கப்படுகிறது.   வவுனியாவில் அமைந்துள்ள தமது தாயின் பாடசாலைக்கு கடந்த ஆண்டு சென்றதாகக் குறிப்பிடப்படுகிறது. சந்தர்ப்பம் கிட்டினால் மீண்டும் இலங்கைக்கு விஜயம் செய்ய விரும்;புவதாக அபிசேகா தெரிவித்துள்ளார்.   வவுனியாவின் பெற்றோருக்கு பிறந்த தமிழ் யுவதி கனடாவில் 2013-14 ஆம் வருடத்துக்கான வளர்;ந்து வரும் மிஸ் டீன் கனடாவாக தெரிவுசெய்யப்பட்டுள்ளார்   ஒன்றாரியோ இடம்பெற்ற நிகழ்வு ஒன்றின் போதே அபிஸ்ஷேக்கா லோயட்சன் டீன் கனடாவாக தெரிவுசெய்யப்பட்டார் சிறு வயதிலிருந்து அபிஸ்ஷேக்கா குரல் பயிற்சி மற்ற