காத்திருக்கவும்
காத்திருக்கவும்

கருத்துக்கணிப்பு

பிறந்தநாள்

add your birhtday

கடைசி 15 கருத்துரைகள்

2 manoharan :
நினைவாற்றலை பெருக்கிடும் வெண்டிக்காய்.
9 manoharan :
கள்ளக்காதலுடன் தொடர்பு வைத்த மனைவியின் நிலை.
33 manoharan :
எப்பொழுதும் உன் சொப்பனங்கள் - சிரித்திரன்.
1 anton மனோகரன்:
ஒவ்வொரு தாக்கத்துக்கும் எதிர்த்தாக்கம் சமம்.
1 அற்புதன் :
திருமண அழைப்பிதழ்: சஜீதன் + பிரியா.
1 மனோகரன் :
பொதுக்கூட்டம் ஆறுமுக வித்தியாலயம்.
3 ந ,அஜரூபன் :
எம் தமிழ்.
2 anton மனோகரன்:
மரண அறிவித்தல்: கனகசபை லிங்கநாதன்.
1 anton மனோகரன்:
நிரந்தர கல்விக்கூடம் பண்மக்கள் இலவச கல்விக்கூடம்.
29 anton மனோகரன்:
மனிதரும் மன அழுத்தமும் - பம்பல்Kமனோ.
1 மனோகரன் :
அளவான அன்பு.
8 rajan:
கேள்விக்குறியாகும் டார்வினின் பரிணாமக்கொள்கை - சிரித்திரன்.
1 manoharan :
தவறுகளை என்னிடமே சொல்லிவிடுங்கள்.
1 manoharan:
தக்காளியில் ஊறுகாய்.
18 manoharan :
சிரித்து இரன் = சிரித்திரன் - பகுத்தறிவாளன்.

சகோதர இணையங்கள்


Facebook

விளம்பரங்கள்

செய்திகள்

பக்கம் தேர்ந்தெடுக்கவும்:

வீடுகளில் முதலீடு செய்யும் நோர்வே பணக்காரர்.

உலகத்தின் தலை நகரங்களில் உள்ள வீடுகள் அதி உயர் விலையில் விற்கப்படுவதானது பொதுவில் அந்த நாட்டுக்கு ஓர் உலக மதிப்பை ஏற்படுத்துவது வழமை. தற்போது சீனத் தலைநகர் பெய்ஜிங்கில் வீடுகளின் விலை விண்ணைத் தொட்டுள்ளது, இதை சீனப் பொருளாதாரம் பெருமையாகக் கருதுகிறது. இதுபோல நோர்வேயின் தலைநகர் ஒஸ்லோவிலும் ஒரு தொடர்மாடி குடியிருப்பு வீடு 35 மில்லியன் குறோணருக்கு விற்பனையாகி உலகப் பணக்காரரின் கவனத்தைத் தொட்டுள்ளது. இந்த தொடர்மாடி குடியிருப்பு வீட்டின் ஒரு சதுர மீட்டர் பரப்பளவின் விலை 2.57.777 நோஸ்க் குறோணருக்கு விற்றுள்ளது, 157 சதுர மீட்டர் பரப்பளவு கொண்ட வீட்டின் மொத்த விலை 35 மில்லியன் டேனிஸ் குறோணராகும். இந்த வீட்டை வாங்கியவர் யாரென்ற விபரத்தை விற்பனையாளர் வெளியிடவில்லை, ஆனால் விற்றவர் கடந்த 1998 ம் ஆண்டு இதே வீட்டை வெறும் 8.30.000 குறோணருக்கு மட்டுமே வாங்கியிருக்கிறார். வீட்டு விற்பனையில் இது மகத்தான சாதனையாகும். பணத்தை வைத்துக் கொண்டு அதை எப்படிப் பெருக்குவதென்று ஓடித்திரிவோர் ஒஸ்லோவில் வீடு வேண்டிப்போட்டால் பின் வட்டியை விட பெரிய தொகைக்கு விற்கலாம் என்பது இதன் கருத்தாகும்.

மேலும் படிக்கவும் மறுமொழி இல்லை சுதர்சன் 25-11-2014

பாலாவின் படத்தில் நடிக்கும் ஹிந்தி இயக்குனர்.

பாலாவின் தாரை தப்பட்டை என்னும் திரைப்படத்தில் இந்திப்பட இயக்குனர் சதீஷ் கௌசிக் நடிக்கவிருக்கிறார். பாலிவுட்டின் முக்கியமான நடிகர், இயக்குனர், தயாரிப்பாளர் சதீஷ் கௌசிக். பாலாவின் சேது படத்தை இவர்தான் சல்மான், பூமிகா ஆகியோரை வைத்து தேரே நாம் என்ற பெயரில் இந்தியில் ரீமேக் செய்தார். படம் அப்போது டல்லடித்துக் கொண்டிருந்த சல்மானின் மார்க்கெட்டை தூக்கி நிறுத்தியது.   சதீஷ் கௌசிக்கை தனது தாரை தப்பட்டையில் ஒரு முக்கியமான வேடத்தில் நடிக்க வைக்கிறார் பாலா.  சசிகுமார், வரலட்சுமி நடிக்கும் இந்தப் படத்தின் பாடல்கள் ஒலிப்பதிவை இளையராஜா எப்போதோ முடித்துவிட்டார். ஆனால் படப்பிடிப்பு இந்த மாத இறுதியில்தான் தொடங்குகிறது. சதீஷ் கௌசிக்ககும் முதல் ஷெட்யூல்டில் கலந்து கொள்கிறார்.   தாரை தப்பட்டை இளையராஜாவின் 1000-வது படம் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 24-11-2014

IS தீவிரவாதிகளிடமிருந்து தப்பிய சிறுமி.

IS தீவிரவாதிகள் ஈராக் மற்றும் சிரியாவின் பெரும் பகுதியை கைப்பற்றி இஸ்லாமியா அரசாக அறிவித்து உள்ளனர். IS தீவிரவாதிகள் ஈராக் மற்றும் சிரியாவில் குர்தீஷ்  படைகளூக்கு எதிராக் அடிக்கடி தாக்குதல் நடத்தி வருகின்றனர்.   IS தீவிரவாதிகளிடம் இருந்து தப்பிய 15 வயது மாணவி தனியார் தொலைகாட்சிக்கு ஒன்று பேட்டி கொடுத்துள்ளார்.   அதில் அவர் கூறியதாவது; IS தீவிரவாதிகள் பல பெண்களை கட்டாயமாக மதம் மாற்றம் செய்யபட்டு வலுகட்டாயமாக  திருமணம் செய்ய நிர்பந்திக்கின்றனர் என்று கூறி உள்ளார். ஐ.எஸ் தீவிரவாதிகள் பெண்களை அடைத்து வைத்து சித்ரவதை செய்து வருகின்றனர். என் சிந்தனை முழுவதும் ஐ.எஸ் தீவிரவாதிகளிடம் இருந்து என் நண்பர்களை காப்பற்றவேண்டும் என்று கூறினார் இதற்காக நான் என்.ஜி.ஒக்களின் ஆதரவை கேட்டுள்ளேன் என்று கூறினார்.  

மேலும் படிக்கவும் மறுமொழி இல்லை சுதர்சன் 24-11-2014

விற்றமின் D பற்றாக்குறையால் 30% மரணம் வேகம்.

டென்மார்க் கோப்பன்கேகன் மருத்துவப்பிரிவு இன்று வெளியிட்டுள்ள ஆய்வில் விட்டமின் டி பற்றாக்குறை உயிராபத்தை அதிகரிக்கும் என்று அறிவித்துள்ளது. விற்றமின் டி பற்றாக்குறையானது பல்வேறு நோய்களை தூண்டிவிட்டு இயல்பான மரணத்தை வேகப்படுத்தி 30 வீதம் கூடுதலான மரண ஆபத்திற்கு மனிதனை தள்ளி விடுகிறது என்றும் தெரிவித்துள்ளார்கள். விற்றமின் டி பற்றாக்குறை உள்ளோர் இந்த விடயத்தில் கூடுதல் கவனம் செலுத்த வேண்டும்.

மேலும் படிக்கவும் மறுமொழி இல்லை சுதர்சன் 24-11-2014

எந்திரன் இரண்டாம் பாகத்தில் அமீர் கான்.

 லிங்கா வெளியாகும் சந்தோஷத்தை துடைத்துவிட்டது அமீர் கானின் ஸ்டேட்மெண்ட். ஷங்கரின் அடுத்தப் படமான எந்திரன் 2 -இல் ரஜினிக்கு பதில் அமீர் கான் நடிக்கிறார். எந்திரனின் இரண்டாம் பாகத்தை ஏற்கனவே எழுதி முடித்துவிட்டேன் என்று ஷங்கர் ஏற்கனவே கூறியிருந்தார். அதிபயங்கர சண்டைக் காட்சிகள் உள்ள படத்தில் ரஜினியை எப்படி நடிக்க வைப்பது என்ற சந்தேகம் தொடக்கம் முதலே இருந்து வந்தது.  ரஜினி இல்லை என்றால் அவரது இடத்தை நிரப்பப் போவது யார்? விஜய்யா இல்லை அஜீத்தா என்ற மங்காத்தா சில தினங்கள் ஓடியது. எந்திரன் 2 -க்கு போடுகிற தீனிக்கு விஜய்யோ, அஜீத்தோ உத்தரவாதம் தர முடியாது. ரஜினி மாதிரி பெரிய திமிங்கலம்தான் வேண்டும்.   இறுதியில் அமீர் கானை டிக் செய்திருக்கிறார் ஷங்கர். இந்தி என்றால் இந்திய திரையங்குகளில் மட்டும் அனாயாசமாக 300 கோடியை வசூலித்துவிடலாம். அதனால்தான் அமீர் கான். பிரமாண்டம் மேலும் பிரமாண்டம் என்று போய்க்கொண்டிருக்கும் அமீர் கானுக்கு ஷங்கர் சரியான சாய்ஸ்.   அடிச்சு தூள் கிளப்புங்க.

மேலும் படிக்கவும் மறுமொழி இல்லை சுதர்சன் 23-11-2014

மனைவி உட்பட 7 பேரைக்கொன்ற முதியவரை மணக்கப்போகும் பெண்.

அமெரிக்காவில் தனது கர்ப்பிணி மனைவி உட்பட 7 பேரை கொடூரமாகக் கொலை செய்த குற்றத்திற்காக ஆயுள் தண்டனை அனுபவித்து வரும் 80 வயது முதியவரை இளம் பெண் ஒருவர் விரைவில் திருமணம் செய்யவுள்ளார். அமெரிக்காவின் லாஸ் ஏஞ்சல்ஸ் பகுதியைச் சேர்ந்த 80 வயதுடையவர் சார்லஸ் மேன்சன். இவர் கடந்த 1969ஆம் ஆண்டு தனது கர்ப்பிணி மனைவி ஷரோன் டேட் உட்பட 7 பேரை கொடூரமாகக் கொலை செய்தார். இந்த குற்றத்துக்காக அவர் தனது ஆயுளை சிறையில் கழித்து வருகிறார். இந்நிலையில், சிறையிலேயே பல ஆண்டுகளாக இருக்கும் சார்லஸ் மேன்சனை அடிக்கடி சந்தித்து வந்த சூப்டன் எலைன்ஸ் பர்டான் என்ற 26 வயது இப்பெண்ணுடன் காதல் ஏற்பட்டது.   இதையடுத்து இருவரும் கலிபோர்னியா மறுவாழ்வு சீர்திருத்த துறையில் அனுமதி பெற்று விரைவில் திருமணம் செய்து கொள்ளவிருப்பதாகத் தெரிவிக்கப்பட்டுள்ளது.

மேலும் படிக்கவும் 1 மறுமொழி சுதர்சன் 23-11-2014

தீவிரவாதிகளிடமிருந்து நாடு திரும்பிய நெதர்லாந்துப்பெண்.

ISIS அமைப்பில் இணைந்த நெதர்லாந்து நாட்டை சேர்ந்த 19 வயது சிறுமி, தாயகம் திரும்பியுள்ளதாக தகவல்கள் தெரிவிக்கின்றன. நெதர்லாந்தை சேர்ந்த அய்சா (Aicha Age-19) என்ற பெண், ஒமர் யில்மாஸ் (Omar Yilmaz) என்ற தீவிரவாதி தொலைக்காட்சியில் அளித்த பேட்டியால் ஈர்க்கப்பட்டு அவர் மீது காதல் கொண்டுள்ளார்.   எனவே கடந்த பெப்ரவரி மாதம் வீட்டை விட்டு வெளியேறி சிரியாவுக்கு சென்றுள்ளார். இதன்பின் இஸ்லாமிய மதத்திற்கு மாறிய அவர், ஒமரை திருமணம் செய்துக்கொண்டு தாக்குதல்களில் ஈடுபட்டு வந்துள்ளார். இந்நிலையில் மகளை காப்பாற்ற துடித்த அய்சாவின் தாயார், துருக்கி வழியாக ஐ.எஸ்.ஐ.எஸ்-யின் தலைமையகமாக விளங்கும் சிரியாவின் ரக்கா (Raqqa) நகருக்கு சென்றுள்ளார்.   இஸ்லாமியரை போல் பர்தா அணிந்துக்கொண்டு சென்ற இவர், தனது ரகசியமாக மகளை சந்தித்து அங்கிருந்து நாடு திரும்பியுள்ளார். இதனையடுத்து நெதர்லாந்து வந்தடைந்த ஆய்சாவை பொலிசார் கைது செய்து நீதிமன்றத்தில் ஆஜர்ப்படுத்தியுள்ளனர். இவருக்கு அதிகப்பட்ச தண்டனை வழங்கப்படும் என கூறப்படுகிறது.

மேலும் படிக்கவும் மறுமொழி இல்லை சுதர்சன் 23-11-2014

சிறந்த திரையுலக பிரமுகர் விருதை பெறும் ரஜினி.

கோவாவில் நடைபெற்று வரும் சர்வதேச திரைப்பட விழாவில், நடிகர் ரஜினிகாந்துக்கு சிறந்த திரையுலகப்பிரமுகர் விருது வழங்கப்பட்டது.   கோவாவில் சர்வதேச திரைப்பட விழா நடைபெற்றது. இவ்விழாவில் சாதனையாளர்களைக் கௌரவிக்கும் விதமாக சீனா, ஜப்பான் நாட்டு கலைஞர்கள், உலக அளவில் பத்திரிகைத் துறையில் சாதித்தவர்கள் என்று பலருக்கும் விருது வழங்கப்பட்டது. விழாவில் சிறப்பு விருந்தினராக அகில இந்திய சூப்பார் ஸ்டார் அமிதாப் பச்சன் கலந்து கொண்டார். நடிகர் ரஜினிகாந்துக்கு கருப்பு வெள்ளைப் படமான அபூர்வ ராகங்கள் படத்திலிருந்து, தற்போதைய டெக்னிக் நிறைந்த படங்களான லிங்கா வரை ரஜினிகாந்த் சிறந்த திரையுலகப் பிரமுகர் என்று கௌரவித்து அந்த விருது அவருக்கு வழங்கப்பட்டது. மத்திய நிதி அமைச்சர் அருண்ஜெட்லி மற்றும் அமிதாப் பச்சன் இருவரும் நடிகர் ரஜினிகாந்துக்கு விருது வழங்கி கௌரவித்தனர்.

மேலும் படிக்கவும் மறுமொழி இல்லை சுதர்சன் 22-11-2014

பஸ்ஸில் முறை தவறிய ராணுவத்துக்கு எச்சரிக்கை.

தனியார் பஸ்ஸில் பயணம் செய்த பெண்களுடன் மதுபோதையில் தகாத முறையில் நடந்த சிப்பாய் ஒருவர் பஸ்ஸிலிருந்து இறக்கிவிடப்பட்டு எச்சரித்து விடுவிக்கப்பட்டார். இச்சம்பவம் நேற்று வெள்ளிக்கிழமை இரவு 7.00 மணியளவில் மானிப்பாயில் இடம்பெற்றுள்ளது. யாழ்ப்பாணத்தில் இருந்து காரைநகர் நோக்கிப் புறப்பட்ட மினி பஸ்ஸில் இராணுவ வீரர் ஒருவரும் ஏறியுள்ளார். இவர் பஸ்சில் இருந்த பெண்ணுடன் அங்கசேஷ்டை புரிந்த நிலையில் குறிப்பிட்ட பெண் தனது சகோதரர்களுக்கு தொலைபேசியில் சம்பவத்தை கூறியுள்ளார். பெண்ணின் சகோதரர்கள் மானிப்பாய் பூட்சிற்றிக்கு அண்மையாக குறிப்பிட்ட மினிபஸ்ஸை மறித்து அந்தச் சிப்பாயை பஸ்ஸில் இருந்து இறக்கியுள்ளார்கள். இதனைத் தொடர்ந்து அந்த இடத்தில் கூடிய பொதுமக்களால் சிப்பாய் கடுமையாக எச்சரிக்கை செய்யப்பட்ட பின்னர் விடுவிக்கப்பட்டார்.

மேலும் படிக்கவும் மறுமொழி இல்லை சுதர்சன் 22-11-2014

ஒபாமாவின் புதிய அகதிகள் கொள்கை.

நேற்று முன்தினம் அகதிகள் கொள்கையில் மாற்றங்கள் செய்யப்படும் என்று அறிவித்த அமெரிக்க அதிபர் பராக் ஒபாமா நேற்றிரவு தனது திட்டங்களின் முக்கிய புள்ளிகளை விபரித்தார். அமெரிக்காவில் சட்ட முரணாக குடியேறியிருப்போரில் கல்வி கற்றவர், வரிகட்டுவோர், சட்டத்திற்கு கட்டுப்பட்டு வாழ்வோர் இந்தச் சட்டத்தால் நன்மையடைவர். ஒரு நாட்டின் குடிமகனாக வாழ்வதற்கான அடிப்படைத் தகுதி கொண்டவர்களுக்கு அமெரிக்காவில் வாழ உரிமை வழங்கப்படும் என்று தெரிவித்துள்ளார். தற்போது அமெரிக்காவில் சட்ட முரணாகக் குடியேறியிருப்போர் தொகை 11 மில்லியன் என்று தெரிவிக்கப்படுகிறது, இவர்களில் சுமார் ஐந்து மில்லியன் மக்களுக்கு இது பயன் தரும் திட்டமாக இருக்கிறது. மறுபுறம் குற்றச் செயல் பின்னணி கொண்டோர், நாட்டை தமது தப்பான நோக்கங்களுக்கு பயன்படுத்த முயன்றோருக்கு இந்தச் சட்டமூலம் ஆபத்தான விளைவுகளை தரும். சட்ட முரணாக நாட்டுக்குள் நுழைந்துள்ளோர் சரியான முறையில் விண்ணப்பித்து வாழும் உரிமை பெற புததிதாக வசதி செய்யப்பட்டுள்ளது, அதன் மூலம் வதிவிட அனுமதி பெற முடியாதவர்கள் நாட்டைவிட்டு வெளியேற வேண்டும், இல்லை வெளியேற்றப்படுவர். கடந்த பத்தாண்டு காலத்தில் இல்லாத துணிச்சலான சட்டம் இதுவென்று கூறப்படுகிறது.

மேலும் படிக்கவும் மறுமொழி இல்லை சுதர்சன் 22-11-2014

சங்கரின் தயாரிப்பில் கப்பல் வெளியீடு.

இயக்குனர் சங்கர் தற்போது ‘ஐ’ படத்தின் இறுதிக்கட்ட வேலைகளில் பிசியாக இருந்து வருகிறார். இப்படம் கிறிஸ்துமஸ் அன்று வெளியாகவிருப்பதாக கூறப்படுகிறது. இதேபோல், சங்கர் தன் உதவியாளர் கார்த்திக் இயக்கியிருக்கும் ‘கப்பல்’ படத்தை எஸ் பிக்சர்ஸ் மூலம் வெளியிடுகிறார். இப்படம் முழுக்க முழுக்க காமெடி படமாக உருவாகியிருக்கிறது. இப்படத்தை பார்த்த சங்கர், கப்பல் படம் சிரிப்பு கலவரமாக அமைந்துள்ளது என்றும், துவக்கம் முதல் படம் முடியும் வரை பார்ப்பவர்களை சிரிக்க வைக்கும் விதத்தில் உள்ளதாகவும் கூறியுள்ளார். கப்பல் படத்தில் வைபவ், சோனம் பஜ்வா, கருணாகரன், விடிவி கணேஷ், அர்ஜூனன், வெங்கட் சுந்தர் உள்ளிட்ட பலர் நடித்துள்ளனர். நடராஜன் சங்கரன் இசையமைக்கிறார். தினேஷ் கிருஷ்ணன் ஒளிப்பதிவை கவனிக்கிறார். இப்படத்தின் பாடல் வெளியீட்டு விழா வருகிற 22-ம் தேதி நடக்க இருக்கிறது. இவ்விழாவில் விஜய், விக்ரம், ஏ.ஆர்.ரகுமான் ஆகியோர் கலந்துகொள்ள உள்ளனர். படத்தின் இசையை விஜய்யும், ஏ.ஆர்.ரகுமானும் வெளியிடுகிறார்கள். தொடர்ந்து ‘கப்பல்’ படத்தின் டிரெய்லரை விக்ரம் வெளியிட இருக்கிறார்.

மேலும் படிக்கவும் மறுமொழி இல்லை சுதர்சன் 21-11-2014

ஐரோப்பிய ஒன்றியத்தை நெருங்கும் ISIS தீவிரவாதிகள்.

ISIS பயங்கரவாத அமைப்பின் வளர்ச்சியையும் வேகத்தையும் மேலை நாடுகளால் கட்டுப்படுத்த முடியவில்லை என்பதற்கு ஆதராமாக நேற்றைய தினம் அவர்கள் லிபியாவில் பெற்றுள்ள ஒரு முக்கிய வெற்றி அமைந்திருக்கிறது. லிபியாவின் வடபுலத்தில் மத்தியதரைக் கடலை அண்டியுள்ள டியர்மா துறைமுக நகரத்தை ஐ.எஸ் ஜிகாத் பூரணமான கட்டுப்பாட்டில் கொண்டு வந்துள்ளதாக அதிர்ச்சிச் செய்தி வெளியாகியுள்ளது. இந்த நகரத்தில் வாழும் சுமார் ஓர் இலட்சம் மக்களும் தற்போது ஐ.எஸ்சின் கட்டுப்பாட்டில் வந்துள்ளனர், சமீப நாட்களில் ஐ.எஸ் அடைந்துள்ள பாரிய வெற்றி இதுவாகும். இது ஏன் அதிர்ச்சி தரும் செய்தியென்றால்… : இந்தத் துறைமுக நகரமானது ஐரோப்பிய நாடுகளான இத்தாலிக்கும், கிரேக்கத்திற்கும் வெறும் 300 கி.மீ தொலைவில்தான் இருக்கிறது. ஐ.எஸ் பயங்கரவாத அமைப்பானது ஐரோப்பிய ஒன்றியத்திற்கு 300 கி.மீ தூரம் வரை நெருங்கியிருப்பது ஆபத்தான சம்பவமாகும். கடந்த சில வாரங்களாக லிபிய ஆட்சியாளருக்கு பெரும் சவால் கொடுக்கும் மோதல்கள் லிபியாவின் இரண்டாவது பெரிய நகரமான பெங்காஸியில் நடந்து கொண்டிருக்கிறது. அதன் ஓரங்கமாக இந்த துறைமுக நகரம் வீழ்ச்சி கண்டிருக்கிறது, இதன் பாதிப்பு ருனீசியாவிலும் தெறிப்படைய வாய்ப்புள்ளது. புரட்சிக்கு பிந்திய புரட்சி இந்த நாடுகளில் ஆரம்பித்துவிட்டதன் அடையாளம் இவையாகும்.

மேலும் படிக்கவும் 1 மறுமொழி சுதர்சன் 21-11-2014

பனிப்புயலால் கனடாவில் அவசர நிலை பிரகடனம்.

கனடாவில் பல பாகங்களில் கடந்த 3 நாட்களாகக் கடும் பனிப் புயல் வீசி வருகின்றது. இதனால் மக்களின் இயல்பு வாழ்க்கையும் போக்குவரத்தும் பெருமளவு பாதிக்கப் பட்டுள்ளது. நியூயோர்க் நகரில் மட்டும் 2 அடி உயரத்துக்குப் பனி நிரம்பியுள்ளது. மேலும் பனிப்புயலில் சிக்கி 8 பேர் பலியாகி இருப்பதாகவும் ஊடகங்கள் தெரிவிக்கின்றன. பனிப்புயலில் சிக்கி பலியான 8 பேரும் நியூயோர்க்கின் புஃபலோ பகுதியைச் சேர்ந்தவர்கள் என உறுதிப் படுத்தப் பட்டுள்ளது. பனிப் புயலால் அதிகமாகப் பாதிக்கப் பட்டுள்ள நியூயோர்க்கின் புஃபலோ நகரில் 5 அடி வரை பனிக்கட்டிகள் நிரம்பியுள்ளன. இங்கு மக்கள் தமது வீடுகளில் இருந்து வெளியே வர முடியாதவாறு சிரமப் படுவதுடன் பாதைகளில் நகர முடியாத படி சிக்கி இருக்கும் வாகனங்களில் இருந்து மக்களைப் பாதுகாப்பாக மீட்பதற்கு ஏற்ற விதத்தில் மீட்புப் படைகள் தயாராக வைக்கப் பட்டுள்ளனர். கிட்டத்தட்ட அமெரிக்காவின் 50 மாகாணங்களுமே பனிப்பொழிவால் பாதிக்கப் பட்டுள்ளதால் நாடு முழுவதும் அவசர நிலைப் பிரகடனம் செய்யப் பட்டுள்ளது. ஆர்க்டிக் துருவப் பகுதியில் இருந்து வீசும் இந்தப் பனிப்புயல் நாளை இன்னும் மோசமடையும் என எதிர்வு கூறப்பட்டுள்ளது. மேலும் பனிப்பொழிவு தீவிரமாக இருக்கும் அனைத்துப் பகுதிகளிலும் பள்ளிகளுக்கும் கல்லூரிகளுக்கும் விடுமுறை அளிக்கப் பட்டுள்ளதுடன் விமான நிலைய ஓடு பாதைகளில் பனிக்கட்டிகள் உறைந்து கிடப்பதால் பல இடங்களில் விமானப் போக்குவரத்தும் இடை நிறுத்தப் பட்டுள்ளது.

மேலும் படிக்கவும் மறுமொழி இல்லை சுதர்சன் 21-11-2014

டிஸ்கோ சாந்தியின் உடல்நிலை கேடு.

நடிகை டிஸ்கோ சாந்தி கல்லீரல் மாற்று அறுவை சிகிச்சைக்காக சிங்கப்பூரிலுள்ள மருத்துவமனையில் அனுமதிக்கப்பட்டார்.   மறைந்த நடிகர் சி.எல். ஆனந்தனின் மகளான டிஸ்கோ சாந்தி, தமிழ், தெலுங்கு, மலையாளம், இந்தி, மற்றும் கன்னடா ஆகிய மொழிகளில் எடுக்கப்பட்ட பல்வேறு படங்களில் நடித்துள்ளார்.   100க்கும் மேற்பட்ட படங்களில் பாடல்களுக்கும் நடனமாடியுள்ள டிஸ்கோ சாந்தி கடந்த 1996 ஆம் ஆண்டு, தெலுங்கு நடிகர் ஸ்ரீஹரியை காதலித்து திருமணம் செய்து கொண்டார். திருமணத்திற்குப் பிறகு இருவரும் ஐதராபாத்தில் வாழ்ந்து வந்தனர். இவர்களுக்கு 2 மகன்கள் உள்ளனர். இந்நிலையில், சென்ற ஆண்டு அக்டோபர் மாதம் டிஸ்கோ சாந்தியின் கணவர் ஸ்ரீஹரி மாரடைப்பால் மரணம் அடைந்தார்.   கணவர் இறந்த பிறகு டிஸ்கோ சாந்தியின் உடல் நிலையும் மோசமடைந்ததாகக் கூறப்படுகிறது. அவரு கல்லீரல் பாதிப்பால் அவதிப்பட்டு வந்தார். இந்நிலையில் டிஸ்கோ சாந்தியின் உடல்நிலை மிகவும் மோசமடைந்ததைத் தொடர்ந்து அவர் சிகிச்சைக்காக சிங்கப்பூரில் உள்ள ஒரு மருத்துவமனையில் அனுமதிக்கப்பட்டார்.   அங்கு அவருக்கு கல்லீரல் மாற்று அறுவை சிகிச்சை நடத்தப்பட்டு வருகிறது. 90 ஆம் ஆண்டுகளில் கவர்ச்சி நடிப்பில் மிகவும் பிரபலமாகப் பேசப்பட்டவர் டிஸ்கோ சாந்தி என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 20-11-2014

பிரித்தானியா மற்றும் நெதர்லாந்தில் பறவைக்காச்சல்.

பிரிட்டன், கொலண்ட் ஆகிய இரண்டு நாடுகளிலும் பறவைக்காய்ச்சல் அடையாளம் காணப்பட்டுள்ளன, பிரிட்டனில் உள்ள யோர்க்ஷெயர் பகுதியில் ஒருவருக்கு ஏற்கெனவே பறவைக்காய்ச்சல் அடையாளம் காணப்பட்டதாக நேற்றைய செய்திகள் தெரிவித்திருந்தன. கடந்த திங்கள் பிரிட்டனில் காணப்படுவது உயிராபத்து மிக்க H5N1 என்ற வைரஸ் என்ற அறிவிப்பை நிராகரித்த பிரிட்டன் வைத்தியர்கள் தம்மால் அடையாளம் காணப்பட்டுள்ளது எச்5என்8 என்ற வீரியம் குன்றிய வைரஸ்களே என்றும் தெரிவித்துள்ளார்கள். ஆகவே உணவுப் பொருட்கள், கோழி இறைச்சி வாங்குதல் போன்ற விடயங்களில் தேவையற்ற பதட்டம் அவசியமில்லை என்றும் தெரிவித்துள்ளனர், இது கொலண்டிலும் அடையாளம் காணப்பட்டுள்ளது. அதேவேளை பறவைக்காய்ச்சல் காரணமாக எகிப்தில் இந்த வாரம் இரண்டு பேர் மரணித்துள்ளார்கள், இத்துடன் எகிப்தில் மூன்று பறவைக்காய்ச்சல் மரணங்கள் இடம் பெற்றுள்ளன. எகிப்திய தலைநகர் கெய்ரோவிற்கு தென்புலத்தில் உள்ள மின்யா வட்டகையில் உள்ள வைத்தியசாலையில் கடந்த திங்கள் 19 வயது பெண்மணி ஒருவர் பறவைக்காய்ச்சலால் மரணித்திருந்தார், இப்போது அதே வைத்தியசாலையில் அனுமதிக்கப்பட்டிருந்த 30 வயது பெண்மணி மரணித்துள்ளார். போகிற போக்கில் பறவைக் காய்ச்சல் மீண்டும் ஒரு சுற்று வரப்போகிறதோ என்ற அச்சம் ஏற்படுகிறது.

மேலும் படிக்கவும் மறுமொழி இல்லை சுதர்சன் 20-11-2014

பாலஸ்தீனத்தை அங்கீகரிக்கும் ஸ்பெயின்.

இதுவரை பாலஸ்தீனத்தை உலகில் உள்ள நூற்றுக்கு மேற்பட்ட நாடுகள் தனிநாடாக அங்கீகாரம் செய்துவிட்டாலும், அமெரிக்காவுடனான நல்லுறவுக்கு பங்கம் என்பதால் ஐரோப்பாவில் மௌனம் நிலவுகிறது. இதில் ஒரு மாற்றமாக சில வாரங்களுக்கு முன்னர் சுவீடன் பாலஸ்தீனத்தை தனிநாடாக அங்கீகரித்தது, அதைத் தொடர்ந்து இப்போது ஸ்பானியா நாட்டு பாராளுமன்றும் அங்கீகாரம் செய்துள்ளது. இது ஓர் அடையாள அங்கீகாரம் என்று தெரிவித்த ஸ்பானிய வெளிநாட்டு அமைச்சர் யோஸ்ச மனுவல் கரிக்கா மார்க்காலோ இந்தப் பிரேரணை குறித்து தாம் ஐரோப்பிய ஒன்றியத்துடன் பேசியே இறுதி முடிவெடுக்க வேண்டும் என்றார். ஸ்பானியா ஐரோப்பிய ஒன்றியத்தில் அங்கத்துவ நாடாக இருப்பதால் அதை விடுத்து தனியான முடிவு எடுக்க இயலாது, ஆனால் சுவீடனில் அப்படி இல்லை. மறுபுறம் சென்ற சில வாரங்களின் முன் ஸ்பானியாவில் பார்சிலோனாவை உள்ளடக்கிய மாநிலமொன்று தனிநாடாக பிரிவதற்கான மாதிரி வாக்கெடுப்பை நடத்தியபோது ஸ்பானிய பிரதமர் கோபம் கொண்டு அதை எதிர்த்தது கவனிக்கத்தக்கது. பொதுவாக உலகத் தலைவர்கள் தங்கள் நாடு பிளவுபடுவதை விரும்பாது, எங்கோ உள்ள பாலஸ்தீனம் உருவாவதை வரவேற்பது அவதானிக்கத்தக்கது, இதற்கு இந்தியாவும் இலங்கையும் விதிவிலக்கல்ல.

மேலும் படிக்கவும் மறுமொழி இல்லை சுதர்சன் 20-11-2014

இசைக்காக தாமதமாகும் ஐ.

ஐ படம் தயாராகிவிட்டது. ஆனாலும் படத்தின் ரிலீஸ் தேதியை அறிவிக்காமல் காலத்தை கடத்துகிறார் என்ற குற்றச்சாட்டு தயாரிப்பாளர் ஆஸ்கர் ரவிச்சந்திரனை நோக்கி வைக்கப்பட்டது. தன்னை நோக்கி வைக்கப்பட்ட அந்த குற்றச்சாட்டை ரஹ்மானுக்கு திருப்பி விட்டுள்ளார்.   ஐ தாமதமாவதற்கு ரஹ்மானே காரணம் என அதிர வைத்துள்ளார் ரவிச்சந்திரன். ஐ -இன் பின்னணி இசை சேர்ப்பு இன்னும் முடியவில்லை. ஐந்து ரீல்களுக்குதான் இதுவரை ரஹ்மான் பின்னணி இசை அமைத்துள்ளார். இன்னும் ஆறு ரீல்களுக்கான பணி பாக்கி உள்ளது. இந்தத் தகவலை ரவிச்சந்திரன் வெளியிட்டுள்ளார். ரஹ்மானை அப்படி எளிதாக குற்றப்படுத்திவிட முடியாதில்லையா.  பின்னணி இசை மிகச்சிறப்பாக வரவேண்டும் என்பதற்காகவே ரஹ்மான் அதிக நேரத்தை எடுத்து செதுக்கிக் கொண்டிருக்கிறார் என ஒரு பிட்டையும் போட்டிருக்கிறார்.   மெதுவாகவே வரட்டும். ஆறிப்போறதுக்கு இதுவொண்ணும் மெதுவடை இல்லையே, மெகா படமாச்சே. 

மேலும் படிக்கவும் மறுமொழி இல்லை சுதர்சன் 19-11-2014

சொக்கலேற்றுக்கு எதிர்காலத்தில் பற்றாக்குறை.

சுவிட்சர்லாந்தைச்சேர்ந்த உலகின் மிகப்பெரிய மிட்டாய் தொழிற்சாலையான Barry Callebaut குழு சாக்லெட் உற்பத்தியில் பாரிய பின்னடைவு ஏற்பட்டிருப்பதாக அறிவித்துள்ளது. இதற்குக் காரணமாக உலகளாவிய ரீதியில் சாக்லெட் உற்பத்தி செய்யப் படும் அளவை விட அதை உண்ணும் மக்களின் எண்ணிக்கை அதிகரித்து வருவதும் முக்கிய காரணம் என அந்நிறுவனம் அறிவித்துள்ளது. மேலும் 2020 ஆம் ஆண்டளவில் உலகளாவிய ரீதியில் பாரிய சாக்லெட் பற்றாக்குறை ஏற்படும் வாய்ப்பு உள்ளது எனவும் Barry Callebaut நிறுவனம் எச்சரித்துள்ளது. சமீபத்தில் மார்ஸ் என்ற சாக்லெட் நிறுவனம் தகவல் வெளியிடும் போதும் வருங்காலத்தில் சாக்லெட் உற்பத்தியில் மில்லியன் டன் உற்பத்தி இடைவெளி ஏற்படும் வாய்ப்பு நெருங்கி விட்டது என்ற புள்ளி விபரத்தை அறிவித்துள்ளது. மேலும் சாக்லெட் உற்பத்தி செய்யத் தேவையான மூலப் பொருளான கொக்கோவின் விலை ஒரு டன்னுக்கு 2000 யூரோவாக அதிகரித்து விட்டதாகவும் இது கடந்த 8 வருடங்களுக்கு முன்னர் இருந்ததை விட 2 மடங்கு அதிகம் என்றும் கூட தெரிவிக்கப் படுகின்றது.   மறுபுறம் மேற்கு ஆப்பிரிக்க நாடுகளில் எபோலா வைரஸ் தாக்கி இருப்பதால் கொக்கோ இறக்குமதி வர்த்தகம் பாரிய சரிவைச் சந்தித்திருப்பதும் சாக்லெட் உற்பத்தி வீழ்ச்சியடையக் காரணம் என்று கூறப்படுகின்றது. அதாவது உலகின் 70% வீத கொக்கோ மேற்கு ஆப்பிரிக்க நாடுகளில் இருந்து தான் இறக்குமதி செய்யப் படுகின்றது என்பது குறிப்பிடத்தக்கது.   இதைவிட மூன்றாம் உலக நாடுகளில் மக்களின் பாரிய வறுமை சூழ்நிலை கூட சாக்லெட் உற்பத்தியைப் பாதிப்பதாகவும் கூறப்படுகின்றது. அதாவது ஆப்பிரிக்காவின் பல கொக்கோ உற்பத்தி செய்யும் விவசாயிகள் ஒரு நாளைக்கு 1 யூரோ இற்கும் குறைவான வருமானத்திலேயே வாழ்க்கையைக் கொண்டு நடத்துவது குறிப்பிடத்தக்கது.  

மேலும் படிக்கவும் மறுமொழி இல்லை சுதர்சன் 19-11-2014

14 மில்லியன் அடிமைகளைக்கொண்ட இந்தியா.

இந்தியாவில் சிறுவர்கள் உட்பட சுமார் 14.3 மில்லியன் மக்கள் நவீன யுகத்திலும் அடிமைத் தொழிலில் சிக்கியிருப்பதாகவும் இதனால் 2014 ஆம் ஆண்டுக்கான பூகோள அடிமைத்தன குறியீட்டில் இந்தியா 5 ஆவது இடத்தில் இருப்பதாகவும் அடிமைத்தனத்துக்கு எதிரான பிரச்சார அமைப்பான Walk Free இன் கருத்துக் கணிப்பு தெரிவித்துள்ளது. இக்கருத்துக் கணிப்பில் பாகிஸ்தான் இரண்டாவது இடத்திலும் மௌரிட்டானியா 1 ஆவது இடத்திலும் உள்ளன. Walk Free இன் தகவல் படி இந்திய சனத்தொகையில் 1.1409% வீத மக்கள் ஏதோவொரு விதத்தில் அடிமைத் தொழில் சிக்கியிருப்பதாகவும் இவர்களில் பலர் வலுக் கட்டாய வேலை, கடத்தல், இறுக்கமான கடன், பணம் மற்றும் கொத்தடிமை திருமணம் போன்ற காரணங்களால் பாலியல் தொந்தரவு ஆகிய துன்பங்களை அனுபவித்து வருவதாகவும் தெரிவிக்கப் படுகின்றது. இதேவேளை இந்த கருத்துக் கணிப்புப் படி ஒட்டு மொத்தமாக அதிகளவு அடிமைகளை இந்தியா கொண்டிருப்பதாகவும், சனத்தொகை சதவீத அடிப்படையில் மௌரிட்டானியா அதிகபட்சமாக அதாவது 4% வீதத்துடன் முன்னிலையில் இருப்பதாகக் கூறப்பட்டிருப்பதும் குறிப்பிடத்தக்கது. அவுஸ்திரேலியாவின் பேர்த் நகரை மையமாகக் கொண்ட Walk Free அமைப்பின் மேலதிகத் தகவல்களில் உலகம் முழுதும் இருக்கும் அடிமைகளில் 45% வீதத்தை இந்தியாவும் பாகிஸ்தானும் சேர்த்துக் கொண்டிருப்பதாகவும் இதன் எண்ணிக்கை 35.8 மில்லியன் என்றும் கூறப்பட்டுள்ளது. இந்த அமைப்பு அடிமைகள் குறித்த கருத்துக் கணிப்பை சுமார் 167 நாடுகளில் மேற்கொண்டிருந்ததுடன் அதன் அடிப்படையில் ஆசிய ஆப்பிரிக்க நாடுகளே அடிமைத் தொழிலை அழிப்பதில் மிகப் பெரிய சவாலை எதிர்நோக்கி இருப்பதாகவும் ஐரோப்பாவில் இந்த சவால் அவ்வளவு கடுமையானதல்ல என்றும் கூறப்பட்டிருப்பதும் குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 19-11-2014

விஜய் படத்தில் ஸ்ரீதேவி.

சுமார் 20 வருடங்களுக்குப் பிறகு மீண்டும் தமிழில் நடித்திருக்கிறார் ஸ்ரீதேவி.    சிம்புதேவன் இயக்கத்தில் விஜய் நடிக்கும் புதிய படத்தில் ஸ்ரீதேவி ஒப்பந்தமாகியுள்ளார். இந்தப் படத்தின் படப்பிடிப்பு சென்னையை அடுத்த இசிஆhpல் உள்ள ஆதித்ராம் ஸ்டுடியோவில் தொடங்கியது. முதலில் பாடல் காட்சியை படமாக்கினர்.   இந்தப் பாடலில் விஜய், ஹன்சிகாவுடன் ஸ்ரீதேவியும் சேர்ந்து நடனமாடினார். பாடல் காட்சிக்காக பிரமாண்ட அரங்கு போடப்பட்டிருந்தது. முதலில் ஸ்ரீதேவி சம்பந்தப்பட்ட காட்சிகளை படமாக்கி வருகின்றனர்.   விரைவில் ஸ்ருதியும் படப்பிடிப்பில் இணைந்து கொள்ளவிருக்கிறார்.

மேலும் படிக்கவும் மறுமொழி இல்லை சுதர்சன் 18-11-2014

டென்மார்க் பாடசாலையில் கல்விநேரம் அதிகரிப்பு.

டென்மார்க் பாடசாலைகளின் கற்பித்தல் நேரத்தை அதிகரித்துள்ள காரணத்தினால் பல மாணவர்கள் நேர நீடிப்பிற்கு தயாராக முடியாது நோய்வாய்ப்பட்டு வருவதாக ஆய்வுகள் கூறுகின்றன. அதேபோல வேலை நேர அதிகரிப்பு, மாணவர்களுடன் மல்லுக்கட்ட வேண்டிய பாரத்தின் அதிகரிப்பு, பெற்றோருடனான பாரமான உரையாடல்கள் யாவும் ஆசிரிய பணியை சுமைக்கு மேல் சுமையாக்கியிருப்பதால் பல ஆசிரியர்கள் நோய்வாய்ப்பட்டுள்ளனர். ஆசிரியர்கள் நோய்வாய்ப்படும் அளவு முன்னைய காலங்களுடன் ஒப்பிட்டால் அதிகமாக இருக்கிறது.

மேலும் படிக்கவும் மறுமொழி இல்லை சுதர்சன் 18-11-2014

கொலம்பசுக்கு முன்னரே அமெரிக்காவை கண்டுபிடித்த முஸ்லிம்.

அமெரிக்காவை கொலம்பஸ் கண்டுபிடிப்பதற்கு முன்பாகவே முஸ்லிம்கள் அதனைக் கண்டுபிடித்துவிட்டார்கள் என துருக்கி அதிபர் ரெஜெப் தையிப் எர்தோஆன் தெரிவித்துள்ளார்.   லத்தீன அமெரிக்க நாடுகளைச் சேர்ந்த முஸ்லிம் தலைவர்களின் மாநாடு ஒன்றில் உரையாற்றிய எர்தோஆன், 1492ஆம் ஆண்டு கொலபம்பஸ் அட்லாண்டிக் சமுத்திரத்தைக் கடந்ததற்கு மூன்று நூற்றாண்டுகள் முன்பாக 1178ஆம் ஆண்டிலேயே முஸ்லிம் மாலுமிகள் அமெரிக்காவை அடைந்திருந்தனர் எனக் குறிப்பிட்டுள்ளார்.   கூபா நாட்டில் மலை மேடொன்றில் பள்ளிவாசல் ஒன்று இருந்ததை தனது நாட்குறிப்பில் கொலம்பஸ் பதிந்துள்ளார் என எர்தோஆன் கூறினார். இயற்கையாக நில அமைப்பில் தென்பட்ட ஒரு வடிவத்தை கொலம்பஸ் அவ்வாறாக உருவகப்படுத்தி சொல்லியிருந்தார் என்பதாகவே அப்பதிவு பற்றி கருதப்பட்டு வந்துள்ளதாக செய்தியாளர்கள் கூறுகின்றனர்.   வடகடல் நாடுகளைச் சேர்ந்தவர்கள் சிலர், கொலம்பஸுக்கு கிட்டத்தட்ட ஐநூறு ஆண்டுகள் முன்பாக வட அமெரிக்காவுக்கு சென்றவர்கள் என பரவலாக கருதப்படுகிறது.   15ஆயிரம் ஆண்டுகளுக்கு முன்பாக ஆசியாவிலிருந்து பெஹ்ரிங் நீர் வழியாக அமெரிக்க கண்டத்தில் முதல் முதலாக மனிதர்கள் குடியேறினார்கள் என நம்பப்படுகிறது.

மேலும் படிக்கவும் மறுமொழி இல்லை சுதர்சன் 18-11-2014

ஐநா இனி சாட்சியங்களை ஏற்றுக்கொள்ளாது.

இலங்கையில் போரின் போது இடம்பெற்ற மனித உரிமை மீறல்கள் தொடர்பாக, ஐ.நா மனித உரிமை ஆணையாளர் பணியகம் நடத்தும் விசாரணைக்கான சாட்சியங்கள் சேகரிப்பு முடிவுக்கு வந்துள்ளதாக ஐ.நா அறிவித்துள்ளது. ஐ.நா மனித உரிமை ஆணையாளர் பணியகத்தின் விசாரணைக் குழுவுக்கு, மீறல்கள் குறித்து சாட்சியங்களை எழுத்து மூலம் சமர்ப்பிப்பதற்கான காலஎல்லை கடந்த ஒக்ரோபர் 30ம் திகதியுடன் முடிவடையும் என்று முன்னர் அறிவிக்கப்பட்டிருந்தது.   எனினும், சாட்சியங்களை ஏற்றுக்கொள்ளும் காலஎல்லை ஒக்ரோபர் 30ம் திகதியுடன் முடிவுக்கு வந்தாலும், சூழ்நிலை கருதி தாமதமாக வரும் சாட்சியங்களை ஐ.நா விசாரணைக் குழு நிராகரிக்காது என்று, ஐ.நா மனித உரிமைகள் பேரவையின் பேச்சாளர் ருபேர்ட் கொல்வில தெரிவித்திருந்தார். இதற்கு அரசாங்கத்தின் தரப்பில் கடும் கண்டனம் தெரிவிக்கப்பட்டிருந்தது.   நாடாளுமன்றத்தில் உரையாற்றிய, வெளிவிவகார அமைச்சர் ஜி.எல்.பீரிஸ், பின்கதவு வழியாக ஐ.நா விசாரணைக்குழு சாட்சியங்களைப் பெற முனைவதாக குற்றம்சாட்டியிருந்தார். இந்தநிலையில், ஐ.நா மனித உரிமைகள் ஆணையாளர் பணியகத்தின் இணையத்தளத்தில், சாட்சியங்களைச் சமர்ப்பிப்பதற்கான காலஎல்லை முடிவுக்கு வந்துள்ளதாகவும், இனிமேல் சாட்சியங்கள் ஏற்றுக் கொள்ளப்படமாட்டாது என்றும் கூறப்பட்டுள்ளது.

மேலும் படிக்கவும் மறுமொழி இல்லை சுதர்சன் 17-11-2014

பீட்சா பெட்டிகளை எங்கு எறிவதென்பதன் குழப்பம்.

டென்மார்க்கில் உள்ள குடியிருப்பாளர்களில் 40 வீதமானவர்களுக்கு பீற்சா வாங்கும் பெட்டிகளை எங்கு எறிவதென்ற குழப்பம் இருப்பதாக இன்று வெளியான ஆய்வொன்று தெரிவிக்கிறது. காட்போட் மட்டைகளை வீசும் தொட்டியிலா இல்லை கழிவுப் பொருட்களை வீசும் பெட்டியிலா என்பதே குழப்பமாகும், எண்ணெய் படிந்த காட்போட் பெட்டியான பீற்சா வரும் பெட்டிகளை எங்கு வீசலாம் என்ற குழப்பம் தொடர்கிறது.  

மேலும் படிக்கவும் 1 மறுமொழி சுதர்சன் 17-11-2014

கயலில் சுனாமி காட்சிகள்.

பிரபு சாலமன் டைரக்டு செய்யும் புதிய படம் ‘‘கயல்’’. இதில் சந்திரன் நாயகனாகவும் ஆனந்தி நாயகியாகவும் நடிக்கின்றனர். டி.இமான் இசையமைக்கிறார். இதன் படப்பிடிப்பு விறுவிறுப்பாக நடந்து முடிந்துள்ளது. ‘கயல்’ படம் குறித்து டைரக்டர் பிரபு சாலமன் கூறியதாவது:– சுனாமி பாதிப்புகள் பின்னணியில் நடக்கும் காதல் கதையே இப்படம். பொழுதுபோக்கு விஷயங்கள், டி.வி., விஞ்ஞான வளர்ச்சி தெரியாத பதினெட்டு பருவ வயதில் ஒரு இளைஞனை கயல் சந்திக்கிறாள். அவன் மேல் ஈர்ப்பாகிறாள். சுனாமி வருகிறது. பிறகு அவனை தேடி அலைகிறாள். கண்டு பிடித்தாளா? என்பது கதை. இதில் சுனாமி காட்சிகள் பிரமாண்டமாக இடம் பெறுகின்றன. நவீன தொழில்நுட்பத்தில் இதை உருவாக்கியுள்ளோம். சுனாமி காட்சிகள் நிச்சயம் புதுமாதிரி உணர்வை ஏற்படுத்தும். அடுத்த மாதம் சுனாமி தினம் வருகிறது. அப்போது படத்தை ரிலீஸ் செய்ய திட்டமிட்டு உள்ளோம் என்றார். எஸ்கேப் ஆர்டிஸ்ட் மோஷன் பிச்சர்ஸ் மற்றும் காட் பிச்சர்ஸ் சார்பில் பி.மதன், ஜேம்ஸ் ஆகியோர் இணைந்து இப்படத்தை தயாரித்து உள்ளனர். இதன் பாடல்கள் வெளியீட்டு விழா நடந்தது. இவ்விழாவில் நடிகர்கள் ஆர்யா, சிவகார்த்திகேயன், விக்ரம் குமார், நடிகைகள் அமலாபால், அஞ்சலி, டைரக்டர் எஸ்.ஆர்.பிரபாகரன், டி.சிவா உள்ளிட்ட பலர் பங்கேற்றனர்.

மேலும் படிக்கவும் மறுமொழி இல்லை சுதர்சன் 16-11-2014

சொந்த நாணயத்தை உருவாக்க ISIS முயற்சி.

தங்கம், வெள்ளி, மற்றும் தாமிரத்தில் சொந்த நாணயத்தை உருவாக்க ஐ.எஸ். தீவிரவாத குழு திட்டமிட்டுள்ளது.   புதிய நாணயத்தின் மாற்று விகிதம் மற்றும் எங்கு நாணையம் கிடைக்கும் என்பது தொடர்பாக விளக்கம் அளிக்க மற்றொரு அறிக்கை வெளியிடப்படும் என்று ஐ.எஸ். தீவிரவாத இயக்கம் தெரிவித்துள்ளது. தீவிரவாதம் இயக்கம் இரண்டு தங்கம், மூன்று வெள்ளி மற்றும் இரண்டு செம்பு நாணயம் என ஏழு நாணயங்களை வெளியிடுகிறது. நடவடிக்கை "கடவுளுக்கு முற்றிலும் அர்ப்பணித்து", சாத்தான்களின் வட்டியை அடிப்படையாக கொண்ட உலகப் பொருளாதார அமைப்பில் இருந்து முஸ்லிம்களை நீக்கும்," என்று ஐ.எஸ். தீவிரவாத இயக்கம் தெரிவித்துள்ளது.    ஈராக், சிரியா நாடுகளின் பல பகுதிகளை கைப்பற்றி இஸ்லாமிய தேசமாக அறிவித்து, அதன் தலைவராக தன்னை அறிவித்துக் கொண்டவர் ஐ.எஸ். தீவிரவாத இயக்கத் தலைவரான அபுபக்கர் அல்  பாக்தாதி. கடந்த ஜூலை மாதம் இணையதளத்தில் வெளியிடப்பட்ட வீடியோவில், அனைத்து முஸ்லிம்களும் தனது தலைமையை ஏற்க வேண்டும் என்றும் அவர் கூறியிருந்தார். சுமார் 40 வயதாகும் பாக்தாதி 2010–ம் ஆண்டு ஐ.எஸ். தீவிரவாத இயக்கம் தொடங்கப்பட்டவுடன், அல்கொய்தாவின் உள்ளூர் கிளையை தனது தனி தீவிரவாத இயக்கமாக மாற்றிக்கொண்டார். அல் பாக்தாதி தலைக்கு அமெரிக்க அரசு ரூ.60 கோடி விலை அறிவித்துள்ளது.   அல் பாக்தாதி கொல்லப்பட்டான் என்றும், இல்லை யென்றும் மாறுபட்ட தகவல்கள் வெளியாகிவருகிறது. இஸ்லாமிய தேசமாக உருவாக்க முயற்சி செய்யும் தீவிரவாத இயக்கம் உலக நாடுகளுக்கு சவால் விடுக்கும் வகையில் தாக்குதலை எதிர்க்கொண்டு வருகிறது. தீவிரவாதிகளுக்கு எண்ணெய் விற்பனை, பிணைக் கைதிகள், வரி மற்றும் திருடப்பட்ட கலைப்பொருட்கள் விற்பனை மூலம் நிதிகிடைக்கிறது என்று அமெரிக்க முன்னாள் கருவூல செயலாளர் ஜிம்மி கர்லே தெரிவித்துள்ளார்.  சிரியா, ஈராக்கில் ஆதிக்கம் செலுத்தி வருகிற ஐ.எஸ். தீவிரவாதிகள் முக்கிய நகரங்களை பிடித்து வைத்திருக்கின்றனர். அத்துடன் பல எண்ணெய் சுத்திகரிப்பு ஆலைகளையும் தங்கள் கட்டுப்பாட்டின்கீழ் கொண்டு வந்துள்ளனர். கடத்தல் கச்சா எண்ணெய் விற்பனை மூலம்தான் ஐ.எஸ். தீவிரவாதிகள் இப்போது ஈராக்கிலும், சிரியாவிலும் அமெரிக்க தாக்குதல்களை எதிர்கொண்டு வருகின்றனர். ஐ.எஸ். தீவிரவாதிகளின் கொடூரம் மேலும் உச்சக் கட்டத்தை எட்டியுள்ளது. 

மேலும் படிக்கவும் மறுமொழி இல்லை சுதர்சன் 16-11-2014

பிறந்து இறக்கும் குழந்தையை பாடி வழியனுப்பிய தந்தை.

கலிபோர்னியாவில் பிறந்து 3 நாட்களே ஆன குழந்தை இறக்கும் தருவாயில் குழந்தையின் தந்தை உருக்காக பாடி விடையனுப்பினார்.   அமெரிக்காவின் கலிபோர்னியா மாநிலத்தில் உள்ள லாஸ் ஏஞ்சல்ஸ் நகரைச் சேர்ந்த கிரிஸ் பிக்கோ, ஆஷ்லே தம்பதியினருக்கு ஆண் குழந்தை பிறந்தது. அந்த குழந்தை குறைமாதத்தில் பிறந்ததால் தீவிர சிகிச்சைப் பிரிவில் வைக்கப்பட்டு மருத்துவர்களின் கண்காணிப்பில் இருந்தது. துரதிர்ஷ்டவசமாக குழந்தை சிகிச்சை பலனின்றி உயிர் இழந்தது. குழந்தையின் தாயாரான ஆஷ்லேயும் பிரசவத்தின்போதே இறந்துவிட்டார். இதனால் குழந்தை இறப்பதற்கு முன்பு மருத்துவமனையிலேயே அதன் அருகில் அமர்ந்து கிட்டார் வாசித்துக் கொண்டே பாடல் பாடியுள்ளார்.   கிரிஸ் தனது நண்பர்களுக்கும், குடும்பத்தினருக்கும் செய்தி அனுப்பியுள்ளார். அதில், "என்னுடைய சிறிய போராளி லெனான் ஜேம்ஸ் பிக்கோ நேற்றிரவு அவனுடைய தந்தையின் கரங்களிலிருந்து பிரிந்து உறங்கச் சென்றுவிட்டான்" என்று குறிப்பிட்டுள்ளார்.     மேலும், "நான் அவனுடன் மறக்கமுடியாத நான்கு நாட்களை கழித்ததற்காக நன்றியுடையவனாக இருப்பேன். அவனுடைய அம்மா அவனைக் கண்டிருந்தால் மிகுந்த மகிழ்ச்சியடைந்திருப்பாள். அவனை தொட்டிருப்பாள், அவனோடு பேசியிருப்பாள், பாடியிருப்பாள், அவனை குளிக்க வைத்திருப்பாள். ஆனால் எனக்கும் பாக்கியதை இல்லாமல் போய்விட்டது.   என்னிடம் சொல்வதற்கு வார்த்தைகள் இல்லை. எனக்கு வேண்டியதெல்லாம் இந்த உலகத்தில் எல்லாவற்றையும் விட உங்களது அன்பும், ஆதரவும் தான். உங்கள் எல்லோருக்கும் அன்பு தேவை" என்றும் குறிப்பிட்டுள்ளார்.   வீடியோவில் குழந்தையின் உடல் வெள்ளைத்துணியால் மூடப்பட்டுள்ளது. இணையதளத்தில் வெளியாகியுள்ள இந்த வீடியோ காட்சியை ஆயிரக்கணக்கானோர் பகிர்ந்து கொண்டுள்ளனர்.

மேலும் படிக்கவும் 1 மறுமொழி சுதர்சன் 16-11-2014

லிங்கா பாடல் வெளியீடு.

லிங்கா பட பாடல்கள் நாளை வெளியாகிறது. இப்படத்தில் ரஜினி இரு வேடங்களில் நடித்துள்ளார். நாயகியாக அனுஷ்கா, சோனாக்சி சின்ஹா நடித்துள்ளனர். கே.எஸ். ரவிக்குமார் இயக்கியுள்ளார். சுதந்திரத்துக்கு முந்தைய கால கட்டத்திலும் இப்போது காலகட்டத்திலுமாக இரு வேறு சம்பவங்களை உள்ளடக்கிய கதையம்சத்தில் இப்படம் தயாராகியுள்ளது. ஒரு அணைக்காக நடக்கும் போராட்டத்தை மையமாக வைத்து எடுக்கப்பட்டுள்ளது. இதன் படப்பிடிப்பு கர்நாடகா, ஆந்திரா மற்றும் சென்னையில் விறுவிறுப்பாக நடந்து முடிந்துள்ளது. வெளிநாட்டுக்கு சென்று பாடல் காட்சியையும் படமாக்கிவிட்டு திரும்ப உள்ளனர். அடுத்த மாதம் டிசம்பர் 12–ந்தேதி ரஜினி பிறந்த நாளையொட்டி லிங்கா படம் வெளியாகும் என எதிர்பார்க்கப்படுகிறது. இதற்காக டப்பிங், ரீரிக்கார்டிங் பணிகள் விறுவிறுப்பாக நடக்கின்றன. லிங்கா படத்தின் பாடல்கள் வெளியீட்டு விழா நாளை காலை சத்யம் தியேட்டரில் நடக்கிறது. இதில் ரஜினி பங்கேற்கிறார். அனுஷ்கா, சோனாக்சி சின்ஹா, இசையமைப்பாளர் ஏ.ஆர். ரகுமான் போன்றோரும் கலந்து கொண்டு பேசுகிறார்கள். இவ்விழாவில் லிங்கா படத்தின் டிரெய்லரும் வெளியிடப்படுகிறது.

மேலும் படிக்கவும் மறுமொழி இல்லை சுதர்சன் 15-11-2014

மிகக்குள்ளமானவரும் மிக உயரமானவரும் சந்திப்பு.

லண்டனில் நேற்று முன்தினம் வியாழக்கிழமை 13.11.2014 கின்னஸ் சாதனைப்படைத்த மிக உயரமான மனிதரும், குள்ளமான மனிதரும் சந்தித்துக் கொண்டனர்.   31 வயதான டர்கி சுல்தான் கோசன் என்பவர்தான் உலகின் உயரமான மனிதர் ஆவார். இவரது உயரம் 2.51 மீட்டர் (8 அடி, 9 இஞ்ச்) ஆகும். அதேபோல் நேபாளத்தைச் சேர்ந்த 74 வயதுடைய சந்திர பகதூர் டங்கி என்பவர்தான் உலகின் மிகக் குள்ளமான மனிதர் ஆவார். இவரது உயரம் வெறும் 55 செ.மீட்டர் (21.5 இஞ்ச்) ஆகும். இவர்கள் இருவரும் இங்கிலாந்து பாராளுமன்றம் முன்பு சந்தித்துக் கொண்டனர். கின்னஸ் சாதனைப் படைத்து 10 ஆண்டுகள் ஆனதை கொண்டாடும் வகையில் இவர்கள் சந்திப்பு நிகழ்ந்தது.   இது பற்றி கோசன் கூறுகையில், "நான் இவர் எவ்வளவு குள்ளமாக இருக்கிறார் என்றும் எனது காலில் எவ்வளவு தூரம் இருப்பார் என்றும் என்பதை தெரிந்துகொள்ள ஆர்வமாக இருந்தேன்" என்றார்.   மேலும் சந்திர பகதூரை சந்தித்த கோசன் சந்தித்து 'அற்புதம்' என்று கூறியவர், எனது முழங்காலில் பிரச்சனைகள் இருப்பதால், நீண்ட நேரம் நின்றால் நான் சோர்வடைந்து விடுவேன் என்றும் கூறினார்.   இது குறித்து சந்திர பகதூர் கூறிகையில், " இந்த உலகத்தின் மிக உயரமான சந்தித்தது எனக்கு மிகுந்த மகிழ்ச்சியை அளிக்கிறது. எனக்கு நேர் எதிரான மனிதனைச் சந்திப்பதற்கு ஆர்வமுடன் இருந்தேன்" என்று கூறினார்.

மேலும் படிக்கவும் மறுமொழி இல்லை சுதர்சன் 15-11-2014

போராளிகளுக்கு அறிவித்தல் விடும் ISIS தலைவர்.

சமீபத்தில் ஈராக்கின் அன்பார் மாகாணத்தில் அல் குவாயிம் நகரில் ISIS இயக்கத் தலைவர்கள் ஒன்று கூடிய கூட்டம் மற்றும் மோசுல் நகருக்கு அண்மையில் ISIS இன் வாகனப் பேரணி என்பவற்றின் மீது அமெரிக்க கூட்டுப் படைகள் நடத்திய விமானத் தாக்குதலில் ISIS இயக்கத் தலைவனான அபூபக்கர் அல் பக்தாதி காயமடைந்ததாக முன்னரும் பின்னர் பலியாகி விட்டதாகவும் சில ஊடகங்களில் செய்தி வெளியாகி இருந்தன. ஆனால் அல் பக்தாதி இறக்கவில்லை என்பது வியாழக்கிழமை ISIS வெளியிட்டுள்ள ஆடியோ மூலம் வெளிச்சத்துக்கு வந்துள்ளது. அல் பக்தாதி பேசும் 17 நிமிடங்கள் நீளமான குறித்த ஆடியோ உண்மையானது என நிபுணர்கள் ஊர்ஜிதப் படுத்தியுள்ளனர். இந்த ஆடியோவில் அல் பக்தாதி, ISIS போராளிகள் இறுதி வரை அதாவது அமைப்பில் ஒரேயொரு வீரரே மிச்சம் இருந்தாலும் தொடர்ந்து போராடுவார்கள் என சூளுரைத்துள்ளதுடன் சவுதி அரேபியா மற்றும் உலகம் முழுதும் ஜிஹாதிகள் தம்முடன் வந்து இணைந்து போராட வேண்டும் எனவும் அழைப்பு விடுத்துள்ளான். மேலும் அமெரிக்க கூட்டுப் படைகள் பலவீனம் அடைந்து வருவதாகவும் அவர்களது செயற்திட்டங்கள் தோல்வியைத் தழுவி வருவதாகவும் இச்செய்தியில் குறிப்பிடப் பட்டுள்ளது. மறுபுறம் அமெரிக்க கூட்டுப் படையின் விமானத் தாக்குதல்களிலும் ஈராக்கின் தரை வழியான இராணுவ முன்னெடுப்பு மூலமாகவும் சில இடங்களில் ISIS இயக்கத்தின் தகவல் தொடர்பு மற்றும் ஆயுத உணவு வழங்கல் என்பன துண்டிக்கப் பட்டு இருப்பதாகவும் செய்திகள் தெரிவிக்கின்றன. ஈராக்கிலும் சிரியாவிலும் ISIS இற்கு எதிரான வான் தாக்குதலில் அமெரிக்கா தலைமையில் 40 சர்வதேச நாடுகள் ஈடுபட்டு வருவது குறிப்பிடத்தக்கது. இதைவிட தரை வழியாகப் போராடி வரும் ஈராக் மற்றும் குர்து பேஷ்மெர்கா படையினருக்கும் இராணுவ ஆலோசனைகள் வழங்கப் பட்டு வருகின்றன.

மேலும் படிக்கவும் மறுமொழி இல்லை சுதர்சன் 15-11-2014

கொப்பித்திலகம் மௌனத்தை கலைத்தார்.

நைப் கதை என்னோடது என்று ஆதாரத்தோடு பேசி வந்தவர் வழக்கை வாபஸ் பெற்றதால் கொஞ்சம் தெம்போடு காணப்படுகிறார் இயக்குனர் காப்பி திலகம். உண்மை ஒருநாள் வெளியாகும் என்றுதான் இதுவரை மௌனமாக இருந்தேன்.   அவரது குற்றச்சாட்டுகள் ஆதாரமற்றவை. என்னோட காலிபர் என்ன என்பதை அடுத்தப் படத்தில் நிரூபிப்பேன் என்று பதுங்கியிருந்த மியாவ் கொட்டாவி விட்டிருக்கிறது.  கதையை விடுங்கள். படத்தில் வரும் ஜெயில் காட்சி, காய்ன் பைட் எல்லாம் எந்ததெந்தப் படத்திலிருந்து உருவியது என்பதை ரசிகர்கள் இணையத்தில் வீடியோ இணைப்புடன் தந்திருக்கிறார்கள். அதற்கு என்ன பதில் சொல்லப் போறீங்க பொஸ்?

மேலும் படிக்கவும் மறுமொழி இல்லை சுதர்சன் 14-11-2014

ஆங்கிலம் பேசாத மாணவனை அடித்துக்கொன்ற ஆசிரியை.

ஆங்கிலம் பேசவில்லை என்பதற்காக ஆசிரியரொருவர் மாணவனொருவனை அடித்துகொன்ற சம்பவம் இந்தியாவில் இடம்பெற்றுள்ளது. இந்தியாவின், தெலுங்கனா மாநிலம் திருமலைகரி கிராமத்தில் வசித்து வந்த, இராமவத் சந்து என்று கிராமவாசிகளால் அறியப்பட்ட 6 வயது சிறுவனே பரிதாபகரமாக உயிரிழந்துள்ளார்.   இச்சிறுவன், தனியார் பாடசாலையில் கல்விகற்று வந்துள்ளான்.  இந்நிலையில் ஒருநாள் பாடசாலைக்கு நேரம் கடந்து சென்றுள்ளான்.   இதனால் கோபமடைந்த ஆசிரியை, கைகளால் மாணவனை தாறுமாறாக அறைந்துள்ளார். இது தவிர மாணவனது தாய் மொழியான தெலுங்கு மொழியை பாடசாலையில் பேசியதற்காக, ஆங்கிலம் பேசத்தெரியாதா என்று கேட்டு சிறுவனது தலையை சுவரிலும் முட்டியுள்ளார். பாடசாலை முடிந்து வீடு திரும்பிய சிறுவனுக்கு கடுமையான காய்ச்சல் ஏற்பட்டுள்ளது.   அது சாதாரண காய்ச்சல் என்று பெற்றோர் அதனை கவனத்தில் கொள்ளவில்லை. நள்ளிரவில் சிறுவனது நிலைமை மிகவும் மோசமாக காணப்பட்டுள்ளது.   இதனைத்தொடர்ந்து ஹைதராபாத்திலுள்ள வைத்தியசாலையில்; அனுமதிக்கப்பட்ட சிறுவன் சிறிது நேரத்தின் பின்னர் உயிரிழந்துள்ளார்.   தனது மகனது மரணத்துக்கு ஆசிரியரும் கவனயீனமற்ற பாடசாலையும் காரணம் என்று கோரி குறித்த ஆசிரியையையும் அதிபரையும் கைது செய்யுமாறு மரணமடைந்த சிறுவனது பெற்றோரும் உறவினர்களும் ஆர்ப்பாட்டத்தில் ஈடுபட்டுள்ளனர்.   இந்நிலையில் இச்சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

மேலும் படிக்கவும் மறுமொழி இல்லை சுதர்சன் 14-11-2014

விவாகரத்தால் மனைவிக்கு ஆறாயிரம் கோடி.

அமெரிக்க தொழிலதிபரின் மனைவிக்கு விவாகரத்து வழக்கியதில் அவருக்கு 6ஆயிரம் கோடி ரூபாய் வழங்க வேண்டுமென்று அந்நாட்டு நீதிமன்றம் தீர்ப்பு வழங்கியுள்ளது.   அமெரிக்காவின் மிகப்பெரிய எண்ணெய் நிறுவனத்தின் தலைமை செயல் அதிகாரியான ஹெரால்ட் ஹாம், தனது மனைவியிடமிருந்து விவாகரத்து வழங்கக் கோரி அமெரிக்காவில் உள்ள சிறப்பு நீதிமன்றத்தில் வழக்கு தொடர்ந்தார். இவ்வழக்கில் 10-11-14 அன்று சிறப்பு நீதிமன்றம் தீர்ப்பு வழங்கியது. எண்ணெய் நிறுவனத்தில் ஹெரால்டுக்கு 68 சதவீத பங்கு உள்ளதால் அதில் தனக்கு பாதி பங்குகளை அளிக்க வேண்டுமென்று அன் கேட்டிருந்தார். எண்ணெய் நிறுவனத்தின் அவருடைய பங்கின் மதிப்பு 1லட்சம் கோடி ரூபாயாகும். இதில் எனினும் 6ஆயிரம் கோடி ரூபாயை அவருக்கு வழங்கினால் போதும் என்று நீதிமன்றம் தனது தீர்ப்பில் கூறியுள்ளது.   இந்த புதிய தீர்ப்பின் மூலம் அமெரிக்க வரலாற்றில், விவாகரத்து வழக்கில் மனைவிக்கு வழங்கப்படும் தொகையில் அதிகமான தொகையை வழங்கியதில் சாதனைப் படைத்துள்ளது. மேலும், இந்தத் தொகையினால் ஹெரால்டின் மனைவி, அமெரிக்காவின் முதல் 100 பணக்கார பெண்களில் ஒருவராக இருப்பார்.

மேலும் படிக்கவும் மறுமொழி இல்லை சுதர்சன் 14-11-2014

நல்ல மனிதர் விஜய் என்கிறார் ஹரிஷ் ஜெயராஜ்.

ஹாரிஸ் ஜெயராஜ் தற்போது கௌதம் இயக்கத்தில் அஜீத் நடித்து வரும் என்னை அறிந்தால் படத்துக்கு இசையமைத்து வருகிறார். துப்பாக்கி படத்தில் விஜய்யுடன் பணிபுரியும் சந்தர்ப்பம் அவருக்கு கிடைத்தது. அதுபற்றி ரசிகர்கள் ட்விட்டரில் கேட்ட கேள்விக்கு ஹாரிஸ் ஜெயராஜ் பதிலளித்துள்ளார்.   விஜய் பழகுவதற்கு இனிமையானவர், நல்ல மனிதர், எனக்கு நல்ல நண்பர் என்று பதிலளித்துள்ளார்.  வருடத்துக்கு இரண்டு அல்லது மூன்று படங்கள் மட்டுமே செய்யும் ஹாரிஸ் தனக்குத்தானே ஒரு வேலியைப் போட்டுக் கொண்டு அதைத்தாண்டி பெரும்பாலும் வெளியே வராதவர். ஒரு படத்தில் இணைந்து பணியாற்றியதில் ஹாரிஸும், விஜய்யும் நட்பானது ஆச்சரியம்தான்.   வாழ்க நண்பர்கள்.

மேலும் படிக்கவும் மறுமொழி இல்லை சுதர்சன் 13-11-2014

'யேசுவுக்கு திருமணமாகி இரண்டு பிள்ளைகள்'

யேசு  கிறிஸ்துவுக்கு திருமணமாகி இரண்டு குழந்தைகள் இருந்ததாகக்கூறி எழுதப்பட்டுள்ள புத்தகத்தால் பெரும் சர்ச்சை கிளம்பியுள்ளது.   அமெரிக்காவின் யார்க் பல்கலைக்கழக பேராசிரியர் பார்ரி வில்சன் மற்றும் ஆவண தொகுப்பாளர் சிம்சா ஜேக்கோபோவிசி ஆகியோர் இணைந்து (The Lost Gospel).'தி லாஸ்ட் கோஸ்பல்' என்ற புத்தகத்தை எழுதியுள்ளனர்.   இந்தப் புத்தகம் உலகம் எங்கும் விரைவில், விற்பனைக்கு வர உள்ளது. பழமையான பிரிட்டீஷ் நூலகத்தில் அராமெய்க் மொழியில் இருந்த ஒரு ஆவணத்தை மொழி பெயர்த்து இந்தப் புத்தகம் எழுதப்பட்டுள்ளதாகக் கூறப்படுகிறது.   அதில் கிறிஸ்தவர்களால் கடவுளாக வணங்கப்படும் ஏசு கிறிஸ்துவிற்கு மனைவியும், இரு குழந்தைகளும் இருந்ததாக குறிப்பிடப்பட்டுள்ளது.   மனைவி பெயர் மேரி மக்டாலேன் என்றும் தெரிவிக்கப்பட்டுள்ளது. எனவே கிறிஸ்தவர்கள் மத்தியில் இந்த புத்தகம் எதிர்ப்பையும் சம்பாதித்துள்ளது.   இது குறித்து பிரிட்டீஷ் நூலகம் கூறுகையில், “அந்தப் புத்தகத்துக்கும், எங்களுக்கும் எந்த தொடர்பும் இல்லை, அது ஆய்வாளர்களால் மட்டுமே பயன்படுத்தப்பட்டு வந்தது“ என்று கூறியுள்ளார்.   அந்தப் புத்தகத்தின் முதல் பக்கத்தில் உள்ள வரியில், "கத்தோலிக்க கிறிஸ்த தலைமையிடமான வாடிகன் எதற்காக பயந்துகொண்டிருந்ததோ, டாவின்சி கோட் படைப்பாளி டான் பிரவுனுக்கு எந்த சந்தேகம் வந்ததோ, அது இப்போது உண்மையாகிவிட்டது" என்று குறிப்பிடப்பட்டுள்ளது. ஏனெனில் டான் பிரவுன் தனது டாவின்சி கோட் புத்தகத்திலும், ஏசு திருமணமானவர் என்று தெரிவித்திருந்தார். அது உண்மையாகிவிட்டதாக 'தி லாஸ்ட் கோஸ்பல்' புத்தகத்தை எழுதியுள்ளவர்கள் குறிப்பிட்டுள்ளனர்.   ஜெருசலத்தில் ஆய்வு நடத்தி, ஏசு கிறிஸ்து மறைந்த பிறகு கட்டிய கல்லறை அங்கு உள்ளதாக எழுத்தாளர் சிம்சா ஜேக்கோபோவிசி ஏற்கனவே தெரிவித்திருந்தார்.   இந்நிலையில், ஏசுவுக்குத் திருமணமாகி இரண்டு குழந்தைகள் இருந்ததாகக் கூறி எழுதப்பட்டுள்ள இந்தப் புத்தகத்தால் பெரும் சர்ச்சை ஏற்பட்டுள்ளது.  

மேலும் படிக்கவும் 4 மறுமொழிகள் சுதர்சன் 13-11-2014

அத்துரலிய தேரரின் முகப்புத்தக்கணக்கு முடக்கம்.

ஜாதிக ஹெல உறுமயவின் தேசிய அமைப்பாளரும், பாராளுமன்ற உறுப்பினருமான அத்துரலிய ரத்ன தேரரின் பேஸ்புக் மற்றும் மின்னஞ்சல் கணக்குகள் இனந்தெரியாதவர்களினால் நேற்று செவ்வாய்க்கிழமை முடக்கப்பட்டுள்ளது.    இந்த முடக்கத்தினை ஊடுருவல் நிறுவனங்கள் ஏதும் செய்யவில்லை என்றும், தனிப்பட்டவர்களினாலேயே மேற்கொள்ளப்பட்டுள்ளதாக அத்துரலிய ரத்ன தேரர் தெரிவித்துள்ளார்.   நிறைவேற்று ஜனாதிபதியை முறையை ஒழிக்கும் 19வது அரசியல் அமைப்பு திருத்தம் கொண்டு வரப்பட வேண்டும் என்று அத்துரலிய ரத்ன தேரர் தொடர்ந்தும் வலியுறுத்தி வருகின்றார். அத்தோடு, அரசாங்கத்தின் பங்காளிக் கட்சியாக இருந்தாலும் அண்மைய நாட்களில் ஜாதிக ஹெல உறுமய முரண்பட்டு வருகின்றமையும் சுட்டிக்காட்டத்தக்கது. இதனிடையே, நிறைவேற்று அதிகார ஜனாதிபதி முறைமையை நீக்கக் கோரும் கூட்டமொன்றை ஜாதிக ஹெல உறுமய இன்று புதன்கிழமை கொழும்பில் நடத்தவுள்ளது.

மேலும் படிக்கவும் மறுமொழி இல்லை சுதர்சன் 13-11-2014

ISIS தலைவர் அல்-பக்தாதி கொல்லப்பட்டதாக தகவல்.

சமீபத்தில் ஈராக்கின் அன்பார் மாகாணத்தில் அல் குவாயிம் நகரில் ISIS இயக்கத் தலைவர்கள் ஒன்றுகூடிய கூட்டத்தின் மீது அமெரிக்காவின் விமானத் தாக்குதலில் ISIS இயக்கத் தலைவனான அபூபக்கர் அல் பக்தாதி பலியானதாக சில ஊடகங்களில் செய்தி வெளியாகியுள்ளன.   முன்னர் அமெரிக்கக் கூட்டுப் படையின் விமானத் தாக்குதலில் ISIS இன் முக்கிய தலைவர்கள் சிலர் கொல்லப் பட்டதாக அறிவிக்கப் பட்ட போதும் அல் பக்தாதி காயம் அடைந்ததாகவே கூறப்பட்டது. ஆயினும் தற்போது அல்பக்தாதி இறந்து விட்டதாக புகைப்பட ஆதாரட்துடன் அல் இட்டிசாம் என்ற ஊடகம் செய்தி வெளியிட்டுள்ளதுடன் அத்தகவலை ISIS உறுதிப் படுத்தியதாகவும் தகவல்கள் வெளியாகியுள்ளன. ஆனால் இதனை உத்தியோகபூர்வமாக உறுதிப் படுத்த முடியவில்லை. ஆயினும் அமெரிக்க ஊடகங்கள் வெளியிட்டுள்ள செய்திகளில் அல் பக்தாதி கொல்லப் பட்டிருப்பினும் கூட ISIS ஐக் குறைத்து மதிப்பிட்டு விட முடியாது எனவும் அந்த அமைப்பைக் கொண்டு நடத்தக் கூடிய நன்கு பயிற்றுவிக்கப் பட்ட தலைவர்கள் அவரின் இடத்தை நிரப்பத் தயாராக இருப்பதாவும் கூறப்பட்டுள்ளது.   மேலும் தீவிரவாத ஆராய்ச்சி மற்றும் கூட்டமைப்பின் தகவல் படி அல்பக்தாதி வசம் ஆலோசகர்களின் கேபினட்டும் இரு மூத்த பிரதித் தலைவர்களில் அபு முஸ்லிம் அல் டுர்க்மனி ஈராக்கின் மிஷனையும் அபு அலி அல் அன்பாரி என்பவர் சிரியாவின் ஆப்பரேஷன்களையும் வழிநடத்தி வருவதாகவும் தெரிவிக்கப் பட்டுள்ளதுடன் இவர்கள் இருவருமே ஈராக்கின் முன்னால் சர்வாதிகாரி சதாம் ஹுசைனின் கீழ் பணிபுரிந்த மூத்த இராணுவ அதிகாரிகள் ஆவர் என்பது குறிப்பிடத்தக்கது.   இதைவிட ISIS இன் பிரதான பேச்சாளரான சிரியாவின் அபு மொஹம்மெட் அல் அட்னானி உம் இக்குழுவை வழிநடத்தும் சக்தி உடையவனே என்றும் அறிவிக்கப் பட்டுள்ளது.

மேலும் படிக்கவும் மறுமொழி இல்லை சுதர்சன் 12-11-2014

குடும்பக்கட்டுப்பாடு செய்த பெண்கள் மரணம்.

சத்தீஸ்கர் மாநிலம் பிலாஸ்பூர் மாவட்டம் தக்கட்பூரில் அரசு சார்பில் குடும்பக் கட்டுப்பாடு முகாம் நடந்தது. இதில் அறுவை சிகிச்சை செய்து கொண்ட 8 பெண்கள் இறந்தனர்.   சத்தீஸ்கர் மாநிலம் பிலாஸ்பூர் புறநகரில் பென்தாரி கிராமத்தில் நெமிசந்த் ஜெயின் புற்றுநோய் மற்றும் ஆராய்ச்சி மையத்தில் கடந்த 8 ஆம் தேதி நடந்த கருத்தடை அறுவை சிகிச்சை முகாமில் சுமார் 80 க்கும் மேற்பட்ட பெண்கள் கருத்தடை அறுவை சிகிச்சை செய்துக் கொண்டனர்.   அறுவை சிகிச்சை முடிந்த 24 மணி நேரத்திற்குள் அந்தப் பெண்கள் மருந்துகள் வழங்கப்பட்டு டிஸ்சார்ஜ் செய்யப்பட்டனர்.   அவர்களில் 29 பெண்கள், வாந்தி மற்றும் வயிற்று வலி என பல்வேறு பிரச்சனை காரணமாக பிலாஸ்பூர் மாவட்ட மருத்துவமனைக்கு விரைந்தனர்.   மருத்துவமனையில் சிகிச்சை பெற்று வந்த நிலையில் உடல்நிலை மிகவும் மோசம் அடைந்தால் அவர்களுள் பெண்கள் 8 பேர் பலியாகினர். மேலும் 33 பேர் கவலைக்கிடமான நிலையில் சிகிச்சை பெற்று வருகின்றனர். இதுகுறித்து மருத்துவர் அமர்சிங் கூறுகையில், “செப்டிக் காரணமாக உயிரிழப்பு ஏற்பட்டு இருக்கலாம் என்று முதல்கட்ட விசாரணையில் கூறப்படுகிறது.   இருப்பினும், விரிவான பிரேத பரிசோதனை அறிக்கைக்கு பின்னரே இறப்புக்கான சரியான காரணத்தை வெளிப்படுத்த முடியும்“ என்று தெரிவித்துள்ளார்.   இந்நிலையில், இறந்தவர்கள் அனைவரின் குடும்பத்திற்கு ரூ. 2 லட்சம் நிவாரணம் வழங்கப்படும் என்றும் மருத்துவனையில் சிகிச்சை பெறுபவர்களுக்கு ரூ.50000 வழங்கப்படும் என்று அரசு தெரிவித்துள்ளது.

மேலும் படிக்கவும் மறுமொழி இல்லை சுதர்சன் 12-11-2014

தமிழக அகதிகளை திருப்பியனுப்பக்கோரும் CV விக்கினேஸ்வரன்.

இந்தியாவின் தமிழ்நாட்டிலுள்ள சுமார் இரண்டு இலட்சம் இலங்கைத் தமிழ் அகதிகளையும் மீண்டும் அவர்களின் சொந்த இடங்களுக்கு (இலங்கைக்கு) திருப்பி அனுப்புவதற்கு இந்தியா நடவடிக்கை எடுக்க வேண்டும் என்று வடக்கு மாகாண முதலமைச்சர் சி.வி.விக்னேஸ்வரன் கோரிக்கை விடுத்துள்ளார்.    தமிழ்நாட்டின் சென்னை சென்றுள்ள அவர், அங்கு நேற்று திங்கட்கிழமை நடத்திய ஊடகவியலாளர் சந்திப்பின் போதே மேற்கண்ட விடயத்தைத் தெரிவித்துள்ளார்.   அவர் மேலும் தெரிவித்துள்ளதாவது, “இலங்கைத் தமிழர்கள் அகதிகளாக இந்தியாவில் தங்கியுள்ளனர். 115 முகாம்களில் உள்ள ஒரு இலட்சம் பேர் வரையிலும் முகாம்களுக்கு வெளியே தங்கி இருப்பவர்களையும் சேர்த்தால் இரண்டு இலட்சம் இலங்கைத் தமிழர்கள் இந்தியாவில் அகதிகளாக உள்ளனர்.   பல ஆண்டுகளாக இங்கு இருந்தும் இந்திய குடியுரிமை இதுவரை இவர்களுக்கு கிடைக்கவில்லை. தங்குமிடம், உணவு உள்ளிட்ட பல்வேறு செலவுகளை இங்குள்ள அரசுதான் செய்து வருகிறது. இலங்கையில் இருந்து அகதிகளாக வெளியேறியவர்கள் இனி நாட்டுக்குத் திரும்ப மாட்டார்கள் என அவர்களுக்கு சொந்தமான நிலங்களை இராணுவத்தினர் அபகரித்து வருகின்றனர். தாய்நாட்டின் பூர்வகுடிகளான இரண்டு இலட்சம் அகதிகள் இந்தியாவில் இருப்பதால் இலங்கையில் உள்ள தமிழர்களின் எண்ணிக்கை குறைந்து வருகிறது. இதனால் தமிழர்களின் உரிமைகளுக்காக குரல் கொடுக்க மக்கள் பிரதிநிதிகளை போதியளவுக்கு எங்களால் தேர்ந்தெடுக்க முடியவில்லை. இதைப் போக்க இந்தியாவில் உள்ள இலங்கை அகதிகளை திரும்பி அனுப்ப இந்திய அரசு நடவடிக்கை எடுக்க வேண்டும்.   அகதிகளைத் திருப்பி அனுப்புவது குறித்து, மன்மோகன் சிங் பிரதமராக இருந்தேபோது பேச்சு நடத்தினோம். இதையடுத்து, அகதிகளைத் திருப்பி அனுப்ப குழு ஒன்றை இந்திய அரசு அமைத்தது. தற்போது மோடி தலைமையில் புதிய அரசு பதவியேற்று உள்ளது. அகதிகளைத் திருப்பி அனுப்புவது குறித்து, மோடி அரசுடனும் பேச்சு நடத்தி வருகிறோம்.   அகதியாக இந்தியாவுக்கு வந்து பல ஆண்டுகளாகின்றன. திரும்பி தாய் நாட்டுக்குப் போனால் தங்களுடைய நிலங்கள் கிடைக்குமா? போதிய பாதுகாப்பு அளிக்கப்படுமா? என்பதால் இங்குள்ள அகதிகள் நாடு திரும்ப அச்சப்படுகின்றனர். இந்த அச்சத்தைப் போக்கி அவர்களது நிலங்களை அவர்களுக்கே அளித்து மீள்குடியமர்வு செய்ய, இலங்கை அரசை இந்தியா வற்புறுத்த வேண்டும். இரண்டு இலட்சம் அகதிகளை பாதுகாப்பதும் இந்தியாவுக்கு சுமை தான். எனவே தமிழர் நலனுக்காக, அவர்களை இலங்கைக்கு திருப்பி அனுப்ப வேண்டும்” என்றுள்ளார்.

மேலும் படிக்கவும் மறுமொழி இல்லை சுதர்சன் 12-11-2014

எதிர்காலத்திட்டத்தை தீட்டும் யுவன்.

தனது 3வது கல்யாணத்தை துபாயில் நடத்த திட்டமிட்டிருக்கிறாராம் யுவன் சங்கர் ராஜா.   அப்துல் ஹாலிக் என்று பெயர் மாற்றம் செய்து முழு இஸ்லாமியராக மாறிவிட்ட யுவனை கட்டிக் கொள்ளப் போவது கீழக்கரை முஸ்லீம் பெண் ஒருவர்தான். இந்த திருமணம் பற்றியோ, நிச்சயதார்த்தம் பற்றியோ தன் குடும்பத்திற்கு கூட தெரிவிக்கவில்லையாம் யுவன். அப்பா இளையராஜா செம அப்செட். இருந்தாலும் வீட்டுக்கு செல்லமாச்சே, போகட்டும் என்று விட்டு விட்டதாக தகவல். நடுவில் தொய்விலிருந்த தனது இசை மார்க்கெட்டை திருமணத்திற்கு பிறகு ஸ்டடி செய்யும் திட்டத்திலிருக்கிறாராம் அப்துல் ஹாலிக். பல வருடங்களாக சொந்தப்படம் எடுக்க முயற்சி செய்துவரும் அவர், 2015 ல் அதையும் செய்து முடிப்பதாக திட்டம் வைத்திருக்கிறாராம்.    அதெல்லாம் சரி. கல்யாணத்திற்கு இசைஞானியை அழைத்து ஆசிர்வாதம் வாங்குங்க ப்ரோ! 

மேலும் படிக்கவும் மறுமொழி இல்லை சுதர்சன் 11-11-2014

கவர்ச்சிக்கண்களை வெளியே காட்டத்தடை.

சௌதி அரேபியாவில் கவர்ச்சியான கண்கள் உள்ள பெண்கள் அதை வெளியில் காட்டத்  தடை விதிக்கப்பட்டுள்ளது.   சௌதி அரேபியாவில் கவர்ச்சியான கண்கள் உள்ள பெண்கள் அதை வெளியில் காட்ட தடை விதித்து புதிய சட்டம் ஒன்று கொண்டுவரப்பட்டுள்ளது.   இதன்படி இனி கவர்ச்சியான கண்கள் உள்ள பெண்கள் அதை மறைக்கும் வகையில் பர்தா அணிந்து வரவேண்டும். இந்த சட்டதிற்கு பலர் சமூக வலைதளங்களில் எதிர்ப்பு தெரிவித்து வருகின்றனர். இது குறித்து சௌதி அரசின் நல்லொழுக்க மேம்பாடு மற்றும் தீயவை தடுப்பு குழுவின் செய்தித் தொடர்பாளர் ஷஏக் மோத்லப் அல் நபத் கூறுகையில், ‘கவர்ச்சியான கண்களைக் கொண்டப் பெண்களிடம் அதனை மறைக்குமாறு எங்கள் குழு உறுப்பினர்கள் கூறுவார்கள்.   அவ்வாறு செய்யும் உரிமை எங்களுக்கு உண்டு‘ என்று தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 11-11-2014

அமிதாப் பச்சனை இயக்கும் ஷங்கர்?

ஷங்கர் ஒரு படத்தை முடித்ததும்  அடுத்து அவர் யாரை இயக்குகிறார் என்ற கேள்வியும், அந்த ஒரு கேள்விக்கு ஒரு டஜன் பதில்களும் மீடியாவில் விவாதிக்கப்படும். எந்திரன் படத்துக்குப் பிறகு இந்தி மீடியாக்களும் இந்த கேள்விப் பதிலில் பங்களிப்பு செலுத்துகின்றன.   ஐ படம் முடிவடைந்த நிலையில், ஷங்கர் தனது அடுத்தப் படத்தை அமிதாப்பச்சன், ஹிர்த்திக் ரோஷனை வைத்து எடுக்கயிருப்பதாக முன்னணி இந்தி பத்திரிகை ஒன்று செய்தி வெளியிட்டுள்ளது. கிரிஷ் 3 -இன் திரைக்கதையை எழுதிய ஹனிசிங்குடன் ஷங்கர் கைகோர்த்திருப்பதாகவும் தகவல். இது ஹனிசிங்கின் காதுகளை எட்டி, அவர் இந்த செய்தியை மறுத்திருக்கிறார்.   எனினும், ஷங்கர் இயக்கத்தில் அமிதாப், ஹிர்த்திக் என்ற தகவலை இன்னும் இந்தி மீடியாக்கள் பிடித்துத் தொங்குகின்றன.   தகவல் உண்மையாக இருந்தால் நமக்கும் மகிழ்ச்சிதான்.

மேலும் படிக்கவும் மறுமொழி இல்லை சுதர்சன் 10-11-2014

நத்தார் மரங்களின் விலை சரிவு.

இந்த ஆண்டு நவம்பர் மாதத்தில் டென்மார்க்கில் கூட குளிர் குறைவாகவும், வெப்பம் அதிகமாகவும் இருக்கிறது, இதனால் நத்தாருக்கு வீடுகளில் வைக்கப்படும் சௌக்கு  மரங்கள் பாதிக்கப்படும் என்று தெரிவிக்கப்படுகிறது. அதிக வெப்பத்தால் நத்தார் மரங்களின் உச்சியில் நீண்டு நிற்கும் காம்பில் உள்ள முட்கள் கொட்டுப்பட்டுவிடும் என்றும், இதனால் நத்தார் மரங்களின் விலை பத்து வீதம் குறையும் என்றும் கருதப்படுகிறது.

மேலும் படிக்கவும் மறுமொழி இல்லை சுதர்சன் 10-11-2014

தமிழருக்கு புகலிடம் வழங்கிய பிரேசில்.

கடந்த இரண்டு வருடங்களாக ஐக்கிய அரபு இராச்சியத்திலுள்ள துறைமுகம் ஒன்றில் காத்திருந்த ஏழு இலங்கை அகதிகளுக்கு, பிரேசில் புகலிடம் அளித்துள்ளது. இவர்கள் பிரேசிலில் புதிய வாழ்க்கை ஒன்றை ஏற்படுத்திக் கொள்வதற்காக எதிர்வரும் திங்கட்கிழமை அங்கு செல்லவுள்ளதாக, யுஎன்எச்சிஆர் உறுதி செய்துள்ளது. 4 ஆண்கள், இரண்டு பெண்கள் மற்றும் ஒரு குழந்தை அடங்கலாக ஏழு பேரே பிரேசில் செல்லவுள்ளனர். இவர்களுக்கு ஐக்கிய நாடுகள் சபை நிரந்தர வீடு ஒன்றை வழங்கியுள்ளது. சுமார் 45 இலங்கை அகதிகள் அடங்கிய படகு ஒன்று அவுஸ்திரேலியாவை நோக்கி சென்றுக் கொண்டிருக்கையில் நடுக்கடலில் தத்தளித்த போது, சிங்கப்பூர் கப்பல் ஒன்றினால் காப்பாற்றப்பட்டனர். பின்னர் அவர்கள், ஜெபால் அலி விமானத்தளத்தில் தங்க வைக்கப்பட்டு ஐக்கிய நாடுகளின் அகதி அந்தஸ்தும் கிடைக்கப்பெற்றது. இந்தநிலையில் கடந்த இரண்டு வருடங்களாக அவர்கள் அமெரிக்கா, பின்லாந்து போன்ற நாடுகளில் குடியேற்றப்பட்டனர். கடைசியாக எஞ்சியிருந்த 7 இலங்கையர்களும் எதிர்வரும் திங்கட்கிழமை பிரேசிலுக்கு செல்லவுள்ளனர்.  

மேலும் படிக்கவும் மறுமொழி இல்லை சுதர்சன் 10-11-2014

அஜீத் மேல் கடுப்பி இருக்கும் விஜய் ரசிகர்கள்.

கத்தி படம் பற்றிதான் ஊரெங்கும் பேச்சு. சமூக வலை தளங்களிலும் அது பற்றிய விவாதங்கள்தான். ஆஹா... என்று ஒரு குரூப்பும் ஐயே...என்று இன்னொரு குரூப்பும் அடித்துக் கொள்ள, முழுவேகமாக ஆக்ரமித்திருந்தார் விஜய். எவ்வித அவசியமும் இல்லாமல் அங்குதான் மூக்கை நுழைத்தார் அஜீத்.   தான் நடித்துக் கொண்டிருந்த படத்தின் தலைப்பை வெகு காலமாகவே அறிவிக்காமல் வைத்திருந்தவர், கத்தி வெளியான ஐந்தாவது நாளில் அறிவிக்க, கத்தியை விட்டு விட்டு என்னை அறிந்தால் என்ற அஜீத் படத்தின் தலைப்பை பற்றியே பேச ஆரம்பித்துவிட்டார்கள். ட்விட்டர் ட்ரெண்ட்டிங்கில் கத்தியை ஒரேயடியாக சாய்த்துவிட்டு இடம் பிடித்துக் கொண்டது என்னை அறிந்தால். நேரடியாக மோதலாம். அதைவிட்டுட்டு இப்படி நல்ல புள்ளையாச்சும் கொல்ல பக்கம் குழிபறிச்சா? என்று குமுற ஆரம்பித்திருக்கிறார்கள். 

மேலும் படிக்கவும் மறுமொழி இல்லை சுதர்சன் 09-11-2014

காலையுணவு அற்று கல்வியை தொடரும் மாணவர்கள்.

டென்மார்க்கில் உள்ள பாடசாலை மாணவர்களில் பெரும்பாலானவர்கள் காலை உணவு உண்ணாமலே பாடசாலைக் கல்வியை தொடர்கிறார்கள் என்று இன்று வெளியான ஆய்வொன்று தெரிவிக்கிறது. சிறப்பாக உயர் வகுப்புக்களில் படிக்கும் மாணவிகளில் பெரும்பாலானவர்கள் காலை உணவு உண்பதில்லை என்று 4500 மாணவர்களிடையே நடாத்தப்பட்ட பாடசாலை நலவாழ்வு தொடர்பான ஆய்வு தெரிவிக்கிறது.

மேலும் படிக்கவும் மறுமொழி இல்லை சுதர்சன் 09-11-2014

பேர்லின் சுவர் உடைந்ததன் 25 வது ஆண்டுவிழா.

பேர்ளின் சுவர் உடைத்து வீழ்த்தப்பட்ட வெள்ளிவிழா கொண்டாட்டங்கள் யேர்மனியில் முன்னெடுக்கப்பட இருக்கின்றன. கடந்த 1989 ம் ஆண்டு நவம்பர் 9ம் திகதி இந்தச் சுவர் வீழ்ந்து இரண்டு யேர்மனிகளும் மறுபடியும் ஒன்றாக இணைக்கப்பட்டன. இந்தச் சுவர் வடகொரியா – தென்கொரியா போல உறவுகளை பிரித்த கொடும் சுவர் என்று வர்ணிக்கப்படுகிறது, இதைக் கடக்க முயன்று மடிந்தவர்கள் எண்ணிக்கை பல. இந்தச் சுவரை உடைத்தால் ஏழ்மை மிக்க கிழக்கு யேர்மனியரால் பணக்காரர் வாழும் மேற்கு ஜேர்மனி பின்தங்கிவிடும் என்று பலரும் கருத்துரைத்தனர், ஆனால் இணைத்ததும் பல பிரச்சனைகளை சந்தித்த யேர்மனி இந்தக் கால் நூற்றாண்டு காலத்தில் எதிர்கொண்ட சவால்களை வெற்றி பெற்றுள்ளதென்றே கூற வேண்டும். யேர்மனியின் வர்த்தகச் சந்தை ஒரேயடியாக ஐம்பது வீத வளர்ச்சி கண்டது, போக்குவரத்து, அபிவிருத்தி என்று பல சீர்திருத்தங்கள் முன்னெடுக்கப்பட்டன, பொருளாதாரம் வீழ்ச்சியடையவில்லை மெல்ல மெல்ல வளர்ந்தது. கிழக்கு யேர்மனியைச் சேர்ந்த இரும்புப் பெண்மணி அஞ்சலா மேர்க்கல் அதிகாரத்திற்கு வந்து ஐரோப்பிய ஒன்றியத்தின் இரும்புப் பெண்மணியாக மாறி யேர்மனியை உச்சமான இடத்திற்கு கொண்டு சென்றுள்ளார். பேர்ளின் சுவர் இடிக்கப்பட்டபோது காலஞ்சென்ற பிரிட்டன் பிரதமர் மாகிரட் தாட்சர் இது பிரிட்டனுக்கு பிற்காலத்தில் ஆபத்தாக மாறும் என்று எச்சரித்திருந்தார். இப்போது ஜேர்மனி ஐரோப்பிய ஒன்றியத்தை வைத்து பிரிட்டனின் கண்களில் விலலை நுழைத்து ஆட வைத்துக்கொண்டிருக்கிறது. அயர்லாந்தும், ஸ்கொட்லாந்தும் பிரித்தானிய சாம்ராஜ்ஜியத்தை உதறி ஐரோப்பிய ஒன்றியத்துடன் உறவு கொள்ள ஆசை கொண்டுவிட்டன, ஒரு புறம் ஐரோப்பிய சாம்ராஜ்ஜியம் வளர மறுபுறம் பிரிட்டன் சாம்ராஜ்ஜியம் உடைவுக்கான முறிவு ஒலிகளை எழுப்ப ஆரம்பித்துவிட்டது. இவை எல்லாம் யேர்மனி அடைந்த வெற்றிகளே.. அது மட்டுமல்லாமல் ரஸ்யா என்ற நாட்டிற்கும் மூக்கணாங்கயிறு போட்டு வைத்துவிட்டது யேர்மனி. அவ்வளவுடன் நின்றதா அமெரிக்காவின் என்.எஸ்.ஏ உளவுப்பிரிவு உளவறிந்த காரணத்தை அடிப்படையாக வைத்து அமெரிக்கா உள் நுழைய முடியாத இணைய வலையாக்கத்தை ஐரோப்பாவிற்கு மட்டும் உருவாக்க இருக்கிறார். ஆகவே இரண்டாம் உலக யுத்தத்தில் ஹிட்லர் முன்னனெடுத்த எதிர்ப்பை போரற்ற புதிய கோணத்தில் யேர்மனி முன்னெடுத்து வெற்றி நடைபயில்வதையும் காண முடிகிறது. அதேவேளை எப்படி போருக்கு பிந்திய மேற்கு யேர்மனி பொருளாதாரத்தில் உயர்வு கண்டதோ அதே உயர்வுகள் கிழக்கிலும் சாத்தியமாகியுள்ளன. கிழக்கு யேர்மனி இணைக்கப்பட்டதால் தமது யேர்மனிக்கான வர்த்தகம் 20 வீதம் உயர்வு கண்டுள்ளதாக டென்மார்க் தெரிவித்துள்ளது, கிழக்கு யேர்மனி இணைப்பு ஐரோப்பாவிற்கு புது வலு கொடுத்துள்ளது. நாடுகளை பிரித்தாலே சுந்திரமாக வாழலாம் என்ற கருத்து நிலவும் உலகில் நாடுகளை இணைத்தாலே நலமாக வாழலாம் என்ற செய்தியை உலகிற்கு சொன்ன பேர்ளின் சுவர் உடைந்த 25 வருடம் உலகத்தின் நவீன சிந்தனையாளரால் முக்கியம் கொடுத்துப் பேசப்பட இருக்கிறது.

மேலும் படிக்கவும் மறுமொழி இல்லை சுதர்சன் 09-11-2014

சமந்தாவின் செண்டிமெண்ட் வெடிக்கவில்லை.

சமந்தா சென்ட்டிமென்ட் ‘பாம்’ ஒன்றை கையில் வைத்திருந்து எந்நேரத்திலும் அதை வெடித்துவிட தயாராக இருந்தது ஒரு கோஷ்டி.   அவர் நடித்து ஒரு படமும் ஓடியதில்லை. (தமிழில் மட்டும்தான் இந்த கெட்ட சகுனம்) நான் ஈ கூட தெலுங்கு படம்தான். இங்கே நாம் பார்த்தது தமிழ் டப்பிங். அண்மையில் வந்த அஞ்படம் தாறுமாறான ஹிட்.  இப்போது சமந்தா சென்ட்டிமென்ட் சாம்பலாகிவிட்டது. இந்த நேரத்தில்தான் அவர் மனதில் ஒரு விசித்திர எண்ணம். வதவதவென படங்களில் நடித்தது போதும். இன்னும் ஒன்றோ ரெண்டோ, நடித்து முடித்துவிட்டு சினிமாவுக்கே முழுக்கு போட வேண்டும் என்று நினைக்கிறாராம். அப்புறம்? கண்ணாலம்தான்!  சான் உட்பட உதாரணத்தை காட்டுகிற அந்த கோஷ்டி, ‘பார்த்தீங்களா பார்த்தீங்களா’ என்று கத்தியையும் கை நீட்டுவதற்கு காத்திருந்த நேரத்தில்தான் அந்த இடி செய்தி.

மேலும் படிக்கவும் மறுமொழி இல்லை சுதர்சன் 08-11-2014

அனகொண்டா விழுங்கும் மனிதன்.

அமெரிக்காவை சேர்ந்த இளைஞர் ஒருவர் சமூக வலைத்தளமான டுவிட்டரில், 'நான் அனகோண்டா உயிரோடு விழுங்கவிருக்கும் முதல் நபராக இருப்பேன்' எனும் வீடியோவை பதிவேற்றம் செய்துள்ளது பெரும் பரபரப்பை ஏற்படுத்தியுள்ளது.   இயற்கை ஆர்வலர், தயாரிப்பாளர் மற்றும் சாகசக்காரர் என தெரிவிக்கப்பட்டுள்ள பால் ரோசொலி எனும் நபர், டுவிட்டரில் பதிவேற்றம் செய்யப்பட்டிருந்த ஒரு வீடியோவில், ''நான் அனகோண்டா உயிரோடு விழுங்கவிருக்கும் முதல் நபராக இருப்பேன்' என தெரிவித்துள்ளார். இது தொடர்பாக வெளியிடப்பட்டுள்ள செய்தியில், டிஸ்கவரி சேனலில் டிசம்பர் மாதம் ஒளிப்பரப்பாக இருக்கும் 'ஈட்டன் லைவ்' எனும் நிகழ்ச்சிக்காக தயாரிக்கப்பட்ட புரோமோ இது என தெரிவிக்கப்பட்டுள்ளது. இந்நிகழ்ச்சியில் பிரத்யேகமாக தயாரிக்கப்பட்ட உடையை அணிந்திருக்கும் பால் ரோசொலி, அனகோண்டாவால் உயிரோடு விழுங்கப்படுவாரென கருதப்படுகிறது.   இது தொடர்பாக பால் ரோசொலி அவரது டுவிட்டர் பதிவில், 'நான் எப்போதும் விலங்குகளை துன்புறுத்த மாட்டேன். இது எப்படி சாத்தியம் என்பதை அறிய நீங்கள் ஈட்டன் லைவ் நிகழ்ச்சியை பார்க்கவேண்டும்' என தெரிவித்துள்ளார். இந்த நிகழ்ச்சி பாம்புக்கு பாதிப்பு ஏற்படுத்தும் விதமாக உள்ளதால் இதனை டிஸ்கவரி கைவிட வேண்டுமென விலங்கு நல ஆர்வலர்கள் அறிவுறுத்தியுள்ளனர். 'இந்த முட்டாளை உயிரோடு விழுங்கசெய்து, அதன் பின்பு வெளியே எடுக்க அனகோண்டாவின் மொத்த சக்தியும் போய்விடும். கேளிக்கைக்காக விலங்குகளை பயன்படுத்தும்போது அவை பாதிப்பிற்கு ஆளாவதை மறுக்க முடியாது' என விலங்கு நல ஆர்வலர்கள் தெரிவித்துள்ளனர் என்பது குறிப்பிடத்தக்கது.  

மேலும் படிக்கவும் மறுமொழி இல்லை சுதர்சன் 08-11-2014

100வது வயதில் திருமணம் செய்துகொண்ட பாட்டி.

லண்டனில் 100 வயதான பாட்டி 60 வயதான ஒருவரைத்திருமணம் செய்துள்ளார்.   லண்டனில் உள்ள ஒரு முதியோர் இல்லத்தில் இந்தத் திருமணம் நடந்துள்ளது. சக்கர நாற்காலியில் வலம் வரும் மர்பா ப்ளோட்னிகோவா என்ற அந்தப் பாட்டி தனது கணவர் இறந்தவுடன் இந்த முதியோர் இல்லத்துக்கு வந்தார்.   அங்கு இருந்த அபனாசில் ஹரின் என்பவரை சந்தித்தார். அந்த மகிழ்ச்சியான ஜோடி 11 வருடங்களாக அந்த இல்லத்தில் ஒன்றாக வசித்து வருகின்றனர். பின்னர் இருவரும் திருமணம் செய்து கொள்ள முடிவு செய்தனர். அவர்களது திருமணத்தில் இல்லத்தில் தங்கியிருக்கும் மற்றவர்களும், ஊழியர்களும் கலந்து கொண்டு வாழ்த்து தெரிவித்தனர்.   காதலுக்கும் திருமணத்திற்கும் வயது ஒரு தடையில்லை என்று இந்த காதல் ஜோடி நிரூபித்துள்ளனர்.

மேலும் படிக்கவும் மறுமொழி இல்லை சுதர்சன் 08-11-2014

மனிதக்குடலிலிருந்து உயிர் மீன் மீட்பு.

பிரேசிலில் ஒரு நபரின் குடலில் இருந்து சுமார் 2 அடி நீளமிருந்த மீன் அறுவை சிகிச்சை மூலம் உயிரோடு வெளியேற்றப்பட்டதாக தகவல்கள் வெளியாகியுள்ளன. பிரேசிலின் லான்ரினா பகுதியைச் சேர்ந்த நபர் ஒருவர் மருத்துவ பரிசோதனைக்காக அவரது உடலை ஸ்கேன் செய்தபோது, அவரது குடல் பகுதியில் நன்கு வளர்ச்சியடைந்த மீன் இருந்தது தெரியவந்தது. அந்த நபரின் உடலில் துளையிட்டு மீன் உள்ளே சென்றிருக்கலாம் எனக் கருதிய மருத்துவர்கள் உடனடியாக அறுவை சிகிச்சைக்கு ஏற்பாடு செய்தனர். அறுவை சிகிச்சையின்போது அந்த நபரின் உடலில் இருந்து நீளமான மீனை மருத்துவர் உயிரோடு அகற்றினார். அப்போது உடன் இருந்த மருத்துவர்கள் அதனை வீடியோ எடுத்ததாகவும், கூச்சலிட்டு ஆரவாரம் செய்ததாகவும் தெரிகிறது. அறுவை சிகிச்சைக்கு பின் குணமடைந்த நபர், தனது அனுமதி இல்லாமல் தனக்கு செய்யப்பட்ட அறுவை சிகிச்சை படமாக்கப்பட்டதாகவும், அந்த வீடியோ இணையத்தில் பதிவேற்றப்பட்டதாகவும் புகார் தெரிவித்துள்ளார். இதையடுத்து முறையான அனுமதி இல்லாமல் அறுவை சிகிச்சையை படமாக்கியது தொடர்பாக விசாரணை மேற்கொள்ளப்படும் என தெரிவிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 07-11-2014

தேனிலவுக்காக இந்தியா சென்று தற்கொலை செய்த தம்பதியினர்.

இந்தியாவுக்குத்தேனிலவுக்காக வந்த இங்கிலாந்தைச்சேர்ந்த இளம் தம்பதியினர் தாஜ்மஹால் அருகில் உள்ள நட்சத்திர விடுதியில் தற்கொலை செய்து கொண்டுள்ளனர்.   இங்கிலாந்தைச் சேர்ந்த புதுமண தம்பதிகளான ஜேம்ஸ் (27) மற்றும் அலெக்ஸ் காஸ்கல் (24)  ஆகிய இருவரும், தங்களது தேனிலவைக் கொண்டாட இந்தியாவிற்கு வந்துள்ளனர். இருவரும் இந்தியாவின் பல்வேறு நகரங்களைச் சுற்றிப் பார்த்துள்ளனர். இறுதியில் தாஜ்மகாலைப் பார்த்து விட்டு அங்குள்ள ஓரு நட்சத்திர விடுதியில் இவர்கள் இருவரும் தற்கொலை செய்து கொண்டுள்ளனர்.   இது குறித்து காவல் துறையினர் விசாரணை நடத்தினர். அதில் அவர்கள் ஆசிரியர்கள் எனவும், தங்களுடைய படிப்பில் முதல்நிலையில் தேர்ச்சி பெற்ற்வர்கள் எனவும் தெரியவந்தது. மேலும் அவர்கள் அறையில் இருந்து திபெத் வரலாற்றைப் பற்றிய புத்தகம், தொலைபேசிகள் மற்றும் பெரிய பயணப் பைகளை கைப்பற்றியுள்ளனர். ஜேம்ஸ் தான் தற்கொலை செய்து கொவதற்கு முன்பு, “இந்தியா வர விரும்பினால் இதயத்தை கழற்றி வைத்துவிட்டு வாருங்கள். இங்குள்ள ஏற்றத் தாழ்வுகளை சகித்துக்கொள்ள நல்ல மனிதர்களால் இயலாது”  என்று தனது டுவிட்டர் வலைதளத்தில் குறிப்பிட்டுள்ளார்.   இந்நிலையில், அவர்களது மரணம் குறித்து கருத்து தெரிவித்த காஸ்கலின் தந்தை, ‘இந்தியாவின் மோசமான வறுமை நிலையைக் கண்டு அதிர்ச்சியடைந்து தங்களது முகத்தை அழித்துக்கொண்டனர்’ என்று கூறியுள்ளார்.   மேலும் அவர் கூறுகையில், ‘இருவரும் காதலித்து சமீபத்தில் தான் திருமணம் செய்து கொண்டனர். இருவரும் தேனிநிலவு கொண்டாட இந்தியா செல்ல வேண்டும் என்று விரும்பினர்.   இந்தியாவின் பல்வேறு பகுதிகளைச் சுற்றிப்பார்த்தபடி அவர்கள் எனக்கு அடிக்கடி தொலைபேசியில் தொடர்பு கொள்வார்கள். அப்போது ஜேம்ஸ் தன்னுடைய மனவருத்தத்தை அடிக்கடி பகிர்ந்து கொண்டுள்ளார். இந்தியாவில், தான், பரவலாகப் பார்த்த சமூக ஏற்றத்தாழ்வு உள்ளது. இது நாங்கள் கேள்விப்பட்ட இந்தியாவாக இல்லை, இங்கு மனிதர்களிடத்தில் பேதங்கள் அதிகம் காணப்படுகின்றன. இங்கு ஏழைகளுக்கு சரியான மருத்துவம் செய்து கொடுப்பதில்லை அதே நேரத்தில் பணக்காரர்களுக்குத் தரமான சிகிச்சைவழங்க பல்வேறு மருத்துவமனைகள் நடத்தப்பட்டு வருகின்றன. இங்கு மனித உயிர்களுக்கு மதிப்பு இல்லை. பணத்திற்கும் ஜாதியச் சமூகத்திற்கும் மட்டுமே மதிப்பு உள்ளது என்று அடிக்கடி கூறுவார்” என்று அவர் கூறியுள்ளார்.

மேலும் படிக்கவும் மறுமொழி இல்லை சுதர்சன் 07-11-2014

KTV-யில் கமலின் பிறந்தநாள் விஷேட நிகழ்சிகள்.

நவம்பர் 7 இன்றான நாள் கமலின் பிறந்தநாள். கமல் மெழுகுவர்த்தி ஊதி அணைத்து பிறந்தநாள் கொண்டாடுவதாக இருந்தால் அறுபது மெழுகுவர்த்திகள் தேவைப்படும்.   வழக்கம் போல ரசிகர்கள் நற்பணிகள் செய்து கமலின் பிறந்தநாளை கொண்டாட தயாராகி வருகின்றனர். எப்எம்கள், தொலைக்காட்சிகளும் இந்த கொண்டாட்டத்தில் பங்கு பெறுகின்றன. கே டிவில் கமலின் பிறந்தநாளை முன்னிட்டு ஸ்பெஷல் நிகழ்ச்சிகளுக்கு ஏற்பாடு செய்துள்ளனர். ஆனால், அதையெல்லாம் விட கமலின் பிறந்த நாளில் உத்தம வில்லன் படத்தின் ட்ரெய்லர் அல்லது பாபநாசம் படத்தின் டீஸர் வெளிவருமா என்று ரசிகர்கள் ஆர்வமுடன் உள்ளனர்.   பிறந்தநாளில் கமல் ஏமாற்றமாட்டார் என்று நம்புவோம்.

மேலும் படிக்கவும் மறுமொழி இல்லை சுதர்சன் 07-11-2014

கொங்கிரசில் இணைந்த கார்த்திக்.

நடிகர் கார்த்திக் உள்ளிட்ட பல்வேறு கட்சிப் பிரமுகர்கள் நேற்று தமிழக காங்கிரஸில் திடீரென இணைந்துள்ளது ஊடக கவனம் பெற்றுள்ளது.     நடிகர் கார்த்திக் தலைமையிலான நாடாளும் மக்கள் கட்சி காங்கிரஸில் இணைந்தது. என்.ஜி.ஓ சங்க முன்னாள் தலைவர் சத்தியமூர்த்தி, பாராளுமன்ற தேர்தலில் சிதம்பரம் தொகுதியில் பாமக சார்பில் போட்டியிட்ட மணிரத்தினம் ஆகியோரும் காங்கிரஸில் இனைந்தனர்.    தமிழக காங்கிரஸ் தலைவர் ஈ.வி.கே.எஸ் இளங்கோவன் முன்னிலையில் காங்கிரஸில் சேர்ந்த அவர்களை வாழ்த்திப் பேசிய அவர் காங்கிரஸ் ஆட்சியின் போது பதவி சுகம் அனு பவித்த சிலர் இன்று, சோதனை யான கால கட்டத் தில் பிரிந்து சென்று விட்டனர். இந்த சூழ்நிலை யில் நீங்கள் சேர்ந்திருப்பது ஆறுதல் அளிக்கிறது. உங்களை மனதார வரவேற் கிறேன். சோனியாகாந்திக்கு வெற்றி தோல்வி முக்கிய மல்ல. நமது நாடுதான் முக் கியம். மதவெறி நாடாக இல்லாமல் மதசார்பற்ற நாடாக இருப்பதற்கு அவ ரது கரத்தை வலுப்படுத்த வேண்டும் எனக் கூறினார். காங்கிரஸ் கட்சியில் இருந்து முன்னாள் மத்திய அமைச்சர் ஜி.கே.வாசன் வெளியேறியுள்ள நிலையில் கார்த்திக் காங்கிரஸில் இணைந்துள்ளார்.

மேலும் படிக்கவும் மறுமொழி இல்லை சுதர்சன் 06-11-2014

குர்-ஆனை அவமதித்த குடும்பத்தை கொன்ற கும்பல்.

செவ்வாய்க்கிழமை பாகிஸ்தானின் பஞ்சாப் மாநிலத்தில் லாகூர் அருகே உள்ல கசூர் மாவட்டத்தில் செங்கல் சூளை அருகே வாழ்ந்து வந்த 6 பேர் அடங்கிய கிறித்தவ குடும்பம் ஒன்று இஸ்லாமியர்களின் புனித நூலான குரானைத் தீயிட்டுக் கொளுத்தி அதனை அவமதித்து விட்டதாகத் தகவல் பரவியிருந்தது.   இதனை அடுத்து அக்கிராமத்தில் ஒன்று கூடிய மக்கள் கூட்டம் அக்குடும்பத்தின் தலைவர்களான தம்பதியினரை அடித்து உதைத்தது மட்டுமல்லாது தீயில் வீசிக் கொலை செய்திருந்ததாக ஊடகங்களில் செய்திகள் பரவியிருந்தன. இதனை அடுத்து இந்த இரக்கமற்ற கொலைச் சம்பவத்துடன் தொடர்புடைய 600 பேர் மீது வழக்குப் பதிவு செய்யப் பட்டுள்ளதுடன் 40 பேர் கைது செய்யப் பட்டும் உள்ளனர். கொல்லப் பட்ட தம்பதியினரில் பெண் ஷைமான் பிபி உர்ஃப் ஷமர் எனவும் அவரின் கணவர் சஜாட் நாசிர் ஷுர்ஜா நசிர் நசிர் எனவும் அடையாளப் படுத்தப் பட்டுள்ளனர். பாகிஸ்தானில் இயங்கி வரும் மனித உரிமைகள் கமிசனான HRCP கூறுகையில் சம்பவம் நடந்த இடத்துக்கு தமது குழு ஒன்று அனுப்பி வைக்கப் பட்டுள்ளதாகவும் கொல்லப் பட்ட தம்பதியினருக்கு இரு மகன்களும் ஒரு மகளும் இருப்பதாகவும் கொல்லப் பட்ட பெண்மணி கர்ப்பமுற்றிருந்தார் என்றும் தெரிவித்துள்ளது.   மேலும் குறித்த கொலைச் சம்பவம் தம்மை மிகவும் அதிர்ச்சிக்கு உள்ளாக்கி இருப்பதாகவும் இது குறித்துத் தமது உணர்வுகளை வெளிப்படுத்த வார்த்தைகள் கிடைக்கவில்லை என்றும் கூட HRCP தெரிவித்துள்ளதுடன் கொல்லப் பட்ட தம்பதியினர் குரானை எரித்ததற்கான எந்த ஒரு ஆதாரமும் இதுவரை கிடைக்கவில்லை என்றும் கூறியுள்ளது. பாகிஸ்தானில் ஏற்கனவே இஸ்லாம் மதம் மீதான அவமதிப்பை மேற்கொள்பவர்கள் மீது மரண தண்டனையோ அல்லது ஆயுள் தண்டனையோ விதிக்கப் படுவது வழக்கம் என்பது குறிப்பிடத்தக்கது. இந்நிலையில் அங்கு இயங்கி வரும் மனித உரிமைகள் அமைப்பு இச்சட்டத்தில் மாற்றம் கொண்டு வர வேண்டும் என நீண்ட காலமாக வலியுறுத்தி வருவதுடன் இச்சட்டம் அங்கு பாகுபாடு, துன்புறுத்தல் மற்றும் கொலை போன்ற குற்றங்கள் அதிகரிக்கக் காரணமாக உள்ளது என்றும் சுட்டிக் காட்டியுள்ளது.

மேலும் படிக்கவும் மறுமொழி இல்லை சுதர்சன் 06-11-2014

பாலியல்க்குற்றங்களில் ஈடுபட்ட அமைதிப்படை.

இலங்கை- இந்திய ஒப்பந்தங்களுக்கு அமைய வடக்கு கிழக்குப் பகுதிகளுக்கு வருகை தந்த இந்திய அமைதி காக்கும் படையினர் தமிழ்ப் பெண்களை பாலியல் வல்லுறவுக்கு உட்படுத்தியதுடன், தமிழ் மக்களை படுகொலையும் செய்தனர் என்று மீள்குடியேற்றத்துறை பிரதி அமைச்சர் விநாயகமூர்த்தி முரளிதரன் (கருணா அம்மான்) குற்றஞ்சாட்டியுள்ளார்.    பாராளுமன்றத்தில் நேற்று செவ்வாய்க்கிழமை இடம்பெற்ற விவாதத்தில் கலந்து கொண்டு பேசும் போதே அவர் மேற்கண்டவாறு தெரிவித்துள்ளார்.   1987 முதல் 90 வரை இலங்கையில் நடவடிக்கைகளில் ஈடுபட்டிருந்த இந்திய அமைதிப்படையினர் பல தமிழ்ப் பெண்களை பாலியல் வல்லுறவுக்கு உட்படுத்தினர்; பல தமிழர்களை கொலையும் செய்தனர். இதற்கான ஆதாரங்கள் உள்ளன என்று அவர் மேலும் கூறியுள்ளார்.

மேலும் படிக்கவும் மறுமொழி இல்லை சுதர்சன் 06-11-2014

கெளதம் மேனன் அஜித் இணையும் என்னை அறிந்தால்.

என்னை அறிந்தால்' என்பது தான் நீண்ட நாட்களாக ரசிகர்களை காக்க வைத்திருந்த அஜித் - கௌதம் மேனன் திரைப்படத்தின் டைட்டில். அஜித் படத்தின் டைட்டிலாக மாறும் வரையில் என்னை அறிந்தால் என்பது சாதாரண வார்த்தையாகத் தான் இருந்தது.    ஆனால் தற்போது அந்த வார்த்தைகளுக்கான அர்த்தங்கள் பல கோணங்களில் அலசப்பட்டு, சமூக வலைதளங்கள் அல்லல்படுகின்றன. திரையுலக நட்சத்திரம் என்பதை மறந்து, சாதாரண ரசிகனாக திரையுலகினர் பலரும் 'என்னை அறிந்தால்' டைட்டிலை புகழ்ந்து வருகின்றனர்.    அடுத்து விஜய்யின் படத்தை தயாரிக்கவிருக்கும் தனுஷ் ட்விட்டரில் “ என்னை அறிந்தால், அஜித் சாருக்கு பொருத்தமான டைட்டில். பவர்ஃபுல்லான 'மாஸ் - கிளாஸ்' டைட்டில். கௌதம் மேனன் டைட்டில் தேர்ந்தெடுப்பதில் சிறந்தவர்” என்று புகழ்ந்து ட்வீட் செய்திருக்கிறார்.    இசையமைப்பாளர் அனிருத் “ ‘தல'க்கு ஏத்த டைட்டில். கௌதம் மேனன் அவரது சிறந்த படத்தை கொடுப்பார்” என்று கூறுகிறார். வழக்கம்போல இந்தமுறை டைட்டில் தேர்ந்தெடுத்த போதும் என்னை முன்னிறுத்தி டைட்டில் வைக்கவேண்டாம், கதைக்கு பொருத்தமாக இருக்கவேண்டும் என்று கூறிவிட்டாராம் அஜித்.  அதன்பிறகு கௌதம் மேனன் சொன்ன இந்த டைட்டில் தேர்ந்தெடுக்கப்பட்டிருக்கிறது.

மேலும் படிக்கவும் மறுமொழி இல்லை சுதர்சன் 05-11-2014

குடியுரிமை மறுக்கப்பட்டுள்ள 10 மில்லியன் மக்களின் நிலை.

உலகில் தற்போது 10 மில்லியன் நாடற்றவர்கள் இருப்பதாகக் கணிக்கப் பட்டுள்ள நிலையில் ஐ.நா இன் அகதிகளுக்கான பிரிவான UNHCR இன்னும் 10 வருடங்களுக்குள் இவர்களுக்கு விமோசனம் அளிக்கும் விதத்தில் நாடற்றவர்கள் என்று எவரும் இல்லாத நிலையை உருவாக்கத் திட்டமிட்டுள்ளதாக அறிவித்துள்ளதுடன் இதற்கான பிரச்சாரத்தையும் விரைவில் ஆரம்பிக்கவுள்ளதாக செய்திகள் வெளியாகியுள்ளன. உலகில் தற்போது வளர்ந்து வரும் பிரச்சினையாகக் நாடற்றவர்களின் அவலம் கவனிக்கப் பட்டுள்ளது. உலகம் முழுதும் சுமார் 10 மில்லியன் பேர் தமக்குப் பிரஜாவுரிமையோ அல்லது கடவுச் சீட்டோ அற்றவர்களாக விளங்குகின்றனர். இவர்களுக்கு மருத்துவ வசதி, கல்வி மற்றும் வாக்களிப்பு போன்ற அரசியல் உரிமைகள் பரவலாக மறுக்கப் பட்டு வரும் நிலை இன்னமும் நீடித்து வருகின்றது. இந்நிலையில் இப்பிரச்சினை உலக அரசியல் தலைவர்களின் சிறு நடவடிக்கைகள் மற்றும் அரசியல் முடிவுகளால் தீர்க்கப் பட முடியும் என அறிவிக்கப் பட்டுள்ளதுடன் இந்த 10 மில்லியன் நாடற்ற மக்களும் தாம் அனுபவிக்கும் அவல நிலையைத் தமது வருங்கால சந்ததிகளுக்கும் கடத்தாமல் தடுப்பதும் மிக முக்கியமான தேவை என UNHCR தெரிவித்துள்ளது. அதாவது அகதி முகாம்களில் பிறக்கும் குழந்தைகளுக்கு அவர்கள் பிறக்கும் நாட்டின் குடியுரிமையோ அல்லது தாயகத்துக்குத் திரும்பிச் செல்வதற்கான வாய்ப்போ கிடைப்பதில்லை. இதை விட மியான்மாரின் ரோஹிங்கியா முஸ்லிம்கள் போன்ற பூர்வீக சிறுபான்மை இனத்தவர்களுக்கும் பல காரணங்களுக்காக குடியுரிமை மறுக்கப் பட்டு வருகின்றது. மேலும் தமிழர்கள் அதிகமான அளவில் நாடற்ற நிலையில் வாழும் இடமாக மலேசியா விளங்குவதும் குறிப்பிடத்தக்கது. இந்நிலையில் உலகம் முழுதும் சுமார் 27 நாடுகளில் பெண்கள் தமது குடியுரிமையைத் தமது குழந்தைகளுக்கு வழங்குவதற்கு அனுமதி மறுக்கப் படுவதாகவும் UNHCR தெரிவித்துள்ளது. இதேவேளை உலகிலுள்ள சில நாடுகள் இப்பிரச்சினையைத் தீர்க்கப் போதுமான நடவடிக்கை எடுத்திருப்பதாகவும் UNHCR சுட்டிக் காட்டியுள்ளது. உதாரணமாக முன்னால் சோவியத் குடியரசின் அங்கத்துவ நாடாக இருந்த கிர்கிஸ்தான் கடந்த 5 வருடங்களில் 65 000 பூர்வீக ரஷ்யர்களுக்கு குடியுரிமை அளித்துள்ளதைக் கூற முடியும். இந்நிலையில் ஐ.நா சபை 1954 ஆம் ஆண்டு நாடற்றவர்களை தத்தெடுக்கும் சாசனத்தையும் 1961 இல் நாடற்றவர்கள் எண்ணிக்கையைக் குறைக்கும் சாசனத்தையும் அமுல் படுத்தியிருந்தது. ஆனால் அதற்குப் பின்னர் இவ்விவகாரத்தில் போதுமான நடவடிக்கைகள் மேற்கொள்ளப் படவில்லை என்று UNHCR தெரிவித்திருப்பதும் குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 05-11-2014

கூறியதுபோலவே தற்கொலை செய்துகொண்ட பெண்.

மூளை புற்று நோயால் பாதிக்கப்பட்ட அமெரிக்க இளம்பெண் அறிவித்தவாறு தற்கொலை செய்துகொண்டுள்ளார்.    மூளை புற்றுநோயால் பாதிக்கப்பட்ட பிரிட்டனி மேனார்ட் என்ற இப்பெண், தான் தற்கொலை செய்துகொள்ள போவதாக வீடியோ ஒன்றை வெளியிட்டார். இந்த வீடியோ இணைய தளம் பயன்படுத்தும் லட்சக்கணக்கானோர் மத்தியில் வேகமாக பரவியது.   மேனார்ட் அந்த வீடியோவில், “நான் நேசிக்கும் எனது அனைத்து நண்பர்களிடமிருந்தும், குடும்பத்தினரிடமிருந்தும் விடைபெற்றுக் கொள்கிறேன்.  இந்த பயங்கரமான மூளை புற்றுநோய் என்னிடமிருந்து ஏராளமானவற்றை எடுத்துக் கொண்டுவிட்டது இன்னும் ஏராளமானவற்றையும் எடுத்துக் கொள்ளக்கூடும். இன்றைய நாளில் நான் என்னுடைய இயலாமையிலிருந்து நேர்மையுடன் விடைபெறுவது என முடிவெடுத்துள்ளேன். இந்த உலகம் மிகவும் அழகானது. பயணங்கள் எனது மிகப்பெரிய ஆசிரியராக இருந்துள்ளது. எனது நெருங்கிய நண்பர்களும், நாட்டுப்புறத்தினரும் மிகப்பெரிய கொடையாக இருந்துள்ளனர். உலகத்திடமிருந்து விடைபெறுகிறேன் என்று தட்டச்சு செய்யும் இந்த நேரத்திலும்கூட எனது படுக்கையை சுற்றிலும் எனக்கு நெருக்கமானவர்கள் இருப்பதை உணர்கிறேன். நல்லெண்ணங்கள் பரவட்டும். முன்னேறி செல்லட்டும்...” என்ற அவரது அறிவிப்பு சமூக வலைதளங்களில் பரவியது.   மேலும் அவர், "நான் இப்பொழுது போதுமானதாக உணர்கிறேன். மிகுந்த மகிழ்ச்சியோடு இருப்பது போதுமானதாக உணர்கிறேன். எனது நண்பர்களிடமும், குடும்பத்தினரிடமும் மகிழ்ச்சியோடும், புன்னகையோடும் இருந்தது போதும். இதைப் போன்ற சரியான நேரம் இருப்பதாக எனக்குத் தோன்றவில்லை" என்றும் கூறியுள்ளார். Brittany Maynard 6 மாதங்கள் மட்டுமே உயிர்வாழ முடியும் என கடந்த ஜனவரி மாதம் மருத்துவர்கள் கூறியதை அடுத்து அவர் இந்த முடிவை எடுத்துள்ளார். புற்றுநோய் தாக்கத்தின் உயிர்வலி மிகுந்த மரணத்தில் இருந்து தன்னை விடுவித்துக் கொள்வதாகவும் அவர் கூறியுள்ளார்.

மேலும் படிக்கவும் மறுமொழி இல்லை சுதர்சன் 05-11-2014

ரௌடிகளை துரத்தித்தாக்கிய மாணவன்.

யாழ் இந்துக்கல்லுாரிக்கு அண்மையில் பஸ்சிற்காக காத்திருந்த 16 வயது மாணவனை அங்கு வந்த சில ரவுடிகள் செயின்கள் மற்றும் பொல்லுகளால் தாக்கிய போது மாணவன் தான் மறைத்து வைத்திருந்த வாளினால் அவா்களைத் துரத்தித் துரத்தி தாக்கியதில் மாணவனைத் தாக்கிய ரவுடிகள் கழுத்து மற்றும் கைகளில் கடும் காயங்களுக்கு உள்ளாகிய நிலையில் ஓடி மறைந்துள்ளனா். இச் சம்பவத்தை அடுத்து அங்கு பெரும் பரபரப்பு நிலவியது. இதனையடுத்து அங்கு வந்து பொலிசார் மாணவனைக் கைது செய்துள்ளனா். இதே வேளை மாணவனைத் தாக்கியவா்கள் யார் என்பது பற்றியும் பொலிசார் விசாரணைகளை ஆரம்பித்துள்ளதாகத் தெரியவருகின்றது. மாணவன் எதற்காக பாடசாலைக்கு வாள் கொண்டு வந்தான் என்பதும் மாணவனை எதற்காக ரவுடிகள் தாக்கினார்கள் என்பது பற்றியும் பொலிசார் விசாரணைகளை மேற்கொண்டுள்ளனா். இதே வேளை யாழ்ப்பாணப் பாடசாலைகளில் மாணவா்களிடேயே போதைப் பொருள் பாவனை அதிகரித்துள்ள அதே வேளை ரவுடிகளுடனான தொடா்புகளும் அதிகரித்துக் காணப்படுவது கவலைக்குரிய ஒன்றாக உள்ளதாக கல்விச் சமூகம் தெரிவிக்கின்றது.

மேலும் படிக்கவும் மறுமொழி இல்லை சுதர்சன் 04-11-2014

IS எற்கு எதிராக சிங்கப்பூர் யுத்தத்தில் பங்களிப்பு.

நேற்று திங்கள் அன்று சிங்கப்பூர் அரசு ஈராக் மற்றும் சிரியாவில் ISIS இற்கு எதிரான போரில் தனது பங்களிப்பையும் நல்கப் போவதாக அறிவித்துள்ளது.ஏற்கனவே ஐரோப்பிய யூனியனைச் சேர்ந்த முக்கிய சில நாடுகளும் அமெரிக்கா மற்றும் அதன் நட்பு அரபு தேசங்களும் ISIS மீது வான் தாக்குதல்களைத் தீவிரப் படுத்தி வருகின்றன. தரை வழியாக ஈராக்கின் குர்து பேஷ்மெர்கா படையும் தாக்குதலைத் தொடுத்து வருகின்றது. இந்நிலையில் மத்திய கிழக்கில் ISIS உடன் போராடி வரும் சர்வதேச கூட்டணி நாடுகளுக்கு ஆலோசகர்கள் அளித்தல் மற்றும் ஆயுதம், உபகரணங்களை நல்குதல் ஆகிய விதங்களில் சிங்கப்பூர் அரசு தனது பங்களிப்பை செய்யப் போவதாக அறிவித்துள்ளது. இது குறித்து சிங்கப்பூரின் Straits Times பத்திரிகை வெளியிட்ட செய்தியில் பாராளுமன்றத்தில் இவ்விவகாரம் தொடர்பாக பாதுகாப்பு அமைச்ச ந்க் எங் ஹென் அறிவித்ததாகத் தெரிவிக்கப் பட்டுள்ளது. அந்த அறிவித்தலில், அல் கொய்தா மற்றும் ஜெம்மாஹ் இஸ்லாமியாஹ் தீவிரவாதிகள் முன்னர் விளைத்திருந்த அச்சுறுத்தல் போன்ற இன்னொன்றைத் தவிர்ப்பதற்கு சிங்கப்பூர் அரசு மத்திய கிழக்கில் தீவிரவாதத்துக்கு (ISIS இற்கு) எதிரான போரில் தனது பங்களிப்பை வழங்குவது அவசியம் என்று கூறப்பட்டுள்ளது. சிங்கப்பூர் பாதுகாப்பு அமைச்சர் ஹென் மேலும் தெரிவிக்கையில் தீவிரவாதத்துக்கு எதிரான போரானது ஓர் நாட்டின் சமூக, உளவியல் ரீதியான மற்றும் பலத்துக்கு முக்கியம் என்றும் இதற்கு ஏனைய நாடுகளும் கைகோர்க்க வேண்டும் என்றும் விண்ணப்பித்துள்ளார். இதேவேளை முன்னர் உலக நாடுகள் ஒன்றிணைந்து தீவிரவாதத்துக்கு எதிரான போரில் ஈடுபட்டதன் விளைவே தற்போது அல் கொய்தா மற்றும் ஜெம்மாஹ் இஸ்லாமியா ஆகியவை பலவீனமடைந்து இருப்பதற்குக் காரணம் என்றும் குறிப்பிட்ட ஹென் இது போன்றே இன்று வளர்ச்சியடைந்து வரும் ISIS அது தடுமாறும் விதத்தில் ஒடுக்கப் பட வேண்டும் என்றும் தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 04-11-2014

அப்துல்லாவாக மணக்கும் யுவன்.

யுவனுக்கும் ராமநாதபுரம் மாவட்டம் கீழக்கரையைச் சேர்ந்த ஜப்ருன்னிசாவுக்கும் கடந்த 29 -ஆம் தேதி சென்னையில் திருமண நிச்சயதார்த்தம் நடந்ததாக சில தினங்கள் முன்பு செய்தி வெளியானது. அதனை யுவனின் சகோதரி பவதாரிணி ஒப்புக் கொண்டுள்ளார்.   யுவன் கடந்த 2005 -ஆம் ஆண்டு தனது நெடுநாள் காதலியான லண்டனைச் சேர்ந்த சுஜயாவை திருமணம் செய்தார். இந்தத் திருமணம் அதிக நாள் நீடிக்கவில்லை. 2008 -இல் இருவரும் பரஸ்பர விருப்பத்தின் பேரில் விவாகரத்து பெற்று சட்டப்படி பிரிந்தனர்.   2011 -ஆம் ஆண்டு யுவன் இரண்டாவது திருமணம் செய்தார். மணமகள் ஷில்பா மோகன். அந்தத் திருமணத்தின் ஆயுட்காலமும் நீடிக்கவில்லை. இருவரும் பிரிந்துவிட்டனர்.   தனது தாயின் மரணத்துக்குப் பின் இஸ்லாம் மதத்தை தழுவிய யுவன் முஸ்லீம் பெண் ஒருவரை காதலிப்பதாகவும், அவரை திருமணம் செய்யப் போவதாகவும் கிசுகிசுக்கப்பட்டது. மணப்பெண்ணின் பெயர் ஜப்ருன்னிஸn என்று தகவலும் வெளியானது.   இந்நிலையில் இவர்களின் திருமண நிச்சயதார்த்தம் கடந்த 29 -ஆம் தேதி நடந்ததாக தகவல் வெளியானது. திருமணத்துக்கு முன் யுவன் அப்துல்லா என்று தனது பெயரை மாற்றி முழுமையான முஸ்லீமாக மாறவிருக்கிறார் எனவும் கூறப்பட்டது. இதனை தற்போது பவதாரிணி ஒப்புக் கொண்டுள்ளார். யுவன் முஸ்லீமாக மதம் மாற இருப்பதையும், மூன்றாவது திருமணம் செய்யவிருப்பதையும் சம்மதித்த அவர், எங்கள் குடும்பத்தைப் பொறுத்தவரை யுவனின் மகிழ்ச்சிதான் முக்கியமானது. யுவன் மது அருந்துவதோ, புகைப்பிடிப்பதோ கிடையாது. 15 வயதிலிருந்து இசைத்துறையில் இருக்கிறார். யாரையும் ஏமாற்றியதுமில்லை.   எந்த மதம் என்பது முக்கியமில்லை மனிதனாக இருப்பதே முக்கியம், யுவன் சிறந்த மனிதர் என்று பவதாரிணி குறிப்பிட்டுள்ளார்.

மேலும் படிக்கவும் மறுமொழி இல்லை சுதர்சன் 03-11-2014

ஐ என்பது அழகு.

ஷங்கர் இயக்கத்தில் விக்ரம், எமி ஜாக்சன் நடிக்க பி.சி.ஸ்ரீராமின் ஒளிப்பதிவில் பிரமாண்டமாக தயாராகியுள்ளது ஐ. ரஹ்மான் இசையமைத்திருக்கும் இந்தப் படத்துக்கு ஐ என்ற பெயரை ஷங்கர் தேர்வு செய்ய என்ன காரணம்?   எப்படி உருவாக்கப்பட்டது என்பதைப் பற்றிய வீடியோவை சமீபத்தில் ஷங்கர் வெளியிட்டார். அதில் ஐ என்று பெயர் வைத்ததற்கான காரணத்தை அவர் கூறியுள்ளார். இப்படத்திற்கு ஏற்ற தலைப்பு அழகன் அல்லது ஆணழகன். ஆனால் இந்த இரண்டு தலைப்பில் ஏற்கனவே படங்கள் வெளியாகிவிட்டது. எனக்கு ரொம்ப நாட்களாக ஒரு எழுத்தில் தலைப்பு வைக்க வேண்டும் என்று ஆசை. அதேபோல் ஐ என்ற எழுத்து மேல் ஒரு ஈர்ப்பு. ஐ-க்கு தமிழில் என்ன அர்த்தம் என்று தேடினோம். அப்போது ஐ என்றால் அழகு என்று ஒரு அர்த்தம் இருந்தது. உடனே இதுதான் சரியான தலைப்பு என்று வைத்தேன். இவ்வாறு அதில் அவர் கூறியுள்ளார்.

மேலும் படிக்கவும் மறுமொழி இல்லை சுதர்சன் 02-11-2014

பில் கேட்சின் சொத்தை செலவழிக்க எவ்வளவு ஆண்டுகளாகும்?

பில் கேட்ஸ் நாளொன்றுக்கு ஒரு மில்லியன் டாலர் செலவு செய்தாலும் அவரது மொத்த சொத்து மதிப்பை தீர்க்க 218 ஆண்டுகள் ஆகும் என ஆய்வு நிறூவனம் தெரிவித்துள்ளது.   சமீபத்தில் இது குறித்து ஆக்ஸ்பாம் நிறுவனம் ஆய்வு ஒன்றை மேற்கொண்டது. அதில் மைக்ரோசாஃப்ட் நிறுவனர் பில் கேட்ஸ் நாளொன்றுக்கு ஒரு மில்லியன் டாலர் செலவு செய்தாலும் அவரது மொத்த சொத்து மதிப்பை தீர்க்க 218 ஆண்டுகள் ஆகும் என அந்த ஆய்வு தெரிவித்துள்ளது. ஆக்ஸ்பாம் நிறுவனம் நடத்திய இந்த ஆய்வில், இதே போல் உலக செல்வந்தர்களுள் ஒருவரான கார்லோஸ் ஸ்லிம், ஒரு நாளுக்கு ஒரு மில்லியன் டாலர் என்ற கணக்கில் செலவிட்டால் அவரது சொத்து மதிப்பை 220 ஆண்டுகளில் செலவிடமுடியும். வாரன் பப்பெட் இதே முறையில் 169 ஆண்டுகளில் அவரது செல்வத்தை செலவிட முடியும் என்றும் தெரிவித்துள்ளது.   பொருளாதார மந்த நிலையின் போது உலக பில்லியனர்களின் எண்ணிக்கை இருமடங்காக அதிகரித்துள்ளதாக தெரிவிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 02-11-2014

நிலச்சரிவில் 38 பேர் மரணம்.

 இலங்கையின் பதுளை மாவட்டத்தில் ஏற்பட்ட நிலச்சரிவில் இறந்தவர்கள் அல்லது காணாமல்போனவர்களின் மொத்த எண்ணிக்கையை இலங்கை அதிகாரிகள் 38 ஆக குறைத்திருக்கிறார்கள்.   தோட்ட தொழிலாளர்களின் குடியிருப்புக்கள் நிலச்சரிவில் அகப்பட்ட நிலையில், அதில் பாதிக்கப்பட்டவர்களின் பெயர் விபரங்கள் தம்மிடம் தற்போது இருப்பதாக போலிஸார் கூறியுள்ளனர்.   நிலச்சரிவு ஏற்பட்டு நான்கு நாட்கள் ஆகும் சூழ்நிலையில், தற்போது மீட்புப் பணிகளில் சற்று முன்னேற்றம் ஏற்பட்டுள்ளதாக அவற்றுக்கு பொறுப்பான இராணுவ அதிகாரியான மேஜர் ஜெனரல் மனோ பெரேரா பிபிசி தமிழோசையிடம் தெரிவித்துள்ளார். சனிக்கிழமையன்று புதையுண்ட பெண்ணொருவரின் சடலம் மீட்கப்பட்டுள்ளது என அவர் குறிப்பிட்டார்.   நிலச்சரிவுக்கு பின்னர் இதுவரை மொத்தத்தில் ஆறு சடலங்கள் மீட்கப்பட்டுள்ளதாக அவர் தெரிவித்துள்ளார்.   சகதியையும், இடிபாடுகளையும் அகற்றி மோப்ப நாய்களின் உதவியுடன் இராணுவத்தினரால் மேற்கொள்ளப்படும் மீட்புப் பணிகள் கடுமையான மழை, மோசமான காலநிலை காரணமாகப் பாதிக்கப்பட்டுள்ளது.   பலர் தமது குடும்பங்களை மொத்தமாக இழந்திருக்கிறார்கள்.   பல குழந்தைகள் அனாதைகளாகியிருக்கும் நிலையில், அவர்களை பாதுகாப்பதற்கான நடவடிக்கையில் அரசாங்கம் ஈடுபட்டுள்ளது.

மேலும் படிக்கவும் மறுமொழி இல்லை சுதர்சன் 02-11-2014

நயந்தாராவையும் ஹன்சிகாவையும் காதலித்த சிம்பு.

சிம்பு தமிழ் சினிமாவின் ரோமியோ என்று கூட சொல்லலாம். அனைத்து ஹீரோக்களையும் பொறாமை பட வைக்க கூடியவர். படம் ஹிட் கொடுப்பதில் இல்லை, தன்னுடன் நடிக்கும் கதாநாயகிகளை தன் வலைக்குள் கொண்டு வருவதில் எல்லோருடைய எதிர்ப்பையும் சம்பாதித்தவர். இவர் சமீபத்தில் ஒரு பேட்டியில் ’நயன்தாரா- ஹன்சிகா இருவரையுமே நான் உயிருக்கு உயிராக உண்மையாகத் தான் காதலித்தேன். ஆனால் அவர்களோ, மதம் மாறுவது போன்று எளிதாக மாறி விட்டார்கள். மனசையும் மாற்றிக் கொண்டார்கள். ஆனால் அவர்கள் இருவர் மீதும் நான் வைத்திருந்தது உண்மையான காதல்.’ என்று கண்ணீருடன் கூறியுள்ளார்.  

மேலும் படிக்கவும் மறுமொழி இல்லை சுதர்சன் 01-11-2014

சீரியல் பார்த்ததால் ஐம்பது பேர் படுகொலை.

தென் கொரியாவிலிருந்து ஒளிபரப்பாகும் டி.வி. சீரியல்களை பார்த்ததற்காக வட கொரியாவில் பல்வேறு கட்சிகளை சேர்ந்த 50-க்கும் மேற்பட்டோர் படுகொலை செய்யப்பட்டதாக தென் கொரிய உளவுத்துறை தகவல் தெரிவித்துள்ளது.   வட கொரியாவில் தென் கொரிய நாட்டு படங்கள், வீடியோ பதிவுகள், மெமரி கார்டுகள் உள்ளிட்ட பல பொருட்களின் விற்பனைக்கு தடை விதிக்கப்பட்டுள்ளது. ஆனால் அங்கு தென் கொரிய நாட்டு வானொலிகள் போன்ற சாதனங்கள் கறுப்பு சந்தை வழியாக விற்கப்படுகின்றன.   இதனை தடுக்க பல வகையான நடவடிக்கைகள் அங்கு எடுக்கப்பட்டு வருகின்றன. இருப்பினும் தென் கொரிய படங்கள் அங்கு மக்கள் மத்தியில் பிரபலமடைந்து வருகின்றன.   இந்த நிலையில் 2014 ஆம் வருடத்தில் தென் கொரிய சீரியல்களை இணையம் வழியாக விதிமுறைகளை மீறி பார்த்ததற்காக பல்வேறு அரசியல் கட்சிகளை சேர்ந்த 50-க்கும் மேற்பட்டோர் பொது இடத்தில் வைத்து படுகொலை செய்யப்பட்டதாக தென் கொரிய உளவுத்துறை தகவல் தெரிவித்துள்ளது.   வட கொரியாவில் கடந்த சில மாதங்களில் காணாமல் போன சிலர் குறித்து தகவல் தெரியாத நிலையில் அவர்கள் இந்த படுகொலையில் கொல்லப்பட்டிருக்கலாம் என்று உள்நாட்டு செய்தி நிறுவனம் தெரிவித்துள்ளது.   இந்த செய்தி வட கொரிய மக்களை அதிர்ச்சியடைய செய்துள்ளது. வட கொரிய மக்களுள் சிலர் அரசின் கடுமையான நடவடிக்கைகளுக்கு எதிர்ப்பு தெரிவித்துள்ளனர். இதனிடையே, கடத்தலில் ஈடுபடும் நபர் ஒருவர் தென் கொரிய உளவுத்துறையிடம், "வட கொரிய ஆண்களுக்கு தென் கொரிய திரைப்படங்கள் மிகவும் பிடித்துள்ளது. அதில் வரும் சண்டை காட்சிகள் ஆர்வத்துடன் பார்ப்பவையாக உள்ளது. அதனால் அந்த படங்களை பதிவிறக்கம் செய்து விற்று வருகிறேன்" என்று செய்தி நிறுவனம் ஒன்றுக்கு தெரிவித்துள்ளார்.   முன்னதாக கடந்த வருடம் நவம்பர் மாதத்தில் இதே போல தென் கொரிய படங்களை பார்த்ததாக 80-க்கும் மேற்பட்டோர் படுகொலை செய்யப்பட்டனர். சுமார் 10,000 மக்களை விளையாட்டு அரங்கம் ஒன்றில் வைத்து அவர்களின் மத்தியில் இந்த படுகொலை நடந்தது.

மேலும் படிக்கவும் மறுமொழி இல்லை சுதர்சன் 01-11-2014

கத்தியின் ஓட்டம் அதி விசேஷம்.

ஒரு வழியாக கத்தி திரைக்கு வந்துவிட்டது. முதல் நாள் கலெக்ஷனே 23,80 கோடி ரூபாய் என்று தனது ட்விட்டர் பக்கத்தில் அறிவித்து ஆனந்தப்பட்டிருக்கிறார் ஏ.ஆர்.முருகதாஸ்.   இதெல்லாம் உண்மைதானா? அல்லது உட்டாலக்கடியா? தமிழ்நாடு திரையரங்க உரிமையாளர் சங்க இணை செயலாளர் திருச்சி ஸ்ரீதரிடம் பேசினோம். இதிலென்ன சந்தேகம் என்றபடி பேச ஆரம்பித்தார் ஸ்ரீதர்.   ‘நிஜத்திலேயே கத்தி மாபெரும் ஹிட். அதுவும் விஜய் பாலிவுட்டின் ஹன்ரட் குரோர் கிளப்பில் இணைகிற அளவுக்கு. இதற்கு முன்பு வெளிவந்த அவரது துப்பாக்கி பட கலெக்ஷனை அவரே முறியடித்திருக்கிறார். அதுமட்டுமல்ல, நான்கு நாட்கள் கலெக்ஷன் மட்டும் 70 கோடியை தாண்டிவிட்டது. சேட்டிலைட் ரைட்ஸ், வெளிநாட்டு உரிமம், இதர மொழி உரிமை என்று சேர்ந்து இந்த நான்கு நாட்களிலேயே கத்தி 100 கோடியை எட்டிவிட்டது என்பதுதான் உண்மை’ என்றார் அவர். ‘தியேட்டர் அதிபர்கள், விநியோகஸ்தர்கள் என்று எல்லா தரப்பும் இந்த தீபாவளியை விஜய் தீபாவளியாக கொண்டாடிக் கொண்டிருக்கிறார்கள். அதற்கு எல்லார் சார்பிலும் விஜய்க்கு நன்றி’ என்றார் ஸ்ரீதர்.   படம் வெளியீட்டின் போது திரையரங்க உரிமையாளர் சங்கத்தை சேர்ந்த சில பிரமுகர்களே, ‘கத்தி வர வேண்டாம்’ என்று கேம் ஆடினார்களாமே, உண்மையா? என்ற கேள்விக்கு மிக அழுத்தம் திருத்தமாக பதிலளித்தார் அவர். ‘சார்... யாராவது தேடி வர்ற ஸ்ரீதேவியை வேண்டாம்னு சொல்வாங்களா? விஜய் படம் வெளியாகிறது என்றாலே தியேட்டர்காரர்களுக்கு கல்லா நிரம்புகிறது என்று அர்த்தம். யாரும் கத்திக்கு எதிராக இல்லை. அது பொய்’ என்றார். அடிஷனல் செய்தி- இந்த வெற்றியை கொண்டாடும் விதத்தில் விஜய்யின் பைபர் சிலை ஒன்றை உருவாக்கி குரோம்பேட்டை தியேட்டர் வளாகத்தில் வைத்திருக்கிறார்கள். இது அவரது ரசிகர்களின் ஏற்பாடு.   (இதெல்லாம் தப்புப்பா... என்கிற கூப்பாடு இன்னும் எழலையே!)

மேலும் படிக்கவும் மறுமொழி இல்லை சுதர்சன் 31-10-2014

மாரடைப்பு நோயாளிகளுக்கு சிகிச்சை அளிக்கும் விமானம்.

மாரடைப்பு ஏற்படும் நோயாளியை கண்டுபிடித்து அவர்களுக்கு சிகிச்சை உதவி அளிக்க டிரோன் என அழைக்கப்படும் ஆளில்லா விமானம் தயாரிக்கப்பட்டுள்ளது. இதை நெதர்லாந்தின் Delft பல்கலைக்கழக என்ஜினீயரிங் மாணவர் அலெக் மோமண்ட் கண்டுபிடித்துள்ளார். 4 கிலோ எடையுள்ள இந்த விமானம் மணிக்கு 100 கிலோமீட்டர் வேத்தில் பறக்க கூடியது. மாரடைப்பு நோயாளிகளின் அவசர டெலிபோன் கால் கிடைத்ததும் டிரோனில் உள்ள அதிர்வு கருவி செயல்படதொடங்கும். அதன் மூலம் ஆளில்லா விமானம் (டிரோன்) நோளாளி இருக்கும் இடத்துக்கு சென்று சில வினாடிகளில் தேவையான மருத்துவ உதவியை செய்யும் என தெரிவிக்கப்பட்டுள்ளது

மேலும் படிக்கவும் மறுமொழி இல்லை சுதர்சன் 31-10-2014

பாலஸ்தீனத்தை அங்கீகரிக்கும் சுவீடன்.

நேற்று வியாழக்கிழமை சுவீடன் அரசு சுதந்திர பாலஸ்தீன மாநிலத்தை அங்கீகரித்துள்ளது.   மேலும் தனது இந்த முக்கிய முடிவு ஏனைய நாடுகளுக்கும் பாலஸ்தீனத்தை அங்கீகரிப்பதற்கு ஓர் முன் மாதிரியாக இருக்கும் எனவும் நம்பிக்கை தெரிவித்துள்ளது. சுவீடன் வெளியுறவுத் துறை அமைச்சர் மார்கொட் வால்ஸ்ட்ரோம் இது குறித்துக் கூறுகையில் சர்வதேச சட்ட பகுப்பாய்வுப் படி இம்முடிவை தாமதப் படுத்த எமக்கு எந்தக் காரணமும் கிடைக்கவில்லை என்றுள்ளார்.   மேலும் பாலஸ்தீன மாநிலம் சர்வதேசச் சட்டத்தின் படி அங்கீகரிக்கப் படத் தேவையான அனைத்து அம்சங்களையும் கொண்டிருப்பதாகவும் தெரிவித்த வால்ஸ்ட்ரோம் இதனைப் புரிந்து கொள்ள மறுப்பது பிழையாகும் என்றும் குறிப்பிட்டுள்ளார். சுவீடன் பிரதமர் ஸ்டெஃபன் லோஃப்வென் ஆக்டோபர் தொடக்கத்தில் பாராளுமன்றத்தில் மேற்கொண்ட பதவியேற்பு உரையின் போது மேற்கு ஐரோப்பிய யூனியனின் உறுப்பு நாடுகளிலேயே பாலஸ்தீன மாநிலத்தை அங்கீகரிக்கும் முதலாவது நாடாக சுவீடன் விளங்கும் என அறிவித்திருந்தமை குறிப்பிடத்தக்கது.   சுவீடனின் இம்முடிவை பாலஸ்தீனர்கள் கொண்டாடிய போதும் இஸ்ரேல் தனது சுவீடன் நாட்டு தூதரை அழைத்துத் தனது அதிருப்தியைத் தெரிவித்துக் கொண்டுள்ளது. பாலஸ்தீனம் தமக்கு உரிமையான மாநில அந்தஸ்தை தம்முடனான நேரடி பேச்சுவார்த்தை மூலம் மட்டுமே பெற முடியும் எனவும் எந்த ஒரு இராஜ தந்திர அல்லது 3 ஆவது அணியுடனான வழியில் பெற முடியாது எனவும் இஸ்ரேல் மிக நீண்ட காலமாகவே வலியுறுத்தி வருவது குறிப்பிடத்தக்கது.   ஏற்கனவே ஐரோப்பிய யூனியனில் அங்கம் வகிக்கும் பல்கேரியா, சைப்பிரஸ், செக் குடியரது, ஹங்கேரி, மல்ட்டா, போலந்து மற்றும் ரோமானியா ஆகிய 7 கிழக்கு ஐரோப்பிய அல்லது மத்தியதரை நாடுகள் சுதந்திர பாலஸ்தீன மாநிலத்தை அங்கீகரித்துள்ளன. மேற்கு ஐரோப்பாவிலுள்ள ஐரோப்பிய யூனியனில் அங்கம் வகிக்காத நாடான ஐஸ்லாந்தும் பாலஸ்தீன மாநிலத்தை அங்கீகரித்துள்ளது. இதேவேளை சுவீடனின் இம்முடிவு ஆபத்தானது எனவும் பாலஸ்தீன மாநிலம் இஸ்ரேல் மற்றும் பாலஸ்தீனத்துக்கு இடையே பேச்சுவார்த்தை மூலமான தீர்வு ஒன்றின் மீதே எட்டப் பட முடியும் எனவும் அமெரிக்கா விமர்சித்துள்ளதும் குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 31-10-2014

ரஹ்மானின் உலகளாவிய புகழின் ரகசியம்.

ரஹ்மானின் உலகளாவிய புகழுக்கு என்ன காரணம்...? பாஸ்டன் பல்கலைக்கழகத்தின் கவுரவ டாக்டர் பட்டம் பெற்ற போது அதனை மறைமுகமாக ரஹ்மானே தெரியப்படுத்தினார்.   புகழ்பெற்ற பாஸ்டன் பல்கலைக்கழகம் சமீபத்தில் ரஹ்மானுக்கு கவுரவ டாக்டர் பட்டம் அளித்து கௌரவப்படுத்தியது. அதற்கான விழா பாஸ்டன் பல்கலையின் ஓர் அங்கமான பெர்க்லீ இசைக்கல்லூரியில் நடந்தது.  விழாவில் பேசிய ரஹ்மான், 1989 -இல் எல்.சங்கர் இசையமைப்பாளரிடம் பணியாற்றிக் கொண்டிருந்த போது பெர்க்லீ கல்லூரி குறித்து அறிந்தேன். அதில் சேர்ந்து படிக்க ஆசைப்பட்டேன். அப்போதுதான் மணிரத்னத்தின் ரோஜா பட வாய்ப்பு வந்தது. பெர்க்லீயா, ரோஜாவா என்ற தேர்வில் பெர்க்லீயை தவறவிட வேண்டியதாயிற்று. தற்போது இங்கிருப்பது மகிழ்ச்சியளிக்கிறது. என்றாவது ஒருநாள் பெர்க்லீ கல்லூரியில் சேர்ந்து பயில்வேன் என்றார். இசையின் சிகரத்தில் வீற்றிருக்கிற நிலையிலும் படிக்க வேண்டும், புதிதாக கற்றுக் கொள்ள வேண்டும் என்ற ஆர்வம்தான் ரஹ்மானின் இன்றைய உலகளாவிய புகழுக்கு காரணம் என்றால் மறுக்க முடியுமா?

மேலும் படிக்கவும் மறுமொழி இல்லை சுதர்சன் 30-10-2014

தென்-ஆபிரிக்க காற்பந்து வீரர் சுட்டுக்கொலை.

தென்-ஆபிரிக்க காற்பந்து அணியின் கேப்டன் சென்சோ மெயிவா கடத்தல் கொள்ளையர்களால் சுட்டுக் கொல்லப்பட்டுள்ளார்.   நேற்று தென்னாபிரிக்க தலைநகர் ஜோஹன்ஸ்பேர்கிற்கு அருகில், வோஸ்லூரஸ் எனும் இடத்தில் உள்ள வீடு ஒன்றுக்கு மெயிவா சென்றிருந்த போது அங்கு இரவு 8 மணிபோல் திடீரென வீட்டினுள் நுழைந்த இரு கொள்ளையர்கள் மெயிவாவை சுட்டுவிட்டுத் தப்பிச் சென்றுள்ளனர். இதையடுத்து அவசரமாக மருத்துவமனைக்கு கொண்டு செல்லும் வழியில் உயிரிழந்துள்ளார். ஒர்லாண்டோ பைரட்ஸ் அணிக்காக கோல்கீப்பராக விளையாடிவரும் மெயிவா தென் ஆபிரிக்கா காற்பந்து அணிக்காக கடந்த நான்கு போட்டிகளில் கேப்டனாக களமிறங்கினார். ஆபிரிக்க தேசிய கோப்பை தகுதிச் சுற்றுப் போட்டிகளில் அவருடைய தலைமையிலான தென் ஆபிரிக்க அணி விளையாடியிருந்தது.

மேலும் படிக்கவும் மறுமொழி இல்லை சுதர்சன் 30-10-2014

RyanAir நிறுவனத்தின் சேவை டென்மார்க்கிலிருந்து விஸ்தரிப்பு.

அயர்லாந்து நாட்டுக்கு சொந்தமான வெற்றிகரமாக இயங்கும் றயன் எயார் நிறுவனம் டென்மார்க் தலைநகர் கோப்பன்கேகனில் இருந்து மேலும் 13 புதிய இலக்குகளை நோக்கி சேவை விஸ்த்தரிப்பு செய்யவுள்ளதாக அறிவித்துள்ளது. அடுத்த ஆண்டில் இருந்து மேலும் 13 நாடுகளுக்கு தலைநகரில் இருந்து மலிவு விலையில் பயணிக்க இயலும் என்றும் தெரிவித்துள்ளது. றயன் எயார் போலவே அயர்லாந்து நாட்டுக்கு சொந்தமான எயார் லிங்குஸ் என்ற விமான சேவையும் தற்போது மலிவு விலையில் நீண்ட தூர சேவைகளை வழங்குவதில் சாதனை படைத்து வருகிறது. ஐரோப்பாவில் இருந்து பயணிகளை ஏற்றிச் சென்று, அயர்லாந்தில் குவித்து, கனடா அமெரிக்கா போன்ற நாடுகளுக்கு இந்த விமானம் நடத்தும் சேவை மலிவாகவும், களைப்பில்லாத பறப்பாகவும் இருக்கிறது. ஆனால் அயர்லாந்தில் வைத்து பயணிகளின் கடவுச்சீட்டுக்களை பூதக்கண்ணாடி போட்டுப் பார்ப்பது போல பார்த்து இந்த விமான சேவை ஊழியர்கள் ஆடும் கரகாட்டம் பயணிகளுக்கு சினத்தையும் ஏற்படுத்தி வருகிறது.

மேலும் படிக்கவும் மறுமொழி இல்லை சுதர்சன் 30-10-2014

தனுஷுக்கு ஜோடியாக திரிஷா.

வேல்ராஜ் தனுஷ் கூட்டணில் உருவான வேலைல்யிலா பட்டதாரி படம் அமோக வரவேற்பை பெற்றது. தற்போது அந்த கூட்டணி மீண்டும் இணைய உள்ளது என்ற தகவல் ஏற்கனவே வெளியானதுதான். தற்போது வந்த தகவல் என்னவென்றால் திரை உலகில் நுழைந்து 10 வருடங்களுக்கு மேல் ஆகியும் முன்னணி நடிகையாக இருக்கும் த்ரிஷா, வேல்ராஜ் இயக்கத்தில் தனுஷ் நடிக்க உள்ள படத்தில் தனுஷ்டன் ஜோடி சேரப்போவதாக நெருங்கிய வட்டாரங்கள் தெரிவித்தன. த்ரிஷா தனுஷ்டன் இணைந்து நடிக்கும் முதல் படம் இதுதான் என்பது குறிப்பிடத்தக்கது  

மேலும் படிக்கவும் மறுமொழி இல்லை சுதர்சன் 29-10-2014

ஜன்னலற்ற விமானம்.

உலகிலேயே முதன்முறையாக ஜன்னல் இல்லாத விமானத்தை இங்கிலாந்தை சேர்ந்த நிறுவனம் ஒன்று வடிவமைத்திருக்கின்றது. பிரிட்டனைச் சேர்ந்த Centre for Process Innovation என்னும் நிறுவனம், ஜன்னல்களுக்கு பதிலாக எடை குறைவான ஸ்மார்ட் ஸ்கிரீனை பொருத்த திட்டமிட்டுள்ளது. இதன் மூலம் இந்த விமானத் தில் பயணம் செய்யும் பயணிகள், இணையதளத்தை பயன்படுத்திக் கொண்டு வான்வெளியில் என்ன நடக்கிறது என்பதை திரையில் பார்த்தபடி பயணம் செய்ய முடியும். மேலும் இதன்மூலம் விரும்பும் போது வான்வெளியைப் பார்க்கவும், விரும்பாதபோது மூடிவிடவும் முடியும். இந்த விமானம் விரைவில் பரிசோதனை செய்யப்பட உள்ளது.

மேலும் படிக்கவும் மறுமொழி இல்லை சுதர்சன் 29-10-2014

மார்க்கம் 7ம் வட்டாரம் லோகன் கணபதி வெற்றி - ஊரவன் ஒருவன்.

கடந்த 60 வருட தமிழர் அரசியல் வரலாற்றில் தமிழர்கள் எந்த ஒரு தேர்தலிலும் பிழையான முடிவை எடுக்கவில்லை என்றேகடந்தகால தேர்தல் முடிவுகள் காட்டிநிக்கின்றது. 29 க்கும் மேற்பட்ட தமிழர்கள் போட்டியிட்ட போதிலும் 3 தமிழர்கள் வெற்றிபெற்றுள்ளார்கள்.கனேடிய தமிழர் வரலாற்றில் தமிழர்களின் வளர்ச்சிப்பா தையில் கிடைத்த மிகப்பெரு வெற்றியாகும்.இத்தேர்தலில் பல தொகுதிகளில் புதுமுகங்களாக அரசியலில் பிரவேசமும், ஒரே தொகுதியில் ஒன்றுக்கு மேற்பட்டதமிழர்களின் அரசியல் பிரவேசமும் வெறும் பணவிரயத்தையும் , அவர்களுக்குள்ளான ஏமாற்றத்தையும் மட்டுமின்றி தமிழ்சமூகத்திற்கான வழிநடத்தலுக்கான வெற்றிடத்தையும் விட்டுச்சென்றுள்ளது.   மூன்று தமிழர்கள் மாநகர சபைத் தேர்தலிலும் , கல்விச் சபைத் தேர்தலிலும் வெற்றி பெற்றுள்ளார்கள். மார்க்கம் பகுதியில்கவுன்சிலராக லோகன் கணபதி மீண்டும் தெரிவு செய்யப்பட்டுள்ளார் .அதே போல் மார்க்கம் கல்விச் சபைக்கு Juanita Nathanமீண்டும் தெரிவு செய்யப்பட்டுள்ளார் . பார்த்தி கந்தவேல் ரொறொண்டோ கல்விச் சபைக்குத் தெரிவாகி உள்ளார். இத் தேர்தல்களில் போட்டியிட்ட தமிழர்களில் மார்க்கம் கல்விச் சபைக்கான பிரதிநிதி வொனிற்றா நாதன், மற்றும் ரொறன்ரோ கல்விச்சபைக்கான பிரதிநிதி பார்த்தி கந்தவேல், ஆகியோர் உடன் மார்க்கம் நகராட்சி மன்ற உறுப்பினர் லோகன் கணபதி அவர்களும் வெற்றி பெற்றுள்ளமை குறிப்பிடத்தக்கதாகும்  செய்திப்பகிர்வு: ஊரவன் ஒருவன் - கனடா.

மேலும் படிக்கவும் 1 மறுமொழி சுதர்சன் 29-10-2014

அரசியல் பயணத்தில் 29 தமிழர் - ஊரவன் ஒருவன்.

முதல் தடவையாக கனடாவில் 25க்கும் அதிகமானவர்கள் தமிழர் சமூகத்திலிருந்து தேர்தலில் போட்டியிடுவது ஒருவகையில் வரவேற்க வேண்டியதொன்றாகும்.    குறிப்பாக ஸ்காபுரோ மற்றும் மார்க்கம் பிரதேசங்களின் தொகுதிகளில் தமிழ் வேட்பாளர்களின் பதாதைகள் பலவும் போட்டிபோடுவதைக் காண முடிகின்றது. ஆனாலும் பெருமளவிலான தமிழ்ப் பெயர்கள் வாக்குச்சீட்டில் இடம்பிடிப்பது மாத்திரம் வெற்றியாகி விடமுடியாது. இவர்களின் பலரது அரசியல் கனவு வாக்குச் சீட்டுக்கள் எண்ணப்படும் தருணத்தில் பகல் கனவாக மாறும் என்ற உண்மையை ஏற்றுக்கொள்ள வேண்டும்.   நகரசபைத் தேர்தல்களில் தமிழர்களைப் பொறுத்தவரையில் மார்க்கம் நகரசபை வரலாற்று முக்கியத்துவம் பெறுகின்றது. கனடாவில் தமிழர்களின் அரசியல் பிரவேசத்திற்கு இந்த நகரசபை முதலில் பாதையிட்டது. 2003 மற்றும் 2006ஆம் ஆண்டுகளில் பெருமளவில் தமிழர்கள் மார்க்கம் நகரசபையில் பல்வேறு பதவிகளுக்கான போட்டியில் ஈடுபட்டனர்.   2003ஆம் ஆண்டு தமிழ் வேட்பாளர்கள் தமக்குள் போட்டிபோட்டு வாக்குக்களைப் பிரித்துச் செல்ல, ஏனையவர்களின், வெற்றி இலகுவாக்கப்பட்டது. இந்தத் தேர்தலுக்காக தமிழர் பிரதிநிதிகளாக அரிதாரம் பூசப்பட்டு களம் இறங்கிய (இறக்கப்பட்ட) பலரது முகங்களை தேர்தலில் பின்னர் இன்றுவரை தமிழர் நிகழ்வுகளில் காணவில்லை.    2006ஆம் ஆண்டு நடைபெற்ற நகரசபைத் தேர்தலில் லோகன் கணபதி நகரசபை உறுப்பினராக தெரிவானதன் மூலம் கனடிய வரலாற்றில் அரசியல் பதவிக்கு தெரிவான முதல் தமிழர் என்ற பெருமைபைத் தனதாக்கினார். இதே தேர்தலில் கல்விச்சபை உறுப்பினரான நீதன் சண் தெரிவாகியிருந்தார். 2010ஆம் ஆண்டு மீண்டும் நகரசபை உறுப்பினர் பதவிக்கு இரண்டாவது தடவையாக லோகன் கணபதி தெரிவு செய்யப்பட்டார். இம்முறை கல்விச் சபை உறுப்பினராக வொனிற்றா நாதன் தெரிவு செய்யப்பட்டார். அதன் பின்னர் கனடாவின் முதல் தமிழ்ப் பாராளுமன்ற உறுப்பினரான ராதிகா சிற்சபைஈசன் தெரிவு செய்யப்பட்டார். இவை அனைத்தும் வரலாறு. தற்போது மீண்டும் தேர்தல் களம் சூடு பிடித்துள்ளது.   நகரசபைத் தேர்தல் அரசியல் பிரவேசத்திற்கு சிறந்த ஒரு ஆரம்பம். கனடாவில் தமிழர்களின் நீண்டகால அரசியலின் முதல்படியாகவே நகரசபை அரசியலைப் பார்க்க முடியும். அந்த வகையில் இந்தத் தேர்தலிலும் பல தமிழ் முகங்கள் அரிதாரம் பூசப்பட்டு களமிறங்கியும் (களம் இறக்கப்பட்டும்) உள்ளமை தெட்டத் தெளிவாகின்றது.    செய்திப்பகிர்வு: ஊரவன் ஒருவன் - கனடா.

மேலும் படிக்கவும் மறுமொழி இல்லை சுதர்சன் 28-10-2014

பாவனாவின் காதலனுக்கு திருமணம்.

நடிகை பாவனாவுடன் இணைத்துப் பேசப்பட்ட  நடிகரும் திரைக்கதையாசிரியருமான அனூப் மேனனுக்கு விரைவில் திருமணம் நடக்க உள்ளது. இதனால் பெரும் நிம்மதியில் இருக்கிறார் பாவனா.   பாவனா காதலிப்பதாக இதுவரை மூன்று பெயர்களை மீடியா முன் வைத்தது. அதில் இருவர் கர்நாடக திரைத்துறையைச் சோந்தவர்கள். கடைசியாக அவருடன் இணைத்துப் பேசப்பட்டவர் அனூப் மேனன்.   அவரது திருவனந்தபுரம் லாட்ஜ் படத்தில் அனூப் மேனனின் மனைவியாக பாவனா நடித்த போது இருவரையும் இணைத்து கிசுகிசு கிளம்பியது. அதன் பிறகு சமீபத்தில் ஆங்கிரி பேபிஸ் இன் லவ் படத்தில் மீண்டும் இந்த ஜோடி இணைந்தது. இருவரும் திருமணம் செய்யப் போவதாக மலையாள மீடியா செய்தி வெளியிட்டது. இருவரும் இணைந்து கடைத் திறப்பு விழாவில் கலந்து கொண்ட போது திருமண வதந்தி உறுதிப்பட்டது. இந்நிலையில் அனூப் மேனன் தனது நெடுநாளைய காதலியை விரைவில் திருமணம் செய்யப் போகிறார். இந்த செய்தியை அனூப் மேனனின் நட்பு வட்டாரம் உறுதி செய்துள்ளது. அனூப்பின் காதலி திரைத்துறைக்கு சம்மந்தமில்லாதவர்.   ஆக, கடைசியில் காதல் செய்தியிலிருந்து பாவனாவுக்கு விடுதலை கிடைத்திருக்கிறது.

மேலும் படிக்கவும் மறுமொழி இல்லை சுதர்சன் 28-10-2014

இணையத்தள மூலம் பிள்ளை வாங்கியவர் மீது வழக்கு.

இணையதளம் மூலமாக பெண் குழந்தையை பணம் கொடுத்து வாங்கிய குற்றத்திற்காக சம்மந்தப்பட்ட நபர் மீது வழக்குப்பதிவு செய்யப்பட்டுள்ளது.   சிலி நாட்டில் இணையதளம் மூலம் பிறந்து இரு நாட்களே ஆன பெண் குழந்தையை 6,250 ரூபாய்க்கு வாங்கிய நபருக்கு இரண்டு ஆண்டுகள் சிறை தண்டனை விதிக்கப்படலாம் என எதிர்ப்பார்க்கப்படுகிறது.  வெரோனிகா என்ற 18 வயது பெண், பிறந்து இரு நாட்களே ஆன தனது பெண் குழந்தையை ஜுவான் கார்லோஸ் என்ற நபருக்கு 102 டாலர்களுக்கு விற்றதாக கூறப்படுகிறது. இதில் வெரோனிகாவின் கணவர் தன் குழந்தையை யாரோ கடத்திவிட்டதாகப் புகார் கொடுத்துள்ளார்.    புகாரை விசாரித்த போது சட்டவிரோதமாக குழந்தையை விலைக்கு வாங்கியது தெரியவந்தது. மேலும் அரசு தரப்பில் ஆதாரங்களுடன் குற்றஞ்சாட்டப்பட்டுள்ளதால் ஜுவான் கார்லோஸ்க்கு சிறை தண்டனை நிச்சயம் போல் தெரிகிறது.

மேலும் படிக்கவும் 2 மறுமொழிகள் சுதர்சன் 28-10-2014

இந்தியாவில் தற்கொலை செய்வோர் அதிகம்.

உலக அளவில் தற்கொலைகள் அதிக அளவில் நடப்பது இந்தியாவில்தான் என்று உலக சுகாதார நிறுவனம் அதிர்ச்சி தகவல் வெளியிட்டுள்ளது.   தற்கொலை செய்து கொள்பவர்களில் உலக அளவில் இந்தியா முதலிடத்திலும், தமிழகம் இந்திய அளவில் மூன்றாவது இடத்தையும் பெற்றுள்ளது.    இந்திய மக்கள் தொகையில், 1லட்சம் பேரில் 20.9% பேர் தற்கொலை செய்துகொள்வதாகவும், இந்த 1லட்சம் பேரில், கேரள மாநிலத்தில் 25.63% பேரும், மகராஷ்டிராவில் 25.18% பேரும், தமிழகத்தில் 22.33% பேரும், கோவாவில் 22.12% பேரும், ஆந்திராவில் 16.89% பேரும், கர்நாடகாவில் 17.91% பேரும் தற்கொலையால் இறந்து போவதாக உலக சுகாதார நிறுவனம் வெளியிட்டுள்ள புள்ளி விவர அறிக்கையில் தெரிய வந்துள்ளது. உத்தரப் பிரதேசத்தில் 4.06% பேரும், பீகாரில் 1.81% பேரும், மணிப்பூரில் 0.19% பேரும், தற்கொலை செய்து கொண்டுள்ளனர்.   இந்தியாவுக்கு அடுத்தபடியாக அமெரிக்காவில் 13.7% பேரும், இங்கிலாந்தில் 6.9% பேரும் தற்கொலை செய்து கொள்கின்றனர் என்கிறது அந்த புள்ளிவிவர அறிக்கை. உலக அளவில் ஆண்டுதோறும் சராசரியாக 8 லட்சம் பேர் தற்கொலை செய்து கொள்கின்றனர் என்றும் அது தெரிவித்துள்ளது. மேலும் இந்த ஆய்வில் 19 வயதில் இருந்து 25 வயதிற்கு உட்பட்டவர்களே இந்த செயலில் அதிகம் ஈபடுகின்றனர் என்றும் இதற்கு மிக அடிப்படையான காரணம் பொருளாதாரப் பற்றாக்குறையே என்றும் உலக சுகாதார நிறுவனம் கூறியுள்ளது.

மேலும் படிக்கவும் மறுமொழி இல்லை சுதர்சன் 28-10-2014

காவியத்தலைவன் கண்ணீர்த்தலைவனாகும் அபாயம்.

திமுக பிரமுகர் ஒருவரின் மகனான ‘வொய் நாட்’ சசி பிரபல அடுக்குமாடி பில்டர் வருண் மணியனுடன் இணைந்து தயாரித்த படம்   ‘காவியத்தலைவன்’. ஏ.ஆர்.ரஹ்மான் மியூசிக். வசந்தபாலன் டைரக்ஷன், சித்தார்த் ஹீரோ, வேதிகா ஹீரோயின்... இப்படியொரு கலவையில் உருவான படம் அது. பட்ஜெட்? தாறுமாறு! நாடக மேதை கிட்டப்பா, சங்கரதாஸ் சுவாமிகள் காலத்தை உள்ளடக்கிய கதை என்பதால், விருதுகள் குவியலாம். ஆனால் உள்ளுர் குக்கரில் வேகுமா என்ற சந்தேகம் வந்திருக்கிறதாம் விநியோகஸ்தர்களுக்கு.   அதனால் படத்தை வாங்குவதில் பெரும் சுணக்கம் காட்டி வருகிறார்களாம். வேறு வழியில்லாமல் படத்தை மொத்தமாக யாரிடமாவது தள்ளிவிடலாம் என்கிற எண்ணத்தில் முன்னணி நிறுவனங்களின் கதவை தட்டி வருகிறார் சசி.  எல்லா இடத்திலும் ஒரே பதில் வருவதால், காவியத்தலைவன் கண்ணீர் தலைவனாக காத்துக் கொண்டிருக்கிறான்

மேலும் படிக்கவும் மறுமொழி இல்லை சுதர்சன் 27-10-2014

சர்ச்சைக்குள்ளாக்கிய விஜய்யின் கத்தி வசனம்.

மிகுந்த சர்ச்சைக்கு பிறகு கத்தி படம் தீபவாளியன்று வெளியானது. இந்த படத்தில் வரும் ப்ரெஸ் மீட்டில் விஜய் பேசிய வசனங்கள் பலருக்கு அதிர்சியை ஏற்படுத்தியுள்ளது. பல விமர்சனங்களையும்  உருவாக்கியுள்ளது. அந்த வசனங்கள் இவைதான்…   ஒரு அமெரிக்கன் மல்டி நேஷனல் கம்பேனி 200 விவசாயக் கிராமங்கள அழிச்சிருக்கு, அதுல எதுத்து நின்ன கிராமம் “தன்னூத்து”. அதுக்காக அவங்க குடுத்த வெல 9 விவசாயிங்களோட உயிர். இந்த கொடுமைய உங்களுக்கு தெரியப்படுத்த முயற்சி பண்ணி,பண்ணி முடியல.     3 வேல பசி எடுக்கும் போது சாப்பாடு ஞாபக வர நமக்கு அத விவசாயம் பண்ணறவங்களோட ஞாபக என்னைய்காவுது வந்துருக்க. கடந்த 30 வருசத்துல 12,456 ஏரிகள் மூடப்பட்ருக்கு, 27 ஆயிரத்துக்கும் மேல குளங்கள் அழிக்கப்பட்ருக்கு, 7 ஆறுகள் மூடபட்ருக்கு, 1,67,512 ஏக்கர் விவசாய நிலம் அழிக்கப்பட்ருக்கு.   தாமரபரணி ஆறுலயிருந்து ஒரு கோலா கம்பேனி ஒரு நாளைக்கு 9 லட்ச லிட்டர் தண்ணி எடுக்குறாங்க. இதுல விவசாயத்துக்கு தண்ணி எங்கயிருக்கும், விவசாயி தற்கொல பண்ணிக்காம என்ன பண்ணுவா. அவங்க பசிக்கு பிச்ச கேக்கல சார், விவசாயத்துக்கு தண்ணி கேக்குறாங்க. தன்னூத்து கிராமம் மட்டுமில்ல சொந்த ஊர விட்டு ஓடி போன அத்தன விவசாயிகளுந்தா.   20 வருசத்துக்கு முன்னால விவசாயம் பண்ணவ இன்னைக்கு சிட்டில கோயில் வாசல்ல பிச்ச எடுக்குறா, பாலத்துக்கு கீழ துணி தொவக்குறா, சாக்கட அள்றா. உங்கள்ள நெரைய பேருக்கு தெரியாத ஒரு விஷயத்த சொல்றேன், இந்தியா முழுக்க ஒவ்வொரு 30 நிமிசத்துக்கும் ஒரு விவசாயி தற்கொல பண்ணிக்கிறா, அவங்க குடும்பமே தெருவுக்கு வருது. இது கடந்த 10 வருசமா நடந்திட்டு வருது. அவங்களோட பரம்பரையே உங்களுக்கு சாப்பாடு போடுறதுக்காக வாழ்ந்த குடும்பம் கொஞ்ச கொஞ்சமா அழிஞ்சிட்டு வருது. 2002-லயிருந்து இதுவரைக்கும் ஒரு 10 லட்ச விவசாயிகள் இந்த தொழிலயே விட்டு வேற வேலைக்கு போய்டாங்க.இப்போ மீத்தேன் வாயு, அத எடுக்குறதுக்காக தஞ்சாவூர், நாகப்பட்டினம்   ரெண்டு ஃடிஸ்டிக்லையும் 1,64,819 ஏக்கர் நிலப்பரப்ப ஒரு மல்டி நேஷனல் கம்பேனி அழிக்கப்போது, அந்த விவசாய குடும்போஎல்லா பசில சாகப்போது.5000 கோடி கடன் வாங்குன ஒரு பியர் ஃபேக்ட்ரி ஓனர் என்னால அந்த கடன கட்ட முடியலைனு கை தூக்குறா, ஆனா அவே தற்கொல பண்ணிக்கல, அவனுக்கு லோன் குடுத்த அதிகாரிங்களும் தற்கொல பண்ணிக்கல, ஆனா 5000 ரூவா கடன் வாங்குன ஒருவிவசாயி அத கட்ட முடியாம, வட்டி மேல வட்டி ஏறி, பூச்சி மருந்து குடிச்சு தற்கொல பண்ணிக்கிறா.   இதயெல்லா கவனிக்க சிட்டில இருக்க உங்களுக்கு நேர இல்ல, இத சொல்ல தா டீ.வி சேனல்ட கேட்டோ, ஆனா டீ.வில லேகியோவிக்கவும், சமையல் செய்யவும், டான்ஸ்க்கு மார்க்கு போடவும் டைம் இருக்கு, ஒரு கிராமோ அழிய போறத சொல்ல ரெண்டு நிமிஷ இல்ல.   இந்தியாவுக்கு ஃபேக்ட்ரியே வேணாம்ணு நாங்க சொல்ல வரல, குடிக்குற பால்லயிருந்து தயார் பண்ற சோப்பு வேணா. முட்ட, மீனு, கேரட்லயிருந்து எடுக்குற பேர்னஸ் கீரீம் வேணா. தக்காளி, ஆரஞ்சு, பாதாம்ல தயாரிக்குற அழகு சாதண பேக்ட்ரி வேணா. இந்தியால விட்டமீண் குறைபாடுனால ஒரு நாளைக்கு 5000 குழந்தைங்க இறந்து போறங்கய்யா. பணக்காரே யூஸ் பண்ற ஒரு காண்டம்ல ஃஸ்டாபேரி ஃபேலேவர் வேணும்னா, ஒரு ஏழ குழந்த தன்னோட வாழ்க்கைய்ல ஃஸ்டாபேரிய நெனச்சு பாக்க முடியுமா… (சாதாரண தண்ணி, அதுல என்ன அவ்லோ பணமா கிடைக்கும்) யோவ்…. சாதாரண தண்ணியா…   2ஜினா என்னய்யா.. அலைக்கட்றை.. காத்து.. வெறும் காத்தமட்டுமே வித்து கோடி கோடியா ஊழல் பண்ற ஊர்யா இது, செல்போன் ஆடம்பரம்…… தண்ணி அத்யாவசியம்… இவ்வாறு வசனம் பேசுகிறார் நடிகர் விஜய். இந்த வசனக்காட்சிகளை கத்தி படத்தில் இருப்பதை பல்வேறு தரப்பினர் விமர்சித்தாலும், இதில் உள்ளஉண்மை மறுக்கமுடியாத ஒன்று.

மேலும் படிக்கவும் மறுமொழி இல்லை சுதர்சன் 26-10-2014

சுந்தர் பிச்சைக்கு Google நிறுவனத்தில் கிடைத்த உயர் பொறுப்பு.

கூகுள் நிறுவனத்தின் பல்வேறு பிரிவுகளின் பொறுப்பாளராகத் தமிழரான சுந்தர் பிச்சை  (Sundar Pichai) நியமிக்கப்பட்டுள்ளார். கூகுளின் தலைமைச் செயல் அதிகாரி லார்ரி பேஜ்ஜிடமிருந்த (Larry Page) கூகுளின் தேடல் (Search), மேப்ஸ், கூகுள் பிளஸ், ஆய்வு, விளம்பரம் மற்றும் கட்டமைப்பு (Google search, research, Google maps, commerce, ads, infrastructure, and Google+) ஆகிய பிரிவுகளை இனி சுந்தர் பிச்சை நிர்வகிப்பார். இவற்றுள் தேடல் மற்றும் விளம்பரம் ஆகியவை, கூகுளின் வருவாயில் பெரும் பங்கு வகிப்பவை என்பது குறிப்பிடத்தக்கது. இதன் மூலம் கூகுள் நிறுவனத்தில் லார்ரி பேஜ்ஜூக்கு அடுத்த இடத்திற்குப் பிச்சை முன்னேறியுள்ளார்.   சென்னையைச் சேர்ந்த பிச்சை சுந்தர்ராஜன் (42), சுந்தர் பிச்சை எனப் பரவலாக அழைக்கப்பெறுபவர். மேற்கு வங்கத்தில் உள்ள ஐஐடி கோரக்பூரில் தொழில்நுட்பத்தில் இளங்கலைப் பட்டம் பெற்ற பிச்சை, ஸ்டான்போர்ட் பல்கலைக்கழகத்தில் முதுகலைப் பட்டமும் (எம்.எஸ்.) பென்சில்வேனியாவின் வார்டன் பள்ளியில் வணிகத்தில் முதுகலைப் பட்டமும் (எம்.பி.ஏ.) பெற்றவர்.  கூகுளில் 2004ஆம் ஆண்டு பணிக்குச் சேர்ந்த இவர், முதலில் கூகுள் ஆப்ஸில் கவனம் செலுத்தினார். அதன் பிறகு குரோம் வலை உலாவிக்கான பொறுப்பை ஏற்றார். 2013ஆம் ஆண்டு, ஆண்ட்ராய்டு பிரிவுக்குப் பொறுப்பாளர் ஆனார். ஸ்மார்ட்போன்களின் சந்தையில் ஆண்ட்ராய்டு, முதன்மை இடத்தைப் பிடிப்பதற்குக் காரணமாக இருந்தார். இதன் தொடர்ச்சியாக, கூகுளின் மேப்ஸ், கூகுள் பிளஸ், ஆய்வு, விளம்பரம் மற்றும் கட்டமைப்பு ஆகிய பிரிவுகளும் பிச்சையின் கட்டுப்பாட்டில் வந்துள்ளன. இந்தப் பிரிவுகளில் பணியாற்றும் ஊழியர்கள், இனி பிச்சையின் கீழ் பணியாற்றுவார்கள்.   இப்பொறுப்புகளில் இருந்து விடுபட்டுள்ள லார்ரி பேஜ், கூகுளின் வர்த்தகம், செயல்பாடு, கூகுள் எக்ஸ், நிர்வாக மேம்பாடு, சட்டம், நிதி மற்றும் வர்த்தகம் போன்றவற்றில் மட்டும் கவனம் செலுத்த உள்ளார். கூகுளின் யூடியூப், தொடர்ந்து லார்ரி பேஜ்ஜின் கட்டுப்பாட்டிலேயே இருக்கும். கூகுளை அடுத்த கட்டத்துக்குக் கொண்டு செல்ல லார்ரி பேஜ் முழு நேரத்தையும் செலவிட இந்த மாற்றங்கள் உதவும் எனக் கூகுள் செய்தித் தொடர்பாளர் தெரிவித்துள்ளார்.    சுந்தர் பிச்சை, தலைமைச் செயல் அதிகாரி பொறுப்புக்குத் தகுதியானவராக, இதே துறையில் உள்ள பலராலும் கணிக்கப்படுகிறார்.    மைக்ரோசாப்ட் நிறுவனத்தின் தலைமைச் செயல் அதிகாரி பொறுப்பிலிருந்து ஸ்டீவ் பால்மர் விலகியபோது, அந்தப் பொறுப்பக்குச் சுந்தர் பிச்சை நியமிக்கப்படக் கூடும் என முன்பு ஒரு வதந்தி நிலவியது. ட்விட்டர் நிறுவனமும் சுந்தர் பிச்சையை நெருங்கியதாக அந்த வதந்தி விரிந்தது. ஆனால், கூகுளிடமிருந்து பல மில்லியன் டாலரை லாயல்டி ஊக்கத் தொகையாகப் பெற்றுக்கொண்ட பின், சுந்தர் பிச்சை கூகுள் நிறுவனத்திலேயே தொடர முடிவு செய்தார் என்றும் அச்செய்தியில் கூறப்பட்டிருந்தது.  "சுந்தர் பிச்சை, உலகின் பெரும்பாலான செல்பேசிகளின் மென்பொருளை (ஆண்ட்ராய்டு) ஆளுகின்றார். பெரும்பாலான இணைய உலாவிகளையும் (கிரோம் பிரவுசர்) ஆளுகின்றார். உலகில் பெரும்பாலானோர் இணையத்தில் தகவல் தேடுவது எப்படி (கூகுள் தேடல்) என்பதையும் விரல் நுனியில் வைத்துள்ளார். இதன் மூலம் டிஜிட்டல் உலகின் நம்பர் ஒன் மனிதர் ஆகிவிட்டார்" என்று விஷ்வக் சொல்யூசன்ஸ் நிறுவனத்தின் தலைமைச் செயல் அதிகாரி தி.ந.ச.வெங்கடரங்கன், வெப்துனியாவிடம் தெரிவித்தார்.   சுந்தர் பிச்சையின் வளர்ச்சி குறித்துத் தமிழர்கள் பெருமிதம் கொள்ளலாம்.

மேலும் படிக்கவும் மறுமொழி இல்லை சுதர்சன் 26-10-2014

கற்பழிக்க முயன்றவனை கொன்றவளுக்கு தூக்கு.

தன்னைக்கற்பழிக்க முயன்ற காமுகனைக்கொலை செய்த குற்றத்துக்காக பெண் ஒருவருக்கு நேற்று சனிக்கிழமை தூக்குத் தண்டனை நிறைவேற்றியுள்ளது ஈரான் என அந்நாட்டு உள்நாட்டு ஊடகமான IRNA அறிவித்துள்ளது.   இப்பெண்ணினது செயல் குற்றமல்ல என்றும் தற்காப்புக்காகவே அவர் கொலை செய்ய நேர்ந்துள்ளது எனவும் மனித உரிமைகள் அமைப்பு தெரிவித்துள்ளது குறிப்பிடத்தக்கது.   ஈரானின் பாதுகாப்பு மற்றும் புலனாய்வு அமைச்சின் முன்னால் ஊழியரான மோர்டெஷா அப்டொலாலி சர்பன்டி என்பவர் 2007 ஆம் ஆண்டு 26 வயதுடைய ரெய்ஹானெஹ் ஜப்பாரி எனும் பெண்ணைக் கற்பழிக்க முயற்சித்த போது தற்காப்புக்காக அப்பெண் அந்நபரைக் கொலை செய்திருந்ததாகத் தகவல்கள் தெரிவிக்கின்றன. இந்நிலையில் ஐ.நா சபை கூறியுள்ளதன் படி இப்பெண்ணுக்கு இக்குற்றத்துக்காக நியாயமான விசாரணை மேற்கொள்ளப் படவில்லை எனப்படுகின்றது. ஏற்கனவே இப்பெண்ணுக்கு செப்டம்பர் 30 ஆம் திகதி தூக்கிலிடத் திட்டமிடப் பட்டிருந்ததாகவும் ஆனால் பொது மக்களின் எதிர்ப்பு அலைகளால் இது தள்ளிப் போடப்பட்டு இன்று நிறைவேற்றப் பட்டிருப்பதாக சர்வதேச மன்னிப்புச் சபை தெரிவித்துள்ளது. மேலும் ஜப்பாரி பக்கச் சார்பான வெளிப்படையற்ற விசாரணைக்குப் பின் மரண தண்டனை அளிக்கப் பட்டுள்ளார் என சர்வதேச மன்னிப்புச் சபையும் குற்றம் சாட்டியுள்ளது. இந்நிலையில் 2007 ஆம் ஆண்டு 19 வயதேயுடைய உள்துறை வடிவமைப்பாளரான ஜப்பாரியை சர்பான்டி தனது அலுவலகத்தில் வேலைக்கு அமர்த்தியிருந்ததாகவும் திடீரென ஒரு நாள் அவரைப் பாலியல் பலாத்காரம் செய்த போது தற்காப்புக்காக சர்பான்டியினை கத்தியால் குத்தி ஜப்பாரி கொலை செய்து விட்டதாகவும் ஐ.நா தெரிவித்துள்ளது.   மேலும் இச்சம்பவத்தின் பின்னர் தனது குடும்பத்தினரையோ அல்லது சட்டத்தரணியினையோ சந்திக்க அனுமதி மறுக்கப் பட்டு தனிமைச் சிறையில் இரு மாதங்கள் அடைக்கப் பட்ட ஜப்பாரி இக்காலப் பகுதியில் சித்திரவதை செய்யப் பட்டதாகவும் சர்வதேச மன்னிப்புச் சபையின் அறிக்கையில் தெரிவிக்கப் பட்டுள்ளது. இவ்வருடம் ஈரான் சுமார் 170 பேருக்கு மரண தண்டனை நிறைவேற்றியுள்ளது. கடந்த வருடம் சீனாவுக்கு அடுத்து உலகில் அதிகளவு பேருக்கு மரண தண்டனை அளித்த நாடாகவும் ஈரான் விளங்குவது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 26-10-2014

24 கோடியை வசூலித்த கத்தி.

தென் இந்திய மொழி படங்களின் அனைத்து முதல் நாள் வசூல் சாதனைகளையும் முறியடித்து கத்தி மொத்தம் ரூ.23.80 கோடி வசூலித்துள்ளது என்று அத்திரைப்படத்தின் இயக்குநர் ஏ.ஆர்.முருகதாஸ் தெரிவித்துள்ளார்.   விஜய், சமந்தா முன்னணி வேடங்களில் நடிக்க, அனிருத் இசையில், லைகா தயாரிப்பில் வெளியான திரைப்படம் கத்தி. இதன் இயக்குனர் ஏ.ஆர்.முருகதாஸ் இன்று தனது டிவிட்டர் தளத்தில் கத்தியின் முதல் நாள் வருவாய் குறித்த தகவலை பகிர்ந்துள்ளார்.   கத்தி படம் முதல் நாள் வசூலில் எந்திரனை பின்னுக்கு தள்ளியதாக ஒரு புள்ளி விவரத்தை வெளியிட்டுள்ளனர்.   கத்தி தமிழகத்தில் சுமாராக 455 திரையரங்குகளில் ஓடிக் கொண்டிருக்கிறது. முதல் நாளில் இப்படம் 12.5 முதல் 13 கோடிவரை வசூலித்ததாக கூறப்படுகிறது. நான்கு வருடங்களுக்கு முன் எந்திரன் 600 திரையரங்குகளில் வெளியானது. அதன் முதல் நாள் வசூல் 11 கோடிகள். எந்திரனுடன் ஒப்பிடுகையில் ஒன்றரை முதல் இரண்டு கோடிவரை கத்தியின் முதல்நாள் வசூல் அதிகம் என்கிறார்கள். ஆனால் வெளிநாட்டு வசூலில் எந்திரனுக்கு அடுத்த இடத்திலேயே கத்தி உள்ளது.    மேலும் கேரளாவில் முதல் நாளில் 1.75 கோடியும், கர்நாடகாவில் 2.2 கோடியும் கத்தி வசூலித்துள்ளது. இதில் கர்நாடகாவில் ஒரு தமிழ்ப் படம் இவ்வளவு அதிகம் வசூலித்தது இதுவே முதல்முறை.   

மேலும் படிக்கவும் மறுமொழி இல்லை சுதர்சன் 25-10-2014

பொருளாதாரப்பலம் வாய்ந்த தீவிரவாதிகள் IS.

சிரியா மற்றும் ஈராக் ஆகிய நாடுகளை ஆக்கிரமித்து தாம் கைப்பற்றிய பகுதிகளை இஸ்லாமிய தேசம் என்ற பெயரில் மிகப் பெரிய தேசமாக உருவாக்கி வரும் நோக்கில் கடந்த பல மாதங்களாகப் போராடி வரும் ISIS போராளிக் குழு மிகக் குறுகிய காலத்தில் உருவான உலகின் வலிமையான பணக்கார போராளிக் குழுவாகும் என அமெரிக்கா அறிவித்துள்ளது.   Black market எனப்படும் கருப்பு சந்தை முறை மூலம் எண்ணெய் விற்பனை, ஆள்கடத்தல் மற்றும் மிரட்டிப் பணம் பறித்தல் ஆகிய பிரதான வழிமுறைகளால் ஒரு மாதத்துக்கு குறைந்தது $10 மில்லியன் டாலர்கள் வரை ISIS அமைப்பு பணம் சேகரித்து வருவதாக அமெரிக்க அதிகாரிகள் வியாழக்கிழமை அறிவித்துள்ளனர். இது குறித்து அமெரிக்காவின் தீவிரவாதம் மற்றும் நிதிப் புலனாய்வு கருவூல செயலாளரான டாவிட் கோஹென் கூறுகையில் இவ்வருட ஆரம்பம் முதல் தாம் கைப்பற்றிய பகுதிகளில் இருந்து கணிய எண்ணெய்யினை கருப்பு சந்தையில் விற்பதன் மூலம் மட்டுமே ஒரு நாளைக்கு $1 மில்லியன் டாலர் வரை ISIS சம்பாதிப்பதாகத் தெரிவித்துள்ளார். மேலும் எம்மிடம் சில்வர் தோட்டா எதுவும் இல்லை என்பதுடன் ISIS இன் பொக்கிஷத்தை ஒரே நாளில் அழிப்பதற்கான ரகசிய ஆயுதம் எதுவும் இல்லை என்றும் நமது யுத்த முறைமை சற்று மாற வேண்டும் ஆயினும் இப்போது நாம் ஆரம்பக் கட்டத்திலேயே உள்ளோம் எனவும் கோஹென் மேலும் தெரிவித்துள்ளார். மறுபுறம் சர்வதேச சமாதானத்துக்கான Carnegie Endowment என்ற அமைப்பின் பிரதி அதிபர் மர்வான் முவாஷெர் கூறுகையில் IS தற்போது உலகின் மிக வலிமையான பணக்கார மற்றும் பண ரீதியாக மிகவும் அதி நவீனப் படுத்தப் பட்ட தீவிரவாத அமைப்பு என்றுள்ளார். மேலும் அல்கொய்தாவைப் போன்றல்லாது IS அமைப்பு வளைகுடா நாடுகளில் மாநில ஸ்பான்சர்கள் அல்லது நன்கொடையாளர்களிடம் இருந்து பணம் பெறுவதில்லை என்பதும் குறிப்பிடத்தக்கது.   ISIS தான் கைப்பற்றியுள்ள எண்ணெய் சுத்திகரிப்பு நிலையங்களில் இருந்து ஒரு நாளைக்கு 50 000 பரோல் எண்ணெய் உற்பத்தி செய்து தள்ளுபடி விலையில் துருக்கி உட்பட சிரியா மற்றும் ஈராக்கிலுள்ள மிடில் கிளாஸ் மக்களுக்கு விற்று வருவதாகவும் பின்னர் இதனை வாங்கியவர்கள் அதை வேறு நிறுவனங்களுக்கு மீள் விற்பனை செய்வதாகவும் தகவல் வெளியாகியுள்ளது. இதில் ஈராக்கிலுள்ள குர்துக்களுக்குக் கூட மறைமுகமாக எண்ணெய் விற்கப் படுவதாகவும் கூறப்படுகின்றது. இதேவேளை இவ்வருடம் ஆள்கடத்தல் மூலம் மட்டும் பத்திரிகையாளர்கள் மற்றும் ஐரோப்பிய பிணைக் கைதிகளிடம் இருந்து ISIS $20 மில்லியன் டாலர்கள் சம்பாதித்துள்ளதாகவும் கூறப்படுகின்றது.

மேலும் படிக்கவும் மறுமொழி இல்லை சுதர்சன் 25-10-2014

பீடா விற்பவருக்கு கோடிக்கணக்கில் மின்கட்டணம்.

ஹரியானாவில் பீடா கடை வைத்திருப்பவருக்கு ரூ.132 கோடி மின் கட்டணம் வந்ததால் அவர் பெரும் அதிர்ச்சி அடைந்துள்ளார்.    ஹரியானாவின் சொனிபெட் மாவட்டத்தில் பீடா கடை வைத்திருப்பவர் ராஜேஷ். இவருக்கு தீபாவளி அன்று உத்தர் ஹரியானா பிஜ்லி வித்ரான் நிகாமிடமிருந்து மின்சார கட்டணத்திற்கான நோட்டீஸ் வந்தது. அக்டோபர் மாதத்திற்கான மின் கட்டணம் செலுத்த அனுப்பப்பட்ட அந்த நோட்டீசில், இவரது சிறிய கடையின் மின் கட்டணம் ரூ. 132.29 கோடி என தெரிவிக்கப்பட்டிருந்தது.  இந்த கட்டணத்தைப் பார்த்து அதிர்ச்சியில் உறைந்த அவர் இதுகுறித்து கூறுகையில், நான் ஒரு சாதாரண மனிதன். ஒரு சிறிய பீடா கடையை மட்டுமே நடத்தி வருகிறேன், எனது கடையில் ஒரு சிறிய பல்பு மற்றும் மின்விசிறி மட்டும் தான் உள்ளது. பொதுவாக என் கடைக்கு ரூ. 1000க்கும் குறைவாகத்தான் மின் கட்டணம் வரும். இப்படி ரூ. 132 கோடி கட்டணம் வந்தது எனக்கு மிகுந்த அதிர்ச்சியை அளிக்கிறது. பில்லில் கூறப்பட்ட தொகை எண்கள் மற்றும் எழுத்திலும் தெளிவாக எழுதப்பட்டிருந்தது என கூறினார்.    மேலும், இந்த தவறைச் சரி செய்ய மின்சார வாரியத்திற்கு செல்லவிருப்பதாகவும் அவர் தெரிவித்தார். 2007 ஆம் ஆண்டில் ஏற்கனவே ஹரியானா மின்சார துறை நர்னவுல் பகுதியில் உள்ள ஒரு வீட்டிற்கு ரூ. 234 கோடியை மின்சார கட்டணமாக அனுப்பியது குறிப்பிடத்த

மேலும் படிக்கவும் மறுமொழி இல்லை சுதர்சன் 25-10-2014

காதலிக்காக மகளைக்கொன்ற தந்தை.

கேரளாவை அடுத்த கோழிக்கோட்டில் கள்ளக்காதலிக்காக 14 வயது மகளை விஷம் வைத்துக் கொன்ற தந்தை கள்ளக்காதலியுடன் கைது செய்யப்பட்டார்.   கேரள மாநிலம் கோழிக்கோடு பகுதியில் உள்ள ரெயில்வே தண்டவாளத்தில், கடந்த 2 மாதங்களுக்கு முன்பு 14 வயது சிறுமி ஒருவர் விஷம் அருந்திய நிலையில் இறந்து கிடப்பது தெரிய வந்தது.   காவல்துறையினர் சிறுமியின் உடலை கைப்பற்றி விசாரித்ததில் எந்த தகவலும் கிடைக்காததால், அந்த சிறுமியின் உடலை அனாதை பிணம் என அடக்கம் செய்தனர்.   இந்நிலையில், கோழிக்கோடு பகுதியைச் சேர்ந்த பெண் ஒருவர் தனது மகளை காணவில்லை எனவும், அவருக்கு 14 வயது என்றும், அவரை தேடி கண்டுபிடித்து தரவேண்டும் எனவும் காவல் நிலையத்தில் புகார் செய்தார். அதில், தனக்கும் கணவருக்கும் பிரச்சினை ஏற்பட்டு கணவர் தன்னை விட்டு பிரிந்து சென்றுவிட்டதாகவும் கூறி இருந்தார்.   இது தொடர்பாக கோழிக்கோடு காவல்துறையினர் வழக்குப் பதிவு செய்து ஏற்கனவே அவர்களால் அனாதை பிணம் என புதைக்கப்பட்ட சிறுமியின் புகைப்படத்தை அந்த பெண்ணிடம் காண்பித்தனர். இதில் சிறுமி அந்த பெண்ணின் மகள் என்பது உறுதியானது. இது குறித்து கோழிக்கோடு காவல்துறையினர் ரகசிய விசாரணையில் இறங்கினர்.   விசாரணையில் சிறுமியின் தந்தை பென்னி என்பவருக்கும் அதே பகுதியைச் சேர்ந்த பினிதா என்பவருக்கும் கள்ளத்தொடர்பு இருந்தது வந்தது கண்டுபிடிக்கப்பட்டது.   தந்தையும் கள்ளக்காதலியும் உல்லாசமாக இருந்ததை சிறுமி பார்த்துவிட்டார். இதை அவர் வெளியில் சொல்லிவிடுவார் என்று கருதி பென்னியும், அவரது கள்ளக்காதலி பினிதாவும் சேர்ந்து சிறுமிக்கு விஷம் கொடுத்து கொன்று உடலை தண்டவாளத்தில் வீசிச் சென்றது தெரிய வந்தது.   இதற்கு பென்னியின் மகனும், பினிதாவின் மகனும் துணை போனதும் கண்டுபிடிக்கப்பட்டது. அவர்கள் 4 பேரையும் கோழிக்கோடு காவல்துறையினர் கைது செய்யப்பட்டு பின்னர் சிறையில் அடைக்கப்பட்டனர்.

மேலும் படிக்கவும் மறுமொழி இல்லை சுதர்சன் 24-10-2014

கத்தி ஓடிய திரையரங்கு அதிபர் மரணம்.

சென்னையை அடுத்த திருநின்ற ஊரில் நடிகர் விஜயின் கத்தி படம் பார்க்க வந்த ரசிகர்கள் மோதலால்  தியேட்டர் அதிபர் பரிதாபமாக பலியாகியுள்ளார். திருநின்ற ஊரில் உள்ள லட்சுமி திரையரங்கில் விஜயின் கத்தி படம் வெளியிடப்பட்டது.   நேற்று இப்படத்தைக் காண வந்த ரசிகர்கள் இரு பிரிவினராக பிரிந்து வாக்குவாதம் முற்றி மோதலில் ஈடுப்பட்டனர். மோதலைத் தடுக்க முயன்ற தியேட்டர் அதிபர் கிருஷ்ணன் கூட்டத்திற்குள் புகுந்து மாட்டிக்கொண்டார். இரு தரப்பினரிடமும் மாட்டிக்கொண்ட கிருஷ்ணன் பலத்த தாக்குதலுக்கு ஆளானார். உடனடியாக தனியார் மருத்துவமனையில் அனுமதிக்கப்பட்டார். ஆனால் சிகிச்சைப் பலனின்றி அவர் உயிர் இன்று காலை உடலைவிட்டுப் பிரிந்தது. இது போன்ற தருணங்கள் அரசியல் தலைவர்களின் மீதோ அல்லது திரையுலகை சேர்ந்த பிரமுகர்களின் மீதோ மக்கள் வைத்திருக்கும் வெறித்தனமான பிரியத்துக்கு ஒரு விழிப்புணர்வுத் தரும் நிகழ்ச்சியாகவே அனைவராலும் பார்க்கப்பட வேண்டும் என்பதே பலரின் வேண்டுகோள்.   முன்னதாக பாலக்காட்டை அடுத்த வடக்கஞ்சேரியில் உள்ள ஜெயபாரத் தியேட்டரில் ஒருவர் கத்தி திரைப்படத்திற்காக வைக்கப்பட்டிருந்த விஜயின் கட்டவுட்டுக்கு பால் ஊற்றப் போய் தவறி விழுந்ததில் மரணமடைந்திருந்தது குறிப்பிடத்தக்கது. 

மேலும் படிக்கவும் மறுமொழி இல்லை சுதர்சன் 24-10-2014

கனடாவின் பாராளுமன்றத்தாக்குதலுக்கு பின் IS இயக்கம்?

சமீபகாலமாக கனடா அரசு ISற்கு எதிரான உலகளாவிய போராட்டத்தில் தனது பங்களிப்பை அதிகரிப்பது குறித்து ஆலோசித்து வந்தது.   இதனால் தனது மண்ணில் தீவிரவாத அச்சுறுத்தலை குறைந்த அளவில் இருந்து மத்திய அளவுக்கு உயர்த்தி அரசாங்கம் அறிவித்து சில நாட்களுக்குள் நேற்று புதன் கிழமை தலைநகர் ஒட்டாவாவிலுள்ள பாராளுமன்ற வளாகம் மற்றும் போர் நினைவுச் சின்னம் உட்பட சில இடங்களில் மர்ம நபர்கள் துப்பாக்கிச் சூடு நிகழ்த்தியுள்ளனர்.   பாராளுமன்றத்தின் அருகே இருந்த போர் நினைவுச் சின்னத்தில் முதலில் இந்நபர்களில் ஒருவர் துப்பாக்கிச் சூடு நிகத்தியதில் காவலுக்கு நின்ற சிப்பாயான 58 வயதுடைய விக்கெர்ஸ் என்பவர் பதிலுக்குத் தைரியமாக துப்பாக்கிச் சூடு நிகழ்த்திய பின் கொல்லப் பட்டுள்ளார். எனினும் பின்னர் இந்நபர் பாராளுமன்ற கட்டடத்துக்குள் புகுந்த பின் மோசமாக வேறு எவரையும் தாக்குவதற்கு முன் இராணுவ சிப்பாய்களினால் சுட்டுக் கொல்லப் பட்டுள்ளார். மைக்கேல் ஷெஹாஃப்-பிபேயு என இனம் காணப்பட்டுள்ள இந்த மர்ம நபர் கியூபெக் நகரில் பிறந்தவர். மேலும் ஏற்கனவே கிரிமினல் பதிவு உடையவர் என்பதுடன் சமீபத்தில் இஸ்லாம் மதத்துக்கு மாறியவர் எனவும் மத்திய கிழக்குக்கு செல்ல முயற்சித்த போது இவரின் கடவுச் சீட்டு ரத்து செய்யப் பட்டிருந்தது எனவும் தெரிவிக்கப் பட்டுள்ளது. இந்நிலையில் பாராளுமன்ற வளாகத்தின் மீதான தாக்குதலில் இவர் தனியாகவே ஈடுப்பட்டதாகவும் பதில் தாக்குதலில் கொல்லப் பட்டு விட்டதாகவும் சில தகவல்கள் தெரிவிப்பதுடன் இதற்குப் பின்புலத்தில் ISIS போராளி அமைப்பு இருக்கக் கூடும் என அச்சமும் வெளியிட்டுள்ளன.   தற்போது வேறு யாரும் மர்ம துப்பாக்கி தாரிக உள்ளனரான என போலிஸ் கட்டடங்கள் மற்றும் பாராளுமன்றக் கட்டடத்தின் உட்பகுதியில் தேடுதல் நடந்து வருகின்றது. ஒட்டாவா மக்கள் ஜன்னல்கள் மற்றும் மேற்கூரைப் பகுதியில் நிற்பதைத் தவிர்க்குமாறு போலிஸ் அறிவுறுத்தியுள்ளது. கடந்த திங்கட்கிழமை கியூபெக் நகரில் மர்ம நபர் ஒருவர் கனடா சிப்பாய்கள் மீது காரைக் கொண்டு வந்து மோதியதில் ஒரு சிப்பாய் பலியானதுடன் அந்த மர்ம நபரைப் போலிசார் சுட்டுக் கொன்றும் இருந்தனர். இதேவேளை கனேடிய பிரதமர் ஸ்டீபன் ஹார்பரைத் தொலைபேசி மூலம் தொடர்பு கொண்டு அமெரிக்க அதிபர் ஒபாமா பேசியதாகவும் தற்போதைய நிலவரங்களைக் கேட்டறிந்ததுடன் தீவிரவாத அச்சுறுத்தலை எதிர்கொள்ள பூரண ஆதரவைத் தருவதாக உறுதியளித்தாகவும் கூறப்படுகின்றது. மறுபுறம் கனடாவின் முக்கிய நட்பு நாடான இந்தியாவின் பிரதமர் நரேந்திர மோடியும பாராளுமன்றம் மீதான தாக்குதலை வன்மையாகக் கண்டித்துள்ளார். கனடா ஓர் பாதுகாப்பான நாடு என்ற காரணத்தால் பல உலக மக்கள் அங்கு சென்று குடியேற விரும்புவது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 24-10-2014

'கமலும் ஜேசுதாசும் இறந்துவிட்டார்கள்''

இணையதளத்தில் வரும் விமர்சனங்களுக்கு தடை போட முடியாது என்று நடிகர் கமல்ஹாசன் குறிப்பிட்டுள்ளார். பிரபல வார இதழில் தமிழ் திரையுலகினர் கேட்கும் கேள்விகளுக்கு கமல் பதிலளித்து வருகிறார். அதில் நடிகர் விவேக் கேட்ட கேள்வி: “சமூக வலைத்தளங்களில் படம் நன்றாக இல்லை என்று மெசேஜ் அனுப்புகிறார்கள். இதனால் படத்திற்கு வரவேண்டியவர்களையும் தடுத்து விடுகிறார்கள். சமூக வலைத்தளங்களின் கமென்ட்களில் நேர்மை இருப்பதாக தெரியவில்லை. எம்.எஸ்.பாஸ்கர் மற்றும் சிவகார்த்திகேயன் இறந்துவிட்டதாக வதந்திகள் பரப்புகிறார்கள். இது சரியா.. இதற்கு அரசாங்கம் சென்சார் கொண்டு வருமா?” என்று கேள்வி எழுப்பினார். இதற்கு கமல், “இன்டர்நெட் வருவதற்கு முன்பே நானும், அண்ணன் ஜேசுதாஸும் ஒரே நாளில் இறந்துபோன வதந்தி எங்கள் காதுக்கே எட்டியது. சிரித்தபடி, பரஸ்பரம் இரங்கல் தெரிவித்துக் கொண்டு 35 வருடங்கள் ஆகிவிட்டன. விமர்சனத்துக்கு வரம்போ, தணிக்கையோ இருக்கக் கூடாது. தரம் குறையும்போது விமர்சகனே விமர்சனத்தின் மதிப்பெண்ணை கோடிட்டுக் காட்டி விடுவான். இன்டர்நெட் விமர்சகனுக்குத் தடை போடுவது, பெண்ணுக்குத் தாலி கட்டுவது அவர்களின் கற்புக்கு உத்தரவாதமாகாது அவர்கள்தான் அதற்குப் பொறுப்பேற்க வேண்டும். நம் கலையும், திறமையும் மக்கள் ஆதரவுடன் எல்லா சமகால விமர்சனங்களையும் கடந்து வாழ உழைக்க வேண்டும் என்பதே என் பணிவிலாக் கருத்து” என்று கமல்ஹாசன் கூறியுள்ளார்.

மேலும் படிக்கவும் மறுமொழி இல்லை சுதர்சன் 23-10-2014

அகதிகளை கட்டுப்படுத்தும் டென்மார்க்.

டென்மார்க்கிற்குள் நுழையும் அகதிகள் தொகை தொடர்ந்து உயர்வடைந்து வருகிறது, இந்த ஆண்டு வந்த அகதிகள் தொகை இதுவரை 20.000 ஐ தொட்டுவிட்டது, சென்ற மாதம் மட்டும் 3000 பேர் வந்துள்ளார்கள். இவர்களை எப்படிக் கட்டுப்படுத்துவது இந்த இக்கட்டான நிலையை எப்படி எதிர் கொள்வதென தெரியாது டென்மார்க் அரசு தடுமாறுகிறது. ஐ.எஸ். அமைப்பின் தாக்குதல் அதிகரிக்க அதிகரிக்க அகதிகள் வரும் அழுத்தமும் கூடுகிறது என்கிறார் அமைச்சர் மெற்ற பிரடிக்சன். இது குறித்த விவாதம் இன்று பாராளுமன்றில் நடந்து கொண்டிருக்கிறது, தற்போதய அரசு அகதிகள் விவகாரத்தில் சரியான இறுக்கங்களை கடைப்பிடிக்கவில்லை என்று எதிர்க்கட்சிகள் குற்றம் சுமத்தியுள்ளன. மறுபுறம் ஆபிரிக்க நாடுகளில் இருந்து வரும் அகதிகளை டென்மார்க்கிற்குள் நுழைய விடாது தடுத்து ஆபிரிக்காவில் உள்ள ஏதாவது ஒரு நாட்டில் டென்மார்க்கின் அகதி முகாமைத் திறந்து அங்கு வைத்து பராமரிக்கலாம் என்று டேனிஸ் மக்கள் கட்சி கூறியுள்ளது. இந்தவகையில் கென்யா நாட்டில் ஓர் அகதி முகாமைத் திறக்கலாம் என்றும் முன்மொழிந்துள்ளது. இந்த யோசனையை கென்யா அடியோடு நிராகரித்துள்ளது, உங்கள் வயிற்றில் கட்ட முடியாத அகதிகளை நாம் மட்டும் கட்டிச் சுமக்க வேண்டியது நமது தலையெழுத்தல்ல என்றும் நிராகரித்துள்ளது.

மேலும் படிக்கவும் மறுமொழி இல்லை சுதர்சன் 23-10-2014

கனடா பாராளுமன்றத்தில் துப்பாக்கிச்சூடு.

கனடாவின் தலைநகர் ஒட்டாவாவில் உள்ள பாராளுமன்ற வளாகம் மற்றும் போர் நினைவுச் சின்னம் ஆகிய பகுதிகளில் இன்று இனம் தெரியாத மர்ம நபர்கள் புகுந்து திடீரென துப்பாக்கிச் சூடு நிகழ்த்தியுள்ளனர்.   இதனால் பாராளுமன்றம் செல்லும் பாதைகள் அடைக்கப் பட்டதுடன் பாராளுமன்ற வளாகம் தற்காலிகமாக மூடப் பட்டுள்ளது. தாக்குதல் ஆரம்பித்ததுடன் உடனே சுதாரித்துக் கொண்ட பாதுகாப்பு அதிகாரிகளால் கனடா பிரதமர் ஹார்ப்பர் உட்பட எம்.பி.க்கள் அனைவரும் பத்திரமாக இடம் மாற்றப் பட்டனர். மேலும் ஒட்டோவோவில் பாராளுமன்றத்துக்கு அருகே உள்ள ஓர் போர் நினைவுச் சின்னத்திலும் மர்ம நபர் ஒருவர் துப்பாக்கிச் சூடு நிகழ்த்தியதில் காவலுக்கு நின்ற ஒரு இராணுவ வீரர் கொல்லப் பட்டதாகவும் தகவல் வெளியாகியுள்ளது. புதன்கிழமை காலை ஒட்டோவோவின் நகர்ப் பகுதிகளில் பல இடங்களில் துப்பாக்கிச் சூட்டு சத்தங்கள் கேட்டதாகவும் இதனால் அந்நகரில் உள்ள பல போலிஸ் கட்டடங்கள் மூடப்பட்டிருப்பதாக டுவிட்டரில் போலிசார் தெரிவித்துள்ளனர்.   ஒட்டாவா காவற்துறையின் உறுப்பினரான மார்க் சௌச்சி கூறுகையில் புதன்கிழமை காலை போர் நினைவுச் சின்னத்தின் அருகே பல துப்பாக்கிதாரிகள் நடமாடியதாகத் தெரிவித்துள்ளார். பாராளுமன்ற வளாகத்தில் தான் குறைந்தது 30 துப்பாக்கி வேட்டு சத்தங்களைக் கேட்டதாக உறுப்பினர் ஒருவர் தனது டுவிட்டர் கணக்கில் தெரிவித்துள்ளதும் குறிப்பிடத்தக்கது. இதேவேளை மர்ம துப்பாக்கி தாரிகளில் ஒருவரை போலிசார் சுட்டுக் கொன்று விட்டதாகவும் ஊடகங்களுக்குத் தகவல் கிடைத்துள்ளது.

மேலும் படிக்கவும் மறுமொழி இல்லை சுதர்சன் 23-10-2014

VIP குழு மீண்டும் இணைகிறது.

வேலையில்லா பட்டதாரி’ படத்தைத் தொடர்ந்து தான் இயக்கவுள்ள படத்திலும் தனுஷ் நடிப்பதாக இயக்குநர் வேல்ராஜ் தெரிவித்துள்ளார். தனுஷ், அமலாபால், சமுத்திரக்கனி, சரண்யா பொன்வண்ணன் உள்ளிட்ட பலர் நடிக்க, வேல்ராஜ் இயக்கத்தில் வெளியான படம் ‘வேலையில்லா பட்டதாரி’. அனிருத் இசையமைக்க தனுஷ் தயாரிப்பில் வெளியானது. தயாரிப்பாளர், விநியோகஸ்தர்கள் மற்றும் திரையரங்க உரிமையாளர்கள் மத்தியில் 2014ம் ஆண்டு அதிக அளவு லாபம் சம்பாதித்த படமாக அமைந்தது. ‘வேலையில்லா பட்டதாரி’ படத்தைத் தொடர்ந்து, மீண்டும் அப்படக்குழு வேறு ஒரு படத்தில் இணைய இருக்கிறார்கள் என்று செய்திகள் உலவின. ஆனால், அச்செய்தி குறித்து படக்குழுவினர் யாருமே கருத்து தெரிவிக்கவில்லை. சில நாட்களுக்கு முன்பு, டிசம்பர் படப்பிடிப்பு, தனுஷுக்கு ஜோடியாக ‘கயல்’ ஆனந்தி என மீண்டும் செய்திகளுக்கு இறக்கை கட்டின. இது குறித்து இயக்குநர் வேல்ராஜ், “மீண்டும் தனுஷ் படம் இயக்கவிருப்பது உண்மை தான். ஆனால், நாயகியாக ஆனந்தி ஒப்பந்தம் என்பதில் உண்மையில்லை. தனுஷிடம் இரண்டு வரியில் எனது கதையினை கூறியிருக்கிறேன். அவருக்கு மிகவும் பிடித்திருப்பதால், தற்போது திரைக்கதை அமைக்கும் பணியில் ஈடுபட்டு வருகிறேன். ‘வேலையில்லா பட்டதாரி’ பாணியில் இதுவும் கமர்ஷியல் படமாக அமையும். எப்போது படப்பிடிப்பு என்பதெல்லாம் தற்போதைக்கு முடிவு செய்யவில்லை” என்று தெரிவித்து இருக்கிறார். ‘வேலையில்லா பட்டதாரி’ திரைப்படம் தெலுங்கிலும், இந்தியிலும் ரீமேக்காக இருக்கிறது. இந்தியில் தனுஷ் நடித்து, தயாரிக்க இருப்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 22-10-2014

உலகின் சிறந்த சுற்றுலா நாடாக சிங்கப்பூர்.

உலகின் மிகப்பிரசித்தமான சுற்றுலா வழிகாட்டி பதிப்பகமான 'லோன்லி பிளேனட்' (Lonely Planet) இன் 2015 ஆம் ஆண்டில் விஜயம் செய்யத் தக்க சிறந்த நாடுகளில் முதலாவதாக சிங்கப்பூர் இடம் பிடித்திருப்பதாக செய்தி வெளியிட்டுள்ளது. இதில் சிங்கப்பூருக்கு அடுத்த இடத்தினை நமிபியா மற்றும் லித்துவானியா ஆகியவை பிடித்துள்ளன. தென்கிழக்கு ஆசியாவின் முக்கிய பொருளாதார சக்தியான சிங்கப்பூர் தனது தனித்துவமான உணவு மற்றும் கலாச்சாரத்தினால் இந்த இடத்தைப் பிடித்திருப்பதாகவும் இதற்கு மற்ற நாடுகளைப் போன்றல்லாது கண்ணைக் கவரும் நகர்ப்புற இயற்கையை சிங்கப்பூர் கட்டி எழுப்பி இருப்பதும் ஓர் காரணம் எனவும் கூறப்படுகின்றது. மேலும் சிங்கப்பூர் தனது நகரைச் சுற்றிப் பார்ப்பதற்கு வரும் வெளிநாட்டினருக்கு ஏராளமான வாய்ப்புகளையும் வழங்கி வருகின்றது. மேலதிகமாக சிங்கப்பூர் தனது 50 ஆவது சுதந்திர தினத்தையும் அடுத்த வருடம் வெகு விமரிசையாகக் கொண்டாட உள்ளதும் சுற்றுலாப் பயணிகளை அதிகளவில் ஈர்க்கவுள்ளது. கடந்த வருடம் உலகக் கிண்ணக் காற்பந்து போட்டிகளைக் கொண்டு நடத்திய பிரேசில் இப்பட்டியலில் முதலிடத்தைப் பிடித்திருந்தது. மேலும் 2015 ஆம் ஆண்டுக்கான பட்டியலில் மிக அழகான இயற்கை வனப்புக்களைக் கொண்டுள்ள அயர்லாந்து 5 ஆம் இடத்தைப் பிடித்துள்ளதும் குறிப்பிடத்தக்கது.  

மேலும் படிக்கவும் மறுமொழி இல்லை சுதர்சன் 22-10-2014

கத்தி படத்தில் லைக்கா பெயர் இடம்பெறாது - தமிழ் கிறுக்கன்.

கத்தி திரைப்படம் மற்றும் விளம்பரங்களில் லைக்கா பெயரை நீக்குவதாக தமிழர் வாழ்வுரிமைக் கூட்டமைப்பிடம் அந்நிறுவனம் உறுதியளித்துள்ளது. இதனடிப்படையில் படத்தின் முதல் காட்சிகளை பார்த்த பின்னர் லைக்கா சின்னம் பெயர் நீக்கப்பட்டிருந்தால் போராட்டம் திரும்பப் பெறப்படும் என்று தமிழர் வாழ்வுரிமைக் கூட்டமைப்பு சார்பில் அதன் ஒருங்கிணைப்பாளர் தி. வேல்முருகன் அறிவித்துள்ளார்.   ராஜபக்சே குடும்பத்தின் பினாமி நிறுவனமான லைக்கா விஜய் நடிக்கும் கத்தி திரைப்படத்தை தயாரிக்கிறது. இதற்கு தொடக்கம் முதல் 150க்கும் மேற்பட்ட இயக்கங்களின் கூட்டமைப்பான தமிழர் வாழ்வுரிமைக் கூட்டமைப்பு கடுமையாக எதிர்த்து வருகிறது.   இந்த நிலையில் கத்தி திரைப்பட விவகாரத்தில் சுமூகத் தீர்வு ஏற்பட்டுவிட்டதாக சில ஊடகங்களில் செய்திகள் வெளியாகின. இதனை மறுத்து தமிழர் வாழ்வுரிமைக் கூட்டமைப்பின் ஒருங்கிணைப்பாளர் தி. வேல்முருகன் இன்று அறிக்கை ஒன்றை வெளியிட்டிருந்தார். கத்தி-லைக்கா பெயர் நீக்க உறுதி படம் பார்த்தபின் போராட்டம் வாபஸ் பெறப்படும் என அறிவிக்கப்பட்டுள்ளது. தமிழர் வாழ்வுரிமைக் கூட்டமைப்பு இதனைத் தொடர்ந்து நடிகர் விஜய்யும் லைக்காவின் பெயர் கத்தி திரைப்படத்தில் நீக்கப்படும் என்று அறிவித்திருந்தார்.   மேலும் திரையரங்க உரிமையாளர்களும் கத்தி திரைப்படம் வெளியிடுவதை உறுதி செய்தனர். இந்நிலையில் சென்னையில் இன்று மாலை தமிழர் வாழ்வுரிமைக் கூட்டமைப்பின் அவசர ஆலோசனைக் கூட்டம் நடைபெற்றது. இந்தக் கூட்டத்தில் கத்தி திரைப்படத்திலும் விளம்பரத்திலும் லைக்கா புரடொக்ஷன்ஸ் பெயரை நீக்க உறுதியளித்து அந்நிறுவனத்தின் கருணாமூர்த்தி உறுதி அளித்த கடிதம் குறித்து விவாதிக்கப்பட்டது.     பின்னர் செய்தியாளர்கள் முன்னிலையில் லைக்காவின் உறுதி மொழி கடிதம், தமிழர் வாழ்வுரிமைக் கூட்டமைப்பில் இடம்பெற்றுள்ள தலைவர்களிடம் கொடுக்கப்பட்டது. இதனைத் தொடர்ந்து செய்தியாளர்களிடம் பேசிய தமிழர் வாழ்வுரிமைக் கூட்டமைப்பின் ஒருங்கிணைப்பாளர் தி. வேல்முருகன், லைக்கா நிறுவனம் தமது பெயரை படத்திலும் விளம்பரங்களிலும் பெயரை நீக்க உறுதி அளித்துள்ளது. கத்தி திரைப்படம் நாளை வெளியாகி அதன் முதல் காட்சியில் லைக்கா நிறுவனத்தின் பெயர் நீக்கப்பட்டுள்ளதா என கண்காணிப்போம். எங்களுக்கு உறுதி அளிக்கப்பட்டபடி லைக்கா பெயர் நீக்கப்பட்டிருந்தால் எங்களது போராட்டத்தை நிறுத்துவோம். அனைத்து திரைப்பட சங்கங்களும் எதிர்காலத்தில் லைக்கா நிறுவனத்துடன் எந்த ஒரு வர்த்தக உறவை வைத்துக் கொள்ளமாட்டோம் என்றும் எங்களுக்கு உறுதி அளித்துள்ளன. லைக்கா நிறுவனத்துடன் வர்த்தக உறவு வைக்கமாட்டோம் என அனைத்து திரைப்பட சங்கங்களும் உறுதிஅளித்துள்ளன என்றார் வேல்முருகன்.     கத்தி படம் ரிலீசாகும் சத்யம், உட்லண்ட்ஸ் திரையரங்குகள் மீது மர்ம நபர்கள் நள்ளிரவில் கல்வீச்சு நடத்தியுள்ளனர்.   நாளை தீபாவளிப் பண்டிகையை முன்னிட்டு நடிகர் விஜயின் கத்தி படம் திரைக்கு வருகிறது. இந்த படத்தின் தயாரிப்பாளர் சிங்களர் என்றும், படத்தில் தமிழ் அமைப்புக்களுக்கு எதிரான சில விஷயங்களும் இடம்பெற்றுள்ளன என்றும் எனவே படத்தைத் திரையிடக் கூடாது என்று பலத்த எதிர்ப்புக் கிளம்பியது. இதற்கிடையில் எதிர்ப்புக் குழுவினருடன் நேற்று இரவு 11 மணி வரை பேச்சுவார்த்தை நடைப்பெற்றது என்றும், பேச்சுவார்த்தையில் உடன்பாடு ஏற்பட்டுள்ளது என்றும் கூறிய தயாரிப்பு நிறுவனம், படம் திட்டமிட்டபடி நாளை ரிலீசாகும் என்றும் தெரிவித்திருந்தது. இதற்கிடையில் நேற்று நள்ளிரவு சத்யம் மற்றும் உட்லண்ட்ஸ் திரையரங்கின் மீது மர்ம நபர்கள் கல்வீச்சு சம்பவம் நடத்தி உள்ளனர்.   பெட்ரோல் குண்டு வீச்சுக்களும் நடைப்பெற்றதாகவும் தெரிய வருகிறது.இதுத் தொடர்பாக பெரியார் திராவிடர் கழகத்தை செத்ர்ந்த 5 நபர்கள் கைது செய்யப்பட்டுள்ளனர் என்று தகவல் வெளியாகியுள்ளது. ஆனால் பெட்ரோல் குண்டு வீசிய நபர்கள் சுமார் 30 பேர் இருக்கலாம் என்றும் தெரிய வருகிறது. இருந்தாலும் போலீஸ் பாதுகாப்புடன் நாளை திட்டமிட்டபடி கத்தி படம் ரிலீசாகும் என்றும் தகவல் வெளியாகியுள்ளது.   செய்திப்பகிர்வு: தமிழ் கிறுக்கன் - பலர்மோ.

மேலும் படிக்கவும் மறுமொழி இல்லை சுதர்சன் 22-10-2014

தங்கைக்காக பாடும் அக்கா.

இந்தியாவின் சூப்பர் ஸ்டார் அமிதாப் பச்சனுடன் தனுஷ், மற்றும் அக்ஷரா ஹாசன் ஜோடி சேர்ந்து நடிக்கின்றனர்.   இந்தப் படத்தில் நடிக்கும் அனுபவம் மிக சிறப்பாக இருக்கிறது என்று தனுஷ் வாய்க்கு வாய் புகழ்ந்து பேசுவது ஒரு புறம் இருக்கட்டும், அக்ஷரா தனுஷைப் பற்றிப் புகழ்ந்து தள்ளி வருகிறாராம். அவருடன் தான் இணைந்து நடிக்கும் காட்சிகளில் உண்மையாக குழந்தையாகத்தான் மாறிப்போவதாக கூறுகிறார் அக்ஷரா. காரணம் தனுஷ் அவரை ஒரு சக கதாநாயக நடிகை போல ட்ரீட் செய்வதே இல்லையாம். மிக அன்பாக அழைப்பதும், சாப்பிட்டியா, இன்றைக்கு ஷூட்டிங் எப்படிப்போனது என்றும் மிக அன்புடன் விசாரிப்பதும் என்று ஒரு குழந்தையிடம் காண்பிக்கும் அக்கறை போல அவரின் நடவடிக்கை உள்ளது என்று கூறியுள்ளார்.   மேலும், அவருடன் நடிக்கும்போது அவர் தமக்கு நடிக்க சொல்லித் தருவார் என்றும் அக்ஷரா கூறியுள்ளார். இந்நிலையில்தான் படத்தில் அக்ஷரா நடிக்கவுள்ள ஒரு பாடலுக்கு சுருதி ஹாசனை படத்தின் இசையமைப்பாளர் அணுகியுள்ளார். உடனடியாக என் தங்கைக்கு நான் பாடாமலா, வாய்ப்புக்கு நன்றி என்று ஓகே சொல்லிவிட்டாராம் சுருதி ஹாசன்.

மேலும் படிக்கவும் மறுமொழி இல்லை சுதர்சன் 21-10-2014

மனிதனை விட முதலில் பாலுறவுகொண்டது மீன்களே.

உயிரினங்களில் பாலுறவின் தொடக்கத்தை விஞ்ஞானிகள் கண்டுபிடித்துள்ளதாகக் கூறியுள்ளனர்.   38 கோடியே 50 லட்சம் ஆண்டுகளுக்கு முன்னதாக வாழ்ந்த ''மைக்ரோபிரக்கியஸ் டிக்கி'' (Microbrachius dicki) என்னும் வகையிலான மீன்களே, முட்டை போடுவதற்குப் பதிலாக முதன் முதலில் பாலுறவின் மூலம் இனப்பெருக்கம் செய்ததாக சர்வதேச விஞ்ஞானிகள் குழு ஒன்று கூறியுள்ளது.   இந்த வகை மீன்களில் ஆண் மீன்களில் காணப்படும் ''L'' போன்ற ஒரு பிற்சேர்க்கை, பெண் மீனின் பின்பகுதியில் எலும்பு போன்ற ஒரு அமைப்புடன் இணைந்துகொள்ளுமாம்.   ஆனால், மீன் பின்னர் மீண்டும் முட்டை போடும் முறைக்கு மாறிவிட்டதாம். ஆனால், அதன் பின்னர் மீண்டும் 50 லட்சம் ஆண்டுகளின் பின்னர் சுறா போன்றவற்றின் மூலம், மீண்டும் உடலுறவு மூலம் இனப்பெருக்க செய்யும் தன்மை வந்துவிட்டதாம்.

மேலும் படிக்கவும் மறுமொழி இல்லை சுதர்சன் 21-10-2014

எது நடந்தாலும் கத்தி லைகா பெயரிலேயே வெளியேறும்.

நாளை மறுநாள் கத்தி வெளியாகிறது. ஒருபக்கம் முன்பதிவு விறுவிறுப்பாக நடக்க, கத்தியை எப்படியும் முடக்குவது என்பதில் சில அமைப்புகள் தீவிரமாக உள்ளன. படத்தை வெளியிடுங்கள், ஆனால் லைகா பெயரில் வெளியிடாதீர்கள் என்று இறங்கி வந்திருக்கிறார்கள் எதிர்ப்பவர்கள். நஷ்டமே வந்தாலும் நாங்க இல்லாமல் கத்தி இல்லை - அடம்பிடிக்கும் லைகா கத்தியின் இணை தயாரிப்பாளர் ஐங்கரன் கருணாமூர்த்தி கமிஷனர் அலுவலகத்துக்கு சென்ற போது இதையேதான் அவரிடமும் வலியுறுத்தியதாக தகவல்கள் தெரிவிக்கின்றன. ஆனால் லைகா பெயரில்தான் கத்தியை வெளியிடுவது என்பதில் லைகா சுபாஷ்கரண் உறுதியாக உள்ளார்.   ஒருவேளை தமிழகத்தில் பிரச்சனைகள் ஏற்பட்டு நஷ்டமே ஏற்பட்டாலும் பரவாயில்லை என்று முடிவெடுத்திருக்கிறார்கள்.  எப்படியும் தீபாவளிக்கு ஒன்றிரண்டு இடங்களிலாவது கத்தி பிரச்சனையை சந்திக்கும் என்றாலும் நஷ்டம் பரவாயில்லை என்கிற தயாரிப்பாளர் இருக்கையில் கத்திக்கோ, அது சம்பந்தப்பட்டவர்களுக்கோ எந்த கஷ்டமும் இருக்கப் போவதில்லை.

மேலும் படிக்கவும் 1 மறுமொழி சுதர்சன் 20-10-2014

படம் வெளியான நேரம் மறைந்திருந்த ஜீவா.

ஒரு ஹீரோ தன் படம் ரிலீஸ் ஆகும் நாளில் சென்னையில் இருப்பதையே அதிகம் விரும்புவார்.   முடிந்தால் தியேட்டர் விசிட். இல்லையென்றால் வீட்டில் இருந்தபடியே நகத்தை பரபரவென கடித்துக் கொண்டு தியேட்டர் நிலவரம் விசாரிப்பது. இந்த ரொட்டீன் படபடப்பிலிருந்து முற்றிலும் விலகி நின்றாராம் ஜீவா. இவர் நடிப்பில் வெளிவந்த ‘யான் ’ திரைப்படம்  வெளிவந்த நாளில் அவர் சென்னையிலேயே இல்லை. கொடைக்கானலுக்கு ஓடிவிட்டார். செல்போனையும் ஆஃப் பண்ணிவிட்டு அமைதியாக இருந்துவிட்டார்.   படம் வெளிவருவதற்கு முன், யான் ஆஹா ஓஹோ.. என்று ஜீவா பரப்புரை செய்ததால் அதை  நம்பி வாங்கிய பலருக்கும் நாமம். அவர்கள் கேட்டால் என்ன பண்ணுவது? என்பது கூட பிரச்சனையில்ல. சக நண்பர்கள், ‘மச்சி... ஒரே நமைச்சல்ப்பா’ என்று காமென்ட் அடித்தே காலி பண்ணிவிடுவார்களே என்கிற உறுத்தலாலும்தான் இந்த ஓட்டமாம். கடந்த பல வருடங்களாகவே இவர் படங்கள் எதுவும் ஓடுவதில்லை.    இருந்தாலும் மார்க்கெட்டில் தில்லாக நின்று படம் வாங்குகிறாரே... அதுதான் எப்படி என்று புரியாமல் புலம்புகிறார்கள் விமர்சகர்கள்

மேலும் படிக்கவும் மறுமொழி இல்லை சுதர்சன் 19-10-2014

நோயாளிகளைக்கொன்று பிணங்களுடன் படம் பிடித்துக்கொண்ட தாதி.

இத்தாலியில் மருத்துவமனை பிணங்களுடன் நின்று புகைப்படம் எடுத்துகொள்ளும் விநோத குணமுள்ள டேனியலா போக்கியலி(42) எனும் பெண் செவிலியரை காவல் துறையினர் கைது செய்துள்ளனர்.   இத்தாலி நாட்டில் உள்ள லூகோ மருத்துவமனையில் செவிலியராக பணிபுரிந்து வருபவர் டேனியலா போக்கியலி(42).  அவர் பணிபுரியும் மருத்துவமனைக்கு, ரோசா என்ற 78 வயது மூதாட்டி உடலில் உள்ள சர்க்கரை அளவைத் தெரிந்து கொள்வதற்காக வந்திருக்கிறார். அப்போது அவருக்கு பொட்டாசியம் கலந்த வீரியமிக்க ஊசிமருந்து ஒன்றை செலுத்தியுள்ளார். இதானால் ரோசாவுக்கு திடீரென மாரடைப்பு ஏற்பட்டுள்ளது. இதற்கு காரணம் டேனியலா செலுத்திய தவறான ஊசி என்பது மருத்துவப் பரிசோதனையின்போது தெரியவந்துள்ளது. தகவலறிந்த காவல்துறையினர் அவரை கைது செய்து சிறையில் அடைத்துள்ளனர். மேலும், டேனியலாவால் இன்னும் எத்தனை பேர் மரணம் அடைந்திருப்பார்கள் என்பது குறித்து விசாரணை நடத்தி வருகின்றனர். இதுவரை இவரால் 38 பேர் மரணம் அடைந்துள்ளது உறுதியாகியுள்ளது.    இது குறித்து மருத்துவமனை ஊழியர் ஒருவர் கூறுகையில், 'போக்கியலி அடிக்கடிப் பிணங்களின் அருகில் நின்று புகைப்படம் எடுக்க சொல்லி என்னிடம் கூறுவார்' என்று கூறியுள்ளார். இம்மருத்துவமனையில் 2014 காலாண்டில் 83 நோயாளிகளில் 38 பேர் இறந்து உள்ளனர். போக்கியலி தினசரி தனது வீட்டில் உள்ள கோபத்தை மருத்துவமனையில் உள்ள நோயாளிகளிடம் காண்பித்திருக்கிறார். சாதாரணப் பரிசோதனைக்கு வரும் நோயாளிகளுக்கு கூட வீரியம் அதிகமான மருந்துகளை ஊசி மூலம் ஏற்றியுள்ளார். இதன் மூலம் பல நோயாளிகளை கொன்றுள்ளதாக விசாரணையில் தெரிய வந்துள்ளது.  

மேலும் படிக்கவும் மறுமொழி இல்லை சுதர்சன் 19-10-2014

கமல் மருத்துவமனையில் அனுமதி.

கமலஹாசன் தற்போது பாபநாசம் படத்தில் நடித்து வருகிறார். இப்படத்தின் படப்பிடிப்புக்கள் நெல்லை மற்றும் தூத்துக்குடியை சுற்றி உள்ள பகுதிகளில் படமாக்கப்பட்டு வருகிறது. மலையாளத்தில் சூப்பர் ஹிட்டான த்ரிஷ்யம் படத்தின் ரீமேக்கான பாபநாசம் படத்தில் வரும் ஒரு சண்டைகாட்சி மட்டும் கேரளாவில் எடுக்கப்படுகிறது.   இதன் சூட்டிங் நேற்று நடைபெற்றது. அப்போது கமலின் மூக்கில் காயம் ஏற்பட்டது. இதன் காரணமாக அவருக்கு மூச்சு திணறல் ஏற்பட்டுள்ளது. இதனையடுத்து அவர் உடனடியாக  மருத்துவமனையி்ல் சிகிச்சைக்காக அனுமதி்க்கப்பட்டார்.   கடந்த சில நாட்களுக்கு முன், கமலஹாசன் புட்பாயிசன் காரணமாக சென்னையில் மருத்துவமனையில் அனுமதிக்கப்பட்டார். பின்னர் அவருக்கு சிகிச்சை அளிக்கப்பட்டு, வீடு திரும்பினார். இந்நிலையில் காயம் காரணமாக அவர் மீண்டும் மருத்துவமனையில் அனுமதிக்கப்பட்டுள்ளது குறிப்பிடத்தக்கது.  

மேலும் படிக்கவும் மறுமொழி இல்லை சுதர்சன் 18-10-2014

வான்வழித்தாக்குதலுக்கு ஆயத்தமாகும் IS தீவிரவாதிகள்.

சிரியாவில் ISIS போராளிகள் வான் வழித் தாக்குதலுக்குத் தயாராகி வருவதாகப் பரபரப்பு செய்திகள் வெளியாகியுள்ளன.   இலண்டனைத் தளமாகக் கொண்டு சிரியாவில் இயங்கும் மனித உரிமைகள் கண்காணிப்பகம் தகவல் தருகையில் வட சிரியாவில் ISIS வசம் 3 யுத்த விமானங்கள் இருப்பதாகவும் ISIS உடன் சமீபத்தில் இணைந்த ஈராக்கிய பைலட்டுக்கள் இவ்விமானங்களைக் கொண்டு எவ்வாறு வான் வழித் தாக்குதலை மேற்கொள்வது என அதன் போராளிகளுக்குப் பயிற்சி அளிக்கத் தொடங்கி விட்டதாகவும் தெரிவிக்கப் பட்டுள்ளது.   ISIS இந்த யுத்த விமானங்களை அலெப்போவுக்கு கிழக்கே அல் ஜர்ராஹ் இராணுவ விமான நிலையத்தில் இருந்து கைப்பற்றியிருப்பதாக சிரிய மனித உரிமைகள் கண்காணிப்பகத்தின் இயக்குனர் ரமி அப்துல்ரஹ்மான் தெரிவித்துள்ளார். எனினும் இத்தகவலை உடனடியாக உத்தியோக பூர்வமாக ராய்ட்டர் செய்தி ஊடகத்தால் உறுதி செய்ய முடியவில்லை என்பதுடன் அமெரிக்க இராணுவத்தின் மத்திய கட்டளைத் துறையும் சிரியாவில் இஸ்லாமிய தேசப் போராளிகள் வசம் யுத்த விமானங்கள் இருப்பதாகத் தமக்குத் தகவல் கிடைக்கவில்லை என்று கூறியுள்ளது. இந்நிலையில் ISIS உடன் இணைந்து விமானப் பயிற்சி அளிக்க முன் வந்த ஈராக்கியர்கள் முன்னால் அதிபர் சதாம் ஹுஸ்ஸைனின் ஆட்சிக்கு முன்னர் பைலட்டுக்களாகக் கடமை ஆற்றிய இராணுவ அதிகாரிகள் எனத் தெரிய வந்துள்ளது. ISIS கைப்பற்றிய யுத்த விமானங்கள் இருந்த தளம் துருக்கியில் இருந்து 70 Km தொலைவில் தான் உள்ளது என்பதுடன் இவர்கள் பயிற்சிக்காக விமானங்களில் பறந்ததை பொது மக்கள் பார்த்திருப்பதாகவும் அப்துல்ரஹ்மான் தெரிவித்துள்ளார். சிரிய இராணுவத்தினரிடம் இருந்து கைப்பற்றப் பட்ட இவ்விமானங்கள் MiG 21 அல்லது MiG 23 மாடல்களாக இருக்கலாம் எனவும் அனுமானிக்கப் பட்டுள்ளதுடன் டுவிட்டர் கணக்கில் இஸ்லாமிய தேசப் போராளிகள் பகிர்ந்திருந்த படங்களில் காணப்படும் ஜெட்டுக்கள் பாவிப்பதற்கு ஏற்றதாக இல்லை என அமெரிக்க இராணுவ வீரர்கள் கூறியிருப்பதும் குறிப்பிடத்தக்கது.   இதேவேளை ஈராக்கின் மேற்கு அன்பார் மாகாணத்தில் ISIS போராளிகள் முற்றுகையை அதிகரித்திருப்பதாகவும் ஃபல்லுஜா இற்கு தெற்கே 15 மைல் வரை நெருங்கி விட்டதாகவும் நேற்று வியாழக்கிழமை அம்மாநில அதிகாரிகள் அறிவித்திருந்தனர். மறுபுறம் சிரிய துருக்கி எல்லையிலுள்ள கொபானே நகரை ISIS கைப்பற்ற விடாமல் அமெரிக்கா மற்றும் கூட்டணி நாடுகள் வான் வழித் தாக்குதலை அதிகரித்துள்ளதும் குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 18-10-2014

கறுப்புப்பண விபரங்களை வெளிவிடுவதாக சுவிஸ் வங்கி அறிவிப்பு.

குறிப்பிட்ட காலவரையறைக்குள் தங்கள் நாட்டு வங்கிகளில் இந்தியர்கள் பதுக்கி வைத்திருக்கும் கறுப்புப்பணம் குறித்த தகவலை அளிக்கிறோம் என்று சுவிற்சர்லாந்து அரசு தெரிவித்துள்ளது.  மத்திய வருவாய்த் துறை அதிகாரி தலைமையில் நேற்று முன்தினம் ஒரு குழு சுவிற்சர்லாந்து புறப்பட்டு சென்றது. அங்கு சென்று அந்நாட்டு நிதித்துறை அதிகாரிகளுடன் இந்தியக் குழு ஆலோசனை நடத்தியது. அப்போது அந்நாட்டு நிதித்துறை அதிகாரிகள் இந்தியாவின் கோரிக்கையை மிக கவனமாக பரிசீலனைக்கு எடுத்துக்கொண்டு இருப்பதாகவும், அதன் படி குறிப்பிட்ட வரையறைக்குள் தங்களது நாட்டு வங்கிகளில் இந்தியர்கள் பதுக்கி வைத்திருக்கும் கறுப்புப் பணம் குறித்த விவரங்களை அளிப்பதாகவும் உறுதி அளித்துள்ளனர். மேலும் தங்களது நாட்டு விதிமுறைகள், சட்ட கோட்பாடுக்களுக்கு உட்பட்டே தகவல்களை அளிக்க முடியும் என்றும் சுவிற்சர்லாந்து நாட்டின் நிதித்துறை அதிகாரிகள் திட்டவட்டமாகக் கூறியுள்ளனர். கடந்த டிசம்பர் மாதம் சுவிற்சர்லாந்து வெளியிட்ட அறிக்கையின்படி அந்நாட்டு வங்கிகளில் இந்தியர்கள் பதுக்கி வைத்திருக்கும் கறுப்புப் பணம் 14 ஆயிரம் கோடி ரூபாய் என்று தகவல் வெளியிட்டு இருந்தது. ஆனால், தற்போது அந்த பணம் மேலும் 42 சதவிகிதமாக அதிகரித்துள்ளது என்றும் அந்நாட்டுத் தகவல்கள் தெரிவிக்கின்றன.

மேலும் படிக்கவும் 4 மறுமொழிகள் சுதர்சன் 18-10-2014

மணிரத்தினம் படத்தை இயக்கும் சிஷ்யன்.

2009ல் குர்பான் படத்தின் மூலம் இயக்குனரானவர் ரென்சில் டி சில்வா. அதற்கு முன்பே இவரது திரைக்கதையில் சில நல்ல படங்கள் வெளியாகியிருந்தன. அதில் முக்கியமானது, ரங் தே பசந்தி. சிறந்த திரைக்கதையாசிரியரான ரென்சில் அடுத்து கரண் ஜோஹருக்காக ஒரு படத்தை இயக்குகிறார். ஒரு பிசினஸ்மேன் எப்படி உயரங்களை எட்டுகிறார் என்பதுதான் படத்தின் மையம்.  மணிரத்னத்தின் குருவை நினைவுப்படுத்தும் இந்தப் படத்தின் திரைக்கதையை ரென்சிலும், மணிரத்னமும் இணைந்து எழுதினார்கள். ரென்சில் அதனை படமாக்கினால் நன்றாக இருக்கும் என்பது மணிரத்னத்தின் எண்ணம். வருடங்கள் உருண்டோடினாலும் 2007 -இல் எழுதிய ஸ்கிரிப்ட் இப்போது திரைவடிவம் பெறப்போகிறது. இது மணிரத்னம் இயக்கும் படம் இல்லை என்றாலும் அவரது வசனங்களின், காட்சிகளை படமாக்கும் விதத்தின் சாராம்சம் இதில் இருக்கும் என ரென்சில் கூறியுள்ளார்.

மேலும் படிக்கவும் மறுமொழி இல்லை சுதர்சன் 17-10-2014

ஒரு நாள் பொலிஸ் கொமிஸனரான 10 வயதுச்சிறுவன்.

மரணத்தை எதிர்நோக்கும் 10 வயது சிறுவனின் ஆசையை நிறைவேற்றும் விதமாக ஹைதராபாத் காவல்துறை, சாதிக் என்ற இந்த 10 வயதுச் சிறுவனை ஹைதராபாத் போலீஸ் கமிஷனர் நாற்காலியில் உட்கார வைத்து சிறுவனின் வாழ்நாள் கனவை நிறைவேற்றியுள்ளனர்.   சாதிக் என்ற இந்த 10 வயதுச் சிறுவன் 'Terminally-ill' நோயாளி ஆவார். டெர்மினலி இல் என்றால் அவருக்கு மரணம் எப்போது வேண்டுமானாலும் சம்பவிக்கும். காரணம் இவருக்கு இருக்கும் நோய்க்கு எந்தவித சிகிச்சையும் பலனளிக்காது என்று முடிவுகட்டப்பட்ட ஒரு நோயாளி ஆவார் அவர்.   சாதிக்கிற்கு இருக்கும் நோய்க்கு மருத்துவத் தீர்வு கிடையாது என்ற செய்தி அவரது குடும்பத்தினருக்கு 5 மாதங்கள் முன்புதான் தெரியவந்துள்ளது. இவர் எம்.என்.ஜே. இன்ஸ்டிட்யூட் ஆஃப் ஆன்காலஜி என்ற அரசு மருத்துவக் கழகத்தில் சிகிச்சை பெற்று வந்தார். பின்னர் சாதிக்கின் தந்தை மொகமது ரஹீமுதீன், விருப்பத்தை நிறைவேற்றுவதற்காகவென்றே செயல்படும் 'மேக் எ விஷ் ஃபவுண்டேஷன்' என்ற அமைப்புடன் தொடர்பு கொண்டு காவல்துறையில் உயர் பதவியாற்ற வேண்டும் என்ற சாதிக்கின் தீராத அவாவை நிறைவேற்ற முடிவு செய்தனர்.   அந்த அமைப்பின் உதவியுடன் ஹைதராபாத் உயர்மட்ட காவல்துறையுடன் தொடர்பு கொண்டு சாதிக்கை ஒருநாள் கமிஷனர் நாற்காலியில் அமரவைக்க முடிவெடுக்கப்பட்டது.   அதனடிப்படையில் நன்றாக இஸ்திரி போடப்பட்ட போலீஸ் சீருடை, பதக்கங்கள், சாதனை பேட்ஜ்கள், பளபளக்கும் ஷூக்கள், தெலங்கானா போலீஸ் என்று பொறிக்கப்பட்ட காவல்துறை பெல்ட் ஆகியவற்றுடன் கமிஷனருக்கேயுரிய மிடுக்குடன் சாதிக் ஹைதராபாத் கமிஷனர் அலுவலகத்திற்கு வந்தார்.   ஒருநாள் கமிஷனர் கையெழுத்திடுவதற்காக கோப்புகள் சாதிக் மேசையில் வைக்கப்பட்டன. ஹைதராபாத் நகர கமிஷனர் எம்.மகேந்தர் ரெட்டி நெகிழ்ச்சியுடன் சாதிக்கை வரவேற்று தனது நாற்காலியில் சிறுவனை உட்காரச் செய்தார். சில மணி நேரங்கள் கமிஷனராக சாதிக் பணியாற்றவும் அனுமதித்தார்.   என்ன செய்ய விரும்புகிறீர்கள் என்று கேட்டதற்கு சாதிக் சட்டென, “நான் ரவுடிகளைப் பிடிப்பேன்” என்றார் உற்சாகமாக. மேலும் நகரை அமைதியாக வைத்திருக்க நடவடிக்கை எடுப்பேன் என்றும், போக்குவரத்து விவகாரங்களை கவனிப்பேன் என்றும் 10 வயது கமிஷனர் கூறி அனைவரையும் அசத்தினார்.   முன்னதாக புதிய கமிஷனரை எப்படி வரவேற்க வேண்டுமோ அத்தகைய சடங்குகளுடன் கமிஷனர் அலுவலகத்தில் சாதிக்கிற்கு வரவேற்பு அளிக்கப்பட்டது. சிறுவன் சாதிக் கமிஷனர் அலுவலக கட்டிடத்தில் நடந்து வந்த போது, 'புதிய கமிஷனரை' காவல்துறை ஊழியர்கள் வரவேற்றனர். அதன் பிறகே கமிஷனர் மகேந்தர் ரெட்டியின் அறையில் அவரது நாற்காலியில் அமர்ந்தார் சாதிக். செய்தியாளர்களிடம் சாதிக் கூறும் போது, “என்னுடைய 3 மாமாக்கள் ராணுவத்தில் சேவை புரிந்து வருகின்றனர். மேலும் இரண்டு பேர் கரீம்நகரில் காவல்துறையில் சேவை செய்து வருகின்றனர்” என்றார்.   மகனின் விதி ஏற்கனவே நிர்ணயிக்கப்பட்டுவிட்ட கசப்பான நிலையில் சற்றே மகிழ்ச்சியடைந்த தந்தை மொகமது ரஹிமுதீன், "எனது மகன் போலீஸ் அதிகாரியாக வரவேண்டும் என்று ஆசைப்பட்டான். ஆனால் வாழ்க்கை அவனை வேறு ஒன்றிற்கு காத்திருக்கச் செய்துள்ளது" என்றார்.   "மரணத்தை எதிர்நோக்கும் சிறுவனின் கனவை நிறைவேற்ற முடிந்தது எங்களுக்கு மன நிறைவை அளிக்கிறது" என்று கமிஷனர் மகேந்தர் ரெட்டி தெரிவித்தார்.

மேலும் படிக்கவும் மறுமொழி இல்லை சுதர்சன் 17-10-2014

தமிழர் பகுதிக்கு வெளிநாட்டவர்கள் செல்ல சிறப்பு அனுமதி தேவை.

தமிழர்கள் அதிகம் வசிக்கும் இலங்கையின் வடக்கு மாகாண பகுதிக்கு செல்ல வேண்டுமானால், வெளிநாட்டுக்காரர்கள் சிறப்பு அனுமதியை பெற வேண்டும் என்று இலங்கை புது உத்தரவு போட்டுள்ளது. இதுகுறித்து இலங்கை ராணுவ செய்தித்தொடர்பாளர் பிரிகேடியர் ருவான் வானிகசூர்யா அளித்த பேட்டி: தேசிய பாதுகாப்பை கருத்தில் கொண்டு, தேசிய பாதுகாப்பு அமைச்சகம் மற்றும் நகர வளர்ச்சி அமைச்சகம் இணைந்து புதிய விதிமுறையை கொண்டுவந்துள்ளன. அதன்படி இலங்கைக்கு வரும் வெளிநாட்டுக்காரர்கள் வடக்கு மாகாணங்களுக்கு பயணப்பட வேண்டுமால் அதற்கு சிறப்பு அனுமதியை பெற வேண்டும். பாஸ்போர்ட்டும் இலங்கை விசாவும் இருப்பதால் எங்கு வேண்டுமானாலும் செல்லலாம் என்று நினைத்துவிடக்கூடாது. வடக்கு மாகாணங்களுக்கு செல்வோர் தாங்கள் எதற்காக அங்கு செல்கிறோம், நோக்கம் என்ன என்பதை தெளிவாக குறிப்பிட்ட பிறகுதான் அனுமதி வழங்க முடியும். எங்கள் நாட்டின் பாதுகாப்புக்கு மிகவும் மோசமான ஆபத்து உள்ளபோது, நாங்கள் பொறுமையாக இருக்க முடியாது. சில வெளிநாட்டுக்காரர்கள், சிறுபான்மை தமிழர்களை குழப்பிவருவதாக எங்களுக்கு தகவல் கிடைத்துள்ளது. இவ்வாறு அவர் தெரிவித்தார். இலங்கையின் இந்த உத்தரவால் வட மாகாணங்கள் தனித்துவிடப்பட்டுள்ளன. பத்திரிகையாளர்களுக்கும் இந்த விதிமுறை பொருந்தும் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 17-10-2014

விஜய், அஜித்தை இயக்க ஹரி தயார்.

விஷால் - சுருதி ஹாசன் நடிக்கும் 'பூஜை' படத்தை இயக்கியுள்ள ஹரி, அடுத்ததாக சூர்யாவுடன் இணையப் போகிறார். விஷால் - சுருதி ஹாசனை வைத்து ஹரி இயக்கியுள்ள படம் 'பூஜை'. தீபாவளியன்று இப்படம் வெளியாகிறது.     இதற்கிடையில் நேற்று சென்னையில் செய்தியாளர்களை சந்தித்து பேசினார். அப்போது அவர் கூறும்போது,"‘பூஜை’ படத்திற்கு பிறகு சூர்யா நடிக்கும் படத்தை இயக்கவிருக்கிறேன். அவரிடம் 2 கதைகள் சொல்லியிருக்கிறேன். அதில் அவர் எதை தேர்வு செய்வார் என்று தெரியவில்லை. இப்படம் ‘சிங்கம்’ படத்தின் மூன்றாம் பாகமாக இருக்குமா? என்பதை இப்போது சொல்லமுடியாது." என்றார்.   அஜித்-விஜயை வைத்து எப்போது படம் இயக்கப் போகிறீர்கள் என்று நிருபர்கள் கேட்டதற்கு, "எனக்கு அனைத்து நடிகர்களுடன் பணியாற்ற ஆசையாக தான் இருக்கிறது. அஜித் மற்றும் விஜய்க்கு என்னிடம் இப்போதும் கதைகள் இருக்கிறது. அவர்கள் சம்மதிக்க வேண்டும், மேலும் அவர்களை வைத்து படம் தயாரிக்க நினைக்கும் தயாரிப்பாளர்கள் என்னை இயக்குனராக்க முடிவு செய்ய வேண்டும்,  இவ்வளவு விஷயங்கள் இருக்கிறது. இவை அனைத்தும் ஒன்றாகி வரும் நேரத்தில் கண்டிப்பாக அவர்களை வைத்து படம் இயக்குவேன், அவர்களை வைத்து படம் இயக்க நான் ரெடியாகத் தான் இருக்கிறேன்." என்று பதிலளித்தார்.

மேலும் படிக்கவும் மறுமொழி இல்லை சுதர்சன் 16-10-2014

விடுதலைப்புலிகள் மீதான தடை தற்காலிகமாக நீக்கம்.

விடுதலைப்புலிகள் அமைப்பை பயங்கரவாதப் பட்டியலில் சேர்க்கப்படுவதில் கையாளப்பட்டிருந்த நடைமுறையில் தவறுகள் இருக்கின்ற காரணத்தால், இந்த முடிவை எடுத்துள்ளதாக நீதிமன்றம் தெரிவித்துள்ளது.   விடுதலைப்புலிகள் அமைப்பு பயங்கரவாத அமைப்பு என்று இந்தியாவில் அறிவிக்கப்பட்டிருந்த முடிவின் அடிப்படையில் ஐரோப்பிய கவுன்சில் முடிவெடுத்திருந்ததாகவும், அது முறையல்ல என்றும் நீதிமன்றம் குறிப்பிட்டுள்ளது. எனவே ஒரு மூன்று மாத காலத்தில் விடுதலைப் புலிகள் அமைப்பை பயங்கரவாதப் பட்டியலில் வைத்திருப்பது பற்றி ஐரோப்பிய கவுன்சில் மறுபடியும் பரிசீலித்து புதிதாக முடிவெடுக்க வேண்டும் என நீதிமன்றம் கூறியுள்ளது.   இடைப்பட்ட காலத்தில் பயங்கரவாத அமைப்புகளின் பட்டியலில் விடுதலைப் புலிகள் அமைப்பின் பெயர் நீடிக்கவே செய்யும் என்றும், அது நீக்கப்படவில்லை என்றும் நீதிமன்றம் குறிப்பிட்டுள்ளதாக ஐரோப்பிய நீதிமன்றத்தின் ஊடகத்துறை அதிகாரியான கிறிஸ்டஃபர் ஃப்ரெட்வெல் பிபிசியிடம் தெரிவித்தார். விடுதலைப் புலிகள் அமைப்பு ஒரு பயங்கரவாத அமைப்பா என்ற கேள்வியை ஹேக்கில் இருக்கின்ற நீதிமன்றம் பரிசீலித்திருக்கவில்லை என அவர் சுட்டிக்காட்டினார்.   மேலும் விடுதலைப் புலிகள் அமைப்பு உள்நாட்டு யுத்தத்தில் ஈடுபட்ட ஒரு அமைப்புதானே தவிர சர்வதேச சட்டங்களின் மூலம் அதனை பயங்கரவாத அமைப்பாக வரையறுக்க முடியாது என அந்த அமைப்பின் சார்பாக முன்வைக்கப்பட்ட வாதத்தையும் நீதிமன்றம் நிராகரித்திருந்தது என கிறிஸ்டஃபர் குறிப்பிட்டார்.   ஐரோப்பிய ஒன்றிய நீதிமன்றத்தின் தீர்ப்பின் ஆங்கிலப்பிரதி இங்கே, இவ்வசனத்தை அழுத்தவும்.

மேலும் படிக்கவும் 4 மறுமொழிகள் சுதர்சன் 16-10-2014

அசைவத்தை தவிர்க்கும் ஜெயலலிதா தொண்டர்கள்.

வரும் 17ம் தேதியில் இருந்து ஜெயலலிதாவுக்கு நல்ல காலம் துவங்குவதாகவும், அவர் விடுதலையாக அதிமுகவினர் அசைவம் சாப்பிடாமல் இருக்க வேண்டும் என்றும் ஜோதிடர் தெரிவித்துள்ளார். பெங்களூர் சிறையில் இருக்கும் ஜெயலலிதா விடுதலையாக அதிமுகவினர் பல்வேறு பூஜைகள், யாகங்கள் நடத்துவதுடன் மொட்டை போடுவது, பால்குடம் எடுப்பது, காவடி எடுப்பதுமாக உள்ளனர். இந்நிலையில் ஜெயலலிதாவின் விடுதலை குறித்து பிரபல ஜோதிடர் ஷெல்வி கூறியுள்ளனர்.

மேலும் படிக்கவும் மறுமொழி இல்லை சுதர்சன் 16-10-2014

காதல் கதைகளை வெறுக்கும் நயன்தாரா.

நடிகை நயன்தாரா இப்போது ஆக்ஷன் படங்களில் நடிக்கவே விரும்புகிறாராம். வழக்கமான காதல் கதை சம்பந்தமான படங்களில் நடிக்க மறுக்கிறாராம். சகநடிகையான அனுஷ்கா, வரலாற்று கதையம்சம் உள்ள படங்களில் நடித்து வருகிறார். ‘ருத்ரமாதேவி’, படத்தில் ராணி வேடத்தில் நடிக்கிறார். வாள் சண்டை, குதிரையேற்றம் பயிற்சிகள் எடுத்து ஆக்ஷனிலும் இப்படத்தில் கலக்குகிறார். இதேபோல் ‘பாகுபலி’ என்ற சரித்திர படத்திலும் நடிக்கிறார். இந்த படங்கள் கதாநாயகிக்கு முக்கியத்துவம் அளிக்கும் கதையம்சம் கொண்டவையாகும். நயன்தாராவுக்கும் வழக்கமான காதல் படங்களில் நடித்து அலுத்துவிட்டதாம். விஜய்சாந்தி போல் ஆக்ஷன் படங்களில் நடிக்க கதை தேடுகிறார். இதுபோல் சரித்திர கதையம்சம் உள்ள படங்களில் நடிக்கவும் ஆர்வப்படுகிறார்.

மேலும் படிக்கவும் 1 மறுமொழி சுதர்சன் 15-10-2014

இலங்கையிலிருந்து மீன் இறக்குமதியை தடைசெய்யும் ஐஒ.

சர்வதேச ரீதியில் சட்டவிரோதமான வகையில் மீன்பிடித்தொழிலை எதிர்த்து போராடும் நடவடிக்கையின் ஒரு பகுதியாக இலங்கையிலிருந்து மீன்களை இறக்குமதி செய்வதற்கு தடை விதிக்கும் பிரேரணையொன்றை ஐரோப்பிய ஒன்றியம் நேற்று செவ்வாய்க்கிழமை முன்வைத்துள்ளது.  சட்டவிரோதமான வகையில் இடம்பெறும் மீன்பிடி நடவடிக்கைகளை இலங்கை நிறுத்த வேண்டுமென்று நான்கு ஆண்டுகளாக தீவிரமான பேச்சுவார்த்தைகள் இடம்பெற்ற போதிலும், அதை தடுத்து நிறுத்த இலங்கை காத்திரமான முன்னெடுப்புகளைச் செய்யவில்லை என்று ஐரோப்பிய ஒன்றியம் குற்றஞ்சாட்டியுள்ளது. சர்வதேச நெறிமுறைகளுக்கு அமைய மீன்பிடித் தொழிலில் ஈடுபடாத நாடுகளில் இருந்து மீன்களை இறக்குமதி செய்வதில்லை எனும் கொள்கையில் ஐரோப்பிய ஒன்றியம் உறுதியுடன் செயல்படுகிறது. இதேவேளை இலங்கையுடன் சேர்ந்து இவ்வகையிலான மீன்பிடியை தடுத்து நிறுத்த வேண்டும் என்று எச்சரிக்கை விடுக்கப்பட்ட பெலீஸ், ஃபிஜி, பனாமா, டோகோ மற்றும் வனுவாட்டூ ஆகிய நாடுகள் வெற்றிகரமாக இப்பிரச்சினையை கையாள நடவடிக்கைகளை எடுத்துள்ளன என்றும் ஐரோப்பிய ஒன்றியத்தின் செய்திக் குறிப்பு தெரிவித்துள்ளது. கடுமையான தமது கொள்கைகள் பலனளிக்கத் தொடங்கியுள்ளன என்று கூறும் ஐரோப்பிய ஒன்றியத்தின் கடற்சார் விவகாரங்களுக்கு பொறுப்பான ஆணையாளர் மரியா தமான்கி, சட்டவிரோத மீன்பிடிகளைத் தடை செய்யுமாறு எச்சரிக்கை விடுக்கப்பட்ட ஐந்து நாடுகள் தமது பாராட்டுகளைப் பெறும் அதேநேரம், துரதிஷ்டவசமாக இலங்கை அப்படியான பாராட்டை பெறமுடியாத நிலையில் உள்ளது என்று பி.பி.சி.யிடம் தெரிவித்துள்ளார். கடந்த 2012 ஆம் ஆண்டு நவம்பர் மாதமே சட்டவிரோதமான மீன்பிடித் தொழிலை கட்டுப்படுத்துவது குறித்த தமது கவலைகள் இலங்கைக்கு தெரிவிக்கப்பட்டிருந்த போதிலும், அதை நீக்குவது தொடர்பில் போதிய நடவடிக்கைகள் எடுக்கப்படவில்லை என்றும் ஐரோப்பிய ஒன்றியத்தின் ஆய்வு தெரிவிக்கிறது என்று அந்தச் செய்திக் குறிப்பில் கூறப்பட்டுள்ளது. உரிய அனுமதியின்றி ஆழ்கடலுக்கு சென்று மீன்பிடிக்கும் படகுகளைத் தடுத்து நிறுத்துவது அப்படியான தொழிலை நெறிமுறைப்படுத்தி கட்டுக்குள் கொண்டுவருவது, சர்வதேச மீன்பிடிச் சட்டங்களுக்கு உட்பட்டு தொழிலைச் செய்வது ஆகியவை தொடபில் நடவடிக்கை எடுக்காதது இலங்கையின் பலவீனத்தைக் காட்டுகிறது என்று ஐரோப்பிய ஒன்றியம் கூறுகிறது. இப்படியான காரணங்களாலேயே இலங்கை படகுகளால் பிடிக்கப்படும் மீன்களுக்கு தடை விதிக்க வேண்டிய நிலைப்பாட்டை தாங்கள் எடுக்க வேண்டிய நிலை ஏற்பட்டது என்று ஐரோப்பிய ஒன்றியம் கூறுகிறது. எனினும், வர்த்தக நடவடிக்கைகளை பாதிக்காத வகையில் இந்தத் தடை அடுத்த ஆண்டு ஜனவரி மத்தியிலிருந்து அமலுக்கு வரும் எனவும் அறிவிக்கப்பட்டுள்ளது.

மேலும் படிக்கவும் மறுமொழி இல்லை சுதர்சன் 15-10-2014

சுப்ரமணிய சுவாமியிடம் 100 கோடி இழப்பீடு கேட்கும் மீனவன்.

சுப்பிரமணியன் சுவாமியிடம் ரூ. 100 கோடி இழப்பீடு கேட்டு, சென்னை எழும்பூர் நீதிமன்றத்தில் மீனவர் ஒருவர் மனு தாக்கல் செய்தார்.   சென்னை நொச்சிகுப்பத்தைச் சேர்ந்த மீனவர் கே.சி.குப்பன். இவர், எழும்பூரில் உள்ள சென்னை பெருநகர முதன்மை குற்றவியல் நடுவர் மன்றத்தில திங்கள்கிழமை ஒரு மனு தாக்கல் செய்தார்.   அந்த மனுவில் கூறியிருப்பதாவது:- "இலங்கை கடற்படை தொடர்ச்சியாக தமிழக மீனவர்களின் படகுகளைச் சேதப்படுத்தியும், கைப்பற்றியும் வருகிறது. இந்த நிலையில், தனியார் தொலைக்காட்சிக்கு ஒன்றுக்கு அண்மையில் பேட்டியளித்த சுப்பிரமணியன் சுவாமி, இலங்கை அரசிடம் தான் கூறிய பின்னர், அந்நாட்டு கடற்படையினர் தமிழக மீனவர்களின் படகுகளைச் சேதப்படுத்துவதாகவும், கைப்பற்றுவதாகவும் தெரிவித்தார்.   எனவே, இலங்கை கடற்படை சேதப்படுத்தி, கைப்பற்றிய 102 தமிழக மீனவர்களின் படகுகளுக்கு இழப்பீடாக ரூ. 100 கோடியை சுப்பிரமணியன் சுவாமி தருவதற்கு நீதிமன்றம் உத்தரவிட வேண்டும்'' என்று அந்த மனுவில் குறிப்பிட்டிருந்தது.

மேலும் படிக்கவும் மறுமொழி இல்லை சுதர்சன் 15-10-2014

உதட்டுக்குள் மிகப்பெரிய கோப்பை.

உல­கி­லேயே உதட்­டுக்குள் மிகப்பெரிய தட்­டொன்றை உட்­செ­லுத்­திய பெண் தென் எதி­யோப்­பிய பள்­ளத்­தாக்கு பிராந்­தி­யத்தில் வாழ்­வது கண்­ட­றி­யப்­பட்­டுள்ளது.   எதி­யோப்­பி­யா­வுக்கு ஆவ­ணப்­ப­ட­மொன்றை எடுக்கச் சென்ற ஆஸ்திரேலியத் திரைப்­பட தயாரிப்­பாளர் ஆபி­ரஹாம் ஜொபி தலை­மை­யி­லான குழு­வினர் இந்தப் பெண்ணை முதன் முதலாக கண்­டு­பி­டித்துள்­ளனர்.   அதயி எலி­கி­டக்னி (20 வயது) என்ற அந்தப் பெண் 59.5 சென்டி மீட்டர்  சுற்­ற­ளவும் 19.5 சென்டி மீட்டர் விட்­டமும் கொண்ட இறு­கிய களிமண் தட்டை தனது உதட்­டுக்குள் உட்­செ­லுத்­தி­யுள்ளார்.   எதி­யோப்­பி­யாவில் மேற்­படி உதட்­டுக்குள் களிமண் தட்டை உட்­செ­லுத்தும் பாரம்­ப­ரியம் 1896 ஆம் ஆண்­டுக்கு முன்­பி­ருந்து வழக்­கத்தில் உள்­ளது. தமது கண­வர்மாரை கவர்­வ­தற்­கான வழிமுறையாக இந்த வழக்­கத்தை எதி­யோப்­பிய பெண்கள் கடைப்­பி­டித்து வரு­கின்­றனர்.   உதட்டில் களிமண் தட்­டு­களை உட்­செ­லுத்­து­வ­தற்கு அந்­நாட்டு அர­சாங்கம் தடை விதித்­துள்ள போதும், பின்தங்­கிய பிராந்­தி­யங்­களில் அந்த வழக்கம் தொடர்ந்து பின்­பற்­றப்­பட்டு வரு­கி­றது. இதற்கு முன் உதட்­டுக்குள் உட்செலுத் தப்பட்ட மிகப் பெரிய தட்டின் விட்டம் 15 சென்டி மீட்டர் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 14-10-2014

கத்திப்பாடல் ஆங்கிலப்பாடலின் பிரதி.

ஒருகாலத்தில் சினிமாவுக்கு இசையமைப்பது என்பது மிகப்பெரிய விஷயமாக இருந்தது. இன்றைக்கு நிலைமை தழைகீழாகிவிட்டது. ஒரு கீபோர்டும், கம்ப்யூட்டரும் இருந்தால் போதும்.. யார் வேண்டுமானாலும் இசையமைப்பாளர்கள் ஆகிவிடலாம் என்ற சூழல் உருவாகிவிட்டது. டிஜிட்டல் சினிமா, சில லட்சங்களில் படம் எடுப்பது போன்ற காரணங்களால் புதுமுக இசையமைப்பாளர்களுக்கு சுலபமாக வாய்ப்பு கிடைத்துவிடுகிறது. அப்படி வாய்ப்பு கிடைக்கும்போது தங்கள் திறமையை நிரூபித்தவர்கள் வெற்றி பெறுகிறார்கள்.   அனிருத், சந்தோஷ் நாராயணன் போன்ற இசையமைப்பாளர்கள் இப்படி வந்தவர்கள்தான். வெற்றியடைவதற்கு முன் வெறித்தனமாக வேலை பார்ப்பவர்கள் வெற்றியடைந்த பிறகு மூளைக்கு வேலை கொடுக்க மறந்துவிடுகிறார்கள். சமீபத்தில் இளம் இசையமைப்பாளர்கள் தங்களின் சரக்கு என்று இசையமைத்த பல பாடல்கள், பல மியூஸிக் டிராக்குகள் வெளிநாட்டு ஆல்பங்களில் இருந்து திருடப்பட்டவை என்று இணையதளங்களில் ஆதாரபூர்வமாக அம்பலப்படுத்தப்பட்டு வருகிறது. இப்படி கையும் களவுமாக சமீபத்தில் மாட்டி இருப்பவர் அனிருத். ஏற்கனவே ஆண்டரியாவுக்கு லிப்லாக் கொடுத்ததை வெட்டவெளிச்சமாக்கியதும் இணையதளங்கள்தான். இதோ இப்போது கத்தி படத்தின் டீசருக்கு அனிருத் அமைத்த இசை எங்கிருந்து சுடப்பட்டது என்பதையும் அம்பலப்படுத்தி இருக்கிறது. டிவிபிபிஎஸ் - டோனி ஜூனியர் (DVBBS & Tony Junior )இருவரும் இணைந்து உருவாக்கிய இம்மார்டல் (Immortal )என்ற மியூஸிக் ஆல்பத்திலிருந்து சுட்டிருக்கிறார் அனிருத்.   சந்தேகம் இருந்தால் க்ளிக் பண்ணிப்பாருங்க... DVBBS & Tony Junior-யின் Immortal ஆல்பத்திலுள்ள பாடலை கீழே பாருங்கள்.         

மேலும் படிக்கவும் மறுமொழி இல்லை சுதர்சன் 14-10-2014

அரை லட்சம் பவுண்டுகளை செலவழிக்கும் குடிகாரர்.

சமீபத்தில் ஓர் தொண்டு நிறுவனம் நடத்திய கருத்துக் கணிப்பில் பிரிட்டனில் சராசரி நபர் ஒருவர் தனது வாழ்நாளில் அல்கொஹொலுக்காக செலவழிக்கும் தொகை குறைந்தது 50 000 பவுண்ட்ஸ் எனக் கணிப்பிடப் பட்டுள்ளது. மேலும் ஏனைய பாகங்களை விட லண்டனில் மதுபானம் அருந்துபவர்கள் அதிகம் என்றும் தெரிவிக்கப் பட்டுள்ளது. மக்மில்லன் புற்றுநோய் எதிர்ப்பு அறக்கட்டளையான இவ்வமைப்பு 18 வயதுக்கு மேற்பட்ட 2000 பேரிடம் மேற்கொண்ட திறந்த கருத்துக் கணிப்பில் ஒவ்வொரு பிரிட்டன் குடிமகனும் 787 பவுண்டுக்கள் மதுபானத்துக்காக ஒவ்வொரு வருடமும் சராசரியாக செலவழிக்கின்றனர் எனக் கண்டு பிடித்துள்ளது. இதில் ஆண்கள் செலவழிக்கும் தொகை 934.44 பவுண்டுக்கள் என்றும் பெண்கள் செலவழிக்கும் தொகை 678.60 பவுண்டுக்கள் என்றும் கூடத் தெரிவிக்கப் படுகின்றது. மேலும் இவ்வருடம் ஆக்டோபரில் மது அருந்துவதை நிறுத்தி சுகாதார நண்மைகளைப் பெறுவது மட்டுமல்லாமல் உழைக்கும் பணத்தை சேமிக்கவும் அதன் மூலம் புற்று நோய் தடுப்பு தொண்டு நிறுவனங்களுக்கு உதவுவதற்கு முன்வருமாறும் மக்மில்லன் புற்றுநோய்த் தடுப்பு தொண்டு நிறுவனம் தான் கருத்துக் கணிப்பு மேற்கொண்ட மக்களுக்கு அழைப்பு விடுத்துள்ளது. இங்கிலாந்தின் பிரதான மருத்துவ அலுவலர் டாமே சல்லி டாவியெஸ் கருத்துத் தெரிவிக்கையில் மது அருந்துவது சமூகத்துக்கும் சுகாதாரத்துக்கும் கேடு விளைவிக்கக் கூடியது என்பது ஒரு புறம் இருக்க வியாபாரிகள் அல்கொஹொல் பானங்களை விற்பதற்கான விளம்பர உத்திகளை மிகவும் பொறுப்பற்ற முறையில் பயன்படுத்தி வருகின்றனர் என குற்றம் சுமத்தியுள்ளதும் குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 14-10-2014

காமவுணர்வை காலியாக்கும் முறை கண்டுபிடிப்பு.

மூளையில் இருக்கும் நியூரான்களில், உடலில் சுரக்கும் ஆக்ஸிடோக்ஸின் என்ற ஹார்மோனுக்கு ஏற்ப மாறுகின்ற ஒரு சில நியூரான்கள்தான் ஒருவரது பாலுணர்வைக் கட்டுப்படுத்துகின்றன என்பதை எலிகளில் ஆய்வு நடத்தி விஞ்ஞானிகள் கண்டறிந்துள்ளனர்.   'காதல் ஹார்மோன்' என்றே சொல்லப்படுகின்ற ஆக்ஸிடோஸின்கள்தான் பாலுணர்வு வழிந்தோடும் வேளைகளில் ஒருவரது நடவடிக்கைகளை செயல்பாடுகளை கட்டுப்படுத்துகிறது என்பது நமக்கு ஏற்கனவே ஓரளவுக்கு தெரிந்த விஷயம்தான். அப்படியிருக்க ஆக்ஸிடோஸினால் ஆட்கொள்ளப்படுகின்ற மூளையின் உயிரணுத் தொகுதியை எலிகளில் செயலிழக்கச் செய்து விஞ்ஞானிகள் ஆராய்ந்தபோது, ஒரு ஆண் எலிக்கு ஒரு கட்டையைப் பார்ப்பதும் கூடத் தயாராகவுள்ள ஒரு பெண் எலியைப் பார்ப்பதும் ஒன்றாக இருந்திருக்கிறது. அதாவது இவ்விரண்டைப் பார்க்கும்போதும் அதன் மூளையில் ஏற்படும் உணர்வு ஒரே மாதிரியாக இருந்திருந்தது என விஞ்ஞானிகள் செல் என்ற அறிவியல் சஞ்சிகையில் தெரிவித்துள்ளனர்.   ஆண்களுக்கு மட்டும்தான் என்றில்லை, பெண் எலிகள் துணை தேடும் பருவத்திலும், இந்த நியூரான்களைக் கட்டுப்படுத்திவிட்டால் அவை பாலுறவில் நாட்டம் கொள்வதே இல்லையாம். ஆக இந்த நியூரான்களை கட்டுப்படுத்திவிட்டால், அல்லது ஆக்ஸிடோஸின் சுரப்பதை கட்டுப்படுத்திவிட்டால், காமம் காலியாகிவிடும் எனத் தெரிகிறது.   இந்த ஆய்வின் முடிவுகள் சிறப்பம்சம் வாய்ந்தவை ஏனென்றால், மிகக் குறைந்த அளவில் இருக்கும் இந்த நியூரான்களுக்கு இத்தனை வல்லமை இருப்பது இப்போதுதான் விளங்குகிறது என இந்த ஆய்வில் பங்காற்றிய நியூயார்க் ராக்ஃபெல்லர் பல்கலைக்கழகத்தின் நதானியல் ஹெய்ன்ஸ் கூறுகிறார்.   மூளையின் மேற்பரப்பில் முன்பகுதியில் ப்ரிஃப்ரண்டல் கார்ட்டெக்ஸ் என்று சொல்லப்படும் இடத்தில் ஆக்ஸிடோஸின் வயப்படும் இந்த நியூரான்கள் அமைந்திருக்கின்றன. ஒருவரது குணாதிசயம், நமது கற்கும் ஆற்றல், நமது சமூக நடத்தை போன்றவற்றைக் கட்டுப்படுத்தும் மூளைப் பகுதி இது. அதேபோல ஒரு பெண் பிள்ளை பெற்றவுடன் தான் பெற்ற பிள்ளை மீது அவருக்கு ஏற்ப்படும் பாசத்துக்கும் பிணைப்புக்கும் பின்னால் இருப்பதும் ஆக்ஸிடோஸின் ஹார்மோன்கள்தான்.   நியூரான்கள் ஒன்றுடன் ஒன்று தகவல் பரிமாறிக்கொள்ளும் பாலமாக ஆக்ஸிடோஸின்கள் செயல்படுவதை இந்த ஆய்வு நிரூபித்துள்ளது.  

மேலும் படிக்கவும் மறுமொழி இல்லை சுதர்சன் 13-10-2014

மாரீசனில் நடிக்கும் விஜய்.

கத்தி படத்திற்குப் பிறகு சிம்புதேவன் இயக்கத்தில் நடிக்கவிருக்கிறார் விஜய்.  இப்படத்தில் விஜய்க்கு ஜோடியாக ஸ்ருதிஹாசனும், ஹன்சிகா மோத்வானியும் நடிக்கின்றனர்.    நான் ஈ புகழ் சுதீப்பும், நடிகை ஸ்ரீதேவியும் முக்கிய வேடங்களில் நடிக்கும் இப்படத்தை விஜய்யின் பி.ஆர்.ஓ.வான பி.டி.செல்வகுமாரும்,  தமிழ்ப்படங்களை கேரளாவில் வெளியிடும் விநியோகஸ்தரான தமீன் ரிலீஸ் நிறுவனத்தின் ஷிபுவும் இணைந்து தயாரிக்கிறார்கள்.    இப்படத்துக்கு தேவி ஸ்ரீ பிரசாத் இசையமைக்கிறார்.  100 கோடி ரூபாய் பட்ஜெட்டில் உருவாகும் இப்படத்திற்கு இதுவரை அதிகாரபூர்வமாக டைட்டில் அறிவிக்கப்படவில்லை.  இந்நிலையில், இப்படத்திற்கு மாரீசன் என்ற தன் பழைய டைட்டிலை இயக்குனர் சிம்புதேவன் சூட்டி இருப்பதாக ஒரு தகவல் அடிபடுகிறது.    2011 ல் தனுஷை வைத்து இயக்கவிருந்த படத்திற்காக மாரீசன் என்ற இந்த டைட்டிலை பதிவு செய்து வைத்திருந்தார் சிம்புதேவன். அதை தற்போது பயன்படுத்த இருக்கிறாராம்.

மேலும் படிக்கவும் மறுமொழி இல்லை சுதர்சன் 13-10-2014

கனடாவில் எரிபொருள் விலை குறைவு.

கனடாவில் எண்ணெய் விலை மிக வேகமாக குறைந்து வருகின்றது என தெரிவிக்கப்படுவதால் கனடிய எண்ணெய் உற்பத்தி செய்யும் கனடிய மாகாணங்களிற்கு இது நல்ல செய்தியாக இருக்க முடியாது. ஆனால் இந்த வார இறுதி நாட்களிலும் அதனை தொடர்ந்து வரும் நாட்களிலும் எரிபொருள் விலை குறையும் என எதிர்பார்க்கலாம் என கூறப்படுவதால்  இது கனடிய நுகர்வோர்களிற்கு நல்ல செய்தியாக அமையும். பிரென்ட் கச்சா எண்ணெய் பீப்பா ஒன்றின் விலை சந்தையில் 90-யுஎஸ் டொலர்களிற்கும் குறைவாக வீழ்ச்சியடைந்துள்ளது. மேற்கத்திய கனடிய எண்ணெய் பிரனெட் கச்சா எண்ணெயை விட குறைந்தது வெள்ளிக்கிழமை பீப்பா ஒன்று 81-டொலர்கள் வரையில் மட்டுமே விற்கப்பட்டுள்ளது.   இந்த விலை வீழ்ச்சி எரிபொருள் விலையில் பெரிய விளைவை ஏற்படுத்தி உள்ளது. எரிபொருள் விலை கடந்த இரு வாரங்களில் லிட்டர் ஒன்றிற்கு 14-சதங்கள் வரை குறைந்துள்ளதாக TGPT [TomorrowsGasPriceToday ]அறிக்கை மூலம் தெரியவந்துள்ளது.

மேலும் படிக்கவும் மறுமொழி இல்லை சுதர்சன் 13-10-2014

ரௌடியாக நடிக்கும் பவர் ஸ்டார்.

வடசென்னையை மையப்படுத்தி ஆக்கம் என்ற படத்தை இயக்கி வருகிறார் ஞானசம்பந்தம். இவர் களஞ்சியத்தின் உதவி இயக்குனர். சென்னையில் நடந்த உண்மைச் சம்பவத்தை அடிப்படையாக வைத்து இப்படம் தயாராகிறது.   சதீஷ் ராகவன் நாயகனாகவும், மலையாள நடிகை வைதேகி நாயகியாகவும் நடிக்கும் இந்தப் படத்தில் நடிகர்கள் ரஞ்சித், தருண்குமார் உள்ளிட்டவர்களும் நடிக்கிறார்கள். ஜெயிலில் ரவுடியாக உருவாகும் கதாபாத்திரம் பவர் ஸ்டார் சீனிவாசனுக்கு. காமெடியனாக இருந்த இவர் முதல்முறையாக ரவுடியாகியிருக்கிறார்.    வடசென்னையை மையப்படுத்திய கதை என்பதால் ராயபுரம், எண்ணுnர், புளியந்தோப்பு, வியாசர்பாடி பகுதிகளில் படப்பிடிப்பை நடத்தி வருகின்றனர். ஸ்ரீகாந்த் தேவா இசையமைத்துள்ளார்.

மேலும் படிக்கவும் மறுமொழி இல்லை சுதர்சன் 12-10-2014

மதுபான விலை மீண்டும் அதிகரிப்பு.

மதுபானங்களின் விலை நேற்றுமுன்தினம் வெள்ளிக்கிழமை நள்ளிரவு முதல் அமுலுக்கு வரும் வகையில் அதிகரிக்கப்பட்டுள்ளதாக மதுவரித்திணைக்களம் அறிவித்துள்ளது.    புதிய விலை அதிகரிப்பின்படி, ஐந்து சதவீதத்துக்கும் கூடிய மதுசாரம் அடங்கிய ஒரு லீற்றர் பியரின் விலை 15 ரூபாவாலும், ஐந்து சதவீதத்துக்கும் குறைவான மதுசாரம் அடங்கிய ஒரு லீற்றர் பியரின் விலை 10 ரூபாவாலும் அதிகரிக்கப்பட்டுள்ளது. இதேவேளை, ஏனைய சாராய வகைகள் 90 ரூபாவால் அதிகரிக்கப்பட்டுள்ளது. கடந்த வெள்ளிக்கிழமை முதல் சிகரெட்டுக்களின் விலை 2 ரூபாவினால் அதிகரிக்கப்பட்டிருந்தது சுட்டிக்காட்டத்தக்கது.   

மேலும் படிக்கவும் மறுமொழி இல்லை சுதர்சன் 12-10-2014

அஜோத்தியில் ராமர் கோயில் கட்டுவதில் உறுதி.

மத்தியில் பாஜக தனிப் பெரும்பான்மை பெற்று ஆட்சி அமைத்துள்ளதால், அயோத்தியில் ராமர் கோயில் கட்டும் முடிவில் எந்தவித மாற்றமும் இல்லை என்று மத்திய அமைச்சர் உமாபாரதி கூறியுள்ளார். மராட்டிய மாநிலத்தில் தேர்தல் பிரச்சாரம் மேற்கொண்டுள்ள உமாபாரதி செய்தியாளர்களை சந்தித்தார். அப்போது சிவசேனா கட்சியின் தலைவர் ராஜ்தாக்கரே, மற்றும் அதிலிருந்து பிரிந்த தொழமைக் கட்சியின் தலைவர் இருவரும் எனக்கு சகோதரர்கள் போன்றவர்கள். எனவே, தேர்தல் பிரச்சாரத்தில் இருவரையும் எந்தவிதக் குற்றமும் சொல்லி பிரச்சாரம் செய்யப் போவதில்லை என்று திட்டவட்டமாகக் கூறியுள்ளார் உமாபாரதி.   அத்தோடு, அயோத்தியில் பாஜக ஆட்சியில் ராமர் கோயில் கட்டியே தீருவோம் என்கிற முடிவில் எந்தவித மாற்றமுமில்லை என்று கூறியுள்ளார். மேலும் மத்தியில் பாஜக தனிப் பெரும்பான்மையுடன் ஆட்சி அமைத்து இருப்பதால் அயோத்தியில் ராமர் கோயில் கட்டுவது என்பது கண்டிப்பாக நிறைவேறும் என்று உறுதியுடன் கூறியுள்ளார் உமாபாரதி.  

மேலும் படிக்கவும் மறுமொழி இல்லை சுதர்சன் 12-10-2014

மௌன ராகம் படத்தை ரீமேக் பண்ணும் மணிரத்தினம்.

மணிரத்னம் கடைசியாக எடுத்த கடல் படம் கடந்த வருடம் வந்தது. அதன் பிறகு புது பட வேலைகளில் இறங்காமல் இருந்தார். தற்போது நீண்ட இடைவெளிக்கு பிறகு மீண்டும் படம் எடுக்கும் பணியில் தீவிரமாகியுள்ளார். நடிகர், நடிகைகள் தேர்வு நடக்கிறது. கதாநாயகனாக மலையாள சூப்பர் ஸ்டார் மம்முட்டியின் மகன் துல்கர் சல்மான் தேர்வாகியுள்ளார். நாயகியாக நித்யாமேனன் ஒப்பந்தமாகியுள்ளார். நித்யாமேனன் ஏற்கனவே தமிழில் மாலினி 22 பாளையங்கோட்டை, வெப்பம், நூற்றி எண்பது உள்ளிட்ட படங்களில் நடித்துள்ளார். தெலுங்கு, மலையாள பட உலகிலும் முன்னணி நடிகையாக இருக்கிறார். இவர்களுடன் பிரகாஷ் ராஜும் முக்கிய கேரக்டரில் நடிக்க ஒப்பந்தமாகியுள்ளார். மணிரத்னம் சொன்ன கதை மிகவும் பிடித்தது. இந்த படத்தில் நடிப்பது மகிழ்ச்சியாக இருக்கிறது என்று பிரகாஷ்ராஜ் கூறியுள்ளார். மேலும் நடிகர், நடிகைகள் தொழில் நுட்ப கலைஞர்கள் தேர்வு நடக்கிறது. படம் பற்றிய இதர விஷயங்களை மணிரத்னம் ரகசியமாக வைத்துள்ளார். இந்த படம் மவுனராகம் படத்தின் ரீமேக் என்று ஒரு தகவல் பரவி வருகிறது. ஏற்கனவே இந்த படத்தை மீண்டும் தயார் செய்யும் மன நிலையில்தான் மணிரத்னம் இருந்தார். அதையே இப்போது மேலும் பல புதிய கிளை கதைகளுடன் இக்கால கட்டத்துக்கு ஏற்ப புதுப்பித்து எடுப்பதாக கூறப்படுகிறது. மவுனராகம் படம் 1986–ல் ரிலீசாகி வெற்றிகரமாக ஓடியது. கார்த்திக், மோகன், ரேவதி நடித்து இருந்தனர். இப்படத்தில் இடம் பெற்ற நிலாவே வா செல்லாத வா, மன்றம் வந்த, சின்ன சின்ன வண்ணக்குயில், ஓ மேகம் வந்ததோ, பனிவிழும் இரவு ஆகிய பாடல்கள் பட்டிதொட்டியெங்கும் கலக்கின.

மேலும் படிக்கவும் மறுமொழி இல்லை சுதர்சன் 11-10-2014

இந்திய ஏழைகளுக்கும் பணக்காரர்களுக்குமிடையில் இடைவெளி அதிகம்.

இந்தியாவில் பணக்காரர்களை நெருங்க முடியாத இடைவெளியில் ஏழைகள் உள்ளனர் என்று, அதாவது பணக்காரர்களுக்கும், ஏழைகளுக்குமான இடைவெளி என்பது இந்தியாவில் அதிகரித்துள்ளது என்று ஐநா அறிக்கை தெரிவிக்கிறது.   ஆசிய நாடுகளில் சமூகப் பொருளாதார மாற்றம் என்பது நாடுகளுக்கு இடையே பெரும் சவாலாக இருந்து வருகிறது என்பதை தமது அறிக்கையில் ஐ.நா தெரிவித்துள்ளது. அதன் படி கடந்த 10 முதல் 20 ஆண்டுகளில் சம நிலையற்ற வருவாய் உயர்வு என்பது சமூகப் பொருளாதார நிலையை அப்படியே புரட்டிப் போட்டுள்ளது என்றும் சரியான கணிப்பில் தெரிவித்துள்ளது. இதனால் இந்தியாவில் ஏழை பணக்காரர்கள் இடையேயான இடைவெளி என்பது அதிகரித்து பணக்காரர்களை ஏழைகள் எந்தவிதத்திலும் நெருங்காத அளவு அதிகரித்துள்ளது என்று அந்த அறிக்கை தெரிவிக்கிறது.   அது மட்டுமின்றி நடுத்தர மக்களுக்கும், பணக்காரர்களுக்கும் இடையேயான இடைவெளி என்பது மிகக் கொஞ்சமே உள்ளதால், இவர்கள் பணக்காரர்களை எட்டிப் பிடித்தாலும், ஏழைகள் நடுத்தர வர்க்கத்தினராக மாறுவது என்பது கூட தற்போதைய சூழலில் இந்தியாவுக்கு இது எட்டாக் கனியாகவே இருக்கும் என்றும் அந்த ஐநா அறிக்கையில் தெரிவிக்கிறது.

மேலும் படிக்கவும் 2 மறுமொழிகள் சுதர்சன் 11-10-2014

ஹிந்தி, தெலுங்கு ஐயில் விக்ரமின் குரல்.

ஐ படம் தமிழில் மட்டுமின்றி தெலுங்கு, இந்தி ஆகிய மொழிகளிலும் வெளியாகிறது. அதன் டப்பிங் பணிகள் தற்போது நடைபெற்று வருகின்றன.    ஆஸ்கர் ரவிச்சந்திரன் ஐ படத்துக்கு 180 கோடிகள்வரை செலவளித்ததாக கூறப்படுகிறது. இவ்வளவு பெரிய தொகையை எடுக்க வேண்டும் என்றால் தெலுங்கு, இந்தி ரசிகர்களையும் கவர்ந்தால் மட்டுமே சாத்தியம். அதனால் படத்தை தெலுங்கு மற்றும் இந்தியில் டப் செய்து வெளியிடுகின்றனர். விக்ரம் தெலுங்கு பதிப்புக்கான டப்பிங்கை பேசி முடித்துள்ளார். இந்தியில் அவர் சம்பந்தப்பட்ட காட்சிகளுக்கு விக்ரமே டப்பிங் பேசவிருக்கிறார். ஏற்கனவே மணிரத்னத்தின் ராவண் படத்துக்கு இந்தியில் டப்பிங் பேசியுள்ளதால் ஐ -க்கும் அவரே டப்பிங் பேசவிருக்கிறார்.   படம் நவம்பர் 14 திரைக்கு வரும் என எதிர்பார்க்கப்படுகிறது.

மேலும் படிக்கவும் மறுமொழி இல்லை சுதர்சன் 10-10-2014

தனது உயிரை தானே பறிக்கவிருக்கும் பெண்.

29 வயதுடைய பெண் ஒருவர் நவம்பர் மாதம் 1-ந்திகதிக்கு முன்னர் இறந்துவிட எதிர்பார்க்கின்றார். இப்பெண்ணை வருத்திக்கொண்டிருக்கும் மூளை புற்று நோய் ஒக்டோபர் மாதத்தில் அவரை கொல்லாது விட்டால் தனது வாழ்க்கையை தானே முடித்துக் கொள்ள திட்டமிட்டுள்ளார். தனது கணவனின் 30-வது பிறந்த நாள் முடிந்து சில நாட்களில் நவம்பர் மாதம் 1-ந்திகதி உயிரை விட தீர்மானித்துள்ளார்.    கலிபோர்னியாவை சேர்ந்த Brittany Maynard  இவரும் இவரது கணவர்  Dan Diaz-ம் கலிபோர்னியாவை விட்டு Oregon சென்றுள்ளனர். ஏனெனில் அங்கு முடிவு கட்டத்தில் இருக்கும் நோயாளிகள் வைத்தியர் ஒருவரால் பரிந்துரைக்கப்படும் உயிர் நீக்கும் மருந்துகள் மூலம் தங்களது உயிரை போக்கி கொள்ள அனுமதிக்கப்படும் என கூறப்பட்டுள்ளது.  1997-ல் யு.எஸ்சில் Oregon மாநிலம் வைத்தியர் ஒருவர் இறுதிக்கட்ட நோயாளி ஒருவர் வேண்டும் பட்சத்தில் உயிர் போக்கும் மருந்தை பரிந்துரைக்கலாம் என அனுமதி வழங்கிய முதலாவது மாநிலமாக வந்துள்ளது. இந்த மருந்தை வைத்தியர் ஒருவர் நிர்வகிப்பது சட்ட விரோதம். நோயாளியே உதவி எதுவும் இன்றி விழுங்க வேண்டும். Maynard தானும் தனது கணவரும் திருமணம் செய்து வாழ்க்கை ஆரம்பித்த சமயம் புது வருட தினத்தன்று தனக்கு மூளை புற்று நோய் கண்டிருப்பதை அறிந்ததாக கூறியுள்ளார்.    கடந்த இலை துளிர் காலத்தில் 6-மாதங்கள் தான் உயிர்வாழ முடியும் என்ற காலக்கெடு கொடுக்கப்பட்டது. நவம்பர் மாதம் 1-ந்திகதி படத்தில் காட்டப்பட்டிருக்கும் அவரது கலியாண படுக்கையில் குடும்பத்தினர், நெருங்கிய சினேகிதர்கள் சூழ்ந்து நிற்க குளிசையை எடுத்து தனது வேதனையை முடிவுக்கு கொண்டுவர உள்ளார்.

மேலும் படிக்கவும் மறுமொழி இல்லை சுதர்சன் 10-10-2014

தொடர்ந்து சித்திரவதைகள் இடம்பெறுகின்றன.

இலங்கையில் சித்திரவதைகள் தொடர்ந்தும் இடம்பெறுவதற்கான ஆதாரங்கள் தம்மிடம் உள்ளதாக பிரித்தானியாவைத் தலைமையகமாகக் கொண்ட 'சித்திரவதையிலிருந்து விடுதலை' (freedom from torture) என்ற அமைப்பு தெரிவித்துள்ளது.    சர்வதேச பிரகடனத்தில் குறிப்பிடப்பட்டுள்ள உரிமைகளுக்கு இலங்கை அரசாங்கம் மதிப்பளிக்கிறதா என்பதை ஆராயும் ஐக்கிய நாடுகள் மனித உரிமை பேரவையின் கூட்டத்தொடர் ஜெனீவாவில் இடம்பெற்றது. அதில் பங்கேற்று உரையாற்றிய போதே அந்த அமைப்பின் தலைமை மருத்துவர் யூலியட் கோஹன் மேற்கண்ட விடயத்தினைக் குறிப்பிட்டுள்ளார்.   அவர் மேலும் தெரிவித்துள்ளதாவது, “இலங்கையில் சித்திரவதைகள் இடம்பெறுவது குறித்து பெருமளவு ஆதாரங்கள் உள்ளன. ஆயினும், அவை தொடர்பாக ஐக்கிய நாடுகள் மனித உரிமைகள் குழுவுடன் தீவிர பேச்சுக்களில் ஈடுபட இலங்கை மறுப்பது கவலைக்குரிய விடயம்.   பாலியல் வன்முறைகள், சித்திரவதைகள். சிகரெட் சூட்டினால் காயம் ஏற்படுத்தப்படுதல் போன்ற நடைமுறைகள் இலங்கை முழுவதிலும் பின்பற்றப்படுகின்றன. 90 மருத்துவ ஆய்வறிக்கைகளை அடிப்படையாக வைத்தே இலங்கையில் சித்திரவதைகள் நிலவுகின்றன என்ற முடிவுக்கு வரமுடிந்துள்ளது.   அரசு சார்ந்த செயற்பாட்டாளர்களான இராணுவத்தினரே இதில் ஈடுபட்டுள்ளனர். பாதிக்கப்பட்டவர்களில் 73 வீதமானவர்கள் சிகரெட்டால் சுடப்பட்டு துன்புறுத்தப்பட்டுள்ளனர், 63 வீதமானவர்கள் பாலியல் வல்லுறவு மற்றும் சித்திரவதைகளுக்கு இலக்காகியுள்ளனர். இவை தவிர அனைவரும் கூர்மையான ஆயுதங்களால் தாக்கப்பட்டனர் . அத்துடன், இலங்கையில் உளவியல் ரீதீயிலான சித்திரவதைகளும் இடம்பெற்றுள்ளமைக்கான ஆதாரங்கள் உள்ளன. தமிழீழு விடுதலைப் புலிகளுடன் தொடர்பு வைத்திருந்தவர்கள அல்லது வைத்திருப்பதாக கருதப்பட்டவர்கள் இவ்வாறான சித்திரவதைக்கு உள்ளாவதற்கான அபாயம் நிலவுகின்றது.   சிறியஅளவு தொடர்பு காணப்பட்டால் கூட அவர்கள் துன்புறுத்தப்படலாம். நாங்கள் வெளிநாடுகளிலிருந்து இலங்கை திரும்பும் தமிழர்கள் குறித்து கவலை கொண்டுள்ளோம், குறிப்பாக பிரித்தானியாவிலிருந்து இலங்கை செல்லும் தமிழர்கள் சித்திரவதைக்குள்ளாகின்றனர்” என்றுள்ளார்.

மேலும் படிக்கவும் மறுமொழி இல்லை சுதர்சன் 10-10-2014

அகதிகளை கண்காணிக்கும் டென்மார்க் சுங்கம்.

டென்மார்க்கிற்குள் சரமாரியாக கொட்டுப்படும் அகதிகளை கட்டுப்படுத்த எல்லைப்புற பகுதிகளில் கண்காணிப்பு இறுக்கப்பட இருக்கிறது. மற்றைய நாடுகளில் இருந்து டென்மார்க்கிற்குள் நுழையும் வாகனங்களின் இலக்கத்தகடுகள் ஸ்கனர் செய்யப்படும், மிகவும் மறைவான தரம் கூடிய கண்காணிப்பு அமலுக்கு வரவுள்ளது. எப்படியாயினும் விமான நிலையங்கள் – எல்லைப்பகுதிகளில் அரசு இறுக்கும் கண்காணிப்பு முயற்சிகள் ஐரோப்பிய ஒன்றிய – சர்வதேச சட்டங்களை மீற முடியாதென்பது கவனிக்கப்பட வேண்டியது.

மேலும் படிக்கவும் மறுமொழி இல்லை சுதர்சன் 09-10-2014

ஜெயலலிதாவின் தொண்டர் தீக்குளிப்பு.

சொத்துக்குவிப்பு வழக்கில் ஜெயலலிதாவிற்கு பெங்களூரு உயர் நீதிமன்றம் ஜாமீன் வழங்காததால் வேதனையடைந்த அதிமுக தொண்டர் ஒருவர், தீக்குளித்து உயிரிழந்த சம்பவம் கோவையில் சோகத்தை ஏற்படுத்தியுள்ளது.   சொத்துக்குவிப்பு வழக்கில் தமிழக முன்னாள் முதல்வர் ஜெயலலிதாவுக்கு 4 ஆண்டு சிறை தண்டனை விதிக்கப்பட்டு, சிறையில் அடைக்கபட்டதை கண்டித்து தமிழகம் முழுவதும் அதிமுகவினர் தொடர் போராட்டங்களில் ஈடுபட்டு வருகின்றனர். மேலும் ஜெயலலிதாவுக்கு ஜாமீன் வழங்க மறுப்பு தெரிவிக்கப்பட்டதை கண்டித்தும் போராட்டங்கள் தொடர்ந்து வருகின்றன.   ஜெயலலிதா சிறையில் அடைக்கப்பட்டுள்ளதால் மனமுடைந்த அதிமுகவினர் தற்கொலை செய்து கொள்ளும் சம்பவங்களும் தமிழகத்தில் தொடர்ந்து வருகின்றன. இதுவரை 80க்கும் அதிகமானோர் தற்கொலை செய்து கொண்டுள்ளதாக கூறப்படும் நிலையில், கோவையில் நேற்று ஒருவர் தீக்குளித்து தன்னுயிரை மாய்த்துக் கொண்டுள்ளார்.   கோவை பெரியநாயக்கன்பாளையம் பகுதியைச் சேர்ந்த அதிமுக விசுவாசியான கோபால், ஜெயலலிதாவுக்கு நேற்றைய விசாரணையின் போது ஜாமீன் வழங்க மறுப்பு தெரிவிக்கப்பட்டதால் வேதனையடைந்துள்ளார். எப்படியும் ஜாமீன் கிடைத்துவிடும் என்ற எண்ணத்தில் அதிமுக மாவட்ட அலுவலகத்துக்கு சென்ற கோபால், முதலில் ஜாமீன் கிடைத்தது என வெளியான தகவலையடுத்து உற்சாகத்தில் மிதந்துள்ளார். அடுத்த சில நிமிடங்களில் ஜாமீன் மறுக்கப்பட்டது என செய்தி வெளியானதும் அதிர்ச்சியடைந்தார்.   இதையடுத்து தன் வீட்டுக்கு சென்ற கோபால், மனமுடைந்த நிலையில் காணப்பட்டார். இந்நிலையில் நள்ளிரவு நேரத்தில் திடீரென உடலில் மண்ணெண்ணெய் ஊற்றி தீக்குளித்தார். படுகாயமடைந்த நிலையில் அவரை மீட்ட உறவினர்கள், கோவை அரசு மருத்துவமனையில் சேர்த்தனர். அங்கு அவர் சிகிச்சை பலனின்றி இன்று மதியம் இறந்தார். இதுகுறித்து பெரியநாயக்கன்பாளையம் காவல்துறையினர் விசாரணை நடத்தினர்.

மேலும் படிக்கவும் மறுமொழி இல்லை சுதர்சன் 09-10-2014

தவறுதலாக 100ஆயிரம் வெள்ளிகள் வங்கிக்கணக்கில்.

கனடாவில் சானியா என்ற இடத்தைச்சேர்ந்து Jeffery Salisbury என்ற 36-வயதுடைய ஒருவரின் வங்கி கணக்கில் 100,000-டொலர்கள் தவறுதலாக வைப்பு செய்யப்பட்டது. அப்பணத்தை திருடிய குற்றத்திற்காக இவருக்கு திங்கள்கிழமை 2- வருடங்கள் வீட்டுக்காவல் தண்டனை விதிக்கப்பட்டது.   இந்த பணம் இளைப்பாறிய கனடிய இராணுவ வீரர் ஒருவருக்கு சொந்தமானது. இராணுவத்தில் இருந்து இவரது ஓய்வூதிய நிதி வைப்பு செய்யவதற்காக ஒரு ஓய்வூதிய மாதாந்த தானியங்கி வைப்பு கணக்கை உருவாக்கியிருந்தார். இருந்தும் சில தவறுகள் காரணமாக பணம் Salisbury -யின் கணக்கில் வைப்பு செய்யப்பட்டுள்ளது. Salisbury க்கு பணம் எங்கிருந்து வருகின்றது என்பது தெரியவில்லை ஆனாலும் வங்கியிடமும் எதுவித கேள்விகளையும் கேட்கவில்லை.   பதிவுகளிலிருந்து சிறிய நடவடிக்கைகள் தவிர்ந்த அடுத்தடுத்து மீளப்பெறுதல் நடவடிக்கைகள் Salisbury ஆல் மேற்கொள்ளப்பட்டது தெரியவந்துள்ளது. Salisbury  இராணுவ ஊழியரின் ஓய்வூதிய நிதி முழவதையும் வழித்தெடுத்து விட்டார் என நீதிமன்றத்தில் தெரிவிக்கப்பட்டுள்ளது. இவர் 5,800 டொலர்களை திரும்ப கொடுத்து விட்டார். மிகுதி 94,000 டொலர்கள் பணத்தை மாதாமாதம் குறைந்தது 200 டொலர்கள் விகிதம் செலுத்த வேண்டும் என தீர்ப்பளிக்கப்பட்டது.  

மேலும் படிக்கவும் மறுமொழி இல்லை சுதர்சன் 09-10-2014

அண்ட்ரூவை காதலிக்கவில்லை எனக்கூறும் இலியானா.

தெலுங்கில் முன்னணி நடிகையாக இருந்த இவர் இந்திப்பட ஆசையில் பாலிவுட் சென்றார். அங்கு எப்போதாவது ஒரு படம் கிடைக்கிறது. மீதி நேரத்தில் ஆண்ட்ரூ என்ற ஆஸ்ட்ரேலியாக்காரருடன் சுற்றிக் கொண்டிருக்கிறார்.    ஆண்ட்ரூ ஒரு இசைக்கலைஞர், போட்டோகிராஃபர் என கலவையான தகவல்கள். உறுதியான தகவல் என்றால் இருவரும் இணைந்து சுற்றுவதுதான். இலியானாவுக்கும், ஆண்ட்ரூவுக்கும் திருமணம் நடந்ததாக ஒரு செய்தி காட்டுத்தீயாக பரவியது. அதனை மறுத்துள்ளார் இலியானா.   ஆண்ட்ரூவும் நானும் நண்பர்கள். இருவரின் எண்ணமும் ஒன்றாக உள்ளது. ஆனால் அது காதலாக மாறவில்லை. ஆண்ட்ரூ என்னைவிட 15 வயது மூத்தவர். அவருடன் ஹோட்டல், பார்ட்டிகளுக்குப் போனதை வைத்து எங்களுக்கு திருமணம் நடந்ததாக கூறுவது உண்மையில்லை என்றார் இலியானா.   நம்புறோம்.

மேலும் படிக்கவும் மறுமொழி இல்லை சுதர்சன் 08-10-2014

புதைக்கப்பட்ட பின் லாடனின் உடலில் புதிய சர்ச்சை.

அமெரிக்காவில் வாஷிங்டன் பென்டகன் ராணுவ தலைமையகம் மீதும், நியூயார்க் உலக வர்த்தக மையத்தின் 110 மாடி இரட்டை கோபுரத்தின் மீதும் விமானங்களை மோதி கடந்த 2001 செப்டம்பர் 11ந் தேதி தீவிரவாதிகள் தாக்குதல் நடத்தினர். 3 ஆயிரம் பேர் கொன்று குவிக்கப்பட்ட இந்த தாக்குதல்களை மூளையாக இருந்து செயல்படுத்தியவர் அல்கொய்தா இயக்கத்தின் தலைவர் பின்லேடன். இந்த பின்லேடன் பாகிஸ்தானில் அப்போட்டாபாத் என்ற இடத்தில் பதுங்கியிருந்தபோது, கடந்த 2011-ம் ஆண்டு பிப்ரவரி மாதம் 2-ந் தேதி, அமெரிக்க ராணுவம் ‘ஆபரேஷன் நெப்டியூன் ஸ்பியர்’ என்ற பெயரில் ராணுவ நடவடிக்கை எடுத்து கொன்றது. பின்னர் பின்லேடன் உடலை 24 மணி நேரத்துக்குள் கடலுக்குள் புதைத்து விட்டதாக கூறப்பட்டது. அவரது உடலை 300 பவுண்ட் எடையுள்ள இரும்புச்சங்கிலியால் உருவாக்கப்பட்ட பைக்குள் வைத்து நடுக்கடலில் வீசியதாக அமெரிக்க உளவுப்படை சி.ஐ.ஏ.யின் முன்னாள் இயக்குனரும், முன்னாள் ராணுவ மந்திரியுமான லியோன் பானட்டா தான் எழுதி உள்ள ஒரு புத்தகத்தில் குறிப்பிட்டுள்ளார். பின்லேடன் உடல் கடலுக்குள் மூழ்கி விட வேண்டும் என்பதற்காகத்தான் 300 பவுண்ட் எடை கொண்ட இரும்புச்சங்கிலியால் தயார் செய்யப்பட்ட பைக்குள் வைத்து போடப்பட்டதாக அவர் தெரிவித்துள்ளார்.  

மேலும் படிக்கவும் மறுமொழி இல்லை சுதர்சன் 08-10-2014

சுப்பிரமணியம் சுவாமி தான் நினைத்தது நடந்துவிட்டதாக பெருமிதம்.

நான் எதிர்பார்த்தது போலவே, ஜெயலலிதாவின் ஜாமீன் மனு நிராகரிக்கப்பட்டுள்ளதாக பா.ஜ.க.வைச் சேர்ந்த சுப்பிரமணியன் சுவாமி தெரிவித்துள்ளார்.   ஜெயலலிதாவுக்கு ஜாமீன் மனு நிராகரிக்கப்பட்டது குறித்து கருத்து தெரிவித்துள்ள சுப்பிரமணியன் சுவாமி, ஜெயலலிதாவின் ஜாமீன் மனு நிராகரிக்கப்பட்டது குறித்து நான் ஆச்சரியப்படவி்ல்லை. இது நான் எதிர்பார்த்தது தான். காலையில் எனது ட்விட்டர் வலைதளத்திலும் கூட இதனைத்தான் பதிவு செய்திருந்தேன். நான் கணித்தது போலவே, ஜெயலலிதாவின் ஜாமீன் மனு நிராகரிக்கப்பட்டுள்ளது. நீதிமன்றத்தின் இந்த உத்தரவு அரசு வழக்கறிஞருக்கு மட்டும்தான் ஆச்சரியத்தை ஏற்படுத்தியிருக்கும்.   ஏனென்றால் ஜெயலலிதாவுக்கு ஜாமீன் வழங்க அவர்தான் எதிர்ப்பு தெரிவித்திருக்க வேண்டும். ஆனால், அதனை அவர் செய்யாதது  எனக்கு ஆச்சரியத்தை ஏற்படுத்தியது.   எனினும், இந்த விவகாரத்தில் நீதிபதி சரியான நிலைப்பாட்டை எடுத்துள்ளார். கர்நாடக உயர் நீதிமன்றம் மிக சரியான உத்தரவை பிறப்பித்துள்ளது என கருதுகிறேன்" என்று கூறியுள்ளார்.

மேலும் படிக்கவும் 7 மறுமொழிகள் சுதர்சன் 08-10-2014

ரஜினியும் கமலும் மீண்டும் ஒரே படத்தில்?

ரஜினி, கமலை மீண்டும் ஒரே படத்தில் இணைத்து நடிக்க வைக்க முயற்சிகள் நடக்கின்றன. இந்த முயற்சியில் டைரக்டர் பாலசந்தர் ஈடுபட்டு உள்ளதாக முன்னாள் கதாநாயகி ஜெயப்பிரதா தெரிவித்துள்ளார்.   கமலும், ரஜினியும் துவக்க காலத்தில் அபூர்வ ராகங்கள், மூன்று முடிச்சு, இளமை ஊஞ்சலாடுகிறது, நினைத்தாலே இனிக்கும் உள்பட பல படங்களில் இணைந்து நடித்தார்கள். முன்னணி நடிகர்களாக உயர்ந்ததும் தனித்தனியாக பிரிந்து விட்டனர்.   இருவரும் மீண்டும் சேர்ந்து நடிக்க வேண்டும் என்ற எதிர்ப்பார்ப்புகள் ரசிகர்கள் மத்தியில் ஏற்பட்டுள்ளது. இருவரின் சம்பளம், படத்துக்கான செலவு போன்றவைகளை காரணம் காட்டி சேர்ந்து நடிக்க சாத்தியம் இல்லை என்று கமல் கூறிவிட்டார். ஆனாலும் இருவரையும் சேர்த்து நடிக்க வைக்க டைரக்டர் பாலச்சந்தர் தீவிரம் காட்டுகிறார்.   ரஜினி, கமலுடன் பல படங்களில் நாயகியாக நடித்த ஜெயப்பிரதா இதுகுறித்து கூறும்போது, சமீபத்தில் எனது குரு டைரக்டர் பாலசந்தரை சந்தித்தேன். அவர் என்னிடம் கமல், ரஜினியை மீண்டும் சேர்த்து நடிக்க வைக்க திட்டமிட்டுள்ளதாக கூறினார். அந்த படத்தில் நானும் நடிக்க வேண்டும் என்று என்னிடம் கூறினார் என்றார். மேலும் ஜெயப்பிரதா கூறும்போது, என் வாழ்க்கையில் மறக்க முடியாத படம் நினைத்தாலே இனிக்கும். சலங்கை ஒலி படத்தில் நான் இயல்பாக நடித்து இருந்தேன். அந்த நடிப்பை வெளிப்படுத்த காரணமாக இருந்தவர் கமலஹாசன்தான் என்றார்.

மேலும் படிக்கவும் 1 மறுமொழி சுதர்சன் 07-10-2014

நெல் உற்பத்தியில் சீனா சாதனை.

சீனா கலப்பின ரக நெல் உற்பத்தியில் சராசரியாக 0.17 ஏக்கரில் 1000 கிலோ நெல் உற்பத்தி செய்து, மிகப் பெரிய சாதனையைப் புரிந்துள்ளது.  இந்தத் தகவலை ஹுனான் கலப்பின நெல் ஆராய்ச்சி மற்றும் வேளாண்மை மையம் தெரிவித்துள்ளது. சீனாவின் மத்தியப் பகுதியில் உள்ள ஹூனான் மாகாணத்தின் ஷோங்னன் கிராமத்தில் இந்த விவசாயப் பகுதி உள்ளது. ’கலப்பின ரக நெல்’ சாகுபடியின் தந்தை என்று அழைக்கப்படும் யுவான் லாங்பிங் (84) என்பவரைக் கொண்டு, 1974ஆம் ஆண்டுகளில் முதன் முதலில் கலப்பின ரக நெல் சாகுபடியைச் சீனப் பொறியியல் நிறுவனம் வளர்த்தெடுக்கத் தொடங்கியது. 2000இல் 0.17 ஏக்கருக்கு 700 கிலோவாக இருந்த இதன் உற்பத்தி, 2005இல் 800 கிலோவாகவும், 2011இல் 900 கிலோவாகவும் இருந்தது. தற்போது 1000 கிலோஎன்ற அளவில் அதன் உற்பத்தியை எட்டிச் சாதனை புரிந்துள்ளது.

மேலும் படிக்கவும் மறுமொழி இல்லை சுதர்சன் 07-10-2014

இரண்டாவது ஐரோப்பிய பணக்கார நாடாக சுவிஸ்.

சுவிட்சர்லாந்தில் உள்ள மக்கள் பொருளாதார சரிவில் இருந்து மீண்டு பணக்காரர்களாக வளர்ந்து வருவதாக தகவல்கள் வெளியாகியுள்ளது. சுவிஸின் சொத்து மதிப்பு கடந்த 2007ம் ஆண்டில் இருந்ததை விட 68 சதவிகிதம் உயர்ந்துள்ளதாகவும், தற்போது ஒரு குடிமகனின் சராசரி சொத்து மதிப்பு 394,900 யூரோக்களாக உள்ளதாகவும் தெரியவந்துள்ளது. இதன்மூலம்  ஐரோப்பிய நாடுகளில், சுவிஸ் இரண்டாவது பணக்கார நாடாக உள்ளது என்பது குறிப்பிடத்தக்கது. கடந்த 2013ம் ஆண்டு முதல் ஐரோப்பிய நாடுகள் பொருளாதார சரிவில் இருந்து மீண்டு வந்துள்ளது. மேலும் ஜேர்மனி மற்றும் ஸ்பெயின் போன்ற நாடுகளும் பொருளாதார விகிதத்தில் முன்னேறி உள்ளது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 07-10-2014

அவம் எனும் படத்தில் பாடிய கமல்.

இஞ்சி இடுப்பழகி, ஆழ்வார் பேட்டை ஆண்டவா, நீல வானம் என  தனது படங்களில் பல ஹிட் பாடல்களை நடிகர் கமல்ஹாசன் பாடியுள்ளார். தற்போது முதன்முறையாக முற்றிலும் புதுமுகங்களை வைத்து விஜே புரொடக்ஷன்ஸ் தயாரிக்கும் “அவம்” படத்திற்கு கமல்ஹாசன் ஒரு பாடல் பாடியுள்ளார்.   மதன் கார்க்கியின் வரிகளில் அமைந்துள்ள அந்த பாடல், ஒரு இளைஞனின் கவலையையும்,  தனிமையையும் உணர்ச்சி பூர்வாகமாக வெளிப்படுத்தும்  வகையில் பதிவு செய்யப்பட்டுள்ளது. அவம் படத்தில்  புதுமுக் கௌரவ் ஹீரோவாகவும், புதுமுகம் காவ்யா ஷேட்டி கதாநாயகியாகவும் நடித்துள்ளனர். ஒரு விளம்பர நிறுவனத்தில் பணிபுரியம் ஹீரோ, அங்கு ஹிரோயினை கண்ட பின் ஏற்படும் எதிர்பாராத சம்பவங்களே இந்த படத்தின் கதையாம்.   படத்தில் கமல் பாடியது குறித்து மகிழ்ச்சி தெரிவித்துள்ள படக்குழு, கமல் பாடியிருக்கும் இந்த பாடல் நிச்சயம் ரசிகர்களிடைய பெரும் ஹிட்டாகும என்று நம்பிக்கை தெரிவித்துள்ளது.

மேலும் படிக்கவும் மறுமொழி இல்லை சுதர்சன் 06-10-2014

இடமாற்றம் செய்யப்பட்ட கர்ப்பப்பையில் பிறந்த முதல் குழந்தை.

இடமாற்றம் செய்யப்பட்ட கர்ப்பபையில் மருத்துவ ரீதியாகவும் அத்துடன் உலகளாவிய ரீதியாகவும் முதலாவது குழந்தை ஒன்று பிறந்துள்ளது. அக்குழந்தைக்கு வெற்றி வாகை சூடக்கூடியாதக ஒரு பெயரை வைக்க விரும்பிய பெற்றோர் வின்சென்ட் என பெயரிட்டனர். வின்சென்ட் என்பது “வெற்றிகொள்” என கருத்து பெறும் என்று குழந்தையின் தாய் கூறினார். 36-வயதுடைய சுவீடன் நாட்டைச் சேர்நத பெண் ஒருவருக்கு அவரது 15-வயதில் கர்ப்பபை அழிந்து விட்டது. பத்திற்கும் மேற்பட்ட வருடங்களின் பின்னர் கர்ப்பபை இல்லாதவர்களிற்கு மாற்று கர்ப்பபை பொருத்தலாம் என ஆய்வுகள் மூலம் கண்டறிந்து பதிவு செய்துள்ளார். ஆய்வாளர்கள் உத்தரவாதம் அளிக்க முடியாதென கூறியபோதிலும் முயற்சி செய்ய விரும்பினர். இவரது தாயார் தனது கர்ப்பபையை வழங்க முயன்ற போது அது பொருந்தவில்லை. பின்னர்  இவர்களது குடும்ப நண்பரும் இரண்டு ஆண்குழந்தைகளின் தாயாருமான 61-வயதுடைய பெண்ணிடமிருந்து கர்ப்பபையை பெற்றார்.  அதன் மூலம் கர்ப்பம் தரித்து ஒரு ஆண்குழந்தையை பிரசவித்துள்ளார். வயதான ஒருவரின் கர்ப்பபை வெற்றியளித்தது ஆச்சரியமானதென தெரிவிக்கப்பட்டுள்ளது. கர்ப்பபை மாற்றுச்சிகிச்சை மிகவும் அசாதாரணமானதெனவும் கூறப்படுகின்றது. 

மேலும் படிக்கவும் மறுமொழி இல்லை சுதர்சன் 06-10-2014

மீண்டும் இரட்டைக்குரியுரிமை வழங்கும் திட்டம்.

சிறிலங்காவில் மீண்டும் இரட்டை குடியுரிமை முறை அமுல்படுத்த பட உள்ளதாக ஜனாதிபதி மஹிந்த ராஜபக்க்ஷ தெரிவித்துள்ளார்.   எதிர்வரும் ஜனவரி மாதம் இரட்டை குடியுரிமை வழங்கும் முறையை நடைமுறை படுத்த ஏற்கனவே வழிமுறைகள் எடுக்க பட்ட விட்டதாக அவர் தெரிவித்துள்ளார்.   பாப்பரசர் முதலாம் பிரான்சிசை சந்திக்க இத்தாலி சென்றபோது அங்குள்ள சிறிலங்க சமூகத்தினரிடையே பேசுகையில் ஜனாதிபதி இத்தகவலை வெளியிட்டுள்ளார். இரட்டை குடியுரிமை வழங்கும் திட்டம் சிறிலங்கா அரசாங்கத்தால் இரண்டு வருடங்களிற்கு முன்னர் இடை நிறுத்தம் செய்யப்பட்டது.   வெளிநாடுகளில் ஊதியும் இலங்கையர்கள் தங்கள் ஓய்வூதியத்தை பெற்றுக் கொள்ள தேவையான நடவடிக்கைகள் மேற்கொள்ளப்படும்.   வெளிநாடுகளில் இருப்பவர்கள் அவர்களது ஓய்வூதியத்தை பெற தேவையான சட்டங்கள் உருவாக்கப்படும் எனவும் தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 06-10-2014

சந்தானத்துக்கு பரிசளித்த ரஜினி.

படப்பிடிப்பு இடைவேளையில் உடன் நடிப்பவர்களுக்கு ஆன்மீக உபதேசம் செய்வதை ஒரு கடமை போலவே வைத்துள்ளார் ரஜினி. எல்லோருக்கும் இல்லை, ஒருசிலருக்கு. அந்த வாய்ப்பு சந்தானத்துக்கும் கிடைத்திருக்கிறது.   லிங்கா படப்பிடிப்பின் போது சந்தானத்திடம் ஆன்மீகம் குறித்து ரஜினி உரையாடியிருக்கிறார். மேலும், தி ஹிமாலயன் மாஸ்டர்ஸ் என்ற புத்தகத்தையும் அவருக்கு பரிசளித்துள்ளார்.  அஜீத்துக்கு இதே புத்தகத்தை ரஜினி சில வருடங்களுக்கு முன் பரிசளித்ததோடு இந்தப் புத்தகம் வெளிச்சத்துக்கு வந்தது. ரஜினியே பரிசளித்த புத்தகம் என்பதால் புத்தகத்தின் விற்பனையும் எகிறியது.   இமயமலையில் உள்ள சாதுக்களை பற்றிய புத்தகமாம் இது. சந்தானத்துக்கும் அதிலொரு காப்பி கிடைத்துள்ளது. புத்தகத்தைப் படித்து அதில் உள்ளது போல் நடக்கயிருப்பதாக உணர்ச்சி பொங்க தெரிவித்துள்ளார் சந்தானம்.   அப்படீன்னா படத்தில் டபுள் மீனிங் வசனம் பேச முடியாது. டபுள் மீனிங் இல்லாமல் சந்தானத்துக்கு காமெடி செய்யவும் தெரியாதே...?   

மேலும் படிக்கவும் 2 மறுமொழிகள் சுதர்சன் 05-10-2014

நண்டுகளால் விமானம் தாமதம்.

வட-கரொலினா செல்ல இருந்த விமானம் வியாழக்கிழமை புறப்படத் தாமதமாகியது. காரணம் விமானத்திற்குள் நண்டுகள் காணப்பட்டமையே. யு.எஸ்.-ஏர்வேஸ் விமானம் வட கரொலினா சாளட் சர்வதேச விமானநிலையத்திற்கு செல்ல இருந்த சமயம் நியுயோர்க்கில் தாமதிக்கப்பட்டது. அனுப்புவதற்காக கூட்டிற்குள் அடைத்து வைக்கப்பட்டிருந்த உயிர் நண்டுகள் கூட்டை விட்டு வெளியேறிவிட்டன என கூறப்பட்டது. விமானம் 30-நிமிடங்கள் தாமதிக்கப் பட்டது. விமான ஊழியர்கள் நண்டுகளை சுற்றிவளைத்து பிடித்துள்ளனர்.

மேலும் படிக்கவும் மறுமொழி இல்லை சுதர்சன் 05-10-2014

குடிக்கடிமையானவர்களுக்கு உதவும் மாத்திரை.

குடிக்கு அடிமையானவர்களை அந்தப்பிரச்சனையிலிருந்து மீட்பதற்கான ஒருவகை மாத்திரை தான் நல்மாஃபீன் (Nalmefene).   ஸ்காட்லாந்தில் மதுவுக்கு அடிமையான நோயாளிகளுக்கு அரச மருத்துவத் துறை இந்த மாத்திரையை வழங்குகின்றது.   இதனை, ஐக்கிய இராச்சியத்தின் ஏனைய பிராந்தியங்களான இங்கிலாந்திலும் வேல்ஸிலும் உள்ள நோயாளிகளுக்கும் வழங்க வேண்டும் என்று நைஸ் (NICE) என்கின்ற தேசிய சுகாதார பராமரிப்புக்கான நிறுவனம் அரசாங்கத்திடம் பரிந்துரை செய்துள்ளது.   ஒவ்வொன்றும் 3 பிரிட்டிஷ் பவுண்டுகளுக்கும் அதிக விலைகொண்ட இந்த மாத்திரையை சுமார் 6 லட்சம் நோயாளிகளுக்கு வழங்கவேண்டிவரும் என்று நைஸ் கணித்துள்ளது.   நல்மாஃபீன் அல்லது செலின்க்ரோ (Selincro) என்ற பெயர்களில் அழைக்கப்படும் இந்த மாத்திரையை ஒரு நாளைக்கு ஒன்று வீதம் எடுத்துக்கொண்டால் மது குடிக்கத் தூண்டுகின்ற உணர்வை குறைத்துக்கொள்ளமுடியும். உளநல ஆற்றுப்படுத்தலோடு (counselling) சேர்த்து இந்த மருந்தையும் எடுத்துக்கொள்ளவேண்டும்.   உலக சுகாதார ஸ்தாபனத்தின் கணிப்பின்படி, ஆண் ஒருவர் நாள் ஒன்றுக்கு 7.5 யுனிட்டுகளும் (5 % ஆல்கஹால் கொண்ட பியரில் 3 பைண்டுகள்) பெண் ஒருவர் 5 யுனிட்டுகளும் (5 % ஆல்கஹால் கொண்ட பியரில் 2 பைண்டுகள்) மது அருந்த முடியும்.   அதற்கு மேல் அருந்துவதே அளவுக்கு அதிகமான குடிப்பழக்கம் என்று கணிக்கப்பட்டுள்ளது. இப்படியான பெருங்குடிகாரர்களுக்கே நல்மாஃபீன் மாத்திரையைக் கொடுத்து திருத்திவிடலாம் என்று நைஸ் அமைப்பு நம்புகின்றது.   ஆண்டுக்கு 21 பில்லியன் பவுண்டுகள் செலவு   மதுவுக்கு அடிமையானவர்களை மீட்க மாத்திரை மதுவால் ஏற்படுகின்ற நோய்களால் என்எச்எஸ் என்ற அரச சுகாதாரத் துறைக்காகவும் மதுவோடு தொடர்புடைய சமூகப் பிரச்சனைகள், குற்றச்செயல்கள், பொருளாதார பாதிப்புகள் போன்ற காரணங்களுக்காகவும் பிரிட்டிஷ் அரசு ஆண்டுக்கு 21 பில்லியன் பவுண்டுகளை செலவு செய்கின்றது.   இந்த மாத்திரை மூலம், நோயாளிகள் தமது மது அடிமைத் தனத்திலிருந்து ஆறு மாத காலத்தில் 61 வீதமளவுக்கு மீண்டு வந்துள்ளதாக இதுவரை நடத்தப்பட்டுள்ள பரீட்சார்த்த சிகிச்சைகளின் மூலம் தெரியவந்துள்ளதாக மாத்திரையை தயாரிக்கும் நிறுவனம் (Lundbeck) கூறுகின்றது.   ஆனால், அளவோடு குடிக்கும் பழக்கம் உள்ளவர்களும் குடிப்பழக்கம் இல்லாதவர்களும் இந்த மாத்திரைத் திட்டத்தை நியாயமற்றது என்று வாதிடுகின்றனர். மது விற்பனைக்கான விளம்பரத்தை தடுப்பதும் மதுவுக்கு குறைந்தபட்ச விலையை நிர்ணயிப்பதும் குடிகாரர்களின் மனதை மாற்ற நல்லவழிகள் என்றும் பொது சுகாதாரத்துறை நிபுணர்கள் கூறுகின்றனர்.   குடிப்பழக்கத்தை போக்க மாத்திரையா? அதுவும் பொறுப்பற்ற குடிகாரர்களின் பிரச்சனைக்கு பொது மக்களின் வரிப்பணமா?- போன்ற கேள்விகளும் இதனோடு எழுப்பப்பட்டுள்ளன.   எது எப்படி இருந்தாலும், குடிப்பழக்கத்தால் மிகமோசமாக பாதிக்கப்பட்டவர்களுக்கு இது தான் தீர்வு என்று அரச மட்டத்தில் தீர்மானம் எடுக்கப்பட்டால், இங்கிலாந்திலும் வேல்ஸிலும் பொது மருத்துவதுறை இந்த மாத்திரையை நோயாளிகளுக்கு வழங்கத் தொடங்கும்.   ஐக்கிய இராச்சியத்தின் இன்னொரு பிராந்தியமான வட அயர்லாந்தும் இதன் சாதக பாதகங்களை ஆராய்ந்துவிட்டு முடிவொன்றை எடுக்கும்.

மேலும் படிக்கவும் மறுமொழி இல்லை சுதர்சன் 05-10-2014

தொழிலதிபருக்கு இரண்டாவது மனைவியாக பிரியாமணி?

தமிழ் சினிமாவில் நம்பர்-ஒன் நடிகையாக வேண்டியவர் ப்ரியாமணி. ஆனால் பருத்தி வீரன் படத்திற்காக தேசிய விருது பெற்ற அவர், பின்னர் மெகா படங்களாக நடிக்காமல் மெகா டைரக்டர் படங்களாக தேடினார். விளைவு, மணிரத்னத்தின் ராவணன் படவாய்ப்பு கிடைத்தது. ஆனால் அந்த படத்தில் ஐஸ்வர்யாராய் நாயகியாக நடித்திருந்தார்.   விளைவு, ப்ரியாமணிக்கு விக்ரமின் தங்கை வேடம்தான் கிடைத்தது. மெகா டைரக்டர் படம் என்று நம்பி நடித்து பெரிய குழிக்குள் விழுந்தார் ப்ரியாமணி. அதையடுத்து அவரது மார்க்கெட்டும் படுத்துக்கொண்டது. அதனால், பிழைப்பு தேடி தெலுங்கு, கன்னடம் என்று சென்ற ப்ரியாமணிக்கு இப்போது வரை அந்த மொழிகள்தான் ஆதரித்து வருகிறது.   ஆனபோதும், ப்ரியாமணியின் மார்க்கெட் அடங்குவதற்கான சூழ்நிலை தெரிகிறது. அதனால் இந்த மரியாதையோடு திருமணம் செய்து கொண்டு செட்டிலாக முடிவெடுத்திருக்கிறாராம். இந்த தகவல் அறிந்த ஒரு பிரபல தொழிலதிபர், தனக்கு இரண்டாவது மனைவியாக வருமாறு ப்ரியாமணிக்கு அழைப்பு விடுத்திருக்கிறாராம்.   ஆனால், அதைக்கேட்டு டென்சனாகி விட்டாராம் ப்ரியாமணி. 40 வயது நடிகைகளே முதல் மனைவியாக சென்று கொண்டிருக்கும்போது, இரண்டாவது மனைவியாக போகும் அளவுக்கு எனக்கொன்றும் வயதாகி விடவில்லை என்று அந்த அழைப்பை நிராகரித்து விட்டாராம். அதோடு, ஏற்கனவே தான் ரகசியமாக காதலித்து வரும் ஒளிப்பதிவாளர் பற்றியும் இந்த இடத்தில் கூறியிருக்கும் ப்ரியாமணி, தொழிலதிபருக்கு இரண்டாவது மனைவி ஆவதை விட, ஒளிப்பதிவாளருக்கு முதல் மனைவி ஆவது எவ்வளவோ மேல் என்று கூறியுள்ளார். 

மேலும் படிக்கவும் மறுமொழி இல்லை சுதர்சன் 04-10-2014

ஜெயலலிதாவின் விடுதலைக்காக ஈழத்தமிழர் உண்ணாவிரதம்.

இன்று கோயம்பேடு செங்கொடி அரங்கில் நடைபெற்றுக் கொண்டிருக்கும் ஈழத்தமிழர்களின் அடையாள உண்ணாவிரத போராட்டத்தில் சென்னையில் இருந்து 160 கிலோ மீற்றர் தொலைவில் உள்ள பாண்டிச்சேரி ஈழ அகதிகள் முகாமில் இருந்து ஈழ அகதிகள் அம்மாவின் விடுதலைக்காய் குரல் கொடுக்கும் அதே வேளை சென்னைக்கு அருகாமையில் உள்ள குமுடிப்பூண்டி மற்றும் புழல் அகதிகள் முகாமில் இருந்து மக்கள் வர விருப்பிருந்தும் அம்முகாம்களில் இருந்து மக்களை சில அதிகாரிகள் இப்போராட்டத்தில் கலந்து கொள்ள விடவில்லை.   எனினும்  இம் மாபெரும் உண்ணா நிலை போராட்டத்தில் தமிழக வாழ்வுரிமை கட்சியின் தலைவர் வேல்முருகன் அவர்களும், தமிழ்நாடு சட்டமன்ற உறுப்பினரும் கொங்குநாட்டு இளைஞர் பேரவை தலைவருமான தனியரசு அவர்களும், அஇஅதிமுக தலமை கழக பேச்சாளர் நிர்மலா பெரியசாமி அவர்களும், தமிழ்நாடு சட்டமன்ற உறுப்பினர் கலைராஜன் அவர்களும், இயக்குனரும் தமிழின உணர்வாளருமான வ.கொளதமன் அவர்களும் ,புரட்சி பாரதபொதுச்செயலர் பூவை ஜெகன் மூர்த்தி அவர்களும், கவிஞர் புலமைப்பித்தன் அவர்களும் இப்போராட்டத்தில் கலந்து கொண்டுள்ளனர் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 04-10-2014

நித்தியானந்தாவின் ஆச்சிரமத்துக்கு அழைக்கப்பட்ட நயன்தாரா.

காதல் தோல்வியின் ஏமாற்றங்களிலிருந்து மீண்டுவர யோகா, தியானம் செய்ய நித்யானந்தா ஆசிரமத்திலிருந்து நயன்தாராவுக்கு அழைப்பு விடப்பட்டதாக செய்தி வெளியாகியுள்ளது.   வாரப்பத்திரிகையில் வெளிவந்த கதவைத் திற காற்று வரட்டும் என்ற ஆன்மீகத் தொடரின் மூலமாக வெளியுலகுக்கு தெரிய வந்தவர் நித்யானந்தா. அவர் கதவை சாத்தி நடிகை ரஞ்சிதாவுடன் நடத்திய ஆன்மீகம் வீடியோவாக வெளிவந்ததிலிருந்து உலகம் முழுவதும் பிரபலமானார்.   இந்த போலி ஆன்மீகவாதிக்கு ஆண்மைச் சோதனை நடத்தியாக வேண்டும் என்கிறது நீதிமன்றம். உடலால் நான் இன்னும் குழந்தை என டபாயத்துக் கொண்டிருக்கிறார் இந்த ஆசாமி.   இந்நிலையில் காதல் தோல்வியால் துவண்டு போயிருக்கும் (அப்படியா?) நயன்தாராவுக்கு நித்யானந்தாவின் ஆசிரமத்திலிருந்து அழைப்பு வந்திருப்பதாக தகவல் வெளியாகியுள்ளது.   விரக்தி, கவலையில் இருக்கும் பெண்கள் ஆசிரமத்துக்கு வந்து யோகா மற்றும் தியானம் மூலம் மனசாந்தி அடைவதாகவும், நயன்தாராவுக்கும் அந்த அமைதி கிடைப்பதற்கே அழைப்பு விடுக்கப்பட்டதாகவும் உறுதி செய்யப்படாத தகவல்கள் தெரிவிக்கின்றன.   வீடியோவில் சிக்கியும் இந்தாளுக்கு வீராப்பு மட்டும் போகலையே. ஆன்மீகம் கொடுத்த வீரமாக இருக்குமோ.

மேலும் படிக்கவும் மறுமொழி இல்லை சுதர்சன் 04-10-2014

படக்காட்சிக்காக பல்கேரியா செல்லும் சூர்யா.

மாஸ் படத்துக்காக வெங்கட்பிரபு, சூர்யா உள்ளிட்ட மாஸ் டீம் இந்த மாதம் பல்கேரியா செல்லவுள்ளது.   வெங்கட்பிரபு இயக்கத்தில் சூர்யா இரு வேடங்களில் நடிக்கும் படம் மாஸ். இதில் மூன்று முன்னணி காமெடி நடிகர்கள் சூர்யாவின் கண்களுக்கு மட்டும் தெரியும் ஆவியாக வருவதாக தகவல்கள் தெரிவிக்கின்றன. நயன்தாரா, எமி ஜாக்சன் இருவரும் ஹீரோயின்கள். சென்னையில் தொடங்கிய மாஸ் படத்தின் நாற்பது சதவீத காட்சிகள் படமாக்கப்பட்டன. இரண்டாவது ஷெட்யூல்ட் வரும் 6 -ஆம் தேதி சென்னையில் தொடங்குகிறது. அதனையடுத்து 15 -ஆம் தேதி பாடல் காட்சிகளை படமாக்க இரண்டுவார பயணமாக மாஸ் யூனிட் பல்கேரியா செல்கிறது. சூர்யாவுடன் எமி ஜாக்சன், நயன்தாரா ஆகியோரும் பல்கேரியா செல்லவிருப்பதாக படயூனிட் தெரிவிக்கிறது.   யுவன் இசையமைக்கும் இந்தப் படத்தில் ஸ்ரீமன், பிரேம்ஜி அமரன் ஆகியோருடன் ஜெயராமும் முக்கிய வேடத்தில் நடிக்கிறார். ஆர்.டி.ராஜசேகர் ஒளிப்பதிவு. ஸ்டுடியோ கிரீன் ஞானவேல்ராஜா படத்தை தயாரிக்கிறார்.

மேலும் படிக்கவும் மறுமொழி இல்லை சுதர்சன் 02-10-2014

பதக்கத்தை வாங்க மறுத்த இந்திய வீராங்கனை.

ஆசிய விளையாட்டு குத்துச்சண்டை போட்டியின் அரையிறுதியில் இந்திய வீராங்கனை சரிதா தேவி தோல்வியடைந்ததாக அறிவிக்கப்பட்டதால் சர்ச்சை எழுந்துள்ளது.   ஆசிய விளையாட்டுப் போட்டியில் இந்திய குத்துச்சண்டை வீராங்கனையான சரிதா தேவி, அரையிறுதியில் தென் கொரிய வீராங்கனை ஜினா பார்க்குடன் மோதினார். போட்டியில் அற்புதமாக செயல்பட்டு கொரிய வீராங்கனையைத் திக்குமுக்காடச் செய்தார். ரசிகர்களின் ஆதரவும் சரிதா தேவிக்குத் தான் இருந்தது. ஆனால், இறுதியில் தென் கொரிய வீராங்கனை வென்றதாக அறிவிக்கப்பட்டது. சிறப்பாக செயல்பட்டபோதும் தோற்றதாக அறிவிக்கப்பட்டதால் சரிதா கடும் அதிருப்தி அடைந்தார். இதனிடையே, நடுவர்களின் முடிவை எதிர்த்து இந்தியக் குழு முறையிட்டது. ஆனால், இந்த முறையீடு நிராகரிக்கப்பட்டது. இந்நிலையில், குத்துச்சண்டை பதக்கம் அணிவிக்கும் விழாவில் இந்தியா வீராங்கனை சரிதா தேவி கண்ணீர் விட்டு அழுதார். வெண்கலப் பதக்கத்தை கழுத்தில் அணியாமல், கையில் வாங்கிக் கொண்டார்.

மேலும் படிக்கவும் மறுமொழி இல்லை சுதர்சன் 02-10-2014

ஆயுதங்களுடன் புத்த பிக்குகள்.

மாத்தளை மாவட்டத்தின் அல்வத்தைப் பகுதியில் துப்பாக்கி சகிதம் பிக்குகளின் நடமாட்டம் இருப்பதாக பிரதேச மக்கள் அச்சம் வெளியிட்டுள்ளனர்.    இது தொடர்பில் பொலிஸ் நிலையத்தில் முறைப்பாடு செய்த போது நெற்றியில் துப்பாக்கியை வைத்து அச்சுறுத்தப்பட்ட நிலையில் பொலிஸ் நிலையத்தில் அளிக்கப்பட்ட முறைப்பாட்டை வாபஸ் பெறும் நிலைக்கு தான் தள்ளப்பட்டதாக இறத்தோட்டை பிரதேச சபை உறுப்பினர் திலக்குமார சிறி தெரிவித்துள்ளார். அல்வத்தைப் பிரதேசத்தில் கைவிடப்பட்ட நிலையில் காணப்படுகின்ற 50 ஏக்கர் காணிப் பகுதியிலேயே மேற்படி ஆயுதம் தாங்கியோரின் நடமாட்டம் இருப்பதாகவும் அவர் சுட்டிக்காட்டியுள்ளார்.   இறத்தோட்டை பிரதேச சபையின் மாதாந்த கூட்டம் நேற்று முன்தினம் திங்கட்கிழமை காலை அதன் தலைவர் ஜயந்த புஸ்பகுமார தலைமையில் நடைபெற்ற போதே உறுப்பினர் குமாரசிறி மேற்கண்ட விடயத்தைத் தெரிவித்துள்ளார். அவர் மேலும் தெரிவித்துள்ளதாவது, “கடந்த சில தினங்களாக நான் பிரதிநிதித்துவப்படுத்தும் அல்வத்தைப் பகுதியில் சீருடை தரித்த பிக்குமார் சிலர் துப்பாக்கிகளை ஏந்திய வண்ணம் நடமாடித் திரிகின்றனர். இதனால் அங்குள்ள மக்கள் பெரும் பீதிக் குள்ளாகியுள்ளனர்.   உயர் ரக வாகனங்களில் வந்திறங்கும் குறித்த பிக்குகுள் இங்கு கைவிடப்பட்ட நிலையிலுள்ள சுமார் 50 ஏக்கர் காணிப் பகுதியிலேயே இவர்களின் நடமாட்டம் அதிகமாக இருக்கிறது. இது பற்றி பொலிஸாரிடம் நான் முறைப்பாடு செய்திருந்தேன். இதனால் நெற்றிப் பொட்டில் துப்பாக்கியை வைத்து கொலை பயமுறுத்தல் செய்யப்பட்டு எனது பொலிஸ் முறைப்பாட்டை வாபஸ் பெற வேண்டிய நிலைக்கு ஆளாக்கப்பட்டேன்.   குறிப்பிட்ட காணிப் பகுதியின் உரிமையாளர் வெளிநாட்டில் இருப்பதாகக் கூறப்படுகிறது. இக்காணிப் பகுதியில் விஜயபால மன்னர் காலத்தில் அமைக்கப்பட்ட குகையுடன் கூடிய சுரங்கப்பாதையொன்று இருப்பதாக கர்ண பரம்பரைக் கதை ஒன்றும் உண்டு. இங்கு ஏதேனும் புதையல் இருக்கலாம் என்றும் அதை தோண்டி எடுப்பதற்கே இந்த ஆயுததாரிகள் முயன்று வருவதாக மக்கள் சந்தேகம் தெரிவிக்கின்றனர்.   எது எப்படியாயினும் பிக்குகளின் உடை தரித்துக்கொண்டு பயங்கர துப்பாக்கிகளை பகிரங்கமாகவே ஏந்தித் திரிவதும் அதன் காரணமாக மக்கள் மத்தியில் திகிலை உருவாக்குவதையும் எவ்வகையிலும் ஏற்றுக்கொள்ள முடியாது. ஆகவே, பிரதேச சபை இவ்விடயத்தில் தலையிட்டு மக்கள் மத்தியில் அமைதிச் சூழலை ஏற்படுத்த முன்வரவேண்டும்” என்று கேட்டுக் கொண்டுள்ளார்.

மேலும் படிக்கவும் மறுமொழி இல்லை சுதர்சன் 02-10-2014

யுவனின் தெலுங்கு வெற்றி.

யுவனின் இசைக்காக வெற்றி பெற்ற படம், பையா. அதே லிங்குசாமியின் அஞ்சான் படத்தில் ஒரு பாடல்கூட ரசிகர்களை கவரவில்லை. அஞ்சான் மட்டுமில்லை. சமீபத்தில் வெளியான யுவனின் எந்தப் பாடலும் அவரது முந்தையப் பாடல்களின் வசீகரத்தை கொண்டிருக்கவில்லை.   யுவனைவிட அவரது ரசிகர்களுக்குதான் இதில் பெருத்த ஏமாற்றம். இந்நிலையில் தெலுங்கில் யுவனுக்கு ஆறுதல் வெற்றி கிடைத்துள்ளது. நாளை ஆந்திராவில் ராம் சரண் தேஜா நடிப்பில் கிருஷ்ண வம்சி இயக்கிய கோவிந்துடு அந்தாரிவாடிலே படம் வெளியாகிறது. சென்சார் யுஏ சான்றிதழ் தந்துள்ள இந்தப் படத்துக்கு இசையமைத்தவர் யுவன். படத்தின் பாடல்கள் வெளியாகி ஓரளவு நல்ல வரவேற்பை பெற்றுள்ளன. சமீபத்திய யுவனின் தமிழ் படங்களுக்கு இது ரொம்பவே பெட்டர் என்பது ஆந்திராவிலிருந்து வரும் தகவல்.   இந்த வெற்றி தமிழிலும் தொடருமா? யுவன் ரசிகர்கள் காத்திருக்கிறார்கள்.

மேலும் படிக்கவும் மறுமொழி இல்லை சுதர்சன் 01-10-2014

401 கோல்களுடன் மெஸ்ஸி சாதனை.

ஸ்பெயினில் லா லிகா கால்பந்து கழக போட்டிகள் நடைபெற்று வருகின்றன. பார்சிலோனா கழகத்திற்காக விளையாடும் நட்சத்திர வீரர் லயோனல் மெஸ்ஸி, கிரனடாவுக்கு எதிரான ஆட்டத்தில் இரு கோல் அடித்தார். இதன் மூலம் பார்சிலோனா 6-0 என்ற கோல் கணக்கில் வெற்றி கண்டது.   இந்த இரண்டு கோல்களையும் சேர்த்து மெஸ்ஸியின் ஒட்டுமொத்த கோல் எண்ணிக்கை 400 கடந்தது. கழகம் மற்றும் அர்ஜென்டினா அணிக்காக அவர் இதுவரை 524 ஆட்டங்களில் விளையாடி 401 கோல்கள் அடித்திருக்கிறார். இது போன்ற மைல்கல்லை தொடுவேன் என்று ஒரு போதும் நினைத்ததில்லை என்று மெஸ்ஸி கூறியுள்ளார்.

மேலும் படிக்கவும் மறுமொழி இல்லை சுதர்சன் 01-10-2014

ஜெயலலிதாவுக்காக திரையுலகம் உண்ணாவிரதம்.

சொத்துக்குவிப்பு வழக்கில் தண்டனை பெற்று பெங்களூர் சிறையில் உள்ள ஜெயலலிதாவுக்கு ஆதரவாகவும், தீர்ப்பு குறித்த வருத்தத்தையும் உணர்வுகளையும் தெரிவிக்கும் வகையிலும் இன்று ஒட்டுமொத்த தமிழ் திரையுலகமும் சென்னையில் உண்ணாவிரதம் மேற்கொள்கிறது. இதில் திரையுலகின் அத்தனை அமைப்புகளும் பங்கேற்கின்றனர். இது தொடர்பாக தமிழ் திரையுலக கூட்டமைப்பு சார்பில் இன்று வெளியிடப்பட்டுள்ள அறிக்கையில் இத்தகவல் தெரிவிக்கப்பட்டுள்ளது.     சேப்பாக்கம்   சென்னை சேப்பாக்கம் விருந்தினர் மாளிகை அருகே தமிழ் திரைத்துறையினர் கலந்து கொள்ளும் உண்ணாவிரத போராட்டம் நடைபெறும் என்று தெரிவிக்கப்பட்டுள்ளது. சினிமா காட்சிகள் ரத்து   மேலும், தமிழகம் முழுவதும் நாளை திரையரங்குகளில் சினிமா படக்காட்சிகள் ரத்து செய்யப்படுகின்றன. அனைத்து அமைப்புகளும் இந்த உண்ணாவிரதத்தில் தமிழ் சினிமாவின் அனைத்து அமைப்புகளும் பங்கேற்கின்றன.   படப்பிடிப்புகளும் ரத்து   சினிமா மற்றும் தொலைக்காட்சி படப்பிடிப்புகள் ரத்து செய்யப்படுகின்றன என்றும் அறிவிக்கப்பட்டுள்ளது. திரையரங்கு உரிமையாளர்கள் தியேட்டர் அதிபர்களும் உண்ணாவிரதம் இருக்கிறார்கள். சென்னையில் நேற்று நடந்த தமிழ்நாடு திரையரங்கு உரிமையாளர்கள் சங்க செயற்குழு கூட்டத்தில் இந்த முடிவு எடுக்கப்பட்டது. தேனாம்பேட்டையில் ஜெயலலிதாவுக்கு விதிக்கப்பட்ட தண்டனையை கண்டித்து தமிழ்நாடு முழுவதும் நாளை திரையரங்குகளில் நான்கு காட்சிகளை ரத்து செய்வது என்றும், தேனாம்பேட்டையில் உள்ள சங்க அலுவலகத்தில் திரையரங்கு உரிமையாளர்கள் ஒரு நாள் உண்ணாவிரத போராட்டம் நடத்துவது என்றும் தீர்மானம் நிறைவேற்றப்பட்டது.

மேலும் படிக்கவும் மறுமொழி இல்லை சுதர்சன் 01-10-2014

சிம்பு தேவனின் இயக்கத்தில் நடிக்கும் விஜய்.

ஏ.ஆர்.முருகதாஸ் இயக்கத்தில் விஜய் நடித்துக்கொண்டிருக்கும் படம் ‘கத்தி’. இந்தப் படத்தில் விஜய் இரட்டை வேடத்தில் நடிப்பதோடு மட்டுமல்லாமல் அதிரடி ஆக்சனிலும் கலக்கவிருக்கிறார். படம் தீபாவளி வெளியீடாக திரைக்கு வரவிருக்கிறது. இதற்கு அடுத்து சிம்பு தேவனுடன் கைகோர்க்கப் போகிறார் விஜய். இப்படத்தில் விஜய்க்கு ஜோடியாக ஸ்ருதிஹாசன், ஹன்சிகா ஆகிய இருவரும் ஹீரோயின்களாக நடிக்கிறார்கள். விஜய்யுடன் ஸ்ருதிநாசன் நடிப்பது இதுவே முதல் முறை. ‘வேலாயுதம்’ படத்திற்குப் பிறகு மீண்டும் விஜய்யுடன் நடிக்கிறார் ஹன்சிகா. மேலும், இப்படத்தில் ஸ்ரீதேவி , ‘நான் ஈ’ படத்தில் நடித்த சுதீப் ஆகியோர் நடிக்க இருக்கிறார்கள். ஏ.ஆர்.ரஹ்மான் இசையமைக்கலாம் என்று சொல்லப்பட்டு வந்தது. ஆனால், தேவி ஸ்ரீ பிரசாத் இசையமைப்பாளராக ஒப்பந்தம் செய்யப்பட்டுள்ளார். நட்டி நட்ராஜ் ஒளிப்பதிவு செய்கிறார். முத்துராஜ் கலை இயக்குனராகப் பணியாற்றுகிறார். விஜய்யின் பி.ஆர்.ஓ.வான பி.டி.செல்வகுமார் படத்தை பிரம்மாண்டமாக தயாரிக்கிறார். கிட்டதட்ட 100 கோடி ரூபாய் பட்ஜெட்டில் படம் தயாராகவிருக்கிறதாம். இந்த படத்திற்காக மட்டுமே மொத்தமாக 200 நாட்கள் கால்ஷீட் கொடுத்திருக்கிறாராம் விஜய். இதன் முதற்கட்ட படப்பிடிப்பை கேரளாவில் நவம்பர் முதல் வாரத்தில் தொடங்கவுள்ளனர்.

மேலும் படிக்கவும் மறுமொழி இல்லை சுதர்சன் 30-09-2014

கமறா திருடிய நீச்சல் வீரர்.

கமரா ஒன்றைத்திருடியதாகக்கண்டறியப்பட்ட ஜப்பானிய நீச்சல் வீரர் ஒருவர், இன்ச்சியான் ஆசிய விளையாட்டுப் போட்டியிலிருந்து வெளியேற்றப்பட்டுள்ளார்.   ஆடவருக்கான 200 மீட்டர் நீச்சல் போட்டியில் பின்புறமாக நீந்தும் பிரிவில் கடந்த 2010ஆம் ஆண்டு நடைபெற்ற ஆசியப் போட்டியில் தங்கப் பதக்கம் வென்றிருந்த ஜப்பானின் நயோயா டோமிட்டா, தென் கொரியப் பத்திரிகையாளர் ஒருவரின் கேமராவை எடுத்து, தனது பைக்குள் போட்டுக்கொண்டது, ரகசிய கண்கானிப்புக் கருவிகளில் பதிவாகியுள்ளது.   “இது அடிப்படையில் நன்னடத்தை விதிகளை மீறிய செயல்” என்று, இன்ச்சியான் சென்றுள்ள ஜப்பானிய அணியின் தலைவரான சுயோஷி அயோகி தெரிவித்துள்ளார்.   இச்சம்பவத்தை அடுத்து, 25 வயதாகும் தவறிழைத்த நயோயா டோமிட்டா, அந்தப் போட்டியிலிருந்து சொந்தச் செலவிலேயே நாடு திரும்ப வேண்டும் என்று ஜப்பானிய அதிகாரிகள் உத்தரவிட்டுள்ளனர். சுமார் 7500 அமெரிக்க டாலர்கள் மதிப்பிலான அந்தக் கேமராவை திருடியதற்காக அவர் நீதிமன்றத்தில் வழக்கையும் எதிர்கொள்ள வேண்டி வரலாம் என ஜப்பானிய அணியுடன் சென்றுள்ள அதிகாரிகள் கூறுகிறார்கள்.   எந்தவொரு ஜப்பானிய விளையாட்டு வீரரும் ஆசியப் போட்டிகளின் போது, இதற்கு முன்னர் இப்படியான ஒரு செயலைச் செய்துள்ளதாக தான் அறிந்திருக்கவில்லை என்று கூறியுள்ள அணியின் தலைவர் அயோகி, இதற்காகத் தாங்கள் மன்னிப்பு கோருவதாகத் தெரிவித்துள்ளார்.

மேலும் படிக்கவும் மறுமொழி இல்லை சுதர்சன் 30-09-2014

முதல்வராக பதவியேற்ற பன்னீர்செல்வம்.

தமிழகத்தின் புதிய முதல்வராக ஓ.பன்னீர்செல்வம் இரண்டாவது முறையாக இன்று கண்ணீர் மல்க பதவியேற்றுக் கொண்டார். ஆளுநர் மாளிகையில் பிற்பகலில் நடைபெறும் பதவியேற்பு விழாவில் ஆளுநர் ரோசையா, ஓ.பன்னீர் செல்வத்திற்கு பதவி பிரமாணம் செய்து வைத்தார்.     பன்னீர் செல்வத்துடன் மற்ற அமைச்சர்களும் பதவியேற்று வருகின்றனர். இந்த பதவியேற்பு விழாவில் அரசு அதிகாரிகள், காவல்துறை அதிகாரிகள் பங்கேற்றுள்ளனர். கடந்த 2001ஆம் ஆண்டு செம்படம்பர் முதல் 2002 ஆம் ஆண்டு மார்ச் மாதம் வரை முதல்வராக ஓ.பன்னீர்செல்வம் பதவி வகித்தவர் என்பது குறிப்பிடத்தக்கது. இந்நிலையில் 12 ஆண்டுகளுக்கு பிறகு மீண்டும் இரண்டாவது முறையாக ஓ.பன்னீர்செல்வம் தமிழகத்தின் முதல்வராக பதவியேற்றுள்ளார் என்பது குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 30-09-2014

குழப்பத்தில் கார்த்தி.

அஞ்சான் ஏற்படுத்திய பள்ளத்தில் ஆறேழு வண்டி மண்ணடிச்சாலும் மூட முடியாது போலிருக்கே என்று பெருத்த சோகத்திலிருக்கிறார் சூர்யா.   அவரை மேலும் சோகமாக்கியிருக்கிறது லிங்குசாமியின் விளக்கம் ஒன்று. தனக்கு நெருக்கமான சிலரிடம், ‘நான் அவருக்கு நாலு கதை சொன்னேன். அவருதான் இந்த கதையை தேர்ந்தெடுத்தார். அதுக்கு நான் என்ன பண்ணுறதாம்’ என்றாராம். இதைக் கேட்டவர்களில் ஒருவர் போட்டுக் கொடுத்தே புகழ் வாங்கும் புலவர் போலிருக்கிறது.   அச்சு பிசறாமல் அஞ்சானிடம் வந்து சொல்லிவிட்டார். அடப்பாவி... என்று கவலையுற்ற சூர்யா, தன் தம்பி கார்த்தியிடம் கவலையைப் பகிர்ந்து கொண்டாராம். வேடிக்கை என்னவென்றால், லிங்குசாமி இயக்கத்தில் அடுத்து நடிக்கவிருப்பவர் இந்தக் கார்த்தி தான். ‘நான் போகலேண்ணே. இந்த படமே வேண்டாம்’ என்றாராம் அவர். இதையும் அப்படியே லிங்குசாமி காதுக்கு கொண்டு போனாராம் அந்த போ.கொ. ஆசாமி. பதறிப்போன லிங்கு, கார்த்தியை சமாதானப்படுத்திக் கொண்டிருக்கிறார்.   விடை காயா? பழமா? இன்னும் சில நாட்களில் தெரிந்து விடும்.

மேலும் படிக்கவும் மறுமொழி இல்லை சுதர்சன் 29-09-2014

பிரித்தானியாவின் 10இல் ஒருவருக்கு சமைக்கத்தெரியாது.

உலகில் மிகத்திறமையான சமையல் காரர்கள் (chef) அதிகம் உடைய நாடாகக் கருதப் படும் பிரிட்டன் மக்கள் தொகையில் 10 இல் ஒருவருக்கு எந்த ஒரு உணவையுமே தயாரிக்கத் தெரியாது என BBC இன் Good Food survey என்ற கருத்துக் கணிப்பு தெரிவிக்கின்றது.   எனினும் 52% வீதமான பிரிட்டன் மக்களுக்கு குறைந்தது 10 இற்கும் அதிகமான உணவு வகைகளைத் தயாரிக்கத் தெரியும் எனவும் கூறப்படுகின்றது.   தனது 25 ஆவது ஆண்டு நிறைவை முன்னிட்டு Good Food survey நடத்திய இக்கருத்துக் கணிப்பின் போது 32% வீதமான பிரிட்டன் மக்கள் 20 இற்கும் அதிகமான உணவுகளைத் தயாரிக்க வல்லவர்கள் என்றும் அறியப் பட்டுள்ளது. மேலும் இக்கருத்துக் கணிப்பு நடத்தப் பட்ட 10 000 பேரிடம் இருந்து பெறப் பட்ட தகவல் படி பிரிட்டன் மக்கள் தொகையில் 10 இல் ஒருவருக்கு அதாவது 5 மில்லியன் வளர்ந்தவர்களுக்கு எந்த ஒரு உணவையுமே சமைக்கத் தெரியாது என்றும் தெரிய வந்துள்ளது. இவர்களுக்கு ஒரு முட்டையை எவ்வாறு அவிப்பது என்பது கூடத் தெரியாது என்றும் தெரிய வந்துள்ளது. இதில் அதிக பட்சம் (10 இல் ஒருவர்) ஆண்களே என்பதும் குறிப்பிடத்தக்கது. பிரிட்டனில் இதுவரை மேற்கொள்ளப் பட்ட மிகப் பெரிய உணவு தொடர்பான இக்கருத்துக் கணிப்பில் சமைக்கும் திறன் முதற்கொண்டு சாப்பிடும் பழக்க வழக்கங்கள் வரை அனைத்துப் பிரிவுகளிலும் தகவல்கள் திரட்டப் பட்டிருந்தன. உணவுகளில் வாட்டப் படும் பாண் மிக அல்லது வேறு உணவுகள் (roast dinner) அதிகளவும், பானங்களில் தேநீரும் அதிகளவும் உட்கொள்ளப் படுகின்றன. இதற்கடுத்த நிலையில் மீன் மற்றும் சிப்ஸ் என்பவை பீட்சா அல்லது இந்தியன் டேக் அவே உணவுகளை விட பிரசித்தமாக உள்ளன. மேலும் அனேகமாக அனைத்து வீடுகளிலும் மைக்ரோவேவ் உபகரணம் இல்லாது உணவு தயாரிப்பது என்பது சாத்தியமற்றதாகவே உள்ளது.  

மேலும் படிக்கவும் மறுமொழி இல்லை சுதர்சன் 29-09-2014

அதிமுக தொண்டர் தற்கொலை.

சிவகங்கை மாவட்டம் சிங்கம்புணரி அருகே அதிமுக தொண்டர் ஒருவர் விஷம் குடித்துத் தற்கொலை செய்து கொண்டார்.   சிங்கம்புணரி அருகே உள்ள அ.காளாப்பூர் திருநகரைச் சேர்ந்த 70வயதுடைய சுப்பிரமணியன், இவர் அரசு பேருந்து ஓட்டுநராகப் பணிபுரிந்து ஓய்வு பெற்றவர்.   ஜெயலலிதாவுக்கு சிறை தண்டனை எனத் தீர்ப்பு அளித்ததைத் தொடர்ந்து விரக்தி அடைந்த சுப்பிரமணியன் வீட்டிலிருந்த பூச்சிமருந்தை குடித்து ஆபத்தான நிலையில் மதுரை அரசு மருத்துவமனையில் அனுமதிக்கப்பட்டார். இந்நிலையில் சிகிச்கைப் பலனின்றி அவர் உயிரிழந்தார். இச்சம்பவம் குறித்து காவல் துறையினர் விசாரித்து வருகின்றனர்.

மேலும் படிக்கவும் மறுமொழி இல்லை சுதர்சன் 29-09-2014

ஜெயலலிதா: முதல்வர் முதல் ஜெயில் வரை - சிரித்திரன்.

இன்றைய காலக்கட்டத்தில் இளைய சமுதாயத்தினருக்கு இந்த வழக்கு பற்றி ஒன்றும் தெரியாது. ஏன் எனில் அவர்கள் இந்த வழக்கு பதிவு செய்யப்பட்டபோது அவர்கள் டவுசர் போட்டுக்கொண்டு மண்ணில் விளையாடிக்கொண்டு இருந்திருப்பார்கள். அவர்களுக்காகவே இந்த வழக்கின் வரலாறு.   1991 – 1996 காலக்கட்டம்………….   இராஜிவ்காந்தி தமிழகத்தில் கொல்லப்பட்டபோது, காங்கிரஸ்சோடு கூட்டணியில் இருந்த அதிமுக அனுதாப அலையில் மாபெரும் வெற்றியை பெற்றது. ஜெயலலிதா முதல்வரானார்.   அவர் முதல்வரானபின் தமிழகம் மாபெரும் கோரதாண்டவத்தை சந்தித்தது. கூட்டணியில் இருந்த காங்கிரஸ்சை கழட்டி விட்டார். என்னால் கிடைத்த வெற்றி என அறிவித்தார்.   முதலமைச்சராக மாதம் ஒரு ரூபாய் சம்பளமாக பெறுகிறேன் என அறிவித்தார்.   அதிமுகவின் சீனியர் தலைவர்களை அவமானப்படுத்தினார். நாவலர் நெடுஞ்சியனை, உதிர்ந்த ரோமம் என வர்ணித்தார்.   கவர்னர் என் கையை பிடித்து இழுத்தார் என சட்டமன்றத்தில் அறிவித்தார்.   தனது வளர்ப்பு மகனான சுதாகரன்க்கு நடிகர் சிவாஜிகணேசன் பேத்தியை  மனைவியாக்கி கோடிகளில் திருமணம் செய்து வைத்தார். அவரும் அவரது தோழி சசிகலாவும் தங்க, வைர நகைகள் போட்டுக்கொண்டு மாநிலத்தை வலம் வந்தனர்.   மகாமகம் குளத்தில், ஜெ, சசிகலா குளித்துவிட்டு மாலை மாற்றிக்கொண்ட நிகழ்வில் பொதுமக்கள் 50க்கும் மேற்பட்டோர் பலி. பலர் ஊனம்.   ஜெவின் அதிகார அத்துமீறல், ஊழல் போன்றவற்றை ஆதாரத்தோடு வெளிப்படுத்திய நக்கீரன் இதழ், அதன் ஆசிரியர், பிரிண்டர், நிருபர்கள் மீது அதிகார காவல் நாய்களின் பாய்ச்சல், வழக்கு, கைது. சிலர் காவல்துறையின் கொடுமையால் மரணம்.   சென்னையை சேர்ந்த நகைக்கடை அதிபரிடம் முதல்வர் அதிகாரத்தை காட்டி ஜெ, சசிகலா தங்க, வைர நகைகள் வாங்கிக்கொண்டு பணம் தராததால் குடும்பத்தோடு தற்கொலை.   ஜெவின் ஊழலுக்கு துணை புரியாத சந்திரலேகா ஐ.ஏ.எஸ் முகத்தில் ஆசிட் வீசிய ஜெவின் அடிப்பொடிகள் ஏற்பாடு செய்த வெளிமாநில ரவுடிகள்.   இன்று முதல்வர் ஜெ வின் ஊழலுக்கு துணை புரியாத சகாயம் ஐ.ஏ.எஸ் போல அன்று உமாசங்கர் ஐ.ஏ.எஸ் அலைகழிப்பு, மிரட்டல்.   ஜெவுக்கு எதிர்ப்பாக வழக்குகள் தொடுத்த பிரபல வழக்கறிஞர்கள் விஜயன், சண்முகசுந்தரம் உட்பட பலர் மீது ரவுடிகளை விட்டு தாக்குதல்.   தனக்கு ஒத்தொழைக்காத மத்திய அமைச்சர்களாக இருந்த சிதம்பரம், மணிசங்கர் அய்யர், தலைமை தேர்தல் ஆணையர் டி.என்.சேஷன் உட்பட பலர் மீது தாக்குதல். பொய் வழக்குகள் என ஜெவின் கோரதாண்டவம் ஆடினார்.   திராட்சை தோட்டம், பங்களாக்கள் என சொத்துக்களாக வாங்கி குவிப்பு என படுமோசமான அலங்கோல ஆட்சியாக திகழ்ந்தது. இசையமைப்பாளர் கங்கைஅமரனை மிரட்டி நிலத்தை எழுதி வாங்கியது.   இப்படி இன்னும் சொல்லிக்கொண்டே போகலாம். முதல் முறையாக ஆட்சி பொறுப்புக்கு வந்தபோதே இத்தனை கோரதாண்டவம் ஆடினார். இதனால் மக்கள் ஆட்சி மாற்றத்தை விரும்பினர். 1996ல் திமுக ஆட்சி பொறுப்புக்கு வந்தது.    ஜெ. சொத்துக் குவிப்பு வழக்கு முழு பின்னணி:   ஜெயலலிதா முதன் முறையாக 1.7.1991 முதல் 30.4.1996 வரை தமிழகத்தின் முதல்வராக இருந்தார். இந்த ஐந்து ஆண்டுகளில் அவர் தன் வருமானத்துக்கு அதிகமாக சொத்துகளைச் சேர்த்துள்ளதாக ஜனதா கட்சியின் தலைவராக இருந்த சுப்பிரமணியன் சுவாமி அப்போதைய தமிழக ஆளுநர் சென்னா ரெட்டியிடம் அனுமதி பெற்று, பிறகு 14.6.1996-ல் சென்னை அமர்வு நீதிமன்றத்தில் மனுத்தாக்கல் செய்தார். 27-6-1996 அன்று  அந்த மனுவை விசாரித்த சென்னை அமர்வு நீதிமன்ற நீதிபதி ராமமூர்த்தி, தமிழ்நாடு ஊழல் மற்றும் கண்காணிப்பு துறையின் டி.ஐ.ஜி-யாக இருந்த லத்திகா சரணை விசாரணைசெய்ய ஆணையிட்டார். அதை எதிர்த்து ஜெயலலிதா தரப்பு, தனி நபர் ஒருவரை விசாரணை அதிகாரியாக நியமிக்கக் கூடாது. இந்த விசாரணைக்குத் தடை விதிக்க வேண்டும் என்று மனுத் தாக்கல் செய்தார்கள். அதையடுத்து சென்னை அமர்வு நீதிமன்றம் அந்த விசாரணைக்கு இடைக்கால தடை விதித்தது.   இந்த வழக்கை துறைரீதியாக தமிழக ஊழல் மற்றும் கண்காணிப்புத் துறையின் ஐ.ஜி-யாக இருந்த வி.சி.பெருமாள் விசாரணை நடத்தி வந்தார். துறை ரீதியாக விசாரித்து வந்த வி.சி.பெருமாள், இந்த வழக்கில் குற்றம் செய்ததற்கான முகாந்திரம் இருப்பதாகக் கருதி, ஜெயலலிதா மீது 18.9.1996-ம் தேதி எஃப்.ஐ.ஆர் பதிவுசெய்து விசாரணையை தொடங்கினார். சொத்து குவிப்பு வழக்கில் ஜெயலலிதா மீது அவர் முதல்வர் ஆவதற்கு முன்பாக (1-7-1991-க்கு முன்பு) அவருடைய சொத்து மதிப்பு 2 கோடியே 1 லட்சத்து 83 ஆயிரத்து 956.53 ஆகும். ஆனால் வழக்கு காலத்திற்கு பிறகு (1-7-1991 முதல் 30-4-1996 வரை) 66 கோடியே 65 லட்சத்து 20 ஆயிரத்து 395.59 ஆக சொத்து அதிகரித்துள்ளது. எனவே ஜெயலலிதா தனது அதிகாரத்தை தவறாக பயன்படுத்தி வருமானத்துக்கு அதிகமாக சொத்து குவித்துள்ளார். மேலும் சசிகலா, சுதாகரன், இளவரசி ஆகியோர் சொத்து குவிக்க உடந்தையாக இருந்துள்ளனர். எனவே அவர்கள் மீது ஊழல் தடுப்பு சட்டம் 13(1) ( ஈ) பிரிவில் வருமானத்துக்கு அதிகமாக சொத்து குவித்தது மற்றும் 13(2) அதிகாரத்தை துஷ்பிரயோகம் செய்த குற்றத்துக்கு உடந்தையாக இருந்தது மற்றும் ஊழல் தடுப்பு சட்டம் 120(பி) கூட்டு சதி தீட்டியது ஆகிய பிரிவுகளில் வழக்கு பதிவு செய்யப்பட்டது.   நீதிமன்றத்தின் இடைக்காலத் தடை முடிந்ததும் ஊழல் மற்றும் கண்காணிப்புத் துறை இயக்குநராக இருந்த ராகவனிடம், வேறு ஒருவரைக்கொண்டு இந்த வழக்கை விசாரிக்க வேண்டும் என்று நீதிமன்றம் ஆணையிட்டது.  லத்திகா சரணுக்குப் பதிலாக தமிழ்நாடு ஊழல் மற்றும் கண்காணிப்புத் துறையின் ஏ.டி.எஸ்.பி-யாக இருந்த நல்லம நாயுடு தலைமையில் 16 இன்ஸ்பெக்டர்கள் நியமிக்கப்பட்டனர்.  ஐ.ஐீ பெருமாள் வழக்கை நல்லம்மநாயுடுவிடம் ஒப்படைத்தார்.    இந்த நிலையில் டான்சி நில வழக்கில் சி.பி.சி.ஐ.டி போலீஸார் ஜெயலலிதாவை 7.12.1996-ல் கைது செய்து சென்னை புழல் சிறையில் வைத்தனர். அப்போது நல்லமநாயுடு தலைமையிலான ஊழல் மற்றும் கண்காணிப்புத் துறை போலீஸார் சென்னை அமர்வு நீதிமன்றத்தின் ஒப்புதல் பெற்று ஜெயலலிதாவின் வங்கிக் கணக்குகளை முடக்கியதோடு அவருக்குச் சொந்தமான அசையும் மற்றும் அசையா சொத்துகளை நேரில் சென்று 7.12.96 முதல் 12.12.96 வரை ஜெயலலிதாவின் போயஸ் கார்டன் இல்லம், ஐதராபாத் திராட்சை தோட்டம் ஆகிய இடங்களில் சோதனையிட்டார்.   வழக்கை விசாரிக்க தனி நீதிமன்றம் அமைக்கப்பட்டது. அந்த தனி நீதிமன்றத்தில் 4.6.1997-ல்  3வது சிறப்பு நீதிபதி பி.அன்பழகன் முன் குற்றப்பத்திரிகை தாக்கல் செய்யப்பட்டது. 21.10.1997-ல் இந்த வழக்கில் ஜெயலலிதா முதல் குற்றவாளியாக சேர்க்கப்பட்டார். சசிகலா, சுகாதரன், இளவரசி ஆகியோர் மீது குற்றம் சுமத்தப்பட்டது. பிறகு 259 சாட்சியங்கள் சேர்க்கப்பட்டனர். 2000 ஆகஸ்ட்டில் சென்னை சிறப்பு நீதிமன்றத்தில் வழக்கு விசாரணை ஆகஸ்ட் மாதம் துவங்கியது. 250 சாட்சிகள் விசாரிக்கப்பட்டனர்.   மீண்டும் 2001 மே மாதம் தமிழகத்தில் ஆட்சி மாற்றம் ஏற்பட்டு அதிமுகவின் ஜெயலலிதா முதல்வரானார். சொத்து வழக்கின் போக்கு மாறியது. மூன்று அரசு வக்கீல்கள் ராஜினாமா, விசாரணை அதிகாரி மாற்றம், சிறப்பு நீதிமன்ற நீதிபதி மாற்றம் என நடந்தது.    2002 நவம்பர் மாதம் வழக்கு விசாரணை மீண்டும் சூடு பிடித்தது. அதையடுத்து சாட்சிகள் மறு விசாரணை செய்யப்பட்டனர். 76 சாட்சிகள் குறுக்கு விசாரணைக்காக அழைக்கப்பட்டனர். அவருக்கான கேள்விகள், அவரது வீட்டுக்கே அனுப்பப்பட்டன. 2003 பிப்ரவரி மாதம் வரை விசாரணை நடந்தது 76 சாட்சிகளில் 64 பேர் பிறழ் சாட்சிகளாக மாறினர். இதனை அரசு வழக்கறிஞர் தடுக்கவில்லை என்று தி.மு.க சந்தேகப்பட்டது. தி.மு.க பொதுச் செயலாளர் அன்பழகன் உச்ச நீதிமன்றத்தில், ''வழக்கில் குற்றம்சாட்டப்பட்டுள்ள ஜெயலலிதா முதல்வராக இருப்பதால், இந்த வழக்கை வேறு ஒரு மாநிலத்துக்கு மாற்ற வேண்டும்'' என்று மனுத் தாக்கல் செய்தார். அதையடுத்து உச்ச நீதிமன்றம் வழக்கை பெங்களூருக்கு மாற்ற 18.11.2003-ல் உத்தரவிட்டது. 10.9.2004-ல் அதிகாரபூர்வமாக வழக்கு பெங்களூருக்கு மாற்றப்பட்டது. அதனைத் தொடர்ந்து தமிழில் இருந்த ஆவணங்களை ஆங்கிலத்தில் மொழிபெயர்த்தல், பிறழ் சாட்சிகளின் விசாரணை, குறுக்கு விசாரணை, குற்றம்சாட்டப்பட்டவர்களின் வாக்குமூலம் பதிவு செய்தல் என நடந்தது. நீதிபதிகள், அரசு வழக்கறிஞர்கள், வாதி வழக்கறிஞர்கள் மாற்றம் என நடந்தபடியிருந்தது. 2005ல் அரசு வக்கீலாக ஆச்சார்யா நியமிக்கப்பட்டார். வழக்கை மீண்டும் விசாரிக்க அவர் முயற்சித்தபோது, தனக்கான கேள்விகளை வீட்டுக்கு அனுப்பும்படியும், ஆஜராகாமல் இருக்கவும் ஜெயலலிதா நீதிமன்ற உத்தரவை பெற்றார் இதனால், வழக்கு விசாரணையில் தொய்வு ஏற்பட்டது. 2011 மே மாதம், ஜெயலலிதா மீண்டும் முதல்வராக பதவியேற்றார்   ஆகஸ்ட் 12ந்தேதி சொத்து குவிப்பு வழக்கில் நேரில் ஆஜராவதில் இருந்து ஜெயலலிதாவுக்கு விலக்கு அளிக்கக்கோரிய மனுவை தள்ளுபடி செய்த சிறப்பு நீதிமன்றம், வீடியோ கான்பரன்ஸ் மற்றும் எழுத்து மூலமாக வாக்குமூலத்தை பதிவு செய்ய அனுமதி அளித்தது. 2011 செப்டம்பர் மாதம் அரசு தரப்பில் 259 சாட்சிகள் விசாரிக்கப்பட்ட நிலையில், அதுதொடர்பாக விளக்கமளிக்க ஜெயலலிதா நேரில் ஆஜராக வேண்டும் என சிறப்பு நீதிமன்றம் உத்தரவு பிறப்பித்தது. இதற்கு எதிர்ப்பு தெரிவித்து ஜெயலலிதா உச்சநீதிமன்றத்தை நாடினார். ஆஜராக வேண்டும் என உத்தரவிட்டு மனுவை தள்ளுபடி செய்தது.    2011 அக்டோபர் மாதம், பெங்களூரு தனி நீதிமன்றத்தில் ஜெயலலிதா நேரில் ஆஜராகி வாக்குமூலம் அளித்தார். இந்த விசாரணையில், முதல்நாள் 567 கேள்விகளுக்கு பதிலளித்தார். மீதமுள்ள கேள்விகள் நவம்பர் 8ம் தேதி கேட்கப்படும் என்று நீதிபதி மல்லிகார்ஜுனய்யா உத்தரவிட்டார். இதை எதிர்த்து உச்சநீதிமன்றத்தில் ஜெயலலிதா மனுதாக்கல் செய்ய அது தள்ளுபடி செய்யப்பட்டது. நவம்பர் 9ந்தேதி மீதமிருந்த, 192 கேள்விகளுக்கு என மொத்தம் 1,339 கேள்விகளுக்கு பதிலளித்தார்.   ஜெ தரப்பு அரசு வக்கீல் ஆச்சார்யாவுக்கு ஆசை காட்டி வளைக்க முயன்றது. அவர் மறுத்ததால் அப்போது மாநிலத்தில் இருந்த பி.ஜே.பி அரசு மூலம் அவரை தொந்தரவு செய்தது ஜெ படை. என் கடைசி காலத்தில் மன நிம்மதி முக்கியம் என 2012 ஆகஸ்ட் மாதம் ஜெ வின் வழக்கில் இருந்து விலகிக்கொண்டார். ஜெ மீதும், பி.ஜே.பி அரசு மீதும் குற்றம்சாட்டிவிட்டே சென்றார். 2013 பிப்ரவரி மாதம், புதிய சிறப்பு வக்கீலாக பவானி சிங் நியமிக்கப்பட்டார். அதே ஆண்டு செப்டம்பர் மாதம், வழக்கை விசாரித்து வந்த நீதிபதி பாலகிருஷ்ணா ஓய்வு பெற்றார். புதிய நீதிபதியாக ஜான் மைக்கேல் டி குன்ஹா நியமிக்கப்பட்டார். பெங்களூரு தனி நீதிமன்றத்தில் வழக்கு கடந்த 10 ஆண்டுகளாகப் பல நீதிபதிகளால் விசாரணை செய்தாலும்  31.10.2013-ல் வழக்கின் புதிய நீதிபதியாகப் பொறுப்பேற்ற ஜான் மைக்கேல் டி.குன்ஹா, அதிரடிகளை காட்டினார். வீணான பெட்டிஷன்கள், காலதாமதம், இழுத்தடிப்பு என குற்றம்சாட்டப்பட்டவர்களின் வழக்கறிஞர்கள் குன்ஹாவிடம் “விளையாட“ தொடங்கினார்கள்.   7.3.2014-ல் அரசுத்தரப்பு இறுதிவாதம் தொடங்க உத்தரவிட்டார். அரசு வழக்கறிஞர் பவானி சிங் வராததால் 10.3.2014-ம் தேதிக்கு ஒத்தி வைக்கப்பட்டது. 10-ம் தேதியும் பவானி சிங் வரவில்லை. 14.3.2014-க்கு ஒத்தி வைக்கப்பட்டது. 14-ம் தேதி வந்த பவானி சிங் உடல்நிலை சரியில்லை. 10 நாட்கள் கால அவகாசம் வேண்டும் என்று மெடிக்கல் சர்டிஃபிகேட் கொடுத்தார். அதைகேட்டு கோபம்கொண்ட நீதிபதி, அரசு வழக்கறிஞர் பவானி சிங்கின் ஒருநாள் சம்பளமான 65,000 ரூபாயை அபராதமாக விதித்தார். அடுத்த நாள் 15-ம் தேதியும் பவானிசிங் வராததால் அன்றும் ஒருநாள் சம்பளமான 65,000 ரூபாயை அபராதமாக விதித்தார். நீதிமன்ற வரலாற்றில் ஒரு அரசு வழக்கறிஞர் மீது நீதிபதி அபராதம் விதித்தது நீதித்துறை வட்டாரத்தில் பரபரப்பை ஏற்படுத்தியது.    அதேபோல் அரசுத் தரப்பு இறுதி வாதம் 19.5.2014-ல் முடித்த உடனே ஜெயலலிதா தரப்பு இறுதிவாதம் செய்ய உத்தரவிட்டார். ஜெயலலிதாவின் வழக்கறிஞர் குமாரின் தாயார் இறந்துவிட்டார். அதனால் எங்களுக்கு கால அவகாசம் வேண்டும் என்றார்கள் ஜீனியர்கள். விலக்கு அளித்தவர் ஏ2, ஏ3, ஏ4 வழக்கறிஞர்கள் தங்கள் இறுதிவாதத்தைத் தொடங்க வேண்டும் என்றார். ஜெயலலிதாவின் வழக்கறிஞர் குமாருடைய இறுதிவாதத்தை முடித்த பிறகுதான் எங்கள் வாதத்தை தொடங்குவோம் என்று அடம் பிடித்தனர். அதற்கும் கடிவாளம் போட்டார்.      சொத்து பட்டியல்.........   பெங்களூரு நீதிமன்றத்தில் அரசுத்தரப்பு வழக்கறிஞர் பவானி சிங், ஜெயலலிதா வருமானத்துக்கு அதிகமாக வாங்கிக் குவித்துள்ள சொத்துக்களின் பட்டியலை தாக்கல் செய்துள்ளார். அரசுத் தரப்பு வழக்கறிஞர்கள் வாசித்த ஜெயலலிதாவின் 306 சொத்துப் பட்டியல் இதுதான்....   ஜெயா பப்ளிகேஷன், சசி என்டர்பிரைசஸ், மெடோ அக்ரோ ஃபார்ம்ஸ், ஜே.எஸ்.ப்ராப்பர்ட்டீஸ், லெக்ஸ் ப்ராப்பர்ட்டீஸ், ஜெ ஃபார்ம் ஹவுஸ், ஜெயா கன்ஸ்ட்ரக்ஷன், ரிவர்வே அக்ரோ பிரைவேட் லிமிடெட், ராம்ராஜ் அக்ரோ மில்ஸ், கிரீன் கார்டன், ஆஞ்சநேயா பிரின்டர்ஸ், சூப்பர் டூப்பர் பிரைவேட் லிமிடெட் என 32 கம்பெனிகள் பெயரிலும் சொத்துகள் வாங்கப்பட்டுள்ளன.   போயஸ் கார்டன் நிலம் மற்றும் கட்டடம் 10 கிரவுண்ட் 330 சதுர அடி விலை ரூ.1,32,009.   ஹைதராபாத் சிட்டியில் பிளாட் நம்பர் 36-ல் விரிவாக்கப்பட்ட 651.18 சதுர அடி கட்டடம் ரூ.50,000.   ஹைதராபாத் பஷீராபாத் என்ற கிராமத்தில் திராட்சைத் தோட்டம் மற்றும் இரண்டு பண்ணை வீடுகள், வேலையாட்களுக்கான குவாட்டர்ஸ் உள்ளிட்ட 11.35 ஏக்கர் நிலம் ரூ.1,65,058.   மேலும் அதே பகுதியில் 93/3 சர்வே எண்ணில் 3.15 ஏக்கர் ரூ.13,254 ஆகியவை சந்தியா மற்றும் ஜெயலலிதா பெயரில் வாங்கப்பட்டுள்ளன.     தஞ்சாவூர் மானம்புசாவடியில் 2,400 சதுர அடியில் நிலம் மற்றும் வீடு ரூ.1,57,125.   அதே பகுதியில் 51,000 சதுர அடி காலி நிலம் ரூ.1,15,315.   மீண்டும் அதே பகுதியில் காலி நிலம் ரூ.2,02,778 ஆகியவை சசி என்டர்பிரைசஸ் வாங்கியது.    சசிகலா பெயரில் திருச்சி அபிராமிபுரத்தில் நிலம் மற்றும் வீடு 3,525 சதுர அடி ரூ.5,85,420.    ஜெயா பப்ளிகேஷன் பெயரில் கிண்டி தொழிற்பேட்டை நிலம் மற்றும் ஷெட் ரூ.5,28,039.   புதுக்கோட்டையில் 1 கிரவுண்ட் 1,407 சதுர அடி நிலம் மற்றும் கட்டடம் ரூ.10,20,371.   டான்சி நிலம் 55 கிரவுண்ட் ரூ.2,13,68,152. சசிகலா, இளவரசி, சுதாகரன் பெயரில் 900 ஏக்கரில் கொடநாடு டீ எஸ்டேட் மற்றும் ஃபேக்டரி ரூ.7,60,00,000.   வெலகாபுரம் கிராமத்தில் மெடோ ஆக்ரோ ஃபார்ம்ஸுக்கு 210.33 ஏக்கர் நிலம் வாங்கப்பட்டுள்ளது.   ஜெயலலிதா பெயரில் வட சென்னையில் சேயார் கிராமத்தில் விவசாய நிலம் வேதாசல முதலியார் மகன் நடேச முதலியாரிடம் 3.43 ஏக்கர் நிலம் ரூ.17,060.   ஜெயலலிதா சசிகலா பெயரில் சென்னை-28, சீனிவாச அவின்யூ நிலம் மற்றும் வீடு 1,897 சதுர அடி வெங்கடசுப்பனிடம் இருந்து ரூ.5,70,039 வாங்கியது.    சசிகலா பெயரில் சாந்தோம் ஆர்.ஆர். ஃப்ளாட் ரூ.3,13,530.   சசி என்டர்பிரைசஸ் பெயரில் சென்னை 4, அப்பாஸ் அலிகான் ரோட்டில் ரூ.98.904-க்கு ஷாப்பிங் மால்   நுங்கம்பாக்கம் காதர் நவாஸ் கான் ரோட்டில் 11 கிரவுண்ட் 736 சதுர அடி நிலம் ரூ.22,10,919   மவுண்ட் ரோடு, மயிலாப்பூரில் ஜெயலலிதா பெயரில் வாங்கிய நிலம் மற்றும் கடை ரூ.1,05409.   திருநெல்வேலி மாவட்டத்தில் 1,200 ஏக்கர்.   சென்னை கிழக்குக் கடற்கரைச் சாலையில் நீலாங்கரை, ஈஞ்சம்பாக்கம், முட்டுக்காடு, வெட்டுவாங்கேணி, பையனூர், சிறுதாவூர், சோழிங்கநல்லூர் செய்யூர், புதுக்கோட்டை, திருச்சி, தஞ்சை, மன்னார்குடி என தமிழகத்தின் பல மாவட்டங்களில் காலி நிலம், கட்டடம், கடைகள் மற்றும் விளைநிலங்களும் வாங்கப்பட்டுள்ளன.    சென்னையில் கிண்டி, டி.டி.கே ரோடு, மவுண்ட் ரோடு, லஸ் பகுதிகளில் இடங்கள், கட்டடங்கள் வாங்கப்பட்டுள்ளன.   பையனூர் பங்களா ரூ.1,25,90,261.   ஹைதராபாத் திராட்சைத் தோட்டப் பண்ணை வீடு ரூ.6,40,33,901.   போயஸ் கார்டன் வீடு விரிவாக்கம் ரூ.7,24,98,000.   சிறுதாவூர் பங்களா ரூ.5,40,52,298 உட்பட பல இடங்களில் உள்ள பண்ணை வீடுகள், புதிய கட்டடங்களின் மராமத்துப் பணிகளின் செலவுகள் பட்டியலிடப்பட்டன.   இளவரசி அக்கவுன்டில் அபிராமிபுரம் இந்தியன் வங்கியில் ரூ.2,42,211.   ஜெயலலிதா அக்கவுன்டில் மயிலாப்பூர் கனரா வங்கியில் ரூ.19,29,561.   மயிலாப்பூர் ஸ்டேட் பேங்க்கில் ரூ.1,70,570.   சசிகலா பெயரில் கிண்டி கனரா வங்கியில் ரூ.3,17,242   சுதாகரன் அக்கவுன்டில் அபிராமிபுரம் இந்தியன் வங்கியில் ரூ.5,46,577  என, பல பெயர்களில் பல வங்கிகளில் இருப்பு வைத்திருக்கிறார்கள்.   ஜெயலலிதா பெயரில் வாங்கப்பட்ட கார்கள் டாடா சியரா - ரூ.4,01,131, மாருதி 800 ரூ.60,435, மாருதி ஜிப்ஸி, ட்ராக்ஸ் ஜீப்.    ஜெயா பப்ளிகேஷன் டாடா எஸ்டேட் கார், டாடா மொபைல் வேன் என பல மாடல்களில் 30-க்கும் மேற்பட்ட கார்கள் வாங்கியிருக்கிறார்கள்.   போயஸ் கார்டனில் கைப்பற்றப்பட்ட 389 ஜோடி செருப்புகள் ரூ.2,00,902, 914   பட்டுப் புடவைகள் ரூ.61,13,700    மற்ற புடவைகள் ரூ.27,08,720 மற்றும் பழைய புடவைகள் ரூ.4,21,870.    28 கிலோ தங்க நகைகள்    குறிப்பாக இசையமைப்பாளர் கங்கை அமரனுக்கு சொந்தமான சென்னையை அடுத்த ஊரில் 22 ஏக்கர் நிலத்தினை சுதாகரன் மிரட்டி வாங்கியது குறித்து அளிக்கப்பட்ட சாட்சியத்தினை நீதிமன்றத்தில் படித்துக் காண்பித்தார். அத்துடன் சனிக்கிழமை வாதம் முடிவுற்றது.   மீண்டும் நேற்றய தினம் அவ்வாதம் தொடங்கியது.  அப்போது அரசு சிறப்பு வழக்கறிஞர் பவானிசிங் ஆஜராகி, ஏற்கனவே இவ்வழக்கு தொடர்புடைய சாட்சிகள் வழங்கியிருந்து, பதிவு செய்யப்பட்ட வாக்குமூலங்களை படித்துக்காண்பித்தார்.  அதில் குறிப்பாக,  சசிகலாவும், இளவரசனும் சென்று நீலாங்கரையில் உள்ள ஒரு பங்களாவை சுற்றிப்பார்த்து அதை வாங்கியது சம்பந்தமாக அந்த இடத்தின் உரிமையாளர் வழங்கியிருந்த  சாட்சியத்தை படித்துக் காண்பித்தார்.  அதே போன்று நீலாங்கரையில் நீச்சல் குளம் உள்ளிட்ட ஒரு பங்களா அமைந்த இடத்தினைசுதாகரன் வாங்கியது சம்பந்தமாக அந்த இடத்தின் உரிமையாளர் அளித்திருந்த சாட்சியத்தையும் நீதிமன்றத்தில் பவானிசிங் படித்தார். மேலும், ஜெயலலிதா கொடநாட்டில் வாங்கிய 800 ஏக்கர் நிலத்தினை சீரமைக்க வேளாண்மைத்துறை அதிகாரி ராதாகிருஷ்ணனை அழைத்தது பற்றி அந்த அதிகாரியே சாட்சியம் அளித்துள்ளதைப் படித்து காண்பித்தார்.    1,000-க்கும் மேற்பட்ட வைரக்கற்கள் என 306 சொத்துகளின் அப்போதைய மதிப்பு ரூ.66,44,73,573 ஆகும்'' என்று விடாமல் வாசித்து முடித்தார்.   இதனை மறுத்து ஜெயலலிதாவின் வருமானத்தை விவரித்து அவரது வழக்கறிஞர் பி.குமார் வாதிட்டார். அதனை மறுத்து அரசு வழக்கறிஞர் பவானிசிங்கும் சுமார் 100 மணி நேரம் வாதிட்டுள்ளனர். இதே போல சசிகலா, சுதாகரன், இளவரசி ஆகியோரின் வழக்கறிஞர்கள், ஜெயலலிதாவிற்கும் இவ்வழக்கிற்கும் தொடர்பில்லை. திமுகவின் அரசியல் பழிவாங்கும் வழக்கு' என சுமார் 90 மணி நேரம் வாதிட்டுள்ளனர். சுமார் 5 ஆயிரம் பக்கத்துக்கு எழுத்துப்பூர்வ அறிக்கையும் தாக்கல் செய்துள்ளனர். சொத்து குவிப்பு வழக்கில் மூன்றாம் தரப்பான அன்பழகன் தனது வாதமாக 445 பக்கங்களில் எழுத்துப்பூர்வமான ஆதாரங்களை அடுக்கியிருந்தார். கடந்த 28.8.2014-ம் தேதி ஒரே நாளில் ஜெயலலிதா தரப்பு, அரசு தரப்பு என இரு தரப்பு இறுதிவாதத்தின் நிறைவுத் தொகுப்பு வாதத்தை முடித்து எழுத்துபூர்வமான வாதத்தையும் பெற்று அன்றே தீர்ப்பு தேதியை அறிவித்து பரபரப்பை கூட்டினார்.        நீதிபதி மைக்கல் டி குன்ஹா............   கடந்த 18 ஆண்டுகளாக நடைபெற்று வரும் சொத்துக் குவிப்பு வழக்கு தீர்ப்பை நெருங்கியதற்கு பெங்களூர் சிறப்பு நீதிமன்ற நீதிபதி ஜான் மைக்கேல் டி குன்ஹாவே மிக முக்கிய காரணம்.   1996-ம் ஆண்டு ஜூலையில் சென்னை மாநகர அமர்வு நீதிமன்றத்தில் தொடங்கிய சொத்துக்குவிப்பு வழக்கின் விசாரணை சிங்கார வேலர் சிறப்பு நீதிமன்றம், சென்னை உயர்நீதிமன்றம், உச்சநீதிமன்றம், பெங்களூர் சிறப்பு நீதிமன்றம், கர்நாடக உயர்நீதிமன்றம் என கடந்த 18 ஆண்டுகளில் 6 நீதிமன்றங்களின் படிகளை ஏறி இருக்கிறது.    சென்னை தனி நீதிமன்ற நீதிபதி சம்பந்தம் என்பவரில் ஆரம்பித்து ஆறுமுக பெருமாள் ஆதித்தன்  சென்னை தனி நீதிமன்றம் அன்பழகன்  சென்னை தனி நீதிமன்றம் ராஜமாணிக்கம்  சென்னை தனி நீதிமன்றம் மதிவாணன் சென்னை தனி நீதிமன்றம் பச்சப்புரே  பெங்களுரு சிறப்பு நீதிமன்றம் கிருஷ்ணப்பா பெங்களுரு சிறப்பு நீதிமன்றம் மனோலி  பெங்களுரு சிறப்பு நீதிமன்றம் ஆன்டின்  பெங்களுரு சிறப்பு நீதிமன்றம் மல்லிகார்ஜுனய்யா  பெங்களுரு சிறப்பு நீதிமன்றம் சோமராஜ்  பெங்களுரு சிறப்பு நீதிமன்றம் பாலகிருஷ்ணா  பெங்களுரு சிறப்பு நீதிமன்றம் முடிகவுடர்  பெங்களுரு சிறப்பு நீதிமன்றம் ஜான் மைக்கேல் டி குன்ஹா  பெங்களுரு சிறப்பு நீதிமன்றம் வரை 14  நீதிபதிகள் இவ்வழக்கை விசாரித்துள்ளனர்.  ஜான் மைக்கேல் டி'குன்ஹா 14-வது பெங்களுரூ சிறப்பு நீதிமன்ற நீதிபதியாக கடந்த 31-10-2013 அன்று பொறுப்பேற்றுக்கொண்டார். பெங்களூர் சிபிஐ நீதிமன்றத்தின் நீதிபதியாகவும், பெங்களூர் மாவட்ட நீதிமன்ற பதிவாளராகவும் பணியாற்றிய இவர் கடந்த 11 மாதங்களில் வழக்கை தீர்ப்பை நோக்கி நகர்த்தியுள்ளார். அதற்கு காரணம் அவருடைய கடினமான உழைப்பும், கண்டிப்பான அணுகு முறையும் தான் காரணம். மேலும் மனு மேல் மனு போட்டு நீதிமன்றத்தின் நேரத்தை வீணடித்த தனியார் நிறுவனங்களின் மனுக்களை மிகச்சரியாக கையாண்டார். முதல் முறையாக அவர்களுக்கு அபராதம் விதித்தார். அரசு வழக்கறிஞர் பவானி சிங் நீதிமன்றத்தில் ஆஜராகாமல் இருந்ததால் அவரு டைய இரு நாள் ஊதியம் 1.2 லட்சத்தை அபராதமாக விதித்தார். உச்சநீதிமன்றத்தால் நியமிக்கப்பட்ட அரசு வழக்கறிஞருக்கு அபராதம் விதித்த‌து அதுவே முதல்முறை.   டி குன்ஹா சொத்துக்குவிப்பு வழக்கை விசாரிக்க ஆரம்பித்ததும் வாரத்தின் 5 நாட்களும் விசாரணையை தொடர்ந்து நடத்தினார். இதற்காக தினமும் 18 மணி நேரம் ஒதுக்கி வேலை செய்தார். அதுவும் தீர்ப்பு தேதியை குறித்த பிறகு, நீதிமன்றத்தை சுத்தம் செய்பவர்கள் வருவதற்கு முன்பாக தனது இருக்கையில் வந்து அமர்ந்து விடுவார். தினமும் மாலை 6 மணிக்கு தான் வீட்டிற்கு திரும்புவார். வழக்கு குறித்த அனைத்து ஆவணங்களையும் படித்து, அவ்வப்போது குறிப்பெடுத்துக்கொள்வார் என பெங்களூர் சிறப்பு நீதிமன்ற ஊழியர்கள் நீதிபதி டி'குன்ஹாவின் பாணி குறித்து விவரித்தனர்.   நீதிபதி டிகுன்ஹாவை பொறுத்தவரை அவர் ஒரு முறை தீர்ப்பு அளித்தால், அந்த வழக்கு அடுத்தடுத்து உயர்நீதி மன்றங்களை அணுகினாலும் தோல்வியே அடையும். அந்த அளவுக்கு தீர்ப்பு வழங்குவதில் கெட்டிக்காரர் என கர்நாடக நீதித்துறை வட்டாரங்கள் கூறுகின்றன.  தீர்ப்பின் இறுதி வடிவத்தை தனது கைப்படவே கடந்த 4 தினங்களாக திருத்தி, தட்டச்சு செய்துள்ளார்.   இதனிடையே இசட் பிளஸ் பாதுகாப்பு பிரிவில் இருக்கும் ஜெயலலிதா தனக்கு உரிய பாதுகாப்பு வழங்க வேண்டும் என்று கோரியதால் பெங்களூர் சிறப்பு நீதிமன்றம் பரப்பன அக்ரஹாரா மத்திய சிறைச்சாலை வளாகத்தில் உள்ள காந்தி பவனுக்கு மாற்றப்பட்டது.  27ந்தேதி காலை 10.45க்கு தமிழக முதல்வராக இருந்த ஜெ, சசிகலா, சுதாகரன், இளவரசி சிறை வளாகத்துக்குள் உள்ள நீதிமன்றத்துக்கு சென்றனர்.    அதுவரை இது ஒரு பொய் வழக்கு என்றே அதிமுகவினர் நம்பினர். 2014 செப்டம்பர் 27ந்தேதி மதியம் 2.25 மணியளவில் அந்த நம்பிக்கையை பொய்யாக்கியது நீதிபதியின் தீர்ப்பு. தமிழக முதல்வரும், அதிமுக பொதுசெயலாளருமான ஜெவுக்கு, 4 ஆண்டுகள் சிறைத் தண்டனையும் 100 கோடி ரூபாய் அபராதமும் விதிக்கப்பட்டது. அதோடு சசிகலா, சுதாகரன், இளவரசி ஆகியோருக்கு 4 ஆண்டு 6 மாதங்கள், தலா 10 கோடி மற்றும் 10 ஆயிரம் அபராதம் என தீர்ப்பை வாசித்தார்.    இந்த தீர்ப்பு ஜெவின் அரசியல் வரலாற்றில் ஒரு கரும்புள்ளியாகிவிட்டது. இந்தியாவில் முதல்வர் பதவியில் இருக்கும்போதே ஊழல் தடுப்புச் சட்டத்தின் கீழ் குற்றவாளி என்று தீர்ப்பளிக்கப்பட்டு சிறைத்தண்டனை பெற்ற நாட்டின் 'முதல்' முதல்வர் என்ற பெயரை ஜெயலலிதா எடுத்துள்ளார். ( இதே சட்டத்தின் கீழ் பிகார் முன்னாள் முதல்வர் லாலு பிரசாத் யாத்வ் பதவி பறிக்கப்பட்டு, சிறையில் அடைக்கப்பட்டார். ).    தீர்ப்புக்கு பின் தமிழகம் முழுவதும் வன்முறை ஆட்டத்தை ஆடினர் ஆளும் அதிமுகவினர். கவர்னர் ரோசய்யா உயர் அதிகாரிகளை அழைத்து விசாரணை நடத்தி சட்டம் ஒழுங்கை நிலைநாட்ட வேண்டும் என உத்தரவிட்டார்     செய்திப்பகிர்வு: சிரித்திரன் - கனடா.

மேலும் படிக்கவும் 9 மறுமொழிகள் சுதர்சன் 28-09-2014

ஹிந்தியில் முதல்ப்படத்தை தயாரிக்கும் AR ரஹ்மான்.

ஏ.ஆர்.ரஹ்மான் தனது நெடுநாளைய விருப்பமான, படம் தயாரிப்பதை விரைவில் நிறைவேற்ற இருக்கிறார். அவர் எழுதிய கதையை அவரே தயாரிக்கிறார். இந்தியில் அவர் தயாரிக்கும் முதல் படம் தயாராகிறது.   என்னிடம் வரும் இயக்குனர்கள் தங்களின் பார்வையை என்னிடம் கூறுவார்கள். ஒரு மகிழ்ச்சியான பாடல், ஒரு சோகப் பாடல், ஒரு நடனப் பாடல் என்று கேட்டு வாங்குவார்கள். இசை குறித்த என்னுடையப் பார்வை இவற்றுக்கு கீழே அமுங்கிப் போயிருக்கும். சொந்தமாக படம் தயாரிக்கும் போது இசை குறித்த என்னுடைய பார்வையை முன் வைக்க முடியும் என்று தான் தயாரிப்பாளரானதற்கான காரணத்தை கூறியுள்ளார். இசை ஆல்பங்கள் தயாரித்தது படம் தயாரிப்பதற்கான முன் தயாரிப்பாக இருந்ததாகவும் அவர் தெரிவித்தார்.   தனது முதல் படத்தை இந்தியில் தயாரிப்பதற்கான காரணத்தையும் அவர் கூறினார். காரணம் சிம்பிள். ரஹ்மான் எழுதியிருப்பது ஒரு வடஇந்திய கதை.    தனது பார்வையை பிரதிபலிக்கும், அதனை நடைமுறைப்படுத்தும் இயக்குனர்களை ரஹ்மான் தேடி வருகிறார்.

மேலும் படிக்கவும் மறுமொழி இல்லை சுதர்சன் 28-09-2014

தமிழ்நாட்டு பாடசாலைகளில் தமிழ் ஒரு பாடமாக இருக்க வேண்டும்.

தமிழகத்தில் செயல்படும் அனைத்து வகை நர்சரி, பிரைமரி, நடுநிலை, உயர்நிலை மற்றும் மேனிலைப் பள்ளிகளில் தமிழை ஒரு பாடமாக நடத்த வேண்டும் என்று அரசு உத்தரவிட்டுள்ளது. இதன் மூலம் தமிழகத்தில் செயல்படும் சிபிஎஸ்இ பள்ளிகளும் தமிழை நடத்த வேண்டும். தமிழகத்தில் கடந்த முறை ஆட்சியில் இருந்த திமுக அரசு அனைத்து பள்ளிகளிலும் தமிழை கட்டாய பாடமாக நடத்த வேண்டும் என சட்டம் இயற்றியது. ஆனால் அதற்கு தமிழகத்தில் ஆதரவு இருந்தாலும் சிலர் குறை கூறினர். இந்நிலையில், தற்போது ஆட்சியில் உள்ள அதிமுக அரசு மேற்கண்ட சட்டத்தை அடிப்படையாக கொண்டு கடந்த 18ம் தேதி ஒரு உத்தரவை தயாரித்துள்ளது.   இதன்படி, தமிழகத்தில் செயல்படும் அனைத்து நர்சரி, பிரைமரி, நடுநிலைப் பள்ளிகள், உயர்நிலைப் பள்ளிகள், மேனிலைப் பள்ளிகள், தனிப்பட்ட நபரோ அல்லது அமைப்போ நடத்தும் சிறுபான்மை பள்ளிகள் ஆகியவை அனைத்திலும் தமிழ் ஒரு பாடமாக நடத்தப்பட வேண்டும். மத்திய அரசின் 2009ம் ஆண்டு சட்டம் 35ல் குறிப்பிட்டுள்ள சிறப்பு பிரிவு பள்ளிகள் கேந்திரிய வித்தியாலயா 40, நவோதயா பள்ளிகள் 2, சைனிக் பள்ளி 1 அடங்கும். அவை தவிர தமிழக அரசின் உத்தரவின்படி தமிழகத்தில் செயல்படும் 565 சிபிஎஸ்இ பள்ளிகளும் தமிழை ஒரு பாடமாக நடத்த வேண்டும்.

மேலும் படிக்கவும் மறுமொழி இல்லை சுதர்சன் 28-09-2014

4 ஆண்டு சிறை விதிக்கப்பட்டுள்ள ஜெயலலிதா - ஊரவன் ஒருவன்.

18 ஆண்டு கால சரித்திரத்தின் இறுதிப்பக்கங்கள் எழுதப்பட்டுக் கொண்டிருக்கின்றன. 27 செப்டம்பர் 2014 ஜெயலலிதா மற்றும் தமிழகத்தின் தலையெழுத்தி திருத்தி எழுதப்பட உள்ளது.    பத்தி பத்தியாக எழுதப்பட வேண்டிய இந்த சரித்திரம், என்ன காரணத்தாலோ, ஊடகங்களால் இருட்டடிப்பு செய்யப்பட்டுள்ளது. இன்றைய தலைமுறை அறிந்து கொள்ள வேண்டிய இந்த வரலாறு, பக்கம் பக்கமாக ஊடகங்கள் எழுத வேண்டும்.  ஆனால், கனத்த மவுனம் காக்கின்றன. தலைமுறைகளைக் கடந்து நடக்கும் இவ்வழக்கின் விபரங்கள், இன்றைய இளைய தலைமுறையினர் பலருக்கு தெரிந்திருக்காது.  அது இணையம் இல்லாத காலம்.  அதனால் அது குறித்த பல பதிவுகள் இல்லை.   ஜெயலலிதாவைப் போல ஒரு மோசமான ஆட்சியாளர் / அரசியல்வாதியை பார்க்கவே முடியாது.  கிட்டத்தட்ட ஹிட்லர் ஆட்சி போலத்தான் தொண்ணூறுகளின் தொடக்கத்தில் நடத்தி வந்தார்.     ராஜீவ் கொலைக்குப் பிறகு, தேர்தல் ஒரு மாத காலம் தள்ளி வைக்கப்பட்ட பிறகு, நடந்த தமிழக தேர்தலில், திமுக மீது ஏற்பட்ட கோபத்தின் காரணமாகவும், ராஜீவ் மரணத்தின் காரணமாக ஏற்பட்ட அனுதாப அலையின் காரணமாகவும், மிருக பலத்தோடு ஆட்சியைப் பிடித்தார் ஜெயலலிதா.   ஜெயலலிதா எப்படிப்பட்ட ஆணவம் மிகுந்தவர் என்பதை அப்போது தமிழ்நாடு கண்டது.  ஒரு ஆண்டு முடிவதற்குள்ளாகவே, ராஜீவ் அனுதாப அலையால் அதிமுக வெல்லவில்லை....  சொந்த பலத்தில்தான் வெற்றி பெற்றது என்று அறிவித்தார்.   தமிழ்நாட்டில் நெடுஞ்சாலைகளில் நடந்த கொள்ளைகளுக்கு காரணம் நரசிம்மராவ்தான்.  கைதானவர்கள் எல்லோரும் தெலுங்கு பேசுகிறார்கள், ஆகையால் அனைவரும் ஆந்திராவிலிருந்து வந்தவர்கள் என்று சட்டப்பேரவையிலேயே அறிவித்தார்.   அதன் பிறகு, நாள்தோறும் சட்டப்பேரவையில் காங்கிரஸ் கட்சி உறுப்பினர்கள் கூண்டோடு வெளியேற்றம், உள்ளிருப்பு போராட்டம், கூட்டத்தொடர் முழுவதும் இடைநீக்கம் என்று பல்வேறு ஜனநாயக விரோத நடவடிக்கைகளில் ஈடுபட்டார் ஜெயலலிதா. மற்றொரு புறம், ஜெயலலிதாவின் அமைச்சரவையில் இருந்த மதுசூதனன், எஸ்.டிசோமசுந்தரம் ஆகியோர், ஜெயலலிதாவின் மனம் குளிர அத்தனை அடாவடிகளிலும் ஈடுபட்டனர்.     ஜெயலலிதா ஆட்சியின் தொடக்கமே, ஜெயலலிதா ஆட்சியை விமர்சித்த தராசு இதழின் இரண்டு ஊழியர்களின் படுகொலையில்தான். காவேரி பிரச்சினை காரணமாக, காங்கிரஸ் அரசு கர்நாடக அரசுக்கு ஆதரவாக இருந்தது என்பதால், அதன் அமைச்சர் ப.சிதம்பரத்தின் வாகனத்தை அதிமுகவின் 400 ரவுடிகள் தாக்கினர்.  அண்ணா பல்கலைக்கழகத்தில் மண்டல் பரிந்துரை குறித்த உச்சநீதிமன்றத்தின் தீர்ப்பை அமல்படுத்துவேன் என்று அறிவித்தார் அதன் துணை வேந்தர் முனைவர் அனந்தகிருஷ்ணன்.  இரண்டு நாட்களில் மர்ம நபர்கள், அவர் வீட்டுக்குள் நுழைந்து அவரை தாக்க முனைந்தனர்.  அனந்த கிருஷ்ணன், வீட்டினுள் இருந்த அறைக்குள் புகுந்து தாளிட்டுக் கொண்டதால் தப்பித்தார்.  சமூக நீதி காத்த வீராங்கனையின் உத்தரவுக்கு எதிராக, உச்சநீதிமன்றத்தின் உத்தரவை பின்பற்றினாராம்.  அதற்குத்தான் இந்த தாக்குதல்.   உச்சநீதிமன்றத்தின் வழிகாட்டுதலின்படி 50 சதவிகித இட ஒதுக்கீட்டை மட்டுமே பின்பற்ற வேண்டும், மாறாக தமிழக அரசு 69 சதவிகித இட ஒதுக்கீட்டை பின்பற்றுகிறது என்று வழக்கு தொடுத்தார் வழக்கறிஞர் கே.எஸ்.விஜயன்.   இதையடுத்து, இவர் மீது நடந்த கொடூர தாக்குதலில், விஜயனுக்கு, கை மற்றும் காலில் எலும்பு முறிவு ஏற்பட்டு, மூன்று மாதங்கள் படுக்கையில் இருந்தார்.   இதே போலத்தான் மூத்த வழக்கறிஞர் சண்முக சுந்தரத்தின் மீதும் கொடூரத் தாக்குதல் நடைபெற்றது. இது போன்ற தாக்குதல் வழக்குகள் அனைத்திலும், போலி குற்றவாளிகளை ஆஜர் படுத்தி, வழக்கின் விசாரணையை திசை திருப்புவதில், காவல்துறை மிக மிக முனைப்பாக இருந்தது என்பது குறிப்பிடத்தக்கது.    திருத்துரைப்பூண்டி இந்தியக் கம்யூனிஸ்ட் எம்.எல்.ஏ பழனிச்சாமி, நாகப்பட்டினம் மாவட்டத்தில் கள்ளச்சாராயம் ஆறாக ஓடுவதாக புகார் கூறினார். மறு நாள், அவர் வீட்டிலேயே, மதுவிலக்கு அமல் பிரிவு காவல்துறையினர், கள்ளச்சாராயத்தை தேடி சோதனை நடத்தினர்.      சட்டப்பேரவையில், அப்போதைய பாமக எம்எல்ஏ பண்ருட்டி ராமச்சந்திரன், ஆளுனர் உரைக்கு எதிராக எழுந்து, பேச முயன்றபோது, அப்போது சுயேட்சை எம்எல்ஏவாக இருந்த தாமரைக்கனியால் தாக்கப்பட்டார்.   சென்னை உயர்நீதிமன்ற நீதிபதியாக இருந்த ஏ.ஆர்.லட்சுமணன், நிலக்கரி இறக்குமதி ஊழல் வழக்கை விசாரித்துக் கொண்டிருந்தார்.  இந்த வழக்கு ஜெயலலிதாவுக்கு எதிராக செல்லும் என்பதை உணர்ந்த ஜெயலலிதா, காவல்துறையை வைத்து, ஏ.ஆர்.லட்சுமணனின் மருமகன் மீது கஞ்சா வழக்கு பதிவு செய்தார்.    ஜெயலலிதாதான் இப்படி அராஜகவாதியாக நடந்து கொள்கிறார் என்றால், ஒட்டு மொத்த நிர்வாகமும் அவருக்கு துணை போனது.  காவல்துறை அதிகாரிகள், அம்மா கட்டி விட்டு வரச் சொன்னால் வெட்டி விட்டு வந்தார்கள்.   அரசியல் எதிரிகள், அப்போது இருந்த ஆள்தூக்கி தடா சட்டத்தின் கீழ் சகட்டு மேனிக்கு கைது செய்யப்பட்டார்கள்.   ஏராளமான திமுகவினர்   விடுதலைப் புலிகளோடு தொடர்பு இருப்பதாக கூறப்பட்ட குற்றச்சாட்டின் அடிப்படையில், தடா சட்டத்தின் கீழ் கைது செய்யப்பட்டனர்.       வாக்காளர் அடையாள அட்டை கட்டாயம் என்று அறிவித்த தேர்தல் ஆணையர் டி.என்.சேஷனை ஏற்போர்ட்டில் இருந்து வெளியே வராமல் நான்கு மணி நேர வன்முறை.  சென்னை வந்து, தாஜ் ஹோட்டலில் தங்கியிருந்த சேஷனின் மீது மீண்டும் தாக்குதல்    என்று அநியாயங்களும், அக்கிரமங்களும், ஜெயலலிதா அரசின் அன்றாட வழக்கமாக இருந்தன.    இதற்கெல்லாம் மகுடம் வைத்தது போல நடந்த சம்பவம்தான் ஐஏஎஸ் அதிகாரி சந்திரலோகா மீதான ஆசிட் வீச்சு.   சதர்ன் பெட்ரோ கெமிக்கல் இன்டஸ்ட்ரீஸ் கார்ப்பரேஷன் - ஸ்பிக் என்ற நிறுவனத்தின் 26 சதவிகித பங்குகள், தமிழக அரசு நிறுவனமான, தமிழ்நாடு தொழில் முதலீட்டுக் கழகத்தின் வசம் இருந்தது (டிட்கோ). ஸ்பிக் நிறுவனத்தின் நிறுவனர்களான, ஏ.சி முத்தையா செட்டியார் மற்றும் எம்.ஏ.சிதம்பரம் செட்டியார் ஆகியோர், அரசு வசம் இருந்த பங்குகளை வாங்க வேண்டும் என்று கடும் முயற்சிகள் எடுத்தனர்.  அரசும் பங்குகளை விற்பதென்று முடிவெடுத்தது. ஆனால், என்ன விலைக்கு விற்பனை செய்வத என்பதில் கடும் சிக்கல் நீடித்தது.  டிட்கோ நிறுவனத்தின் தலைவராக சந்திரலேகா ஐஏஎஸ் இருந்தார். அப்போது தொழில் துறை செயலராக பி.சி.சிரியாக் இருந்தார்.   விற்பனை நடந்த அன்று சந்தை விலைக்கு விற்றிருந்தால், அரசின் பங்குகளுக்கு 40 கோடி ரூபாய் கிடைத்திருக்கும்.  ஆனால், அந்த பங்குகளை விலை குறைத்து விற்பனை செய்ய வேண்டும் இரண்டு செட்டியார்களும் விரும்பினர்.  செட்டியார்களின் விருப்பத்தை நிறைவேற்றுவதை விட, ஜெயலலிதாவுக்கு வேறு என்ன வேலை இருக்க முடியும் ?   24 ஜனவரி 1992 அன்று பங்குகளை செட்டியார்களுக்கு விற்பனை செய்யலாம் என்று முடிவெடுத்த அன்று, ஒரு பங்கின் விலை 80.  அரசு விற்பனை செய்ய ஒப்பந்தம் போட்ட நாள் 23 மார்ச் 1992.  மார்ச் 1992 வாக்கில் 80 ரூபாய்க்கு விற்கப்பட்டுக் கொண்டிருந்த ஒரு ஸ்பிக் பங்கு, ரூபாய் 210 அளவுக்கு உயர்ந்தது.    டிட்கோ தலைவரான சந்திரலேகா ஐஏஎஸ், 80 ரூபாய்க்கு விற்பனை செய்வதற்கு கடுமையான எதிர்ப்பு தெரிவிக்கிறார்.  ஜெயலலிதா நேரடியாக சந்திரலேகாவை தொலைபேசியில் அழைத்துப் பேசுகிறார். அப்போது இருவருக்கும் வாக்குவாதம் வளர்ந்து, அது மோசமான உரையாடலாக மாறி, யார் அழகு என்ற ரீதியில் வளர்ந்ததாகவும், உரையாடலின் இறுதியில், முதலமைச்சராவதற்கு, தோற்றம் அடிப்படை என்றால், நானும் முதல்வராகியிருப்பேன் என்று சந்திரலேகா கூறியதாகவும் தலைமைச் செயலக வட்டாரங்கள் கூறுகின்றன.   இதையடுத்து, இந்த விபரத்தை ஜெயலலிதா அப்போது அமைச்சராக இருந்த மதுசூதனனிடம், சந்திரலேகாவுக்கு தக்க பாடம் புகட்ட சொல்லி, மதுசூதனன், இதை திண்டுக்கல் சீனிவாசனிடம் சொல்லி, சீனிவாசன், இந்த பொறுப்பை தற்போது நத்தம் விஸ்வநாதன் என்று அழைக்கப்படும் விஸ்வநாதனிடம் கூறியதாகவும், நத்தம் விஸ்வநாதன் ஏற்பாடு செய்தபடியே, சுடலை என்கிற சுர்லா சந்திரலேகா மீது ஆசிட் ஊற்றியதாகவும் கூறப்படுகிறது. சிபிஐ விசாரணையில் சுர்லா மதுசூதனனின் பெயரை கூறியதன் அடிப்படையில் மதுசூதனனை கைது கூட செய்தது சிபிஐ இணைப்பு தமிழகத்தில் ஆசிட் கலாச்சாரத்தை முதன் முதலில் அறிமுகப்படுத்தியது அந்த சம்பவமே. சாதாரணமாக நெருப்பு லேசாக நம் மீது பட்டாலே துடி துடித்து விடுகிறோம்.  ஒரு அழகான ஐஏஎஸ் அதிகாரியின் முகத்தில் ஆசிட் வீசினால், அவர் எப்படி வேதனைப் பட்டிருப்பார் என்பதை சற்றே கற்பனை செய்து பாருங்கள்.     ஜெயலலிதாவை நேரடியாக தொடர்புப் படுத்த, நேரடியா எவ்வித சாட்சிகளும் இல்லையென்றாலும்,  சந்திரலேகா மீது ஆசிட் வீச்சு நடத்த யாருக்கும் காரணங்கள் இருக்க முடியாது.  அந்த வழக்கில் யார் பின்னணியில் இருந்தவர்கள் என்பது இறுதி வரை கண்டுபிடிக்கவே முடியவில்லை.     பண்டிட் சந்திரகாந்த் சொக்கா மோரே, அண்ணா துரை, சுனில் தாமோதர்     பாண்டவ் மற்றும் மஞ்சித் சிங் என்கிற பாலி ஆகியோர் குற்றவாளிகள் என்று பின்னாளில் விசாரணை நடத்திய சிபிஐ கண்டறிந்தது.  ஆனால், ஜெயலலிதாவின் கீழ் செயல்பட்ட மாநில காவல்துறை, சுடலைமுத்து என்கிற சுர்லாதான் இதில் குற்றவாளி என்று அவனை கைது செய்து 5 ஆண்டுகள் பிணையில்லாமல் சிறையில் இருந்தான். பின்னாளில், சுர்லாவுக்கு இதில் தொடர்பில்லை என்றனர்.  ஆனால், சுர்லாவோ, சிறையை விட்டு வெளியேறி விடக்கூடாது என்பதில் தீர்மானமாக இருந்தான்.  வழக்கில் தொடர்பில்லை என்று சிபிஐ முடிவுக்கு வருவதற்கு முன்னதாகவே, அவன் வழக்கை விசாரித்த நீதிபதி கிருஷ்ணமூர்த்தியை நீதிமன்றத்துக்குள்ளாகவே தாக்க முயற்சி செய்தான்.    இந்த வழக்கில் இறுதி வரை யார் குற்றவாளி என்பதை கண்டுபிடிக்கவே முடியவில்லை என்பதுதான் வேதனையான உண்மை.     காங்கிரஸ் திமுக உள்ளிட்ட எதிர்க்கட்சிகள் இணைந்து, எத்தனையோ போராட்டங்களை நடத்தினாலும், தனி நபராக இணைந்து, ஜெயலலிதா கண்ணில் விரலை விட்டு ஆட்டியது யாரென்றால் சுப்ரமணிய சுவாமிதான்.  திமுக பேரணிகள், பொதுக் கூட்டங்கள், ஆர்ப்பாட்டங்கள் நடத்தினாலும், வழக்கு போட்டு, ஜெயலலிதாவை எரிச்சலின் உச்சத்துக்கே அழைத்துச் சென்றது சுப்ரமணிய சுவாமி மட்டுமே.   0.05.1993 வரை, தமிழகத்தில் ஆளுனராக இருந்தவர், பீஷ்ம நாராயண் சிங். இவரை காங்கிரஸ் அரசாங்கம் நியமித்திருந்தாலும், இவரை வளைப்பது எப்படி என்ற கலையை கற்றிருந்தார் ஜெயலலிதா.   பீஷ்ம நாராயண் சிங்கின் "தேவைகளை" ஜெயலலிதாவின் தளபதிகள், கச்சிதமான நிறைவேற்றி வைத்தனர்.  அப்போது, வால்டர் தேவாரத்திடம் பணியாற்றிக் கொண்டிருந்த லாலி என்ற பெண் காவலர், பீஷ்ம நாராயண் சிங் பாதுகாப்புப் பணியில் நியமிக்கப்பட்டார் என்பது, நீங்கள் புரிந்து கொள்ள ஏதுவாக கொடுக்கப்படும் .  காங்கிரஸ் கட்சிக்கும், அதிமுகவுக்கும் மோதல் முற்றுகிறது. ஜெயலலிதா காங்கிரஸ் கட்சியை வாய்க்கு வந்தபடி பேசுகிறார்.  ஒரு கட்டத்தில், சட்டப்பேரவையிலேயே, தமிழகத்தில் நடக்கும் நெடுஞ்சாலை கொள்ளைகளுக்குக் காரணம், மத்திய அரசுதான்.   தமிழக அரசுக்கு கெட்ட பெயர் ஏற்படுத்த வேண்டும் என்பதற்காகவே, நரசிம்மராவ் இப்படி கொள்ளையர்களை அனுப்புகிறார்.  இதற்கு காரணம், பிடிபட்ட கொள்ளையர்கள் அனைவரும் தெலுங்கு பேசுகின்றனர் என்றார்.    இந்த விவகாரங்களையெல்லாம் அறிந்த நரசிம்மராவ், இனி பீஷ்ம நாராயண் சிங்கை தமிழகத்தில் வைத்திருந்தால், சுத்தப்படாது என்று முடிவு செய்து, பழுத்த அரசியல்வாதியான சென்னா ரெட்டியை மாநில ஆளுனராக 31 மே 1993ல் நியமிக்கிறார்.    பீஷ்ம நாராயண் சிங் இருந்தபோது, ஜெயலலிதா மீது ஊழல் வழக்கு தொடுக்க அனுமதி கேட்டு திமுக அளித்த விண்ணப்பத்தை நிராகரித்திருந்தார் பீஷ்ம நாராயண் சிங்.   ஜெயலலிதாவுக்கு, சென்னா ரெட்டி எதற்காக அனுப்பி வைக்கப்பட்டுள்ளார் என்பது நன்றாகவே தெரிந்திருந்தது.   சென்னா ரெட்டி வந்த நாள் முதலாகவே, தினந்தோறும் மோதல்தான். அரசு அலுவலகங்களில் அரசு ஊழியர்களுக்காக அரசு அலுவலகத்தில் டைரி அச்சிடப்பட்டு வழங்கப்படும்.   அந்த டைரியின் முதல் பக்கத்தில் மாநில ஆளுனரின் படமும், இரண்டாவது பக்கத்தில், மாநில முதல்வரின் படமும் வைக்கப்படும்.  1994ம் ஆண்டு டைரியில் சென்னா ரெட்டியின் படத்தைப் பார்த்ததும் கோபப்பட்டு டைரியை விசிறியடித்தார் ஜெயலலிதா.      அப்போதும் இருந்த ஜெயலலிதாவின் அடிமைகள், உடனடியாக அம்மாவின் மனம் கோபித்துக் கொண்டதே என்பதை உணர்ந்து உடனடியாக அத்தனை டைரிகளையும் அழித்தனர்.  ஜனவரி, மாதம் வழங்கப்பட்டிருக்க வேண்டிய டைரிகள், மே மாதம் வழங்கப்பட்டது வரலாறு.   அதன் பிறகு, சென்னா ரெட்டியை சந்தித்து, ஜெயலலிதா மீது வழக்கு தொடுக்க சுப்ரமணிய சுவாமி மனு அளித்தார். அந்த மனு மீது  ஆளுனர் சென்னா ரெட்டி, முட்டாள்கள் தினமான 1995ம் ஆண்டு ஏப்ரல் 1 அன்று, அனுமதி அளித்தார்.   அந்த அனுமதியை எதிர்த்து, 6 ஏப்ரல் 1995 அன்று, ஜெயலலிதா, சென்னை உயர்நீதிமன்றத்தில் வழக்கு தொடுக்கிறார். அவ்வழக்கு நீதிபதி சிவராஜ் பாட்டீல் முன்பு விசாரணைக்கு வருகிறது.. ஜெயலலிதாவுக்காக மூத்த வழக்கறிஞர் பராசரன் ஆஜரானார்.  சுப்ரமணிய சுவாமி தனக்காக தானே வாதாடுகிறார்.  வழக்கை விசாரித்த சிவராஜ் பாட்டீல், அரசியல் அமைப்புச் சட்ட விவாதங்கள் இதில் அடங்கியிருப்பதால், இரண்டு நீதிபதிகள் அடங்கிய அமர்வுக்கு மாற்றி உத்தரவிடுகிறார்.    20 ஏப்ரல் 1995 அன்று இந்த வழக்கு நீதிபதி எம்.சீனிவாசன் மற்றும் எஸ்.எஸ்.சுப்ரமணியம் ஆகியோர் அடங்கிய அமர்வின் முன்பாக விசாரணைக்கு வருகிறது.   ஜெயலலிதா சார்பில் மூத்த வழக்கறிஞர் பராசரன் வாதிடுகிறார்.  சுப்ரமணிய சுவாமி, அவரே வாதிடுகிறார்.  தமிழக அரசின் சார்பில் மூத்த வழக்கறிஞர் கபில் சிபல் வாதிடுகிறார். வழக்கின் விசாரணை காலை 10.30 முதல் மாலை 4.30 வரை தொடர்ந்து நடைபெறுகிறது.  வழக்கு விசாரணை முடிந்ததும் தீர்ப்பை ஒத்தி வைக்கிறார் நீதிபதி.   மாலை 4.30 மணிக்கு, அப்போதைய சென்னை உயர்நீதிமன்ற வழக்கறிஞர் சங்கத் தலைவர் முத்துக்கிருஷ்ணன், சுப்ரமணியன் சுவாமியின் காதில் ஏதோ சொல்லுகிறார்.  உடனே எழுந்த சுவாமி, தன் மீது தாழ்த்தப்பட்டோர் வன்கொடுமை சட்டத்தின் கீழ் வழக்கு பதிவு செய்திருப்பதாகவும், போலீசார், வாயிலில் காத்திருப்பதாகவும், தனக்கு முன்ஜாமீன் வழங்கும்படியும் கேட்கிறார். நீதிபதி சீனிவாசன் அரசு வழக்கறிஞரைப் பார்த்து விபரத்தை கேட்டதும், அவர் தனக்கு இது குறித்து எதுவுமே தெரியாது என்கிறார். நீதிபதி, நாளை காலை 10.30 மணி வரை உங்களை கைது செய்ய தடை விதிக்கிறேன் என்கிறார்.   மதுரையில் நடந்த ஒரு கூட்டத்தில், சுப்ரமணிய சுவாமி, விடுதலைப்புலிகள் இயக்கத்தின் தலைவர் பிரபாகரன், ஒரு Political Pariah என்று பேசியால், தாழ்த்தப்பட்ட மற்றும் பழங்குடியினருக்கு எதிரான வன்கொடுமை தடுப்புச் சட்டத்தின் கீழ் மதுரை காவல்துறை வழக்கு பதிவு செய்திருந்தது. இதையடுத்தே சுவாமியை கைது செய்ய, காவல்துறை நீதிமன்றம் வந்திருந்தது.   Pariah என்ற ஆங்கிலச் சொல், தமிழில் உள்ள பறையர் என்ற சாதிப்பெயரில் இருந்தே தோன்றியது.  ஒதுக்கப்பட்டவர் என்ற பொருளில் இந்த சொல், ஆங்கில மொழியில் பதினெட்டாம் நூற்றாண்டு முதல் வழக்கத்தில் இருந்து வருகிறது.  தமிழகத்தில் தலித்துகளுக்கு எதிராக எத்தனையோ வன்கொடுமைகளை இழைக்கப்பட்டபோது வேடிக்கை பார்த்த ஜெயலலிதா, கொடியங்குளத்தில் தலித்துகளின் வீடுகளை காவல்துறையை விட்டு சூறையாடுவதை வேடிக்கை பார்த்த ஜெயலலிதா, சுப்ரமணியன் சுவாமி Political Pariah என்று சொன்னதற்காக, வழக்கு தொடுத்தார்.  அப்படியே சுப்ரமணியன் சுவாமி சாதி ரீதியாக அந்த வார்த்தையை பேசியிருந்தாலும் கூட, அதில் புகார் கொடுக்க வேண்டியது வேலுப்பிள்ளை பிரபாகரன்தானே தவிர, காவல்துறை அல்ல.     நீதிமன்றத்தின் வெளியே சுவாமி வந்தபோது, அப்போது, மாநில சட்டம் ஒழுங்கு கூடுதல் டிஜிபியாக இருந்த வால்டர் தேவாரம் மற்றும், மதுரை ஆணையர் ஆர்.என்.சவானி மற்றும் நூற்றுக்கும் மேற்பட்ட கமாண்டோக்கள் சுவாமியை கைது செய்ய காத்திருந்தனர்.  சுவாமியோடு வந்த 30 கமாண்டோக்களும் இருந்தனர்.  ஒரு மோதல் உருவாகும் சூழல் ஏற்பட்டது.  சுவாமி வந்ததும், தேவாரம் உங்களை கைது செய்கிறேன் என்றார். சுவாமி, எனக்கு உயர்நீதிமன்ற டிவிஷன் பென்ச், நாளை காலை 10.30 மணி வரை கைது செய்ய தடை விதித்திருக்கிறது என்றார்.  தேவாரம் உத்தரவின் நகலைக் கொடுங்கள் என்றார்.  சுவாமி இது வாய்மொழி உத்தரவு என்றார். நான் நம்ப மாட்டேன் உங்களை கைது செய்கிறேன் என்றார் தேவாரம்.   உடனே சுவாமி, நான் உயர்நீதிமன்றம் உத்தரவு போட்டிருக்கிறது என்று சொல்கிறேன். நீங்கள் நீதிமன்ற உத்தரவை மதிக்காமல் கைது செய்வேன் என்கிறீர்கள்.   நெருப்போடு விளையாடுகிறீர்கள்.    இதற்கான விளைவுகளை நீங்கள் சந்திக்க வேண்டும் என்கிறார்.   கொஞ்சம் தயங்கிய தேவாரம் மைக் மூலமாக, உயர்நீதிமன்றத்தினுள் இருந்த காவலரை அழைத்து, அரசு குற்றவியல் வழக்கறிஞரிடம் விபரம் கேட்டு சொல்லும்படி உத்தரவிட்டார்.  15 நிமிடங்கள் கழித்து, மைக்கில் அந்த காவலர், அரசு குற்றவியல் தலைமை வழக்கறிஞர் பி.ஸ்ரீராமுலு, நீதிபதிகளின் தீர்ப்பை உறுதி செய்ததும், சுவாமியை செல்ல அனுமதித்தார்.    அங்கிருந்து நேராக தன் வீட்டுக்கு சென்ற சுவாமி, ஆளுனரை சந்திக்கப் போவதாக தெரிவித்தார்.  பத்திரிக்கையாளர்களும், அவர் பின்னாலேயே சென்றனர்.  ஆளுனர் மாளிகைக்கு சென்று, சென்னா ரெட்டியை சந்தித்த சுவாமி, மீண்டும் திரும்பி தன் வீட்டுக்கு வந்தார். சிறிது நேரம் கழித்து, முக்கிய டெவலப்மென்டுகள் இருப்பதாகவும், மீண்டும் ஆளுனரை சந்திக்கப் போவதாக அறிவித்து விட்டு கிளம்பினார். பத்திரிக்கையாளர்களும், அவர் பின்னாலேயே சென்றனர். ஹால்டா சந்திப்பு வந்ததும், சுவாமியின் கார், நிற்காமல் நேராக சென்றது. என்ன நடக்கிறது என்பதை உணரும் முன், சுவாமி, நேராக விமான நிலையம் சென்று, வாசலில் தயாராக போர்டிங் பாஸ் வைத்திருந்தவரிடம் அதை பெற்றுக் கொண்டு, எந்த லக்கேஜும் இல்லாமல், விமான நிலையத்தினுள் நுழைந்து, மும்பை செல்லும் விமான நிலையத்தில் ஏறினார்.   விமானம் கிளம்ப இன்னும் 30 நிமிடங்கள் இருந்தன.  செய்தியறிந்த ஜெயலலிதா ருத்ர தாண்டவம் ஆடினார். என்ன ஆனாலும் சரி. சுவாமியை விமானத்துக்குள் ஏறி கைது செய்யுங்கள் என்றார்.  அப்போது சென்னை மாநகர ஆணையர் ராஜகோபாலன்.  டிஜிபியாக ஸ்ரீபால் இருந்தார். இருவரும், விமான நிலைய வாயில் வரைதான் தமிழக காவல்துறையின் கட்டுப்பாடு.  விமான நிலையத்தின் உள்ளே மத்திய அரசின் கட்டுப்பாடு. விமான நிலையத்தில் ஏறுவதில்லை என்று முடிவெடுத்தனர்.    மறுநாள் காலை, புதிய டிஜிபி மற்றும் புதிய ஆணையர்.   ஆளுனரைப் பார்க்க சென்ற சுவாமி, ஆளுனர் மாளிகையில் இருந்து மத்திய உள்துறை அமைச்சராக இருந்த எஸ்.பி.சவாணை தொடர்பு கொண்டு, விபரத்தை சொல்லுகிறார்.   சவாண், உடனடியாக டெல்லி வருமாறும், டெல்லி விமானம் உடனடியாக இல்லாத காரணத்தால், மும்பை சென்று, அங்கிருந்து டெல்லி வருமாறும் கூறுகிறார்.   அதன்படி, மும்பை சென்ற சுவாமி, தமிழக காவல்துறையிடமிருந்து தப்பிக்க, நேராக பால் தாக்கரே இல்லத்தில் சென்று, தங்கி விட்டு, அங்கிருந்து டெல்லி சென்றார்.   டெல்லியில் 10.30 மணி முடிந்ததும் சுவாமியை கைது செய்யலாம் என்று தமிழக காவல்துறை காந்திருந்தது.  9 மணிக்கே உச்சநீதிமன்றத்தினுள் சென்ற சுவாமி தலைமை நீதிபதி அகமாதியை அவர் அறையில் சந்தித்து விபரங்களை தெரிவிக்கிறார்.   அகமாதி 10.30 மணிக்கு நீதிமன்றத்தினுள் வந்து கூறுமாறு கூறியதன் அடிப்படையில் அவ்வாறே செய்கிறார் சுவாமி. வழக்கின் விபரங்களை கேட்ட அகமாதி சிரித்து விட்டு, இந்தியாவில் எந்த மூலையில் அவர் கைது செய்யப்பட்டாலும், 100 ரூபாய்க்கான சொந்த ஜாமீனில் விடுதலை செய்யப்பட வேண்டும் என்று உத்தரவிட்டு, உத்தரவின் நகலையும் உடனே வழங்க உத்தரவிடுகிறார்.  வெற்றிக் களிப்போடு வெளியேறினார் சுவாமி. இந்த வழக்கின் தீர்ப்பு 27 ஏப்ரல் அன்று வழங்கப்பட உள்ளதாக தகவல்கள் கசிந்தன.  சென்னா ரெட்டி வழக்கு தொடுக்க கொடுக்க இருந்த அனுமதி சரி என்று சென்னை உயர்நீதிமன்றம் தீர்ப்பளிக்கும் என்று அறிந்ததும் 26 அன்று சட்டசபையில் ஒரு அடிமையை விட்டு கேள்வி கேட்க வைத்தார் ஜெயலலிதா. அவரும் அப்படியே கேட்டார். உடனே ஜெயலலிதா, நான் ஆளுனரை சந்திப்பதை ஏன் தவிர்க்கிறேன் என்றால், கடந்த முறை ஆளுனரை சந்தித்தபோது, என்னிடம் தகாத முறையில் நடந்து கொண்டார் என்று கூசாமல் ஒரு குண்டைத் தூக்கிப் போட்டார்.  இதுதான் ஜெயலலிதா.  தனக்கு எதிராக தீர்ப்பு வர இருக்கிறது என்று தெரிந்ததும் அதற்கு காரணமான சென்னா ரெட்டியை அவமானப்படுத்துகிறாராம்.   இந்த சம்பவத்தையும், தற்போது சொத்துக் குவிப்பு வழக்கின் புகார்தாரரான சுப்ரமணியன் சுவாமியின் மீது ஜெயலலிதா தொடர்ந்துள்ள 5 அவதூறு வழக்குகளையும் ஒப்பிட்டுக் கொள்ளுங்கள்.  தெளிவு பிறக்கும்.     அதன் பின் நீதிபதி என்.சீனிவாசன் ஆளுனர் அளித்த அனுமதி செல்லும் என்று தீர்ப்பளித்ததும், உச்சநீதிமன்றம் சென்று தடை பெற்றார் ஜெயலலிதா.   அந்த வழக்கு அரசியல் சாசன அமர்வுக்கு மாற்றப்பட்டு, இன்னும் உச்சநீதிமன்றத்தில் நிலுவையில் இருக்கிறது என்பது ஒரு சோகமான வரலாறு.   பதவியில் இருக்கும் ஒரு முதலமைச்சருக்கு எதிராக ஆளுனர் ஊழல் வழக்கு தொடுக்க அனுமதி கொடுத்த முதல் நபர் ஜெயலலிதா என்று வரலாற்றின் கருப்புப் பக்கங்களில் இடம் பிடித்தார் ஜெயலலிதா. இதற்கு முன், இதே போல மகாராஷ்டிர மாநிலத்தின் முதல்வர் ஏ.ஆர்.அந்துலேவுக்கு எதிராக அம்மாநில ஆளுனர் அனுமதி அளிக்க இருந்தார்.  ஆனால் அனுமதி அளிப்பதற்கு முன்னதாகவே, பதவியை ராஜினாமா செய்தார் அந்துலே. ஊழல் பேர்வழியாக இருந்தாலும், அந்துலே பொதுமக்கள் கருத்துக்கு மரியாதை கொடுத்தார்.      ஆனால் ஜெயலலிதா ?    இரண்டு தொகுதிகளுக்கு மேல் வேட்பு மனு தாக்கல் செய்யக் கூடாது என்பது தெரிந்தும், நான்கு தொகுதிகளில் வேட்பு மனு தாக்கல் செய்து, அதற்காக ஒரு புதிய வழக்கை வாங்கிய அறிவாளிதான் ஜெயலலிதா.   இந்த வழக்கு குறித்து பேசிய ஒரு மூத்த பத்திரிக்கையாளர் கூறுகையில் "18 ஆண்டுகளாக இந்திய நீதித்துறையை ஜெயலலிதா கற்பழித்துள்ளார். இது போல ஒரு வழக்கை இந்தியாவில் எந்த அரசியல்வாதியும் இழுத்தடித்தது கிடையாது. வழக்கறிஞரின் மாமனாருக்கு உடல் நிலை சரியில்லை என்பதையெல்லாம் காரணம் காட்டி வாய்தா கேட்டனர். நீண்ட தாமதத்துக்குப் பிறகு, இவ்வழக்கின் நீதிபதியாக நியமிக்கப்பட்ட பச்சாபுராவை கதற வைத்தனர்.  மனம் நொந்த அவர், கடந்த ஆறு மாதங்களாக இவ்வழக்கில் ஒரு முன்னேற்றமும் இல்லை. நான் இந்த நீதிமன்றத்தில் தனியாக எந்த வேலையும் இல்லாமல் அமர்ந்திருக்கிறேன். ஏறக்குறைய தனிமைச் சிறையில் இருப்பது போல உணர்கிறேன் என்று அவர் மனம் நொந்து புலம்பினார்.   அடுத்ததாக இவ்வழக்கில் அரசு வழக்கறிஞராக நியமிக்கப்பட்ட மூத்த வழக்கறிஞர் பி.வி.ஆச்சார்யா மீது கர்நாடக லோக் ஆயுக்தாவில் பொய்யான ஒரு வழக்கை தாக்கல் செய்து, அவரை மனம் நோகச் செய்து, ராஜினாமா செய்ய வைத்தனர்.  60 ரூபாய் ஊதியம் பெற்ற ஒருவருக்கு 66 கோடி ரூபாய் எப்படி வந்தது என்ற மிக மிக எளிமையான வழக்கு இது. ஆனால், 18 வருடங்களாக இந்த வழக்கை இழுத்தடிக்க ஒரு அரசியல்வாதியால் முடிகிறது என்பது, இந்தியாவின் மிகப்பெரிய சாபக்கேடு." என்ற அவர் மேலும், "தனது நண்பர்கள் ஒவ்வொருவராக எதிரியாக்கியதன் மூலம், ஜெயலலிதா தன்னுடைய மரண வேட்கையை வெளிப்படுத்துகிறார்.  90 வயதிலும் கருணாநிதிக்கு இன்னும் மூன்று முறை முதல்வராக வேண்டும், கட்சியையும் தமிழகத்தையும் ஆள வேண்டும் என்ற வேட்கை உள்ளது.  ஆனால், ஒவ்வொரு முறையும் ஜெயலலிதா தன்னுடைய மரண வேட்கையைத்தான் வெளியிட்டுக் கொண்டிருக்கிறார்" என்றார். அவர் கூறியது உண்மை என்று உணர்த்தும் வண்ணமே ஜெயலலிதாவின் நடவடிக்கைகள் அமைந்துள்ளன. ஜெயலலிதாவோடு, ஒட்டி உறவாட விரும்பும் பல்வேறு பார்ப்பனீய சக்திகள் பிஜேபி முழுக்க நிறைந்துள்ளன. ஆனால், எந்த விதமான அரசியல் மாற்றத்தையும் ஏற்படுத்த இயலாத ஒரு மிக மிக சாதாரணமான உள்ளாட்சி இடைத்தேர்தலில் போட்டியிடும் ஒரே கட்சியான பிஜேபியின் வேட்பாளர்களை கடத்துவது, கட்சி மாறச் செய்வது, வேட்பு மனுக்களை வாபஸ் பெறச் செய்வது என்ற தனது நடவடிக்கைகளின் மூலம், ஜெயலலிதா தனது மரண வேட்கையையே வெளிப்படுத்திக் கொண்டிருக்கிறார்.   எப்படியாவது ஜெயலலிதாவுக்கு உதவலாம் என்று நினைப்பவர்களைக் கூட, வம்பாக சண்டை இழுத்து எதிரியாக்குகிறார்.       நாளை சிறை என்ற அச்சுறுத்தல் இருக்கையில் உலகில் எந்த அரசியல்வாதியாவது,  மின் கட்டணத்தை 20 சதவிகிதம் உயர்த்துவானா ? இது ஜெயலலிதாவின் மன நிலையையும், சாடிசத் தன்மையையுமே உணர்த்துகிறது.  இப்படிப்பட்ட ஒரு மன நிலை உடையவர் தொடர்ந்து தமிழகத்தை ஆட்சி செய்தால், அதனால், தமிழக மக்கள் அடைய உள்ள துன்பங்கள் ஒன்றிரண்டு அல்ல.   ஜெயலலிதாவின் வழக்கு குறித்து எழுதாவிட்டால் ஜெயலலிதா காப்பாற்றப்படுவார் என்பது போன்ற பொய்யான நம்பிக்கையின் அடிப்படையில் இந்த ஊடகங்கள் மவுனம் காக்கின்றன.  ஜெயலலிதாவின் 91 ஆட்சியிலும், 2001 ஆட்சியிலும், பல்வேறு ஊழல்கள் வெளி வந்ததற்கான ஒரே காரணம் ஊடகங்களின் அற்புதமான பணிதான்.   ஆனால், 2011 ஆட்சியில் ஊடகங்கள் மிக மிக மோசமான துரோகத்தை தமிழகத்துக்கு செய்து கொண்டிருக்கின்றன.  ஊடகங்களின் மவுனம், இந்த ஜனநாயகத்துக்கு மிகப்பெரிய ஆபத்து".     செய்திப்பகிர்வு: ஊரவன் ஒருவன் - கனடா.

மேலும் படிக்கவும் 18 மறுமொழிகள் சுதர்சன் 27-09-2014

'பாடுவது கடவுள் தந்த வரம்'

அதிகப்பாடல்களைப்பாடிய எஸ்.பி.பாலசுப்பிரமணியம் பொதுவாக அதிகம் பேசாதவர். பேசினால் அதில் உணர்ச்சியின் சதவீதம் அதிகமாக இருக்கும். 35 வருடங்களுக்கு முன் எஸ்.பி.பி. தனது மயக்கும் குரலில் பாடிய சங்கராபரணம் படம் மீண்டும் வெளியாகிறது. இந்தமுறை தமிழில். படம் குறித்த அவரது பேச்சில் உணர்ச்சி துலங்கியது.   கடவுள் கொடுத்த வரம்...   1979 -இல் சங்கராபரணம் பாடல்களை விஜயா கார்டனில் பதிவு செய்த போது என்னுடைய வயது 33. இப்போது வயது 68. கிட்டத்தட்ட 35 வருடங்களுக்குப் பிறகு அதே பாடல்களை தமிழில் பாடியிருக்கிறேன். இந்த வயதிலும் என்னுடைய குரல் அப்படியே இருக்கிறது என்றால் அதை கடவுள் கொடுத்த வரமாக நினைக்கிறேன். தற்கொலை செய்திருப்பேன்...   சங்கராபரணத்தை இயக்கிய கே.விஸ்வநாத் என்னுடைய பெரியப்பா மகன்தான். இந்தப் படத்தை எடுப்பது தொடர்பாக அவர் என்னுடைய அப்பாவிடம் பேசியிருக்கிறார். உடனே அவர் என்னை வைத்து பாட வை என்றார். நான் சொன்னால் அவன் கேட்பானா என்று விஸ்வநாத் கேட்டிருக்கிறார். அதற்கு அப்பா, கேட்கவில்லை என்றால் மூஞ்சியில் குத்தி பாட வை. சங்கராபரணம் பாடலை பாட அவன் கொடுத்து வைத்திருக்க வேண்டும் என்றார். கே.வி.மகாதேவனின் உதவியாளர் புகழேந்திதான் எனக்கு பயிற்சி தந்து பாட வைத்தார். பேப்பரில் இருக்கும் வரிகளை எண்ணிப் பாடாமல் ஆழ்மனதிலிருந்து பாடு என்று அவர்தான் எனக்கு அறிவுறுத்தினார். யாராவது சங்கராபரணம் பாடல்கள் சரியில்லை என்று சொல்லியிருந்தால் தற்கொலை செய்திருப்பேன்.   கண் கலங்கிய ரசிகர்கள்...   சங்கராபரணம் வெளிவந்தவுடன் நான் பார்க்கவில்லை. படம் பார்த்த ரசிகர்கள் கிளைமாக்ஸை பார்த்து கண்கலங்கிச் சென்றதை பார்த்திருக்கிறேன். மூன்று நாள்கள் கழித்தே நண்பர்களுடன் சங்கராபரணத்தைப் பார்த்தேன். படம் ஆரம்பித்ததிலிருந்து முடிந்ததுவரை எல்லாமே கடவுளின் அனுக்கிரகம்தான். பாட்டு பாட நான் முறையாக பயிற்சி எடுத்துக் கொண்டதில்லை. கேட்ட ஞானத்தை வைத்தே பாடுகிறேன்.   நான்தான் அறிமுகம் செய்து வைத்தேன்...   இந்தப் படத்தின் ஹீரோ சோமயாஜுலு ஆந்திராவில் ஒரு மாவட்டத்தில் உதவி கலெக்டராக இருந்தார். அவரை நான்தான் இந்தப் படத்தில் அறிமுகப்படுத்தினேன். இந்தப் படத்தைப் பற்றி பேசினால் நிறைய நினைவுகள் வருகிறது. முக்கியமாக இந்தப் படத்தைப் பற்றி கேள்விப்பட்ட லதா மங்கேஷ்கர், உடனே படத்தைப் பார்க்க வேண்டும் என்று சிவாஜிக்கு தகவல் சொல்லி மும்பையிலிருந்து சென்னை வந்து படத்தைப் பார்த்துவிட்டுச் சென்றார்.   நான்கு ஜாம்பவான்கள்....   இந்தப் படத்தில் நான்கு ஜாம்பவான்கள் உள்ளனர். ஒருவர் தயாரிப்பாளர். அடுத்து படத்தை இயக்கிய விஸ்வநாத். ஒளிப்பதிவு செய்த பாலுமகேந்திரா. படத்துக்கு இசையமைத்த கே.வி.மகாதேவன்.   வணக்கம் பாலு...   சங்கராபரணம் எனக்கு மரியாதை பெற்றுத் தந்த படம். அதுவரை பாலு என்று என்னை அழைத்தவர்கள் படம் வெளியான பிறகு வணக்கம் பாலு என்று அழைக்கத் தொடங்கினார்கள். வெட்டு, குத்து எல்லாம் இல்லாத அமைதியான படம் இது. மனதுக்கு அமைதியை தந்த படம்.

மேலும் படிக்கவும் மறுமொழி இல்லை சுதர்சன் 27-09-2014

குடும்ப வாழ்க்கைக்கு அதிக செலவுகூடிய நகரமாக லண்டன்.

குடும்பங்கள் வசிக்க அதிக செலவாகும் பெரு நகரங்கள் பட்டியலில் லண்டன் முதலிடத்தைப் பிடித்துள்ளது என்று ஆய்வறிக்கைத் தகவல் வெளியாகியுள்ளது.  குடும்பங்கள் வசிக்க அதிக செலவாகும் பெரு நகரங்கள் பட்டியலில் ஹாங்காங் முதலிடத்தில் இருந்தது. இப்போது ஹாங்காங்கை பின்னுக்குத் தள்ளிவிட்டு முதலிடத்தை லண்டன் பிடித்துள்ளது. இரண்டாவது இடத்தில் ஹாங்காங், அடுத்து நியூயார்க் என்று அதிசயத் தக்க வகையில் பட்டியல் நீண்டு வருகிறது.   ஆனால் மிகக் குறைந்த செலவில் குடும்பங்கள் வசிக்க தகுதியான பெரு நகரங்களில் மும்பை முதலிடத்தில் உள்ளது என்று இந்த சர்வதேச ஆய்வறிக்கை தெரிவிக்கிறது.லண்டனில் அதிக வெளிநாட்டினர் வசிக்கத் தொடங்கி இருப்பதாலும், அவர்கள் சுத்தம், தரம் இவைகள் இரண்டுக்கு மட்டுமே அதிக முக்கியத்துவம் கொடுப்பதாலும் லண்டன் ஏழைகள் வசிக்கத் தகுந்த பெரு நகரம் இல்லை என்றும் அந்த ஆய்வறிக்கைத் தகவல் தெரிவிக்கிறது. இதே போன்று மும்பைக்கு உணவுப் பொருள் வரத்து, மற்ற அத்தியாவசியப் பொருட்கள் வரத்து என்று அனைத்து வரத்துக்களுக்கும் ஏதுவான எளிதான சூழல் எப்போதுமே நீடித்து வருவதால், மிகக் குறைந்த செலவில் குடும்பங்கள் வசிக்க முடியும் அளவிலான பெரு நகரம் மும்பை என்றும் அந்த ஆய்வறிக்கைத் தெளிவாகத் தெரிவிக்கிறது.

மேலும் படிக்கவும் மறுமொழி இல்லை சுதர்சன் 27-09-2014

மனைவியின் மூக்கைத்துண்டித்த கணவன்.

ஆப்கானிஸ்தானில் ஒருவர் தனது மனைவியின் மூக்கை கத்தியால் துண்டித்துவிட்டு, தப்பித்த சம்பவம் பெரும் பரபரப்பை ஏற்படுத்தியுள்ளது.   இந்த ஆண்மகன் தனது மனைவியை அடிக்கடி துன்புறுத்தியுள்ளதாகக் கூறப்படுகிறது. இவரது விரல் நகங்கள் நீக்கப்பட்டிருப்பதாகவும், ஒரு வாரத்திற்கு உணவு, தண்ணீர் இல்லாமல் இப்பெண் ஒரு அறையில் அடைக்கப்பட்டிருந்தார் என்றும் தைகன்டி மகளிர் விவகாரத்தலைவர் சக்கியா ரிசாய் செய்தியாளர்களிடம் தெரிவித்துள்ளார்.   பெண்களுக்கு எதிரான இதுபோன்ற கொடூர சம்பவங்கள் ஆப்கானிஸ்தான் நாட்டில் குறைவு தான் என்றாலும் தற்போது இத்தகைய குற்றச்செயல்கள் அதிகரித்துக் கொண்டிருப்பதாக மனித உரிமை ஆணையம் குறிப்பிட்டுள்ளது.   2012 ஆம் ஆண்டை விட சென்ற ஆண்டு பெண்களுக்கு எதிரான கொடுமைகள் 25 சதவிகிதம் அதிகரித்துள்ளதாக இந்த அமைப்பு கூறியுள்ளது, குறிப்பிடத்தக்கது.

மேலும் படிக்கவும் மறுமொழி இல்லை சுதர்சன் 27-09-2014

விஜய்யை வைத்து அக்சன் படம் இயக்கும் சிம்பு தேவன்.

விஜய்யின் கத்தி பட பிரச்சினை ஒருவழியாக தீர்ந்து விட்டதாகவே தெரிகிறது. படத்தின் ஆடியோ வெளியீடு நடப்பது வரை பெரிய அளவில் மிரட்டல் விடுத்து வந்த சில அமைப்புகள், இப்போது கத்திக்கு எதிராக அறிக்கை விடுவதையும் நிறுத்திக் கொண்டுள்ளனர். அதனால் கத்திப்படக்குழுவும், விஜய் ரசிகர்களும் உற்சாகத்தில் காணப்படுகிறார்கள்.   மேலும், கத்தி தீபாவளிக்கு திரைக்கு வருவது உறுதியாகி விட்ட நிலையில், அடுத்து விஜய்யை இயக்கும் சிம்புதேவன் ஆக்சன் சொல்ல தயார் நிலையில் இருக்கிறார். விஜய் பாணியில் லவ் செண்டிமென்ட் என கதை உருவாக்கியுள்ள சிம்புதேவன் கூடுதல் காமெடியையும் மிக்ஸ் பண்ணியிருக்கிறாராம். இதனால் சமீபகாலமாக ஆக்சன் விஜய்யை படத்துக்குப்படம் பார்த்து வந்த ரசிகர்களுக்கு இந்த படத்தில் ஒரு ரிலாக்ஸ் கிடைக்கும் என்கிறார்கள். மேலும், இப்படத்தில் விஜய்க்கு ஜோடியாக ஸ்ருதிஹாசன் நடிப்பதாக செய்திகள் கசிந்துள்ளன. மேலும், 16 வயதினிலே மயிலு ஸ்ரீதேவி ஒரு முக்கிய வேடத்திலும், நான் ஈ சுதீப் வில்லனாக நடிப்பதும் உறுதியாகி விட்டது. தற்போது கத்தி பட இறுதிகட்ட வேலைகள் நடந்து வரும் நிலையில, ஓய்வெடுத்து வரும் விஜய், நவம்பர் மாதம் 8-ந்தேதி முதல் சிம்புதேவன் இயக்கும் படத்தின் படப்பிடிபபில் கலந்து கொள்கிறாராம்.   இதற்கிடையே ராஜாராணி அட்லி இயக்கும் படத்திலும் விஜய் நடிக்கிறார். சிம்புதேவன் படத்தை முடித்து விட்டு அட்லி படத்தில் நடிக்கிறாரா? இல்லை இரண்டு படங்களிலுமே ஒரே நேரத்தில் நடிக்கிறாரா? என்பது விரைவில் தெரியவரும்

மேலும் படிக்கவும் மறுமொழி இல்லை சுதர்சன் 26-09-2014

யாழிலிருந்து ரத்மலானவரையும் வசு சேவை.

இலங்கை போக்குவரத்து சபையின் யாழ்ப்பாணம் – புறக்கோட்டை வரையிலான பஸ் சேவை இன்று முதல் இரத்மலானை வரையில் விஸ்தரிக்கப்படவுள்ளதாக கோண்டாவில் போக்குவரத்து சாலை முகாமையாளர் எஸ்.குலபாலசெல்வம் தெரிவித்தார். இலங்கை போக்குவரத்து சபையால் இதுவரை யாழ்ப்பாணத்திலிருந்து புறக்கோட்டை மத்திய பஸ் நிலையம் வரை பஸ் சேவை இடம்பெற்று வந்தது. வெள்ளவத்தை வரை இந்த பஸ் சேவையை நடத்துமாறு பொதுமக்கள் வேண்டுகோள் விடுத்திருந்தனர். அதற்கமைய, இலங்கை போக்குவரத்து சபை அதிகாரிகளுடன் கலந்துரையாடி சேவையை நீடிப்பது தொடர்பாக தீர்மானம் எடுக்கப்பட்டு, இன்று முதல் இரத்மலான வரை பஸ் சேவை இடம்பெறவுள்ளது. தினமும் மாலை ஆறு மணிக்கு இரத்மலானையில் இருந்து புறப்படும் பேருந்து காலி வீதி ஊடாக புறக்கோட்டையை சென்றடைந்து, அங்கிருந்து இரவு 8 மணிக்கு யாழ்ப்பாணம் நோக்கி புறப்படத் தயாராகும் என்றும் அவர் மேலும் தெரிவித்தார்.

மேலும் படிக்கவும் மறுமொழி இல்லை சுதர்சன் 26-09-2014

போகோ ஹராம் தலைவர் கொலை.

நைஜீரியப்படைகள் நடத்தியத் தாக்குதலில் போகோ ஹராம் தலைவர் என்று கருதக்கூடிய முகமது பஷீர் கொல்லப்பட்டதாக நைஜீரிய ராணுவம் தெரிவித்துள்ளது. நைஜீரியாவின் போர்னோ மாகாணத்தின் கொடுங்கா எனும் இடத்தில், புதன்கிழமை இரவு போகோ ஹராம் தீவிரவாதிகளை குறிவைத்து நடத்தப்பட்ட தாக்குதலில், அந்த இயக்கத்தின் தலைவரான முகமது பஷீர் கொல்லப்பட்டதாக பாதுகாப்புத் துறை அதிகாரி ஒருவர் தெரிவித்துள்ளார். நைஜீரிய அரசுக்கு கடந்த ஐந்து ஆண்டு காலமாக அச்சுறுத்தலாக போகோ ஹராம் அமைப்பு இருந்து வருகிறது. இஸ்லாமிய கட்டளைகளை பின்பற்றும் அரசு ஏற்படுத்த வேண்டும் என்ற நோக்கத்தோடு அங்கிருக்கும் மக்கள் மீது அந்த அமைப்பு தாக்குதல் நடத்தி வந்தது. கொல்லப்பட்ட முகமது பஷீர் போகோ ஹராமின் பல்வேறு மிரட்டல் வீடியோக்களில் தோன்றி இருந்தவர் ஆவார். அந்த இயக்கத்தின் தலைவர் முகமது பஷீர் கொல்லப்பட்டதை அடுத்து அந்த இயகத்தின் முக்கிய தலைவர்களாக செயல்பட்டு வந்தவர்கள் உட்பட 260-க்கும் மேற்பட்டோர் சரணடைந்துள்ளதாக அந்நாட்டு ராணுவம் தகவல் வெளியிட்டுள்ளது.

மேலும் படிக்கவும் மறுமொழி இல்லை சுதர்சன் 26-09-2014

கல்யாணத்துக்கு முன் பிள்ளை பெற விரும்பும் சுருதிஹாசன்.

திருமணத்துக்கு முன் முதலில் குழந்தை பெற்றுக் கொள்வேன் என்று சுருதி ஹாசன் கூறியுள்ளார்.   தொலைக்காட்சி ஒன்றிற்கு பேட்டியளித்த சுருதி ஹாசன் கூறியபோது, என் தாயும் தந்தையும் அழகான ஜோடியாக இருந்ததை நான் பார்த்து இருக்கிறேன். ஒருவருக்கொருவர் நிறைய அன்பு செலுத்தினார்கள். சந்தோஷமான குடும்பமாக இருந்தோம். தாய்–தந்தை போலவே நானும் சமூக வரையறைகளுக்குள் சிக்க விரும்பவில்லை. திருமணத்துக்கு முன்பு குழந்தை பெற்றுக்கொள்ள வேண்டும் என்ற ஆசை இருக்கிறது. அதற்கு பிறகுதான் திருமணமே செய்து கொள்வேன் என்றார்.

மேலும் படிக்கவும் 6 மறுமொழிகள் சுதர்சன் 25-09-2014

ஆனந்தபாபு மகன் அறிமுகம்.

ராட்டினம்’ என்ற படத்தைத் தயாரித்த ராஜரத்தினம் பிலிம்ஸ் அடுத்ததாக தயாரிக்கும் படம் ‘கல்கண்டு.’   இதில் மறைந்த நகைச்சுவை நடிகர் நாகேஷின் பேரனும், நடிகர் ஆனந்த்பாபுவின் மகனுமான கஜேஸ் ஹீரோவாக அறிமுகமாகிறார். டிம்பிள் சோப்டே என்னும் புதுமுகம் ஹீரோயினாக அறிமுகமாகியிருக்கிறார். கே.வி.சுரேஷ் ஒளிப்பதிவு செய்ய படத்திற்கு கண்ணன் இசையமைத்துள்ளார். கதை, திரைக்கதை, வசனம் எழுதி இயக்குகிறார் A.M.நந்தகுமார். இந்த படத்தின் இசை வெளியீட்டு விழா சத்யம் திரையரங்கில் நடைபெற்றது.   இந்த இசை வெளியீட்டு விழாவில் பேசிய டி.ராஜேந்தர், “நகைச்சுவை நடிகர்கள் மக்களை மட்டும் சிரிக்க வைக்கக் கூடாது… அவரை வைத்து படம் தயாரிக்கும் தயாரிபாளர்களையும் சிரிக்க வைக்க வேண்டும்.   சில நகைச்சுவை நடிகர்கள் கோடி கணக்கில் சம்பளம் கேட்கிறார்கள். அது நியாயம்தானா..? என்னிடம் 1500 ரூபாய் சம்பளம் வாங்கிய ஒரு நகைச்சுவை நடிகர் இன்று கோடிக்கணக்கில் சம்பளம் கேட்கிறாராம். நான் அவர் பின்னால் போனதில்லை.   அந்தக் காலத்தில் நகைச்சுவை நடிகர்கள் ஒரு மணி நேரம், ஒன்றரை மணி நேரம் படத்தில் நடித்தே அந்த தயாரிப்பாளரையும் மக்களையும் சிரிக்க வைத்தார்கள். ஆனால் இன்று தயாரிப்பாளரை அழ வைத்து,